ئهڤرۆ نيوز:
كهنالێ دياريو گول يا ئسپانى بهلاڤكريه كو پشتى خوسارهتيا ريال مهدريد د ياريا كلاسيكو دا بهرامبهر بهرشهلونه ب 3-0، فلۆرێنتینۆ پێرێز سهرۆكێ يانا ريال مهدريد پهيوهندى ب خوسى مورينيو كريه ، بۆ دانوستاندنان ل دۆر ئهنجامێن ياريێ و ئاستێ ريال مهدريد، مورينيو گوتيه فلۆرێنتینۆ پێرێز، ههلبژارتنا زێدان بۆ ماتیۆ کۆڤاچیچ وهكو ياريكهرهكێ سهرهكى ل شوونا ئيسكو ئهگهرێ شكهستنا ريال مهدريد بوو د ياريا كلاسيكو دا.
ئهڤرۆ نيوز:
پشتى كو سهرۆك وهزيرێن عيراقێ حهيدهر عهبادى د گوتارا خوه يا رۆژا سێ شهمبى دا راگههاندى كو دێ هويربينيێ د ليستا مووچهخورێن وهزارهتێن ساخلهميێ و پهروهردێ يا حوكمهتا ههرێما كوردستانێ دا كهن، د. رێكهوت وهزيرێ ساخلهميا ههرێمێ راگههاند: ب زووترين دهم دێ ليستا مووچهخورێن وهزارهتا خوه رهوانهى بهغدا كهين داكو بهغدا مووچێ فهرمانبهرێن وان دابين بكهت.
عهبادى رۆژا سێ شهمبى راگههاندبوو ئهو دێ بزاڤێ كهن مووچێن وهزارهتێن ساخلهميێ و پهروهردێ يێن حوكمهتا ههرێمێ بدهن.
ئهڤرۆ نێچيرڤان بارزانى سهرۆك وهزيرێن ههرێمێ دياركر كو بهغدا لژنهيهك يا پێكئيناى بۆ پێداچوونێ د ليستا مووچهخورێن وهزارهتێن پهروهردێ و ساخلهميا ههرێمێ.
ئەڤرۆ نیۆز ، زنار تۆڤی:
ل سالا بوری سامانێ ٥٠٠ دهولهمهندترین كهسێن جیهانێ ٤.٤ ترلیۆن دۆلار بوون،لێ ئەڤ سالە ئهو گوژمە بۆ ٥.٣ ترلیۆن دۆلاران بلند بوویە.
ل دووڤ وێ ئامارا ئاژانسا بلومبێرگ بەلاڤکری،سامانێ ٥٠٠ ژ دهولهمهنترین كهسێن جیهانێ بۆ سالا ٢٠١٦ دا ٤.٤ ترلیۆن دۆلار بوون،لێ وێ رێژێ ٢٣% زێدەکریە و گههشتیه ٥.٣ ترلیۆن دۆلاران.
ئەو ٥٠٠ دهولهمهندێن جیهانێ رۆژانه ٢.٧ ملیار دۆلار دچیتە سەر سامانێ وان و ب ڤێ چەندێ هەکە ب هێتە بهراوردکرن ب سالا ٢٠١٦ قازانجێ وان چار هنده زێدە کریە.
دامهزرێنهرێ كۆمپانیا بازرگانی یا ئامازۆن یا ئهمریكی، جیف بیزۆس ب زێدەبوونا گوژمێ ٣٤.٢ ملیار دۆلار، سامانێ وێ گهیشتیە ٩٩.٦ ملیار دۆلاران کو دناڤ وێ لیستێ دا بلندترین رێژهیه ل سهر ئاستێ وان دهولهمهندێن سامانێ وان زێدەکری،ب ڤی رەنگی جیف بیزۆسی ناسناڤێ دهولهمهنترین كهس ل جیهانێ ژ دامهزرێنەرێ كۆمپانیا میكرۆسۆفت، بیل گێتسی وهرگرت و گههشته لووتكهیا وی لیستێ.
ناڤێ ٤٩ وەلاتان د وێ لیستێ دا هاتیە و ٣٨ ملیاردێرێن چینی سامانێ وان ٦٥% زێدەبوویە و گەهشتیە ١٧٧ ملیار دۆلاران و ١٥٩ ملیاردێرێن ئهمریكی ژی ١٨% سامانێ ون زێدەبوویە و گههشتیه ٣١٥ ملیار دۆلاران.
سالا ٢٠١٧ بوویه سالا دهولهمهندێن وارێ تهكنۆلۆجیایێ و د وێ لیستێ دا ٥٧ ملیاردێرێن وارێ تهكنۆلۆجیایێ سامانێ وان ٣٥% زێدەبوویە و تێكرایا سامانێ وان گههشتیە ٢٦٢ ملیار دۆلاران.
دامهزرێنەرێ كۆمپانیا فێسبووكی مارك زوكهربێرگ ٤٥% سامانێ وی زێدەکریە و تێكرایا سامانێ وی گههشتیه ٢٢.٦ ملیار دۆلاران.
ھەڤدەم ٦٠ ملیاردێرێن جیھانی یێن کو ل سالا بوری دناڤا وێ لیستێ دابوون، ب ئەگەرێ ژ دهستدانا بهشەکێ ژ سامانێ خۆ ناڤێ وان نە ئێخستیە ناڤا وێ لیستێ.
ئەڤرۆ نیۆز،زنار تۆڤی:
بەرپرسێ پەیوەندی و راگەهاندنێ ل رێڤەبەریا بەرەڤانیا باژێری ل دهۆکێ رائید بێوار عەبدولعەزیز بۆ ئەڤرۆ نیۆز راگەهاند: ئەڤرێ ل دەمژمێر 5:20 مەغرەب پەیوەندی ب بنگەهێ ئاگرڤەمراندنا باتیفا هاتیەکرن،ژ ئەگەرێ هەبوونا رودانەکا ئاگری ل گوندێ ئاڤ گەنیێ ل سەر جادا سەرەکی یا باتیفا، کو سێ ترومبێلا د وێ روودانێدا لێکدایە و گوت ژی: دو ترۆمبێلێن پیك ئاپ و کوستەرەکێ لێکدایە و بنگەهێ ناڤبری ل گەل ئەفسەرێ بنگەهێ جیدارێ ئێکێ ئەبجەد رەمەزان ل جهێ رودانێ ئامادەبووینە و شیاینە وی ئاگری ب ڤەمرینن لێ ب مخابنیڤە دڤێ ڤێ روودانێ ۲۱ کەس بووینە قوربانی،کو ۱۹ کەس بریندار بووینە کو ٦ کەس ژ وان برینێن وان سەختن و دیسا 2 کەسێن مرینە کو هەردوو سنێلە بوون،گوت ژی:ئەو کەس ئاواربوون و ژ داوەتێ دهاتن و ئەو ترۆمبێل ژی ب تەمامی هاتینە سوتن.
ئەڤرۆ نیۆز،زنار تۆڤی:
موقەدەمێ مافپەروەر ئازاد تاها بەرپرسێ پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیۆز دیارکر:ئەڤرۆ د رووانەکا ترافیکێ دا ل سنۆرێ قەزا سێمێلێ کچەکێ گیانێ خۆ ژ دەست دا.
ناڤهاتی دیارکر ژی: ئەڤرۆ پێنجشەمبێ ٢٨⁄١٢⁄٢٠١٧ ل دەمژمێر ١٢:٣٠ نیڤرۆ ل سنورێ قەزا سێمێلێ و ل نێزیک قوتابخانا کوری ترۆمبێلەکا تایبەت ھوندا سوناتا ل قوتابیەکا کچ دایە ب ناڤێ ( ب.ع ) کو دژیێ ١٣ سالیێ دا و وێ قوتابیا کچ گیانێ خوە ژ دەست دا.
ئهڤرۆنيوز، باسم قاسم شنگالى
بهرى دهمهكێ روودانهكا لێكدانێ دناڤبهرا دو ترومبێلان روودا دناڤبهرا ههردو ناحيێن دهركارێ وباتيفا يێن ب سهر قهزا زاخۆ ڤه لێكدا وب تمامى سوتن وچهندين كهس ژى برينداربوون.
خهيرى يهزدين چالاكڤانێ مهدهنى بۆ ئهڤرۆنيوز گۆت” ئهڤرۆ ل دهمژمێر 5:40 ئێڤارى دو ترۆمبێلان كو ئێك ترومبێلهكا نهفهر ههلگر ژ جۆرێ كوستهر ويا دى پێك ئاب تويۆتا ل سهر رێيا دهركار – باتيفا لێكدا وب تمامى سۆتن و19 كهس برينداربوون ودو كهسان گيانێ خوه ژ دهستدا”.
خهيرى گۆت ژى” بريندار ئاوارێن شنگالێ نه ويێن هاتينه ڤهگۆهاستن بۆ نهخوهشخانێ ل زاخۆ”.
ئهڤرۆنيوز:
جهنهرال رابێرت نۆلێر فهرماندێ هيزێن دهريايى يێن ئهمريكى ل دهمێ سهرهدانا سهربازێن ئهمريكى ل نهرويج راگههاند، خوه بۆ شهرهكێ مهزن بهرههڤ بكهن.
ل دووڤ پشكا فارسى يێ سايتێ (DW) يێ ئهلمانى جهنهرال رابێرت گۆت” هيڤيدارم پێشبينيێن من راست دهرنهكهڤن، بهلێ شهرهكێ گهلهك مهزن دێ روودهت” جهنهرالێ ناڤبرى دبێژيته وان سهربازێن ئهمريكى” هزرا خوه بكهن كا هوون بۆچى ل ڤێرێ نه، تنێ بۆ ڤى شهرى خوه بهرههڤ بكهن”.
هێزهكا ئهمريكى ل دهستپێكا ڤێ سالێ بۆ پشتهڤانيا بريارێن ناڤهندا لهشكرى يا ئهمريكى ل ئورۆپا وناتۆ، ل نهرويج جهگيربوون، دهزگههێن راگههاندنێ ل ئهمريكا دبێژن جهنهرال رابێرت نۆلێر ئێكه ژ جهنهرالێن مهزن يێن ئهندام دئهركانێن ناڤهندى يێ لهشكرێ ئهمريكى وبهرپرسه ژ پلانێن نهئاسايى يێن وهزارهتا بهرگرى يا ئهمريكى.
پهيڤدارى وى جهنهرالى بۆ رۆژنامهڤانان گۆت” جهنهرال رابێرت دئاخڤتنێن خوهدا ئاماژه بۆ چو دوژمنێن دياركرى نهكريه ومهرهما وى تنێ ئهوبوو مورالا سهربازان بلند بكهت ودراهێنانێن لهشكرى دا دچالاكتربن”.
ئهڤرۆنيوز:
ژێدهرهكى ژ نهجهف تايبهت بۆ ئهڤرۆنيوز ئاشكراكر كو حهيدهر عهبادى سهرۆك وهزيرێن عيراقێ چو دهستههلات ل سهر فرۆكخانا نهجهف يا نێڤدهولهتى نينن وبريارێن عهبادى ل دهف جڤاتا ب رێڤهبرنا فرۆكخانێ ب چو ناچن.
وى ژيدهرى بۆ ئهڤرۆ نيوز زێدهتر گۆت” فرۆكخانا نهجهف يا نێڤدهولهتى رهتكريه بچيته دبن دهستههلاتا فرۆكهڤانيا عيراقى دا، چونكى ئهو فرۆكخانه ب رێيا وهبهرهێنانێ يا هاتيه دروستكرن نهكو ب رێيا حوكمهتا عيراقێ وپارێن وێ”.
زێدهتر گۆت” حوكمهتا عيراقێ ودهستههلاتا فرۆكهڤانيێ رێڤهبهرهكێ نوو بۆ فرۆكخانا نهجهف يا نێڤدهولهتى دهستنيشانكريه، بهلێ جڤاتا پارێزگهها نهجهف رێ نهدايێ بچيته دناڤ فرۆكخانێ دا”.
ل دووڤ وى ژێدهرى” ئيدارا فرۆكخانێ و” حزبێن فرۆكخانێ” كو دديارن كا كينه وێ فرۆكخانێ ب رێڤهدبهن وههتا حهيدهر عهبادى ب خوه ژى نهشێت مايێ خوه دفرۆكخانێ دا بكهت”.
خوياكر ژى” فرۆكخانێ چو مفا وپاره نهگههاندينه نهجهفێ”.
ئهڤرۆنيوز:
دكۆمبوونا ئهڤرۆ يا حوكمهتا ههرێما كوردستانێ وكۆمسيۆنا بلند يا ههلبژارتن وراپرسياران ل ههرێمێ، رێككهفتن هاته كرن كو ل 15 رۆژێن دهستپێكا ههيڤا نيسانا 2018 ههلبژارتن ل ههرێما كوردستانێ بهێنه ئهنجامدان.
ل دووڤ كوردستان 24″ ژبلى ئێكهتى نيشتمان كوردستان، ههموو لايهنان بهرههڤيا خوه دياركر بۆ پشكداريێ دههلبژارتنان دا”.
بهلاڤكر ژى” ئێكهتيێ راگههانديه كوههتا كۆنگرێخوه ئهنجام نهدهن، بريارێ ل دۆر پشكداريێ دههلبژارتنان دا نادهن كو برياره ل 7/3/2017 كۆنگرێ ئێكهتيێ بهێته گرێدان”.
ئاماژه دا” كۆمسيۆنێ داخوازا 32 مليۆن ههتا 35 مليۆن دۆلاران ژ حوكمهتا ههرێمێ كريه بۆ بودجا ئهنجامدانا ههلبژارتنان”.
ئەڤرۆ نیۆز ، زنار تۆڤی:
یانا یۆڤێنتۆس یا ئیتالی بهایێ فرۆتنا ستێرا ئەرجەنتینی پاولۆ دیبالای دیاركریە بۆ وێ یانا دڤێت بکرن.
یانا مانچستەر یونایتد یا ئنگلیزی ل سەر داخوازیا جۆزێ مۆرینۆیێ راهێنەر كرینا دیبالای كریە سەرەكیترین كارێن خۆ د ماوێ ڤەگوهاستنێن هاوینا داهاتیدا.
رۆژناما (دەیلی ستار) یا ئنگلیزی ئاشكرا كریە: بەرپرسێن یانا مانچستەر یونایتد دیارکریە کو ئەو دشێن ب 60 ملیۆن پاوەنا گرێبەستا دیبالای ب دەست ڤە بینن، بەلێ بەرپرسێن یانا یۆڤێنتۆس دیارکرینە کو بهایێ وی یاریزانی ژ 140 ملیۆن پاوەنان دەست پێ دکەت.
نيشاندان