ئه‌ڤرۆ نیوز:
تورا جڤاكیا فه‌یسبوكێ ئه‌ڤرۆ به‌لاڤ كر، ژ ئه‌ڤرۆ پێدا بكارئینه‌رێن فێسبوكێ تا 10 خوله‌كان پشتى هنارتنا نامان دشێن ل ده‌ف خوه و بۆ لایێ به‌رامبه‌ر ژى ژێ ببه‌ن.
فه‌یسبوكێ خزمه‌تگوزاریه‌ك زێده‌كر
نووترين نووچه
- ئەمریکا داخوازەکێ ژ هەر دو هێزێن کوردی دکەت
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
سهرهكى Facebook
مەسرور بارزانی:هه‌رێما كوردستانێ ل هه‌موو بواران دريفۆرمێن خوه دا يا به‌رده‌وامه
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى، ئه‌ڤرۆ سێشه‌مبى 5/2/2019 پێشوزى ل سيريل نۆن باليۆزێ ئه‌لمانيا ل عيراقێ كر ودديداره‌كێ دا ب به‌رهه‌ڤبوونا باربارا وولف كونسۆلێ ئه‌لمانيا ل هه‌ولێرێ په‌يوه‌نديێن هه‌رێما كوردستانێ وئه‌لمانيا ودووماهى پێشهاتێن ره‌وشا ده‌ڤه‌رێ هاتن به‌حسكرن.
مه‌سرور بارزانى رۆلێ ئه‌لمانيا دپشته‌ڤانى وهاريكاريا هه‌رێما كوردستانێ، ب تايبه‌تى ڤه‌كرنا نه‌خوه‌شخانه‌كا پێشكه‌ڤتى ل هه‌ولێرێ وپێشكێشكرنا وێ بۆ وه‌زاره‌تا پێشمه‌رگه ب بلند نرخاند ودووپاتى ل پێشڤه‌برن وب هێزكرنا په‌يوه‌نديان كر وراگه‌هاند، هه‌رێما كوردستانێ دهه‌موو بواران دا د ريفۆرمێن خوه دا يا به‌رده‌وامه، راوێژ وئه‌زموونا وه‌لاتێن دۆست دوێ پرسێ دا ب پێدڤى دزانيت.
باليۆزێ ئه‌لمانيا دياركر كو وه‌لاتێ وى ب گرنگى ڤه سه‌حدكه‌ته رۆل وپێگه‌هێ هه‌رێما كوردستانێ وپشته‌ڤانيێ ل به‌رفره‌هكرنا په‌يوه‌نديان دبوارێن جودا جودا دكه‌ت ودێ به‌رده‌وام بيت دهاريكاريێن خوه بۆ هه‌رێما كوردستانێ وراگه‌هاند، دروستكرنا نه‌خوه‌شخانا پێشمه‌رگه پشكه‌كه ژ ئه‌ركێ وه‌لاتێ مه به‌رامبه‌ر رۆل وقوربانيێن هێزا پێشمه‌رگه‌ى.
دپشكه‌كا دى يا وێ ديدارێ دا، مه‌ترسيا سه‌رهلدانا تيرۆرێ ل هنده‌ك ده‌ڤه‌ران وهه‌ماهه‌نگيا هێزێن پێشمه‌رگه‌ى وله‌شكرێ عيراقێ وره‌وشا كه‌ركووكێ ب تايبه‌تى هاته به‌حسكرن، گرێداى وێ چه‌ندێ شيره‌تكارێ جڤاتا ئاسايشا هه‌رێما كوردستانێ زێده‌بارى دووپاتكرنێ ل رێيا ديالۆكێ ولێكتێگه‌هشتنێ، دئاماژه‌كێ دا بۆ ميكانيزما چاره‌سه‌ريا ره‌وشا وان ده‌ڤه‌ران ب پێدڤى زانى ل به‌رچاڤ وه‌رگرتنا دستوورى ره‌وشا وان ده‌ڤه‌ران بهێته ئاساييكرن.
میلان یا ھەڤرکیا یانەکا ئنگلیزی دکەت بوو دەستڤە ئینانا یاریزانەکێ عەرەب
ئەڤرۆ نیوز:
راپورتێن رۆژنامەڤانی ل پورتوگال ئاشکراکرینە یانا میلان گرنگیەکا مەزن ب شیانێن ستێرەکا عەرەب و یاریزانێ یانا پورتو یا پورتوگالی دایە بوو ڤەگوھاستنا ئەوی ل ھاڤینا بھێت.
مالپەرێ ئابولا یێ پورتوگالی دیارکریە یانا میلان یا ھەڤرکیێ ل گەل یانا وتفورد یا ئنگلیزی دکەت بوو ڤەگوھاستنا یاریزانێ ھەلبژارتیێ جەزائیر و یانا پورتو یا پورتوگالی یاسین براھیمی ل ھاڤینا بھێت بوو ب ھێز ئێخستنا ھێلا ھێرشبەریا خوە.
دادگەھا ئسپانیا مورینھو زیندان کر
ئەڤرۆ نیوز:
ئەڤرۆ رۆژا سێشەمبی دادگەھا بلندا ئسپانیا بریارا زیندانکرنا راھێنەرێ پرتوگالی جوزێ مورینھو دەرکر بۆ ماوێ ئێک سال پشتی راھێنەرێ ناڤبری دانپێدان ب تاوانا رەڤین ژ باجێ کری.
دادگەھا بلندا ئسپانیا ئەو چەندە ژی راگەھاند راھێنەرێ پرتوگالی مورینھو ناچیتە د زیندانێ دا پشتی حوکمێ وی ژ زیندانیێ بۆ غەرامێ ھاتیە گوھۆرین پشتی ئاشکرا بووی ل وەرزێ ٢٠١١ و ٢٠١٢ مورینھوی ب دزی ڤە داھاتێ خوە ڤەشارتی و بۆ حزکمەتا ئسپانیا ئاشکرا نەکری.
ئیران دێ ٥٠ هزار گرتیان ئازاد کەت
ئەڤرۆ نیوز:
سەرۆکێ دەزگەهێ دادێ ل ئیرانێ سادق لاریجانی راگەهاند کو ب هەلکەفتا چهل سالیا شۆرەشا ئیسلامی یا ئیرانێ و ب فەرمانا سەرۆکێ شۆرەشا ئیسلامی دێ ٥٠ هزار گرتیان ئازاد کەین و گۆت: (ئەڤ بریارە ژی نیشا ددەت کو ل وەلاتێ مە رێز ل مافێ مرۆڤی دهێتە گرتن).
د بەرسڤا رۆژنامەڤانەکێ دا ل دۆر هندێ کا بۆچی د ناڤ لیستا گرتیێن کو دێ هێنە ئازادکرن دا زیندانیێن سیاسی نینن ژی سادق لاریجانی راگەهاند کو ل ئیرانێ گرتیێن سیاسی نینن.
کورد دێ رۆلەکێ سەرەکی د ئاڤاکرنا هەرێما ئارام دا گێرن
ئەڤرۆ نیوز، هۆشەنگ تاجر:
فەیسەل ئیسماعیل ئەندامێ سەرکردایەتیا پارتی دیموکراتی کوردستان/ سووریا بۆ ئەڤرۆ نیوز دیار کر کو نها هەڤدیتن د ناڤبەرا ئەمریکا، تورکیا و ئۆپۆزسیۆنا سووریێ و هێزێن کوردی بەردەوامن و چەندین پێشنیاز بۆ دروستکرنا هەرێما ئارام هەنە و شاندەکێ ئۆپۆزسیۆنا سووریێ ژی بۆ ڤێ مەرەمێ بەری چەند رۆژان سەرەدانا هەرێما کوردستانێ کربوو و گۆت: (کورد دێ رۆلەکێ سەرەکی د ئاڤاکرن و پاراستنا هەرێما ئارام ل سووریێ دا گێرن و هندەک هێزێن ئۆپۆزسیۆنا سووریێ و پێشمەرگێن رۆژ دێ وێ دەڤەرێ پارێزن).
ناڤهاتی راگەهاند کو ئەمریکا بۆ هندێ ژی گرنگیێ ددەتە نێرینێن سەرۆک بارزانی و بێگومان هەرێما کوردستانێ دێ رۆلەکێ سەرەکی د ئاڤاکرنا هەرێما ئارام دا هەبیت.
پارتی و ئێکەتیێ ب چەند بریارێن گرنگ کومبوونا خوە ب دووماھی ئینا
ئەڤرۆ نیوز:
ئەڤرۆ ل رۆژا سێشەمبی ٥-٢-٢٠١٩ پارتی دیموکراتی کوردستان پشتی ئەڤرۆ کومبوونەکا تایبەت دگەل ئێکەتیێ ئەنجامدای دەربارەی پێکئینانا حوکمەتا نوو یا ھەرێما کوردستانێ و چارەسەرکرنا کێشەیێن ھەلاویستی ل سەر چەند خالەکان رێککەفتن.
د ڤێ کومبوونێ دا ھاتیە ئاشکرا کرن پشتی چەندین گوتوبێژان ناڤبەرا ھەردو حزبان دا رێککەفتن ل رۆژا ١٨ شوباتا ڤێ ھەیڤێ کومبوونا پەرلەمانێ کوردستانێ بھێتە ئەنجامدان، دیسان ل ھەمان رۆژا پێخەمەت چارەسەرکرنا کێشەیێن کەرکووکێ جڤاتا پارێزگەھا کەرکووکێ دێ ل باژێرێ ھەولێرێ کومبوونا خوە ئەنجامدەت ب ھەڤکاریا ھەردو حزبان پارێزگارەک ژی بۆ ڤی باژێری بھێتە دەستنیشان کرن.
ھەر د ڤێ کومبوونێ دا بریار ھاتەدان لژنەیەک بۆ نڤیسینا ڤێ رێککەفتنێ د ناڤبەرا ھەردو لایان بھێـە پێکئینان.
رونالدوی پەیوەندی ب ستێرەکا ریال کریە بوو ئیمزاکرنا ھەڤبەستا یوڤانتوس
ئەڤرۆ نیوز:
ستێرا پورتوگالی و یانا یوڤانتوس یا ئیتالی کریستیانو رونالدو پەیوەندی ب ھەڤالەکێ خوە یێ یانا ریال مەدرید کریە بوو رازیکرنا وی بوو کرنا یاریێ ل یانا یوڤانتوس ل وەرزێ بھێت .
رۆژناما مارکا ئیسپانی دیارکریە رونالدو ل ماوێ چەند رۆژێن بوری پەیوەندی ب ھەڤالێ خوە کولومپی و یاریزانێ نوکە یێ یانا بایرن میونیخ خامێس رودرێگیز کریە ئەوێ ب شێوەیێ خواستن ژ یانا ریال بەر ب وێ یانا ئەلمانی ڤە چووی بوو ھاڤینا بھێت ھەڤبەستا یانا یوڤانتوس یا ئیتالی ئیمزا بکەت.
ئێکەتیا ئورۆپا هۆشداری دا ئیرانێ
ئەڤرۆ نیوز:
ئێکەتیا ئورۆپا ب رەنگەکێ فەرمی نەرازیبوونا خوە ل هەمبەر بەرنامێ موشەکی یێ ئیرانێ دیار کر کو و هۆشداری دا ئیرانێ هەکە بەرنامێ خوە نەدەنە راگرتن دێ ئورۆپا نەچار بیت هەموو پەیوەندیێن خوە ل گەل ئیرانێ رابگریت.
وەلاتێن ئێکەتیا ئورۆپا هەروەسا دیار کرینە کو بەرنامێ موشەکی یێ ئیرانێ دێ مەترسیەکا خوە یا مەزن ل سەر دەڤەرێ و هەتا جیهانێ هەبیت و دڤێت ئیران رێزێ ل ئاشتیێ بگریت و نەبیتە ئەگەرێ ئالۆزیێن نوو ل دەڤەرێ.
ئیرانێ دڤێت کوشتنا کۆلبەران قانوونی بکەت
ئەڤرۆ نیوز، هۆشەنگ تاجر:
تاهر فەرهادی ئەندامێ رێکخراوا مافێ مرۆڤی یا رۆژهەلاتێ کوردستانێ بۆ ئەڤرۆ نیوز دیار کر کو دوهی فەرماندارێ پۆلیسێن پارێزگەها سنە ب ناڤێ عەلی ئازادی راگەهاند کو هەر کەسەک ب رەنگەکێ نەقانوونی ل سەر سنوران هاتنوچوونێ بکەت دێ تەقە لێ هێتە کرن، ئانکۆ دخوازن کوشتنا کۆلبەرێن کورد قانوونی بکەن.
ناڤهاتی راگەهاند کو تنێ د مەها بۆری دا نێزیکی ٢٠ کۆلبەرێن کورد ل سەر سنوری بووینە قوربانی، هەکە دەولەتا ئیرانێ بڤێت کارێ کۆلبەریێ نەمینیت دڤێت ب قانوونی دەلیڤا کاری بۆ وان کەسێن ل سەر سنوران پەیدا بکەت یان ژی جهەک بهێتە دەستنیشانکرن دا کۆلبەر ب وێ رێکێ هاتنوچوونێ بکەن، لێ یا نها بەرپرسێن ئیرانێ دکەن کوشتنا کۆلبەرانە و مخابن هەتا نها چو سازیەکێ جیهانی ژی خوەدان ژ کۆلبەران دەرنەکەفتیە.
نيشاندان
WP Facebook Auto Publish Powered By : XYZScripts.com