ئەڤرۆ نیوز:
سەقاناسیا ھەرێمێ بلندترین پلا گەرمێ یا ئەڤرۆ سێشەمبی بەلاڤکریە و تێدا ھاتیە، کو بلندترین پلا گەرمێ ل کەرکوک و دوزخورماتوو بوویە،کو ٥۰ پلا سیلیزی بوویە.
رێڤەبەریا گشتی یا سەقاناسی و ئەردھەژان ل ھەرێما کوردستانێ بلندترین پلا گەرمێ یا ھاتیە تۆمار کرن بەلاڤکریە، لدووڤ وێ لیستێ کەرکوک و دوزخورماتوو ب ٥۰ پلەیان بلندترین پلا گەرمێ بوون و نزمترین پلە ژی ل کانیماسێ بوویە کو ۳٨ پلا سیلیزی بوویە.
پلا گەرمێ ل ھەولێرێ ٤۷ بوویە ، ل سلێمانیێ ٤٦ ، ل دھۆکێ ژی ٤٦ پلە بوویە.
ئەڤرۆ نیوز:
ئەڤرۆ سێشەمبی، وەزارەتا ساخلەمی و ژینگەها عیراقێ راگەهاند: دو هزار و ٥٦٢ حالەتێن نوو یێن کۆرۆنایێ، دو هزار و ١٩٧ حالەتێن چێبوونێ و ٧١ حالەتێن وەغەرکرنێ هاتنە تۆمار کرن.
هەتا نوکە ١١٥ هزار و ٣٣٢ کەس ل عیراقێ تووشی ڤایرۆسێ کۆرۆنایێ بووینە، ژ وێ هژمارێ چار هزار و ٥٣٥ کەسان وەغەر کریە، ٨١ هزار و ٦٢ کەس ژ وێ نەخۆشیێ چێبووینە.
ئەڤرۆ نیوز، رێوار محەمەد رەشید:
وەزارەتا دەرڤە یا عیراقێ د راگەهاندنەکێ دا ئاشکرا کر: کو ڤیزا راستەوخوە بۆ وەلاتیێن تورکیا دێ هێتە ڕاگرتن، ئەڤە ژی ژ ئەگەرێ وێ چەندێ یە کو تورکیا پاپەندی وێ رێککەفتنا بەری نوکە نەبوویە کو ل سالا 2009 هاتیەکرن کو رێ دهاتەدان وەلاتیێن عیراقێ بێ کو سەرەدانا قۆنسلخانا یان بالیۆزخانێن تورکیا بکەن دێ ڤیزێ وەرگرن.
وەزارەتا دەرڤە یا عیراقێ د هەمان راگەهاندن دا خویا کریە کو عیراق د چارچۆڤێ بەرژەوەندی و سەرخستنا هەڤکاریا دولایەنانە پاپەندی وان رێککەفتنا یە کو ب وەلاتان ڤە دهێتە گرێدان.
لدووڤ رێککەفتنا سالا 2009 یا کو دناڤبەرا عیراقێ و تورکیا دا هاتیەکرن وەلاتیێن هەر دو وەلاتان دشێن بێ کو سەرەدانا بالیۆزخانا و و قۆنسلخانان بکەن ل دەرگەهێن سنووری ڤیزا گەشتێ وەرگرن.
وەزارەتا دەرڤە یا عیراقێ ئاماژە دا وێ چەندێ کو ئەو رێککەفتن بۆ وێ چەندێ بۆ کو ئاسانکاری بۆ گەشتیارێن هەر دو وەلاتان بهێنەکرن، بەلێ تورکیا ژ لایێ خوە ڤە کارکرن ب ناڤەڕۆکا رێککەفتنێ راوەستاند ژ بەر ڤێ چەندێ حوکمەتا عیراقێ ژی بڕیار دا ئەو ژی ئەڤێ رێککەفتنێ ب راوەستینن.
وەزارەتا ژدەرڤە یا عیراقێ بالیۆزخانا خوە ل ئەنقەرە ل دۆر ڤێ چەندێ ئاگەهدارکریە داکو لایەنێن پەیوەندیدارێن تورکیا ئاگەهدار بکەت، هەروەسا گۆت: مە ژی بالیۆزخانا تورکیا ل بەغدا ل دۆر ڤێ بڕیارێ ئاگەهدارکریە.
ئەڤرۆ نیوز، زنار تۆڤی:
د. موئەیەد ئەغالی، سەرپەرشتێ چارەسەریا نەخۆشێن کۆرۆنایێ ل دهۆکێ دیارکر: کو نەخۆشەکێ دهۆکێ پێدڤی ب دانانا هەناسا دەستکرد بوو.
ناڤهاتی گۆت ژی: نەخۆشەکێ کۆرۆنایێ کو ژیێ وی 63 سال بوویە، پشتی تووشی بێهنتەنگیەکا دژوار بووی و سیهێن وی ژ کارکەفتین، پێدڤی ب هەناسەدانا دەستکرد بوویە و ژلایێ نۆشدارێن تایبەتمەندڤە بۆ هاتە دانان و گۆت: ئەڤە ئێکەم نەخۆشێ کۆرۆنایێ یە پێدڤی ب هەناسەدانا دەستکرد دبیت ل دهۆکێ و نوکە ل ژێر چاڤدێریا چر دایە و ژلایێ تیمێن نۆشداری ڤە چاڤدێریا وی دهێتە کرن.
ئەڤرۆ نیوز:
رێڤەبەریا گشتی یا ساخلەمیا پارێزگەها دهوكێ راگەهاند: کو 16 تووشبوویێن ڤایرۆسێ كۆرۆنایێ چارەسەربوون و سەرجەمێ تووشبوویێن چارەسەر بووین گەهشتە 331 كەسان.
هەروەسا گۆتیە: هێشتا 88 هەلگرێن ڤایرۆسێ كۆرۆنا كۆرۆنایێ ل دهۆکێ ماینە و نوکە لژێر چاڤدێریا نۆشداران دانە و رەوشا هەموو تووشبوویان یا جهگیرە و هیچ مەترسی ل سەر نینە.
ئەڤرۆ نیوز:
وەزارەتا ساخلەمی و ژینگەها عیراقێ راگەھاند: دو ھزار و ٣٥٦ حالەتێن نوویێن توشبوون ب کۆرۆنایێ و ھزار و ٨٢٧ چێبوونێ و ٧٩ حالەتێن وەغەرکرنێ هاتینە تۆمار کرن.
هەروەسا گۆتیە: د دەمێ ۲٤ دەمژمێرێن بوری دا دو ھزار و ٣٥٦ حالەتێن نوویێن توشبوون ب کۆرۆنایێ ھاتینە تۆمارکرن، کو ٧٠٠ حالەت ژ وان ل بەغدا بووینە.
ھەتا نوکە ١١٢ ھزار و ٥٨٥ کەس ل عیراقێ تووشی کۆرۆنایێ بووینە، ژ وێ هژمارێ ژی ٧٧ ھزار و ١٤٤ کەس چێبووینە و چار ھزار و ٤٥٨ کەسان ژی وەغەر کریە.
ئه‌ڤرۆ نیوز، زنار تۆڤى:
هونه‌رمه‌ند عه‌مه‌ر گوندى، كو نوكه ل وه‌لاتێ ئه‌لمانیا دژیت، د دیداره‌كێ دا بۆ ئه‌ڤرۆ نیوز دیار كر: وى دووماهیك ئه‌لبۆما خوه یا ب ناڤێ ” ناڤێ ته چیه” ل سالا 2009 به‌لاڤ كربوو، ئه‌ڤه ده‌مێ 11 سالان بوو، وى چو ئه‌لبۆم به‌لاڤ نه‌كربوون، هه‌ر چه‌نده ئه‌و هه‌ر چه‌ند سالان ئه‌لبۆمه‌كێ به‌لاڤ دكه‌ت و دیسان وى ئه‌لبۆمه‌كا نوو به‌رهه‌ڤ كربوو، لێ ژ ئه‌نجامێ شه‌رێ داعش وى ئه‌و ئه‌لبۆمه به‌لاڤ نه‌كر، ئه‌و بۆ خوه ل ده‌لیڤه‌كێ دگه‌ریا داكو ئه‌لبۆما خوه یا نوو به‌لاڤه بكه‌ت، لێ پشتى هنگێ كۆرۆنا به‌لاڤه بوو، له‌وما ئه‌و نه‌شیا ئه‌لبۆما خوه یا نوو به‌لاڤه بكه‌ت، دیسان خه‌لكێ مه ژى یێ د ره‌وشه‌كا نه‌باش دا ژیانا خوه دبورینیت، له‌وما دڤێ ره‌وشێ دا من نه دڤیا ئه‌لبۆما خوه یا نوو به‌لاڤ بكه‌م.
ناڤهاتى زێده‌تر گۆت: ئه‌لبۆما وى یا نوو ب ناڤێ ” ئاڤان” ه، كو په‌یڤێن وێ سترانێ یێن هه‌لبه‌ستڤان موحسن قۆچانى نه، ئه‌ڤ ئه‌لبۆمه ژ 10 تراكان پێك دهێت و هنده‌ك تراك ژى ب شێوێ پۆتپۆرى چێكرینه، هه‌روه‌سا وى دو سترانێن سالا 1989 ب ناڤێن ” تۆ دلى، پرچاته قه‌فتا نێرگزا” نوو كرینه و د ئه‌لبۆما خوه یا نوو دا به‌لاڤ كرینه، ئه‌و دێ ئه‌لبۆما خوه یا نوو ل یۆتیۆبێ خوه به‌لاڤ كه‌ت، ژبه‌ر ره‌وشا نوكه یا خه‌لكێ ئه‌و ئه‌لبۆما خوه ل بازارى به‌لاڤ ناكه‌ت، چونكى نوكه بازارێ ئه‌لبۆمان نه‌مایه، دیسان مه‌ره‌ما وى ئه‌وه خزمه‌تا هونه‌رێ كوردى و ب تایبه‌تى یێ ده‌ڤه‌را به‌هدینان بكه‌ت، هه‌موو مه‌زاختیێن ئه‌لبۆما خوه وى ژ كیستێ خوه داینه، هه‌تا نوكه د وارێ هونه‌رى دا كه‌سێ پشته‌ڤانیا وى نه‌كریه.
عه‌مه‌ر هێشتا دبێژیت: وى ل به‌ره چار سترانان ژ ئه‌لبۆما خوه یا نوو كلیپ بكه‌ت، هه‌ر چه‌نده وى ئه‌و شیان نینن، كومه‌زاختنه‌كا باش ل چێكرنا ڤیدیۆ كلیپێن خوه بكه‌ت، له‌وما وى ئه‌و تشتێن ئه‌و پێدڤى دبیتێ بۆ چێكرنا كلیپان هه‌موو بۆ كور و كچه‌كا خوه كرینه، هه‌موو كارێن وى یێن هونه‌رى ئه‌و دكه‌ن، دیسان كه‌نالێن كوردى گه‌له‌ك هاریكاریا سترانبێژێن ژن دكه‌ن و ئاهه‌نگان بۆ ددانن و كلیپیان ژى بۆ چێدكه‌ن، لێ ئه‌ڤ چه‌نده بۆ مه نینه، هه‌روه‌سا راگه‌هاندنا كوردى وه‌كو پێدڤى هاریكاریا مه ناكه‌ن، له‌وما د مالدا ئه‌ز كارێ خوه یێ هونه‌رى دكه‌م، هه‌روه‌سا ده‌زگه‌هه‌كێ سترانا ” تۆ دلى” بۆ من كلیپ كریه.
ئه‌و چه‌ند ژى ئاشكرا كر: لدووڤ شیانێن خوه ئه‌و دێ هه‌ر ئه‌لبۆمان چێكه‌ت، هه‌ر چه‌نده مودێل و بازارێ ئه‌لبۆمان نه‌مایه، دیسان د ڤان سالێن بورى دا وى چه‌ندین سترانێن سینگل چێكرینه، ب تایبه‌تى ل سه‌ر قاره‌مانیێن پێشمه‌رگێ كوردستانێ ل شه‌رێ دژى داعشان، هه‌روه‌سا هه‌موو داخوازیا وى ئه‌وه كو ئێدى زارۆیێن كوردان ل هه‌موو پارچێن كوردستانێ ته‌نا و ئارام بژین، هندى د ژیانێ دا مابم، دێ خزمه‌تا هونه‌رێ كوردى كه‌م، هه‌روه‌سا ته‌له‌فزیۆنا دهۆك و وار تیڤى گه‌له‌ك خزمه‌تا من كریه، دیسان هه‌كه كه‌سه‌ك هاریكاریا من بكه‌ت، دێ سۆپاسیا وى كه‌م و هه‌كه كه‌س نه‌كه‌ت ژى، ئه‌ز دێ هه‌ر خزمه‌تا هونه‌رێ كوردى كه‌م.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: د دەمێ شەڤ و رۆژەکێ دا 17 کەسان ب کۆرۆنایێ وەغەرکریە و 197 کەسێن دی تووشی ڤایرۆسێ کۆرۆنایێ بووینە، ژ وان ژی 74 ل هەولێرێ، 68 ل سلێمانیێ، 26 ل گەرمیان، 9 ل راپەرین، 13 ل دهۆکێ و 17 ل هەلەبجە. هەروەسا 100 کەسێن دی چێبووینە کو 65 ژ وان ل هەولێرێ، 10 ل گەرمیان، 10 ل راپەڕین، 3 ل دهۆکێ و 12 ل هەلەبجە).
نوکە هژمارا تووشبوویێن کۆرۆنایێ گەهشتە 12 هزار و 450 کەسان.
نيشاندان