ئەڤرۆنیۆز ، زنار تۆڤی:
ژێدەرەکێ ژ وەزارەتا ساخلەمیێ یا حوکمەتا هەرێما کوردستانێ بۆ ئەڤرۆ نیۆز راگەهاند کو سوبەهی رۆژا شەمبی 6.1.2018 دەواما فەرمیە ل وەزارەتا ساخلەمیێ ل هەرێما کوردستانێ.
نووترین پێزانین دەربارەی بهێنڤەدانا سوبەهی
نووترين نووچه
- رێككەفتنا 11 ئادارێ بەرهەمێ خەباتا پێشمەرگەی و هەموو تەخ و چینێن كوردستانێ یە
- رێككەفتنا 11 ئادارێ نموونەیا چارەسەرییەكا دادپەروەرانە بوو ل سەر بنەمایێ تێكگەهشتنێ
- سەرۆكێ هەرێما كوردستانێ: پێشوازیێ ل رێككەفتنا د ناڤبەرا سەرۆكێ سووریێ و فەرماندەیێ هەسەدێ دا دكەین
- مەسرور بارزانی: پێدڤییە كێشەیێن هەولێرێ و بەغدایێ ب شێوەیەكێ بنەڕەتی بهێنە چارەسەكرن
- رێككەفتنا 11 ئادارێ دەستكەفتا خەبات و قوربانیدانا كوردستانییان و شۆڕەشا مەزن یا ئیلۆنێ بوو
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
- بەختیار تالەبانی: بارەگەهێ بارزانی یێ بوویە ناڤەندا بڕیارا كوردی
- چارەنڤیسێ ئیراقێ ب هنارتنا پەترۆلا كوردستانێ و راگرتنا كڕینا غاز و كارەبا ئیرانێ ڤە یێ گرێدایە
- حەشدا شەعبی رێگرە ل پێشبەری ئیمزاكرنا رێككەفتنەكا نوو د ناڤبەرا ئیراقێ و ئەمریكا دا
- سەرۆك بارزانی ل سالڤەگەڕا 34 یا سەرهلدانا پیرۆز: سەرهلدان پەیامەكا رۆهن بوو كو گەلێ كوردستانێ ئازادی و سەربەستی دڤێت
سه‌ره‌كى Facebook
وەزارەتا سامانێن سرووشتی تێكرایا نه‌فتا هنارتی یا سالا بوری ئاشكرا كر
ئەڤرۆ نیوز،زنار تۆڤی:
وه‌زاره‌تا سامانێن سرووشتی یا حوکمه‌تا هه‌رێما كوردستانێ بەلاڤەکریە،کو ل سالا بوری رۆژانه 445 هزار و 301 به‌رمیلێن نه‌فتێ هنارتینە بازارێن جیهانی.
ئێڤاریا ئه‌ڤرۆ ئه‌ینیێ،ل لاپەرێ تایبه‌تی یێ خۆ ل تۆرا كۆمه‌لایەتی یا توویته‌ری، وەزارەتا سامانێن سرووشتی یا حوکمەتا هەرێما کوردستانێ ئامارێن سالا بوری یا وه‌به‌رهێنانا نه‌فتا هه‌رێما كوردستانێ بەلاڤکرینه.
وه‌ك د وی توویتیدا هاتی، چار هەیڤێن دوماهیێ خستینە بەرچاڤ، واته ئه‌و هەیڤێن ریفراندۆم لێ هاتیە کرن و سێ هەیڤێن ل دووڤدا،کو روودانێن سه‌ر هه‌رێما كوردستانێ هاتینه پێش،کو ب ڤی شێوه‌ی بوو:
– هەیڤا ئیلوونێ، رۆژانە 514 هزار و 54 بەرمیل هنارتینە.
هەیڤا چریا ئێکێ، رۆژانە 384 هزار و 659 بەرمیل هنارتینە.
– هەیڤا چریا دویێ رۆژانە 252 هزار و 301 بەرمیل هنارتینە.
ل هەیڤا كانوونا ئێکێ رۆژانە 263 هزار و 542 بەرمیل هنارتینە.
چالاكیەكا بەرفرەهـ ل دۆر كۆمكوژیا ئێزیدیان ل شاریا هاتە گێران
ئەڤرۆ نیوز، باسم قاسم شنگالی
هەوا ئێتیمان چالاكیەكا بەرفرهه ب چەندین برگێن جۆرا و جۆر،ل هۆلا لالش 2 ل كۆمەلگەها شاریا گێرا.
ئیرۆ رۆژا ئینیێ 5/1/2018ب ئامادەبوونا ژمارەكا كەسایەتی و رەوشەنبیر و چالاكڤان و رۆژنامەڤان و كچێن قارەمان یێن ژ دەستێن داعش رزگاربووین و زارۆكێن ئێتیم و جەماوەرێ دەڤەرێ،چالاكیەكا بەرفرەه هاتە گێران.
بەرپرسێ هەوا ئێتیمان”شێخ پاشا” بۆ ئەڤرۆ نیوز گۆت”ب هەڤكاری دگەل هژماركا چالاكڤانان ئەڤ چالاكیە هاتە گێران،ل دەستپێكێ پەیڤا بخێر هاتنێ هاتە پێشكێشكرن،پاش سمینارەك لدۆر كۆمكوژیا ئێزیدیان ل شنگالێ بۆ ڤەكۆلەر”داود موراد خەتاری” و “فەلاح حەسەن “ئەندامێ دەستەكا ڤەكۆلینا كەیسا ئێزیدیان ل دهۆكێ گێرا و تێدا بەحسێ دكیۆمێنتكرنا كۆمكوژیێ و قۆناغێن ناساندنا كەیسێ ل سەر ئاستێ نێڤدەولەتی كرن”.
دياركر ژى” پاشى هۆزانڤان “داود قەیرانی” و كچا وی هۆزان ل سەر كۆمكوژیێ گۆتن،پاشى كچا قارەمان و رزگاربووی لەیلا تەعلو پەیڤەك پێشكێشكر و دیاركر كو ب ڤان جلكێن رەش تووشی چەندین نەخۆشیان بووین ل سەر دەستێ داعشێ”.
گۆت ژى” ڤەكۆلەر و نڤیسەر خالد تەعلۆ برایێ لەیلایێ كو چیرۆكا خووشكا خوه كریە پەرتۆك دیاركركو(پەرتۆكا لەیلا و شەڤێن نەخۆش)ژ (130)لاپەران پێك دئێت و دەربرینێ ژ نەخوه‌شیێن بسەر دا هاتین دكەت و ل نێزیك دێ كەفتە بەر دەستێ خواندەڤانان،خواست ژی رەوشەنبیر و نڤیسەر و چالاكڤانێن ئێزیدی چیرۆكێن كچێن رزگاربووی بكەنە پەرتۆك كو گرنگترینن بۆ دكیۆمێنتكرنا وان نەخوه‌شیان”.
پاشاى دیاركرژى:”دبرگەیەكا دی دا كچا رزگاربووی”ئیمان عەبدوللە”بەحسێ چیرۆكا خوه و خێزانا خوه كر دەمێ كەفتینە دەستێ داعشێ و هاتینە دەستەسەركرن و تووشی نەخوه‌شیان بووین و تەكەز كر كو دیمەنێن دژوار وان دیتینە،ل پێرا هەردوو هۆنەرمەندان”حەماد ئسماعیل” و “نەسرەت ئسماعیل” چەند ستران گۆتن بۆ ئێخستنا گرنژینێ ل سەر لێڤێن زارۆكێن ئیتیم و ئامادەبوویان”.
بەرپرسێ هەوا ئێتیمان راگەهاند ژی ل داویا چالاكیێ خەلات بسەر پشكداران و كچێن قارەمان یێن ژ دەستێ داعش رزگاربووین و زارۆكێن ئێتیم هاتنە بەلاڤكرن.
ب ڤی رەنگی دێ قەبارێ نموونەیی یێ جەستەیێ خۆ زانی
ئەڤرۆ نیۆز، زنار تۆڤی:
پێدڤیە تۆ یا هایدار بی ل سەر قەبارێ خۆ یێ نموونەیی و دیسا یا دل رحەت بی کو شێوێ جەستەیێ تە یێ سرووشتی یە و یێ گونجایە ل گەل کێش و بەژناتە.
هەر خانمەک ب چەند تایبەتمەندیێن جۆدا د جەستەیێ خۆدا ژ دایک دبن، هندەک خانم خودانێن بەژنەکا بلند و پشتەکا رێک و پێ درێژن، هندەک ژی هەنە د قەلە و کورتن، هندەک ژی د ناڤنجی نە و هندەک ژی گەلەک د کورتن و هندەک ژی گەلەک درێژن،ئەڤێ ژی وە کریە،کو چەندەک یا ب زەحمەت بیت بۆ وان،هەتاکو بزانن کو جەستەیەکێ نموونەیی هەیە یان نە.
لدووڤ وی قەبارێ شارەزا و نمایشکارێن جلکان و مۆدێلان هەلبژارتین،کو قەبارێ نموونەیی یێ خانمان لدووڤ ڤان هەر سێ قەبارەیان هاتینە دیار کرن:
سنگ: 91 سەنتیمەتر
ناڤتەنگ: 60 سانتیمەتر
کەمەر: 91 سەنتیمەتر
لەورا جوانترین قەبارێ نموونەیی بۆ خانمان ب 91 ،60 ،91 هاتیە نیاسین، ئەو خانمێن ئەڤ قەبارە هەین ب ڤی شێوەی دبنە خودانێن جەستەکێ پر سەرنجراکێش،وان شیانێن ل بەرکرنا هەموو جۆرێن ستایلێن جلک مۆدەیان هەیە ب تایبەتی ل ئاهەنگان،هەروەسا ئەو خانمێن کو هیچ ئێک ژڤان تایبەتمەندیان تێدا نەبیت، پێدڤیە هیچ بێ ئومێد نەبن ژ شێوازێ جەستەیێ خۆ،بلا بێزار نەبن خۆ هەکە ب تنێ %5 ئەو تایبەتمەندی ل دەف وان هەبن.
قۆناغا دويێ يا بايۆمه‌تريا مووچه‌ى دروستكرنا كارتا پێزانينايه
ئه‌ڤرۆنيوز:
په‌يڤدارێ سيسته‌مێ بايۆمه‌تريا مووچه‌ى ل هه‌رێما كوردستانێ، راگه‌هاند، قۆناغا دويێ يا سيسته‌مێ بايۆمه‌ترى يا فه‌رمانبه‌ران دێ ده‌ست پێ كه‌ت ئه‌وژى دروستكرنا كارته‌كا پێزانينايه بۆ هه‌ر فه‌رمانبه‌ره‌كێ هه‌رێمێ.
سه‌مير هه‌ورامى، په‌يڤدارێ سيسته‌مێ بايۆمه‌تريا مووچه‌ى ل هه‌رێما كوردستانێ گۆت” ئه‌سته‌مه دسيسته‌مێ بايۆمه‌ترى يا مووچه‌ى دا هه‌مان باركۆد بۆ دو كه‌سان هاتبيته چێكرن، چونكى سيرڤه‌رێ سيسته‌مى ب وى شێوه‌يه كو دو باركۆدان ناخوينيت وهه‌ر فه‌رمانبه‌ره‌كى ژى دێ هژمارا وى يا تايبه‌ت پێ هێته دان”.
سه‌مير هه‌ورامى زێده‌تر بۆ SNN گۆت” پشتى قۆناغا ئێكێ يا سيسته‌مێ بايۆمه‌تريا مووچه‌ى كو دروستكرنا باركۆده‌كى بوو بۆ فه‌رمانبه‌ران، قۆناغا دويێ دێ ده‌ست پێ كه‌ت”.
رۆهنكر ژى” قۆناغا دويێ دروستكرنا كارته‌كا پێزانينايه بۆ هه‌ر فه‌رمانبه‌ره‌كى كو هژماره‌كا تايبه‌ت ب هه‌ر فه‌رمانبه‌ره‌كى دێ هێته دان كو ل هه‌ر فه‌رمانگه‌هه‌كا هه‌رێمێ ئه‌و هژماره ل كومپيۆته‌رى بهێته دان، هه‌موو پێزانينێن فه‌رمانبه‌رى دێ به‌رچاڤ كه‌ت”.
سكرتێرێ نه‌ته‌وێن ئێكگرتى نامه‌كێ بۆ نێچيرڤان بارزانى دهنێريت
ئه‌ڤرۆنيوز:
سكرتێرێ گشتيێ نه‌ته‌وێن ئێكگرتى دنامه‌كێ دا بۆ سه‌رۆك وه‌زيرێن هه‌رێما كوردستانێ دبێژيت، پێدڤيه كێشێن هه‌ولێرێ وبه‌غدا ب شێوه‌كێ ئاشتيانه وب رێيا دانوستاندنه‌كا سياسى ل سه‌ر بنه‌مايێ دستوورێ عيراقێ بهێنه چه‌ره‌سه‌ركرن.
مالپه‌رێ فه‌رميێ حوكمه‌تا هه‌رێما كوردستانێ، ئه‌ڤرۆ ئه‌ينيێ 5/1/2018 به‌لاڤكر، دنامه‌كێ دا بۆ نێچيرڤان بارزانى، ئه‌نتۆنيۆ گۆتێرێس خوه‌شحاليا خوه نيشاندا كو حوكمه‌تا هه‌رێما كوردستانێ وحوكمه‌تا عيراقا فيدرال دچه‌ندين هه‌لكه‌فتاندا به‌رهه‌ڤيا خوه بۆ دانوستاندنان دياركريه.
ل دۆر كێشێن دناڤبه‌را به‌غدا وهه‌ولێرێ دا، سكرتێرێ گشتيێ نه‌ته‌وێن ئێكگرتى دبێژيت” پێدڤيه ب شێوه‌كێ ئاشتيانه و ب رێيا دانوستاندنه‌كا سياسى ل سه‌ر بنه‌مايێ دستوورێ عيراقێ بهێنه چاره‌سه‌ركرن”.
گۆت ژى” هه‌ردو لا هاندده‌م كو گاڤێن پێدڤى بۆ ره‌خساندنا ده‌ليڤه‌كا ل بار ببينن، تاكو بشێن تيدا دانوستاندنه‌كا راسته‌قينه ئه‌نجام بده‌ن”.
گۆتێرێس خوياكر ژى”ل پێناڤێ به‌ر ب پێشڤه‌چوونا ئاشتبوونا نيشتمانى وب هێزكرنا زێده‌تر يا ئاراميێ ل ده‌ڤه‌رێ وبه‌رهنگاريا وێ مه‌ترسيا كو هێشتا رێكخراوا داعش دروست دكه‌ت، پێدڤيه ئه‌و ئاراميا په‌يدابووى بهێته پاراستن”.
به‌غدا به‌حسێ چاوانيا هنارتنا مووچێن فه‌رمانبه‌رێن كوردستانێ دكه‌ت
ئه‌ڤرۆينوز:
حوكمه‌تا عيراقێ راگه‌هاند، كارێ هووربينيێ ئه‌وێ دليستێن فه‌رمانبه‌رێن هه‌رێما كوردستانێ دا دهێته كرن بۆ وێ چه‌ندێ يه مووچه‌ى بۆ فه‌رمانبه‌رێن راسته‌قينه ئه‌وێن ل فه‌رمانگه‌هێن حكومى ده‌وامێ دكه‌ن ب هنێريت ودياردكه‌ت كو دێ ب ئێك ژ دو رييان مووچێن فه‌رمانبه‌رێن هه‌رێما كوردستانێ هنێريت.
سه‌عد حه‌ديسى په‌يڤدارێ نڤيسينگه‌ها راگه‌هاندنێ يا سه‌رۆك وه‌زيرێن عيراقێ بۆ ده‌نگێ ئه‌مريكا گۆت” مه دڤێت مووچه‌ى بۆ فه‌رمانبه‌رێن راسته‌قينه ئه‌وێن ل ده‌زگا وفه‌رمانگه‌هێن حكومى ل هه‌رێما كوردستانێ كاردكه‌ن ب هنێرين”.
گۆت ژى” پشتى ئه‌نجامدانا كارێ هووربينيێ دێ شێوازێ گه‌هاندنا مووچان دياركه‌ين ئه‌وژى پشتى كۆمبوونێن ته‌كنيكى كو ب شێوه‌كێ هه‌ڤپشك ئه‌نجام دده‌ين”.
سه‌عد حه‌ديسى ئه‌وژى گۆت” هه‌تا نوكه نه‌هاتيه ئێكلاكرن ئايا به‌لاڤكرنا مووچێن فه‌رمانبه‌رێن هه‌رێمێ دێ ب رێيا پارێزگه‌هان بيت، يان ژى ب هه‌ماهه‌نگى ل گه‌ل لايه‌نێن سياسى ل هه‌رێمێ كو راسته‌وخوه بهێنه دان بۆ فه‌رمانبه‌ران”.
7 كه‌س برينداربوون
ئه‌ڤرۆنيوز
سپێده‌يا ئه‌ڤرۆ ئه‌ينيێ 5/1/2018 ، دروودانه‌كا هاتنوچوونێ دا دناڤبه‌را دو ترومبێلان دا، هه‌فت كه‌س برينداربوون.
زاهر محه‌مه‌د رێڤه‌به‌رێ هاتنوچوونا كويه دداخۆيانيه‌كا رۆژنامه‌ڤانيدا گۆت”ئه‌ڤرۆ دروودانه‌كا هاتنوچوونێ دا دناڤبه‌را دو ترۆمبێلان دا ل سه‌ر رێيا كويێ – هه‌ولێرێ، هه‌فت كه‌س برينداربوون”.
گۆت ژى” ئه‌گه‌رێ روودانێ نه‌پێگيريكرن بوو ب رێنمايێن هاتنوچوونێ وبريندار هاتينه ڤه‌گوهاستن بۆ نه‌خوه‌شخانێ وڤه‌كۆلين ل دۆر روودانێ يا ده‌ستپێكرى”.
رێڤه‌به‌رێ هاتنوچوونا كويه دياركر” ژبلى وێ چه‌ندێ كو پشكه‌كا روودانان ژئه‌گه‌رێ نه پێگيريێ يه ب رێنمايێن هاتنوچوونێ ژلايێ شوفێران ڤه، ئێك سايدى وخرابيا رێيان رۆله‌كێ به‌رچاڤ ددروستكرنا روودانێن هاتنوچوونێ دا يا هه‌ى”.
پارێزگه‌رێ دهۆكێ به‌حسێ رێيا دهۆك–مووسل وگازا سپى وكاره‌بێ وپيشه‌سازيا به‌رۆشكێ دكه‌ت
ئه‌ڤرۆنيوز:
پارێزگه‌رێ دهۆكێ فه‌رهاد ئه‌مين راگه‌هاند، ڤه‌كرنا رێيا دهۆك – مووسل ژلايێ ئابوورى وگه‌شتوگوزارى وجڤاكى يا گرنگه ودێ ده‌ليڤێن كارى ژى په‌يدا كه‌ت ول ددۆر گازا سپى ئه‌وا به‌غدا بۆ هه‌رێمێ ڤريكرى، دبێژيت 7 هه‌تا 8 مليۆن لتر بۆ دهۆكێ يێن هاتينه ته‌رخانكرن وهه‌تا به‌رى دو هه‌فتيان تنێ 3 هه‌تا 4 مليۆن لتر گه‌هشتبوون ورێژا 23 هه‌تا 24% كاره‌با هه‌ريمێ بۆ دهۆكێ دهێت ودبێژيت مه بزاڤكرن ويستگه‌ها كواشى كو هزار ميگاواتان بده‌ينه كارى ومفاى بگه‌هينيته هه‌موو هه‌رێمێ، به‌لێ حوكمه‌تا هه‌رێما نه‌شيا گازا پێدڤى بۆ وێ ويستگه‌هێ دابين بكه‌ت، ئاماژه دا ژه كو پيشه‌سازيا به‌رۆشكێ دێ هێته ڤه‌گوهاستن بۆ ئالۆكا وجهێ نوكه يێ وێ پيشه‌سازيێ دێ بيته پارك وكه‌سكاتى بۆ خه‌لكێ به‌رۆشكێ وده‌ڤه‌ره‌كا پيشه‌سازى بۆ كارگه‌هان دێ ل كانى سپيێ هێته دروستكرن.
فه‌رهاد ئه‌ترووشى دديدارا خوه يا شڤێدى دا ل گه‌ل كه‌نالێ كوردستان 24 ، ل دۆر كۆمبوونا خوه ل گه‌ل سه‌رۆكێ جڤاتا پارێزگه‌ها نه‌ينه‌وا گۆت” كۆمبوونا مه يا نورمال بوو ومه چه‌ندين جاران كۆمبوون ل گه‌ل جڤاتا پارێزگه‌ها نه‌ينه‌وا ئه‌نجامداينه وهه‌روه‌سا ل گه‌ل پارێزگه‌رێ نه‌ينه‌وا يێ به‌رى نوكه وهه‌روه‌سا پارێزگه‌رێ نوكه كو دبێژيت ب وه‌كاله‌ت ئه‌ز پارێزگه‌رم. روونشتنا ئه‌ڤرۆ چو په‌يوه‌نديا راسته‌وخوه ب بابه‌تێ ڤه‌كرنا رێيا دهۆك – مووسل ه نه‌بوويه”.
دياركر ژى” پشتى ئازادكرنا مووسلێ، مه راسته‌وخوه داخوز ژ سه‌رۆك بارزانى كربوو كو ئه‌و رێ بهێته ڤه‌كرن كو بۆ ئابوورێ كوردستانێ وپارێزگه‌ها دهۆكێ وئاڤه‌دانكرنا مووسلێ وبۆ گه‌له‌ك بابه‌تێن دى ژى كو په‌يوه‌نديێن ب هێز دناڤبه‌را خه‌لكێ مووسڵێ وپارێزگه‌ها دهۆكێ وهه‌موو هه‌رێما كوردستانێ ژى هه‌بووينه”.
فه‌رهاد دبێژيت” گرنگيا رێيا دهۆك – مووسل ژروويێ ئابوورى وجڤاكى وساخله‌ميێ وگه‌شتوگوزارى يا گرنگه” خوياكر ژى” ئه‌ڤه پتر ژ سال ونيڤايه ئه‌م كار ل سه‌ر ڤه‌كرنا رێيا دهۆك – مووسلێ دكه‌ين”.
دياركر” ده‌رگه‌هێ ئيبراهيم خه‌ليل كو ئێك ژ ده‌رگه‌هێن هه‌ره سه‌ره‌كى يێن هه‌رێما كوردستانێ يه بۆ هاتنا كه‌لوپه‌لان وبۆ ئابوور وئاڤه‌دانكرنا كوردستانێ وپارێزگه‌ها نه‌ينه‌وا وئێك ژوان رێيێن هه‌ره سه‌ره‌كى بوو بۆ پارێزگه‌هێن ناڤه‌راست وباشوورێ عيراقێ ژى، كو ڤه‌كرنا ڤێ رێ ژروويێ ئابوورى دێ كاريگه‌ريه‌كا مه‌زن هه‌بيت بۆ ده‌ليڤێن كارى ودێ داهاتێ حوكمه‌تێ ژى زێده‌بيت هه‌كه هاتنوچوونا بازرگانى وكه‌لوپه‌ل زێده‌تر بهێنه دناڤ هه‌رێما كوردستانێ وعيراقێ دا بێگومان گۆمرك وداهاتێ حوكمه‌تێ ژى دێ ل وێرێ زێده‌بيت وژهه‌موو روويه‌كى مفا يا تێدا هه‌ى و نه تنێ بۆ پارێزگه‌ها دهۆكێ، به‌لكو بۆ هه‌رێما كوردستانێ وهه‌روه‌سا به‌روڤاژى بۆ پارێزگه‌ها نه‌ينه‌وا وبۆ عيراقێ ژى مفا تێدايه چونكى دێ بزاڤا بازرگانى ب هێزتربيت وكه‌لوپه‌ل پتر هێن ولڤينا بازرگانى ژى دێ هپتر هه‌بيت وخه‌لكه‌ك دێ بۆ خوه كاركه‌ت”.
گۆت ژى” ژروويێ گه‌شتوگوزارى ڤه، گه‌له‌ك خه‌لك يێ هه‌ى دخوازيت بهێته دهۆكێ ب تايبه‌ت ل رۆژێن پێنج شه‌مبى وئه‌ينى وشه‌مبيا ورۆژێن بێهنڤه‌دانا، ديسا گه‌له‌ك خه‌لك يێ هه‌ى دخوازيت سه‌ره‌دانا دهۆكێ بكه‌ت بۆ مه‌ره‌مێن ساخله‌ميێ وسه‌ره‌دانا نوژداران، هه‌روه‌سا ژئه‌گه‌رێ داخستنا فرۆكخانێن هه‌ولێرێ وسلێمانيێ، دێ رێيا مووسل – دهۆك – زاخۆ بيته ئێك ژ رێێن سه‌ره‌كى بۆ گه‌شتكرنا خه‌لكێ مووسل كو ل شوونا بچيته به‌غدا وژوێرێ ب فرۆكێ بچيته توركيا، يان هه‌ر وه‌لاته‌كێ دى، ژ مووسلێ بۆ توركيا دبيت ب دو ده‌مژمێران دێ گه‌هيته توركيا وئه‌رزانتر ژى دێ بۆ راوه‌ستيت”.
ل دۆر وێ چه‌ندێ كو مووسل پشتى داعشێ پێدڤى ب ئاڤه‌دانكرنێ يه، ئايا ڤێ چه‌ندێ دێ كاريگه‌رى هه‌بيت ل سه‌ر دهۆكێ بۆ ده‌سته‌به‌ركرنا ده‌ليڤێن زێده‌تر يێن كارى، پارێزگه‌رێ دهۆكێ گۆت” به‌لێ دێ هه‌بيت، بۆ نموونه ترومبێلێن كارى يێن مه‌زن چ يێن توركيا بن وچ يێن هه‌رێما كوردستانێ بن، هه‌موو پێدڤى سوته‌مه‌نيێ وريستورانتان وسه‌خبێريێ نه ورۆژانه ب هزاران بارهه‌لگر ژ توركيا دهێنه كوردستانێ ودرێيا پاريزگه‌ها دهۆكێ را ژى دچن بۆ مووسل وده‌ڤه‌رێن دى يێن هه‌رێمێ وعيراقێ ويێ پشت راستم دێ ده‌ليڤێن كارى په‌يدا بن وخه‌لكێ مه ژى قه‌ستا مووسلێ بكه‌ت وئه‌و په‌يوه‌نديێن جڤاكى وبازرگانى هه‌ين كو بازرگانێن دهۆكێ په‌يوه‌نديێن ب هێز يێن ل گه‌ل بازرگانێن مووسل يێن هه‌ين وئه‌ڤ چه‌نده دێ بيته ئه‌گه‌رێ وێ چه‌ندێ كو كه‌لوپه‌ل بچنه مووسل وهه‌كه رێ ب تمامى بهێته ڤه‌كرن، ر استه مه يا ڤه‌كرى، به‌لێ هه‌كه رێ ب تمامى بهێته ڤه‌كرن ودێ رۆژا شه‌مبيێ بزاڤێ كه‌ين بۆ بازرگانيێ ژى ئه‌و رێ بهێته ڤه‌كرن هه‌كه لايێ دى ب تايبه‌تى له‌شكرێ عيراقێ دهاريكار بن، وه‌كو ئيداره پارێزگه‌رێ به‌رێ وپارێزگه‌رێ نوكه ژى وسه‌رۆكێ جڤاتێ وقايمقامێ مووسلێ گه‌له‌ك هاريكار بووينه ولقێ 14 ژى هه‌موو دهاريكار بوون كو ئه‌م ڤێ رێ ڤه‌كه‌ين وب هاريكاريا ڤان هه‌موويان وئه‌و كومبوونێن مه كرين وه‌كو ئيدارا پارێزگه‌ها دهۆكێ ب راستى ژى ئه‌ڤرۆ به‌رهه‌م پێڤه هات تنێ بۆ هندێ دا ئه‌م خزمه‌تا خه‌لكێ خوه بكه‌ين”.
پارێزگه‌رێ دهۆكێ ئاماژه دا هاتنوچوونا ترومبێلێن بارهه‌لگر درێيا به‌رده‌ره‌ش – كه‌له‌كێ دا كر كو ئه‌و جاده خرابكريه وگه‌له‌ك روودان په‌يدابووينه ل وێ رێ وگۆت” ئێك ژ ئه‌گه‌رێن سه‌ره‌كى يێن ڤێ چه‌ندێ، داخستنا رێيا دهۆك – مووسل بوويه، هه‌كه ئه‌و رێ ڤه‌بيت، ئه‌م رێ ناده‌ين ترومبێلێن بارهه‌لگر يێن مه‌زن درێيا به‌رده‌ره‌ش – كه‌له‌ك را بچن، ب وێ چندێ خه‌لكێ مه‌ده‌نى دێ شێت ب ئارامى هاتنوچوونێ ل وان رێيان كه‌ن، هه‌تا هه‌كه ئه‌و رێ دخراب ژى بن دێ شێن هاتنوچوونێ لێ كه‌ن”.
سه‌باره‌ت رێيێن نه‌وه‌ران بۆ مووسل وبه‌رده‌ره‌ش بۆ مووسل، فه‌رهاد ئه‌مين گۆت” مه بزاڤ كريه وان رێيان ژى ڤه‌كه‌ين وهه‌تا رێيا خازرى ژى كو دكه‌ڤيته ئاليێ پارێزگه‌ها دهۆكێ، مه هه‌موو بزاڤ يێن كرين، رێيا شنگالێ وسحێلا ژى” زێده‌تر گۆت” ئه‌م دبينين تشته‌كێ گه‌له‌ك باشه بۆ خه‌لكێ پارێزگه‌ها دهۆكێ وهه‌رێما كوردستانێ وپارێزگه‌ها نه‌ينه‌وا ژى كو ئه‌ڤ رێ يه هه‌موو ڤه‌ببن، هه‌تاكو مه‌ره‌ما مه ئه‌وه ئه‌ڤ رێ يه هه‌موو ڤه‌ببن به‌لكو ژبلى مفا بۆ ڤه‌ژاندنا ئابوورى ودروستكرنا ده‌ليڤێن كارى، هه‌تا مه‌ترسيێن شه‌رى ژى دناڤبه‌را پێشمه‌رگه‌ى ولايه‌نێ عيراقى دا دروست نه‌بيت، گه‌له‌ك براده‌ران دبيت ژروويێ له‌شكرى وئه‌منى ڤه مه‌ترسى هه‌بوون ول ده‌ستپێكێ حه‌زنه‌دكر، به‌لێ پشتى هينگێ ئه‌وژى هاتن سه‌رخه‌ت، ب پشته‌ڤانيا سه‌رۆك بارزانى”.
سه‌باره‌ت مه‌يدانا (تبادل تجارى) دناڤبه‌را دهۆك ومووسلێ كو نوكه يا داخستيه، كا به‌رنامه هه‌يه ئه‌و مه‌يدانه بهێته ڤه‌كرن ووه‌لاتى مفاى ژێ وه‌رگرن، پارێزگه‌رێ دهۆكێ گۆت” ئه‌و مه‌يدانه دبن ده‌ستێ مه دا نينه، وبه‌رى 16 ئوكتۆبه‌رێ ژى ئه‌م نه‌گه‌هشتبووينه وێ مه‌يدانێ به‌لكو 3 كيلۆمه‌تران ژمه يا دوور بوو، به‌لێ مه‌ژى مه‌يدانه‌كا بچووك دروست كربوو ومه به‌رهه‌ڤيه‌كا باش ژى كربوو ل دووڤ فه‌رمانا سه‌رۆك وه‌زيرێن هه‌رێما كوردستانێ ومه گه‌له‌ك بزاڤ ل گه‌ل پارێزگه‌رێ نه‌ينه‌وا وسه‌رۆكێ جڤاتا پارێزگه‌ها نه‌ينه‌وا كر كو ئه‌م بشێين ڤه‌كه‌ين ، به‌لێ نه‌ڤه‌كرن هه‌تا بوويه ريفراندۆم وپاشى 16 ئوكتۆبه‌رێ هات، ئه‌ڤه هه‌ر ئه‌و رێ يه ئه‌م به‌حس دكه‌ين، به‌لێ چو مه‌يدان نه‌ماينه دده‌ستێ مه‌دا نه‌يا ( ته‌بادل) يا مه‌زن يا كه‌ڤن ونه ئه‌و مه‌يدانا بچووك ئه‌و مه دروستكرى كو هه‌ردو يێن كه‌فتينه دبن ده‌ستێ ده‌ستهه‌لاتا حوكمه‌تا عيراقێ، وله‌شكرێ عيراقێ وحه‌شدا شه‌عبى يێن تێدا”.
ل دۆر داخۆيانيا سه‌رۆكێ لقێ دهۆكێ يێ ئێكه‌تيا قونته‌رچيێن كوردستانێ كو بۆ كوردستان 24 دابوو كو راگه‌هاندبوو، پرۆژه هه‌يه بۆ دروستكرنا دو ده‌ڤه‌رێن پيشه‌سازى ل سنورێ دهۆكێ بهێنه ڤه‌كرن ، به‌لێ نوكه يێن هاتينه راگرتن، ئايا به‌رنامه هه‌يه بۆ دروستكرنا وان هه‌ردو ده‌ڤه‌رێن پيشه‌سازى كو ل ڤان نێزيكان ده‌ست پێ بهێته كرن، فه‌رهاد ئه‌مين گۆت” ب راستى من دڤێت ئاماژێ بده‌م كو هنده‌ك براده‌ر ژده‌ف خوه هنده‌ك داخۆيانيان دده‌ن ونزانن بابه‌ت ژى چيه، تنێ بۆ هندێ يه دا دته‌له‌ڤزيۆنان دا ده‌ربكه‌ڤن، ئه‌ڤ بابه‌ته ئه‌ڤه سێ ساله ئه‌ز وه‌كو پارێزگه‌ر كار ل سه‌ر دكه‌م وئه‌ز هوورده‌كاريێن وى بابه‌تى دزانم، ئه‌و دو بابه‌تێن ژئێك جودانه كو ئێك ژوان پيشه‌سازيا سه‌خبێركرنا ترومبێلايه (فيته‌رخانه) كو دكه‌ڤيته دده‌رگه‌هێ دهۆكێ دا، مه دڤێت جهه‌كێ باشتر بۆ ببينين ل ده‌ڤه‌را ئالۆكا كو ده‌رگه‌هێ دهۆكێ يه بۆ ده‌ڤه‌را فه‌يديێ وبه‌ر ب مووسل دچيت وئه‌و جهێ نوكه ببيته پاركه‌ك وكه‌سكاتى بۆ خه‌لكێ ده‌ڤه‌را سه‌رهلدان وبه‌رۆشكێ ب گشتى كو مفاى ژێ وه‌رگرن، هه‌روه‌سا مه دڤێت پيشه‌سازيه‌كا سه‌رده‌ميانه وهه‌ڤچه‌رخ وباش ورێكوپێك كو جادێن به‌رفرهه وئاڤ وكاره‌ب لێ هه‌بن وهه‌موو قۆناغ يێن هاتينه برين وهنده‌ك ئاسته‌نگێن گه‌له‌ك بچووك كو هنده‌ك رێڤه‌به‌ريان ل سنورێ پارێزگه‌هێ يێن دروستكرين ونوكه يا ماى تنێ هنده‌ك بابه‌تێن گه‌له‌ك دبچووك كو پێدڤيه ئه‌و ب دووماهى بهێن ووه‌كو وه‌به‌رهێنان دێ هێته كرن ولژنه‌كێ كار يێ ل سه‌ر كرى، يا دى ده‌ڤه‌را كانى سپيێ يه كو ده‌ڤه‌را پيشه‌سازيه كو ئه‌م دبێژينێ پيشه‌سازيێن پاقژ وه‌كو كارگه‌ه وته‌زينگه‌ه كو مفا ژێ بهێته وه‌رگرتن كو دكه‌ڤيته نێزيكى سێجێ وسێمێلێ وئه‌ڤ ده‌ڤه‌رێن پيشه‌سازى يێن دقۆناغا دووماهيێ دا وهيڤيدارم كو لايه‌نێن په‌يوه‌نديدار دهه‌ڤكار بن وسه‌رۆك وه‌زيرێن هه‌رێما كوردستانێ يێ هه‌ڤكاربوو وئه‌و بابه‌ته دجڤاتا بلند يا وه‌به‌رهێنانێ دا هاتيه به‌حسكرن ورازيبوون يا ل سه‌ر هاتيه كرن وئه‌ڤ پرۆژه مه يێن ئه‌نجامداين وه‌كو پاريزگه‌ه وئيدارا پارێزگه‌هێ نه‌چو كه‌سێن دى”.
پاريزگه‌رێ دهۆكێ ل دۆر پرسا ئاوارێن ل دهۆكێ گۆت” پشتى باژێرێ مووسلێ وده‌ڤه‌رێن دى ژى رزگاربووين، ب رۆهن وئاشكرا دبێژم فوكسا رێكخراوێن نێڤده‌وله‌تى وبتايبه‌تى نه‌ته‌وێن ئێكگرتى ل سه‌ر ئاواره وپه‌ناپه‌رێن دهۆكێ نه‌مايه وكارێن خوه يێن برينه جهێن دى وهنده‌ك جاران ژى دبێژن كو شيانێن وان يێن كێمتر لێهاتين وپشته‌ڤانى بۆ وان كێمتر بوويه، به‌لێ ب ئاشكرايى دبێژم پشتى داعش نه‌ماى ئه‌وان ته‌ركيزا خوه ل سه‌ر دهۆكێ نه‌هێلايه، چار كه‌مپ ل دهۆكێ يێن يێن هاتينه داخستن، نوكه ره‌وشا ئاواران يا نه‌خوه‌ش بووى ب تايبه‌تى كوردێن ئێزدى كو هژمارا هه‌ره مه‌زن يا كه‌مپێن دهۆكێ كوردێن ئێزدى يێن تێدا وبێگو‌مان يا بوويه بارگرانى بۆ حوكمه‌تێ ژروويێ كاره‌بێ وئاڤێ وساخله‌ميێ كو حوكمه‌تا هه‌رێمێ ڤان خزمه‌تكاريان دابين دكه‌ت وتاكه هاريكاريا حوكمه‌تا عيراقێ ئه‌وبوو رۆژا ئاواره هاتين ومه كه‌مپ ئاڤاكرين وهه‌تا نوكه ژى چو به‌رپرسێن دى يێن عيراقى نه‌هاتينه، تنێ دوى ده‌مى دا جيگرێ سه‌رۆك وه‌زيرێن عيراقێ وجاره‌كێ يان دوجاران وه‌زيرێ كوچ وكوچبه‌ران، وه‌زيرێ كوچ وكوچبه‌ران وه‌كو كورده‌ك مه گازنده‌كا مه‌زن يا ژێ هه‌ى كو ئه‌ز نزانم ئه‌گه‌ر چيه، هه‌كه ئه‌گه‌رێن حزبى نه‌بن، هه‌تا ڤى ده‌مى ژى سه‌ره‌دانا پارێزگه‌ها دهۆكێ نه‌كريه، تنێ جاره‌كێ يان دو جاران يێ هاتى، نه ته‌له‌فۆن ونه سه‌ره‌دان ونه پشته‌ڤانى، هه‌موو يا مايه ب هيڤيا مه‌ڤه وه‌كو ده‌رمان وساخله‌مى ژى كو هه‌ر كه‌مپه‌كێ مه سه‌نته‌ره‌كێ ساخله‌ميێ لێ دانايه وپتر ژقوتابخانه‌كێ مه لێ دانايه، هه‌موو يا مايه ب ستوويێ مه ڤه وه‌كو پارێزگه‌ه وحوكمه‌تا هه‌رێمێ وگه‌له‌ك جاران من دته‌له‌ڤزيۆنێ دا وه‌زيرێ كوچ وكوچبه‌رێن عيراقێ دديت سه‌ره‌دانا هه‌ولێرێ وسلێمانيێ وكه‌ركووكێ دكر، به‌لي ب راستى ژى سه‌ره‌دانا پارێزگه‌ها دهۆكێ نه‌كريه وئه‌ز نزانم ئه‌گه‌ر چيه وچو جاران ژى مه به‌حسێ بابه‌تێن حزبى نه‌كرينه، هه‌ر كه‌سه‌كێ ئازاده چ لايه‌نێ سياسى بيت وپێدڤيه وه‌زيرێ كوچ وكوچبه‌ران ب پرۆفێشناله ره‌فتارێ بكه‌ت، حوكمه‌تا عيراقێ ژى نه سه‌رۆك وه‌زيران ونه سه‌رۆكێ جڤاتا نوونه‌ران ونه وه‌زيره‌كى ونه رێڤه‌به‌ره‌كى سه‌ره‌دانا پارێزگه‌ها دهۆكێ نه‌كريه، به‌لكو تنێ ئه‌و هاريكارى بوون ئه‌وێن ل رۆژا ئێكێ بۆمه هاتين كو مه كه‌مپ پێ ئاڤاكرين ب رێيا حوكمه‌تا هه‌رێما كوردستانێ”.
سه‌باره‌ت گرفتێن كاره‌بێ ونه‌به‌لاڤكرنا گازا سپى ل سه‌ر وه‌لاتيێن پارێزگه‌ها دهۆكێ، پارێزگه‌رێ دهۆكێ دبێژيت” پشكا گازا سپى ئه‌وا هاتيه دابينكرن بۆ پارێزگه‌ها دهۆكێ گه‌له‌ك يا كێمه كو 7 هه‌تا 8 مليۆن لتر يێن بۆمه هاتينه دياركرن ئه‌وژى هه‌موو نه‌هاتيه كو گه‌ر بۆ گه‌رێ ب تانكه‌ران دهيت، پێدڤيا پارێزگه‌ها دهۆكێ كو هه‌كه هه‌ر خێزانه‌كێ ئه‌م به‌رميله‌كێ گازێ بده‌ينێ دێ مه پێدڤى ب 50 هه‌تا 55 مليۆن لتران هه‌بيت، ئه‌وا بۆمه هاتيه ته‌رخانكرن ژى كو 7 هه‌تا 8 مليۆن لترن هه‌تا به‌رى دو هه‌فتيان نێزيكى 3 هه‌تا 4 مليۆن لتران هاتبوون وئه‌ڤه دبيت تێرا قه‌زايه‌كا پارێزگه‌هێ يان دو ناحيێن مه‌زن نه‌كه‌ت وب ڤى ده‌ستودارى دێ زڤستان ژى ده‌رباز بيت وئه‌م نه‌شێين به‌رميله‌كا گازا سپى دابين بكه‌ين، وه‌كو كاره‌ب ژى ل دووڤ تۆرا نيشتمانى وئه‌و كاره‌با دهێته دابينكرن پشكا مه ژى ل دووڤ ئاكنجيانه، راسته تێرا ناكه‌ت، به‌لێ ئه‌م ژى وه‌كو پارێزگه‌هێن دى وب ديتنا من 23 هه‌تا 24% ژكاره‌با كوردستانێ بۆ پارێزگه‌ها دهۆكێ دهێت ومه گه‌له‌ك بزاڤكرن كو ئه‌و ويستگه‌ها ل كواشێ ل دهۆكێ كو هزار ميگاواتان دابين دكه‌ت، هه‌كه گازێ بۆ دابين بكه‌ين ژبۆ هندێ كو دهۆك وهه‌موو هه‌رێما كوردستانێ مفاى ژێ وه‌ربگريت، به‌لێ حوكمه‌تا هه‌رێمێ نه‌شيا وێ گازێ دابين بكه‌ت ودياره بارگرانيه‌كا مه‌زن بوو ژروويێ دارايى ڤه، ژبه‌ر هندێ نوكه ئێك يان دو يه‌كه ب تنێ ژوان هه‌شت يه‌كان كار دكه‌ن ل ويستگه‌ها كواشێ”.
عه‌بادى ئه‌ڤ فه‌رمانه ل دۆر دانوستاندنان ل گه‌ل هه‌رێمێ دا
ئه‌ڤرۆنيوز:
وه‌زيرێ په‌ترۆلا عيراقێ بۆ راديۆيه‌كا عيراقى راگه‌هاند، عه‌بادى فه‌رمان يا دايه مه خوه به‌رهه‌ڤ بكه‌ين بۆ ئه‌نجامدانا دانوستاندنان ل گه‌ل هه‌رێما كوردستانێ ل دۆر په‌ترۆلێ.
جه‌بار لعێبى وه‌زيرێ په‌ترۆلا عيراقێ بۆ راديۆيا (المربد) يا عيراقى گۆت ژى” نوكه چ دانوستاندن دناڤبه‌را حوكمه‌تا عيراقێ وهه‌رێما كوردستانێ دا نينن، به‌لێ ئه‌نجامێن دانوستاندنان دێ دئه‌رێنى بن ده‌مێ ل رۆژێن بهێت دهێنه ئه‌نجامدان”.
نيشاندان
WP Facebook Auto Publish Powered By : XYZScripts.com