ئه‌ڤرۆ نيوز:

رۆژناما ئەلحیات یا لەندەنی، دراپۆرتەکا تایبەت دا ئاماژە دایە وان گوھۆرینێن ئیداری یێن ‏ئەمریکی و ل گۆر پێزانینێن د ناڤا وێ راپۆرتێ دا ھاتی، دامەزراندنا بەررپسێن نوو ژ ئالیێ ‏سەرۆکێ ئەمریکا دونالد ترامپی ڤە، رەنگڤەدانەکا مەزن ل بەغدا و ناڤەندێن سیاسی ‏پەیداکریە و ھەموو مژولی قوناغێن داھاتی کرینە.‏

راپۆرتا رۆژناما ئەلحیات پێشبینیا وێ چەندە دکەت، کو گوھۆڕینَن کاریگەر ل سەر رەوشا ‏عیراقێ بھێنە کرن، ب تایبەتی پەیوەندیێن ئەمریکا ل گەل حوکمەتا نوکە یا عیراقێ.‏

ل پێنچشەمبیا بۆری سەرۆکێ ئەمریکی راگەھاند، ھێربرت مکماستەر شیرەتکاری ئاسایشا ‏نەتەوی ل سەر پۆستێ وی ھاتە لادان و لجھێ وی بالێوزێ ئەمریکی ل نەتەوەێن ئێکگری ‏جۆن بولتن ھاتە دامەزراندن، کو ب ھەلویسێن توندَ ھەمبەری وەلاتێ ئیرانێ یێ بەرنیاسە، ‏ئەو گوھۆرین پشتی چەندا رۆژێن کێم ھاتن، کو وەزیرێ دەرڤە رێکس تایلرسۆن ل سەر پۆستێ ‏وی ھاتە لادان و لجھێ وی مایک پۆمپیو رێڤەبەرێ ئاژانسا ھەوالگیری یا ناڤەندیا ئەمریکا ‏ھاتە دانان.‏

رۆژناما ئەلحیات ھەروەسا دیارکر، ئەو ئالیێن سیاسی یێن نێزیکی وەلاتێ ئیرانێ ژ وان ‏گوھۆرینان دلگران بووینە، و تووشی دودلیێ بووینە، ب تایبەتی ددەمەکی دا دەنگۆباسێ ‏توندبوونا ھەلویستێ ئەمریکا بەرامبەری پرۆگرامێ ئەتۆمیێ تەھرانێ گەرم بوویە.‏

بەلێ ھندەک ئالی ژی ب بەرۆڤاژی سیاسەتا ئیرانێ ھەمبەری عیراقێ دنێڕن ب تایبەتی ل ‏پورَسا پێکئینانا حکومەتا بھێت.‏

ب دیتنا وان ناڤەندان ئیرانێ ھەولیستێن ئیرانێ کێمترین ئالۆزی دێ تێدا ھەبن، و ب شێوەکێ ‏دیتر دێ کارتێکرنا خوە ل سەر حوکمەتا عیراقێ سەپینیت.‏

ل گۆر راپورتا لەندەنی، پشکەکا ناڤەندێن ئیرانی بڕیارا وان ئەوە، کو ھەڤپەیمانەک ‏ھەبیت ناڤبەینکارێ دانوستاندنێن دناڤبەرا ئیرانێ و واشنتۆنێ بکەت، ئەو دبیت حەیدەر ‏عەبادی بڤی کاری رابیت، سەرۆک وەزیرێن عیراقێ یێ نووکە کو باتشرین برژاردەیە، داکو ڤی ‏بابەتی ب ستویێ خوەڤە بگریت. ‏

دڤی بیاڤی دا ئەو ئالیێن توندڕەو یێن نیکی عەلی خامەنائی و لەشکرێ پاسدارێن ئیرانی ‏نێزیک، وانا دڤێت کنترۆلا حوکمەتا عیراقێ یا بھێت بکەن، ئەو ژی ب رێیا کەسەکێ وەکی ‏ھادی عامری و نوری مالکی، ب ڤێ ئەگەری بازنا ململانێ ل گەل ئەمریکا بەفرەھتر بکەن و ‏عیراقێ بکەنە مەیدانا ململانێ و ھەڤڕکیا ل گەل ئەمریکا.‏

کەسەکێ نێزیکی سەرۆک وەزیرێن عیراقێ حەیدەر عەبادی بۆ رۆژناما ناڤبری ئاشکراکر، ‏دبیت عەبادی بۆ قۆناغا بھێت بەبژارێ ئەمریکا و ئیرانێ و عەرەبان ژی بیت، بەلێ دلگرانیا ‏ڤی بابەتی ئەوە، کو ئەمریکا داخوازێ ژ سەرۆک وەزیرێن بھێتە بکەت ھەولیستێ خوە ‏ھەمبەری ھەبوونا ئیرانێ ل عیراقێ ئێکلا بکەت، ئەڤەژی بۆ عەبادی گەلەک یا ب حمەتە ‏چونکی ب زەلامێ راگرتنا ھەڤسەنگیێ ھاتیە نیاسین. ‏

رۆژناما ئەلحیات ھەروەسا ئاماژە دایە، پارتی دیموکراتی کوردستان کو ب دامەزراندنا (جۆن ‏بۆلتن) خوشحال بوویە، چونکی ب پشتەڤانێ حوکمەتا ھەرێما کوردستانێ بەرنیاسە، ب دیتنا ‏رۆژنامەا ئەلحەیات، دامەزراندنا بۆلتن، دێ ھەڤکێشا سیاسەتا حەیدەر عەبادی پشتی ‏ئەنجامدانا ریفراندۆما سەربخوەیا کوردستانێ یێن ل سەر کوردان ھاتینە سەپاندن دێ ھێنە ‏گوھۆرین. ‏

ئەسیل نوجێفی کو پارێزگەرێ بەرێ یێ نەینەوا بو دبێژیت، پێشبینیێ دکەم عیراق ببیتە ‏مەیدانا ململانێ یا خویناوی د ناڤبەرا ئیران و ئەمریکا دا.‏

ب دیتنا پێشبینیا چاڤدێران یێن رۆنژناما لەندەنی بەرچاڤکرین، 10 ھەتا 40 کورسیێن ب ‏ھێزێن بچووک پشتی ھەلبژارتنێن بھێت یێن عیراقێ کو بڕیارە ل رێککەفتی 12/ 5/ ‏‏2018 بھێنە ئەنجامدان، دێ بنە پارسەنگا ئێکلا کرنا فڕاکسیۆنا پرَانیێ و کومکرنا د ‏ناڤبەر وان ھێزان دا دێ دەمەکێ دێژ ڤەکێشیت، دڤێ چارچۆڤەی دا دەرگەھێ دانوستاندنێ ‏دناڤبەرا ئەمریکا و ئیرانێ دێ زێدەتر ڤەبیت، بۆ ھندێ ھەڤپەیمانیێن سیاسی بھێنە ‏دروستکرن و ئێکلا ببن. ‏

ئەڤرۆ نيوز:
جێگرێ سەرکردێ میحوەرێ ئالتۆن کوبری یێ ھێزا پێشمەرگەی، حمە رێگر دووپاتکر، ‏بەرپرسێ دەزگەھێ زانیاری یێ سەر ب حزبا ئێکەتی نیشتیمانی کوردستان ڤە، لاھور جەنگی ‏و ھێزێن وی پشتی ب مەرەج چووینە د ناڤەندا باژێرێ کەرکووکێ دا ھاتنە دەرخستن، ھەروەسا ‏بکارێ خیانەتکاری ھاتنە گونەھبار کرن، ب خیانەتەکا مەزنتر ژ یا چریا ئێکێ یا سالا ‏‏2017 ھاتیە کرن. ‏

فەرماندێ نافبری د داخویانیەکا رۆژنامەڤانی دا راگەھاند، ل گۆڕ پێزانینێن مە لاھور ‏جەنگی و ھێزا دژە تیرۆر ل دەمژمێر شەشێ ئێڤاری یا رۆژا سێشەمبی بۆری ژ کەرکووکێ ‏ھاتینە دەرخستن، ئەو چەندە پشتی لەشکرێ عیراقێ دو دەمژمێر وەک موولەت دایە لاھور ‏جەنگی بۆ دەرکەفتنا ژ کەرکووکێ، ھەروەسا ئاشکراکر، ھێزا دژە تیرۆرا لاھور جەنگی چووبو ‏دناڤا کەرکووکێ دا بتنێ بۆ رێگرتنا ھەمبەری ھەر بزاڤەکا کورد ل کەرکووکێ د رۆژنانێن ‏جەژنا نەورۆزێ دا بکەن.‏

حەمە رێگری گۆت:رێککفەتن دناڤبەرا میلیشیاتێن حەشدا شەعبی و گرۆپا خیانەتکاری یا ‏‏16 ئۆکتۆبەرێ ھەبوو، ل گۆڕ وێ رێککەفتنێ دڤێت لاھور جەنگێ ب ھێزێن خوە بەرەڤانی و ‏پاراستنا ھێزێن حەشدا شەعبی ل کەرکووکێ بکەت، ب تایبەتی ل رۆژێن نەورۆزێ ب مەرەما ‏مەترسیا ھەبوونا سەرھەلدانەکێ ل کەرکووکێ. ‏

فەرماندێ ناڤبری ھەروەسا گۆت: بێ گۆمان لاھور جەنگی و ھزێن وی ل کەرکووک ‏بکارەکێ خیانەتکاری یێ خرابتر و مەزنتر ژ 16 ئۆکتۆبەری رابوون، نەخاسم پشتی ھێزێن وی ‏بەرھنگاری کوردێن سڤیل ل کەرکووکێ بووین و نەھێلان ئالایێ کوردستانێ بھێنە بلند کرن، و ‏زورداری ل کوردان ھاتنە کرن بەرامبەری وی وھێزێن دژە تیرۆری بێی چو ھەلویستەک بۆ ‏کوردان ھەبیت.‏

ئه‌ڤرۆنيوز:

رێڤه‌به‌رێ ئاسايشا هه‌ولێرێ راگه‌هاند،  ب چو شێوه‌كى مه‌ چو كه‌س ئه‌شكه‌نجه‌ نه‌دايه‌ وكارێ مه‌ ئه‌و خه‌لك ب ئارامى بژيت وئه‌من وئاسايش ل باژێرێ هه‌بيت، له‌وما ئه‌و تۆمه‌تا بۆ مه‌ هاتيه‌ دروستكرن، چو بنه‌مايه‌ك نينه‌ ونه‌حه‌ز دخوازن كا چ ل باژێرێن دى كر، هه‌ولێرێ ژى وه‌لێ بكه‌ن، هه‌كه‌ نه‌ ئه‌م وه‌كو ئاسايش مژوولى ئه‌ركێ خووينه‌ بۆ وێ چه‌ندێ خه‌لك ب ئارامى بژيت.

تارق نورى، رێڤه‌به‌رێ ئاسايشا هه‌ولێرێ بۆ مالپه‌رێ فه‌رميێ پارتى گۆت ” ئه‌ركێ مه‌ ئه‌وه‌ هه‌ر تشته‌ك هه‌ڤدژى قانوونێ بيت، رێگريێ لێ بكه‌ين، له‌وما ئه‌وێن ب ناڤي مامۆستايان خوه‌نيشادانان دكه‌ن، ئه‌و مامۆستا نينن وچه‌ند حزبه‌كن وه‌كو نه‌وه‌ى نوو وهنده‌كێن دى، كو بۆ مه‌ره‌مێن حزبى وپرۆپاگندا هه‌لبژارتنان وى كارى دكه‌ن وهێشتا ده‌مێ پرۆپاگندێ يێ ماى، به‌لێ وان يا ده‌ستپێكرى ودخوازن مفاى ژ مامۆستايان وه‌رگرن وئاژاوێ ب ناڤێ مامۆستايان دروست بكه‌ن، ئه‌م ژى دێ رێگريێ لێ كه‌ين”.

تارق نورى راگه‌هاند ژى” مه‌ دوهى چه‌ندين كه‌س ديتن ب ناڤێ مامۆستا ل كه‌نالێن راگه‌هاندنێ دئاخڤتن كو چو ژ وان مامۆستا نه‌بوون وپه‌رله‌مانتار كو هه‌يڤانه‌ 30 مليۆن ديناران وه‌ردگريت ل وێرێ بوو، دده‌مه‌كى دا ئه‌و هاتيه‌ هنارتن بۆ په‌رله‌مانى وه‌كو نوونه‌ر نوكه‌ بهێت ل ڤێرێ ژى خوه‌ بكه‌ته‌ نوونه‌رێ خه‌لكى وخوه‌نيشادانێ بكه‌ت، له‌وما ئه‌و خوه‌نيشادانێ بۆ رێيه‌كا دى دبه‌ن وزيانێ دگه‌هيننه‌ داخوازيێن خه‌لكى”.

دياركر ژى” چه‌ندين په‌رله‌مانتار ل وێرێ بوون وهه‌موو بۆ مه‌ره‌مێن حزبى وبه‌رژه‌وه‌نديێن خوه‌ هاتبوون، چه‌نكى كارێ په‌رله‌مانتارى ده‌ركرنا قانوونێ يه‌ ل په‌رله‌مانى، نه‌كو بهێته‌ سه‌ر جادێ، چونكى خه‌لك ب خوه‌ يێ هاتيه‌ سه‌ر جادێ”.

رێڤه‌به‌رێ ئاسايشا هه‌ولێرێ گۆت ژى”د خوه‌نيشادانا دوهى دا، چو كه‌سه‌ك نه‌هاتيه‌ ده‌سته‌سه‌ركرن وهنده‌ك بزاڤ هاتنه‌ كرن بۆ وێ چه‌ندێ ئاژاوه‌ دروست ببيت، به‌لێ مه‌ هه‌ر زوو رێگرى لێكر ومه‌ رێ نه‌دا ئاژاوه‌ دروست ببيت”.