زاخۆ، عەلی حاجی:

دداخواینەکێ دا ئەندازیار جەوزەت سالح ، بەرپرسێ ھوبا تەکنیکی ل باژێرڤانیا زاخۆ بۆ ئەڤرۆ نیوز دیارکر دو تاخێن زاخۆ ب درێژاھیا ٥٥٠ مەتران ھاتنە کونکریت کرن و ھێلێن ئاڤێ ژی بۆ وان تاخان ھاتنە راکێشان.

زێدەتر گوت : تاخێن کێستە و پێشەسازی پشتی ھاتینە کونکرێت کرن دگەل دا دو ھێلێن کێشانا ئاڤێ بۆ مالێن وان تاخان ژی ب داھاتێ باژێرڤانیا زاخۆ ھاتنە کێشان ، ھەر دیسان درێژاھیا ٢ کێلومەتران چەندین جاددەیێن ناڤ باژێرێ زاخۆ یێ دھێنە سەخبێریکرن ژبەر کو پرانیا جاددەێن ناڤ باژێری دا پێدڤی ب سەخبێریکرنێ بوون .

ناڤھاتی زێدەتر گوت : سەروکاتیا باژێرڤانیا بۆ زێدەتر جوانیا دەروازا زاخۆ دیزاینەکا نوو ئامادەکری یە کو ناڤێ پێشمەرگەی ب شێوەیەکێ جوانتر بھێتە دانان ، د نوکە دا کار ل سەر دیزاینکرنێ ب داوی ھاتیە و ل دەمەکێ نێزیک ژی دێ دەست ب کاری ھێتە کرن و دێ کارەکێ گەلەک باش بیت و دێ جوانیەکا دیتر دەتە دەروازا باژێرێ زاخۆ .

ئەڤرۆ نیوز، عەلی حاجی :

ل گورەی ئامارەکا رێڤەبەریا ئاڤا زاخۆ ، ل سالا ٢٠١٥ ھەتا نوکە بتنێ ٢٨% ھاولاتیێن زاخۆ پیڤەرێن ئاڤێ بۆ مالان داناینە و د نوکە دا دوبارە کار ل سەر دانانا پیڤەرێن نوو یێن ئاڤێ بۆ مالان دھێتە کرن.

ئیبراھیم ھاشم رێڤەبەرێ ئاڤا زاخۆ بۆ روژناما ئەڤرۆ گۆت : پشتی ل سالا ٢٠١٥ کومپانیەک ل زاخۆ رابو ب دانانا پیڤەرێن ئاڤێ بۆ مالان بەلێ ژلایێ وەزارەتا شارەوانی و گەشت و گوزارێ کارێ وێ کومپانیێ راوەستاند و ھەتا نوکە کار ل سەر دانانا پیڤەرا ل باژێرێ زاخۆ ھاتبوو راوەستاندن ، دنوکەدا کومپانیەکا دی ل زاخۆ رابویە ب دانانا پیڤەرێن ئاڤێ و ھەر کومپانیەکا بڤێت ژی ل دانانا پیڤەرا دا پشکدار بیت دشێت سەرەدانا رێڤەبەریامە بکەت لێ ب مەرجەکێ ئەو کومپانی ل وەزارەتێ باوەرپێکری بیت.

ناڤھاتی زێدەتر گوت : ل بەرامبەر دانانا ھەر پیڤەرەکێ ئاڤێ بۆ مالەکێ دێ ٤٥ ھزار دینار ژ ھاولاتیان ھێتە وەرگرتن لێ دێ ٤٠ ھزار دینار بۆ ھاولاتی ھێتە ڤەگەراندن ب رێکا ھەیڤانە ب رێکا سەرجەمێ وی پارەی یێ پیڤەرێ ئاڤێ تومارکری ھەیڤانە دو ھزار دینار ھێنە کێمکرن،
ھەر ھاولاتیەکێ ھەتا ھەیڤا پێنچ یا ئەڤ سال پیڤەرێ ئاڤێ نەدانیت و پشتی بورینا دو ھەیڤا ل سەر ژڤانێ دەست نیشان کری دێ ١٠٠ ھزار دینار ژ ھاولاتی ھێنە وەرگرتن.