ئەڤرۆ نیوز:
وەزارەتا ساخلەمی و ژینگەها عیراقێ راگەھاند: د ٢٤ دەمژمێرێن بوری دا دو ھزار و ٧٦٨ حالەتێن نوو یێن کۆرۆنایێ و دو ھزار و ٦٢٦ حالەتێن باشبوونێ و ٥٨ حالەتێن وەغەرکرنێ ھاتینە تۆمار کرن.
هەتا نوکە ٢٠٤ ھزار و ٣٤١ کەس ل عیراقێ تووشی ڤایرۆسێ کۆرۆنایێ بووینە، ژ وێ ھژمارێ شەش ھزار و ٤٢٨ کەسان وەغەر کریە، هەروەسا ١٤٦ ھزار و ٤٠٩ کەس ژی باشبووینە.
ئەڤرۆ نیوز:
ئەڤ شەڤه دێ یاریا دوماهیێ یا چامپیۆنز لیگا ئورۆپی دناڤبەرا هه‌ردو یانێن بایرن میونخ یا ئه‌لمانى و پاریس سان جێرمان یا فره‌نسى هێتە ئەنجامدان.
د ڤی وەرزی دا هه‌ردو یانان ناسناڤێن خول و جاما نافخوە یا وەلاتێن خوە بده‌ست ڤه ئیناینه، ئەڤ شەڤە ئارمانجا هەردو یان ژی ب دەستڤە ئینانا چامپیۆنز لیگە.
ئەڤە جارا ئێکێ یە یانا پاریسی دگەهیته یاریا دووماهیێ و ژ پێخەمەت ڤێ چەندێ چه‌ندین یاریکەرێن ناڤدار یێن جیهانی کرینە، ل هەمبەری ڤێ چەندێ یانا بایرن یا ئەلمانی دێ بزاڤان كه‌ت، بۆ جارا شه‌شێ ناسناڤێ چامپیۆنز لیگێ بده‌ست خوە ڤه بینیت.
هەروەسا ئه‌ڤ شەڤە بۆ جارا دەهێ ێ یانێن پاریس و بایرن روو ب روو ئێك بن، د یاریێن بورى دا بایرن چار جاران سه‌ركه‌فتن تۆمار كریه و پاریس ژى پێنج جاران سه‌ركه‌فتن تۆمار کریه و جارەکێ ژى وه‌كهه‌ڤ بووینه، یاریا ئەڤ شەڤە دێ ل ده‌مژمێر 10:00 شه‌ڤ ل یاریگه‌ها لوس ل له‌شبۆنه یا پورتۆگالى هێته ئه‌نجام دان.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا دو کەس بریندار بوون.
ناڤهاتی زێدەتر ئاشکرا کر: ئەڤرۆ ئێکشەمبی ۲۰۲۰/۸/۲۳ ل دەمژمێر (۷:۲۰) سپێدێ روودانەکا ترافیکێ ل ئاکرێ روودایه و د ئەنجامدا دو کەس بریندار بووینە.
ئەڤرۆ نیوز:
سکرتێرێ جڤاتا وەزیرێن هەرێما کوردستانێ راگه‌هاند: ل هه‌فتیا بهێت كۆمبوونێن دناڤبەرا هه‌رێما كوردستانێ و به‌غدا بۆ چاره‌سه‌ركرنا كێشێن دناڤبەرا هەردو ئالیان دا دێ ده‌ست پێبكه‌ن.
ئامانج رەحیم، سکرتێری جڤاتا وەزیرێن هەرێما کوردستانێ و ئەندامێ شاندێ عیراقێ ل ئەمریکا گۆتیه ژی: بریارە ل حەفتیا بهێت کۆمبوونێن هەرێمێ و بەغدا دەست پێبکەن و درێژی بهێتە دان ب کۆمبوونێن بەری نوکە و کارکرن بۆ رێککەفتنەکا کۆنکریتی ل سەر ئیلتزامێن نەفتێ و دارایا هەرێمێ و زامنکرنا ماف و بەشە بوودجێ هەرێمێ د چارچۆڤێ پرۆژە قانوونا بوودجێ عیراقێ بۆ سالا 2021.
ئەڤرۆ نیوز:
بریاردەرێ لژنا دارایی ل پەرلەمانێ عیراقێ قەبارێ قەرێن دەرەكی و ناڤخۆیی یێن عیراقێ ئاشكرا كرینە و گۆتیە: هەر ژ سالا 2019 لژنا دارایی قەرێن دەرەكی راگرتبوون، بەلێ ژ ئەگەرێ بەلاڤبوونا ڤایرۆسێ كۆرۆنایێ و ئەو قەیرانا دارایی یا ب سەر عیراقێ دا هاتی و نە دابینكرنا مووچێن فەرمانبەران، دەلیڤە ب حوکمەتا كازمی هاتیە دان، ب تنێ بۆ جارەكێ قەرێن دەرەكی ب گوژمێ 5 ملیار دۆلاران ژ بەنكا نێڤدەولەتی بكەت، دیسان گوژمێ 15 ملیار دیناران وەكو قەرێن ناڤخۆیی ژی وەربگریت.
ئەحمەد سەفار بریاردەرێ لژنا دارایی ل پەرلەمانێ عیراقێ دیار کر ژی: قەرێن دەرەكی یێن عیراقێ گەهشتینە 30 ملیار دۆلاران و قەرێن ناڤخۆیی ژی گەهشتینە 50 ملیار دینارێن عیراقی، هەروەسا لژنا دارایی دەمێ 60 رۆژان وەكو دەلیڤە دایە حوکمەتا مستەفا كازمی بۆ ئەنجامدانا چاكسازیێن دارایی و ئابووری، پێدڤیە حوکمەت كونترۆلێ ل سەر داهاتێن گشتی بكەت و پشت بەستنێ ب تنێ ل سەر داهاتێ نەفتێ نەكەت.
ئەڤرۆ نیوز:
سوبه‌هى ئێکشەمبی 23.8.2020 دێ یاریا دوماهیێ یا چامپیۆنز لیگا ئورۆپی دناڤبەرا هه‌ردو یانێن بایرن میونخ یا ئه‌لمانى و پاریس سان جێرمان یا فره‌نسى هێتە ئەنجامدان.
د ڤی وەرزی دا هه‌ردو یانان ناسناڤێن خول و جاما نافخوە یا وەلاتێن خوە بده‌ست ڤه ئیناینه، ئارمانجا هەردو یان ژی ب دەستڤە ئینانا چامپیۆنز لیگە.
ئەڤە جارا ئێکێ یە یانا پاریسی دگەهیته یاریا دووماهیێ و ژ پێخەمەت ڤێ چەندێ چه‌ندین یاریکەرێن ناڤدار یێن جیهانی کرینە، ل هەمبەری ڤێ چەندێ یانا بایرن یا ئەلمانی یا بزاڤان دكه‌ت، بۆ جارا شه‌شێ ناسناڤێ چامپیۆنز لیگێ بده‌ست خوە ڤه بینیت.
هەروەسا ئه‌ڤه بۆ جارا دەهێ یە یانێن پاریس و بایرن دێ روو ب روو ئێك بن، د یاریێن بورى دا بایرن چار جاران سه‌ركه‌فتن تۆمار كریه و پاریس ژى پێنج جاران سه‌ركه‌فتن تۆمار کریه و جارەکێ ژى وه‌كهه‌ڤ بووینه، یاریا سوبه‌هى دێ ل ده‌مژمێر 10:00 شه‌ڤ ل یاریگه‌ها لوس ل له‌شبۆنه یا پورتۆگالى دێ هێته ئه‌نجامدان.
ئەڤرۆ نیوز:
هێزێن پاسەوانێن سنوری یێن عیراقێ هژمارەکا خێزانێن چەكدارێن داعش ل دەڤەرا قائیم دەستەسەر كرن، کو وان خێزانا بزاڤ دکرن ژ سووریێ دەربازی عیراقێ ببن.
دەزگەهێ هەوالگیریا عیراقێ راگەهاند: کو ب دەهان خێزانێن چەكدارێن داعشێ بزاڤ دکرن ل دەڤەرا قائیم یا سەر ب پارێزگەها ئەنبار ڤە ژ سووریێ دەربازی عیراقێ ببن، بەلێ ب هەڤكاریا سۆپایێ سووریێ ئەو خێزانە هاتنە دەستەسەر كرن.
هەروەسا گۆتیە: ب سەدان خێزانێن چەكدارێن داعش دناڤ سووریێ دا خوە بەرهەڤ كریە دەربازی عیراقێ ببن، بەلێ هەتا نوكە دەلیڤە بۆ خوە نەدیتیە.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا کەسەکێ وەغەر کر.
ناڤهاتی زێدەتر ئاشکرا کر: ل رۆژا ئەینی 2020/8/21 ل سەر جادا سەرەکی یا باتیفا بۆ زاخۆ و ل نێزیک گوندێ دارهوزانێ ترۆمبێلەکا تابیەت تۆیۆتا کۆرۆلا ل ژێر کونترۆلا شۆفێری دەرکەفتیە وەرگەریا یە د ئەنجامدا ئاگر بەربوویە وێ ترۆژمبێلێ و وەلاتیەکێ وەغەر کریە و ترۆمبێل ژی ب تەمامی هاتە سوتن.
نيشاندان