ئه‌ڤرۆنيوز:
روودانه‌كا لێكدانێ دناڤبه‌را دو ترومبێلان دا ئه‌ڤرۆ پێنج شه‌مبى ل سه‌ر رێيا فه‌يديێ په‌يدابوو.
رێڤه‌به‌ريا هاتنوچونا پارێزگه‌ها دهۆكێ دبه‌رپه‌رێ خوه‌دا ل سه‌ر فه‌يسبووكى دياركر” دئه‌نجامێ وێ روودانێ دا دو كه‌س برينداربوون”.
نووترين نووچه
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
- بەختیار تالەبانی: بارەگەهێ بارزانی یێ بوویە ناڤەندا بڕیارا كوردی
- چارەنڤیسێ ئیراقێ ب هنارتنا پەترۆلا كوردستانێ و راگرتنا كڕینا غاز و كارەبا ئیرانێ ڤە یێ گرێدایە
- حەشدا شەعبی رێگرە ل پێشبەری ئیمزاكرنا رێككەفتنەكا نوو د ناڤبەرا ئیراقێ و ئەمریكا دا
- سەرۆك بارزانی ل سالڤەگەڕا 34 یا سەرهلدانا پیرۆز: سەرهلدان پەیامەكا رۆهن بوو كو گەلێ كوردستانێ ئازادی و سەربەستی دڤێت
- نێچیرڤان بارزانی: فیدرالی و دەستكەفتێن دستووری و كاریگەرییا ئەڤرۆ یا كوردستانێ بەرهەمێن سەرهلدانێ نە
- مەسرور بارزانی: سەرهلدان ئێك ژ سەروەریێن مەزن یێن گەلێ كوردستانێ یە كو هەردەم جهێ شانازییا مەیە
- دوپاتیێ ل رێكخستنا ناڤمالا كوردی دكەین
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
سهرهكى Facebook
نێچيرڤان بارزانى به‌حسێ ئه‌گه‌رێ نه ئاخڤتنا وى ب زمانێ عه‌ره‌بى دكه‌ت
ئه‌ڤرۆنيوز:
نێچيرڤان بارزانى سه‌رۆك وه‌زيرێن هه‌رێما كوردستانێ، ئه‌ڤرۆ پێنج شه‌مبى دكونفرانسه‌كێ رۆژنامه‌ڤانى دا ئاشكراكر كو دێ بزاڤێ كه‌ت ب زمانێ عه‌ره‌بى باخڤيت.
نێچيرڤان بارزانى دبه‌رسڤا پرسياره‌كێ دا كو ژلايێ په‌يامنێرێ كه‌ناله‌كێ عه‌ره‌بى بۆ هاتيه ئاراسته‌كرن دياركر كو ئه‌و خواندنێ ونڤيسينێ ب زمانێ عه‌ره‌بى دزانيت گۆت ژى” به‌لێ مخابن هنده‌ك زه‌حمه‌تيێ دبينم دئاخڤتنێ دا ب وى زمانى”.
سه‌رۆك وه‌زيرێن هه‌رێما كوردستانێ ب زمانێ عه‌ره‌بى گۆت” دێ بزاڤێ كه‌م پێ باخڤم ژبۆ به‌رژه‌وه‌ندى وئێكگرتنا عيراقێ”.
شرۆڤه‌كاره‌كێ سیاسى : خوه نیشاندانێن سلێمانیێ به‌رهه‌مێ ئالوزیێن نافخوه‌یێن وى باژێرى نه
ئه‌ڤرۆنیوز , ره‌مه‌زان هه‌رنى :
شروڤه‌كاره‌كێ سیاسى ل پارێزگه‌ها سلێمانیێ دیاركر , ده‌مه‌ك درێژه چه‌ند گروپ و لایه‌ن ل سلێمانیێ به‌رهه‌ڤى خوه پیشاندانا دكه‌ن و دورو نزیك ڤان خوه پیشاندانا په‌ویه‌ندى ب خزمه‌تگوزاریان ڤه نیه به‌لكو مه‌به‌ستا وان زێده‌تر ئالوزكرنا ره‌وشێ یه كو كوردستان ژلایێ ئاسایشا نافخوه‌ڤه گه‌له‌ك یا ئارامه وان كه‌س و لایه‌نا دڤێت وێ ئارامیێ تێك بده‌ن ژبه‌ركو خوه‌نیشاندانا ب توندوتیژى ژبۆى كێماسیێن روژانه نیه به‌لكو مه‌رامه‌كا سیاسى ل پشت ڤێ خوه پیشاندانێ هه‌یه تایبه‌ت ده‌سته‌كێ ده‌ره‌كێ ل پشت ڤێ خه‌لكى هه‌یه كو رژیانه سه‌ر جاده‌یان نوكه ژبه‌ر ده‌ست وه‌ردانا ده‌ستێن ده‌ره‌كێ گروپێن نافخوه شیانێن كنترول كرنا ره‌وشێ نه‌ماینه ژبه‌ركو باره‌گه‌هێن حكومى و پارتێن سیاسى كرینه ئارمانج .
شێخ ستار شروڤه‌كاره‌كێ سیاسى ل پارێزگه‌ها سلێمانیێ بۆئه‌ڤرۆ نیوز خویاكر , خوه پیشانده‌ران ب ناڤێ نه‌بۆنا خزمه‌تگوزاریان ئاراسته ل مه‌ده‌نیه‌تێ كریه سیاسى و چه‌ند گرو پ لایه‌نێن نافخوه‌و ده‌ستێن ده‌ره‌كێ خوه‌پیشانده‌ر گه‌هاندن ڤێ ره‌وشێ كو ژبلى باره‌گایێن پارتێن سیاسى و مولكێ گشتى و خه‌لكێ سڤیل سوتیه‌و وێرانكریه.
شێخ ستار شروڤه‌كارێ سیاسى گوتژى : سروشتێ سلێمانیێ ب ڤى ره‌نگیه ئالوزیه‌كا مه‌زن هه‌یه ل نافخوه‌یا سلێمانیێ و هه‌رجار ب بهانه‌یه‌كێ خه‌لكێ سلێمانیێ دهێته ب سه‌ردابرن و دهێنه سه‌ر جاده‌یان و داخوازا مافێن خوه دكه‌ن ب خوه‌پیشاندانێن سیاسى و دور ل خوه‌ه‌پیشاندانێن مه‌ده‌نى هه‌رجار زیان ب هه‌مو لایه‌كى َدكه‌ڤیت ب تنێ ئه‌و لا مفادارن كو خه‌لكى پالدده‌ن خوه‌ى پیشاندانا بكه‌ن.
ناڤبرى ئاشكرا كر , مه‌به‌ستا خوه یشانده‌را ب چۆ ره‌نگا بۆ باشتر كرنا ژیارا وان نیه به‌لكو ب مه‌رامێن سیاسى ئه‌ڤ خوه پیشاندانه دهێنه ئه‌نجام دان ژبه‌ركو چۆ خوه‌پیشاندانه‌كێ موله‌ت نیه له‌ورا هه‌مو لایه‌كێ شك ل ڤان خوه یشاندانا هه‌یه كو ب چۆ ره‌نگا بۆ خوه باشتر كرنا ره‌وشا ژیان و ژیارا خه‌لكى نیه به‌لكو ب تێكدانا ئاسایشا نافخوه‌یه .
مالپه‌ره‌كێ توركى پێزانينێن نوو ل دۆر چاره‌نڤيسێ ئه‌بوبه‌كر به‌غدادى ئاشكراكرن
ئه‌ڤرۆنيوز:
مالپه‌ره‌كێ توركى يێ نێزيك ژ حزبا داد وگه‌شه‌پێدانا حوكمران، هنده‌ك پێزانينێن نوو ل دۆر چاره‌نڤيسێ سه‌ركردێ رێكخستيا داعش يا تيرۆرستى ” ئه‌بو به‌كر به‌غدادى” ئاشكرادكه‌ت ودبێژيت به‌غدادى نوكه يێ ل بنگه‌هه‌كێ له‌شكريێ ئه‌مريكى ل باژێرێ حه‌سه‌كه ل سووريێ.
مالپه‌رێ” يه‌نى شه‌فه‌ق” يا توركى، ب زمانێ عه‌ره‌بى، به‌لاڤكر”ئه‌بوبه‌كر به‌غدادى يێ كه‌فتيه دده‌ستێ هێزێن ئه‌مريكى دا ل عيراقێ، به‌لێ وان ده‌سته‌سه‌ركرنا به‌غدادى ئاشكرا نه‌كريه ويێ هاتيه ڤه‌گۆهاستن بۆ سووريێ ب رێيا باژێركێ كه‌رامه يێ سنورى ل گه‌ل عيراقێ”.
وێمالپه‌رى ل سه‌ر زارێ ژێده‌رێن سوورى، به‌لاڤكريه ژى” ئه‌بو به‌كر به‌غدادى نوكه يێ ل بنگه‌هه‌كێ له‌شكرى يێ ئه‌مريكى ل ده‌ڤه‌را ( رمێلان) ل پارێزگه‌ها حه‌سه‌كه يا سوورى”.
دياركر ژى” هنارتيێ تايبه‌ت يێ سه‌رۆكێ ئه‌مريكى بۆ هه‌ڤپه‌يمانيا نێڤده‌وله‌تى يا شه‌رێ دژى داعشێ (برێت ماكگۆرك) پشتى ژ “پيساتيێن” خوه ل پارێزگه‌ها ره‌قه يا سوورى تمام بووى، يێ به‌رهه‌ڤيان دكه‌ت ژبۆ ئه‌نجامدانا ئه‌ركه‌كێ “پيستر” بۆ تمامبوونا پرۆژێ رێيا تيرۆرستى ئه‌وا ئه‌مريكا ل به‌ره بجهبينيت، كو ماكگۆركى ده‌ست پێكرى ده‌مێ چوويه پارێزگه‌ها ئه‌دلبێ، ئارمانجا دويێ يا وى ورێكخراوا په‌يه‌دێ كو لقا سووريێ يه يا رێكخراوا په‌كه‌كێ، ب رێيا هنارتنا وان بۆ سه‌دان چه‌كدارێن داعشێ ژ ره‌قه به‌ر ب ئه‌دلبێ”.
بەرپرسێ لقێ پارتی ل شنگال هاتە دەستنیشانکرن
ئەڤرۆ نیوز ، نەوزاد هلوری:
سەرکرداتیا پارتی دیموکراتی کوردستان قادر قاچاخ وەکو بەرپرسێ لقێ 17ێ یێ پارتی دیموکراتی کوردستان ل شنگال دەستنیشانکر.
قادر قاچاخ بو ئەڤرۆ نیوز گۆت: ( لسەر بریارا سەرکرداتیا سیاسیا پارتی دیموکراتی کوردستا ئەز وەکو بەرپرسێ نوویێ لقێ 17ێ پارتی دیموکراتی کوردستان ل شنگال هاتمە دەستنیشانکرن ، ئەو ژی پشتی کو د شەرێ ل گەل حەشد شەعبی وه‌حيد باكوزى به‌رپرسێ لقێ هاتیە شەهیدکرن)
زێدەتر گوت: (رێورسمێن دەست بکاربوونا من ژی دێ روژا ئێکشەمبی هێنە ئەنجامدان ، ئومێدەوارم بشێم خزمەتا خەلکێ شنگال و رێبازا پارتی و بارزانی بکەم)
نێچيرڤان بارزانى: ل په‌رله‌مانى دێ دانوستاندن ل سه‌ر چه‌ندين پرۆژێن چاكسازيێ هێته كرن
ئه‌ڤرۆنيوز:
سه‌رۆك وه‌زيرێن هه‌رێما كوردستانێ راگه‌هاند، پيلانا ل سه‌ر كوردستانێ هه‌ى گه‌له‌ك يا مه‌زنتره ژئه‌وا هه‌ست پێ دهێته كرن وخه‌لكه‌ك ژى يێ هه‌ى كو پشته‌ڤانيا دروستكرنا ئاژاوێ دكه‌ت. دبێژيت ژى، ئه‌م ل داخوازيا خه‌لكى بۆ بارێ ژيانا وان تێ دگه‌هين ومافه‌كێ سروشتى يه، به‌لێ ده‌سته‌ك يێ هه‌ى دڤێت روشا كوردستانێ تێكبده‌ت، به‌رپرسياره‌تيا حوكمه‌تێ ژى ئه‌وه وئاسايشا خه‌لكێ كوردستانێ بپارێزيت.
نێچيرڤان بارزانى سه‌رۆك وه‌زيرێن هه‌رێما كوردستانێ، ئه‌ڤرۆ پێنج شه‌مبى21/12/2017 دكونفرانسه‌كێ رۆژنامه‌ڤانى دا ل هه‌ولێرێ، به‌حسێ سه‌ره‌دانا خوه بۆ ئه‌لمانيا كر ودۆت” سوپاسيا هاريكاريێن ئه‌لمانيا دكه‌ين ژ روويێ مرۆڤايه‌تى وله‌شكرى كو گه‌له‌ك هاريكاريا كوردستانێ كريه”.گۆت ژى” ئه‌لمانيا ب هه‌ڤپشكى ل گه‌ل فه‌ره‌نسا دخوازن هاريكارێن هه‌رێما كوردستانێ بن بۆ چاره‌شه‌ريا كێشان دچارچۆڤێ دستوورێ عيراقێ دا، مه ژى دووپاتكر كو دپێگيرين ب دستوورێ عيراقێ ورێزێ ل بريارێن دادگه‌ها فيدرالى دگرين”.
ل دۆر خوه‌نيشادان وئالۆزيێن سنورێ سلێمانيێ وهه‌له‌بجه، نێچيرڤان بارزانى راگه‌هاند” سه‌ره‌خوه‌شيێ دكه‌ين ل مالباتێن وان كه‌سێن گيانێ خوه ژده‌ستدى وهيڤيا چاكبوونێ بۆ برينداران دخوازين”. دياركر”خوه‌نيشادانێن ئاشتيانه ومه‌ده‌نى مافێ سروشتيێ خه‌لكى يه، ئه‌م ل داخوازيێن خه‌لكى بۆ بارێ ژيانا وان تێ دگه‌هين، به‌لێ دروستكرنا ئاژاوێ رامانا خوه‌نيشادانێ نينه، ده‌سته‌كێ تێكده‌ر يێ هه‌ى بۆ ژرێ ده‌رخستنا خوه‌نيشادانێن مه‌ده‌نى، ئه‌م دزانين هاندان يا هه‌ى وخه‌لكه‌ك يێ هه‌ى پشته‌ڤانيا دروستكرنا ئاژاوێ دكه‌ت، به‌لێ هێزێن ئه‌منى وگه‌لێ كوردستانێ ژى دژى ئاژاوێ نه ورێ ناده‌ن ئاسايشا كوردستانێ تێكبچيت”.
نێچيرڤان بارزانى دبێژيت”مه پێدڤى ب ئێكرێزيێ يا هه‌ى، چونكى ئه‌م يێ ل به‌رده‌م گه‌فه‌كا جدى، دڤێت دئێك رێز بين، هه‌كه دئێكرێز نه‌بين، كه‌س ناهێته دهاوارا مه هه‌كه ئه‌م ب خوه نه‌بين، پيلانێن ل سه‌ر كوردستانێ گه‌له‌ك ژوێ مه‌زنتره كو هه‌ست پێ دهێته كرن”.
ل دۆر ره‌وشا ئابوورێ كوردستانێ، گۆت” داخوازيا خه‌لكى بۆ بارێ ژيانێ مافه، به‌لێ پشتى روودانێن ڤێ دووماهيێ داهاتێ كوردستانێ بۆ نيڤيێ يێ كێمبووى، ل گه‌ل وێ ژى دا رێ يا هه‌ى كو ل پاشه‌رۆژێ ژڤێ ره‌وشا نه‌خوه‌ش ده‌ركه‌ڤين”.
نێچيرڤان بارزانى ئاماژه ب وێ چه‌ندێ ژى كر” ئه‌م ل گه‌ل په‌رله‌مانێ يێن كۆمبووين ودێ مه لژنه‌كا هه‌ڤپشك هه‌بيت ل دۆر پرۆژێن چاكسازيێ، نوكه مه چه‌ندين پرۆژێن چاكسازيێ يێن به‌رهه‌ڤكرين ودێ ل په‌رله‌مانى دانوستاندن ل سه‌ر هێته كرن”.
سه‌رۆك وه‌زيرێن هه‌رێما كوردستانێ راگه‌هاند ژى” من داخوازكريه رۆژا هه‌لبژارتنان بهێته دياركرن كو ژ سێ هه‌يڤێن بهێت ده‌رباز نه‌بيت”. گۆت ژى” هێجه‌تا هنده‌ك لايه‌نان ل دۆر ليستا ده‌نگده‌ران هێجه‌ته‌كه بۆ پاشخستنا هه‌لبژارتنان، هه‌كه نه، ئه‌گه‌ر ئاخڤتن ل سه‌ر ناڤێن مريان بيت، خوه تنێ خه‌لك ژ پارتى ب تنێ نه‌مريه”.
سه‌باره‌ت خوه‌ڤه‌كێشانا گۆران وكۆمه‌لا ئيسلامى ژحوكمه‌تێ، نێچيرڤان بارزانى گۆت” ده‌مه‌كه گۆران دحوكمه‌تێ دا نينه وژحوكمه‌تا خوه‌جهى ناڤه‌كێشيت، به‌لێ ل دۆر كۆمه‌لا ئيسلامى تێناگه‌هم، ل ده‌زگه‌هێن راگه‌هاندنێ مه گوه لێبوو كو دێ خوه ڤه‌كێشيت، پێدڤى ل كۆمبوونا تايبه‌ت دا به‌حس كربا، ئه‌م رێزێ ل بريارا وان دگرين، به‌لێ دده‌مه‌كى دا ئه‌م داخوازا هه‌لبژارتنان دكه‌ين ل ده‌مێ سێ هه‌يڤێن داهاتى دا، چو به‌لگه‌كى وپاساوه‌كى نابينين بۆ وێ چه‌ندێ، ئه‌ڤه چار ساله ئه‌م پێكڤه، ما نه‌دزانى كێماسى يێن هه‌ين، كو نوكه ئه‌و برياره دايى، دڤێت ملله‌ت ب خوه بزانيت كا بريارا وان بۆ چيه”.
گه‌ره‌كا دی یا هاریكاریێن پارێزگه‌رێ دهۆكێ ل سه‌ر 725 قوتابیان هاتنه به‌لافكرن
ئه‌ڤرۆ نيوز:
د چوار چوڤی به‌رنامێ پارێزگه‌ها دهوكێ یێ هاریكاری كرن و پشته‌ڤانی كرنا قوتابیێن تاخێن هه‌ژار ئه‌ڤرو 21/12/2017 سپێدێ ب ئاماده‌بونا فه‌رهاد ئه‌مین ئه‌تروشی پارێزگه‌رێ دهوكێ و رێڤه‌به‌رێ گشتی یێ په‌روه‌ردی ل پارێزگه‌هێ سه‌لكا قوتابیان ل سه‌ر 725 قوتابیان ل هه‌ردو قوتابخانێن گه‌لڤین و ره‌وان ل تاخێ سه‌رهلدان هاتنه به‌لافكرن .
پشتى پارێزگه‌رێ دهوكێ ب ده‌ستێن خوه ئه‌و سه‌لك لسه‌ر قوتابیان به‌لاڤكرین د داخویانیه‌كێ بو كه‌نالێن راگه‌هاندنێ گوت : به‌رده‌وامی دان ب به‌رنامێ به‌ری نوكه ده‌ست پێ هاتیه كرن یێ هاریكاری كرنا وان قوتابیێن ل تاخێن سه‌نته‌رێ باژێرێ هوكێ هه‌ژار لی دزورن وه‌كو ده‌ست پێشخه‌ریه‌ك ژبو هندی كو پێتر قوتابێ حه‌ز ژ قوتابخانا خوو خواندنێ بكه‌ت نه‌خاسمه كو كه‌رتێ په‌روه‌ردێ دره‌وشیك نه‌خه‌ش دایه ژبه‌ر قه‌یرانا دارایی مه‌دیت وه‌كو پشته‌ڤانیه‌ك بو كه‌رتێ په‌روه‌ردێ ژی ,,راستی دبیت تشتی كێم و بچیك ژی بیت لێ لێ تشته‌كێ مه‌عنه‌وی یه و بو خه‌لكێ دیار كه‌ین كو ئه‌م دشێین گه‌له‌ك كارا بكه‌ین هه‌كه كوژمێن بچیك ژی لبه‌ر ده‌ست هه‌بن وه‌كو ئیداره و وه‌كو حكومه‌تا خه‌جهی وه‌كو رێڤه‌به‌ریێن گشتی ئه‌م دشێین هنده‌ك كارا پێ بكه‌ین داكو دلێ زاروكێ خو دلێ قوتابیێ خو و دلی خه‌لكێ خو خوش كه‌ین
هه‌روه‌سا پارێزگه‌رێ دهوكێ سوپاسیا هه‌می ماموستایێن سنورێ پارێزگه‌ها دهوكێ كر بو خو راگریا وان دڤان سالێن بوری یێن قه‌یران و ده‌ست ته‌نگی تێدا و ڤان ماموستا گه‌له‌ك هاریكاریا مه وه‌كو حكومه‌تا خوجهی و حكومه‌تا كوردستانێ كریه بو په‌روه‌رده به‌رده‌وام بیت و نه راوه‌ستیت و ده‌رگه‌هێن قوتابخانا نه‌هێنه گرتن ئه‌ف هه‌لویسته ناهێته ژبیر كرن ج جار له‌وما مه دیت وه‌كو پشته‌ڤانی و هاندان بو ڤان ماموستا و قوتابیان داكو پێتر حه‌ژیكرن په‌یدا بیت بو زانستی و قوتابخانێ و ل ڤان تاخا هنده‌ك خه‌لكێ هه‌ژار وكێم ده‌رامه‌ت تێدا یه وه‌كو پشته‌ڤانی بو وان ژی ,,
دیسان گوت ئه‌ف به‌رنامه دێ به‌رده‌وام ه‌بیت هندی مه شیان هه‌بن نه بتنێ ل سه‌نته‌رێ باژێرێ دهوك به‌لكی ل قه‌زایێن دیژی دێ به‌رنامه هه‌بن و ئه‌ز بباوه‌رم دێ خه‌لكه‌ك هێته پێش بو ڤان كارا وه‌كو سه‌رمایه‌دار و زه‌نگین هه‌تا رێكخراوێن نێڤ ده‌وله‌تی ژی هێدی هێدی یێ دهێنه پێش بو ڤان كارا .
نووترين داخويانيا نێچيرڤان بارزانى ل دۆر مووچێ فه‌رمانبه‌ران
ب وێنه: د روودانه‌كێ دا كه‌سه‌كى گيانێ خوه ژ ده‌ست دا
ئه‌ڤرۆ نيوز:
ل سه‌ر جاددا بارزان ترۆمبێلێ ل كه‌سه‌كى دا و پشتى ماوه‌كى مايه ل نه‌خۆشخانێ گيانێ خوه ژ ده‌ست دا.
شڤێدى چارشه‌مبى رێكه‌فتى 20ى كانوونا ئێكێ 2017 ل سه‌ر جاددا بارزان نێزيك پێشانگه‌هێن ترۆمبێلان، ترۆمبێلێ ل كه‌سه‌كى دا و ره‌وانه‌ى نه‌خۆشخانێ كر، پشتى چه‌نده‌كێ مايه ل نه‌خۆشخانێ چوو به‌ر دلۆڤانيا خودێ.
رێڤه‌به‌ريا هاتنوچوونا دهۆكێ ژى ل سه‌ر تۆڕا فه‌يسبۆكى ئه‌ڤ نووچه پشت راستكر و ئاماژه دا وێ چه‌ندێ كو هه‌ر شڤێدى ڤى وه‌لاتى يێ ب ناڤێ فارس بريفكانى گيانێ خوه ژ ده‌ست دايه.
پێله‌كا به‌فر و بارانان دێ ب سه‌ر هه‌رێما كوردستانێ دا هێت
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو دێ پێله‌كا به‌فر و بارانان روو ل هه‌رێما كوردستانێ كه‌ت و پلێن گه‌رمێ ژى دێ هێنه خوار.
ب گۆره‌ى راپۆرته‌كا پشكا پێشبنيان ل رێڤه‌به‌ريا گشتى يا سه‌قاناسى و بيڤه‌له‌رزان ل هه‌رێما كوردستانێ و ژ ئه‌نجامێ هاتنا فشارێن نزمێن وه‌لاتێ توركيا و رۆژهه‌لاتا ناڤه‌راست بۆ سه‌ر هه‌رێما كوردستانێ ل رۆژا شه‌مبى پێله‌كا به‌فر و بارانان دێ روو كه‌ته هه‌رێما كوردستانێ.
د راپۆرتا رێڤه‌به‌ريا گشتى يا سه‌قاناسيێ دا ئاماژه دايه وێ چه‌ندێ كو دێ ل رۆژا شه‌مبى باران بارينه‌كا كێم ل ده‌ڤه‌رێن چيايى يێن باكوورێ هه‌رێما كوردستانێ باريت.
خويا ژى كريه كو رۆژا ئێكشه‌مبى كارتێكرنا ڤێ پێلێ دێ ب ئاشكه‌را ل سه‌ر هه‌رێما كوردستانێ هێته ديتن و دهێته پێشبينيكرن بارانه‌كا زۆر بباريت كو دێ ل پارێزگه‌ها دهۆكێ ژ پارێزگه‌هێن دى يێن هه‌رێمێ كێمتر باريت. “پلێن گه‌رمێ ژى ب ره‌نگه‌كێ به‌رچاڤ دێ هێنه خوار كو دبيت به‌فر ژى ل گه‌ل بباريت”.
پشكا پێشبينيان د ڤێ راپۆرتێ دا ته‌كستێ ل سه‌ر وێ چه‌ندێ دكه‌ت كو ل رۆژا دوشه‌مبى ژى دێ باران ل چه‌ند ويستگه‌هێن جودا يێن هه‌رێما كوردستانێ ب رێژێن جودا بارن هه‌تا رۆژا سێشه‌مبى پشتى نيڤرۆ ئه‌ڤ فشاره دێ لاواز بن و نامينن.
دهێته پێشبينيكرن ل پارێزگه‌ها دهۆك 53 ملم باران بباريت و ل هه‌ولێر 29 ملم و ل سلێمانيێ 69 ملم و كه‌ركووك 44 ملم و هه‌له‌بچه ژى 30 ملم.
دهێته زانين كو هه‌تا نوكه ل پارێزگه‌ها دهۆك 56 ملم و ل هه‌ولێر 62 ملم و ل سلێمانيێ 116 ملم و كه‌ركووك 19 ملم و هه‌له‌بچه ژى 64 م
نيشاندان
WP Facebook Auto Publish Powered By : XYZScripts.com