ئەڤرۆ نیوز:
بەرپرسەکێ کۆچکا سپی یا ئەمریکا راگەهاند کو ئەڤرۆکە هەر دو سەرۆک ئەرکانێن ئەمریکا و تورکیا دێ کۆمبن و ل دۆر چاوانیا ڤەکێشانا هێزێن ئەمریکا ژ سووریێ و رەوشا باکورێ سووریێ دانوستاندنان بکەن.
دەزگەهێن راگەهاندنا تورکیا ژی دیار دکەن کو جەنەرال جۆزێف دانفورد دێ ل گەل یاشار گولەر سەرۆک ئەرکانێ تورکیا کۆم بیت، لێ هەتا نها ژی جهێ کۆمبوونێ و دەمێ کۆمبوونێ بۆ رایا گشتی نەهاتیە ئاشکرا کرن.
ئەڤرۆ نیوز:
بەری دەمەکێ کۆمبوونا شاندێ پارتی و گۆرانێ بۆ چاوانیا پێکئینانا کابینا نوو یا حوکمەتا هەرێما کوردستانێ ب دووماهی هات و ل گۆر داخۆیانیەکا هەڤپشک هەر دو ئالیان بریار داینە کو دو لیژنان ئاڤا بکەن دا ئەڤ لیژنە چاوانیا کارنامێ کابینا نوو یا حوکمەتێ گەنگەشە بکەن و ئالیەتا چاوانیا پشکداریێ د کابینا نوو ژی بهێتە دیار کرن.
د پشکەکا دی یا داخۆیانیا هەڤپشک دا ئاماژە ب هندێ هاتیە کرن کو هەر دو ئالی د کۆمبوونێ دا ب گیانەکێ بەرپرسیارانە سەرەدەری ل گەل قۆناغا نوو کرینە و رژدی ل چاکسازیێ د هەموو بیاڤەکێ دا هاتیە کرن.
ئەڤرۆ نیوز:
ئەڤرۆکە سەرۆک مەسعود بارزانی ل گەل وەزیرێ دەرڤە یێ ئیرانێ محەمەد جەواد زەریف کۆمبوو و د کۆمبوونێ دا وەزیرێ دەرڤە یێ ئیرانێ راگەهاند کو پێگەهێ هەرێما کوردستانێ و ئارامیا نها ل هەرێما کوردستانێ هەیە بۆ ئیرانێ گرنگە و مە دڤێت پەیوەندیێن مە و هەرێما کوردستانێ رۆژ ب رۆژێ باشتر لێ بهێن.
سەرۆک مەسعود بارزانی ژی راگەهاند کو پشتی هەلبژارتنێن عیراقێ رەوشەکا نوو هاتیە پێش و ئەم ل گەل سەرۆک وەزیرێن نوو یێن عیراقێ بزاڤێ دکەین هەموو پرسێن نها ب رێیا دانوستاندنان چارەسەر بکەین.
هەروەسا سەرۆک بارزانی بەحسێ رەوشا گەلێ کورد ل سووریێ ژی کر و راگەهاند مە دڤێت د ڤان گوهۆرینان دا زیان نەگەهیتە خەلکێ کورد ل سووریێ و ئەم ژ رەوشا نها دلگرانین.
ئەڤرۆ، رەمەزان ھەرنی:
دەڤەرا ئاکرێ یا ب ناڤ و دەنگە ب گوڵ نێرگزا نوکە دەمێ شوون بوون و دەرکەفتنا وایە و ھەتا بھارێ دمینن دو جورێن گول نێرگزا ل ئاکرێ ھەنە ( نێرگز ژوری ، نێزگز کتک ) بەلێ خواست لسەر نێرگزا ژووری زێدەترە.
شێرزاد محەمەد فروشیارەکێ گول نێرگزایە ل ئاکرێ بۆ ئەڤرۆ گۆت : نوکە و ل ڤی وەرزی گول نێرگز ب رێژەکا باش شوون بۆینەو ھەتا بۆھارێ دمینن ب چەند گەرا گولا خوە ددەتەڤەو دوجورێن گول نێرگزا ل ئاکرێ ھەنە نێگز ژوری و نێرگز کتک .
ناڤبری گوتژی : خواستەکا باش لسەر نێرگزا ھەیە و ل نافخوەو دەرڤە خەلک باش دکرن و نوکە یا کێمە بھایێ ئێک دەسکێ گول نێرگزا ژوری ب سێ ھزار دینارایە ، خەلکێ دەرڤەی ئاکرێ گەلەک دکرن و دگەل ئەو گەشتیارێن سەرەدانا ئاکرێ دکەن ، بازارێ گول نێرگزا نوکە گەرمترین بازارێ روژێ یەو خواستەکا باش لسەر ھەیە ، بۆ روژا شەھیانا ژی بۆک و زاڤا نێرگزا وەک دیاری پێشکەشی ئێک دوو دکەن ژبلی وان کەسێن بۆ نەخوشا دبەن دیاری.
ئەحمەد جەمیل رێڤەبەرێ چاندنا ئاکرێ بۆ ئەڤرۆ گۆت : نێزگزا ئاکرێ ناڤ و بانگیا خوە ھەیە و ل ئاکرێ رێژەکا زورا نێرگزا ھەیە ، ل سنورێ ئاکرێ ھەتا ٦٠٠ دو نەمێن ئەردی نێرگز لێ شون بۆینەو ھاتینە چاندن ، ل دەمێ نێرگز شوون دبن ئێک دەسک ب سێ ھزارا دھێتە فروتن دوڤرا ل گەل زوربۆنا نێرگزا بھایێ وا ژی کێم دبیت ، ل دەرڤەی ئاکرێ ژی خەلک بۆ ب دەستڤەئینا نێزگا دھێنە ئاکرێ .
ئه‌ڤرۆ نیوز:
ب چاڤدێریا فه‌رهاد ئه‌مین ئه‌ترووشی پارێزگه‌رێ دهۆكێ و ب ئاماده‌بونا به‌هزاد علی ئاده‌م جێگرێ پارێزگه‌ری و سه‌ربه‌ست تروانشی به‌رپرسێ لقێ ئێك و چه‌ند به‌رپرسێن ئیداری و حزبی ئه‌ڤرۆ ماڵا دانعه‌مران ل سه‌نته‌رێ دهۆكێ هاته ڤه‌كرن.
درێورسمێن ڤه‌كرنا ماڵا دانعه‌مران دا د. عارف حیتو نوونه‌رێ وه‌زاره‌تا كاروكاروبارێن كومه‌ڵایه‌تی سوپاسیا وان هه‌موو كه‌س ولایه‌نان كر كو بوینه هاریكار بو نووژه‌نكرن و دابینكرنا پێدڤیێن خزمه‌تكاری یێن ئاڤاهیێ چاڤدێریكرنا دانعه‌مران و ئاماژه دا به‌رنامێن وه‌زاره‌تێ بۆ باشكرنا ره‌وشا دانعه‌مران و دیار كر كو ده‌زگه‌هێ روناهی ل به‌ره ئاڤاهیه‌كێ مه‌زن بۆ دانعه‌مران ل دهۆكێ ئاڤاكه‌ت و خواست كۆمپانی و ده‌وله‌مه‌ندێن كوردستانێ ڤان جوره پرۆژێن جڤاكی ئاڤاكه‌ن.
پاش جێگرێ پارێزگه‌رێ دهۆكێ ب ناڤێ پارێزگه‌ری و كارگێریا پارێزگه‌هێ سوپاسیا كۆمپانیا كار و هه‌موولایه‌نان كر یێن ماڵا دانعه‌مران ب سه‌روبه‌ركری بۆ چاڤدێریكرنا دانعه‌مران و هیڤی خواستن كو ده‌وله‌مه‌ند و كۆمپانی چاڤ ل كۆمپانیا كار گرۆپ بكه‌ن و هاریكاریا ڤان پرۆژێن جڤاكی بكه‌ن.
هه‌ژی گۆتنێ یه كۆمپانیا كار گرۆپ ماڵا دانعه‌مران ل دهۆكێ نووژه‌نكریه و هه‌موو پێدڤیێن خزمه‌تكرنێ بۆ ئاڤاهی دابینكرینه و بۆ ماوێ دو سالا دێ به‌رده‌وام پشته‌ڤانیا ماڵا دانعه‌مران كه‌ت و هه‌ر ئه‌ڤرۆ ده‌ه دانعه‌مرێن پارێزگه‌ها دهۆكێ ژ هه‌ولێرێ بۆ ماڵا دانعه‌مران ل دهۆكێ هاتنه ڤه‌گوهاستن كو ژیانا خۆ ل ماڵا نوو ده‌ربازكه‌ن، ئاڤاهی شیان هه‌نه هه‌تا (28) دانعه‌مران ژ هه‌ردو ره‌گه‌زان ب حه‌وینیت.
ئەڤرۆ نیوز، رێوار مزیری:
رێڤەبەرێ کاروبارێن پشکنینێ ل رێڤەبەریا گشتی یا گەشت و گوزارێ ل دهۆکێ بۆ ئەڤرۆ نیوز دیار کر کو ب مەرەما ب هێزکرنا شیانێن قوتابی و فەرمانبەران، رێڤەبەریا گشتی یا گەشت و گوزارێ ل دهۆکێ دێ خۆلەکێ ل رۆژا 27/1/2019 ڤەکەت.
شەمال جەعفەر هروری، رێڤەبەرێ کاروبارێن پشکنینێ ل رێڤەبەریا گشتی یا گەشت و گوزارێ ل دهۆکێ ئاشکرا کر کو قوتابیێن ئامادەیا گەشت و گۆزارێ ل دهۆکێ و فەرمانبەرێن ل لێنانگەها ئامادەیا ناڤهاتی کاردکەن دێ چەندین وانێن پراکتیکی د ڤێ خۆلێ دا وەرگرن و گۆت: “ئەڤ خۆلە دێ بۆ دەمێ سێ رۆژان یا بەردەوام بیت و وانە دێ ژ لایێ دو مامۆستایێن بسپۆر د وارێ گەشت و گۆزارێ دا هێنە گۆتن”.
ناڤهاتی خویا کر کو پشتی ئەڤ خۆلە ب دووماهی دهێت ئێکسەر دێ خۆلەکا دی ل دۆر سیستەمێ ئەلکترۆنی و چەوانیا ب دەستڤەئینانا پلێتێن فرۆکان ب رێ یێن ئەلکترۆنی ب سپۆنسەریا کۆمپانیەکا گەشتیاری هێتە ڤەکرن.
ئه‌ڤرۆ نیوز، نه‌وزاد هلۆرى:
گوندێ سیانێ ده‌ڤه‌را دینارتێ ئێكه ژ وان گوندێن كوردستان و قه‌زا ئاكرێ كو ناڤ و ده‌نگییه‌كا زور هه‌یه بو هه‌بوونا هه‌موو جورێن فێقى و ده‌رامه‌تى، ل گوندێ ناڤبرى نێزیكێ 100 شتل هاتینه به‌رهه‌ڤكرن بو چاندن و فروتنێ.
هوشیار سانى، جوتیاره‌كێ گوندێ ناڤبریه و رێژه‌یه‌كا زور یا شتلێن دارێن فێقى به‌رهه‌ڤكرینه بو چاندن و فرۆتنێ بۆ ئه‌ڤرۆ نیوز گۆت: (گوندێ مە ل دەڤەرا دینارتێ هەر دکەڤن دا هەتا نوکە ناسیارە ب هەبوون و بەرهەمئێنانا هەموو جورێن فێقی و درامەتی، چونکی ئاڤەکا باش هەیە، ئەڤ سالە مە رێژەیەکا باش یا شتلێن فێقی و داروباری بەرهەڤکرینە بو چاندنێ و بەشەکێ ژ وان ژی دێ فروشێن).
زێدەتر گوت: (ل گوندێ مە پتری 12 جورێن فێقی بو فروتنێ دهێنە چەندن ب تایبەتی خوخ و هژیر کو جورەک ژ جورێن تایبەتمەندیێ دڤی بیاڤی دا بخوڤە گرتیە، نوکە هژمارەکا زور یا جوتیارێن گوندێ مە بەرهەڤیان دکەن بو چاندن و بەرهەمئینانا فێقی و ئەڤ سالە نێزیکێ 100 هزار شتلان هاتینە بەرهەمئیان، هەند بو چاندنا وان ل گوندی و هەند ژی بو فروتنێ، هەر جوتیارەکێ شتلێن فێقی بهێن دشێت سەرەدانا گوندێ مە بکەت و دەستخوڤە بینێن).
ناڤبری دیارکر ژی کو جوتیارێن هەموو دەڤەرێن کوردستانێ قەستا گوندێ وان دکەن بو دەستڤەئینانا شتلێن داروبارێ فێقی و زێدەتر گۆت :(ژیانا خەلکێ گوندێ سیانێ گرێدای چاندن و تەرش و کەوالی یە، خەلکی خوە ب موچەی تنێ ڤە نە گرێدایە و هەموو کار دکەن، ژبەرڤێ گوندێ مە جورە تایبەتمەندیەک دوارێ چاندنێ دا بخوڤە دیتیە).
هوشیاری گازندا وێ یەکێ کر کو هەتا نوکە حوکمەتا هەرێما کوردستانێ وەکو پێدڤی هاریکاریا وان نەکریە و دبێژیت ژی :(سالا بوری کانیا ئاڤێ یا گوندی کێم ببو، بڤێ یەکێ کارتێکرن ل چاندنا گوندی کر، بەلێ ئەگەر جهێن شولەژێ هاریکاریا جوتیاران بکەن ب تایبەتی د سەخبێرکرنا جویا ئاڤێ دێ رەوشا چانداێ باشتر بیت، سوپاس بو،خودێ ئڤ سالە ریژەیەکا باش یا بارانان باری یە و رەنگە ئاڤا لسەر چاندنێ گەلەک باشتر بیت).
ئه‌ڤرۆ نیوز:
سه‌رۆك مه‌سعود بارزانی ئه‌ڤرۆ ل سه‌لاحه‌دین پێشوازی ل ژان ئیڤ لودریان وه‌زیرێ ده‌رڤه یێ فره‌نسا و شاندێ ل گه‌ل دا كر.
د دیداره‌كێ دا وه‌زیرێ ده‌رڤه یێ فره‌نسا سوپاسی بۆ قوربانیدانا گه‌لێ كوردستانێ د شه‌رێ دژی تیرۆرستێن داعش دا هه‌بوو و دوپاتی ل وێ چه‌ندێ كر كو ژ پێخه‌مه‌ت بده‌ستڤه‌ئینانا سه‌قامگیریێ و ده‌رنه‌كه‌فتنا تیرۆرێ ل عیراقێ، پێدڤیه رێز ل پێكهاتێن ده‌وله‌تا عیراقێ و ب تایبه‌ت رێز ل هه‌رێما كوردستانێ و پێگه‌ه و كاریگه‌ریا وێ بهێته گرتن.
وه‌زیرێ ده‌رڤه یێ فره‌نسا راگه‌هاند، كو وه‌لاتێ وی دێ پشته‌ڤانا گه‌لێ كوردستانێ مینیت و هاریكاریا سیاسی و سه‌ربازی و په‌یوه‌ندیێن فه‌رهه‌نگی و ئابووری ل گه‌ل كوردستانێ پێشڤه‌به‌ت و دخوازیت د ئاڤاكرنا عیراقێ دا پشكدار ببیت.
د هه‌مبه‌ر دا سه‌رۆك بارزانی، سوپاسیا گه‌ل و سه‌رۆك و حوكمه‌تا فره‌نسا و شه‌خسێ وه‌زیرێ ده‌رڤه یێ فره‌نسا كر كو دوست و پشته‌ڤانێن گه‌لێ كوردستانێ نه و راگه‌هاند، یێ خۆشحاله ب په‌یوه‌ندیێن هه‌رێما كوردستانێ و فره‌نسا و چو سنوور بۆ دوستاتی و په‌یوه‌ندیێن د ناڤبه‌را گه‌لێ كوردستانێ و گه‌لێ فره‌نسا دا نینن.
ل دۆر په‌یوه‌ندیێن هه‌ولێر و به‌غدا، سه‌رۆك بارزانی هیڤی خواست كو ئه‌و گرفتێن د ناڤبه‌را هه‌ردو ئالیان دا ماین ب رێیا دیالۆگ و لێكتێگه‌هشتنێ بهێنه چاره‌كرن و گۆت:(راسته داعش ژ روویێ سه‌ربازی یا هاتیه شكاندن، لێ پێدڤیه ئه‌و فاكته‌رێن بووینه ئه‌گه‌رێ سه‌رهلدانا داعش نه‌مینن بۆ وێ چه‌ندێ جاره‌كا دی داعش په‌یدا نه‌بیت).
ل دۆر چاره‌نڤیسێ گه‌لێ كورد ل سووریێ، هه‌ردو ئالیان حێبه‌تیا خوه نیشادا و دوپات كر كو پێشهات و گوهۆڕینێن ناڤ سووریێ نابیت ببنه ئه‌گه‌ر گه‌لێ كورد و وه‌لاتیێن كورد ل سووریێ باجا وێ بده‌ن.
ئەڤرۆ نیوز:
رێڤه‌به‌رێ گشتی یێ ساخله‌میا پارێزگه‌ها دهۆكێ ئامارێن سالا 2018 یێن رێڤه‌به‌ریا گشتی یا ساخله‌میا پارێزگه‌ها دهۆكێ راگه‌هاندن.
د. نزار عسمه‌ت ، رێڤه‌به‌رێ گشتی یێ ساخله‌میا پارێزگه‌ها دهۆكێ دپرێس كونفرانسه‌كێ دا دیاركر كو ل سالا بۆری 3914705 كه‌سان سه‌ره‌دانا ده‌زگه‌هیێن ساخله‌میێ كرینه و 176262 نه‌خۆش یێن هاتینه نڤاندن ل نه‌خۆشخانا وسه‌نته‌رێن تایبه‌تمه‌ند و 1045 كه‌س تازه تووشی نه‌خۆشیا په‌نچه‌شیری بووینه دسالا بۆرێ دا 60076 نشته‌گه‌ری یێن هاتینه ئه‌نجامدان، ژمارا روونشتن یێن شووشتنا كولجیسكا دگه‌هته 19758 و ژمارا نشته‌گه‌ریێن چاندنا كولیجسكا ژی 72 نشته‌گه‌ری بووینه و 1791 قه‌سته‌رێن دلی یێن هاتینه ئه‌نجامدان و 245 نشته‌گه‌ریێن دلی یێن هاتینه ئه‌نجامدان.
ئاشكه‌را كركو 4780880 پشكنینن تاقیگه‌هێ یێن هاتینه ئه‌نجامدان و ژمارا نه‌خۆشێن سه‌را یه‌كێن تیشكێ كرین دگه‌هته 556561 و ژمارا پشكنیێن تیشكا سینكی یێن هاتینه ئه‌نجامدان دگه‌هنه 256553 و ژمارا سونارا یێن هاتینه ئه‌نجامدان دگه‌هنه 180836 هه‌روه‌سا ژی 22754 میفراس یێن هاتینه ئه‌نجامدان و 16601 ره‌نیێن مه‌گناتیسی یێن هاتینه ئه‌نجامدان.
ناڤهاتی ئه‌وژی دیاركركو سالا بۆرێ دا ل پارێزگه‌ها دهۆكێ 42220 زارۆك یێن هاتینه سه‌ر دونیایێ د هه‌مبه‌ر دا ژی 4495 كه‌سان گیانی خوه ژده‌ستداینه كو ژمارا مرنا ئافره‌تا دماوێ دووگیانی دا زارۆكبوونێ شه‌ش حه‌فتیێن پشتی زارۆكبوونی دگه‌هیته 9 ئافره‌تان و رێژا مرنا ئافره‌تا دماوێ دووگیانیێ دا زارۆكبوونێ شه‌ش حه‌فتیێن پشتی زارۆكبوونێ بو هه‌ر سه‌د هزار زارۆكیێن زێندوو یێن تازه ژ دایك بووین 21،3% یه و ژمارا زارۆكێن ساڤا كیمتر ژ ساله‌كێ یێن مرین 687 زارۆكبووینه ورێژا مرنا زارۆكێن ساڤا كیمتر ژ ساله‌كی بۆ هه‌ر هزار زارۆكێن ساخ یێن نوو دهێنه سه‌ردونیایی 16,3% یه وزارۆكێن كیمتر ژ پێنچ سالیێ یێن مرین دگه‌هنه 879 زارۆكان رێژا مرنا وان بۆ هه‌ر هزار زارۆكێن ساخ یێن ژنوو ژدایك دبن دگه‌هته 20,8%.
د. نزار عسمه‌ت زێده‌تر گۆت: ئه‌گه‌رێن سه‌ره‌كی یێن مرنێ ڤه‌دگه‌رن بۆ نه‌خۆشێن دلی و بۆریێن خوینێ كو 1021 دبیته رێژا 27.2% و جه‌لتا مێشكی ژی 440 كه‌س بووینه دبیته رێژا 11,7% و په‌نچه‌شیر ژی 412 كه‌س بووینه ئه‌وژی دبیته رێژا 11% و هه‌ودان 343 دبیته رێژ
نيشاندان