ئه‌ڤرۆنيوز:
سه‌رۆكێ ئه‌مريكى دۆنالد ترامپ دپارچه‌كا ڤيديۆيى دا رادگه‌هينيت كو عيراق يا بوويه زانكۆيا تيرۆرێ ل جيهانێ.
ئه‌و پارچا ڤيديۆيى ل تۆرێن جڤاكى دا هاتيه به‌لاڤكرن وتێدا ترامپ دبێژيت” عيراق يا بوويه زانكۆيا هارڤارد بۆ تيرۆرێ وهه‌ر تيرۆرسته‌كێ هه‌ى دچيته عيراقێ كو ژئه‌گه‌رێ وێ تيرۆرێ ب سه‌دان هزار كه‌سان گيانێ خوه ژده‌ست دايه”.
ئەڤرۆ نیوز، نەوزاد هلۆری:
دەڤەرا نهێلێ ب گشتی و گوندێن گوهەرز و بالاڤا ب تایبەتی ژ وان گوندێن کوردستانێ نە کو دناڤدارن ب یاریێن کەلتووری ب تایبەتی د وەرزێ زڤستانێ دا و ل دەمێ بارینا بەفرێ.
ئەوێن ل خوارێ چەند دیمەنێن خلیسکانا سەر بەفرێ یە دناڤبەرا هەردو گوندێن گوهەرز و بالاڤا، هژمارەکا مه‌زن یا خەلکێ دەڤەرێ ب کچ کور ڤە دچنه زیرێن گوهەرزێ و بالاڤا و یاریێن کەلتوری مینا خلیسکان و گولمشکانێ و چەند یاریێن دى ئەنجام ددەن.
ئه‌ڤرۆنيوز:
راگه‌هاندنا به‌شێ هاتنوچوونا قه‌زا دهۆكێ بۆ ئه‌ڤرۆنيوز دياركر دده‌مێ 48 ده‌مژمێرێن بۆرى دا 10 روودانێن هاتنوچوونێ ل سنورێ بنگه‌هێ هاتنوچوونا ناحيا زاويته رووداينه.
سالح جه‌ميل، ژ راگه‌هاندنا به‌شێ هاتنوچوونا قه‌زا دهۆكێ بۆ ئه‌ڤرۆنيوز گۆت” ئه‌گه‌رێن په‌يدابوونا وان روودانان دزڤريت بۆ دروستبوونا جه‌مه‌دێ ل سه‌ر جاده‌يان، هه‌روه‌سا نه‌پێگيرى ب رێنمايێن هاتنوچوونێ”.
گۆت ژى” ژ ئه‌نجامێ وان روودانێن هاتنوچوونێ 9 كه‌س بريندار بووينه”.
ئەڤرۆ نیوز:
کەسێ هوون د وێنێ د دبینن هەلگرێ مەزنترین پلا زانستی ئانکۆ دکتورایە، لێ ژ بەر کو کوردە ل ئیرانێ ناهێتە دامەزراندن و نەچارە کرێکاریێ دکەت.
دکتور عەبدوللا ئەمینی خەلکێ باژێرێ مەریوان یێ رۆژهەلاتێ کوردستانێ یە، باوەرناما دکتورا ب فەلسەفا رۆژئاڤا هەیە، لێ ژ بەر کو کوردە ناهێتە دامەزراندن و نها کرێکاریێ دکەت، ژ قەستان مەزنێ مە نەگۆتنە کوردبوون زەحمەتە.
ئەڤرۆ نیوز:
وەزیرێ دەرڤە یێ ئەمریکا مایک پۆمپیۆ راگەهاند کو ئەم بەرهەڤیان بۆ گێرانا کۆنفرانسەکێ ل دژی ئیرانێ دکەین و مە دڤێت پرانیا وەلاتێن جیهانێ د ڤێ کۆنفرانسێ دا پشکدار بن دا ئەم پێکڤە بشێین ئیرانێ نەچار بکەین دەستان ژ چەکێ ئەتۆمی بەردەت و رۆژهەلاتا ناڤین ژی تووشی ئالۆزیان نەکەت.
ناڤهاتی راگەهاند کو ل مەها داهاتی دێ ئەڤ کۆنفرانسە هێتە گێران و ئارمانجا ئەمریکا ژی ئەڤە بەرەیەکێ بهێز د ئاستی جیهانێ دا ل دژی ئیرانێ دروست بکەت.
ل هەمبەر ئاخڤتنێن وەزیرێ دەرڤە یێ ئەمریکا، بەهرام قاسمی پەیڤدارێ وەزارەتا دەرڤە یا ئیرانێ ژی راگەهاند کو ئەمریکا بزاڤان دکەت جارەکا دی رۆژهەلاتا ناڤین تووشی شەرەکی مەزن بکەت و دڤێت وەلاتێن دەڤەرێ ل هەمبەر پیلانێن ئەمریکا د هشیار بن.
ئەڤرۆ نیوز، عەلی حاجی:
یاریزانێ تیما خوەلێکدانا یانا زاخۆ شەھید حزنی پشتی شیایی ل ڤاڤارتنێن دەرباز بوونێ بو قارەمانیا ئاسیا پلا ئێکێ ب دەست خوەڤە بینیت و پلێتا دەرباز بوونێ بکەت یاریزانێ ناڤبری نێزیک بوویە ھەڤبەستا یانا ئەمانە یا بەغدا ئیمزا بکەت .
ل دور ڤێ چەندێ شەھید حزنی بۆ ئەڤرۆ نیوز گوت : ل نوکە دا یانا ئەمانە بەغدا پەیوەندی ب من کریە و ئەم ل سەر ھەمی خالێن گرێبەستێ رێککەڤتینە و دێ یاریێ بەرامبەر مووچەیەکێ ھەیڤانە بو وێ یانێ کەم و ئەز ب ھەمی مەرجێن ل گربەستێ دا ھاتین رازی بوویمە و بتنێ یا مای ھڤبەستا خوە دگەل وێ یانێ ئیمزا بکەم، ھەڤبەستا من دگەل وێ یانێ دێ بۆ ماوێ سالەکێ بیت بەرامبەر موچەیەکێ ھەیڤانە یێ ۵۰۰ ھزار دیناری.
ناڤھاتی زێدەر گوت: ل ماوێ ڤان دو روژێت بھێت دا دێ ب شێوەیەکێ فەرمی ھەڤبەستا خوە دگەل وێ یانێ مورکەم و ئێدی دێ وەک یاریزانەکێ پیشەگەر دناڤ رێزێن یانەیەکا عێراقی دا یاریێ کەم.
ئەڤرۆ نیوز، هۆشەنگ تاجر:
د. ئەحمەد سەمەدی بسپۆرێ کاروبارێن سیاسی ل رۆژهەلاتێ کوردستانێ بۆ ئەڤرۆ نیوز دیار کر کو هەرچەندە بەرپرسێن ئەمریکا دبێژن مە بەرنامەکا باش بۆ پاراستنا کوردان هەیە و دێ وان پارێزین لێ هەتا نها ژی ستراتیژیا ئەمریکا دیار نینە و ئەو یەک ژی مەترسیا خوە بۆ کوردێن سووریێ هەیە.
ناڤهاتی راگەهاند کو تورکیا رۆژانە گەفان دکەت و ئەردۆگان ب ئاشکرا دبێژیت بەری کو ئەمریکا دەرکەڤیت دێ هێرشی رۆژهەلاتێ فراتێ کەین لێ هەلویستێ ئەمریکا ل هەمبەر گەفێن ئەردۆگانی هەتا نها دیار نەبوویە و بەرسڤا ئەردۆگانی نەداینە، ئەو یەک ژی نیشا ددەت کو ئەمریکا چو ستراتیژیەک بۆ پاراستنا کوردان نینە و دڤێت کوردێن رۆژئاڤا ب هەموو رەنگەکێ ل هەمبەر هێرشێن تورکیا خوە بپارێزن و پشتا خوە ب ئەمریکا گەرم نەکەن.
ئەڤرۆ نیوز:
ماریا زاخارۆڤا پەیڤدارا وەزارەتا دەرڤە یا روسیا راگەهاند کو پشتی ئەمریکا بریارا ڤەکێشانا هێزێن خوە ژ سووریێ دایی کوردان دڤێت ل گەل شامێ دانوستاندنان بکەن و ئەو یەک ژی گرنگیەکا خوە یا تایبەت هەیە.
ناڤهاتیێ راگەهاند کو مە بەری نها ژی دیار کریە کو مە نەڤێت سووریا بهێتە پارچەکرن و ژ بۆ چارەکرنا قەیرانا سووریێ ژی دانوستاندنێن کوردان و شامێن گرنگن و ئەم پشتەڤانێ ل هندێ دکەین.
بەری نها ژی روسیا دیار کربوو ئەم پشتەڤانیێ ل هندێ دکەین کورد ل سوورێ بگەهنە مافێن خوە لێ نابیت چو بزاڤەکێ بۆ پارچەکرنا ئاخا سووریێ بکەن.
ئه‌ڤرۆنيوز:
ژێده‌ره‌كێ ئه‌منى ل پارێزگه‌ها ئه‌نبار ل رۆژئاڤايێ عيراقێ ئه‌ڤرۆ پێنجشه‌مبى 10/1/2019 راگه‌هاند، هێزه‌كا ئه‌مريكى ده‌ست ب پيڤانا بيابانا ئه‌نبار كريه بۆ دانانا هژماره‌كا بنگه‌هێن له‌شكرى يێن نوو ول ئه‌سمانى ژى رومالا ئه‌منى ئه‌نجام دده‌ن.
ئه‌ڤ پێشڤه‌چوونا له‌شكرى يا يا ئه‌مريكى پشتى سه‌ره‌دانا ژ نشكه‌كێ ڤه يا سه‌رۆكێ ئه‌مريكى دۆنالد ترامپى بۆ بنگه‌هه‌كێ له‌شكرى يێ ئه‌مريكى ل پارێزگه‌ها ئه‌نبار دهێت ل دووماهيا سالا 2018 ده‌ما راگه‌هاندى دبيت ژنوكه ووێڤه ژ ڤى بنگهى هێرش ل سه‌ر ئارمانجان ل سووريێ بهێنه كرن.
چه‌ند ده‌زگه‌هێن راگه‌هاندنێ يێن عيراقى به‌لاڤكر كو ژبه‌ر ڤێ ئه‌گه‌رێ هژماره‌كا مه‌زن يا هێزێن ئه‌مريكى ئه‌ڤرۆ پێمجشه‌مبى ل رێيا دناڤبه‌را باژێرێ رومادى سه‌نته‌رێ پارێزگه‌ها ئه‌نبار وده‌ڤه‌رێن رۆژئاڤايێ پارێزگه‌ها ئه‌نبار يێن هاتينه ديتن.
وان ده‌زگه‌هێن راگه‌هاندنێ ژ ژێده‌ره‌كى هه‌والگيريا عيراقى ڤه‌گوهاست كو ئه‌ڤ لڤينێن له‌شكرى يێن ئه‌مريكى بێ ئاگه‌هداريا هێزێن ئه‌منى يێن عيراقى دهێنه ئه‌نجامدان وهێزێن عيراقى چو ده‌ستهه‌لات ل سه‌ر لڤينێن هێزێن ئه‌مريكى نينه.
ئەڤرۆ نیوز ٬ عەلی حاجی
تیماخوەلێکدانا یانا زاخۆ پشتی ب سێ یاریزانان پشکداری ل قارەمانیا دەربازبوونێ بۆ قارەمانیا ئاسیا کرین بێ پشتەڤانیا کارگێریا یانا زاخۆ، شیان ئەنجامێن باش ب دەستخوەڤە بینن.
ل رەمەزان حەسەن، راهێنەرێ تیما خوەلێکدانا یانا زاخۆ بۆ ئەڤرو نیوز گۆت : یاریزان (شەهید حسنی) ل سەر کێشا ٦۱کگم شیا پلا ئێکێ ل سەر ئاستێ عێراقێ ب دەستخوەڤە بینیت وەکو ئێکەم یاریزانێ کورد ل هەرێما کوردستانێ شیا ڤی دەستکەفتی ب دەستخوەڤە بینیت و یاریزانێ ناڤبری دێ دگەل هەلبژارتیێ عێراقێ پشکداریێ دقارەمانیا ئاسیا دا کەت ئەوا دێ ل وەلاتێ کوریا باشوور هێتە ئەنجامدان و هەروه‌سا (وەلات محەمەد) ب کێشا ٦۵ کگم ل رێزا دويێ هات و (محەمەد سەمیر) ل سەر کێشا ۷٤ کگم ل رێزا سیێ هات ل سەر ئاستێ عيراقێ .
زێدەتر گۆت : هەر چەندە دەستەکا کارگێریا یانا زاخۆ چو پشتەڤانی ل تیما مە و یاریزانێن مە نەکر، بەلێ مە بۆ هەموويان دیارکر بێ پشتەڤانیا وان ژی دشێين دەستکەڤتیان ب دەستخوەڤە بینن و یاریزانێن مە ل بلندترین ئاست دانە و دشێن ببنە نوونەرێ راستەقینەیێ ناڤێ زاخۆ و کوردستانێ و هەروه‌سا ئەڤە نەدەستکەفتیێ ئێکێ یە ب دەستخوەڤە دئینن، بەلێ بلا بۆ هەموويان دیار بیت ئاستێ یاریزانێن مە ژهەژی قارەمانیێن ئاسیا وجیهانی یە .
نيشاندان