ئه‌ڤرۆنيوز:
تايبه‌تمه‌نده‌كێ نه‌خوه‌شيێن گشتى دياركركو لاوازيا هه‌ستيێن زارۆيان ئه‌گه‌رێن جودا يێن هه‌ين، هنده‌ك جاران ده‌مكى يه وديسا كێمبوونا ڤيتامينان ژى دبيته ئه‌گه‌ر.
ئه‌يوب عه‌بدولا،نوشدارێ تايبه‌تمه‌ندێ نه‌خوه‌شيێن گشتى ل ئاكرێ بۆ (نوش نيوز) گۆت” ئه‌گه‌رێ هه‌رى به‌ربه‌لاڤ يێ لاوازيا هه‌ستيێن زارۆيان كێمبوونا ڤيتامين D يه، ئه‌و ڤيتامين ژى د ناڤ شيرى دا ب رێژه‌كا باش يا هه‌ى” دياركر ژى” تيشكێن رۆژێ ژى ئه‌و دوهنێ ل بن پيستێ مرۆڤ د گوهۆڕيت بۆ ڤيتامين D”.
زێده‌تر دبيژيت “ ژێده‌رێ سه‌ره‌كى يێ ڤێ ڤيتامينێ شير و په‌نير و ماسى و مێلاك و زه‌ركا هێكێ يه”. دا زانين ژى كو پێدڤيه زارۆ رۆژانه ده‌مه‌كى ل به‌ر هه‌تاڤێ بهێته دانان كو كێمتر نه‌بيت ژ 10 خۆله‌كان، دا تووشى كێمبوونا ڤێ ڤيتامينێ نه‌بيت ودبێژيت “باشتر ئه‌وه ده‌مێ ل به‌ر هه‌تاڤێ دهێته دانان، جلكان ژ به‌ر بكه‌ن دا كو تيشكێن رۆژێ باشتر بگه‌هنه له‌شێ وى”.
تايبه‌تمه‌ندێ نه‌خوه‌شيێن گشتى ئاشكه‌را دكه‌ت هه‌كه ب ئه‌گه‌رێ هه‌ر نه‌خوه‌شيه‌كێ هه‌ستيێن زارۆكى لاواز بوون، ئانكۆ نه‌خوه‌شيا هه‌ستى نه‌رميێ هه‌بوو، پێدڤيه زوو ژ لايێ تايبه‌تمه‌نده‌كێ نه‌خوه‌شيێن زارۆيان ڤه بهێته چاره‌كرن.
نيشاندان