ئهڤرۆ نيوز:
شاندهكێ بلندێ كۆمهلا ئيسلامى و بزاڤا ئيسلامى ل سلێمانيێ و ل مهكۆيا سهرهكى يا بزاڤا گۆڕان يێ د كۆمبوونێ دا.
ئهڤرۆ نيوز:
شاندهكێ بلندێ كۆمهلا ئيسلامى و بزاڤا ئيسلامى ل سلێمانيێ و ل مهكۆيا سهرهكى يا بزاڤا گۆڕان يێ د كۆمبوونێ دا.
ئهڤرۆ نيهوز:
رێڤهبهريا گشتى يا سهقاناسى و بيڤهلهرزێ ل ههرێما كوردستانێ راگههاند كو سوبههى رۆژا پێنجشهمبى رێكهفتى 11ى كانوونا دويێ 2018 دهێته پێشبينيكرن دێ ساهى بيت ل گهل هندهك ئهورێن كێم.
پشكا پێشبينيان ل رێڤهبهريا گشتى يا سهقاناسى و بيڤهلهرزێ ل ههرێما كوردستانێ د نڤيسارهكێ دا راگههانديه كو ژ ئه گهرێ هاتنا فشارێن بلندێن وهلاتێ توركيا دهێته پێشبينيكرن ئهسمان ساهى بيت ل گهل هندهك ئهورێن كێم.
پشكا پێشبينيان خۆيا ژى كريه كو نزمترين پلا گهرما پێشبينيكرى دێ 4 پله بيت و بلندترين پله ژى دێ 16 پله بيت.
ههر ب گۆرهى ڤێ راپۆرتا رێڤهبهريا ناڤبرى لهزاتيا باى دێ گهلهك زێدهكهت و ل هندهك جاران دێ گههيته 5 بۆ 10 كم بيت د دهمژمێرهكێ دا و ماوێ ديتنێ ژى دێ 10كم بيت.
ئهڤرۆ نيوز:
پێداچوون د قانوونا ھاتنوچوونا ھەرێما کوردستانێ دا دھێتەکرن و ئەندامەکا لیژنا قانوونی ژی دبێژیت: ھندەک سزایێن ھاتنوچوونێ ل سزایێن زیندانیکرنێ بۆ سزایێن دارایی و زێدەکرنا غرامێن پارەی ھاتینە گۆھڕین.
تەلار لەتیف، ئەنداما لیژنا قانوونی ل پەرلەمانێ کوردستانێ بۆ رۆژناما ئەڤرۆ گۆت: “لیژنێن پەرلەمانی مژوولی راستڤەکرنا قانوونا ھژمار 86 یا ھاتنوچوونا ھەرێما کوردستانێ نە و ھەتا نوکە ئەم شیاینە راستڤەکرنێ بۆ ھژمارەکا مادە و بڕگێن ناڤا قانوونێ بکەین، بڕیارە پشتی پێداچوونێ دووبارە ل پەرلەمانێ کوردستانێ دەنگ ل سەر بھێتەدان و گوھۆڕین بکەڤیتە کەرتێ ھاتنوچوونێ و سزایێن ھاتنوچوونێ ژی ژ لایێ غرامە و زیندانیکرنێ ڤە دێ ھێنە گوھۆڕین”.
تەلار لەتیف گۆت ژی: “مادێن 21 ھەتا 24 ھاتینە راستڤەکرن و ل گۆرەی راستڤەکرنێ مە ھندەک سزایێن زیندانیکرنێ گوھۆڕینە بۆ سزایێن دارایی، ئانکو بەری نوکە ھندەک زێدەگاڤی ھەبوون بۆ نموونە: شۆفێرێن ژیێ وان ژ 18 سالیێ کێمتر و بێ مۆلەت تڕۆمبێلێ بکار دئینن ل شوونا سزایێ زیندانیکرنێ سزایێ مادی بۆ ھاتیە دیارکرن، دیسا سزایێن بۆ شۆفێرێن مادێن ھۆشبەر بکادئینن ژ سزایێن مادی بۆ زیندانیکرنێ ھاتیە گوھۆڕین”.
ئەڤرۆ نیوز:
پتر ژ 50 خودانێن سەمۆنخانان ل قەزا زاخۆ دوھی 9-1-2018 خوەنیشاندانەک ل بەرامبەر قایمقامیا قەزا زاخۆ ئەنجامدا و گەفێن داخستنا جھێن خوە کرن، ئەگەر ھات و حوکمەتا ھەرێمێ گازا سپی بۆ وان دابین نەکەت.
ئێک ژ پشکدارێن خوەنیشاندانێ بۆ ئەڤرۆ دیار کر، حوکمەتا ھەرێمێ بەلاڤکرنا گازا سپی ڤێ ھەیڤێ ژ وان بڕیە و ڤێ ژی کارتێکرنەکا مەزن ل سەر وان کریە و دبێژیت: ئێدی چو مفایێ مە د فرۆتنا سەمۆنان دا نەمایە، ئەگەر حوکمەت گازا سپی بۆ مە دابین نەکەت، ئێدی ئەم نەشێین کار بکەین و دێ سەمۆنخانێن خوە دائێخین.
ئەو یەک ژی دیار کر، ئەڤە چەندین جاران مە ب فەرمی سەرەدانا قایمقامیا زاخۆ کر بۆ دابینکرنا گازا سپی، بەلێ قایمقامیا زاخۆ دبێژیت: مە گاز نینە و نەشێین بدەینە ھەوە و ھەکە ھوسا بەردەوام بیت، ھەموو سەمۆنخانێن زاخۆ دێ ھێنە داخستن و نەشێن کار بکەن.
ئاشکرا ژی کر کو ئەڤە 12 سالە حوکمەتا ھەرێمێ گازا سپی ھەیڤانە ددەتە مە، ب وێ مەرەمێ مە بۆھایێ نان و سەمۆنان ئەرزانکریە، ژ نوو حوکمەت یا دبێژیت: چاڤدێریا بازرگانیا دھۆکێ گۆتیە گازا سپی ئێدی نەدەنێ و ئەڤە بڕیارا پارێزگەھا دھۆکێ ژی یە و گۆت ژی: “راگرتنا دانا گازا سپی بۆ سەمۆنخانە و نانپێژیان دێ زیانێ گەھینیتە ھەموو خەلکێ پارێزگەھێ”.
ژ لایەکێ دیڤە عەبدوللا ماسیکی، رێڤەبەرێ چاڤدێریا بازرگانی ل پارێزگەھا دھۆکێ تایبەت بۆ ئەڤرۆ دیار کر، ھەتا ھەیڤا 12 ژ سالا 2017 ژی گازا سپی ل سەر خودانێن سەمۆنخانە و نانپێژیان ھاتیە بەلاڤکرن، چونکو ل ھەموو دووماھیا ھەیڤان گاز بۆ وان دھێتە دابینکرن، بەلێ رەنگە بۆ ڤێ ھەیڤێ و ژ نھو وێڤە ئەڤ گازا سپی یا تایبەت بۆ سەمۆنخانە و نانپێژیان دچوو بھێتە بڕین.
ماسیکی خویا ژی کر، پارێزگەھا دھۆکێ رەنگە ئەڤرۆ ھەتا سوبە ڤێ بڕیارێ ئێکلا بکەت کو ئێدی گازا سپی بۆ خودانێن سەمۆنخانە و نانپێژیان نەھێتەدان، چونکو پارێزگەە ھوسا ھزر دکەت باشترە ئەو گازا ھەی بۆ خێزانێن پارێزگەھا دھۆکێ بچیت دێ پتر خزمەت ھێتە کرن ژ ھندێ بۆ سەمۆنخانە و نانپێژیان بچیت و گۆت: “رێژەکا مەزن یا گازێ بۆ سەمۆنخانە و نانپێژیان دچیت و رەنگە حوکمەتێ د شیان دا نەبیت ڤێ گازێ دابین بکەت”.
ئەڤرۆ، ئومێد وەلاتی:
کەتیبەیا ئەندازیاری یا فەرماندەیا ھێزێن پشتەڤانیا ئێک یا لەشکرێ کوردستانێ د کۆنگرەکێ رۆژنامەڤانی دا ئامارا راکرن و ژناڤبرنا بۆمبێن چاندی و پارچە تەقەمەنی یێن سالا 2017 راگەھاند.
لیوا مەحمود کاکەیی، بەرپرسێ کەتیبا ئەندازیاری یل فەرماندەیا ھێزێن پشتەڤانی/1 د کۆنگرەکێ رۆژنامەڤانی دا دیارکر، ھەر ژ 1/1/2017 ھەتا 31/12/2017 سەرجەمێ پەقاندن و راکرنا بۆمبێن چاندی دو ھزار و 882 بۆمبە بوون، پێکھاتبوون ژ بۆمبێن چاندی ئاسن 272، جەلیکان137، جوراوجور 1256، تێلەفزیۆن ھەشت، گۆللە تۆپ ھزار و 11، گۆللە ھاون 14، قلینێن غازێ چار، کەمەرێن مینرێژکری 12، ئوکسجین حەفت و چار مەنجەلان شیاینە ژناڤ ببەن.
دیسا لیوا مەحمود کاکەیی د وی کۆنگرێ رۆژنامەڤانی دا دیار کر کو ھەر ژ دەستپێکا شەرێ ل دژی تیرۆرستێن داعش ل 12/6/2014 ھەتا کو 31/12/2017 سەرجەمێ ھەموو وان TNT و بۆمب و تەقەمەنیێن ھاتینە ژناڤبرن و راکرن 18ھزار و 932 کو ھەموو ژ لایێ تیرۆرستێن داعش ڤە ھاتبوونە دانان بۆ زیانگەھاندنا ھێزێن پێشمەرگەی و خەلکێ سڤیل.
د بەرسڤدانا پرسیارەکا رۆژنامەیا ئەڤرۆ دا ل دۆر ھاریکاریا ھەڤپەیمانان و خۆلێن ھاتینە ئەنجامدان ل دۆر چاوانیا چارەکرنا ھەموو جۆرێن TNT یان لیوا مەحمود گۆت: “ب تنێ د سالا 2017 دا شیاینە ب ھەڤکاریا ھێزێن ھەڤپەیمانان 10 خۆلان ڤەکەن و 167 پێشمەرگە تێدا پشکداربویونە”.
ل داویێ ناڤبری دیارکر کو ھەموو ئەو چالاکی دەمێ ل سەنگەرێن پێشمەرگەی و د ناڤ شەران دا ھاتینە ئەنجامدان، ئەو دیمەنە ھاتینە تۆمارکرن ژ لایێ دەرھێنەر سەروەر عەبدوللا و رۆژنامەڤان ئومێد وەلاتی ب ھەڤکاریا پێشمەرگە و ئەفسەرێن فەرماندەییا ھێزێن پشتەڤانیا/1 یا لەشکرێ کوردستانێ کرینە فلمەکێ دیکۆمێنتاری و ل سەر قەھرەمانیا کارمەندێن تێمێن کەتیبا مە و ھێزێن پیشمەرگەی و ل فیستەڤالێن وەلاتێن (ئەرجەنتین ، ئسپانیا، مەکسیک ، ئوروگوای و سودان) پشکدار بووینە، دیسا ل فیستەڤالا نێڤدەولەتیا ئوروگوای باشترین فیلم ھاتە دەستنیشانکرن و ل سودان ژی باشترین دەرھێنەر، بڕیار ل سالا 2018 ل ھندەک فیشتیڤالێن دیتر ل دەرڤەی وەلاتی پشکدار ببیت.
ئەڤرۆ نیوز:
گورەی پڕۆژە قانوونەکێ دێ لێپرسین دگەل ئەڤان کەس و کۆمپانیا ھێتەکرن یێن پشکداری د کارەساتێن ھەرێما کوردستانێ دا ھەی، سەرۆکێ کۆمەلا قوربانیێن کارەساتا ھەلەبجەژی دبێژیت، ھەتا ل نافخۆ ئەف کارەسات ب جینۆساید نەھێنە نیاسین ل دەرڤە کار لسەر ناھێتەکرن.
لوقمان عەبدولقادر، سەرۆکێ کۆمەلا قوربانیێن کیمیا بارانکرنا ھەلەبجە بۆ رۆژناما ئەڤرۆ گۆت” پشتی مە سالێن بۆری سکالا ل دادگەھێن نێڤدەولەتی لسەر ھژمارەک تۆمەتبار و کۆمپانیێن بیانی تۆمارکری لدۆر کارەساتا کیمیا بارانکرنا ھەلەبجە داددگەھێن بیانی بمە راگەھاندیە کو پێدڤیە لسەر ئاستێ نافخۆیا کوردستانێ ژی ب جینۆساید بھێنە تۆمارکرن و ڤەکۆلین دگەلدا بھێتە کرن دووڤ دا بھێنە دادگەھێن نێڤدەولەتی، لەوڕاژی مە چو قانوون ل ھەرێما کوردستانێ نینە و حوکمەتا عێراقێ ژی ددەمێ خوەدا قانوون دەرکریە و تێدا ھاتیە عێراق نەشێت ڤەکۆلینێ دگەل وان کەسادا بکەت یێن ژ دەرڤەی عێراق و ھەرێما کوردستانێ بن.
لوقمان عەبدولقادر گۆتژی” مە پڕۆژە قانوونەک ب ھەڤکاریا ھژمارەک رێکخراوێن قانوون بەرھەڤکریە و رادەستی پەرلەمانێ کوردستانێ کریە، ھەتا گورەی ئەڤێ قانوونێ تۆمەتبارێن ژ دەرڤە و کۆمپانیێن پشکدار د کارەساتێن بسەر مللەتێ کوردا ھاتی بھێنە دادگەھیکرن، داخواز ل ھەموو فڕاکسیۆنێن پەرلەمانی دکەین ھەموو بزاڤەکێ بکەن قانوون بھێتە پەسەندکرن، ھەتا ئەم دگەل رێکخراوێن بیانی کارێ خوە بکەین بۆ دادگەھیکرنا تۆمەتباران و قەرەبوکرنا زیانڤێکەفتیان.
ئەڤرۆ نيوز:
ئەندامەکێ پەرلەمانێ کوردستانێ دیارکر, کو پشتی خواندنا ئێکێ و دووێ ل دور چارەشەکرنا مووچێن خانەنشینێن نەقانوونی ل پەرلەمانی بھێتەکرن، دێ کەڤیتە بەر دەنگدانێ و ھەموو فراکسیۆنێن پەرلەمانی ل گەل ڤێ بریارێ نە ئەگەر ئەڤ بریارە بھێتە پەسەندکرن ھەیڤانە 120 ملیار دێ بۆ حوکمەتا ھەرێما کوردستانێ زڤرن.
حاجی کاروان ئەندامێ پەرلەمانێ کوردستانێ ژ فراکسیونا یەکگرتو ئیسلامی کوردستان بۆ رۆژناما ئەڤرۆ گۆت: حکومەتا عیراقێ نەشێت مووچێ ھەموو خانەنشینا نە قانوونی بدەتێ، کو ب پلە وەزیر و لیوا ھاتینە خانەنشینکرن و رۆژەکێ ژی وەزیر یان لیوا نەبوویە، بارێ حوکمەتا ھەرێما کوردستانێ ژی گەلەک گرانکریە، ئەڤە بووینە ئەگەر کەسێن دەوامێ کرین و ھاتینە خانەنشیکرن مووچێ وا کێم بیت یان گیروبیتن .
حاجی کاروان ئەو ژی گۆت: پێدڤیە ئەوێن چەندین سالە مووچێ خانەنشینێ وەردگرن ھەیڤانە (100) دولارا بۆ حکومەتی ب زڤرینن، ژبەرکو مولکێ دەولەتی یە بێ دەوام مووچە وەرگرتینە و ئەڤە حەرامە و نەقانوونیە نابیت حکومەت ب چو رەنگا چاڤێ خوە ل سەر ئەفا کەسا ب نقینت.
ھەڤدەم ل دووف زانیاریێن مالپەرێ(باس) ب سەدان کەسێن نەقانوونی مووچێ خانەنشینێن کێم ئەندامێن سەنگەر ل وەزارەتا پێشمەرگەی وەرگرن، ل سالا بوری ژ ئەنجامێ پشکنینێ و ڤەکولینێ ل گەل 40% کێم ئەندامێن سەنگەر دەرکەفت زێدەتر ژ (1500) کەسا کێم ئەندام نەبوون و مووچە وەردگرتن، دیسا 60% ئەڤێن مای ئەگەر بھێنە پشکنینکرن پێشبینی دھێتەکرن مووچە خورێن نەقانوونی ھێشتا دیاربن.
جەبار یاور ئەمیندارێ گشتیێ وەزارەتا پێشمەرگەی حوکمەتا ھەرێما کوردستانێ، زانیاری پشست راستکرن، گۆت: ژ ئەنجامێ پشکنینا (3) ھزار کێم ئەندامان، دەرکەفتن(1500) کەس کێم ئەندام نەبوو و مووچە ھەیڤانە وەرگرتن.
یاوەر ئەو ژی گۆت: مە نڤێسارەک بۆ ئەنجوومەنێ وەزیران بلندکریە ل سەر بابەتی کو مووچێ ئەڤان کەسان بھێتە برین، لژنەکا پزیشکی بۆ دووبارە بوون ل سەر پشکنینا کێم ئەندامێن سەنگەر ژ سالا 2017 وەرە دەست بکارێن خوە کریە و دێ بەردەوام بیت ھەتا کارێ وێ ب دووماھی بھێت، دێ ھەموویان ڤەگریت.
ناڤبری ئەو ژی دیارکر کو ھەشت ھزار و 500 کێم ئەندامێن پێشمەرگەی مووچێ خانەنشینێ ھەیە، پرۆسێسا چاکسازیان ھەموو کەسان دێ ڤەگریت، ھەکە ئەو ناڤێن نەقانوونی بھێنەدەر دێ 670 ملیۆن دینار بۆ حوکمەتێ ھێنە زڤراندن.
ئەڤرۆ نیوز:
ئەندامەکێ سەرکرداتیا ئێکگرتوو ئیسلامی کوردستان ئاشکرا کر، حوکمەتێ دەست بجھئینانا مەرجێن ئێکگرتوو ئیسلامی کوردستان کریە، مە باوەری ب حوکمەتێ ھەیە بشێن ئەوان مەرجان بجھبینن.
د.محەمەد موستەفا بەرپرسێ مەلبەندێ سێ ئێکگرتوو ئیسلامی کوردستان و ئەندامێ سەرکرداتیا ئێکگرتوو ئیسلامی کوردستان بۆ رۆژناما ئەڤرو گۆت: رەوشا نوکە یا ئالۆزە تایبەت پشتی ئەنجامدانا ریفراندومێ و 16ی ئۆکتۆبەرێ روودان رۆژ بۆ رۆژ بەر ب ئالۆزبوونێ ڤە دچیت، ئێکرێزی د ناڤبەرا حزبێن کوردستانی دا یا لاوازە و دیسا ل گەل عیراقێ نەگەھشتینە چو خالان دەست ب دانوستاندنێ بکەین، نەدانا مووچان و گڤاشتنا وەلاتیان و کێمکرنا مووچان کارتێکرن ل سەر خەلکی کریە، تایبەت سلێمانیێ خوە نیشاندان دەرکەفتن و دووڤ دا چوونە سەر بارەگایێن پارتێن سیاسی و فەرمانگەھێن حوکمەتێ ئەڤە ھەمووو گڤاشتنن کو ئالیێن سیاسی کو سەردەریەکا گونجیایی ل گەل رەوشا نوکە بکەن، دڤێت ئالیێن سیاسی کومبن و چارەسەریەکێ بۆ کاودانێن نوکە یێ کوردستانێ ببین.
د.محەمەد مستەفا، بەحسێ مەرجێن ئێکگرتوو ئیسلامی کوردستان کر بۆ حوکمەتا ھەرێما کوردستانێ و گۆت: ئەم ھەموو دزانین خەلکی و تەخا فەرمانبەران داخوازێن ڕەوا ھەنە، ھەتا نوکە حوکمەت نەشیایە ل دووف داخوازێن وا بھێت، مافێ وەلاتیانە خوەنیشادانا بکەن، لێ نە ب وی رەنگی بچنە سەر بارەگایان و خەلک بھێتە کوشتن، ئەم دژی ڤێ چەندێ ینە، ھەکە خەلکی دڤێت خوەنیشادانان بکەن، پێدڤی یە ب رێکێن قانوونی داخوازا مافێن خوە بکەن، و ئەڤە مافەکێ ڕوایە، روودانێن سلێمانیێ پتر گڤاشتن ل سەر حوکمەتێ کرن کو چارەکێ بۆ کاودانا بینت دا بارودوخ ئالۆزتر لێ نەھێت، گڤاشتنێن بەغدا، دبیت دەستێن دەرەکی ھەبن دئەڤێ رەوشێ دا کو کاودانێن کوردستانێ ئالۆزبن، دڤێت حوکمەت ھندەک پێنگاڤێن کریاری ب ھاڤێژیت دا ئومێدەک بۆ خەلکی دروست بیت، کو چارەسەریەک بۆ کاودانێن وا یا دھێت دیتن، بەری دو ھەیڤان ژی و بەری ریفراندومێ دەمێ ئێکگرتوو پشکداری کر مە ل گەل ھەردو پارتێن دەستھەلاتدار دیارکر کو دڤێت دلێ خەلکی بھێتە خوشکرن، مە بەحسێ کاکرنا پەرلەمانی کر و بەحسێ ئاشتبوونا نافخویی کر، بحسێ مووچان وئەڤە نە مەرج بوون.
ھەروەسا ئاشکراکر، دبیت گەلەک خالێن ھەڤپشک دناڤبەرا مە ھەموو ئالیێن سیاسی دا ھەنە، ھندەک جاران ئەم و پارتی دھندەک خالان دا دگەھینە ئێک، بابەتێ ریفراندومێ نموونە، دیسا ئەم گۆڕان ھندەک خالان دگەھینە ئێک.
د.محەمەد موستەفا گۆت: سەرکرداتیا ئێکرتوو یا ئیسلامی یا کوردستان کومبوون ل سەر مان و ڤەکێشان ژ حوکمەتێ ئەنجامدا و ئەنەدامێن بەھدینان ھەبوو ل گەل ئەندامێن سلێمانیێ خوە ڤەکێشن ژ حوکمەتێ، لێ ئەندامێن سەرکرداتیا دەڤەرا بەھدینان پتر بوو مانا دحوکمەتێ دا، ھەکە بزانین مانا مە زیانە د حکمەتێ دا سەرکرداتیا بەھدینان بەری ھەموویان دێ داخواز کەت ئێکگرتوو ژ حوکمەتێ بھێتە ڤەکێشان، و بابەت گەنگشە ل سەر ھاتەکرن و ھەموو ئەندامێن سەرکرداتیێ ب ئازادانە ئاخفتن و گەنگەشە ل سەر وێ چەندێ ھاتەکرن کو کا کیش بڕیار باشترە بدەین، ئەم ل گەل دەنگێ خەلکی نە کو کاودان نەخوشن و مووچە نین، لێ باشترین بژارە ئەم دەرکەفتین کو دەلیڤەکا دی بدەینە حوکمەتا ھەرێما کوردستانێ.
بەرپرسێ مەلبەندێ 3ـــێ ئێکگرتوو ئیسلامی کوردستان ئەو ژی گۆت: ئەفە موولەتەکە بۆ حوکمەتێ کو ب زووترین دەم چارەکێ بۆ کاودانا ببینت چونکە ئێدی خەلک نەشێـت ئەفان کاودانان دا بژیت، من باوەری ھەیە و ئەگەر ئیرادە ھەبیت حوکمەت دشێت ڤی ماوەی دا ئەوان مەرجێن ئێکگرتوو رادەست کرین دشێت بجھبینت، ھەکە ئەڤە پرۆپاکندا ھەلبژارتنان با، دا وەک کومەلا ئیسلامی و بزاڤا گوران خوە ژ حوکمەتێ ڤەکێشین. ، مە دووپاتکر نە دوڤچوونا پارتی و ئێکەتی دکەین و نە دوڤچوونا کومەلا ئیسلامی و بزاڤا گوران دکەین.
ھەروەسا خوەیاکر، پشتی شاندێ ئێکگرتوو سەردانا سەرۆک و جێگرێن حوکمەتێ کرین ئەوا دەست خوەشی ل ئێکگرتوو کرینە کو ئەف خالە ھەموو گرێدای ژیانا خەلکی نە و یا ژێ بھێت تقسیریێ ناکەن، ژڤانە نێزیک دێ کومبوونێ ل سەر خالا کەن و دێ ڤەکولین ل سەر ھێتەکرن و ی پێدڤی دێ ھێتە بجھئینان و ھەکە تێبینی ل سەر ھندەک خالان ھەبن دێ دانوستاندنێ ل گەل شاندنێ ئێکگرتوو ئیسلامی کوردستانێ کەن، رێکەفتی 15ی ئێک ئێکگرتوو دێ کومبیت و دێ ل سەر ئەوان خالان بریارێ دەت کا حوکمەتێ شیایە چەند ژ خالان بجھبینت و دێ بریارەکا ئێکلاکەر دەتن، بریارا حوکمەتێ ل سەر خانەنشینن نەقانوونی ئێک ژ خالێن ئێکگرتوو بۆ دەست خوەشیێ ل حوکمەتێ دکەین، ھەکە حوکمەت پێنگاڤێن زووتر ب ھاڤێژیت دێ دلێ خەلکی خوە شکەین و دێ بۆ خەلکی دیارکەین کو حوکمەت ڤێ جارێ یا رژدە بۆ بابەتێ نەھێلانا گەندەلیێ و پاقژکرنا لیستێن مووچا بۆ ئەڤان کەسێن نە ژ ھەژی.
ناڤبری دووپاتکر، بەری پەرلەمان بھێتەکاراکرن، دەنگۆ ھەبوو کو سەرۆکێ پەرلەمانی بدەنە ئێکگرتوو و مە رەدکریە و پشتی پەرلەمان ھاتیەکاراکرن ژی ھەمان بابەت ھاتە بەحسکرن ھەر مە رەدکر ڤی پوستی وەربگرین، مە خو نەھاڤێتە جھێ کەسەکێ و مە حەزکر ھەموو ئالیێن سیاسی پێکڤە و ب ھەڤرا کار بکەن ژ ئەڤێ قەیرانا سیاسی دەرباز ببن، مەڤیا ئەم ل دووف سەنگا خوە پۆستان وەربگرین و جھێ سەرۆکێ پەرلەمانی بوومە نەیێ گرنگە، ھێشتا ب فەرمی پۆست بوومە نەھاتیەدان و باوەرناکەم ئێکگرتوو وی پوستەی وەربگریت.
ل دور ھەلبژارتنێن داھاتی ل کوردستانێ و عیراقێ بەرپرسێ مەلبەندێ ئێکگرتوو گۆت: دارایی و پێشمەرگە و دەستھەلات د دەستێ پارتی و ءئێکەتیێ دایە، خەلکی گازندە ھەنە، لێ باشترین چارەسەری ئەوە ب زووترین دەم ھەلبژارتن بھێنەکرن، دا کاودان بەر ب چارەسەریێ ڤە بچن چونکە کاودانێن نوکە گەلەک ئالیێن سیاسی دەرفەت وەرگرن ژ بەر ھەلبژارتنان و ھەلویستێ وانێ دژوانە، ھەکە ھەلبژارتن بھێنەکرن دێ بیتە فشارەک سەر حوکمەتێ.
ئەڤرۆ نيوز:
جەم ئۆزدەمیر ئەندامێ پەرلەمانێ ئەلمانیا د داخۆیانیەکی دا راگەھاند کو ھندەک زانیاری ل دۆر بزاڤێن تیرۆرکرنا ھژمارەکا کەسایەتیێن کورد دھێنە بەلاڤ کرن و گۆت: (زانیاریێن دھێنە بەلاڤ کرن زانیاریێن جدی نە و ھەتا نھا چەند کەس ب تۆمەتا کارێن سیخوریێ ھاتینە گرتن و دڤێت ڤەکۆلینێن ل سەر خەباتێن دەزگەھێ ھەوالگیریا تورکیا (میت) بھێنە بەرفرەە کرن و ئەنجامێن وێ بۆ رایا گشتی بھێنە ئاشکرا کرن).
ھەر د ڤێ مژارێ دا سازی و کۆمەلێن کورد ل ئەلمانیا ژی دۆسیەکا تایبەت دانە دادگەھا کۆلن یا ئەلمانیا و راگەھاندن کو ژ ئالیێ میتا تورکیا ڤە گەفا کوشتنێ ل بەرپرس و کارمەندێن وان دھێتە کرن و دۆسیەکا تایبەت ل سەر زانیاریێن کو خەباتێن میتێ ل ئەلمانیا ئاشکرا دکەت دانە بەر دەستێ دادگەھا کۆلن یا ئەلمانیا و ب فەرمی سکالا ل دژی تورکیا تۆمار کرن.
ئەڤرۆ:
رۆژا ٦-١-٢٠١٨ ژ ئالیێ کۆمەک چەکدارێن نە ناس ڤە ب ١٣فرۆکێن بێ فرۆکەڤان یێن بچوک ھێرشەکا مەزن بۆ سەر بنگەھێ سەربازی و ناڤەندا فرۆکێن شەر یێن روسیا ل سووریێ ھاتە کرن، جارا یەکێ وەزارەتا بەرگیریێ یا روسیا داخۆیانیەک نڤیسکی بەلاڤ کر و راگەھاند کو تیرۆرستان ب تەکنیکەکا گەلەکێ پێشکەڤتی ھێرشێ بنگەھێ وان یێ فرۆکێن شەری کرینە و د ئەنجام دا ھژمارەکا فرۆکێن شەری و کۆپتەر ژناڤ چووینە و ئەو نھا ڤەکۆلینەکا تایبەت ل دۆر ڤێ ھێرشێ دکەن.
وەزارەتا بەرگیریێ یا روسیا د پشکەکا دی یا داخۆیانیا خوە دا ژی راگەھاندیە کو ل سووریێ جارا یەکێیە کۆمێن تیرۆرست ب تەکنۆلۆجیەکا وەسا ھێرشی بنگەھەکا وان یێ سەربازی دکەن و د رەوشا نھا دا بەرھەڤیێن مەزن ھاتینە کرن دا کو کۆمێن دی یێن تیرۆرست ژی ب تەمامی بھێنە ژناڤ برن و د وان رۆژان دا دێ ئۆپەراسیۆنێن مەزن ل ھژمارەکا دەڤەرێن کو د بن کۆنترۆلا تیرۆرستان دانە ھێنە دەستپێکرن.
ل ئالیێ دی ھەتا نھا دیار نینە کا چ کۆما چەکدار ئانکۆ تیرۆرست ھێرشی بنگەھێ سەربازی یێ روسیا ل سووریێ کریە. لێ د دەزگەھێن راگەھاندنێ دا ناڤێ کۆمێن چەکدارێن سەر ب سوپایێ ئازاد یێ کو ژ ئالیێ تورکیا ڤە دھێتە پشتەڤانی کرن د پشت ڤێ ئێرشێ دا دەرباز دبیت و د ھەمان دەمی دا ھندەک دەزگەھێن راگەھاندنێ ژی رێکخستنا تیرۆرستی یا ئەحرار شام ئانکۆ ئەلنوسرا ب ئەنجامدانا ڤێ ھێرشێ تۆمەتبار دکەن.