ئەڤرۆ نیوز، نەوزاد ھلۆری :
ھەر چەند بریار بو کو حکومەتا ھەرێما کوردستانێ ل گەل دامەزراندنا ماموستایان ب شێوازێ گرێبەست ڤەکولەرێن جڤاکی و دەروونی ژی ل قوتابخانەیان ب ھەمان شێوە دابمەزرینیت ، بەلێ ھەتا نھا زێدەتری پێنج ھزار قوتابخانەیان ڤەکولەرێن دەروونی و جڤاکی نینن ، و ڤەکولەرەکێ جڤاکی ژی دیارکر کو پێدڤی بوو زویتر ھزر دڤێ یەکێ دا ھاتباکرن ، و ب ھزرا وی ھندەک قوتابی ژ دەست دەرکەفتینە و پێدڤی یە دووبارە بھێنە زڤراندن بو سەر رێیا پەروەردەی.
جیھاد موستەفا قوتابیەکە دیارکر کو د ئەڤرو ل ناڤەندێن قوتابخانەیان دا دەھان ئاریشە دناڤبەرا ماموستا و قوتابیان دھێنە دیتن و کەس خوە لێناکەت خودان و گۆت : ( ھندەک قوتابیێن ڤی وەختی ژ دەستێ ماموستا و دایبابان دەرکەفتی نە کو ئەڤێ یەکێ کارتێکرن ل پروسەیا خواندنێ کریە ژ بەرڤێ پێدڤی یە ھزر د وێ یەکێ دا بھێتەکرن کو قوتابخانە مولکێ گشتی یە و نابیت ھندەک قوتابیێن خودان ئاریشە ببنە ئەگەرا ژ دەستدانا مافێ خواندنێ ل قوتابخانان ، و ب ھزرا من تاکە رێیا خوە بکەت خودان ل ئەڤان ھەموو ئاریشان دەستنیشانکرنا ھندەک کەسانێن بسپوورە مینا ڤەکولەرێن جڤاکی و دەرونی دناڤەندێن قوتابخانە و ھەتا خوە زانکو و پەیمانگەھان ژی).
ماموستا شڤان محەمەد ل دەڤەرا ئامێدیێ دیارکر کو دامەزراندنا ڤەکولەر و دەروونناسان ژ گەلەک پێدڤیێن قوتابخانان گرنگترە و گۆت : (چوو قوتابخانە بێی ئاریشە نابن ، بەلێ چوو ئاریشە بێی چارەسەری ژی نینن ، و باشترین رێیا چارەسەرکرنا ھەر ئاریشەکێ بێگومان دێ ڤەکولەرێن جڤاکی و دەروونی بن دناڤ قوتابخانەیان دا ، ژبەرکو ماموستا بخوە نکارن ئاریشەیان چارەسەر بکەن ژبەرکو ئەو بو گوتنا وانێ چوینە قوتابخانێ نەک چارەسەرکرنا ئاریشەیان ، ژ بەرڤێ ھەبوونا کەسانێن بسپوور دناڤەندێن خواندنێ دا گرنگیەکا زورا مەزن ھەیە و پێدڤی یە گرنگی پێ بھێتەدان).
ئەحمەد سالح سەرپەرشتیارێ پەروەردەیی ل پەروەردا قەزا ئامێدیێ دیارکر کو قوتابخانەیێن بنەرەتی ب تایبەتی رێزێن حەفت و ھەشت و نەە پتر پێدڤی ب ڤەکولەرێن جڤاکی و دەروونی ھەیە و بۆ ئەڤرۆ نیوز گۆت : ( دامەزراندنا ڤەکولەرێن جڤاکی و دەروونی ل قوتابخانەیان پێنگاڤەکا گەلەکا پێدڤی و گرنگ بوو ھاتیەدان ژ بەرکو ھەتا نھا چوو تشتەک نینە د ناڤەندێن خواندنێ دا کو ئاراستەیا ئاریشەیێن ماموستا و قوتابیان بگوھرن و بەر ب خواندنێ ڤە ببەن و دڤێت ڤەکولەرێن جڤاکی و دەروونی ژی پتر کار بکەن کو قوتابیان بەر ب خواندنێ و خوە گونجاندنێ و سەرەدەریێ دگەل ماموستایان ڤە ببەن و ب ئەرکێ خوە رابن نەک بتنێ بچیتە دەوامێ و رۆژانێن خوە ببوورینیت).
ھێشتا گۆت: (راکرنا ھندەک بریارێن مینا نەقوتانا قوتابیان ھندەک ئەرێنی دناڤبەرا قوتابی و ماموستایان درۆستکرینە ، ژبەرڤێ دڤێت ھندەک پێگورکێن مینا ڤەکولەرێن جڤاکی و دەروونی پەیدا ھەبن بەروڤاژی دێ بیتە سەدەما ھندێ کو تێک نەگەھشتن دناڤبەرا ماموستا و قوتابیان درۆست ببیت ب تایبەتی قوتابیێن سنێلە ، و ب تەخمینا من زێدەتری پێنج ھزار قوتابخانەیێن ھەرێما کوردستانێ ڤەکولەرێن دەروونی و جڤاکی نینن).
دلێر جانگیر ڤەکولەرێ جڤاکی دیارکر کو دامەزراندنا ڤەکولەرێن جڤاکی و دەروونی پێدڤی یەکا ھەری گرنگە و گۆت: (سەرا بچوکترین ئاریشە دناڤبەرا ماموستا و قوتابیان نھا دەھان قوتابی لسەر گوھێن دایبابێن خوە ماینە و د ئەنجام دا دەھان رەفتارێن شاش پشتی بێ بەھربوونا ل قوتابخانێ دناڤ جڤاکی دا ب دەستێ وان ھاتینە ئەنجامدان ، و ب دامەزراندنا ڤەکولەرێن جڤاکی و دەروونی دێ بیتە سەدەم کو جارەک دن ئەڤان قوتابیان ژ بوو قوتابخانەیان بزڤرینن ڤە و ھەر چو نەبیت ل ئەڤرو وێڤە ئەڤ یەک ببیتە ئەگەرا ھندێ کو ئاریشەیێن دناڤبەرا ماموستا و قوتابیان نەھێلن یان کێم بکەن).
ڤەکولەرێ جڤاکی ھێشتا گۆت: (باشتر ئەوە ل ھەر قوتابخانەیەکێ ڤەکولەرێ جڤاکی یان دەرونیێ خوەیێ تایبەت ھەبیت نەک چەند ڤەکولەرێن جڤاکی و دەروونی بدانن و لسەر قوتابخانەیان بگەرن ژ بەرکو کارێ ڤەکولەر و دەرونناسان یێ سەرەکی ئەوە دڤێت د دناڤەراستا جھێ ئاریشێ دا بژیت داکو تێبگەھیت و بزانیت چەوا چارەسەر بکەت).
ئه‌ڤرۆ نيوز:
ئه‌ياد عه‌لاوى جێگرێ سه‌رۆك كومارێ عيراقێ سه‌باره‌ت خونيشادانێن ئه‌ڤرۆ ل سنورێ پارێزگه‌ها سلێمانيێ رووداين راگه‌هاندنه‌ك به‌لاڤ كريه و تێدا هوشداريێ سه‌باره‌ت ئه‌جيندايه‌كا دياركرى دده‌ت كو خێرا كوردستانيان نه‌ڤێت و داخواز ژ سه‌نديكا و رێكخراوێن جڤاكێ مه‌ده‌نى يێن كوردستانێ كرينه كو خوراگر بن و نه‌كه‌ڤنه ناڤ پيلانا فيتنه و ئاژاوه‌گێريێ.
عه‌لاوى خواستيه حوكمه‌تا عيراقێ كێشێن هه‌رێمێ چاره بكه‌ت ب تايبه‌ت دابينكرنا مووچێ فه‌رمانبه‌رێن هه‌رێمێ.
ئه‌ڤرۆ نيوز:
حوكمه‌تا هه‌رێما كوردستانێ راگه‌هاندنه‌ك ل دور خونيشادانێن ئه‌ڤرۆ به‌لاڤ كر و دياركر، خونيشادان مافه‌كێ ره‌وايێ وه‌لاتيانه، به‌لێ ب نيگه‌رانى ڤه ته‌ماشه‌ى وان كريارێن نه‌شارستانى و يێن توندوتيژ كو ئه‌ڤرۆ ل چه‌ند باژێر و باژێركێن كوردستانێ رووداين ب تايبه‌ت ل سنورێ پارێزگه‌ها سلێمانيێ كو ژماره‌كا فه‌رمانگه‌هێن حكومى و باره‌گايێن حزبى كريه ئارمانج.
ئه‌ڤرۆ نيوز:
دونالد ترامپ سه‌رۆكێ ئه‌مريكا ستراتيژيه‌تا نوى يا ئه‌مريكا راگه‌هاند و دياركر كو ئيران ل سه‌رانسه‌رێ جيهانێ پشته‌ڤانيا تيرورێ دكه‌ت و گۆت: دێ روى ب روى هه‌موو وان مه‌ترسيان بين يێن ئيرانێ دروست كرين.
دونالد ترامپ سه‌رۆكێ ئه‌مريكا دياركر: دێ روى ب روى هه‌موو رێكخراوێن تيرورستى بين وه‌كو حزبو الله يا لوبنانێ، و دێ به‌رگريا ئه‌مريكا بهێز كه‌ين.
دونالد ترامپ سه‌رۆكێ ئه‌مريكا هه‌روه‌سا راگه‌هاند كو ئه‌و دێ كوريا باكوور ژ چه‌كێ ئه‌تومى پاقژ كه‌ن.
سه‌باره‌ت وه‌رگرتنا كوچبه‌ران ل ئه‌مريكا، تره‌مپى دياركر كو ئه‌و دێ گوهرينێ د سيسته‌مێ وه‌رگرتنا كوچبه‌ران دا كه‌ن.
ئه‌ڤرۆنيوز:
حوكمه‌تا ئيرانى ل دوهى ئێكشه‌مبى وئه‌ڤرۆ دوشه‌مبى ده‌رگه‌هين هه‌موو قوتابخانێن ته‌هرانێ داخستن ژئه‌گه‌رێ زێده‌بوونا پيسبوونا باى بۆ ئاستێن مه‌ترسيدار ل سه‌ر ساخله‌ميێ.
ده‌زگه‌هێن راگه‌هاندنێ ل ئيرانێ ژ زارده‌ڤێ هاريكارێ پارێزگه‌رێ ته‌هران حه‌سه‌ن كه‌ريمى به‌لاڤكر” ده‌رگه‌هين هه‌موو قوتابخانێن ته‌هران ل دوشه‌مبى دێ دگرتى بن ژبه‌ر پيسبوونا باى ودێ هه‌موو كارگه‌هێن سه‌قاى پيس دكه‌ن وه‌كو كارگه‌هين چيمه‌نتوى هێنه داخستن”.
رێڤه‌به‌ريا هاتنوچوونا ته‌هرانێ ژى هنده‌ك پێرابوون ل دۆر هاتنوچوونا ترومبێلان دناڤ باژێرى دا وه‌رگرتن بۆ كێمكرنا پيسبوونا باى وژينگه‌هێ ولايه‌نێن ساخله‌ميێ ژى داخواز ژ خه‌لكى كر ژمالێن خوه ده‌رنه‌كه‌ڤن.
ده‌زگه‌هێ چاڤدێريا پيسبوونا باى ل ته‌هرانێ دياركربوو كو رێژا پيسبوونا باى ل رۆژا ئێكشه‌مبى 17/12/2017 گه‌هشتبوو 147 پله‌يان ل دووڤ بيڤه‌ره‌ێ پيسبوونا باى ( بى. ئێس. ئه‌ى) كو ئه‌وژى رێژه‌كا مه‌ترسيداره وريژا ئاسايى دناڤبه‌را صفرێ هه‌تا 50 پله‌يانه.
ئەڤرۆنیوز، باسم قاسم شنگالی
ژیدەرەکی بۆ ئەڤرۆ نیوز راگەهاند بەری دەمەکی کێم ، ئاگر بەربوو دو خیڤەتان ل کەمپەکێ ل قەزا زاخۆ.
عەزیز ئه‌لیاس چالاکڤانێ مەدەنی دناڤ وێ کەمپێ دا بۆ ئەڤرۆ نیوز گۆت “ئەڤرۆ دەمژمێر 5 ئێڤارێ، ئاگر بەربوو دو خیڤەتان ل کەمپا بێرسڤێ1 یا ئاواران ل قەزا زاخۆ”..
عەزیزی گۆت ژی” ئەگەرێ وی ئاگری شۆرتەکی کارەبێ بوو، چ زیانێن گیانی نەبوون ، تنێ زیانێن مادی هەبوون”.
ئه‌ڤرۆنيوز:
ئه‌ڤرو ئێڤارێ 18/12/2017 فه‌رهاد ئه‌مین پارێزگه‌رێ دهۆكێ ب ئاماده‌بونا جێگرێ پارێزگه‌ری و هژماره‌كا زۆر یا سه‌رمایه‌دار و به‌لێنده‌رێن پارێزگه‌هێ و رێڤه‌به‌رێن ده‌زگایێن حوكمه‌تا هه‌رێمێ، پرۆژێ پاركێ بێخال ل سه‌نته‌رێ باژێرێ دهۆكێ ڤه‌كر كو ژلایێ سه‌رمایه‌داره‌كێ باژێرێ دهۆكێ ڤه هاتیه چێكرن , درێ و ره‌سمێن ڤه‌كرنا پاركێ دا ، فه‌رهاد ئه‌مین پارێزگه‌رێ دهۆكێ دپه‌یڤه‌كێ دا ده‌ستخوه‌شی ل محمد بێخال كر بۆ ڤی كارێ ژهه‌ژی بۆ باژێری ئه‌نجامدای و ئه‌و پارێ بۆ خزمه‌تا گشتی مه‌زاختی، دیسان گوت ئه‌ڤ جۆره كاره ب كارێن فه‌ر و وه‌كو ئه‌رك دكه‌ڤیته سه رملێن مه هه‌موويان بێخه‌مه‌ت پاقژكرنا ژینگه‌هێ نه‌خاسمه ل ناڤ باژێری كو گه‌له‌ك خانیێن كونكریتی هاتینه ئاڤا كرن و باژێر پێدڤی ب ژینگه‌هه‌كا باشتر هه‌یه، له‌وما دورستكرنا ڤان ره‌نگه پرۆژان ئه‌ركه‌كی فه‌ر و پێدڤیه داكو ژینگه‌ه بهێته راگرتن .
گوت ژى” پێدڤیه ل سه‌ر مه‌هه‌موویان بزاڤێ بكه‌ین رێژا كه‌سكاتیێ ل ناڤ باژێری زێده بكه‌ین , هه‌روه‌سا ده‌ستخوه‌شی ل باژێرڤانیێن پارێزگه‌هێ ب گشتی و تایبه‌ت باژێرڤانیا دهۆكێ كر بۆ كارێن وان یێن ژهه‌ژی بۆ خزمه‌تا وه‌لاتیان و سه‌نته‌رێ باژێری هه‌روه‌سا ده‌ستخوه‌شی ل هه‌موو به‌لێنده‌رێن باژێری دهۆكێ كر بۆ پشته‌ڤانیا به‌رده‌وام و ل ده‌لیڤێن ته‌نگ یێن ل حوكمه‌تێ كرین”.
سه‌رۆكێ باژێرڤانیا دهۆكێ دپه‌یڤه‌كێ دا ده‌ستخوه‌شی ل خودانێ كۆمپانیا بێخال كر بۆ ڤی كارێ مه‌زن و ژهه‌ژی كو بۆ باژێرێ دهۆكێ كری و گرنگیا ڤه‌كرنا ڤان ره‌نگه پاركان بۆ زێده‌بونا كه‌سكاتیێ دیار كر و هیڤی خواست كو نمونێن وه‌كو محمد بێخال زێده‌تر ببن و ئه‌ڤ ره‌نگه پرۆژه ببنه هانده‌ر كو هژماره‌كا دی يا سه‌رمایه‌داران ڤان كاران ئه‌نجام بده‌ن، هه‌روه‌سا سه‌روكێ باژێرڤانیا دهوكێ دیار كر، ل سالا 2017 ب پشته‌ڤانیا پارێزگه‌رێ دهۆكێ و ژ پێشینا باژێرڤانیێ و داهاتی باژێرڤانیێ هژماره‌كا زۆر پا پرۆژان يێن هاتینه بجهئینان و گۆت” ب هاریكاریا پارێزگه‌رێ دهۆكێ ب كوژمێ 3 ملیار و 850 ملیۆن دیناران پارك و رێ و خزمه‌تێن دی هاتینه بجهئینان”.
گۆت ژى” هه‌یڤانه یا باژێرڤانیێ 53 پرۆژه ب كوژمێ 820 ملیون دینارا هاتینه بجهئینان هه‌روه‌سا ژداهاتێ باژێرڤانیێ ب كوژمێ 910 ملیون دینارا پرۆژه هاتینه ئه‌نجام دان، دیسان ب هاریكاریا رێكحراوا UNDPپرۆژه‌ك ب كوژمێ 26 هزار دۆلاران هاتیه بجهئینان.
خودانێ كۆمپانیا بێخال كو پارك دروستكرى، دپه‌یڤه‌كێ دا خوه‌شحالیا خو دیار كو شیای خزمه‌ته‌كا بچووك بۆ باژێرێ خوه بكه‌ت و گۆت” خزمه‌تكرنا باژێرێ دهۆكێ ئه‌ركێ مه هه‌موويانه ودڤێت گرنگیێ پێ بده‌ین” .
پاركا بێخال ل سه‌ر رووبه‌رێ 19000م2 هاتیه چێكرن و كوژمێ 531 ملیون دیناران لێ هاتیه مه‌زاختن و گه‌له‌ك داروبار و كه‌سكاتی لێ هاتیه چاندن .
ئەڤرۆ نیۆز،زنار تۆڤی:
ئه‌ڤرۆ نیڤرۆ 18/12/2017 ئوسمان یونس جێگرێ پارێزگه‌رێ دهوكێ ل گه‌لدا عه‌مید فه‌خری ئه‌حمه‌د مه‌جید رێڤه‌به‌رێ گشتی یێ هاتن و چونێ ل پارێزگه‌ها دهوكێ سه‌ره‌دانا پروژێ ترا ئیلكترونی ل دومیز دا و گه‌ریانه‌ك دناف ئاڤاهیێ تایبه‌ت یێ بو ده‌ستیریاهاژوتنا ترومبێلا ب هه‌می جورێن وانڤه دهێته چێكرن دا و گه‌ریانه‌ك دناف ئاڤاهی دا كر ل دووڤدا سه‌حكره قوناغا كاری ل گوره‌پانێن ترایێ یێن بو ترا ئیلكترونی دهێنه چێكرن و بریاره كومپانیه‌كا كوری ب كارێ دانا سیسته‌می ئه‌لكترونی یێ دانا ده‌ستیریا هاژوتنا ترومبێلا راببیت دماوێ هه‌یڤه‌كێ دا ئه‌و سیسته‌م بهێته دانان.
ئاڤاهیێ ده‌تیریا هاژوتنا ترومبێلا ل سه‌ر رووبه‌رێ 50000م2 دهێته ئاڤاكرن دگه‌ل گوره‌پانێن پێدڤی بو ترایێ ورێژا 80% هاتیه بجهئینان و حكومه‌تا هه‌رێما كوردستانێ كوژمێ 5 ملیار و 712 ملیون دینارا بو پروژه‌ی ته‌رخانكریه.
ل دور گرنگیا پروژێ ئه‌لكترونی یێ دانا ده‌ستیریا هاژوتنا ترومبێلا عه‌مید فه‌خری ئه‌حمه‌د رێڤه‌به‌رێ گشتی یێ هاتن و چونێ ل دهوكێ دیار كر كو ئه‌ف پروژه ژمێژه ده‌ست پێهاتیه كرن لێ ژبه‌ر قه‌یرانادارایی هاتبو راگرتن و ئه‌ڤه ماوه‌یه‌كه ده‌ست پێ هاتیه كرن و قوناغێن باش هاتینه ئه‌نجام دان و بریاره ل ڤان نێزیكا بدیماهیك بهێت و كومپانیا كوری یا جارز بو بو دانانا كه‌ل و په‌لێن ته‌كنیكی ده‌ست پێ بكه‌نه ڤه دماوێ هه‌یڤه‌كێ دا قوناغا ئێكێ دانن ,,ژبه‌ر كو پروژێ ئه‌لكترونی دو قوناغه و قوناغا ئێكێ د ماوێ هه‌یڤه‌كێ دا دێ ب دوماهیك هێت قوناغا دویێ پشتی هه‌می جاده دهێنه قێركرن و كار لسه‌ر ئاڤاهیی بدیماهیك دهیت دێ ده‌ست پێ هێته كرن.
هه‌روه‌سا گوت قوناغێن باش یێن ده‌رباز بوین و ئه‌و سیسته‌مێ ئه‌لكترونی یێ دهێته دانان نه ئاسانكاری یه به‌لكی سیسته‌مه‌كێ ئه‌لكترونێ یه و چ جورێن روتینێ و واسته‌كاریێ تێدا نامینن دێ ترومبێل دگه‌ل شوفیری چیته دناڤ گوره‌پانێ دا و هه‌می كارێ ترایێ ئه‌لكترونی یه و یێ شوفێر بیت دی ده‌ستیرێ وه‌رگریت و یێ نه‌سیت دی هێته پاشخستن بێی واسته.
دده‌رباره‌ی جورێن ده‌ستیریا ل ڤی سیسته‌می گوت هه‌می جورێن ده‌ستیریا دێ هه‌بن و دگه‌ل ده‌ستیریا هاژوتنا ماتورسكلا و وه‌زاره‌تا نافخو 50 ترومبێل ته‌رخان كرینه 30 ژوان یێن بچیك و 20 یێن مه‌زن دگه‌ل هژماره‌كا ماتورسكلا و ئه‌ز بباوه‌رم ل ڤی سیسته‌می چ سرا نامینن و روژانه هندی مجال هه‌بیت دێ معامله هێنه برێڤه برن و ترومبێلێن تایبه‌ت بو هه‌ر جوره‌كێ ده‌ستیریێ دێ هێنه به‌رهه‌فكرن.
نيشاندان