د 30 ساليا بيره‌وه‌ريا هه‌له‌بچه‌ دا كۆمه‌كا گازندان ئاراسته‌ى عيراقێ كرن

16/03/2018 11:07

123

ئه‌ڤرۆ نيوز، عه‌زيز هه‌ورامى:

ئه‌ڤرۆ رۆژا ئه‌ينى 30 سال ل سه‌ر كيميا بارانكرنا باژێرێ هه‌له‌بچه‌ بۆرين، ب ئاماده‌بوونا كه‌سوكارێن شه‌هيدان و به‌رپرسێن حكومى و حزبى و بالوێز و قونسلێن وه‌لاتێن بيانى و شاندێ حوكمه‌تا عيراقێ بيره‌وه‌ريا وێ كاره‌ساتێ هاته‌ كرن.

ل ده‌سپێكا رێ و ره‌سمان عه‌لى عوسمان گۆتارا پارێزگه‌ها هه‌له‌بچه‌ خواند و پاشان ژى مه‌حمود حاجى سالح وه‌زيرێ كاروبارێن شه‌هيد و ئه‌نفالكريان گۆتارا حوكمه‌تا هه‌رێما كوردستانێ خواند و مه‌هدى عه‌لاق ژى گۆتارا حوكمه‌تا عيراقێ خواند و كۆمه‌لا قوربانيێن هه‌له‌بچه‌ ژى په‌يڤا كه‌سوكارێن شه‌هيدان خواند.

د په‌يڤا پارێزگه‌ها هه‌له‌بچه‌ دا ده‌ستخۆشى ل حوكمه‌تا هه‌رێما كوردستانێ كر بۆ گرنگيدان ب نوو ئاڤادانكرنا هه‌له‌بچه‌ و پارێزگه‌هكرنا وێ و بزاڤێن په‌سه‌ندكرنا پارێزگه‌هبوونێ و گه‌شه‌پێدانا ئابوورى ل وێ ده‌ڤه‌رێ ب رێيا ڤه‌كرنا ده‌رگه‌هێن سنورى يێن نێڤده‌وله‌تى و رێيێن نێڤده‌وله‌تى و ره‌خنه‌ ژى ل حوكمه‌تا عيراقێ گرتن و خواست كو ل عيراقێ ژى كار ژ بوو پارێزگه‌هبوونا هه‌له‌بچه‌ بهێته‌ كرن و ب پارێزگه‌هـ بهێته‌ نياسين.

زێده‌بارى ڤێ چالاكيێ چه‌ندين چالاكيێن دژى يێن تايبه‌ت ب ڤێ كاره‌ساتێ دێ ل هه‌له‌بچه‌ ب رێڤه‌ چن.

رۆژا 16ى ئادارا 1988ێ حوكمه‌تا عيراقێ ب سه‌رۆكاتيا سه‌دام حسێن و ب سه‌رپه‌رشتيا عه‌لى كيمياوى هه‌له‌بچه‌ كيميا بارانكر و د ئه‌نجام دا پێنج هزار شه‌هيد و 10 هزار بريندار بوون و ب سه‌دان دايك و باب ژ زارۆيێن خوه‌ بێ باربوون كو نوكه‌ ژى 189 زارۆ بێ چاره‌نڤيس ماينه‌.

ئه‌ڤرۆ بيره‌وه‌ريا كيميارانكرنا هه‌له‌بجه‌ دێ هێته‌ ساخكرن

16/03/2018 09:40

126

ئه‌ڤرۆ نيوز:

ئه‌ڤرۆ 30 سال ب سه‌ر كيميابارانكرنا هه‌له‌بجه‌ ده‌رباز دبن، برياره‌ ئه‌ڤرۆ ل پرانيا باژێرێن كوردستانێ يادا 30 ساليا كيميابارانكرنا هه‌له‌بجه‌ ب چالاكيێن جودا جودا بهێته‌ ساخ كرن.

ل رۆژا 16/3/1988، حوكمه‌تا عيراقێ يا وى ده‌مى باژێرێ هه‌له‌بجه‌ كيميابارانكر و د ئه‌نجامدا پتر ژ 5 هزار وه‌لاتى شه‌هيد بوون.

به‌غدا دێ مووچێ دو هه‌يڤان يێن وه‌زاره‌تێن په‌روه‌ردێ وساخله‌ميێ به‌لاڤكه‌ت

16/03/2018 00:23

4347

ئه‌ڤرۆنيوز:

سه‌رۆكێ لژنا دارايى ل په‌رله‌مانێ كوردستانێ راگه‌هاند، مووچێ هه‌ردو هه‌يڤێن كانوونا دويێ وشوباتا 2018 دێ ل سه‌ر فه‌رمانبه‌رێن هه‌ردو وه‌زاره‌تێن په‌روه‌ردێ وساخله‌ميێ ل هه‌رێما كوردستانێ هێنه‌ به‌لاڤكرن.

شێركۆ جه‌وده‌ت، سه‌رۆكێ لژنا دارايى ل په‌رله‌مانێ كوردستانێ بۆ كوردستان 24 گۆت” يا ديار نينه‌ كا مووچێ وان هه‌ردو هه‌يڤان پێكڤه‌ دێ هێنه‌ به‌لاڤكرن، يان ژى دده‌مه‌كێ جياواز دا”.

شێركۆى زێده‌تر گۆت” پشتى به‌لاڤكرنا وان مووچان، مووچه‌ ب شێوه‌كێ ئاسايى ل گه‌ل هه‌موو فه‌رمانبه‌رێن پارێزگه‌هێن دى يێن عيراقێ دێ به‌رده‌وامبيت”.

دياركر ژى” به‌لاڤكرنا مووچێن هه‌ردو وه‌زاره‌تان، كو حوكمه‌تا عيراقێ هنارتينه‌، دێ ژئاليێ وه‌زاره‌تا دارايى ل هه‌رێما كوردستانێ هێته‌ ئه‌نجامدان”.

ل دۆر مووچێن فه‌رمانبه‌رێن وه‌زاره‌تێن دى يێن هه‌رێما كوردستانێ، گۆت” مووچێن وان وه‌زاره‌تان ل سه‌ر هووربينيكرنێ دليستا مووچه‌خۆران دا يا راوه‌ستيايه‌ ولژنێن هووربينيێ ژى كارێن خوه‌ بله‌زتر كرينه‌ بۆ وێ چه‌ندێ مووچێ فه‌رمانبه‌رێن وان وه‌زاره‌تان ژى ب زووترين ده‌م بهێنه‌ به‌لاڤكرن”.

ب وێنە و ڤیدیۆ- وەلاتیەکى هەموو کەرستێن چیایی ل مالا خوە چاندینە

15/03/2018 20:50

1090

ئه‌ڤرۆنيوز ، نەوزاد هلوری:

وەلاتیەکێ گوندێ لاتکا ل ناحیا شێلادزێ ل سنورێ قەزا ئامێدیێ ب ناڤێ نادر عەبدوللا هەموو جۆرێن کەرستێن چیایی ل مالا خوە چاندینە.

وەک ئەو ددەت دیارکرن کو نێزیکێ 20 جۆرێن کەرستێن چياى مینا( رێڤاس ، چۆرین ، کاری ، لیش ، سوریاز ، جاتر …) ل گەل چەند گولەکێن مینا( سەر نخینک ، گول شلێر ، گول بزن …هتد) چاندینە کو هەموو ژی ل دەڤەرێن چیایی شوون دبن.

راستيا ل پشت ڤى وێنه‌ى ئاشكه‌را بوو

15/03/2018 19:30

1286

ئه‌ڤرۆ نيوز، نيوار:

پشتى دوهى و ئه‌ڤرۆ ئه‌ڤ وێنه‌ بوويه‌ جهێ گه‌نگه‌شا گه‌له‌ك ژ وه‌لاتيان ل سه‌ر تۆڕێن جڤاكى، وێنه‌يێ دروست يێ ڤى وێنه‌ى هاته‌ ديتن و ديار بوو كو ئه‌و وێنه‌ ب دروستى يێ ئيرانێ يه‌.

د وێنه‌يێ دروست دا ديار دبيت كو ئه‌ڤ وێنه‌ يێ وه‌لاتێ ئيرانێ يه‌، هه‌ر ژ كه‌ساتيا وى و ئه‌و نڤيسينا شين يان ل پشت وان ده‌ردكه‌ڤيت ل سه‌ر وى ئاڤاهى و چو ژ ڤان كه‌ساتيان ژى بنياخ (رباط) گرێنه‌دايه‌ كو ل ئيرانێ قه‌ده‌غه‌يه‌ و پتريا كه‌ساتيێن وان ژى خودان ريهن.

زارۆیێن ل 16ی ئادارێ ژ دایک دبن دهێنە خەلاتکرن

15/03/2018 19:16

207

ئەڤرۆ نیوز، عەزیز هەوارامی:

رێکخراوا “بەر ب ئایندەکێ نوو” ل پارێزگەها هەلەبچە سالانە وان زارۆیان خەلات دکەت یێن رۆژبوونا وان 16ی ئادارێ بیت.

سەرکۆ هەلەبچەی، رێڤەبەرێ رێکخراوا “بەر ب ئایندەکێ نوو” بۆ پەڤرۆ نیوز گۆت: “وەکو رێکخراو سالانە دیاریان پێشکێشی وان زارۆیان دکەین یێن ژ دایکبوونا وان 16ی ئادارێ”.

ده‌رباره‌ى وێ چه‌ندێ كا چه‌ند زارۆيان ناڤێن خوه‌ نڤيسينه‌ كو بهێنه‌ خه‌لاتكرن، گۆت: “بۆ ئه‌ڤ ساله‌ 70 زارۆ هاتنه‌ خه‌لاتكرن كو ژ رۆژا راگه‌هاندنا خه‌لاتان هه‌تا 15ى ئادارا 2018ێ ناڤێ خوه‌ ل ده‌ف مه‌ تۆمار كرينه‌”.

گۆتژى: “هه‌موو ئه‌و خه‌لاتێن ئه‌م دده‌ينه‌ زارۆيێن هه‌له‌بچه‌ ژ لايێ زارۆيێن ئه‌مريكا ڤه‌ دهێنه‌ كۆمكرن و دده‌نه‌ زارۆيێن هه‌له‌بچه‌”.

بانده‌كێ دزيكه‌ران هاته‌ ده‌سته‌سه‌ركرن

15/03/2018 19:08

356

ئه‌ڤرۆ نيوز:

بانده‌كێ دزيكه‌ران پشتی پارە و زێر ژ دهۆک و سێمێلێ دزین ژلایێ پولیسان ڤە هاتنە گرتن.

ئيران گه‌فێن ژناڤبرنێ ل سعوديێ دكه‌ت

15/03/2018 18:46

187

ئه‌ڤرۆنيوز:

جێگرێ سه‌رۆكێ لژنا ئاسايشا نيشتمانى ل په‌رله‌مانێ ئيرانى، ئه‌ڤرۆ پێنجشه‌مبى 15/3/2018، به‌رسڤا داخۆيانيێن مير محه‌مه‌د كۆرێ سه‌لمانى جێهنشينێ سعوديێ دده‌ت كو ل دۆر ب ده‌ستڤه‌ئينانا بۆمبا ئه‌تۆمى داخۆيانى دابوو.

ئه‌بولفه‌زل حه‌سه‌ن بێگى، جێگرێ سه‌رۆكێ لژنا ئاسايشا نيشتمانىل په‌رله‌مانێ ئيرانى، گۆت”ته‌هرانێ چو ده‌مه‌كى بزاڤا بده‌ستڤه‌ئينانا بۆمبا ئه‌تۆمى نه‌كريه‌” ئه‌ڤه‌ ژى وه‌كو به‌رسڤه‌ك بۆ داخۆيانيێن محه‌مه‌د كۆرێ سه‌لمانى كو راگه‌هاندبوو” هه‌كه‌ ته‌هران بۆمبا ئه‌تۆمى دروست بكه‌ت، ئه‌م ژى دێ دروست كه‌ين”.

وى به‌رپرسێ ئيرانى گۆت ژى” ئيرانێ دچو قۆناغه‌كێ دا بزاڤا بده‌ستڤه‌ئينانا چه‌كێ ئه‌تۆمى نه‌كريه‌، بزاڤێ ژى ناكه‌ت، ئه‌م شيانێن خوه‌ يێن به‌رگريكرنێ پێش دئێخين تاكو بشێين به‌رگريێ ژ وه‌لاتێ خوه‌ بكه‌ين وجۆره‌كى ژ هه‌ڤسه‌نگيێ ژى ل ده‌ڤه‌رێ دروست بكه‌ين”.

ناڤبرى هوشدارى دا يێن ژ ئيرانێ نێزيك دبن وگۆت” هه‌كه‌ وه‌لاته‌ك هه‌بيت بخوازيت ياريێ دگه‌ل مه‌دا بكه‌ت، پێدڤيه‌ بزانيت كو راسته‌وخوه‌ دێ ژناڤ به‌ين”.

گۆرەکێ بکۆم ل شنگالێ هاتە دیتن

15/03/2018 18:10

145

ئەڤرۆنيوز، باسم قاسم شنگالی

ئەڤرۆ پێنجشه‌مبى 15 ئادارا 2018 گۆرەکێ دى يێ بکۆم ل باکورێ قەزا شنگالێ هاتە دیتن.

ژیدەرەکی بۆ ئەڤرۆنيوز گۆت” ئەڤرۆ گۆره‌كێ بكۆم ل باکورێ قەزا شنگالێ ل دەڤ باغچێ بنەمالا مەحمود خرۆ ل نێزیکی ناحیا گرعزێر هاتە دیتن”.

گۆت ژى” دناڤ ڤێ گۆرێ بکۆم دا رۆفاتێن پتر ژ 15 زارۆ و ژن و زلامێن کوردێن ئێزدی هەنە كو ل دەما داگێرکرنا شنگالێ ژ لایێ رێکخراوا تیرۆرستیا داعشێ ڤە ئتاوانا كوشتنا وان هاتبووە ئەنجامدان”.

حوكمه‌تا هه‌رێمێ داخواز ژ وه‌زاره‌ت وفه‌رمانگه‌هان دكه‌ت ڤێ بريارێ بجهبينن

15/03/2018 17:59

5240

ئه‌ڤرۆنيوز:

جڤاتا وه‌زيرێن هه‌رێما كوردستانێ داخواز ژ وه‌زاره‌ت وداموده‌زگه‌هێن خوه‌ دكه‌ت ژ نوكه‌ ووێڤه‌ به‌رهه‌مێ خۆمالى بكرن ونابيت به‌رهه‌مێ ده‌رڤه‌ بكاربينن.

نه‌وزاد ئه‌دهه‌م، رێڤه‌به‌رێ گشتيێ بازرگانيێ ل وه‌زاره‌تا پيشه‌سازى وبازرگانى ل هه‌رێما كوردستانێ گۆت” جڤاتا وه‌زيرێن هه‌رێمێ ب رێيا نڤيساره‌كێ هه‌موو وه‌زاه‌رت وداموده‌زگه‌هێن خوه‌ ئاگه‌هدار دكه‌ت ل ده‌مێ پێدڤيا وان ب هه‌ر جۆره‌ كه‌لوپه‌ل وكه‌ره‌سته‌كى، به‌هه‌مێ خۆمالى بكرن وبكاربينن”.

ناڤبرى دداخۆيانيه‌كا رۆژنامه‌ڤانى دا گۆت ژى” ئه‌و بريارا حوكمه‌تێ هاندانه‌كا باشه‌ بۆ بكارخستنا كه‌رتێ پيشه‌سازى وبه‌رهه‌مێن ناڤخوه‌يى كو ل پاشه‌رۆژێ دێ پشكه‌كا مه‌زن ژ كارگه‌هان ئێخيته‌ كارى”.

نيشاندان 1...70 1,070 2,070 2,0742,0752,076 3,070 4,070...4,617 زێده‌تر

لاپه‌ر 2,075 ژ 4,617