ب وێنە: ساخکرنا روژا ئالایێ کوردستانێ ل قەزا چومان

17/12/2017 15:44

193

ئەڤرۆ نیوز، نەوزاد ھلوری:

ل سنوورێ قەزا چومان لسەر سنوورێ باکوور و باشورێ کوردستانێ روژا ئالایێ کوردستانێ ز چەند چالاکیەکان ھاتە ساخکرن.

قادر چومانی قایمقامێ چومان دیارکر کو ئالایێ کوردستانێ گەلەک گرنگە و گەلێ کورد گەلەک قوربانی بو پاراستنا وی داینە و گۆت: (ئەڤرو ل بارەگایێ قایمقامیەتێ و چەندین قوتابخانان ب چەند دروشم و چالاکیێن جودا روژا ئالایێ کوردستانێ ھاتە ساخکرن و مەرەم ژی ئەوە کو جیلێ نوو لسەر پاراستنا ئالای بھێتە پەروەردەکرن ، ژبەرکو لسەر دەمێ قازی محەمەد ھەتا نھا گەلێ کوردستانێ یێ قوربانیان بو پاراستنا ئالا و کوردستانێ ددەت و دخوازین دەمەکێ نێزیک دەولەتبونێ ل بن ھەمان ئالا ببینیت).

هژمارا وەلاتیێن عێراقێ گەهشتیە 37 ملیۆن کەسان

17/12/2017 15:34

117

ئەڤرۆ نیۆز ،زنار تۆڤی:

وه‌زاره‌تا پلاندانا عێراقێ راگه‌هاندیە،کو هژمارا روونشتڤانێن عێراقێ ل سالا 2017دا 37 ملیۆن كه‌س تێپه‌راندینە، ئه‌ڤ ئاماره‌ ژی ل دووڤ پسوولێن ئەرزاقی هاتینه خەملاندن.

ده‌زگه‌هێ ئامار یێ سه‌ر ب وه‌زاره‌تا پلاندانانا عێراقێ ڤە راگه‌هاندیە‌، ل‌ سالا 2017 هژمارا خەلکێ عێراقێ 37 ملیۆن دەربازکرینە‌، دوپاتی ل هندێ کریە کو رێژا گه‌شه‌كرنێ د بلندبوونی دایە ب رێژا %2 ‌، بەلێ وێ به‌یاننامێ‌ ئامارا دانیشتوانێن هەر باێرەکێ بەلاڤنەکرینە،ئاماژه‌ ب هژمارا نه‌ته‌وەیان و كه‌مینه‌یان ژی نه‌كریه‌، به‌لكی ب ‌شێوه‌کێ گشتى ئامارا هەموو عێراقێ راگه‌هاندیه‌.

ل‌ سالا 2015 وه‌زاره‌تا پلاندانانێ راگه‌هاند بوو،کو‌ هژمارا خەلکی عێراقێ گه‌یشتبوو‌ 36 ملیۆنان،کو %51 نێر و ‌ %49 مێ بوون،هەکە ل دووڤ وێ ئامارێ بیت، ل سالا 2009 تا نوکە پێنج ملیۆن كه‌سان زێدەکریە، چونكی ل وی دەمی نێزیكى 31 ملیۆن كه‌سان بوون.

هەروەسا ئەو چەند ژی دیارکریە،کو ژ بلی كۆچكرنێ، زێدەتر ژ‌ 200 هزار كه‌سان دناڤبەرا سالا 2003 تا 2015 ب ئەگەرێ كارێن‌ تیرۆریستی و شه‌ران گیانێ خۆ ژ ده‌ست دایه‌،هەژی گوتنێ یە کو هەر ژ سالا 1997 هەتاکو نوکە چو سه‌رژمێری ل ‌ عێراقێدا نه هاتینە ئەنجامدان.‌

سێ رەڤاندیێن ئێزدی ل تورکیا ھاتنە رزگارکرن

17/12/2017 15:32

111

ئەڤرۆ نیوز، لەزگین جوقی:
بەرپرسێ نڤیسینگەھا رزگارکرنا رەڤاندیێن ئێزدی دیارکر کو ئەڤرۆ 17ى كانوونا ئێكێ 2017 سێ رەڤاندیێن ئێزدی ژ وەلاتی تورکیا گەھشتنە پارێزگەھا دھۆکێ ل تەباخا سالا 2014ی ھاتبوونە رەڤاندن ل گەل خێزانیێن خوە ژ لایێ تیرۆرستێن داعش ڤە.

حسێن قائێدی، بەرپرسێ نڤیسینگەھا رزگارکرنا رەڤاندیێن ئێزدی بۆ ئەڤرۆ نیوز دیارکر کو دو کچ و کوره‌ك ژ وەلاتێ تورکیا ھاتبوونە دیتن بەری چەند رۆژان پشتی وان کار ل سەر کاری، “ئەڤرۆ مە شیا وان ھەر سێ رەڤاندیێن ئێزدی ژ تورکیا بگەھینینە دھۆکێ، ھەر سێ کەس ژی زارۆنه‌، خەلکێ وەردیە و گرزەرکێ نە ل قەزا شنگال”.

ھەتا نوکە پشتەڤانیا سەرۆکێ حوکمەتا ھەرێما کوردستانێ پتر ژ 3212 رەڤاندیێن ئێزدی یێن ھاتینە رزگارکرن ژوانا ژی پتر ژ 1100 رزگاربوویان کچ و ژنن و پتر ژ 1700 كه‌سان ژی زارۆنه‌ و ھێشتا زێده‌ترى 3200 رەڤاندیێن ئێزدی ماینە و چاره‌نڤيسێ وان يێ ديار نينه‌.

وه‌زيرێ په‌روه‌ردێ: پايكۆتا ده‌وامێ چاره‌سه‌ريا كێشا مووچه‌ى ناكه‌ت

17/12/2017 15:20

169

ئه‌ڤرۆنيوز:

وه‌زيرێ په‌روه‌ردێ ل هه‌رێما كوردستانێ، ئه‌ڤرۆ ئێكشه‌مبى 17/12/2017، بۆ مامۆستايان راگه‌هاند” بايكۆتا ده‌وامێ چاره‌سه‌ريا كێشا مووچه‌ى ناكه‌ت” ودياركر ژى كو رێڤه‌به‌رێن گشتى يێن په‌روه‌رده‌يان ده‌ستهه‌لاتا سزادانا وان كه‌سان يا هه‌ى يێن خوه‌نيشادانان دكه‌ن.

پشتيوان سادق، وه‌زيرێ په‌روه‌ردێ ل هه‌رێما كوردستانێ ل رێ وره‌سمێن بلندكرنا ئالايێ كوردستانێ ل ئاماده‌يا فريشته‌ يا كچان ل سلێمانيێ، گۆت” ژدل ئه‌ز يێ ل گه‌ل مامۆستايێن خوه‌شتڤى، ئه‌ز دزانم ئێش وئازارێن وان گه‌له‌كن، داخوازێ ژێ دكه‌م كو پايكۆت چاره‌سه‌ر نينه‌ بۆ چاره‌سه‌ريا كێشا موچه‌ى، ئه‌م وه‌كو وه‌زاره‌ت وحوكمه‌تا هه‌رێمێ بزاڤێن جدى دكه‌ين بۆ چاره‌سه‌ريا كێشا مووچه‌ى”.

سه‌باره‌ت وێ چه‌ندێ هه‌كه‌ مامۆستايان خوه‌نيشادان وپايكۆتا ده‌وامێ بكه‌ن، دێ هێنه‌ سزادان، صشتيوان سادق بۆ دوارۆژ گۆت” ئه‌و ده‌ستهه‌لاتا رێڤه‌به‌رێن گشتى يێن په‌روه‌ردانه‌”.

حه‌شدا شه‌عبى قوتابيێن كورد ل رۆژا ئالايێ كوردستانێ ده‌سته‌سه‌ر دكه‌ت

17/12/2017 15:06

ئه‌ڤرۆنيوز:

ميليشيێن حه‌شدا شه‌عبى هژماره‌كا، ئه‌ڤرۆ ئێكشه‌مبى 17/12/2017، هژماره‌كا قوتابيێن زانكۆيا كه‌ركووك ژبه‌ر ل به‌ركرنا وان بۆ جلكێن كوردى ده‌سته‌سه‌ركرن.

ل دووڤ ژێده‌ره‌كێ ئاگه‌هدار، گرۆپه‌كا چه‌كدارێن حه‌شدا شه‌عبى ل سپێده‌يا ئه‌ڤرۆ هژماره‌كا قوتابيێن كورد ل زانكۆيا كه‌ركووك، ژبه‌ركو جلكێن كوردى ل به‌ركربوون ب هه‌لكه‌فتا رۆژا ئالايێ كوردستانێ، ده‌سته‌رسه‌ركرن.

وى ژێده‌رى بۆ شه‌فه‌ق نيوز دياركر، چه‌كدارێن حه‌شدا شه‌عبى ئه‌و قوتابيێن كورد يێن ده‌سته‌سه‌ركرى به‌ر ب جهه‌كێ نه‌ديار برن وهيزێن پۆليسان چو كارڤه‌دان ل سه‌ر ڤێ روودانێ نه‌بوو.

پێله‌كا به‌فر وبارانێ دێ هه‌رێما كوردستانێ ڤه‌گريت

17/12/2017 14:22

1860

ئه‌ڤرۆنيوز:

ل دووماهيا ڤێ هه‌فتيێ وده‌ستپێكا هه‌فتيا بهيت، پێله‌كا به‌فر وبارانێ دێ هه‌رێما كوردستانێ ڤه‌گريت.

مالپه‌رێ Accuweather يێ جيهانى يێ كه‌شناسيێ، به‌لاڤكريه‌ كو ل رۆژا چارشه‌مبيا داهاتى 20/12/2017 دێ پێله‌كا باران بارينێ هه‌رێما كوردستانێ ڤه‌گريت.

مالپه‌رێ ناڤبرى دياركريه‌ ژى كو ل ناڤه‌راستا هه‌فتيا داهاتى، دێ پێله‌كا به‌فرێ به‌ر ب ده‌ڤه‌رێ ڤه‌ هێت.

پارێزگه‌رێ‌ دهۆكێ‌ وبالیوزێ‌ وه‌لاتێ‌ چیك سه‌را ئاڤاهیێ‌ كچێن بێ‌ سه‌میان دا

17/12/2017 14:05

137

ئه‌ڤرۆنيوز:

ئه‌ڤرو ئێكشه‌مبى‌ 17/12/2017، فه‌رهاد ئه‌مین پارێزگه‌رێ‌ دهۆكێ‌ و(جان ڤیكتال) بالیۆزێ‌ وه‌لاتێ‌ چیك ل به‌غدا سه‌را ئاڤاهیێ‌ كچێن بێ‌ سه‌میان ل ناڤ سه‌نته‌رێ‌ باژێرێ‌ دهۆكێ‌ دا.

پاش گه‌ریانه‌ك دناڤ ژۆر وهولێن ئاڤاهی دا كر وژنێزیك سه‌حكره‌ ره‌وشا ئاڤاهی وره‌وشا كچێن بێ‌ سه‌میان یێن دناڤدا هاتینه‌ حه‌واندن.

پارێزگه‌رێ‌ دهۆكێ‌ سوپاسیا حوكمه‌ت وبالیۆزێ‌ وه‌لاتێ‌ چیك ل به‌غدا وكونسۆلخانا چیك ل هه‌ولێرێ‌ كر بۆ دابینكرنا پارێ‌ پێدڤی بۆ ئاڤاكرنا ئاڤاهیێ‌ كچێن بێ‌ سه‌میان وخواست ئه‌ڤ جوره‌ هاریكاریه‌ دبه‌رده‌وامبن.

ئاڤاهیێ‌ كچێن بێ‌ سه‌میان ب پشته‌ڤانیا وه‌لاتێ‌ چیك وهه‌ڤكاریا بالیۆزخانه‌‌ وكونسۆلخانا ده‌وله‌تا چیك ل به‌غدا وهه‌ولێرێ ب كوژمێ‌ (208) هزار دۆلاران هاتیه‌ ئاڤاكرن ونوكه‌ (25) كچێن بێ‌ سه‌میان دناڤدا هاتینه‌ حه‌واندن وهه‌موو پێدڤیێن ژیانێ‌ بۆ هاتینه‌ دابینكرن .

ئاڤاهیێ‌ كچێن بێ‌ سه‌میان ل رۆژا 14/9/2017 ژلایێ‌ پارێزگه‌رێ‌ دهۆكێ‌ وكونسۆلا وه‌لاتێ‌ چیك ل كوردستانێ‌ هاتبوو ڤه‌كرن.

ده‌رگه‌هێن سنورى يێن ل گه‌ل ئيرانێ هاتنه‌ ڤه‌كرن

17/12/2017 13:43

159

ئه‌ڤرۆ نيوز، هوشه‌نگ تاجر:

مالپه‌رێ مێهر نيوز يێ ئيرانى راگه‌هاند كو وه‌زيرێ ناڤخۆ يێ ئيرانێ عه‌بدولرزا ره‌حمان فه‌زلى د كۆمبوونا ل گه‌ل ژوورێن بازرگانى يێن ئيرانێ دياركر كو ئه‌ڤرۆ هه‌ردو ده‌رگه‌هێن سنورى يێن ل گه‌ل ئيرانێ هاتينه‌ ڤه‌كرن و ژ ئه‌ڤرۆ پێڤه‌ چاوانيا ڤه‌كرنا وان ده‌رگه‌هان كريه‌ د ده‌ستێ پارێزگه‌هان دا.

ب وێنه‌ و ڤيديۆ: ساخكرنا رۆژا ئالايێ كوردستانێ ل شێلادزێ

17/12/2017 13:39

544

ئەڤرو نیوز ، نەوزاد ھلوری
ئەڤرو ب بەرھەڤبوونا رێڤەبەرێ پەروەردا ئامێدیێ و قایمقامێ ئامێدیێ و ماموستا و قوتابیان و چەند بەرپرسێن دام و دەزگەھێن تکومی و حزبی ، رێورسمێن ساخکرنا روژا ئالایێ کوردستانێ ل ئامادەیا ئالا ل ناحیا شێلادزێ ب رێڤەچو.

د رێورسمان دا چەند گوتار و چالاکی ھاتنە ئەنجامدان کو دەربرین ژ روژا ئاڵایێ کوردستانێ و ئەوان قوربانیان دھاتەکرن کو گەلێ کورد بو پاراستنا ئالایێ کوردستانێ داین و خواست کو ل ئایندەیەکێ نێزیک دەولەتبونا کوردستانێ لژێر ئالایێ کوردستانێ بھێتە راگەھاندن.

وێنه‌:

ڤيديۆ:

ب وێنه‌: ل هه‌له‌بچه‌ مه‌زنترن ئالايێ كوردستانێ هاته‌ بلندكرن

17/12/2017 13:27

ئه‌ڤرۆ نيوز، عه‌زيز هه‌ورامى:

مه‌زنترين ئالايێ كوردستانێ ل ده‌رگه‌هێ هه‌له‌بچه‌ ژ لايێ خێزانا شه‌هيده‌كى ڤه‌ ب پشته‌ڤانيا لقێ 12 يێ پارتى هاته‌ بلندكرن.

ئه‌ڤرۆ 12ى كانوونا ئێكێ رۆژا ئالايێ كوردستانێ وه‌كو هه‌موو ده‌ڤه‌رێن دى يێن كوردستانێ ل هه‌له‌بچه‌ ژى هاته‌ ساخكرن و ب ڤێ هه‌لكه‌فتێ ل ده‌رگه‌هێ پارێزگه‌هێ مه‌زنترين ئالايێ كوردستانێ هاته‌ بلندكرن.

د ڤێ ده‌ربارێ دا، فازل به‌شاره‌تى، به‌رپرسێ لقێ 12 يێ پارتى ديموكراتى كوردستان بۆ ئه‌ڤرۆ نيوز گۆت: “ب هه‌لكه‌فتا رۆژا ئالايێ كوردستانێ ئه‌ڤرۆ ل باژێرێ شه‌هيدا مه‌ ب پێدڤى زانى رۆژا ئالايێ كوردستانێ ساخ بكه‌ين ژ به‌ر كو ب ده‌هان هزار شه‌هيد ژ پێناڤى ڤى ئالايێ مه‌ داينه‌”.

زێده‌تر گۆت: “ئالايه‌كێ مه‌زن ل شه‌ش مه‌تران درێژى و چار مه‌تران بلنداهى ب ستوونه‌كا 31 مه‌تران بلند ڤه‌كريه‌ بلند كريه‌”.

ئاماژه‌ ب وێ چه‌ندێ ژى كر كو ئه‌وان شه‌ره‌فا بلندكرنا ڤى ئالايى دا ده‌ست ژنه‌كێ كو هه‌ر دايكا شه‌هيدى يه‌ و هه‌ر ژى هه‌ڤژينا شه‌هيدى يه‌.