ئه‌ڤرۆ نيوز:
پسیارا گەلەک دھێتە کرن، ئەرێ چ باشە بھێتە کرن داکو مەترسیێن تووشبوونێ ب نەخوشیێن جودا جودا کێم بکەن؟ ئەو چ پێرابوون وەردگرن بۆ پێشڤەبرنا ساخلەمیا خوە و بھێزکرنا بەرگریا لەشێ خوە، دوور ژ دەرمان و کریارێن نشتەرگەری، کومەکا نوشدارێن ئەمریکی رابوون ب دیارکرنا وان رێکێن ب ساناھی یێن رۆژانە ئەو ل دووڤ دچن، شیرەتا ل خەلکی دکەن ئەوژی ل دووڤ بچن، ھەلبەت مرۆڤ پەشیمان نابیت دەمێ دزانیت نوشدار چدکەن و یا ب ساناھی یە مرۆڤ ژی وەکی وان بکەت.

1- نەھێلانا قەبزبوونێ و نەخۆشیێن کوئەندامێ ھەرسێ: روشین راجاباسکا، ماموستایێ ھاریکار ل زانکویا نیویورک شیرەتا ل مە دکەت کو رۆژانە فایبەرا بخوین چونکو ناھێلن مرۆڤ قەبز ببیت، و مرۆڤی ژ پەنجەشێرا قولونێ و تێکچوونا رووڤیکا د پارێزن، ئاستێ کولیسترولی کێم دکەن و ھێزێ ددەنە مرۆڤی و سەنگی کونترۆل دکەن. بەلێ د.ئاندرو ویل شیرەتا ل مە دکەت کو رۆژانە کوپەکێ شەربەتا فراولا، توویا) ڤەخووین، چونکو گەلەک کەرستێن گیایی یێن کیمیاوی دناڤدا ھنە مرۆڤی ژ پەنجەشێرێ ب گشتی و یا رووڤیکا و دەڤی و سوریلانچکێ و قولونێ ب تایبەتی دپارێزن.

2- کێمکرنا ئێشانێن پشتێ: تایبەتمەندا ئەمریکی، د.روبرتا لی، تەئکید دکەت کو پێدڤیە زەڤلەکێن ناڤیا لەشی بھێزبێخین، ب تایبەت ل زکێ مرۆڤی، دبێژیت: گەلەک جارا ئێشانا پشتێ چو پەیوەندی ب زەڤلەکێن پشتێ ڤە نینە، بەلکو ب بێھێزیا زەڤلەکێن ناڤیا لەشی ھەیە، شیرەتا دکەت کو رۆژانە ھەر چو نەبیت دەە دەقیقا راھێنانا بکەین بۆ ڤێ مەرەمێ و حەفتیانە ب کێماتی 3-4 راھێنان بھێنە ئەنجامدان، بەلێ د.وندی وووتچ دبێژیت: ئەز خوە دچەمینم ھەتا تلێن پێن خوە دگرم و ناھێلم چوکێن من بشکێن، و ئەز بۆ دەمێ دەقیقەکێ ھەتا دو دەقیقا د وی کاودانی دا دمینم، چونکو ب وێ رێکێ پشتا من تەنا دبیت و ستوویێ من و مورکێن پشتێ ئارام دبن و ئالوزی کێم دبیت.

3- کێمکرنا فشارا خوینێ: تایبەتمەندا ئەمریکی، د.نیسا گولدبیرگ، شیرەتا ل مە دکەت رۆژانە ب کێماتی 10 ھزار پێنگاڤا برێڤەبچین و ئەم دشێین ب رێیا بەرنامێن تایبەت د موبایلان دا پێنگاڤێن خوە بھژمێرین، ھەر دەلیڤەکا ب رۆژێ بۆ تە پەیداببیت ب رێڤە ھەرە، ل شوونا ب مەێعەدێ ب سەرکەڤی ب دەرەجا ھەرە، ھەول بدە ل دەمێ دچیە کاری ترۆمبێلا خوە ل جھەکێ دوور راگرە و ب پییا ھەرە کاری، ھەروەسا نابیت بۆ دەمەکێ درێژ روونشتی بمینی، بەلکو پێدڤیە ھەر سەرێ سعەتێ جارەکێ پێنج دەقیقا ھاتنوچوونێ بکەی، و ل دەمێ تلفونا بەرسڤ ددەی برێڤە ھەرە، د.گولدبیرک دبێژیت: ھەکە بۆ دەمێ چەند حەفتیا تو وەبکەی دێ فشارا خوینا تە کێم بیت.

4- خوپاراستن ژ شەکرێ: ماموستایێ پزیشکی و نوشداریا دەمارا ل زانکویا ئەمروی یا ئەمریکی، د.نانسی کولوب، پشت راست دکەت کو نڤستنەکا ئارام پێدڤیە ژ دەستپێکێن تیتالێن مە و چالاکیێن مە بیت، پێدڤیە شەڤانە مرۆڤ 7-8 سعەتا بنڤیت، ڤەکولینا دیارکریە ھەکە مرۆڤ تێر نەنڤیت کارتێکرن ل بەرگریا لەشی بۆ ئەنسولینی دھێتـە کرن، دیاردکەن ژی کەسێن تێر نەنڤن پتر تووشی نەخۆشیا شەکرێ دبن، ب تایبەت کەسێن کێمتر شەش سعەتا دنڤن.

5- کێمکرنا ئێشانێن سەری: دەمێ سەرێ د.جنیفر ئاشتون دئێشیت، ب لەز دچیت ب دەستەکی ئاڤێ ڤەدخووت و ب دەستەکێ قەھوێ، ئەو دبینیت کو سەرئێشان پتریا جارا ژ ئەگەرێ کێمبوونا ئاستێن شھێ دلەشیدا پەیدادبن و ڤەخوارنا ئاڤێ ئێکەم تشتە شھا لەشی ڤەدگەرینیت، ئاماژە دکەت کو 80% ژ مەژیێ مرۆڤی ئاڤە، لەورا نەجھێ حێبەتیێ یە ھشکبوون ببیتە ئەگەرێ ئێشانا سەری، لەورا ڤەخوارنا ئاڤێ دێ ئێشانێ کێم کەت، دبێژیت: پەویەندی دناڤبەرا شەە و ئێشانا سەری دا ل وەرزێ ھاڤینێ و دیسا پشتی ئەنجامدانا رھێنانێن وەرزشی پتر پەیدادبیت، د ھەردو دەمان دا خوە گەلەک لەشێ مرۆڤی ددەت، خوھدان دبیتە ئەگەر ئاڤ ژ لەشێ مرۆڤی کێم ببیت، دەربارەی قەھوێ دبێژیت: کافایینێ دناڤدا دبیتە ئەگەر نیشانێن دژواریا سەرئێشانێ کێم بکەن و ڤەکولینەکێ دیارکربوو کو ڤەخوارنا کافایینی دناڤ قەھوێ دا دبیتە ئەگەر سێ چارێکێن مرۆڤا سەرێ وان تەنا ببیت.