ئه‌ڤرۆنيوز، سالار دۆسكى:
ئه‌ندامه‌كێ په‌رله‌مانێ كوردستانێ راگه‌هاند، كۆمبوونێن سه‌رۆك وه‌زيرێن هه‌رێما كوردستانێ ل گەل سەرۆك وەزیرێن عیراقێ ژئاليێ دبلوماسی ڤه گەلەك دگرنگن.
فه‌رسه‌ت سوفى، ئه‌ندامێ په‌رله‌مانێ كوردستانێ ژ فراكسيۆنا پارتى بۆ ئه‌ڤرۆ نيوز گۆت” كومبوونێن ل گەل حه‌يده‌ر عەبادی سه‌رۆك وه‌زرێن عيراقێ، دڤێت بەرهەم بۆ هه‌بيت و ئه‌م چاڤەرێی وێ چەندێ دكەین كو ڤان كۆمبوونان ئەنجامێن كريارى بۆ هه‌بن”.
ئه‌ڤرۆنيوز:
نوشداره‌كێ پشكا نەخوه‌شیا شەکرێ ل ئاکرێ دیارکر کو ب شێوەکێ گشتی نەخوه‌شیا شەکرێ بۆ چه‌ندين ئه‌گه‌ران دزڤريت كو ژ وان ئەگەران ژی قەلەوی یە، ھندەک کەس ژی یێن ھەین پشتی دەرمانان کاریگەری لێ دھێتەکرن تووشی نەخوه‌شیا شەکرێ دبن، ھەروەسا ترس و خەمباری، یان ژی روودانەکا نەچاڤەرێکری دبیت ب ڤان ئەگەران تووشی نەخوه‌شیا شەکرێ دبن.
حەردان ئەحمەد، نوشدار ل پشكا نەخوه‌شیا شەکرێ ل ئاکرێ بۆ نوش نيوز دياركر كو چه‌ندين جۆرێن نه‌خوه‌شيا شه‌كرێ يێن هه‌ين ئه‌وژى:
ئاماژه دا كو جۆرێ ئێکێ ژ ھەموویان مەترسيدارتر و خرابترە كو ئەڤ جۆرێ نه‌خوه‌شيا شه‌كرێ زارۆيان ڤەدگریت، چونکى ھەتا رۆژەك ژ ژیێ وی مایە، دێ ئەنسولینێ ب کارئینیت، کو ل ژیێ ئێك رۆژیێ ڤەدگریت ھەتا 25 ساليێ، پشتی ژیێ 20 سالیێ هه‌كه تووشی نەخوه‌شیا شەکرێ بوو، ئەو دبیتە جورەکێ دی. ھەروەسا جۆرێ دويێ چارەسەری حەبن و هه‌كه پێدڤی ئەنسولینێ بوو، وی دەمی دێ بو هێته دانان.
ل دۆر نيشانێن نه‌خوه‌شيا شه‌كرێ، نوشدار حه‌ردانى گۆت” گه‌له‌ك هاتنا ده‌ستئاڤێ د هه‌موو ژيانا وى كه‌سێ تووشى نه‌خوه‌شيێ بووى، زێده‌بارى هشكبوونا ده‌ڤى”.
سه‌باره‌ت كارتێكرنا خوارنێن شرین ل سەر ڤێ نەخوه‌شیێ، گۆت” ئەو کەسێ نەخوه‌شیا شەکرێ ھەبیت، نابیت شریناھیا بخوه‌ت، چونکى دێ کاریگەری ل سەر ھەبیت، لێ ئەو کەسێ نەخوه‌شیا شەکرێ نەبیت و یێ ئاسايی بیت، ھندی خوارنێن شریناھیان بخوه‌ت نابیتە ئەگەر کو نەخوه‌شیا شەکرێ بۆ پەیدا بیت، ئەوێ شەکر نەبیت ب پله‌يا 86 ھەتا 110ێ ئەڤە یێ ئاسايی یە، د هنده‌ك ره‌وشان دا دبیت بلندتر ببیت، لێ يا ده‌مكي يه، ناھێلیت بلند بیت، بهلێ ئەو کەسێ شەکر ھەبیت، نابیت ب چ شێوەکێ وان تشتان بخوه‌ت کو شەکر تێدا بیت”.
دياركر ژى كو چارەسەریا ڤێ نەخوه‌شیێ ئەنسولین و حەبن، لێ چارەسەریا سەرەکى پارێزه ولڤينێن زێده ووه‌رزشكرن وخوه دووركرن ژ خورانێن بلندكرنا شه‌كرێ.
ل دۆر جۆرێن دى يێن چاره‌سه‌ريا نه‌خوه‌شيا شه‌كرى، ئاماژه ب ڤان جۆران كرن:
ئه‌ڤرۆنيوز:
ب هه‌لكه‌فتا 65 ساليا دامه‌زراندنا ئێكه‌تيا لاوێن ديموكراتا كوردستانێ، مه‌كته‌با سياسى يا پارتى ديموكراتى كوردستان برۆسكه‌كا پيرۆزباهيێ ئاراسته‌ى ئێكه‌تيا لاوان كر.
مه‌كته‌با سياسى يا پارتى د برۆسكا خوه دا دبێژيت” ئومێده‌وارين هه‌رده‌م دبه‌رده‌وام بن دكار وچالاكى وبزاڤێن خوه دا وسه‌ركه‌فتنا زێده‌تر بۆ ته‌خا لاوان بده‌ستڤه بينن”.
دياركر ژى” خه‌باتا بهردهوام يا كاروانێ ئيكه‌تيا لاوان جهێ شانازيێ يه كو شياى رێكخراوه‌كا كاريگه‌ر وگرنگ وكۆمكه‌را هێز وشيانێن هه‌موو لاوێن كوردستانێ بيت وكار وچالاكيێن خوه زێده‌تر پێشڤه ببه‌ت وب ده‌هان كه‌سايه‌تى وسه‌ركرده وسياسه‌تمه‌دارێن ژێهاتى پێشكێشێ مه‌يدانا خه‌باتێ بكه‌ت”.
دبرۆسكا مه‌كته‌با سياسى يا پارتى دا هاتيه ژى”پێدڤيه ته‌خا لاوان مل ب ملێ ته‌خێن دى، هێز وشيان وهه‌موو بزاڤێن خوه بكاربينن بۆ خزمه‌تكرنا دۆزا ره‌وا يا گه‌لێ مه وپاراستنا ده‌ستكه‌فتان”.
خوياكر ژى” بێگومان ره‌وشائه‌ڤرۆ يا هه‌رێما كوردستانێ گه‌له‌ك يا هه‌ستيار وچاره‌نڤيسسازه، ئه‌ڤ چه‌نده ژى ژ هه‌موو لايه‌كى دخوازيت ب به‌رپرسيارانه ئه‌ركێن خوه يێن نهتهوى ونيشتمانى ئه‌نجام بده‌ين وژ پێخه‌مه‌ت به‌رژه‌وه‌نديێن بلند يێ گهل ووه‌لاتێ مه خه‌مسارى دگيانفيدايێ وخه‌باتێ دا نه‌كه‌ن”.
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ راگه‌هاند، ره‌وشا ئه‌منى يا ده‌ڤه‌رێن داگيركرى گه‌له‌ك يا خرابه وحوكمه‌تا عيراقێ يا به‌رپرسياره ژ سه‌قامگيريا وان ده‌ڤه‌ران.
مه‌سرور بارزانى، شيره‌تكارێ جڤاتا ئاسايشا هه‌رێما كوردستانێ گۆت” پشكداريا مه د كۆربه‌ندێ نێڤده‌وله‌تى وێ رامانێ دده‌ت كو هه‌رێما كوردستانێ گرنگيا خوه دپرسا ئاسايشا نێڤده‌وله‌تى دا يا هه‌ى ب تايبه‌تى ئاسايشا ده‌ڤه‌را مه، نوكه جهێ روودانێن گه‌رمه”.
مه‌سرور بارزانى زێده‌تر بۆ باسنيوز گۆت” پشكداريا مه وده‌ربرينا بۆچوون وگوهدانا مه بۆ بۆچوونان ونێزيكبوون ورێكخستنا كارێ هه‌ڤپشكێ ئاسايشێ، هه‌موو دگرنگن، ئه‌وا پێدڤى بهێته كرن وهه‌ماهه‌نگيا ده‌زگه‌هێن ئه‌منى ل ئاستێ ده‌ڤه‌رێ ونێڤده‌وله‌تى بهێنه گرێدان”.
سه‌باره‌ت ره‌وشا ده‌ڤه‌رێن كوردستان يێن دبن ده‌ستهه‌لاتا هێزێن عيراقى ڤه، مه‌سرور بارزانى ئاشكراكر” ئهو ده‌ڤه‌رێن داگيركرى پشتى 16ئوكتۆبه‌رێ، ره‌وشا ئاسايشا وان گه‌له‌ك يا خراب بووى، ئاسايشا هه‌رێما كوردستانێ پێشتر ئهو ده‌ڤه‌ر دپاراستن، نوكه دده‌ستێ هه‌رێما كوردستانێ دا نه‌ماينه وحوكمه‌تێ عيراقێ يا به‌رپرسياره ژ ههر تشته‌كێل وان ده‌ڤه‌ران روو بده‌ت”.
ل دۆر كۆمبوونا دناڤبه‌را شاندێ هه‌رێما كوردستانێ وحه‌يده‌ر عه‌بادى سه‌رۆك وه‌زيرێن عيراقێ ل ميونشين ل ئه‌لمانيا كو ئه‌ڤرۆ هاتيه ئه‌نجامدان، مه‌سرور بارزانى گۆت” بۆ چاره‌سه‌ركرنا كێشێن وه‌كو فرۆكخانه وبابه‌تێن مووچێ چه‌ند وه‌زاره‌تان كو حوكمه‌تێ دانوستاندن ل سه‌ر كرينه، پێشكه‌فتن يا هه‌ى وهنده‌ك سۆز يێن هه‌ين، بهلێ هه‌تا نه‌هێنه بجهئينان، مرۆڤ نه‌شێت چو تشته‌كى ل دۆر وان سۆزان بێژيت”.
ئه‌ڤرۆنيوز:
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ ئاگه‌هداريه‌كێ بۆ هه‌موو شوفێران به‌لاڤ دكه‌ت وتێدا دبێژيت كو ئه‌ڤ شه‌ڤه دێ بارانه‌كا ب هێز ل چه‌ندين ده‌ڤه‌رێن هه‌ريما كوردستانێ باريت.
ريڤه‌به‌ريا ناڤبرى ئه‌ڤرۆ شه‌مبيێ 17/2/2018، ئاگه‌هداريه‌ك ل به‌رپه‌رێ خوه يێ فه‌رمى ل سه‌ر تۆرا جڤاكى يا فه‌يسبووكێ به‌لاڤكريه وتێدا به‌حسێ وێ چه‌ندێ دكه‌ت كو ژبه‌ر كێمبوونا ئاستێ بينينێ ژبه‌ر باران بارينا ب هێز كو چاڤه‌رێ يه ئه‌ڤ شه‌ڤه روو بده‌ت، داخواز ژ شوفێران دكه‌ين خوه ژ لێخۆرينا ترومبێلێ ئاگه‌هدار دكه‌ين ب تايبه‌تى ل رێيێن ده‌ره‌كى بۆ سلامه‌تيا گيانێ وان.
ئه‌ڤرۆ نیوز ، نه‌وزاد هلۆرى:
دو وه‌لاتیێن سه‌نته‌رێ ناحیا دینارته یا سه‌ر ب قه‌زا ئاكرێ ڤه وه‌كو ئه‌ركه‌كێ نیشتمانى و نهتهوى رابوینه ب سه‌رژمێریكرنا سه‌نته‌رێ ناحيێ و پشتى سێ هه‌یڤان ژ كاركرنێ ئه‌نجامێن وێ دانه دهست جهێن شوله‌ژێ.
دلشاد ده‌روێش، ئهو وه‌لاتیه كو ل گهل بابێ خوه سه‌رژمێرى ئه‌نجامداى بۆ ئه‌ڤرۆ نیوز گۆت” وه‌كو ئه‌ركه‌كێ نیشتمانى و نه‌ته‌وهى ، من و بابێ خوه ب فه‌ر دیت كو سه‌رژمێریا خه‌لكێ سه‌نته‌رێ ناحیا دینارته بكه‌ین ، ل ده‌مێ سێ هه‌یڤان مه كارێ خوه ب دووماهى ئينا وئه‌و سه‌رژمێرێ مه بۆ ئاليێن شوله‌ژێ ڤرێكر”.
زێده‌تر گۆت” ئه‌ڤه چه‌ندین ساله ئه‌ز و بابێ خوه سه‌رژمێریا سه‌نته‌رێ ناحیا دینارتێ ژ روویێ مرۆڤ و ئاژه‌ڵ و چه‌ند بياڤين دى دكه‌ین، بهلێ ئه‌ڤ ساله ژبه‌ر قه‌یرانا دارایى مه نه‌شیا ژ هه‌موو بياڤان ڤه بكه‌ین بتنێ ژ روویى ئاكنجيان مه سه‌رژمێرى ئه‌نجامدایه و هه‌كه ئاليێن شوله‌ژێ وه‌كو ژ مه داخوازكرى هاریكارى كربایه، ئه‌م دا شێين ژ هه‌موو بياڤان ڤه سه‌رژمێریا سه‌نته‌رێ ناحیا دینارته كه‌ین”.
ب گۆره‌ى ئاخڤتنێن ناڤبرى، خێزانێن سه‌نته‌رێ ناحیا دینارته به‌راورد ل گهل سالێن بۆرى به‌ر ب زێده‌بوونێ یه و ل دۆر ئه‌نجامێن سه‌رژمێریێ ژى گۆت” سه‌نته‌رێ ناحیا دینارته ژ شه‌ش كۆلانان پێكدهێت و هزار و 174 خێزان تێدا دژین كو پێكدهێن ژ شه‌ش هزار و 200 كه‌سان ، كو ئهو ژى دو هزار و 951 كه‌س ژ ره‌گه‌زێ نێر و سێ هزار و 249 كه‌س ژى ژ ره‌گه‌زێ مێنه ، هژمارا وان كه‌سێن كو دبن ژیێ 18 سالیێ دا، هزار و ئێك كه‌سن كو دبیته 48،40% و هژمارا وان كه‌سانێن كو ل سه‌ر ژیێ 18 سالیێ دانه دبیته 51،60% ،و سه‌رجه‌مێ گشتیێ ئاكنجيێن سه‌نته‌رێ ناحیا دینارته ب رێژا 47،60% نێرینه‌ن و ب رێژا 52،40% مێینه‌ن”.
ئه‌ڤرۆنيوز:
سه‌ره‌راى كو دتۆرێن جڤاكى دا وه‌كو تويته‌رى وفه‌يسبووكى، ب به‌رده‌وامى چالاكى وبزاڤێن وى ب چه‌ندين زمانان دهێنه به‌لاڤكرن، مالپه‌ره‌كێ تايبه‌ت ژى ب ناڤێ سه‌رۆك بارزانى هاته ڤه‌كرن.
مالپه‌رێ فه‌رميێ سه‌رۆك مه‌سعود بارزانى، دێ يێ تايبه‌ت بيت ب به‌ياننامه وده‌نگوباس وچالاكيێن وى وب هه‌رسێ زمانێن كوردى وعه‌ره‌بى وئينگليزى.
ئه‌ڤ مالپه‌ره ل شوونا مالپه‌رێ سه‌رۆكاتيا هه‌رێما كوردستانێ، دێ نووته‌رين چالاكيێن سه‌رۆك بارزانى به‌لاڤكه‌ت.
ل دۆر ڤه‌كرنا مالپه‌رێ وى يێ تايبه‌ت، سه‌رۆك بارزانى دبه‌رپه‌رێ خوه ل سه‌ر تۆرا جڤاكى يا تويته‌رى دبێژيت” مالپه‌رێ من يێ تايبه‌ت كه‌فته كارى ونووترين به‌ياننامه وده‌نگوباس دێ تێدا هێنه به‌لاڤكرن”.
بۆ ديتنا مالپه‌رێ نوو يێ سه‌رۆك بارزانى كليك بكه ل سه‌ر:
https://www.masoudbarzani.krd/ku/index
ئه‌ڤرۆ نيوز:
د په‌راوێزاكۆنفرانسێ 54 يێ ئاسايشا ميونشن، نێچیرڤان بارزانی و مه‌سرور بارزانی ل گهل حه‌يده‌ر عه‌بادى سه‌رۆك وه‌زيرێن عيراقێ كۆم بوون، برياره شاندێ هه‌رێمێ كێشێن ناڤبه‌را هه‌ولێر و به‌غدا شرۆڤه بكه‌ن و ل دۆر ئه‌نجامێن راگه‌هاندنێ لايه‌نێ كوردستانێ و لايه‌نێ عيراقێ راگه‌هاندنه‌كێ به‌لاڤ بكه‌ن.
ئەڤرۆ نیوز:
یا ب زەحمەتە مرۆڤ بزانیت کو کەسەک عاشقێ مرۆڤیه،بێی کو ئەو کەسە ب خوە بێژیتە مرۆڤی، بهلێ هندەک ره‌‌فتار و لڤینێن جۆدا یێن وی کەسێ ل هەمبەری تە،دێ وەکەن کو زۆر ب ساناهی بۆتە ئاشكرا بیت،کو ئەو کەسە عاشقێ تەیە و هه‌‌ستەکێ جیاواز بۆتە هه‌‌یه.
ئه‌‌ڤە پێنج ره‌‌فتارێن زەلامانە دسه‌‌لمینن کو عاشقێن كه‌‌سەکێنه:
. بەرێخوەدان: بێگومان بەرێخوەدانا کوری بۆ وێ كه‌‌سا خۆش دڤێت،یا جیاوازه ژ ههر كه‌‌سەکێ دیتر و سه‌‌رنجەکا هشیاریێ تێداهەیه،ب گشتی دەمێ کور دبیتە عاشقێ كچەکێ،دێ سه‌‌رنجا ده‌‌نگی و شێوازێ ئاخفتنێ و هشیارترین لڤینێن وێ بیت.
لڤاندنا دەڤی: دەمێ ئهو کورێ کو حەز ژتە دکەت و ل گەل تە د ئاخڤیت،دەڤێ خوە پیچەکێ ڤەدکەت و ب دەنگەکێ نزم د ئاخڤیت.
. دهست: چونكی یێ دودلە و د لەرزیت ل دەمێ ل گەل وێ کەسا ئەو حەز ژێ دکەت د ئاخڤیت،لەوما دێ دەستێ خوە کەتە د بەریکێن خوەدا و دێ خوە پێڤە مژۆل کەت.
. دێ خوە نێزیکی تەکەت: بهردهوام دڤێت خوە نێزیکی تە بکەت،دێ وان جهان بۆ روونشتنێ هەلبژێریت،یێن نێزیکی تە،داکو تە ب باشترین شێوە ب بینیت.
.قه‌‌بارێ بەرێخوەدانا چاڤا:هەکە ل گهل تە ئاخفت و ب چاڤ هووری بەرێخوە داتە،یێ دیاره کو هیچ هه‌‌ستەک بۆتە نینه، بهلێ هەکە چاڤێن خوە باش ڤەکرن،ب رەنگەکێ سەرنجراکێش بەرێخوەداتە،یێ دیارە کو عاشقێ تەیە.
نيشاندان