ئەڤرۆ نیوز:
ئەندامێ پەرلەمانێ کوردستانێ دیارکر بریاربوو سوبەھی رۆژا چارشەمبی رێککەفتی ٦-٣-٢٠١٩ پەرلەمانێ ھەرێما کوردستانێ روونشتبا و دانانا لژنەیێن خوە تمام کربایە لێ ھاتە پاشخستن.
زێدەتر ئومێد خوشناو دیارکر کومبوونا سوبەھی رۆژا چارشەمبی بۆ حەفتیا بھێت ھاتە پاشخستن داکو ھەموو حزب نوونەرێن خوە بۆ لژنەیێن پەرلەمانی دیاربکەن تایبەت پشتی ڤەگەریانا حزبا ئێکەتیێ بۆ ناف روونشتنێن پەرلەمانی.
ھەژی گۆتنێ یە ھەتا نوکە تنێ لژنەیا قانوونی ھاتە پێکئینان ل پەرلەمانێ کوردستانێ و رازەمەندی ژ ل سەر ھاتیە کرن.
ئەڤرۆ نیوز ، عەلی حاجی :
ل گورەی وان روودانێن ل رێڤەبەریا ھاتن و چوویا زاخۆ ھاتینە تومارکرن ، ل ماوێ روژەکێ دا ٢ روودان ل زاخۆ دروست بوینە و د وان روودانان دا ٧ کەس بریندار بوینە و زیانێن ماددی ژی پەیدابوینە.
کومیسەر بەشیر یوسڤ ژ راگەھاندنا ھاتن و چوویا زاخۆ بۆ ئەڤرۆ نیوز دیارکر روودانا ئێکێ ل دەمژمێر ٧ی شەڤ ل سەر جاددەیا دێرەبونێ روودانەکا ترافیکی دناڤبەرا دو ترومبێلێن بارھەلگر دا دروست بوون ، دوێ روودانێ دا ٦ مەس بریندار بوون و زیانێن ماددی ب ھەردو تروومبێلان کەفت ، روودانا دوێ د ھەمان روژ دا روویدا ل دەمژمێر ١٢ی شەڤ ل تاخێ بێدارێ ژ ئەگەرێ مەیی ڤەخارنێ ترومبێلەکا بچیک ژێر کونترولا شوفێری دا دەردکەڤیت و خوە ل ستوینا کارەبێ ددەت و شوفێر بریندار دبیت و زیانێن ماددی ژی بەر ب ترومبێلێ کەفت.
ناڤھاتی زێدەتر گۆت: رێیا دێرەبوونێ سالانە ژمارەیەکا روودانان پەیدادبن ژبەر کو بویە رێیەکا بازرگانی بو ترومبێلێن بارھەلگر ، نەپێگریا شوفێران ب رێنمایان و خرابیا رێکا دێرەبونێ و ھەر دیسان ھەبونا دو کەمپێن ئاوارەیان ژی ئەگەرێن سەرەکیێ دروست بونا روودانانە ژبەر کو قەرەبالغیەکا مەزن دکەڤیتە سەر وێ جاددەیێ.
ئەڤرۆ نیوز، عەلی حاجی :
دداخویانیەکێ دا رێڤەبەرێ بەلاڤکرنا کارەبا زاخۆ بۆ ئەڤرۆ نیوز دیارکر د ماوێ دو ھەیڤان دا لژنا زێدەگاڤیان شیاینە ٨٠ سەرپێچیێن سەر تورا کارەبێ ل زاخۆ ببرن و پێرابون ژی دەرحەقێ وان ھاتینە وەرگرتن.
ئەندازیار خالد سالح زێدەتر گۆت: د ھەیڤا ئێکا ئەڤ سالە دا ٦٠ سەرپێچی ھاتنە ئاشکەرا کرن ل سەر تورا کارەبێ و ئەو سەرپێچی ھاتنە برین و د ھەیڤا دوێ ژی دا ٢٠ سەرپێچیێن سەر کارەبێ ھاتینە برین ژلایێ لژنێن سەر ب رێڤەبەریا مەڤە ، ل بەرامبەر وان سەرپێچیان دا دێ پێرابوون ل دووڤ رێنمایێن وەزارەتا کارەبێ دگەل وان جھان دا ھێتە کرن ، پرانیا وان جھێن سەرپێچی ژی کرن جھێن بازرگانی بوون و پشکەکا دی ژی مالیدەێن کارەبا ئەھلی بوون.
ناڤھاتی زێدەتر گۆت : ھەر دیسان ل روژا دوشەمبێ ٤/٣/٢٠١٩ کارەبا ١٢ کارگەھان ل زاخۆ ھاتیە برین ژبەر کو پشکەکا وان کومپانیێن قەرێن کارەبێ ل سەر وان کومپانیان نەھاتینە ئەدا کرن ژبەر ڤێ چەندێ نەچارین کارەبا نیشتیمانی ژ وان کومپانیان ببرن دا کو قەرێن خوە ئەدا بکەن ، ھەر دیسان ژلایێ رێڤەبەریا مەڤە ژی دڤێ حەفتیێ دا دێ ھەوەکێ ل سەر مەزرەعێن ل دەوروبەرێن زاخۆ دەست پێکەین ژبەر کو پشکەکا مەزن یا سەرپێچیا ھاتیە کرن ژلایێ خودانێن وان مەزرەعاڤە.
ئەڤرۆ نیوز:
بریارە سبێدێ جڤاتا سەرکردایەتیا ئێکەتیێ ل سلێمانیێ کۆم بیت و بریارا خوە یا دووماهیێ ل دۆر بەربژارەکێ بۆ پۆستێ سەرۆکێ پەرلەمانی ئێکلا کەت.
ئەو یەک د دەمەکێ دایە کو بەری نها ناڤێ هەر ئێک ژ رێواس فایق و بێگەرد تالەبانی بۆ پۆستێ سەرۆکێ پەرلەمانی هاتبوو راگەهاندن لێ هەتا نها ژی ئێکەتیێ نەشیایە بەربژارەکێ بۆ وی پۆستی دیار بکەت و دهێتە چاڤەرێکرن کو سبێدێ جڤاتا سەرکردایەتیا ئێکەتیێ بریارا خوە یا دووماهیێ بۆ بەربژارکرنا کەسەکێ بدەت.
ئەڤرۆ نیوز:
سەلاحەدین دەمیرتاش هەڤسەرۆکێ بەرێ یێ هەدەپێ کو ئەڤ دو سالن ل زیندانێ دایە داخواز ژ سەرۆک بارزانی دکەت کو ل سەر بزاڤێن خوە بۆ ئێکەتیا نەتەوی بەردەوام بیت، دەمیرتاش دیار دکەت کو تنێ سەرۆک بارزانی دشێت ئێکەتیا کوردان دروست بکەت و سەرۆک بارزانی هەتا نها گەلەک بزاڤ بۆ هندێ کرینە و هێڤیدارە کو سەرۆک بارزانی بشێت هەموو هێز و ئالیێن سیاسی یێن کوردستانێ ل دۆر بەرژەوەندیێن نەتەوی کۆم بکەت و ئێکەتیا کوردان دروست بکەت.
هەڤسەرۆکێ بەرێ یێ هەدەپێ سلاڤێن خوە بۆ وەلاتیێن کورد ل هەرێما کوردستانێ فرێ دکەت و دیار دکەت کو ئێدی سەردەمێ هندێ چوویە کو دوژمن ب زیندانکرنا سەرکردێن کورد بشێن بزاڤا ژناڤبرنا کوردان بکەن و دبێژیت: ئەڤ سەردەمە سەردەمێ کوردانە و کورد دێ هەر گەهنە ئازادیا خوە.
ئەڤرۆ نیوز،بارزان مزووری:
ئەڤرۆ نیڤرۆ 4/3/ 2019ی “ل بەردەرگەهێ ئاڤاهیێ قایمقامیا شێخان ب پشكداریا قائیمقامێ قەزا شێخان و كارگێرو كادرو لقا 20 یا شێخان یا پارتی دیموكراتی كوردستان و جڤاتا ئافرەتێن شێخان و قوتابیان و لاوان و كولیژو پەیمانگەها تەكنیكی شێخان دگەل رێڤەبەرێن میری و جەماوەرێ شێخان خرڤەبوونەكەكا نەرازیبوونێ ل دۆر كریارا بەرامبەری 50 كچێن ئێزدی ئەوێن ژلایێ رێكخراوا تیرۆرستی یا داعش ل باژێرێ باغوز هاتینه سەرژێكرن هاته ئەنجامدان وتیدا بەیاننامەك هات خواندن كو ئه‌و كریارا هوڤانە شه‌رمزاركر وداخواز ژ حوكمەتا بەغدا كر كو لاشێن وان كچان بۆ مالباتێن وان ل كوردستانێ ڤەگوهێزیت .
ئه‌ڤرۆنیوز:
وه‌زیرێ دارایى یێ عیراقێ فوئاد حسێن بریارا خه‌رجكرنا مووچێ فه‌رمانبه‌رێن هه‌رێما كوردستانێ ده‌ركر.
ژێده‌ره‌كێ نێزیك ژ وه‌زیرێ دارایی یێ عیراقێ فوئاد حسێن بۆ سایتێ (سۆمه‌ریه نیوز) دیاركر كو وه‌زاره‌تا دارایى یا عیراقێ بریارا خه‌رجكرنا مووچێ فه‌رمانبه‌رین هه‌رێما كوردستانێ ده‌ركر.
به‌لاڤكر ژى”وه‌زیرێ دارایى یێ عیراقێ بریارا خه‌رجكرنا شایستێن داریى ومووچێ فه‌رمانبه‌رین هه‌رێما كوردستانێ بۆ ئه‌ڤ ساله ل دووڤ پشكا دیاركرى دقانوونا بودجا گشتى یا عیراقێ دا بۆ سالا 2019″.
وى ژێده‌رى ژڤانێ به‌لاڤكرنا وى مووچه‌ى ومیكانیزما به‌لاڤكرنێ دیارنه‌كر.
گۆت ژى كو شایستین دارایى یێن سێ هه‌یڤێن دووماهیا سالا 2017 یێن فه‌رمانبه‌رێن رێڤه‌به‌ریێن پاسه‌پۆرت وفه‌رمانبه‌رێن سكرێن ئاڤێ ل هه‌رێما كوردستانێ ژى هاتن خه‌رجكرن”.
ئه‌ڤرۆنیوز:
رۆژنامه‌كا ئیسپانى به‌لاڤكر كو یانا ریال مه‌درید سێ راهێنه‌ر به‌رچاڤ كرینه تاكو پشتى ب دووماهى هاتنا ڤى وه‌رزى، گرێبه‌ستا ل گه‌ل گرێده‌ت ل شوونا راهێنه‌رێ ئه‌رجه‌نتینی سانتاگۆ سولارى كو چاڤه‌رێ دهێته كرن ل دووماهیا ڤى وه‌رزى بهێته لادان.
رۆژناما (ئاس) یا ئیسپانى به‌لاڤكر كو سه‌رۆكێ یانا ریال مه‌درید سێ ناڤ دیاركرینه بۆ ئیمزاكرنا گرێبه‌ستێ دگه‌لدا بۆ وه‌رگرتنا ئه‌ركێ راهێنه‌رایا ریال ئه‌وژى هه‌ر ئێك ژ یواكیم لۆف راهێنه‌رێ هه‌لبژارتیێ ئه‌لمانیا وماسیمیلیانۆ ئه‌لیگرى راهێنه‌رێ یانا یوڤه‌نتۆس یا ئیتالى وماوریسیۆ بوتشیتینۆ راهێنه‌ری یان توتنهام یا ئینگلیزى.
ئه‌ڤرۆنیوز:
ژێده‌ره‌كى ژ ده‌زگه‌هێ (مه دا) یێ ره‌وشه‌نبیرى وراگه‌هاندنێ بۆ ئه‌ڤرۆنیوز دیاركر كو ل ده‌ستپێكا هه‌یڤا نیسانا داهاتێ دێ گه‌را 14 یا پیشانگه‌ها هه‌ولێر یا نێڤده‌وله‌تى یا په‌رتۆكێ هێته ڤه‌كرن.
وى ژێده‌رى زێده‌تر گۆت” ل رۆژا چارشه‌مبى 3/4/2019 دێ پیشانگه هێته ڤه‌كرن وهه‌تا رۆژا شه‌مبیێ 13/4/2019 دێ به‌رده‌وام بیت”.
نيشاندان