ئه‌ڤرۆ نيوز:
ڤيديو: هونه‌رمه‌ندێن عه‌ره‌ب دێ ل ڤان جهان ئاهه‌نگا سه‌رێ سالێ گێرن
نووترين نووچه
- لەیلا قاسم نموونەیا قەهرەمانییا كچا كوردە و سیمبۆلا ئازادیخوازیێیە
- نێچیرڤان بارزانی: پێشوازیێ ل خوە هەلوەشاندنێ و چەكدانانا پەكەكێ دكەین
- نێچیرڤان بارزانی و مەسرور بارزانی پیرۆزباهیێ ل بنگەهێ لالشێ دكەن
- مەسرور بارزانی: پشتەڤانییا حوكمەتێ بۆ ب هێزكرنا ژێرخانەیا ئابۆری دێ بەردەوام بیت
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
- مەسرور بارزانی: پێدڤییە بەرپرسێن پارتی زێدەتر خزمەتا خەلكی بكەن
- هیڤیدارین حوكمەتا فیدرال مووچەی نەكەتە پرسەكا سیاسی
- بەغدا مووچەی وەك كارەتەكا فشارا سیاسی بەرانبەر هەرێما كوردستانێ ب كار دئینیت
- مافێ چارەنڤـیس، مافـەكێ سروشتیێ نەتـەوەیا كـوردە
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
سه‌ره‌كى Facebook
ب هه‌لكه‌فتا سه‌رێ سالا نوو ئه‌ڤ شه‌ڤه چه‌ندين جهان ئاهه‌نگ دێ هێنه گێران
ئه‌ڤرۆ نيوز، نيوار محه‌مه‌د سه‌ليم:
بڕياره ئه‌ڤ شه‌ڤه چه‌ندين ئاهه‌نگێن جه‌ماوه‌رى ل سه‌رانسه‌رى پارێزگه‌ها دهۆكێ بهێنه گێران و هه‌موو ژى گرێدايى كه‌رتێ تايبه‌تن و چو ئاهه‌نگێن فه‌رمى ژى ناهێنه گێران.
ل چايخانا كه‌وا ل دهۆك و ل ده‌مژمێر 10:00 شه‌ڤ دێ شه‌ڤبێريه‌كا فلكلۆى يا كوردى ب پشكداريا چه‌ندين هۆنه‌رمه‌ندێن ده‌نگبێژ بيت و د هه‌مان شه‌ڤبێرى دا دێ چيرۆك و سه‌رهاتى هێنه گۆتن و د گه‌ل چه‌ندين ياريێن كورده‌وارى. ئه‌ڤ ئاهه‌نگه دێ بۆ كه‌سێن دانعه‌مر و پێشمه‌رگێن شورشێن ئيلۆن و گۆلانێ بيت.
هه‌ر ئه‌ڤ شه‌ڤه ب هه‌لكه‌فتا جه‌ژنا سه‌رێ سالێ بڕياره ئاهه‌نگه‌كا هۆنه‌رى ل هۆلا سيڤه‌ر ل دهۆك ب پشكداريا هۆنه‌رمه‌ند عه‌بدولقه‌هار زاخۆى و چه‌ند هۆنه‌رمه‌ندێن دى.
ل سه‌رجاددێن ناڤ باژێرى ب تايبه‌ت جاددا گشتى يا نێزيك پانۆڕاما و جاددا 40 مه‌ترى دهێته پێشبينيكرن خرڤه‌بوونێن مه‌زن يێن جه‌ماوه‌رى بهێنه ديتن، د ده‌مه‌كى دا كو رێڤه‌به‌ريا گشتى يا ره‌وشه‌نبيرى و باژێرڤانيا دهۆك چو چالاكيێن فه‌رمى نينن.
ل هۆلا كرستيانان ژى ل دهۆكێ بڕياره ب هه‌لكه‌فتا سه‌رێ سالا نوو و ئاهه‌نگێن كريستمسێ ئاهه‌نگه‌ك بۆ مه‌سيحيێن پارێزگه‌ها دهۆكێ بهێته ئه‌نجام دان.
هه‌ردو هۆنه‌رمه‌ندێن به‌رنياسێن دهۆكێ ژى كاروان كامل و دلينار يه‌لدز دێ ئاهه‌نگه‌كێ ل باژێرێ هه‌ولێر ل ئۆتێلا هه‌ولێر يا نێڤده‌وله‌تى گێرن.
پولیسێن ھەولێر ئامارا روودانێن سالا 2017 راگەھاندن
ئەڤرۆ نیوز =، نەوزاد ھلۆری:
رێڤەبەریا پویسێن ھەوێرێ د کونگرەیەکێ رۆژنامەڤانی دا ئامارا روودانێن سالا 2017 راگەھاندن و ب گورەی ئامارا وان ئەڤ سالە چار ھزار و 739 کەس ھاتینە گرتن و رەوانەکرن بو دادگەھێ و ژ وانا کەسێن چوار ھزار و 323 کەسان ھاتیە ئێکلاکرن.
ھوگر عەزیز ئاخفتنکەرێ پولیسێن ھەولێر د کونگرەیەکێ رۆژنامەڤانی دا ل ھەولێر دیارکر کو رێڤەبەریا پویسێن ھەوێر ئەڤ سالە کار سەر سێ ھزار و 502 دوزێن قانونی کریە و ژ وانان 450 دوز نەھاتینە ئێکلاکرن ، و 299 کەس لگور مادێن 409 و 406 لسەر ماددێن کوشتنێ ھاتینە گرتن ، و دیسان 677 کەس ژی سەرا دزیێ ھاتینە گرتن).
زێدەتر گۆت: ( 182 کەس سەرا ھەرەشەیان ھاتینە گرتن ، و 503 کەس ژی سەرا قوتان و ئەشکەنجەدانێ ھاتینە گرتن ، و لسەر کوشتا دەین و قەران و کوشتنا سەر قەران ژی 94 کەس ھاتینە گرتن ، و لسەر تاوانێن ساختەکاریێ ژی 122 کەس ھاتینە گرتن ، و لسەر بنپێکرنا لسەر مولکێن دەولەتێ ژی 307 کەس ھاتینە گرتن و و لسەر روودانێن تەقەکرن و ئاژاوەگێریێ ژی ھزار و 196 کە سھاتینە گرتن).
د درێژاھیا ئاخفتنێن خودا دیارکر ژی کو ئەو کەسێن ھاتینە رەوانەکرن بو زیندانان ، ھژمارا وان چوار ھزار و 739 کەس بوون، ژ وانان چوار ھزار و 323 کەسان دوزێن وان ھاتینە ئێکلاکرن).
بهایێ نەفتێ د بازارێن جیهانی دا بلند بوو
ئەڤرۆ نیۆز ، زنار تۆڤی:
ئەڤرۆ ئێکشەمبی 31 کانینا ئێکێ 2017 بهایێ نەفتێ د بازارێن جیهانیدا بلند بوو،هەروەسا بهایێ بەرمیلەکێ نەفتێ گەهشتیە سەر 66 دۆلاران دا.
ئەڤرۆ دەمژمێر 9:30 خولەک بهایێ بەرمیلەکێ نەفتا برێنت بلندبوویە و گەهشتیه 66 دۆلاران و 87 سەنتان،ئەڤە د دەمەکێدایە کو د چەند رۆژێن بەری نوکە دا و پێش داخستنا بازاری،بهایێ بەرمیلەکێ نەفتا برێنت ب 66 دۆلار و 16 سەنتان بوو،هەڤدەم بهایێ بەرمیلەکێ نەفتا رۆژئاڤایێ تەکساس بلندبوویە بۆ 60 دۆلار و 42 سەنتان.
ب هزاران عەرەب دڤێ حەفتیێ دا هاتینە کوردستانێ
ئەڤرۆ نیۆز،زنار تۆڤی:
ب هزاران وەلاتیێن عەرەب یێن ناڤەراست و باشۆرێ عێراقێ بۆ ب سەربرنا رۆژانێن بهێنڤەدانا سەرێ سالێ،هاتینە هەرێما کوردستانێ.
نادر روستی،ئاخفتنکەرێ دەستەیا گشتی یێ گەشتوگوزارێ ل هەرێما کوردستانێ راگەهاندیە، پشکەک ژ گەشتیارێن عەرەب ب رێیا فرۆکخانێن نێڤدەولەتی یێن هەولێر و سلێمانیێ ژ بەغدا و نەجەف هاتینە کوردستانێ.
نادر روستی هەروەسا گوتیە،ژ بلی ئەوێن ب فڕۆکان سەرەدانا کوردستانێ دکەن،ب تنێ د ماوێ دو رۆژان دا 150 پاسێن گەشتیاران ژ ناڤەراست و باشۆرێ عێراقێ سەرەدانا شارێن هەرێما کوردستانێ کرینە.
ب مەرەما بۆراندنا رۆژێن بهێنڤەدانا سەرێ سالێ ل هەرێما کوردستانێ و ب ئەگەرێ ئارامیێ،کو هێزێن پێشمەرگەی و ئاسایشێ و هێزێن ئەمنی یێن دیتر بۆ کوردستانێ دابین کریە، ئەو گەشتیارێن ل شارێن خۆ نەشێن ب ئازادی و ب ئەگەرێ هەبوونا ترسێ ژ گرووپێن تیرۆریستی و چەکداران، نەشێن ئاهەنگێن سەرێ سالێ بکەن.
مایسترو دلشاد سەعید دکتورا د موزیکا کوردی دا وەرگرت
ئەڤرۆ نیۆز، تۆڤی:
هەلبەستڤان ئەدیب چەلکی دایە دیارکرن،کو ل رۆژا 20.11.2017 موزیکڤانێ ناسیارێ کورد و جیهانی مامۆستا دلشاد سەعید ل زانکۆیا موزارت ل باژێڕێ سالزبورگ ل وەلاتێ نەمسا گۆڤاناما دکتورایێ د موزیکا کوردی دا، ل سەر ناما خۆ یا ب ناڤنیشانێ (ڤەکۆلینەك لسەر موزیکا کرمانجی – زێدەتر بەرچاڤکرنا سترانێن رتمی) ب پلەیا گەلەك باش وەرگرت،هەروەسا بریارە ل دوماهیا سالا خواندنێ دا ل مەها خزیرانا 2018 ێ ئەڤ گۆڤانامە د ئاهەنگا تایبەتا دەرچوونێ دا بهێتەدان.
هەروەسا گوتیە،بێگومان ئەڤە ئێکەمین جارە ڤەکۆلینەکا هۆسا ئەکادیمی و گەلەك گرنگ و بەرفرەهـ لسەر موزیکا کوردی / کرمانجی د زانکۆیەکا ئورۆپی دا دهێتە ئەنجامدان،ل گەل هەڤبەرکرنا موزیکا کوردی دگەل یا جیرانێن کوردا و دەڤەرێ، گەلەك ڤاڤارتنێن جوان ل ناڤبەرا رەنگێن گۆڤەند و دیلانێن کوردی دا لسەر بنگەهێ رتما (رتما ئاوازێ) دڤێ ڤەکۆلینێ دا هاتینەکرن و تایبەتمەندی یێن موزیکا کرمانجی هاتینە دەسنشانکرن،مامۆستا دلشادی هندەك راستی یێن ڤەشارتی، دڤێ ڤەکۆلینێ دا ئاشکراکرینە و سەلماندی نە، کو دو ژێ ئەڤە نە: –
1- پرانیا موزیکا کرمانجی ب رەنگ و تایێن خۆ ڤە یا جودایە ژ موزیکا گەلێن رۆژهەلاتا ناڤین و دەڤەرا قەوقازێ، بەلکی کێمترین خالێن هەڤپشك هەنە دگەل موزیکا زاراڤێن دی یێن کوردی ژی.
2 . رتمەکا ئالۆزو غەریبا هەی ب ناڤێ (جورجینا) ل ناڤ کرمانجا و هندەك دەڤەرێن ل عیراقێ بکار دهێت، لێ پشتی دووڤچوونەکا باش، دیاربوو کو ئەڤە رتمەکا کرمانجی یە، ژبەر ڤان ئەگەران و گوت ژی:
ئێك : ل ناڤ کرمانجان ئەڤ رتمە گەلەکا بەلاڤە و گەلەک ژ مێژە دهێتە بکارئیینان، لێ ل هندەك دەڤەرێن عیراقێ ژ دەسپێکا سەدێ بیستێ هەتا ناڤەراستا وی بکارهاتیە و پشتی هنگی گەلەك کێم بکارهاتی یە.
دو : ل دەڤەرێن دی یێن عیراقێ، د سترانێن فولکلوری دا نەهاتیە بکارئینان، بەلکی تنێ د سترانێن نوی دا هاتیە بکارئینان. لێ ل ناڤ کرمانجان گەلەك بەربەلاڤە و ژمێژە د سترانێن فولکۆری دا هاتیە بکارئینان.
ئەمریکا پلانا سێ هەیڤێن داهاتی یێن شەرێ ل دژی داعشێ ئاشکرا دکەت
ئەڤرۆ نیۆز،زنار تۆڤی:
ئەمریکا پلانا سێ هەیڤێن داهاتی یێن شەرێ هەڤپەیمانیا نێڤدەولەتی ل دژی رێکخراوا تیرۆریستیا داعشێ ئاشکرا دکەت.
برێت مەکگۆرک هنارتیێ تایبەت یێ دۆنالد ترەمپێ سەرۆکێ ئەمریکا د هەڤپەیمانیا نێڤدەولەتی ل بەیاننامەکێدا راگەهاندیە،کو وەلاتێ وی هژمارەکا رێکارێن نوو ل رۆژئاڤا عێراقێ و رۆژهەلاتا سووریێ ل دژی داعشێ دێ گرتە بەر.
برێت مەکگۆرکی هەروەسا راگەهاندیە،ئەو رێکارێن نوو بۆ گەرەنتیکرنا دووبارە سەرهەلنەدانا داعشێ و رێکخراوێن تیرۆریستی یێن وەکی داعشێ نە.
هنارتیێ تایبەتی یێ سەرۆکێ ئەمریکا ل هەڤپەیمانیا نێڤدەولەتی ل دژی داعشێ ئاماژە ب وێ پلانێ دایە و گوتیە، ل سێ هەیڤێن ئێکێ یێن سالا 2018 ئۆپەراسیۆن دێ سەرنجێ ئێخنە سەر ژناڤبرنا داعشێ و پاشی سەقامگیرکرنا ڤێ دەڤەرێ،هەروەسا مەکگۆرکی راگەهاندیە،هێزێن ئەمریکا تا وی دەمێ ”دلنیا دبن ژ نافچوونا داعشێ“،دێ ل سووریێ مینن.
سه‌در دێ بزاڤەکا سیاسى یا نوو راگەهینیت
ئەڤرۆ نیۆز ، زنار تۆڤی:
جێگرێ سه‌رۆكێ فراكسیۆنا ئه‌حرار ئاشكرا دکەت،کو موقته‌دا سه‌در دێ بزاڤەکا سیاسى یا نوو راگەهینیت ب ناڤێ ئیستیقامه، هه‌ر دێ ب ڤێ بزاڤا ژی چیتە ناڤ هه‌لبژارتنان.
محه‌مه‌د هۆرى جێگرێ سه‌رۆكێ فراكسیۆنا ئه‌حرار د لێدوانەکا تایبه‌ت بۆ سایتێ شه‌فه‌ق راگه‌هاندیه،کو موقته‌دا سه‌در دێ بزاڤەکا سیاسى یا نوو ب ناڤێ ئیستیقامه را‌گه‌هینیت،دووپاتکریە ژی کو ئه‌ڤ بزاڤە دێ یا دوور بیت ژ تایفه‌گه‌ریێ و حزبایه‌تیا بەرته‌سك.
محه‌مه‌د هۆرى دووپاتکریە ژی،کو موقتەدا سه‌در ب ڤێ بزاڤێ دێ چیته ناڤ هه‌لبژارتنان،کو بریاره ل هەیڤا ئەیارا 2018 بهێنە کرن،هەروەسا گوتیە،بزاڤا نوو یا سه‌دری هیچ سیما و كه‌سایه‌تیەکێ ئه‌حرار تێدا نینه چونكی وه‌ك سه‌دری پێشتر ئاماژه بۆ كری، هیچ ئه‌ندامەکێ ئه‌حرار د هه‌لبژارتنێن داهاتیدا به‌شدار نابیت.
موقته‌دا سه‌در سه‌رۆكێ ره‌وتێ سه‌دره، ئەڤ ره‌وته ره‌وتەکێ ئاینى و سیاسی یێ عێراقێیه، موقته‌دا سه‌در پشتی كه‌فتنا رژێما به‌عس ل عێراقێ وه‌ك سه‌ركردێ ملیشیاتەکێ ل دژى هێزێن ئه‌مریكا راوه‌ستا،بەلێ پشتی هنگێ هاته ناڤ پرۆسا سیاسى و دوماهی جار قه‌وارێ ئه‌حرارى هه‌بوو،ئێکه ژ وان سه‌ركردێن سیاسی کو بانگه‌شه بۆ به‌رهنگاربوونا گه‌ندەلیێ دکەت و خۆنیشاندانێن ملیۆنى ل دژى گه‌نده‌لیێ ل به‌غدا سازكربوون.
حوكمه‌تا هه‌رێمێ پرۆژه قانوونا رێكخستنا خانه‌نشينيێ په‌سه‌ندكر
ئه‌ڤرۆنيوز: ئه‌ياد
حوكمه‌تا هه‌رێما كوردستانێ پرۆژێ قانوونا تايبه‌ت ب پێداچوونا رێكخستنا خانه‌نشينێن مه‌ده‌نى وله‌شكرى په‌سه‌ندكر، هه‌ڤده‌م پشتى په‌سه‌ندكرنا وى پرۆژه‌ى، هاته هنارتن بۆ په‌رله‌مانێ كوردستانێ بۆ په‌سه‌ندكرنێ و پاشى بجهئينانا وى.
پرۆژێ قانوونا ناڤبرى ژ 9 مادێن پێكدهێت ويێ تايبه‌ته ب رێكخستن وپێداچوونا وان كه‌سێن ب نه‌قانوونى هاتينه خانه‌نشينكرن وپلێن تايبه‌ت پێ هاتينه دان.
ده‌قێ پرۆژێ قانوونا پێداچوون ورێكخستنا خانه‌نشينيا مه‌ده‌نى وله‌شكرى
مادا ئێك:
خانه‌نشينكريا مه‌ده‌نى دێ هێته هه‌لوه‌شاندن دڤان حاله‌تان دا:
- ئه‌وێن هاتينه خانه‌نشينكرن ب پله‌يا وه‌زير ودوێ پلێ دا نه‌بوون.
- ئه‌وێن هاتينه خانه‌نشينكرن ب پله‌يا بريكارێ وه‌زيرى وراوێژكار ودوان پۆستان دا نه‌بوون.
- ئه‌وێن هاتينه خانه‌نشينكرن ب پله‌يا رێڤه‌به‌رێ گشتى وشاره‌زا ودوان پۆستان دا نه‌بوون.
- خانه‌نشينكريێن ژ پله (1 هه‌تا 10) كو ب مووچێ 300 هزار ديناران هه‌تا 900 هزار ديناران هاتينه خانه‌نشينكرن ودباده‌كێن وان دا تنێ فه‌رمانا جڤاتا وه‌زيران وفه‌رمانا وه‌زاره‌تا دارايى هه‌ى بۆ دامه‌زراندنا وان وچو پيڤه‌ره‌ك نه‌بوويه بۆ پێدانا پله‌يا وه‌زيفى بۆ وان ودوان پلىه‌يێن وه‌زيفى دا ده‌وام نه‌كريه.
- هه‌ر خانه‌نشينه‌ك ب پله‌يا بلندتر ژوى پۆستێ تێدا هاتيه خانه‌نشينكرن، دێ خانه‌نشينيا وى هێته ڤه‌گه‌راندن بۆ وێ پله‌يا وه‌زيفى يا كو دووماهى جار تێدابوو.
- خانه‌نشينكريێن ب هه‌ر ناڤه‌كێ دى هاتبن خانه‌نشينكرن بێ كو خزمه‌تا وه‌زيفى يان ژيێ خانه‌نشينيێ هه‌بيت، دێ خانه‌نشينيا وان هێته هه‌لوه‌شاندن.
مادا دو:
- پشتى ده‌ركرنا قانوونا هژمار 38 يا سالا 2007، ئه‌وێن ب وێ قانوونێ نه‌هاتبن خانه‌نشينكرن، دێ خانه‌نشينيا وان هێته هه‌لوه‌شاندن.
- هه‌ر كه‌سه‌ك ب هه‌ر پله‌يه‌كا له‌شكرى هاتبيته خانه‌نشينكرى وخزمه‌تا پێشمه‌رگايه‌تيێ نه‌بيت، دێ خانه‌نشينيا وى هێته هه‌لوه‌شاندن.
- چه‌ند پله‌يه‌كێن له‌شكرى ب پله‌يا فه‌ريق يێن هاتينه خانه‌نشينكرن ب بريارا سه‌رۆكاتيا هه‌رێمێ وسه‌رۆكاتيا جڤاتا وه‌زيران، پێدڤيه پێداچوون بۆ بيڤه‌رێن وان خانه‌نشينكرنان بهێته كرن.
- هه‌ر زيندانيه‌كێ ب مووچێ 105 هزار ديناران خانه‌نشينكرى بيت، پێدڤيه پێداچوون ب وێ خانه‌نشينيێ دا بهێته كرن.
مادا سێ:
هه‌ر خانه‌نشينكريه‌كێ دژيانێ دا نه‌مابيت وموچێ وى ژلايێ ميراتگرێ وى بهێته وه‌رگرتن، ئه‌ڤ قانوونه ژوان دگريت.
مادا چار:
رێڤه‌به‌ريا خانه‌نشينى يا سه‌ر ب وه‌زاره‌تا پێشمه‌رگه‌ى ڤه دێ هێته هه‌لوه‌شاندن وهه‌موو باده‌كێن ده‌ستپێكى يێن خانه‌نشينكريێن (له‌شكرى ومه‌ده‌نى) ژوێ رێڤه‌به‌ريێ هێنه ڤه‌گۆهاستن بۆ سه‌ر ميلاكێ رێڤه‌به‌ريا گشتى يا خانه‌نشينيێ يا ب سه‌ر وه‌زاره‌تا دارايى وئابوورى ڤه.
مادێ پێنج:
وه‌زيرێ دارايى وئابوورى ده‌ستهه‌لات دێ هه‌بيت بۆ پێداچوونێ ب باده‌كا خانه‌نشينكريێن (له‌شكرى ومه‌ده‌نى) وراستڤه‌كرنا فه‌رمانا خانه‌نشينيا وان ب گۆره‌ى (استحقاق) قانوونى ودارايى ژرۆژا ده‌ركرنا فه‌رمانا نوو.
مادا شه‌ش:
حوكمێن ڤێ قانوونێ وه‌لاتيێن ناڤخوه وده‌رڤه‌ى هه‌رێما كوردستانێ ڤه‌دگريت
مادا حه‌فت:
كار ب چو ده‌قه‌كێ قانوونى يان برياره‌كێ ناهێته كرن كو به‌رۆڤاژى حوكمێن ڤێ قانوونێ بيت
مادا هه‌شت:
پێدڤيه ل سه‌ر جڤاتا وه‌زيران ولايه‌نێن په‌يوه‌نديدار حوكمێن ڤێ قانوونێ بجهبينن
مادا نه‌ه :
دێ كار ب ڤێ قانوونێ هێته كرن ژرۆژا ده‌ركرنا وێ ول رۆژناما وه‌قائيع كوردستان دێ هێته به‌لاڤكرن.
ئه‌گه‌رێن ده‌ركرنێ
ل پێناڤى رێكخستنا خانه‌نشينيا مه‌ده‌نى وله‌شكرى وهه‌لوه‌شاندنا خانه‌نشينيا وان كه‌سێن ژده‌رڤه‌ى قانوونێن كارپێكرى ل هه‌رێما كوردستانێ هاتينه خانه‌نشينكرن.
ل شنگالێ گۆرەکێ دی یێ بکۆم هاته دیتن
ئەڤرۆ نیوز،باسم قاسم شنگالی
ل باکۆرێ چیایێ شنگالێ گۆرەکێ دی یێ ب کۆم كو ب دەهان پاشمايێن ته‌رمێن کوردێن ئێزدی تێدانه هاتە دیتن.
چالاکڤانێ مەدەنی جەلال حەسەن ژ گوندێ بۆرک بۆ ئەڤرۆ نیوزگۆت” د ناڤبەرا گوندێن دوهلا و دوگرێ دا ل باکۆرێ چیایێ شنگالێ، گۆرەکێ ب کۆم یێ کوردێن ئێزدی یێن کۆمکوژییا سالا 2014 هاتە دیتن”.
جه‌لالى دا زانين ژى” نێزيکی 80 پاشمايێن ته‌رمان د ناڤ وی گۆری دا هاتنە دیتن و پتريا وان ژی ته‌رمێن ژنان بوون”.
نيشاندان
WP Facebook Auto Publish Powered By : XYZScripts.com