ئه‌ڤرۆنيوز:
كچه‌كێ ئه‌ڤرۆ ئێكشه‌مبى 18/3/2018 ب چه‌كێ ده‌مانجێ دووماهى خوه كوشت.
رائيد (هێمن سڵێمان) په‌يڤدارێ رێڤه‌به‌ريا پۆليسێن پارێزگه‌ها دهۆكێ دبه‌رپه‌رێ خوه دا ل سه‌ر تۆرا جڤاكى يا فه‌يسبووكى به‌لاڤكر” ئه‌ڤرۆ سپێدێ كچه‌كا 11 سالى ب ناڤێ (ستێرين به‌شار) ل تاخێ ماسيكێ ل سه‌نته‌رێ باژێرێ دهۆكێ ب ده‌مانجێ دووماهى ب ژيانا خوه ئينا”.
هێمنى دياركر”ڤه‌كۆلين ژئاليێ نڤيسينگه‌ها كوشتنى ل پۆليسێن دهۆكێ يا ده‌ستپێكرى بۆ دووڤچوونا ڤێ روودانێ”.
ئه‌ڤرۆنيوز:
سه‌رۆكێ جڤاتا نوونه‌رين عيراقێد سه‌ره‌دانا خوه دا بۆ توركيا دژايه‌تيا مانا په‌كه‌كێ ل سنورێ هه‌رێما كوردستانێ كر وبه‌رهه‌ڤيا هاريكاريا عيراقێ بۆ توركيا به‌رچاڤكر.
عه‌بدولمه‌لك حوسێنى شيره‌تكارێ راگه‌هاندنێ يێ سه‌ليم جبوورى سه‌رۆكێ جڤاتا نوونه‌رين عيراقێ بۆ ئاژانسا سپۆتنيك يا رووسى گۆت” دسه‌ره‌دانا سه‌ليم جبوورى دا بۆ توركيا، دووپاتكر كو عيراق دژى هه‌بوونا هێزێن په‌كه‌كێ يه ل سنوورێ عيراقێ”.
گۆت ژى” دبوارێ ئه‌منى دا، سه‌رۆكێ جڤاتا نوونه‌رين عيراقێ دياركر كو عيراق دژى هه‌ر هه‌بوونه‌كا چه‌كداريه ل سه‌ر ئاخا خوه كو مه‌ترسيێ ل ده‌ڤه‌رێ په‌يداكه‌ت ب تايبه‌ت هێزێن پارتيا كاركه‌رێن كوردستانێ (په‌كه‌كه) وبه‌رهه‌ڤيا عيراقێ به‌رچاڤكر بۆ هاريكاريا توركيا دوى بوارى دا”.
رۆژا پێنجشه‌مبيا بۆرى 15/3/2018، سه‌ليم جبوورى سه‌رۆكێ جڤاتا نوونه‌رێن عيراقێ ب سه‌ره‌دانه‌كا فه‌رمى گه‌هشتبوو ئه‌نقه‌ره، وه‌كو شيره‌تكارێ وى دبێژيت، جبوورى دسه‌ره‌دانا خوه دا به‌حسێ چه‌ندين ئاليێن ئابوورى وئه‌منى ل گه‌ل به‌رپرسێن توركى كربوون.
پێشتر وه‌زيرێ ده‌رڤه‌يێ توركيا راگه‌هاندبوو كو ل دووماهيا هه‌يڤا گۆلانێ دا دێ توركيا ب هه‌ڤپشكى ل گه‌ل عيراقێ ئۆپه‌راسيۆنه‌كا له‌شكرى دژى په‌كه‌كێ ده‌ست پێكه‌ن.
ئه‌ڤرۆنيوز:
له‌شكرێ توركى ب كووراتيا زێده‌تر ژ 10 كيلۆمه‌تران هاتنه دناڤ ئاخا هه‌رێما كوردستانێ دا ل سنورێ ده‌ڤه‌را سيده‌كان ل قه‌زا سۆران وبه‌رده‌وام ب رێيا هه‌ليكۆپته‌ران سه‌ربازێن زێده‌تر ل بلنداهيێن گوندێ به‌رميزه ددانيت وتوپبارانا وێ ده‌ڤه‌رێ دكه‌ت، ئه‌ڤ چه‌نده ژى بوويه ئه‌گه‌رێ گه‌هاندنا زيانێ ب خه‌لكێ وان گوندان.
عه‌بدولرزاق ئه‌حمه‌د، موختارێ گوندێ به‌رميزه بۆ رووداو دبێژيت” ده‌مێ حه‌فتيه‌كێ يه توركيا هه‌موو رۆژه‌كێ هژمارا سه‌ربازێن خوه زێده‌تر دكه‌ت وب هه‌ليكۆپته‌ران ددانيت، زێده‌تر ژ 10 كيلۆمه‌تران هاتينه دناڤ سنورێ گوندێ مه دا وژيانا مه يا نه‌خوه‌ش بووى، مه ئاڤ نه‌مايه وژ كارى ژى يێ بووين ونه‌شێين بلڤين ونه‌ئارامى ل ده‌ڤه‌رێ يا زێده‌تر دبيت”.
سه‌رباز حاجى كه‌ريم، وه‌لاتيه‌كێ ده‌ڤه‌رێ يه دبێژيت” ده‌ڤه‌را مه ( كانى ره‌ش) جهه‌كێ سه‌خته وهه‌تا نوكه سێ جاران له‌شكرێ توركى وپه‌كه‌كێ شه‌ر لێ كريه ب تايبه‌ت ب شه‌ڤێ به‌رده‌وام ده‌نگێ ته‌قێ دهێت وهه‌ر جاره‌كێ زێده‌تر ژ نێڤ ده‌مژمێرێ شه‌رێ وان به‌رده‌وام دبيت”.
ل دووڤ رووداو، نوكه سه‌ربازێن ليوا سێ يا په‌ياده ب سه‌ر به‌تاليۆنا 34 يا سنورپارێز وفه‌رمانده‌يا ليوايا كوماندۆ يا توركى زێده‌تر ژ شه‌ش كيلۆمه‌تران ژ باره‌گايێ زێره‌ڤانێن سنورێ عيراقێ بۆرينه وژئه‌سمانى وئه‌ردى بلنداهيا چيايان توپباران دكه‌ن.
ئةظرؤنيوز، نەوزاد هلۆری:
زارۆيەكێ پێنج سالی كو خەلكێ گوندێ هلورا یا سەر ب ناحیا شێلادزێ ڤه ل سنورێ قەزا ئامێدیێ، دشێت ب شێوەیەكێ سەركەفتی بلدوزه‌رێ ب هاژۆت.
زەكەریا فەرسەت، ئەو زارۆيه بۆ ئەڤرۆ گۆت” ئه‌ز بخوە فێری هاژۆتنا بلدوزه‌رێ بویمە و بابێ من ژی هاریكاریا من دكەت ، تشتێ نەخوه‌ش بۆ من ب تنێ گیر و ستوپه كو پیێن من دكورتن و هێزا من زۆر نینە كو بگوهۆرم ، بەلێ ل گەل ڤێ یەكێ ژی ئەز هەر دهاژۆم”.
فەرسەت عەبدولجەبار بابێ ئەوی زارۆكی دیاركر كو كۆرێ وی دیتن و گوهەكێ باش هەیە بۆ فێربوونا پتريا ئامیرێن هاتنوچونێ مینا تراكتور و ترومبێل و ماتورسكل و بلدوزه‌ر و بۆ ئەڤرۆنيز گۆت” كۆرێ من ب شێوەیەكێ سەركەفتی بلدوزه‌رێ دهاژۆت و ئەو بخوە دەڤێ بلدوزه‌رێ پری ئاخ دكەت و خالی ژی دكەت و بۆ پێش و پاش دبەت ، ئەو دەمێ كو ئەز دچومە سەر كاری ل كارگەهەكا حه‌سوى و خیزی گه‌له‌ك جاران ل گەل من دهات و حەز دكر فێر ببیت”.
زێدەتر گۆت” كۆرێ من نوكه هەموو كارێن بلدوزه‌رێ دزانیت ، بتنێ ئەو نه‌شێت قەلابا و ترومبێلان ب بلدوزه‌رێ بار بكەت ژ بەركو بلدوزه‌را من گێر عادیە و پيچه‌ك بۆ وی یا ب زەحمەتە، بەلێ هه‌كه بلدوزه‌ره‌كا پێشكەفتی و كارەبايی بیت، دشێت بلدوزه‌رێ ژی بار بكەت”.
ناڤبری ناخوازیت كو كۆرێ ویبلدوزه‌رێ بهاژۆت، بەلكو دڤێت گرنگیێ ب خواندنا خوە بدەت بەلێ ل گەل ڤێ یەكێ ئەو ل گەل هندێ یە كو زارۆك ژی خوە فێری هاژوتنا ترومبێل و بلدوزه‌ر و تراكتور و ئامیرێن دى بكەن.
ئه‌ڤرۆنيوز:
به‌رپرسه‌كێ وه‌زاره‌تا په‌روه‌ردێ ل هه‌رێما كوردستانێ ئاشكراكر، ژبلى كو عه‌بادى ل سه‌ر شاشا ته‌له‌ڤزيۆنێ به‌حس كرى، هه‌تا ئه‌ڤرۆ ژى چو تشته‌كێ فه‌رمى نه‌گه‌هشتيه مه ل دۆر به‌لاڤكرنا مووچێ وه‌زاره‌تا په‌روه‌ردێ ژئاليێ حوكمه‌تا به‌غدا ڤه.
ل حه‌فتيا بۆرى، حه‌يده‌ر عه‌بادى سه‌رۆك وه‌زيرێن عيراقێ راگه‌هاندبوو” به‌رى نه‌ورۆزێ دێ مووچێ هه‌ردو وه‌زاره‌تێن ساخله‌ميێ وپه‌روه‌ردێ كه‌ينه ديارى، به‌لێ تنێ دو رۆژ بۆ نه‌وروزێ يێن ماين وهێشتا چو تشته‌ك يێ ديار نينه”.
يوسف عوسمان، رێڤه‌به‌رێ گشتيێ پلاندانانێ ل وه‌زاره‌تا په‌روه‌ردێ يا هه‌رێما كوردستانێ راگه‌هاند” هه‌تا نوكه چو تشته‌كێ فه‌رمى نه‌گه‌هشتيه مه ل دۆر ژڤانێ به‌لاڤكرنا مووچێ مامۆستايان”.
ئه‌ڤرۆ نيوز:
ھەرچەندە حوکمەتا ھەرێما کوردستانێ و یا بەغدا رێکەفتینە لدۆر ھژمارەک پرسێن ئابووری و داھات و خالێن سنوری، بەلێ ھێشتا یا رۆھنیە ناڤەڕۆکا ئەڤێ رێکەفتنێ، کو دێ ب شێواز مووچە ژلایێ بەغدا ھێتە ھنارتن و پتڕۆلا ھەرێما کوردستانێ دێ چەند بۆ بەغدا چیت، بەرپرسەکێ بەرێ یێ وەزارەتا دارایی و ئابوورا بەغدا ئاماژە بڤێ چەندێ دکەت، بەغدا داھاتەکێ زۆر ھەیە و دشێت گورەی بودجێ پارەی بمەزێخیت.
دکتۆر فازل نەبی، بریکارێ بەرێ یێ وەزارەتا دارایی و ئابوورا عێراقێ بۆ رۆژناما ئەڤرۆ گۆت” رەوشا ئابوورا عێراقێ یا بەرەف باشبوونێ دچیت، ژبەرکو رێژەیا بەرھەمئینانا پتڕۆلێ ھاتیە زێدەکرن ژلایێ حوکمەتا عێراقێ ڤە، بھایێ پتڕۆلێ ژی ل بازاڕێن جیھانێ بلندبوویە و گەھشتیە 60 دۆلارێن ئەمریکی ئەگەر حوکمەتا عێراقێ ئێک بەرمیلا پتڕۆلا خوە ب 54 دۆلاران بفرۆشیت عێراقێ پێدڤی ب چو قەڕو پارێن زێدەتر نابیت بۆ تژیکرنا بودجا خوە، عێراقێ دەست ب ئەڤێ غازا دھاتە سووتنکریە و دگەل ھژمارەک کۆمپانیێن ناڤو دەنگێن جیھانێ یا کار ل سەر ئەڤێ غازێ دکەت و داھاتەکێ زۆر بۆ عێراقێ ڤەگێڕایە، ئەڤە سەرەرای ڤێ چەندێ 300 ھزار بەرمیلێن پتڕۆلا کەرکووکێ نوکە ژلایێ کۆمپانیا سۆمو تێنە بەرھەمئینان و ئەوژی بۆ بەغدا ڤەگەڕیاینە.
ل دۆر داھاتێ ھەرێما کوردستانێ و رێژەیا داھاتی بۆ دانا مووچا دکتۆر فازل نەبی گۆت” مخابن ھەرێما کوردستانێ بەرەف خراپتر چو نەشیا خوە رێڤەببەت، ژبەرکو ئەف 300 ھزار بەرمیلێن پتڕۆلا کەرکووکێ ژدەستدان و بێی پتڕۆلا کەرکووکێ ھەرێما کوردستانێ نەشێت ب داھاتێ خوە مووچێ فەرمانبەران دابین بکەت، تنێ ب ئێک رێکنەبیت ئەوژی ھەموو داھاتێن ھەرێما کوردستانێ بچنە گەنجینا دارایی و چاکسازی بھێـتەکرن ڤێجا ئەگەر بێی بەغدا پارێ داھاتێ ھەرێما کوردستانێ بەھرا مووچێ فەرمابنەران بکەت.
ئه‌ڤرۆ نيوز:
بەرپرسەکێ وەزارەتا پەروەردێ ئاشکەرەکر، بڕیارە ل ئایندەیەکێ نێزیک نێزیکی بیست رێڤەبەرێن پەروەردێ ل سەرانسەری ھەرێما کوردستانێ بھێنە گۆھڕین و دیارکر، ھەر رێڤەبەرەکێ چوار سال بۆرین لسەر دەست بکاربووناوی دێ ھێتە گۆھڕین و ب دوو قۆناغان دێ ھەموو رێڤەبەر ھێنە گۆھڕین و رێڤەبەرێن نوو دێ ھێنە دانان.
ئەحمەد گەل، رێڤەبەرێ گشتی ل وەزارەتا پەروەردێ بۆ رۆژناما ئەڤرۆ گۆت” بەری نوکە وەزارەتێ پلانەک ھەبوو ھەموو رێڤەبەرێن پەروەردێن ھەرێما کوردستانێ بھێنە گۆھڕین یێن چوار سالن د پۆستێ خوەدا، بەلێ ب ئەگەرێ ئەڤان کاودانێن نوکە ھەرێما کوردستانێ تێدا دەربازدبیت و قەیرانا ئابووری و ھاتنا ئەزموونێن پەروەردێ ھاتیە گیرۆکرن، بەلێ نوکە وەزارەت یا رژدە لسەر ڤێ چەندێ د ئایندەیەکێ نێزیکدا ئەف گۆھڕین بھێنەکرن و ھژمارەک رێڤەبەرێن پەروەردا ل زاخۆ ھەتا سلێمانیێ دێ ھێنە گۆھڕین و ھەموو دەڤەران دێ ڤەگریت.
ئەحمەد گەلی دیارکر” ھەر رێڤەبەرەکێ چوار سالێن خوە تەمام کربن دێ ھێتە گۆھڕین و وەرگرتنا رێڤەبەرێن نوو گورەی مەرجێن پێدڤیە و ناڤێن بەربژێرانژی ھاتینە وەرگرتن، کو تێتە پێشبینیکرن د قۆناغا ئێکێ دا ھەتا 20 رێڤەبەرێن پەروەردێ بھێنە گۆھڕین و قۆناغا دویێ ژی دێ ھژمارەک رێڤەبەرێن دی یێن پەروەردێ ھێنە گۆھڕین، چونکە ئەف گۆھڕینە گیرۆبووینە و ھژمارا ئەڤان رێڤەبەرێن چوار سالێن خوە تەمامکرین زۆربووینە.
نيشاندان