ئه‌ڤرۆ نيوز:
ل دووڤ خشته‌كێ كو رێڤه‌به‌ريا كه‌شناسيا هه‌رێمێ به‌لاڤ كريه تاوه‌كو ئه‌ڤرۆ ل دهۆكێ 79 ملم بارانێ بارينه و پار سال هه‌تا نوكه 137 ملم بارينه، ئانكو 55 ملم ئه‌ڤ ساله كێمتر هاتينه.
نووترين نووچه
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
- بەختیار تالەبانی: بارەگەهێ بارزانی یێ بوویە ناڤەندا بڕیارا كوردی
- چارەنڤیسێ ئیراقێ ب هنارتنا پەترۆلا كوردستانێ و راگرتنا كڕینا غاز و كارەبا ئیرانێ ڤە یێ گرێدایە
- حەشدا شەعبی رێگرە ل پێشبەری ئیمزاكرنا رێككەفتنەكا نوو د ناڤبەرا ئیراقێ و ئەمریكا دا
- سەرۆك بارزانی ل سالڤەگەڕا 34 یا سەرهلدانا پیرۆز: سەرهلدان پەیامەكا رۆهن بوو كو گەلێ كوردستانێ ئازادی و سەربەستی دڤێت
- نێچیرڤان بارزانی: فیدرالی و دەستكەفتێن دستووری و كاریگەرییا ئەڤرۆ یا كوردستانێ بەرهەمێن سەرهلدانێ نە
- مەسرور بارزانی: سەرهلدان ئێك ژ سەروەریێن مەزن یێن گەلێ كوردستانێ یە كو هەردەم جهێ شانازییا مەیە
- دوپاتیێ ل رێكخستنا ناڤمالا كوردی دكەین
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
سهرهكى Facebook
حوكمه‌تا هه‌رێمێ به‌حسێ دو مووچه‌يێ وسێ مووچه‌يێ دكه‌ت
ئه‌ڤرۆنيوز:
په‌يڤدارێ فه‌رميێ حوكمه‌تا هه‌رێما كوردستانێ رادگه‌هينيت، هه‌كه حوكمه‌تا عيراقێ مووچێ فه‌رمانبه‌رێن هه‌رێما كوردستانێ بێ زڤرين بۆ حوكمه‌تا هه‌رێمێ بده‌ت، ئه‌و ياريه ودبێژيت ل هه‌رێمێ دو مووچه‌يى وسێ مووچه‌يێ ل دووڤ قانوونێ يا هاتيه رێكخستن.
سه‌فين دزه‌يى په‌يڤدارێ فه‌رميێ حوكمه‌تا هه‌رێما كوردستانێ بۆ ده‌نگێ ئه‌مريكا گۆت” نوكه به‌حسێ هنارتنا مووچه‌ى ناهێته كرن، به‌لكو ئه‌وا هه‌ى پێكئينانا لژنه‌كێ يه ل به‌غدا ل سه‌ر ئاستێ رێڤه‌به‌رێن گشتى ب مه‌ره‌ما پێداچوونێ دميلاكێ وه‌زاره‌تان دا، بۆ وێ چه‌ندێ ژى داخوازا نوونه‌رێ وه‌زاره‌تا ساخله‌ميێ وپه‌روه‌ردێ يا ژهه‌رێمێ هاتيه كرن ونڤيسارا فه‌رمى يا حوكمه‌تا عيراقێ ل دۆر وێ چه‌ندێ يا هاتيه ئاراسته‌كرن بۆ حوكمه‌تا هه‌رێمێ، حوكمه‌تا هه‌رێمێ ژى رازيبوونا خوه يا دياركرى ل سه‌ر هنارتنا هه‌ردو رێڤه‌به‌رێن گشتى يێن پلاندانانێ ل هه‌ردو وه‌زاره‌تێن ساخله‌ميێ وپه‌روه‌ردێ”.
سه‌فين دزه‌يى گۆت ژى” هيڤيدارين به‌غدا مووچێ هه‌موو وه‌زاره‌تات ب هنێريت، چونكى هنارتنا مووچه وپشكا بودجه‌ى وشايستێن دارايى يێن هه‌رێمێ ئانكو بجهئينانا دستوورى وئه‌و رێككه‌فتنا پێشتر دناڤبه‌را به‌غدا وهه‌ريمێ دا هه‌بوو، هه‌كه نه، دانا مووچه‌ى ئانكو خێركرن ب هه‌رێمێ نينه، يان ب وه‌زاره‌تێن په‌روه‌ردێ وساخله‌ميێ، به‌لكو ئه‌و ژ شايستێن دارايى يه كو مافێ هه‌رێمێ يه”.
ل دۆر داخوازيا به‌غدا بۆ پێداچوونێ ب ليستێن فه‌رمانبه‌رێن هه‌رێمێ، په‌يڤدارێ حوكمه‌تێ گۆت” راسته دبيت ل هه‌رێما كوردستانێ دو موچه‌يى وسێ مووچه‌يى هه‌بيت، به‌لێ ئه‌و ل دووڤ قانوونێ يا هاتيه رێكخستن، به‌لكو ل عيراقێ ژى ئه‌و چه‌نده ب قانوون يا هاتيه رێكخستن، بۆ نموونه كێم ئه‌ندام وزيندانيێن سيساى كو به‌خسينه‌ك يا هه‌ى، به‌لێ ل دووماهيێ كو ب قانوون ئه‌و به‌خسينه پێ هاتبيته دان ئه‌و تشته‌كێ ره‌وايه، ل گه‌ل وێ چه‌ندێ ژى دا، حوكمه‌تا هه‌رێمێ پرۆژه‌كێ چاكسازيێ يێ به‌رهه‌ڤكرى بۆ پێداچوونێ دوان به‌خشينان دا”.
ئاماژه دا” هه‌كه هاته سه‌ر وێ چه‌ندێ وبه‌غدا گۆت دێ مووچه‌ى ده‌مه فه‌رمانبه‌ر ومووچه‌خۆرێن په‌روه‌ردێ وساخله‌ميێ راسته‌وخوه بێ حوكمه‌تا هه‌رێمێ، ب راستى نابيت ئه‌و ياريه ب هه‌ست وقوتێ خه‌لكى بهێته كرن وهه‌روه‌كو چاوان ل پێشتر ب رێيا وه‌زاره‌تا دارايى يا حوكمه‌تا هه‌رێمێ پشكا بودجه‌ى دهاته هنارتن، دڤێت ڤێ جارێ چى ب وى شێوه‌ى بيت، به‌لي هه‌كه هه‌ر هاته سه‌ر وى مه‌رجى، دێ بزاڤا چاره‌سه‌ركرنا وێ چه‌ندێ ژى ب رێيا دانوستاندنێ كه‌ين”.
وه‌زاره‌تا دارايى ب ئيمزا رێباز حه‌ملان برياره‌كا نوو ده‌رخست
سێ كه‌س خه‌ندقين
ئه‌ڤرۆنيوز:
ژئه‌گه‌رێ بلندبوونا دوكێلا سۆپا غازێ سێ كه‌سان ژ خێزانه‌كێ گيانێ خوه ژده‌ستدا.
رێڤه‌به‌ريا پۆليسێن پارێزگه‌ها هه‌ولێرێ به‌لاڤكر” ل شه‌ڤا 2/1/2018، پۆليس هاتن ئاگه‌هداركرن ب روودانه‌كێ ل كه‌له‌كا كه‌ڤن ل قه‌زا خه‌بات، پشتى گه‌هشتنا پۆليسان بۆ جهێ روودانێ دياربوو كو سێ وه‌لاتيان ژ ئێك خێزان دژيێن 38 ساليێ و56 ساليێ و2 ساليێ دا گيانێ خوه يێ ژده‌ستداى”.
دياركرژى” ئه‌و هه‌ر سێ كه‌س ژئه‌گه‌رێ بلندبوونا دوكێلا سۆپا غازێ خه‌ندقى بوون”.
نێچيرڤان بارزانى ئيمزا ل سه‌ر دامه‌زراندنا ده‌رچوويێن ڤێ كوليژێ كر
ئه‌ڤرۆ نيوز:
ل سه‌ر داخوازا وه‌زاره‌تا ساخله‌ميێ يا حوكمه‌تا هه‌رێمێ، نێچيرڤان بارزانى سه‌رۆك وه‌زيرێن هه‌رێمێ رازيبوونا خوه نيشادا ل سه‌ر دامه‌زراندنا ده‌رچوويێن خولا ئێكێ يا سالا 2016 – 2017 يا كوليژێن نوشدارى.
ل دووڤ وێ نڤيسارا سه‌رۆكاتيا جڤاتا وه‌زيران، 129 ده‌رچوونێن زانكۆيا هه‌ولێر يا نوشدارى و11 ده‌رچوويێن كوليژا نوشدارى يا زانكۆيا سلێمانيێ و49 ده‌رچوويێن كوليژا نوشدارى يا زانكۆيا دهۆك دێ هێنه دامه‌زراندن.
كوردان بايكوتا كومبوونا په‌رله‌مانێ عيراقێ كرن
ئه‌ڤرۆ نيوز:
فراكسيونێن كوردى بايكوتا كومبوونا په‌رله‌مانێ عيراقێ كرن و داخواز كرن پشكا هه‌رێمێ ژ بودجێ 2018 بهێته زێده‌كرن
كومبوونا ئه‌ڤرۆ يا په‌رله‌مانێ عيراقێ كو بريار بوو خواندنا ئێكێ بۆ پرۆژه قانوونا بودجا 2018 يا عيراقێ بهێته كرن، ژبه‌ر بايكوتا په‌رله‌مانتارێن كورد و سوننه بۆ سوبه هاته پاشخستن.
مه‌سعود حه‌يده‌ر ئه‌ندامێ لژنا دارايى ل په‌رله‌مانێ عيراقێ دياركر كو كوردان 9 تێبينى ل سه‌ر بودجه‌ى هه‌نه كو ئێك ژ وان پشكا هه‌رێمێ ژ 12% بهێته زێده‌كرن بۆ 17% ێ.
هه‌ر سه‌رۆکەکێ ئه‌مریکا شه‌رەک كریە،ئەرێ ترەمپ دێ شەرێ كۆریا باكۆر یان ژی ئیرانێ کەت؟
ئەڤرۆ نیۆز،تۆڤی:
مێژوویا سه‌رۆكێن ئهمریكا دیار دکەن،کو گەلەک کێم ژ سه‌رۆكێن وی وەلاتی بێ ئه‌نجامدانا شەرەکێ د ماوێ ده‌ستهەلاتا خۆدا تەمام كریه،پتریا وان د ماوێ ده‌ستهەلاتا خۆدا شەرەک هەلگیرساندیە،لەورا نوکە پرسیار ئه‌وه ئەرێ دۆنالد تره‌مپ سه‌رۆكێ نوو دێ چ شەر کەت؟.
سه‌رۆك بۆشێ باب شەرەکێ مەزن ب هەڤکاریا هەڤپەیمانێن خۆ ل دژى عێراقێ ئه‌نجام دا،کو ب شەرێ دویێ یێ كه‌نداڤی یێ ناسیاره،پشتی جۆرج بوشی بیل كلنتن بوو سه‌رۆكى ئهمریكا، وی ژی دەستپێکا هێرشا خۆ بۆ سه‌ر ئه‌فغانستان هه‌لگیرساند، ره‌نگه راسته‌وخۆ كلینتنی جه‌نگ ل دژى ئه‌فغانستانێ بەرپانەکربیت، به‌لێ ئالۆزی ل سه‌رده‌مێ ویدا ل دژى عێراقێ و ئه‌فغانستانێ گەهشتنە وی رادەی،پشتی كلینتنی ده‌بلیو بۆش هات،وی ژی ب هێجەتا 11 سێپتێمبه‌رێ جه‌نگ ل دژى ئه‌فغانستانێ راگه‌هاند و پاشی ل سالا 2003 ل دژى عێراقێ، باراك ئۆمابامای ژی ب هه‌مان شێوه.
جه‌نگ د مێژوویا سه‌رۆكێن ئهمریكا دا بابه‌تەکێ ئێلاكه‌ره،زۆر جارا جه‌نگ سه‌رۆكی دکەتە قارەمانەکێ نه‌ته‌وه‌یى و جار ژی سه‌رۆك هەیە دڤێ تاقیكرنا سه‌ختدا ده‌رناچیت،ویلسۆنی جه‌نگێ ئێکێ یێ جیهانی،روزفلت جه‌نگێ دویێ یێ جیهانى دیتی، لینكۆلنی جه‌نگێ نافخۆ،نیكسۆنی جه‌نگێ ڤیەتنامێ.
ئەرێ تره‌مپ دێ چ شەری کەت و ووێ ل دژى كێ بیت؟، لێ ترەمپ كه‌سەک نینه،کو باوەی ب بکارئینانا هێزێ هه‌بیت،بەلکی ئاشتیێ ب چاره‌سه‌ر دزانیت بۆ ئێكلاكرنا هندەک بابه‌تان،ژ بلی ڤێ ژی وی مەزنترین بودجه بۆ وەزارەتا بەرەڤانیێ ته‌رخان كریه،هەکە وەسا بریاربیت کو تره‌مپی ب بودجه‌ی و چه‌کێ زه‌به‌لاح ل بەربیت جه‌نگەکێ چێکەت؟،هوون چ خەیال دکەن،ئەرێ ئەو جەنگە دێ ل كۆریاى باكور، پاكستان،وەلاتێن داكۆكیكار ل قودسێ، یان ئیران بیت؟.
ئێک:هەکە ژ ئاسیا ده‌ست پێ بكه‌ین:كۆریا باكۆر،وەلاتەکە ئەڤە 70 سالە ململانێ ل گه‌ل ئهمریكا هه‌یه،ل سه‌رده‌مێ دۆناڵد تره‌مپی،ڤی وەلاتی مووشه‌كا بالیستى تاقیكریه و هێرشێن توند ل ئهمریكا دکەت. ئهمریكا ژی هێزا خۆ ل هەمبەری ڤی وەلاتی نمایش دکەت،چه‌كێن خۆژی ل به‌رامبه‌ر وی وەلاتی نمایش دکەت،چەندین سزا ژی خستینە سه‌ر وی وەلاتی،مانۆرێن سه‌ربازى ل‌گه‌ل (كۆریا باشۆر) ئه‌نجام ددەت.
دو:بابه‌تێ قودسێ:ل سالا بوری دۆنالد تره‌مپی بریار دا قودسێ وه‌ك پایته‌ختێ ئیسرائیلێ بهێتە ناساندن،هەر چەندە چاڤەرێ شەرەکێ دهاتەکرن،به‌لێ ئه‌گه‌رێ تێوه‌گلانا ئهمریكا د جه‌نگەکێ مەزندا ب دووری دهێتە زانین،ژبەر ڤان خالان.
. داكۆكیكارێن قودسێ (توركیا، مسر، سعوودیه) دوورن،ژ ئەگەرێ په‌نابرنێ بۆ هێزا سه‌ربازی،ژ پێخەمەت داكۆكیكرنێ ل قودسێ و فلستینیان.
.ئەڤ كێشه به‌ره‌ف رێكخراوێن كۆمه‌لگەهێ نێڤده‌وله‌تى ڤەچوو،جڤاتا ئاسایشێ و كۆمه‌لا گشتی یا نه‌ته‌وەیان.
.هه‌رسێ وەلاتێن مەزن یێن ڤێ دەڤەرێ (توركیا و مسر و سعوودیه)،ز رەنگەکێ ژ رەنگان نێزیکی ئه‌مریکانە: توركیا ئه‌نداما ناتۆیه، مسر و توركیا هه‌ردو هاریكاریێن سه‌ربازى ژ ئهمریكا وه‌رد‌گرن، سعوودیێ ژی پەیوەندیەکا بهێز ل گه‌ل ئه‌مریكادا هه‌یه.
پاكستان:ماوێ چه‌ند هەیڤانه به‌رپرسێن ئهمریكا هێرش بۆ سه‌ر پاكستانێ راگەهاندینە، پاكستانێ ب هندێ تۆمه‌تبار دكه‌ن،کو هاریکاریا گرووپێن تیرۆریستی یێن ناڤ ئه‌فغانستانێ دکەت،لێ پاكستان خودان سوپایه‌کێ مەزنە، چاڤدێرێن ئه‌مریكى دبێژن هەکە پاكستان ب ڤی شێوازی رەفتارا سیاسى بكەت، سه‌قامگیرى ل ئه‌فغانستانێ به‌رپا نابیت،ل‌گه‌ل كه‌فتنا داعشێ ل سووریێ و عێراق گرووپێن تیرۆریستی یێ داعش چووینە ئه‌فغانستانێ و بزاڤان ل وێرێ دکەن، ئه‌ڤەژی وە دکەت دووباره ئه‌فغانستان بكه‌ڤیتە ستۆیێ ئهمریكا و ئهمریكا ژی هه‌موو دەما ژ كێشێن ئه‌فغانستانێ دۆستێ كەڤنێ خۆ پاکستانێ تۆمه‌تبار دکەت.
ئیران:ئیران ئێکە ژ وان وەلاتان کو ئهمریكا ل سه‌رده‌مێ تره‌مپێ به‌رئێككه‌فتن و جه‌نگەکی ل گه‌ل ئه‌نجام بدەت. ئیران دوژمنەکێ 30 سالا یێ ئه‌مریكایه،نوکە ب دیتنا ئهمریكا ئیران ژێدەرێ ئالۆزیێن هەموو رۆژهه‌لاتا ناڤینە، ئیرانێ ملیشیات ل لوبنانێ و عێراقێ و سووریێ و یه‌مه‌نێ هه‌نە،دۆنالد تره‌مپ دانێ ب رێككه‌فتنا ئه‌تۆمى ل گه‌ل ئیرانێ ناکەت،گۆره‌پانا به‌رئێکكه‌فتنێ ل عێراقێ یا نزیكه،ئەڤ هوکارە هەموو وە دکەن ب ئاسانى تره‌مپ هزرێ ل لێدانا ئیرانێ بكەت.
ڤيديۆ: بۆمبە و توڕێن بچووک ماسی ژ رووبارێن ئامێدیێ و بارزان کێم کرینە
ئەڤرۆ نیوز، نەوزاد ھلۆری:
بکارئینانا ھەموو جوێن تورا و بومبە و ماددێن ژەھراوی و کارەب بوویە سەدەم کو ماسی ژ رووبارێن سنوورێ دەڤەرا ئامێدیێ و بارزان کێم بن و ماسیگرەک ددەتن دیارکرن کو ئەو بەرامبەر سالێن بوری گه‌له‌ك كێم ماسيان دگرن.
سەمیع سەدیق ماسیگرەکێ دەڤەرێ یە ددەتن دیارکرن کو بەری نھا ئەوان ھەتا 30 کیلویێن ماسیان دگرتن بەلێ نھا ئەو ھەتا پێنج کیلویێن ماسیان دگرن و بو ئەڤرۆ نیوز گۆت: (ئەم رۆژانە ب تورا دچینە ماسیان ل رووبارێن شین و رووبارێ زێ، بەلێ ماسی گەلەک کێم بوینە، ئەگەر ژی دزڤریت بۆ بکارئینانا ھەموو جورێن تورا و بکارئینانا بومبە و ماددێن ژەھراوی ژ بۆ گرتنا ماسیان).
زێدەتر گۆت: (ئەم ب دو شێوازان تورا بو گرتنا ماسیان بکاردئینین وەکو دانانا تورا و د رووباری بەردانا تورا و قەیرانا دارایی بوویە ئەگەر کو بھایێ ماسیان گەلەک کێم بیت و نھا کیلو د ناڤبەرا چوار بۆ ھەشت ھزار دیناران دھێتە فروتن).
ژ لایەکێ دن ڤە بکرەکێ ماسیان ل بازارێن شێلادزێ ب ناڤێ دلوڤان سیتەیی بۆ ئەڤرۆ نیوز گۆت: (ماسیگرێن دەڤەرێن بارزان و سنوورێ ئامێدیێ دچنە ھەردو رووبارێن زێ مەزن و رووبارێ شین و ئەم ژی ڤێرە ل وان دکرین و دفروشین، کیلویا ماسیان د ناڤبەرا پێنج بۆ 12 ھزار دیناران دھێتە فروتن).
شكه‌ستنا ئيرانێ دێ دووماهيێ ب ده‌ستێوه‌ردانێن وێ يێن هه‌رێمى ئينيت
ئەڤرۆ نیوز، نەوزاد ھلۆری:
دەما چەند رۆژایە ل چەند باژێرێن ئیرانێ و رۆژھەلاتێ کوردستانێ، دژی رژێما ئیرانێ وەلاتیان دەست ب خوه‌نیشاندانان کری و حوکمەتا ئیرانێ ژی ب تۆندرین ره‌نگ بەرساڤا خوه‌نیشاندانان ب کوشتن و بریندارکرن و گرتنێ ددەت. چاڤدێرەکێ سیاسی ددەته دیارکرن کو ئەڤ یەک ھەموو بۆ نەدادپەروەریا ئیرانێ دزڤریت و شکەستنا ئیرانێ ل گەل خوه‌نیشاندانان دێ بیتە سەدەم کو دەستێوەردانێن ئیرانێ ل عیراق و ھەرێما کوردستانێ دووماھی بھێن.
چاڤدێرێ سیاسی، عەبدوللا خالد، دیارکر کو شکاندنا ئیرانێ گەلەک گرنگە بۆ رۆژھەلاتا ناڤەراست ب گشتی و دەڤەرێ ب تایبەتی و بۆ ئەڤرۆ نیوز گۆت: (رەنگە شکەستنا ئیرانێ زیانێ ب چەند وەلات و کەس و لایەنان بگەھینیت، بەلێ ل گەل ڤێ یەکێ ژی بۆ کوردان گەلەک گرنگە ب تایبەتی د وارێ مافێ مرۆڤی و ئازادیێن رادەربرین و ھزری دا کو دەمەکێ زورە ب ھندەک ھزر و بیرێن بەرتەنگ پەردەکرینە، ئیران ھەتا سەر ھەستیا دەستڤەدانێن خوە کرینە سەر کاروبارێن ھەرێما کوردستانێ و عیراقێ، دووماھی جار ژی سیناریویا 16ێ ئوکپوتەرا سالا بوری بوو، کو رولەکێ زۆر نەرێنی ھەبوویە بۆ کەفتنا کەرکووک و دەڤەرێن سەر ب وێ ڤە و ھەموو ئەوان سزایێن ئابووریێن کو نھا ھەرێم تێدا دنالیت ئیران ژێ بەرپرسیارە، د کەڤکێشا ھەولێر بۆ بەغدایێ ژی دا ئیرانێ رولەکێ خراپ ھەیە و بێلایەن نەبوویە).
زێدەتر گۆت: (ھەر ژ دەستپێکا شورەشا گەلێن ئیرانی و دامەزراندنا کومارا ئیسلامیا ئیرانێ، ئیرانێ سل نەبوویە ژ شکادنا کەرامەت و پێگەھێ کوردان ل ھەموو پارچێن کوردستانێ ب تایبەتی روژھەلاتا کوردستانێ ئەو ژی ب رێیا ئاگر و ئاسن و کوشتن و گرتن و سێدارەدانێ ھەتا خوە سەرکردەیێن کوردان ل ئوروپا و جیھانێ ژی تیرور دکەت، ئیرانێ سالا 1979 دەست ب بنپێکرنان بەرامبەر مافێن کوردان و ئازادیێن وان يێن ھزری و نەتەوەی و ھەتا خوە ئاینی ژی کریە، نھا ژی ئیران ئێکە ژ مەترسیدارترین وان وەلاتێن کو مافێ مرۆڤی تێدا دھێتە بنپێکرن و ب ئاشکرا خەلکەکێ بی َتاوان و ل سەر کێمترین تشت سێدارە ددەن و زیندانێن وان پربوینە ژ خەکێ بێ گونەهـ و برسی، پرانیا وان ژی ل سەر ئازادیێن رادەربرین و ھزری ھاتینەگرتن).
چاڤدێرێ سیاسی د درێژاھیا ئاخفتنێن خودا دیارکر ژی کو ئیرانێ روەکێ کارا ھەیە د دروستکرنا عەبایێن رەش و تیرور ل دەڤەر و ئاسایشا نەتەوەی ھەموو جیھانێ و گۆت ژی: (ئەگەرێ سەرەکی یا دروست بوونا شەر و ئالوزیێن پرانیا وەلاتێن جیھانی ب تایبەتی عەرەبی دزڤریت بۆ ئیرانێ مینا وەلاتێن سوریا، یەمەن، بەحرین، سعودى، کوێت و عیراق و چەندان وەلات و جھێن دن، ئانکو ئیران خەکێ خوە برسی دکەت و ئالوزی و شەرا بو خەکێ دن دروست دکەت، دیسان پەنابرن بۆ بکارئینان و دروستکرنا چەکێ ئەتومی و دەستوەردان کاروبارێن جیھانی ئێکا دنە ژ مەترسیێن سەر ئاسایشا نەتەوەی و مرۆڤایەتی ل جیھانێ ئیران بەرامبەر خەلکی دکەت ژ بەر ڤێ دروستکرنا ھەڤپەیمانی و بەرەیەکێ ب ھێز دژی شکاندنا ئیرانێ ئەگەر کارەک ب زەحمەت ژی بیت ئێکە ژ پێدڤیێن گرنگ دا کو جارەک دن ئازادی و ئەرک و ماف بۆ خەلکی بزڤرنه ڤە).
پشتی 50 سالیێ ھەستیان شیان نامینن گرانیا لەشی راکەن
ئه‌ڤرۆ نيوز:
نیڤەک ژ مرۆڤان پشتی 50 سالیێ تووش دبنێ، ڤەخوارنا کحولی و کێمیا ڤیتامین دی و جگارەکێشان و بەدخوارن و نەبزاڤکرن و خوارنا دەرمانان و نەخۆشیێن دومدرێژ ھەموو پێکڤە دبنە ئەگەرێ نەخۆشیا پێتیبوونا ھەستیان.ھەستی ب سروشتێ خۆ بھێزن، بەلێ دەمێ چاڤدێری بۆ نەبیت دێ ھەلوەریان و پێتیبوون ژێرا پەیدابیت و ل دووماھیێ ئەو ھێز نامینیت ھەتا گرانیا لەشێ مرۆڤی ژی رابکەن و پتریا تووشبۆیێن ڤێ نەخۆشیێ ژ رەگەزێ مێ نە، ئاریشا ھەرە مەزن ئەوە نەخوشی ل قۆناغێن دووماھیێ پەیدادبیت، بەلێ پێدڤیە ژن بزانن کو راوەستیانا عادەیا ھەیڤانە و زەعیفی و کێم بزاڤکرن نیشانێن سۆرن.
د.محەمەد تاھر رەسول، تایبەتمەندێ چارەسەریا سروشتی و نەخۆشیێن دلی و ھناڤان دیارکر کو پێتیبوونا ھەستیان ئانکو پەیدابوونا ھەر گوھۆرینەکا فسیولوجی یە ل سەر لەشێ مرۆڤی ژ ئەنجامێ دانعمربوونێ و ئەو سەربارکێن ژێ پەیدادبن کو کارتێکرنێ ل ژیانا نەخۆشی یا سروشتی و جڤاکی دکەن و نەخۆش نەشێت لڤینێ بکەت و ئەڤ چەندە نوکە گەلەک یا بەربەلاڤ دبلیت ل سەر ئاستێ جیھانێ و ب گرانی ژلایێ دارایی ڤە ل سەر دەولەتێ ژی رادوەستیت و گۆت: ئەگەرێن نەخۆشیێ دو رەنگن ھندەک ژوان ناھێنە گوھارتن وەکو ژیێ مرۆڤی ھەکە یێ مەزن بیت، یان رەگەز و ئەسلێ نەخۆشی و دیسان فاکتەرێن زکماکی و ھندەک ژی دشیاندایە بھێنە کونترولکرن وەکو نەخۆشیێن دومدرێژ و چاڤدێریا بەردەوام یا مرۆڤی و خوارن و ڤەخوارنێن مرۆڤی و جگارەکێشان و ..ھتد، 50% ژ کەسێن ژیێ وان ژ 50 سالیێ پێھەلتر نەخۆشیا خوە ژ پێتیبوونا ھەستیان دبینن و پتریا وان ژنن.
د.محەمەد تاھر دیارکر ژی کو گەلەک ڤەخوارنا مەی ژی دبیتە ئەگەرێ کێمبوونا ڤیتامین دی دلەشیدا و دیسان جگارەکێشان دبیتە ئەگەر کو کارتێکرن ل ئاڤاکرنا ھەستیان ببیت و ھەر خوارنەکا ڤیتامینێن باش دناڤدا نەبن یان پرۆتینێن باش دناڤدا نەبن دیسان کارتێکرنێ ل لەشی و ھەستیان ب تایبەتی دکەن، و داکو پتر ژ سەنگێ مرۆڤ پێ ھزر دکەت رابگرن، پێدڤیە راھێنانێن وەرزشی ئەنجام بدەین، دیسان خوارنێن تژی کلس بخوین داکو لەشێ مە ب شێوەیەکێ باش و نورمال ئاڤا ببیت.
د.محەمەد تاھر گۆت: پتریا نەخۆشان نزانن ئەڤ نەخۆشیە ھەیە، لەورا ب سەدەھان نەخۆشێن دھێنە لایێ مە دێ بێژن مە چ کارێن گران نەکرینە، یان مە خۆ چەماندە موجەمیدێ یان مە دەستنڤێژا خۆ دشووشت و مە ھەستکر کو ھەستیەکێ مە شکەست. و ب ڤی رەنگی دگەھیتە قوناغێن داویێ ژنوو نەخۆش دزانن.
ل گەل ڤێ چەندێ تایبەتمەندێ چارەسەریا سروشتی گۆتژی کو گەلەک نەخۆشی ھەنە ژی دشیاندایە ببنە ئەگەرێ نەخۆشیا پێتیبوونا ھەستیان ژوانژی کێم لڤین و ئەو نەخۆشیێن کارتێکرنێ ل ھورمونان دکەن. ھەروەسان دیارکر ژی کو ھندەک جورێن دەرمانان ئەوێن توشبوویێن نەخۆشیێن دومدرێژ وەکو نەخۆشیێن ( شەکرێ و فشارا خوینێ و پەریزادێ و دلی) دخون و دیسان نەخۆشیێن پەنجەشێرێ و ھەروەسان دەرمانێن شلکرنا خوینێ و ئەو کەسێن قەلەو لەشێ وان پتر بەرئاتافی پێتیبوونا ھەستیان دبیت.
د.محەمەد تاھر رەسول، ئەو چەند ژی نەڤەشارت کو ژنێن دچنە د قوناغێن ژیێ بێھیڤیبوونێ دا و دەمێ ل عادەیا ھەیڤانە رادوەستن و ژنێن گەلەک زەعیف کو سەنگێ وێ گەلەک یێ کێم بیت و ئەوا کێم بزاڤێ دکەت، پێدڤیە ھشیاربیت و بزانیت ئەڤە نیشانێن سۆر و ئاگەھلێبوونێ نە بۆ ڤێ نەخۆشیێ و پێدڤیە پشکنینێن دەوری بۆ بھێنە کرن، ب تایبەت بۆ کەسێن ژیێ وان ژ 60 سالیێ بۆری.
بۆ چارەسەریێ د.محەمەد تاھر رەسول گۆت: باشترە دەزگەھێن راگەھاندنێ گەلەک گرنگیێ ب نەخۆشیێ بدەن و بزانن ئەڤە ژ قەوارێ خۆ یا دەرباز دبیت و دیسان پێدڤیە جگارەکێشان بھێتە کێمکرن و خو دوورکرن ژ کحولی و خوارنەکا باش بھێتە ئامادەکرن و ھەروەسان پێدڤیە دەرمان بۆ چارەسەریێ بھێنە دان و دیسان دەرمانێن ھێزێ و ڤیتامین بۆ بھێنە دان و بزاڤا خو یا وەرزشی زێدەبکەن و دیسان دەرمانێن ئێشکێمکرنێ ژی ھندەک دەمان ژپێدڤیانە.
نيشاندان
WP Facebook Auto Publish Powered By : XYZScripts.com