ئه‌ڤرۆنيوز:
حاله‌ته‌كێ سه‌ير يێ زارۆكبوونێ ل دهۆكێ په‌يدابوويه ئه‌وژى زارۆيه‌ك پشتى شه‌ش هه‌يڤێن گيانبوونێ يێ ژدايكبووى ودژيانا دا يێ ماى.
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Facebook
ل ڤێ حەفتیێ دێ دابه‌شكرنا مووچه‌ى ده‌ستپێکەت
ئەڤرۆ نیوز ، زنار تۆڤی:
بریاره ل ڤێ حه‌فتیێ پرۆسا دابه‌شكرنا مووچێ پێشمه‌رگەی ته‌مام بیت و ده‌ست ب دابه‌شكرنا مووچێ خانه‌نشینان بهێته کرن.
ژێدەرەکێ به‌رپرس ل وه‌زاره‌تا دارایی و ئابووری یا حوکمه‌تا هه‌رێما كوردستانێ راگه‌هاندیە پێشتر مووچێ یه‌كه‌یا 70 و 80 و چه‌ند لیوایێن وه‌زاره‌تا پێشمه‌رگه‌ی هاتینە دابه‌شكرن،ل دەستپێکا ڤێ حه‌فتیێ ژی دێ مووچێ لیوایێن دیتر هێتە دابه‌شکرن و دێ دوماهی ب مووچێ وه‌زاره‌تا پێشمه‌رگەی هێتە ئینان.
وی ژێدەری گوتیە ژی،ل حه‌فتیا بهێت دا دێ ده‌ست ب دابه‌شكرنا مووچێ خانه‌نشینان هێته کرن.
هەروەسا گوتیە ژی بۆ دابه‌شكرنا مووچێ خانه‌نشینێن سه‌ربازی و مه‌ده‌نی كو هژماران وان دگەهیته 244 هزار مووچه‌خۆران،پێدڤی ب گوژمێ 108 ملیار دیناران هەیە.
مه‌رجێن عەبادی یێن نوو بۆ هنارتنا مووچه‌ی دهێنە ئاشكرا کرن
ئەڤرۆ نیوز ، زنار تۆڤی:
په‌رله‌مانتارەکا ئێکەتیێ دبێژیت، عه‌بادى دڤێت سه‌رجه‌م وان گرێبه‌ستێن كو هه‌رێما كوردستانێ كرین د هه‌موو واران دا هه‌ل بوەشینیت، ئاشكرا ژی دکەت کو ئه‌ڤە نووترین مه‌رجێن ئه‌وانه بۆ هنارتنا مووچەی.
رە‌نگین عه‌بدوللا ئه‌نداما پەرلەمانێ عێراقێ ل فراكسیۆنا ئێکەتیێ راگه‌هاندیە،پشتی زێدەتر ژ 70 رۆژان،ژ بریارا حه‌یده‌ر عه‌بادى سه‌رۆك وه‌زیرێن عێراقێ بۆ هنارتنا مووچێ فه‌رمانبه‌رێن هه‌رێما كوردستانێ ب تایبه‌تی یێن وه‌زارەتێن په‌روه‌رده و ساخلەمیێ به‌لێ تا نوکە یا دیار نینه دێ كه‌نگی مووچێ وان ژلایێ به‌غداڤه هێتە هنارتن
ئه‌و ژی ئاشكرا كریە،کو حه‌یده‌ر عه‌بادى سه‌رۆك وه‌زیرێن عێراق، هه‌رده‌م دبێژیت،دێ پابه‌ندى هنارتنا مووچێ فه‌رمانبه‌رێن هه‌رێما كوردستانێ بیت، بەلێ مه‌رج هه‌یه و مه‌رجێن وی ژی ئەوە،کو دڤێت ژ لایێ هه‌رێما كوردستانێ بهێنە جێبه‌جێ کرن.
نووترین مه‌رجێن وی ئەڤەنە،کو دڤێت هه‌موو ئه‌و گرێبه‌ستێن،کو ب ئیعتیبارێ حوکمه‌تا ناڤه‌ندى نە دقانوونی نە،ل هه‌موو كه‌رتان، هه‌ر ژ خالێن سنووری و فرۆكخانان هەتا دگەهیته گرێبه‌ستێن نەفتێ،یێن هاتینە ئەنامدان و عێراق ژێ ئاگەهدار نینه بهێنە هه‌لوەشاندن، عه‌بادى دڤێت نه‌ك هه‌ر هنارتنا نه‌فتێ ل ژێر ده‌ستێ وی بیت، به‌لکی داخوازا هه‌لوه‌شاندنا ته‌ماما گرێبه‌ستێن نه‌فتا هه‌رێما كوردستانێ دکەت.
بکوژێ زەلامێ 70سالی ل ماسیکێ هاتە گرتن
ئه‌ڤرۆ نيوز:
پشتی ل روژا 10/2/2018 زەلامەکێ حەفتێ ساڵی ل سەنتەرێ پارێزگەها دهوکێ ، ل تاخێ ماسیکی ژلایێ چەند کەسێن نەنیاس ڤە ب شێوەکێ درندانە هاتیە کوشتن پشتی ڤەکولین و دیفچوونەکا هویر بکوژێ وی ژلایێ پولیسێن نەهێلانا گونەهباریا ل دهوکێ ڤە هاتە گرتن و بەرانبەر ئەفسەرێن پولیسا و دادوەرێ ڤەکولینێ ڤە دانپێدان ب تاوانا خو کر و ل دیف بەندێ 406 هاتە زیندانکرن.
ئاگر ب گومركێن فێقى ل زاخو دكه‌ڤیت و زیانێن ماددى هه‌نه
ئه‌ڤرۆ نیوز ، نه‌وزاد هلۆرى:
ئێڤاریا ئه‌ڤرۆ ئاگر ب گومركێن فێقى ل سه‌ر رێیا ئیبراهیم خه‌لیل ل قه‌زا زاخو به‌ربوو و د ئه‌نجام دا چه‌ند بازار ژ وان سوتن.
بێوار عه‌بدولعه‌زیز به‌رپرسى َراگه‌یاندنا به‌ره‌ڤانیا باژێرى بو ئه‌ڤرۆ نیوز گۆت: ( ئه‌ڤرۆ ئێڤارى ژ ئه‌گه‌رێ شوته‌كا كاره‌بێ ئاگر ب گومركێن فێقى ل سه‌ر رێیا ئیبراهیم خه‌لیل ل قه‌زا زاخو به‌ربى و د ئه‌نجام دا سێ بازارێن فروتنا فێقى ب تهمامى سووتن و چه‌ند بازار ژى هاتنه رزگاركرن)
زێده‌تر گۆت: ( ئاگر ژلایێ تیمێن ئاگرڤه‌مراندنا به‌ره‌ڤانیا باژێرى ل زاخو هاتیه كونترولكرن و سوپاس بو خودێ گیان ب سلامه‌تن به‌لێ بتنێ زیانێن ماددى به‌ر خودان بازاران كه‌فتیه ، و پشتى دوڤچوون لسه‌ر زیانێن وێ دهێته‌كرن ژ نوو دێ هێته راگه‌هاندن كا زیانا وان چه‌ند بوو)
د په‌قينه‌كێ دا ل هه‌ولێرێ كه‌سه‌ك هاته كوشتن و ئێك ژى برینداربوو
ئه‌ڤرۆ نیوز، نه‌وزاد هلۆرى:
ئه‌ڤرۆ ئێڤارى ژ ئه‌نجامێ بۆمبه‌كا چاندى ل ده‌ڤه‌را به‌نسلاوه یا سه‌ر ب پارێزگه‌ها هه‌ولێرێ ڤه كه‌سه‌ك هاته كوشتن و ئێك ژى برینداربوو.
ب گۆره‌ى راگه‌هاندنه‌كا (دژه تیرورێ) كو ل سه‌ر په‌یچێ تایبه‌تێ خوه به‌ڤلاكریه، ئه‌ڤرۆ ئێڤارى ل ده‌ڤه‌را به‌نسلاوه یا سه‌ر ب هه‌ولێرێ ژ ئه‌نجامێ په‌قينا بومبه‌كا چاندى ب ترومبێلا ئه‌ندامه‌كێ پارته‌كا رۆژهه‌لاتێ كوردستانێ ڤه، كه‌سه‌ك هاته كوشتن و ئێك ژى برینداربوو.
جهێن شوله‌ێ ده‌ست ب ڤه‌كۆلینێ كریه بۆ زانینا ئه‌گه‌رێ روودانێ و هه‌تا نها چو ئه‌نجامده‌رێن ئه‌وێ روودانێ نه‌هاتینه ده‌سته‌سه‌ركرن.
رۆژا جیهانیا ئاژه‌لێن كويڤى ل دهوكێ هاته ساخكرن
ئه‌ڤرۆ نیوز، نه‌وزاد هلۆرى:
ئێڤاریا ئه‌ڤرۆ پێنجشه‌مبى 1/3/2018 رێكخراوا كوردستان بۆ پاراستنا مافێن ئاژه‌لان ، ب هه‌ڤكاریا زانكۆیا دهۆكێ ، رۆژا جیهانیان ئاژه‌لێن كويڤى ب چه‌ند چالاكیان ساخكر.
سلێمان ته‌مه‌ر، سه‌رۆكێ رێكخراوا كوردستان بۆ پاراستنا مافێن ئاژه‌لى بۆ ئه‌ڤرۆ نیوز گۆت” ب مه‌ره‌ما زێده‌تر گرنگیدان ب مافێن ئاژه‌لان ، رێكخراوا كوردستان بۆ پاراستنا مافێن ئاژه‌لان ب هه‌ڤكاریا زانكۆیا دهۆكێ ، رۆژا جیهانی يا ئاژه‌لێن كويڤى ب چه‌ند چالاكیان ساخكر و تێدا ههند زانیارى ئێخستنه به‌رچاڤ”.
زێده‌تر گۆت” ب شێوه‌یه‌كێ گشتى نها ل كوردستانێ رۆژ بۆ رۆژێ ئاژه‌لێن كويڤى دهێنه كوشتن و ژناڤبرن و چاڤدێرى و پاراستنه‌كا پێدڤى بۆ ناهێته‌كرن و چه‌ندین ئاژه‌لێن كويڤی يێن كێم وێنه ژ ناڤچوینه مینا پلنگ و شێر ، ژبه‌رڤى گرنگه ل هه‌رێما كوردستانێ ژى گرنگى ب ئاژه‌لێن كويڤى بهێته‌دان”.
كوردان بايكۆتا كۆمبوونا په‌رله‌مانێ عيراقێ ل دۆر بودجه‌ى كر
ئه‌ڤرۆنيوز:
به‌رى ده‌مه‌كێ كێم كۆمبوونا په‌رله‌مانێ عيراقێ ل دۆر پرۆژێ قانوونا بودجا گشتى يا عيراقێ ده‌ستپێكر.
ل دووڤ پێزانينێن ده‌زگه‌هێن راگه‌هاندنێ يێن عيراقى، دكۆمبوونا ئه‌ڤرۆ يا په‌رله‌مانێ عيراقێ 180 په‌رله‌مانتار دپشكدارن وب ڤێ چه‌ندێ رێژا قانوونى يا ئه‌ندامێن په‌رله‌مانێ تمام بوويه بۆ ئه‌نجامدانا كۆمبوونێ.
هه‌ڤده‌م په‌رله‌مانێ عيراقێ پرۆسا ده‌نگدانێ بۆ مادا ئێكێ ژ پرۆژه قانوونا بودجا عيراقێ يا ده‌ستپێكرى.
فراكسيۆنێن كوردستانى ژبه‌ركو به‌رژه‌وه‌نديێن هه‌رێما كوردستانێ دوى پرۆژه قانوونێ دا ل به‌رچاڤ نه‌هاتينه وه‌رگرتن، بايكۆتا كۆمبوونا په‌رله‌مانێ عيراقێ يا كرى.
به‌رى نوكه چه‌ندين په‌رله‌مانتارێن كورد ل په‌رله‌مانێ عيراقێ راگه‌هاندبوو كو پرۆژێ قانوونا بودجا عيراقێ دبه‌رژه‌وه‌نديا كوردان دا نينه وسه‌ره‌كى ترين داخوازيا كوردان ئه‌وه كو 17% ژ بودجا عيراقێ بۆ هه‌رێما كوردستانێ بهێته دياركرن.
رۆژا نه‌ورۆزێ بارانه
ئه‌ڤرۆ نیوز ، نه‌وزاد هلۆرى:
ب گۆره‌ى مالپه‌رێ سه‌ره‌كیێ كه‌شناسیا جیهانى ( accuweather )، رۆژا ئێكێ یا جه‌ژنا نه‌ته‌وى یا گه‌لێ كورد ( نه‌وروز ) دێ بیته باران.
مالپه‌رێ ناڤبرى به‌لاڤكريه كو پله‌یا گه‌رماتیێ ل 21/3/2018، دێ 16 پله بیت و پله‌یا نزم ژى دێ 7 پله بیت ، به‌لێ رۆژا 22/3/2018 كو دبيته رۆژا دويێ يا نه‌وروزى گه‌ش و هه‌وا دێ بۆ عه‌ور و هه‌تاڤ هێته گوهۆرین و رۆژا 22/3/2018 ئانكو رۆژا سيێ نه‌وروزێ ب تهمامى دێ بیته هه‌تاڤ.
ب رێیا ڤى لینكى زانیاریێن زێده‌تر وه‌ربگرن:
پشكا په‌یوه‌ندیان ل گه‌ل كۆمسیۆنا هه‌لبژارتنان و رێكخراوێن جڤاكی مه‌ده‌نی كۆمبوو
ئه‌ڤرۆنيوز:
به‌رپرسێ په‌یوه‌ندیان ل پارێزگه‌ها دهوكێ، هه‌ژار ئه‌حمه‌د شاكر، دگه‌ل ئۆفيسا دهۆكێ يا كۆمسیۆنا بلند یا هه‌لبژارتنان ل عيراقێ و رێكخراوێن جڤاكێ مه‌ده‌نی كۆمبوو.
ل به‌راهیێ به‌رپرسێ په‌یوه‌ندیان به‌حسێ گرنگیا پرۆسا هه‌لبژارتنان بۆ موكمكرنا سه‌نگێ هه‌رێما كوردستانێ ل په‌رله‌مانێ عێراقێ كر و داكوكی ل وێ چه‌ندێ كر كو پێدڤیه ب هه‌موو شیانان خه‌لك بهێته هاندان بۆ تۆماركرنا ناڤێن خوه و قه‌ست كرنا هه‌لبژارتنان و دیاركر كو دڤێت رێكخراوێن جڤاكێ مه‌ده‌نی ڤی رۆلێ گرنگ بگێرن.
ژلایێ خوه‌ڤه یوسف سلمان، به‌رپرسێ ئۆفيسا دهۆك يا كۆمسیۆنا بلند یا هه‌لژارتنان ل عيراقێ به‌حسێ سیسته‌می نوو یێ ده‌نگدانێ و هه‌لبژراتنان و چاوانیا ده‌نگدانێ كر.
نيشاندان
WP Facebook Auto Publish Powered By : XYZScripts.com