ئه‌ڤرۆنيوز:

هه‌ليكۆپتره‌كا  له‌شكرێ ئه‌مريكى ل پارێزگه‌ها ئه‌نبار ل رۆژئاڤايێ عيراقێ ئه‌ڤرۆ ئه‌ينيێ 16/3/2018 كه‌فت.

فه‌رمانده‌يا ناڤه‌ندى يا له‌شكرێ ئه‌مريكى به‌لاڤكر كو هه‌ليكوبته‌ر ل قه‌زا قائيم يا ب سه‌ر پارێزگه‌ها ئه‌نبار كه‌فتيه‌ خوار كو حه‌فت سه‌ربازێن ئه‌مريكى تێدابوون ودو ژوان گيانێ خوه‌ ژده‌ستدايه.‌

ژئاليێ خوه‌ڤه‌ بنگه‌هێ راگه‌هاندنا ئه‌منى ل عيراقێ به‌لاڤكر” هه‌ليكوپته‌را ئه‌مريكى پشته‌ڤانى بۆ له‌شكرێ عيراقێ پێشكێش دكر وئه‌گه‌رێن كه‌فتنا وێ ته‌كنيكى بوون ودو فرۆكه‌ڤانێن وێ گيانێ خوه‌ ژده‌ستدايه‌”.

هه‌ر ئه‌ڤرۆ چه‌كدارێن داعشێ هێرشه‌ك كربوو هێزه‌كا له‌شكرێ عيراقى ل قه‌زا روتبه‌ ل پارێزگه‌ها ئه‌نبار وهه‌فت سه‌رباز كوشتن وهه‌فت ژى برينداركرن.

ئه‌ڤرۆنيوز:

چه‌كدارێن داعشێ هێرشه‌كا توند دكه‌نه‌ سه‌ر له‌شكرێ عيراقێ ل ده‌ڤه‌ره‌كا پارێزگه‌ها ئه‌نبار.

ل دووڤ ده‌زگه‌هێن راگه‌هاندنێ يێن عيراقى، سپێده‌يا ئه‌ڤرۆ ئه‌ينيێ 16/3/2018 هێزه‌كا مه‌زن يا له‌شكرێ عيراقێ ل باشوورێ رۆژهه‌لاتا باژێرێ روتبه‌ ل پارێزگه‌ها ئه‌نبار ده‌ست ب ئۆپه‌راسيۆنه‌كێ بۆ سه‌ر پاشمايێن چه‌كدارێن داعشێ ل وێ ده‌ڤه‌رێ كر.

وان ده‌زگه‌هێن راگه‌هاندنێ يێن عيراقى به‌حس ل وێ چه‌ندێ كر كو چه‌كدارێن داعشێ هێرشه‌كا توند كره‌ سه‌ر وان هێزێن عيراقى ودئه‌نجامدا حه‌فت سه‌رباز هاتنه‌ كوشتن وحه‌فت سه‌رباز ژى برينداربوون.

حه‌يده‌ر عه‌بادى، سه‌رۆك وه‌زيرێن عيراقێ ل هه‌يڤا 12 يا سالا بۆرى راگه‌هاندبوو كو هه‌موو ئاخا عيراقێ ژ داعشێ يا رزگاربووى وئه‌و رێكخراوا تيرۆرستى ل عيراقێ نه‌مايه‌.