ئه‌ڤرۆ نيوز:

ئه‌ڤرو  فه‌رهاد ئه‌مین ئه‌تروشی پارێزگه‌رێ‌ دهوكێ‌ هه‌ڤدیتنه‌ك دگه‌ل خاتوون(سیرینا موری ) كونسلا وه‌لاتێ‌ ئیتالیا ل هه‌رێما كوردستانێ‌ كر .
دهه‌ڤدیتنێ‌ دا به‌حسێ‌ ره‌وشا پارێزگه‌ها دهوكێ‌ دبوارێن خزمه‌تكاری دا وئه‌و هاریكاری وپشته‌ڤانیا حكومه‌تا ئیتالیا ب رێكا كونسلخانا وه‌لاتێ‌ خو ل هه‌ولێرێ‌ وبرێكا رێكخراوێن ئیتالی پێشكێش دكه‌ت ب تایبه‌تی دوارێ‌ ساخله‌میێ‌ دا هاته‌ كرن.
پارێزگه‌رێ‌ دهوكێ‌ سوپاسیا وه‌لاتێ‌ ئیتالیا وكونسلا وی وه‌لاتی كر هه‌مبه‌ر وێ‌ پشته‌ڤانیا ل پروژێن خزمه‌تكاری دكه‌ن نه‌خاسمه‌ كه‌رتێ‌ ته‌ندورستی وده‌ست خوشى ل هه‌موو رێكخراوێن ئیتالی كر ئه‌وێن پروژێن مروڤایه‌تی وخزمه‌تكاری ل سنورێ‌ پارێزگه‌هێ‌ ئه‌نجامداين وخواست كو وه‌لاتێ‌ ئیتالیا قه‌بارێ‌ وێ‌ هاریكاری وپشته‌ڤانیا پێشكێش دكه‌ت زێده‌ كه‌ت وسه‌كته‌رێن دن ژی مفاداربن، دا باشتر خزمه‌تكاری بو وه‌لاتیان بهێنه‌ پێشكێشكرن.
هه‌ژی گوتنێ‌ یه‌ كو حكومه‌تا ئیتالیا ب رێكا كونسلخانا خو ل كوردستانێ‌ ورێكخراوێن ئیتالی پشته‌ڤانیا چه‌ندین پروژێن ته‌ندورستی ل سنورێ‌ پارێزگه‌ها دهوكێ‌ كریه‌ ژوانا به‌رفره‌هكرن و نویژه‌نكرنا نه‌خوشخانا هیڤی یا زاروكان .

ئه‌ڤرۆ نيوز: ره‌وان نهێلى:

كومسيونا بلندا سه‌ربخوه‌يا هه‌لبژارتن و راپرسيان ل هه‌رێما كوردستانێ فه‌رمانگه‌ها دهۆك، دياركر كو خشتێ دابه‌شكرنا پاداشتێن فه‌رمانبه‌رێن روژا ريفراندۆمێ دێ ب ڤى ره‌نگى بيت:

1ـ قه‌زا دهوك و سێمێل
2ـ قه‌زا زاخو
3ـ قه‌زا ئاكرێ
4ـ قه‌زا ئامێدیێ
5ـ قه‌زا شێخان و به‌رده‌ره‌ش، سوباهی دێ ل ده‌مژمێر 11 ی سپێدێ ده‌ست ب دابه‌شكرنێ هێته‌كرن تا ده‌مژمێر 4 ئێڤاری،، و روژانێن دیڤدا دێ ل ده‌مژمێر 9 ی سپێدێ ده‌ستپێكه‌ت تا ده‌مژمێر 4ى ئێڤاری.

كومسيونا بلندا سه‌ربخوه‌يا هه‌لبژارتن و راپرسيان ل هه‌رێما كوردستانێ فه‌رمانگه‌ها دهۆك دياركريه‌ كو  کەس ل پێش کەسێ ڤە پارا وەرناگریت و دڤێت كوپیەکێ ژ ناسناما بارێ شارستانی ل گه‌ل بيت.