ئه‌ڤرۆ نيوز:
سه‌رۆك كۆمارێ توركيا ره‌جه‌ب ته‌يب ئه‌ردوگان ئه‌ڤرۆ رۆژا پێنجشه‌مبى 7ى كانوونا ئێكێ گه‌هشته يونان.
سه‌رۆك كۆمارێ توركيا ره‌جه‌ب ته‌يب ئه‌ردوگان گه‌هشته يونان و بڕیارە ل گەل ئەلکسێس تسیپراش کۆم ببیت.
پێشتر ئەردوگان راگەهاند بوو کو دێ یونان د ماوێ 20 رۆژێن بهێت دا دێ هەموو وان کەسێن کودەتا کرین و رەڤینە یونان رادەستی دەولەتا تورکیا کەت.
ئامێدیێ، مەحمود نھێلی
ژ ئەنجامێ بارینا پێلەکا بەفرێ ل دەڤەرێ ئەڤرۆ 7/12/2017 رێیا دناڤبەرا ئامێدیێ، دێرەلۆک دھێتە گرت و ھاولاتی و فەرمانبەر ب پێیا ھاتن و چونێ دکەن.
نەھشەت موحەمەد فەرمانبەرێ رێڤەبەریا ئاڤا ئامێدیێ بۆ ئەڤرۆ نیوز دیار کر کو نوکە ئەو ل نێزیک ئامێدیێ کو دبێژنێ دیکلوکێ ئاسێ بووینە و ب دەھان ترۆمبێل ئاسێ ماینە و نەشێن سەرکەڤن کو پرانیا وان ژی فەرمانبەرن ب ئاسێ ماینە. وگۆت؛ ئەز فەرمانبەرم ل ئامێدیێ دەوامێ دکەم لێ ل دەمێ ڤەگەریانێ بو مال ل دێرەلۆک ئەم ئاسێ ماینە و داخاز ژی کر، کو لایەنیین پەیوەندیدار ب ھانا وانا بچن و رێکا ھاتن و چونێ ڤەکەن.
ژلایێ خوەڤە ھاشم یەحیا بەرپرسێ کەشناسیا ئامێدیێ بۆ ئەڤرۆ نیوز دیار کر ، کو ل سەرانسەرێ قەزا ئامێدیێ بەفر باریە و تا دەمژێر 12 ی نیڤرۆ پتر ژ پێنج سەمتیمێن بەفرێ ل سەنتەرێ قەزایێ بارینە و ئاشکرا کر ، کو رێژا بارانێن ئەڤ سالە ژی گەھشتیە 119 ملیمان.
ئه‌ڤرۆ نیوز ، نه‌وزاد هلۆرى:
وه‌زیرێ ناڤخوه‌یێ حوكمه‌تا هه‌رێما كوردستانێ دیار كر كو ئه‌و نها مژولێ وێ یه‌كێ نه كو هه‌موو كاروبارێن وه‌زاره‌تا ناڤخوه یا حوكمه‌تا هه‌رێما كوردستانێ بكه‌نه سیسته‌مه‌كێ ئه‌لیكترونى.
كه‌ریم شنگالى وه‌زیرێ ناڤخوه یا حوكمه‌تا هه‌رێما كوردستانێ ئه‌ڤرۆ رۆژا پێنجشه‌مبى دچارچوڤێ كونفرانسها گه‌شه‌پێدانێ دا ل هه‌ولێر دیاركر كو كاروبارێن هه‌موو وه‌زاره‌تا نافخوه دێ بنه سیسته‌مه‌كێ ئه‌لیكترونى و گۆت: (پێنگاڤا ئێكێ یا هاڤێتنا سیسته‌مێ ئه‌لیكترونى ژى دێ ل رێڤه‌به‌ریێن هاتنوچونا هه‌رێما كوردستانێ ده‌ست پێ كه‌ین، ئێدى ئه‌ڤ سیسته‌م دێ داویێ ب فایل و كاروبارێن ب رێڤه‌برنا مامه‌له‌یێن ل سه‌ر كاغه‌زێ ئینیت، ژ هه‌موو وان كاروبارێن روتینى ده‌ركه‌ڤیت).
وه‌زیرێ ناڤخوه راگه‌هاند ژى كو ئه‌و پێدڤى ب پشته‌ڤانیه‌كا دارایى یا زێده‌تر هه‌نه ژ بو بكارئێخستنا ته‌ڤایا پشكێن سه‌ر ب وه‌زاره‌تا ناڤخوه ب سیسته‌مێ ئه‌لیكترونى ڤه.
ئه‌ڤرۆ نیوز: نه‌وزاد هلۆرى:
سپێده‌یا ئه‌ڤرۆ شه‌پوله‌كا به‌فرێ ب سه‌ر سه‌نته‌رێ قه‌زا ئامێدیێ و ده‌روبه‌ران دا هات و هه‌تا نها ژى به‌رده‌وامه.
ل ئامێدیێ سێ تیمێن رامالینا به‌فرێ هاتینه پێكئینان بو رامالینا به‌فرێ ل ده‌ما گرتنا رێێن سه‌ره‌كى دناڤبه‌را هه‌موو ده‌ڤه‌رێن سنوورێ قه‌زا ئامێدیێ.
دهێته زانین ئه‌ڤ ساله ئه‌ڤه جارا چوارێ یه به‌فر ل سنوورێ قه‌زا ئامێدیێ دباریت و ئێكه‌م به‌فر ژى دزڤریت بو رێكه‌فتى 20 چریا دوویێ 2017.
ئەڤرۆ نیوز:
رێڤەبەریا گشتی یا ساقاناسی و بیڤەلەرزێ ل هەرێما کوردستانێ راگەهاند کو ل ڤان جهێن ل خوارێ دیارکری بەفر باریە:
رواندز /هندرێن – کۆرەک- برادۆست -گەلالە-حسارۆست –
مێرگە سۆر /شاخى قەلەندەر – شاخى بێداران -شاخى مێرگەسۆر
زنجیرە چیاى سەفین /لوتکەى سەرشانە
ڕانیە/چیاى کارۆخ و زینى وەرتێ کێلاو مامناوەند
ئامیدى -کانى ماسى
ئه‌ڤرۆنيوز:
دوهى ب شه‌ڤ ياريێن گه‌را شه‌شێ ودووماهيێ ژ قۆناغا كۆمان دخۆلا ئورۆپى دا هاتنه ئه‌نجامدان، يانا لێڤه‌رپۆل يا ئينگليزى سه‌ركه‌فتنه‌كا مه‌زن ل سه‌ر سپارتاك موسكۆ ب ئه‌نجامێ 7-0 تۆماركر ومانشسته‌ر سيتى تووشى شكه‌ستنا ئێكێ بوو دوێ قۆناغێ دا ل سه‌ر ده‌ستێ يانا شاختار دونيتسك يا ئوكرانى ب ئه‌نجامێ 1-2 وسه‌ركێشا خۆلا ئيتاليا يانا ناپۆلى ژخۆلێ ده‌ركه‌فت پشتى يانا فينورد روتردام يا هوله‌ندى سه‌ركه‌فتن ل سه‌ر ئيناى ب ئه‌نجامێ 2-1.
ئه‌نجامێن ياريێن دى ب ى شێوه‌ى بوون.
ريال مه‌دريد يا ئيسپانى – بوروسيا دورتموند يا ئه‌لمانى 3-2
توتنهام هوتسبێرز يا ئينگليزى – ئه‌بوێل نيقۆسيا يا قوبرسى 3-0
لايبزيگ يا ئه‌لمانى- پشكتاش يا توركى 1-2
پورتۆ يا پورتۆگالى – موناكۆ يا فره‌نسى 5-2
ماريبۆر يا سلوڤينى- سيڤيليا يا ئيسپانى 1-1
هه‌ر ئێك ژ يانين لێڤه‌رپۆل وسيڤيليا ومانشسته‌ر سيتى وشاختار دونيتسك وپشكتاش وپورتۆ وتوتنهام هوتسبێرز وريال مه‌دريد گه‌هشتنه قۆناغا چارێك دووماهيێ كو رۆژا سێشه‌مبى هه‌ر هه‌شت يانين مانشسته‌ر يونايتد وبازل وپاريس سان جيرمان وبايرن ميونخ و رۆما وشيلسى وبه‌رشه‌لونا ويوڤه‌نتۆس گه‌هشتبوونه هه‌مان قۆناغ.
ئه‌ڤرۆنيوز:
باليۆزخانا ئه‌مريكى ل به‌غدا، هوشداريه‌ك دا وه‌لاتيێن ئه‌مريكى ل عيراقێ پشتى بريارا سه‌رۆكێ ئه‌مريكى دونالد ترامپ ب دانپێدانێ ب قودسێ وه‌كو پايته‌ختا ئيسرائيلێ.
باليۆزخانا ئه‌مريكى ل به‌غدا، دبه‌ياننامه‌كێ دا دبێژيت” دانپێدانا ئه‌مريكا ب قودسێ وه‌كو پايته‌ختا ئيسرائيلێ وپلانێن ڤه‌گۆهاستنا باليۆزخانا ئه‌مريكى ژته‌ل ئه‌بيب بۆ قودسێ، دێ نه‌رازيبوون ژێ په‌يدابن ودبيت هنده‌ك ژوان نه‌رازيبوونان به‌ر ب توندوتيژيێ بچن”.
باليۆزخانا ئه‌مريكى ل به‌غدا داخواز ژ وه‌لاتيێن ئه‌مريكى ل عيراقێ كر كو” دهوشيار بن وگرنگيێ ب سلامه‌تيا خوه بده‌ن وچاڤدێريا ده‌نگوباسێن ناڤخوه‌يى بكه‌ن بۆ زانينا دووماهى پێشهاتان”.
باليۆزخانا ئه‌مريكى دبه‌يانناما خوه‌دا داخواز ژوه‌لاتيێن ئه‌مريكى ل عيراقێ كر ژى” هه‌تا راده‌كێ مه‌زن دئاگه‌هدار وهوشيار بن ورێنمايێن ده‌ستهه‌لاتا ناڤخوه‌يى بجهبينن ودوور بكه‌ڤن ژ ده‌ڤه‌رێن خوه‌نيشادان لێ په‌يدا دبن ودهوشيار وسه‌رخوه بن ل ده‌مێ نێزيكى هه‌ر كۆمڤه‌بوونه‌كێ يان نه‌رازيبوونه‌كێ يان خوه‌نيشادانه‌كا مه‌زن دبن”.
ئه‌ڤرۆنيۆز:
سه‌رۆك كۆمارا عيراقێ، برياره‌كا سه‌رۆكێ ئه‌مريكى ل دۆر هژمارتنا قودسێ وه‌كو پايته‌ختا ئيسرائيلێ ب توندى ره‌ت دكه‌ت وهوشداريێ ل دۆر ئه‌نجامێن مه‌ترسيدار يێن وێ بريارێ دده‌ت.
دبه‌ياننامه‌كێ دا، فوئاد مه‌عسووم، سه‌رۆك كۆمارا عيراقێ بريارا ئه‌مريكا يا ب فه‌رمى هژمارتنا قودسێ وه‌كو پايته‌ختا ئيسرائيلێ وڤه‌گۆهاستنا باليۆزخانا ئه‌مريكى ژ ته‌ل ئه‌بيب بۆ باژێرێ قودس ره‌تكر وهوشدارى ژى دا “ژ ده‌رئه‌نجامێن مه‌ترسيدار يێن شه‌ر وململانێ يا چه‌كدارى وپه‌ره‌سه‌ندنا تيرۆرێ كو ده‌ڤه‌ر وجيهان ب خوه‌ڤه دبينيت”.
دبه‌ياننامێ دا، سه‌رۆك كۆمارا عيراقێ” ره‌تكرنا توند يا عيراقێ بۆ ڤێ بريارێ دووپاتكر وب برياره‌كا سته‌مكار وبێ بيانو وب گۆرزه‌كێ توند ل دژى پرۆسا ئاشتيێ ل ده‌ڤه‌رێ هژمارت”.
هه‌روه‌سا رۆهنكر” ئه‌ڤ برياره پێشيلكرنه‌كا ئاشكرا يا قانوونا نێڤده‌وله‌تى وبريارين نه‌ته‌وێن ئێكگرتى يه وپێشيلكرنا مافێن ره‌وا يێن گه‌لێ فلستينێ يه”.
فوئاد مه‌عسووم، دياركر ژى”تاكه چاره‌سه‌رىا ره‌وا وسه‌رانسه‌رى يا كێشا فلستينێ، هه‌ر دێ ب دامه‌زراندنا ده‌وله‌تا فلستينى يا سه‌ربخوه‌يه وشادبوونا فلستينيان ب مافێن خوه ل سه‌ر بنه‌مايێ زڤرين بۆ هێلا 4 حوزه‌يرانا 1967 كو پايته‌ختا وێ قودسا پيرۆز بيت”.
دونالد ترامپ سه‌رۆكێ ئه‌مريكا به‌رى دچه‌ند ده‌مژمێران ب فه‌رمى قودس وه‌كو پايته‌ختا ئيسرائيلێ هژمارت وفه‌رمانا ڤه‌گۆهاستنا باليۆزخانا ئه‌مريكا بۆ قودسێ ده‌ركر، ئه‌ڤه ژى دهێت وه‌كو بجهئينان بۆ سۆزێن وى داين ل ده‌مێ هه‌وا هه‌لبژارتنێن سه‌رۆكاتيا ئه‌مريكا.
ئه‌ڤرۆ نیوز:
دۆنالد ترامپ، سه‌رۆكێ ئه‌مریكا گۆتارا خوه یا چاڤه‌رێكری ل دۆر ئورشه‌لیمێ (قودسێ) پێشكێش كر و راگه‌هاند: ده‌م هاتییه ئورشه‌لیمێ وه‌ك پایته‌ختا ئسرائیلێ بناسینین.”
ئێكسه‌ر پشتی گۆتارا وی خوه‌نیشاندان ل چه‌ندین وه‌لاتێن ئیسلامی ده‌ست پێ كر.
ل رامه‌لایا فه‌لستینێ خوه‌نیشاندانێن مه‌زن ده‌ست پێ كرن و ل سته‌نبولێ ژی خه‌لك ل هه‌مبه‌ری كۆنسولخانه‌یا ئه‌مریكا كۆم بوون و نه‌رازیبوون ده‌ربری.
نيشاندان