ئەڤرۆ نیوز، زنار تۆڤی:
د روودانەکا هاتنوچوونێ دا، چار کەس د ترۆمبێلەکێ دا سۆتن و گیانێ خوە ژ دەستدان.
ئەو روودانە ل سەر رێیا دوكان – رانیە دناڤبەرا سێ ترۆمبێلان دا روودایە و چار كەس دناڤا ئێک ژ وان ترۆمبێلان دا بووینە و هاتینە سۆتن، راگەهاندنا قائیمقامیا قەزا دوكان وێنێ ترۆمبێلا (تۆیۆتا پرادۆ) بەلاڤکریە و نڤێسیە، کو هەموو کەسێن دناڤا وێ ترۆمبێلێ دا هاتینە سۆتن و گیانێ خوە ژ دەستداینە، کو ژنەک و زەلامەک و دو زارۆک بوون، لێ ژ ئەگەرێ سۆتنا لەشێ وان نەهاتینە نیاسین.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا کەسەک بریندار بوو.
ناڤهاتی زێدەتر گۆت: ل دەمژمێر (12:30) شەڤا بوری، ل سەر جادا سێمێلێ بۆ زالگەها ئالۆکا ترۆمبێلەکا تەکسی ژ جۆرێ تۆیۆتا کۆرۆلا ل ژێر کونترۆلا شوفێری دەرکەفتیە و وەرگەریایە د ئەنجامدا کەسەک بریندار بوویە و زیانێن مادی یێن مەزن ژی ب ترۆمبێلێ کەفتینە.
ئەڤرۆ نیوز:
نۆشدارێن بیاڤێ نەخۆشیێن هناڤان لیستەکا خوارنێ دیارکریە، کو هاریکارن بۆ باشترکرنا کارێ هناڤان و دوبارە دروستبوونا ناڤپۆشا هناڤان.
د مالپەرێ رووسیا تودەی دا، لیستەک ژ ئالیێن بسپۆرێن بیاڤێ خوارنێ و نەخۆشیێن هناڤان هاتیە بەرهەڤ کرن، کو گیزا هندێ، نەعناع، لەیمون و تیێن سۆر ڤەدگریت.
ئەڤە ژی ژبەر هندێ ئەو شیرێ کو دگیزا هندێ دا، ل دژی کیفکیێ و ڤایرۆسی یە، نەعناع یا هاریکارە ل کێمکرنا وەرمینێ و گرژبوونا قۆلۆنێ و هناڤان ئارام دکەت و وەرمینا زکی وقەبزیێ ناهێلیت.
هەروەسا ژبەر هەبوونا پەیوەندیێ د ناڤبەرا کێمبوونا ڤیتامین دی د لەشی دا و توشبوون ب نەخۆشیێن قۆلۆنێ، ژبەر وێیەکێ پێدڤیە وان ماسیان بخۆن ئەوێن کو زەنگینن ب ترشێ ئۆمیگا سێ.
تییا سۆر ژی بڕەکا زێدە یا ڕیشالان تێدایە و ئەگەر ب بەردەوامی بهێتە خوارن، دێ تەڤاهیا ڕیشالان بۆ لەشی بەرهەڤکەت و ب ڤی ئاوایی هاریکارە بۆ چارەسەرکرنا قەبزیێ.
لەیمون یا زەنگینە ب ڤیتامین سی کو هەڤسەنگیا لەشی رێکدئێخیت و هاریکارە ژ بەرهەمئینانا کۆلاجینێ کو یا پێدڤیە بۆ بەرگریکرنێ ل ئەندامێن هناڤان.
ئەڤرۆ نیوز:
ئەڤرۆ (27/08/2020) رێڤەبەریا گشتی یا ساخلەمیا پارێزگەها دهۆکێ راگەهاند: 235 تووشبوویێن دی یێن ڤایرۆسێ کۆرۆنایێ ل دهۆکێ کو د نەخۆشخانێدا بوون، پشتی هەموو پشکنین بۆ وان هاتینە کرن، دیاربوو کو ب تەمامی چارەسەربووینە و ب سلامەتی ژ نەخۆشخانێ دەرکەفتینە و چووینە د ناڤ کەسوکارێن خوە دا.
هەروەسا گۆت ژی: ب ڤێ چەندێ هژمارا چارەسەربوویان گەهشتە 1216 کەسان و نوکە 2242 نەخۆش ماینە د نەخۆشخانێدا.
ئەڤرۆ نیوز:
وەزارەتا ساخلەمی و ژینگەها عیراقێ راگەهاند: د ٢٤ دەمژمێرێن بوری دا، سێ هزار و ٦٥١ حالەتێن نوو یێن کۆرۆنایێ، سێ هزار و ٧٩٤ حالەتێن باشبوونێ و ٧٢ حالەتێن وەغەرکرنێ هاتینە تۆمار کرن.
هەتا نوکە ٢١٩ هزار و ٤٣٥ کەس ل عیراقێ تووشی ڤایرۆسێ کۆرۆنایێ بووینە، ژ وێ هژمارێ ژی هەتا نوکە ٦ هزار و ٧٤٠ کەسان ژیانا خوە ژ دەست دایە، دیسان ١٦١ هزار و ٩ کەس ژی باشبووینە.
ئەڤرۆ نیوز، رێوار محەمەد رەشید:
د رێورەسمەکێ دا ب ئامادەبوونا هەر ئێک ژ (ئالان حەمە سەعید) وەزیرێ پەروەردێ ل حوکمەتا هەرێما کوردستانێ و (د. عەلی تەتەر) پارێزگارێ دهۆکێ ، قوتابیێن پارێزگەها دهۆکێ یێن کو بووینە سەرکەفتی یێن ئێکێ ل سەر ئاستێ هەرێما کوردستانێ ئەڤرۆ رۆژا 27/8/2020 ل دەمژمێر 11:00 سپێدێ ل هۆتێلا ریکسۆس ل باژێرێ دهۆکێ هاتنە خەلاتکرن.
ئەحمەد عەبدوللا زۆبێر، رێڤەبەرێ راگەهاندنێ ل رێڤەبەریا گشتی یا پەروەردێ ل پارێزگەها دهۆکێ بۆ ئەڤرۆ نیۆز دیار کر پێنج قوتابیێن پارێزگەها دهۆکێ ل قووناغا 12 ئامادەیی بۆ سالا خواندنێ 2019 – 2020 بووینە سەرکەفتیێن ئێکێ ل سەر ئاستێ هەرێما کوردستانێ و گۆت: “ئەو خەلاتێن ئەڤرۆ پێشکێشی ڤان سەرکەفتیان هاتینەکرن یێن هەر ئێک ژ (نێچیرڤان بارزانی) سەرۆکێ هەرێما کوردستانێ و (مەسرۆر بارزانی) سەرۆکێ حوکمەتا هەرێما کوردستانێ بوون”.
ئەڤرۆ نیوز، زنار تۆڤی:
بۆ نەهێلان یان کێمکرنا ئاریشا ژبیرکرنێ ئەڤان رێیان بکار بینە، دێ مفایەکێ باش ژێ بینی، د ڤی واری دا
شەوکەت حەجی سەعید چارەسەرێ فیزیکی بۆ ئەڤرۆ نیوز دیار کر: پێدڤی یە رێکخستنا نڤستنا خوە بکەن، دیسان قەبارێ نڤستنا سرۆشتی بۆ ھەر مرۆڤەکی بالغ و چالاک ٦ – ٨ دەمژمێرن د دەمێ ٢٤ دەمژمێران دا، پێدڤیە نڤستن ب شەڤێ بیت نە ب رۆژ بیت، هەروەسا پێدڤیە ب رۆژێ چالاکیێن لڤاندنێ بکەی، ئانکو ھاتنوچوونێ یان غاردانێ ب پیان ھەتا باش ب وەستی و خوھ تە بدەت، یان ھەناسە ب لەز بکەڤیت و رۆژانە ڤێ چەندێ ئەنجام بدە.
ناڤهاتی گۆت ژی: مۆبایلێ کێمتر ب کار بینە، بتایبەت بەرێخودانا وێنە و کلیپێن تۆرێن جڤاکی و سناپان، باشترە هندەک دەمی دەست نیشان بکەی، لێ نە یێ دوم درێژ بیت، هەروەسا رۆژانە ب دەست خستنا سەقایێن ئارام و ئاخفتنێت خۆش و ب کەنی، بۆ پەیداکرنا ھەستێ شادی و بەختەوەریێ ھزر و تەخمینا خوشیێ بکەی دناخێ خوە دا، ھەر تشتەکێ تۆ نەشێی گوھۆرینێ بێخیێ، ھزرێ پێ نەکە و دووبارە نەکە و پیتە پێ نەکە، بۆ دەمێن درێژ و بۆ خوە نەکە ئالۆزی، ب ڤی رەنگی دێ ئارامی ل دەف تە پەیدا بیت.
ئه‌ڤرۆ نیوز:
کارگێریا یانا به‌رشه‌لۆنا دخوازیت بۆ وه‌رزێ نوو چه‌ند گوهۆینان ل پێکهاتیێ خوه دا بکه‌ت و ده‌ستا ژ چه‌ند یاریزانێن تیمێ به‌رده‌ت ل جهێ ئه‌وان هه‌ڤبه‌ستێ ل گه‌ل هژماره‌کا یاریزانێن نوو ئیمزا بکه‌ت.
رادیۆیا کەتەلۆنیا دیارکریه ل ماوێ چه‌ند روژێن بهێت به‌رپرسێن یانێ دێ کومبوونێ ل گه‌ل چار ستێرێن یانێ که‌ت بۆ کێمکرنا مووچێ وان، ژبه‌رکو نوکه خودان مووچه‌کێ بلندن دخوازن مووچێ وان کێم بکه‌ن، ئه‌و یاریزان ژی جیرارد پیکێ و بوسکێتس و ئه‌لبا و سێرجیو رۆبێرتۆ نە.
هاتیه دیارکرن ژی هه‌کو ئه‌و یاریزان رازی نه‌بن دبیت به‌رشه‌لۆنا هزرا فرۆتنا وان بکه‌ت و ل جهێ وان هه‌ڤبه‌ستێ ل گه‌ل چه‌ند ستێرن نوو ئیمزا بکه‌ت.
ئەڤرۆ نیوز:
وەزارەتا ساخلەمی و ژینگەها عیراقێ راگەھاند: د ٢٤ دەمژمێرێن بوری دا، سێ ھزار و ٨٣٧ حالەتێن نوو یێن کۆرۆنایێ و سێ ھزار و ٤٥٤ حالەتێن باشبوونێ و ٧٢ حالەتێن وەغەرکرنێ ھاتینە تۆمار کرن.
هەتا نوکە ٢١٥ ھزار و ٧٨٤ کەس ل عیراقێ تووشی ڤایرۆسێ کۆرۆنایێ بووینە، هەتا ڤی دەمی شەش ھزار و ٦٦٨ کەسان ب کۆرۆنایێ وەغەرکریە، دیسان ١٥٧ ھزار و ٢١٥ کەس ژی باشبووینە.
ئەڤرۆ نیوز:
ئەڤرۆ رێڤەبەریا گشتی یا ساخلەمیا پارێزگەها دهۆکێ راگەهاند: 39 تووشبوویێن دی یێن ڤایرۆسێ کۆرۆنایێ ل دهۆکێ کو د نەخۆشخانێدا بوون، پشتی هەموو پشکنین بۆ هاتینە کرن، دیاربوو کو ب تەمامی چارەسەربووینە و ب سلامەتی ژ نەخۆشخانەیێ دەرکەفتن و چوونە د ناڤ کەسوکارێن خوە دا.
هەروەسا گۆتیە: ب ئڤێ چەندێ هژمارا چارەسەربوویان گەهشتە 981 کەسان و نوکە 2403 نەخۆش ماینە د نەخۆشخانێ دا.
نيشاندان