ئه‌ڤرۆ نيوز:
ده‌سته‌يا سه‌رۆكاتيا په‌رله‌مانێ كوردستانێ گازى په‌رله‌مانتاران دكه‌ت بۆ كۆمبوونا په‌رله‌مانى ل رۆژا چارشه‌مبيا بهێت دا.
ده‌سته‌يا سه‌رۆكاتيا په‌رله‌مانى داخوازنامه‌يه‌ك بۆ په‌رله‌مانتاران هنارتيه و تێدا ئاشكه‌را كريه كو ب گۆره‌ى حوكمێ برگا 1 يا ماددێ 5 و برگا 2 يا ماددێ 17 و برگا 1 يا ماددێ 18 ژ په‌يره‌وێ ناڤخۆ يێ په‌رله‌مانێ كوردستانێ- عيراق ژماره 1 يا سالا 1992 يێ راستڤه‌كرى بڕيار هاتيه دان هه‌موو په‌رله‌مان بهێنه داخواز كرن بۆ كۆمبوونا په‌ره‌مانێ كوردستانێ.
ئاماژه ب وێ چه‌ندێ ژى هاتيه كر كو كۆمبوون دێ ل ده‌مژمێر 11:00 به‌رى نيڤرۆ ل ئاڤاهيێ په‌رله‌مانى ب رێڤه چيت بێى كو ئاماژه كربيت به‌رنامێ كارێ په‌رله‌مانى.
ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا سێشه‌مبى رێكه‌فتى 12ى كانوونا ئێكێ 2017 دهێته پێشبينيكرن ئه‌سمان دێ ساهى بيت.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا راگه‌هانديه كو ژ ئه گه‌رێ هاتنا فشارێن بلندێن باكوورێ رۆژهه‌لاتێ توركيا ئه‌سمان دێ ساهى بيت ل گه‌ل هنده‌ك ئه‌ورێن كێم.
پشكا پێشبينيان خۆيا ژى كريه كو نزمترين پلا گه‌رما پێشبينيكرى دێ 2 پله بيت و بلندترين پله ژى دێ 14 پله بيت.
هه‌ر ب گۆره‌ى ڤێ راپۆرتا رێڤه‌به‌ريا ناڤبرى له‌زاتيا باى دێ گه‌له‌ك زێده‌كه‌ت و ل هنده‌ك جاران دێ گه‌هيته 5 بۆ 10 كم بيت د ده‌مژمێره‌كێ دا و ماوێ ديتنێ ژى دێ 10كم بيت.
ئەڤرۆ نیوز ، نەوزاد ھلوری:
دەمەک بەریا نھا ماموستا و قوتابیێن زانکویا سەلاحەدین ل گەل کومەکا چالاکڤانێن مەدەنی دژی لێدوانێن عەبادی و بەرچاڤ وەرنەگرتنا رولێ پێشمەرگەی د شەرێ دژی تیرورستێن داعش دەست ب خونیشاندانەکا بەفرەھکر و خوپیشاندان ژی بەردەوامە.
دڤی واریدا” ئەحمەد زێباری” چالاکڤانێ مەدەنی کو پشکدڵرێ خونیشاندانێ ژی یە ، بو ئەڤرو نیوز گۆت: (ئەڤرو ب مەرەما ئیدانەکرنا داخویانیێن عەبادی و بریارێن وی لسەر ھەرێما کوردستانێ ، و دیسان بەرچاڤ وەرنەگرتنا قوربانی و روو ب رووبوونێن پیشمەرگەی دژی تیرورستێن داعش ، ماموستا و قوتابیێن زانکویا سەلاحەدین ل گەل ھژمارەکا چالاکڤانێن مەدەنی دەست ب خونیشاندانەکا بەفرەە ل بەرامبەر زانکویا سەلاحەدین ل ھەولێر کریە)
زێدەتر گۆت: (د خونیشاندانێ دا دێ چەندین گوتار و دروشم ھێنە بلندکرن کو ئێدی عەبادی و حکومەتا عیراقێ زێدەتر زێدەگاڤیان لسەر کوردستان و پێشمەرگەی نەکەت ، ژبەرکو پێشمەرگەی قوربانی و شەھید و بریندارێن زور داینە و داعش ب دیدەڤانیا ھەموو جیھانێ شکاندیە).
ئەڤرۆ نیوز ، ھلۆری:
کومپانیایەکا کوریا باشوور د نووترین داھێنان دا تەنکترین تێلەڤزیوون ل جیھانێ درۆست کر کو بھایێ وێ بتنێ 20 دولاران.
کومپانیا LG کو کومپانیەکا کوریا باشوورە د نووترین داھێنان دا د پێشانگەھەکا تەکنولوجی دا بناڤێ CES کو ل باژێرێ لاس ڤێگاس یێ ئەمریکا ھاتبویە ڤەکرن ، نووترین تێلەڤزیوون کو ب رەنگەکێ زور تەنک ھاتبویە چێکرن ھاتە نیشان دا ،ئەو ژی تێلەڤزیوونەک بوو ب قەبارێ 77 ئینجی کو ستوراتیا وێ زور کێمە وەکو لسقەکێ ل دیواری دھێتەدان.
ل گورەی زانیاریێن ئەوێ کومپانیێ تێلەڤزیوونا نوو ب رێیا موگناتیزی خوە ب دیواری ڤە دگریت و بھایێ وێ ژی بتنێ 20 دولارن.
ئه‌ڤرۆ نيوز:
ژێده‌ره‌كى راگه‌هاند كو ئه‌ڤرۆ سه‌رۆك وه‌زيرێن عيراقێ، حه‌يده‌ر عه‌بادى، دێ گه‌هيته فه‌ره‌نسا.
وى ژێده‌رى دياركر” حه‌يده‌ر عه‌بادى ئه‌ڤرۆ رۆژا دوشه‌مبى 11ى كانوونا ئێكێ 2017 دێ گه‌هيته پاريس پايته‌ختێ فه‌ره‌نسا بۆ پشكداريێ د كۆنگرێ جيهانى ل دۆر سه‌قايى”.
زێده‌تر بۆ “المعلومه” ، گۆت: “د چارچۆڤێ وى كۆنگره‌ى دا، عه‌بادى دێ ديداران ل گه‌ل هژماره‌كا سه‌رۆك و سه‌رۆك وه‌زيرێن وه‌لاتان كه‌ت”.
نێچيرڤان بارزانى سه‌رۆك وه‌زيرێن هه‌رێما كوردستانێ ل 2ى كانوونا ئێكێ 2017 ل گه‌ل سه‌رۆكێ فه‌ره‌نسى ئێمانوێل ماكرۆن كۆمببوو و د كۆنگره‌كێ رۆژنامه‌ڤانيێ هه‌ڤپشك دا به‌حسێ په‌يوه‌نديێن هه‌رێمێ و به‌غدا هاتبوو كرن، پشتى سه‌ره‌دانا سه‌رۆك وه‌زيرێن هه‌رێما كوردستانێ بۆ فه‌ره‌نسا، سه‌رۆكێ فه‌ره‌نسى په‌يوه‌ندى ب عه‌بادى كربوو.
ئه‌ڤرۆنيوز:
هژماره‌كا ئه‌ندامێن په‌رله‌مانێ كوردستانێ، ل 6/12/2017 پرۆژه برياره‌ك بۆ سه‌رۆكاتيا په‌رله‌مانێ كوردستانێ بلندكريه كو يێ تايبه‌ته ب زڤرينا سامان ومۆلكێن ب رێيا گه‌نده‌ليێ هاتينه بده‌ستڤه‌ئينان.
پرۆژه برياره‌ك ل دۆر ده‌ست ب سه‌رداگرتن وزڤرينا سامان ومۆلكێن ب نه‌ره‌وا هاتينه بده‌ستڤه‌ئينان، ژلايێ 20 ئه‌ندامێن په‌رله‌مانێ كوردستانێ ڤه، ژ چه‌ندين فراكسيۆنان، بۆ سه‌رۆكاتيا په‌رله‌مانێ هاتيه بلندكرن.
وان 20 په‌رله‌مانتارێن ئيمزايا وان ل سه‌ر وى پرۆژه بريارێ داخواز دكه‌ن، ئه‌و پرۆژه بچيته دناڤ به‌رنامێ كارێ كۆمبوونێن په‌رله‌مانێ كوردستانێ.
ئەڤرۆ:
بڕیارە ئەڤرۆ جڤانتا وەزیرێن ھەرێما کوردستانێ کۆمبوونەکێ ئەنجام بدەت و تێدا چەند پرسێن دارایی بۆ سالا بھێت گەنگەشە بکەت.
د بڕگا ئێکێ یا کۆمبوونێ دا راپۆرتا ھەڤپشکا وەزارەتێن سامانێن سروشتی و دارایی و ئابووری ل دۆر داھات و مەزاختیێن تەخمینکری بۆ بۆ شەش ھەیڤێن ئێکێ یێن سالا 2018 بەرچاڤ کەن و بەحسێ داھات و مەزاختی و بابەتێ مووچەی ھێتە کرن.
د بڕگا دویێ دا راپۆرتا وەزارەتا پەروەردێ سەبارەت بابەتێن ھشیارکرنێ و ژینگەھپارێزیێ و پاقژیێ د پرۆرگرامێن خواندنێ بەرچاڤ کەن، ھەروەسا د بڕگا سیێ دا، راپۆرتا تایبەت ب پلانا وەزارەتا چاندنێ و ئاڤدێریێ بۆ قووناغا نوکە یا ھەرێما کوردستانێ ھێتە بەرچاڤکرن.
ئه‌ڤرۆ نيوز:
جێگرێ فەرماندێ گشتیێ لەشکرێ پاسدارێن ئیرانێ حسێن سەلامی، د گۆتارەکێ دا نەراستەوراست بەرسڤا محەمەد عەلی جەعفەری فەرماندێ گشتیێ ھەمان لەشکرێ ئیرانی ددەت، سەبارەت کونترۆلکرنا کەرکووکێ و خیانەتا 16 ئۆکتۆبەرێ دبێژیت، راستە ئەم شیان عیراقێ ب ئێک پارچە بھێلین و ژناڤکێ خەونا دەولەتا کوردستانێ ببڕین، بەلێ نابیت ئەم ژبیر بکەین، دوستەکێ دێرینێ ئیرانێ و باوەرپێکریێ خوە ل باکوورێ عیراقێ سەر بڕی کو ئەو ژی ئێکەتی نیشتیمانی کوردستان و بنەمالا تالەبانی بوو ، ئەڤە ژی زیانەکا مەزنە.
حسێن سەلامی دوێ گۆتارا بۆ ئەو گۆتار بتنێ بۆ دەمێ 2 دەمژمێران ل سەر مالپەرێ فەرمیێ لەشکرێ پاسداران بلاڤکر و پاشی ھاتیە ژێبرن، دبێژیت، ل روودانێ 16 ئۆکتۆبەرێ ئیرانی کەفتە د ناڤبەرا دو ھەلبژارتنان دا، کو دڤێت ئێک ژوانا ھەلبژێریت، ئەو ژی پاراستنا ئێکپارچەیا ئاخا عیراقێ و ژناڤبرنا خەونا دەولەتا کوردی یا ئیسرائیلا دووێ، یان پاراستنا بنەمالا تالەبانی دوستێن باوەرپێکریێن کومارا ئیسلامی یا ئیرانێ و جزبا ئێکەتیێ یە، دبێژیت راستە مە خەونا دەولەتا کوردی و پیلانا ئەمریکا و ئیسرائیلێ ل عیراقێ ژ ناڤبر، بەلێ دۆستەکێ مەزن ژی مە سەر بڕی.
فەرماندێ ناڤبری ھەروەسا دبێژیت: دڤێت ئیران ب ھەر شێوەکی بیت بزاڤان بکەت دۆستێ دێرینێ خوە کو یێ ئامادەی ژ بۆ ئیرانێ بمریت ب پارێزیت، رێ نەدەت ئێکەتی و بنەمالا تالەبانی ب دووماھی بھێت، راستە زیانەکا مەزن بۆ پاراستنا ئاخا عیراقێ و ژناڤبرنا پیلانا ئەمریکی و ئیسرائیلێ ب بنەمالا تالبەانی و ئێکەتیا ب سۆزداردایە، بەلێ نابیت، رێ بدەین، دۆستێن مە دڤێ رەوشێ دا بمینن، دڤێت ھاریکاریا وانا بکەن ب ھەر رێیەکا ھەبیت کو رابنە سەرخوە، و گڤاشتنا خەلکێ باکوورێ عیراقێ ل سەر وانا کێم بکەن.
پاشتی ئەنجامدانا خیانەتا 16 ئۆکتۆبەرێ و رادەستکرنا کەرکووکێ بۆ میلیشیاتێن حەشدا شەعبی و لەشکرێ عیراقێ و پاسدارێن ئیرانێ و حزبوللا یا لوبنانی، ئانکو ل رێککەفتی 18 ئۆکتۆبەرێ ھەر ئێک ژ جێگرێ سکرتێرێ گشتیێ ئێکەتی کوسرەت رەسول، و مەلا بەختیا بەرپرسێ دەستا کارگێریا مەکتەبا سیاسی، دانپێدان ب وێ چەندێ کرن، کو خیانەت دناڤا ئێکەتیێ دا ھاتیە کرن، گونەھا وێ خستنە ستوویێ گرۆپەکێ ناڤا ئێکەتیێ کو ب کالڤامێن دناڤ ئێکەتیێ دا ھاتنە ناڤکرن، بەلێ پشتی ھەر وێ رۆژێ، کومەلا ئیسلامی و بزاڤا گۆڕان و دکتور بەرھەم سالح بزاڤکرن، دێمەنێ ب گریا پێشمەرگەی ژ خەیاتەنێ ل کەرکووکێ بۆ بابەتێ ریفراندۆمێ و بگوھوڕن و بڤی رەنگی بناڤێ شکەستنا حوکمەتێ دانن، پلانا حوکمەتا رزگاری نیشتیمانی بینە رۆژەڤێ.
ئه‌ڤرۆنيوز:
يانا مانشسته‌ر سيتى جهێ خوه ل سه‌رێ ليستا خۆلا ئينگليزى يا ته‌پا پێى موكم تر لێكر، ب سه‌ركێشيا راهينه‌رێ خوه يێ ئيسپانى گوارديۆلا، پشتى دوهى سه‌ركه‌فتن ل سه‌ر يانا مانشستر يونايتد خودانا پلا دويێ دناڤ ياريگه‌ه وجه‌ماوه‌رێ وێ دا تۆماركرى.
مانشسته‌ر سيتى ل خۆله‌كا 43 گۆلا پێشكه‌فتنێ ب رێيا ياريكه‌رێ خوه يێ ئيسپانى داڤيد سيلفاى تۆماركر ول خۆله‌كا دويێ ژده‌مێ زێده‌كرى يێ گێمێ ئێكێ، ياريكه‌رێ مانشسته‌ر يونايتد، ماركۆس راشفۆرد، گۆلا وه‌كهه‌ڤيێ تۆماركر، به‌لێ نيكواس ئۆتاميندى شيا گۆلا سه‌ركه‌فتنێ بۆ مانشسته‌ر سيتى ل خۆله‌كا 53 تۆمار بكه‌ت.
ب وێ سه‌ركه‌فتنا مانشسته‌ر سيتى ب ئه‌نجامێ 2-1، پتر نێزيكى بده‌ستڤه‌ئينانا ناسناڤێ خۆلا ئينگليزى يا ناياب بوو، كو ب وێ سه‌ركه‌فتنێ خالێن خوه گه‌هانده 46 خالان ب جوداهيا 11 خالان ژ مانشسته‌ر يونايتد ئه‌وا ل پلا دويێ دهێت ب 35 خالان.
نيشاندان