ئه‌ڤرۆنيوز، نه‌وزاد هلۆرى
جوره‌كێ به‌رى ل گوندێ گوهه‌رزێ يێ سه‌ر ب ناحیا دێره‌لوكێ ل سنوورێ قه‌زا ئامێدیێ هاته دیتن ، ژ به‌ر هه‌بوونا هنده‌ك مادێن كێمیایى ئاگر به‌ردبیتێ ، وه‌كو وه‌لاتى ددن دیاركرن ب كێر خوه پێ گه‌مكرنێ دهێت د وه‌رزێ زستانێ دا.
كارڤان گوهه‌رزى، وه‌لاتیه‌كێ گوندێ ناڤبریه دیاركر كو وان ئه‌ڤ جۆره به‌ره ب به‌رێ ره‌ژیێ یان ره‌ژیا به‌رى ناڤكریه و ل دۆر ئاشكراكرن و بكارئینانا ڤى به‌رى بۆ ئه‌ڤرۆ نیوز گۆت” ئه‌م چه‌ند هه‌ڤاله‌ك پێكڤه چوینه جهێ گوندێ خوه يێ كه‌ڤن و ل ده‌ما چێكرنا خوارنێ مه جۆره به‌ره‌ك وه‌كو كۆچك بكارئینا ، به‌لێ ئاگر به‌ربویه به‌رى و دوكێله‌كا ره‌ش ژێ چو، پشتى مه دووڤچوون ل سه‌ر كرى و پرسیارا باب و باپیرێن خوه كرى، دیاربو كو ئه‌ڤ جۆره به‌ره ب به‌رێ ره‌ژیێ یان ژى ره‌ژیا به‌رى دهێته ناڤكرن و دبه‌رێ دا گوندیان بۆ خوه گه‌رمكرنێ ل وه‌رزى زڤستانێ بكاردئینا”.
زێده‌تر گۆت” هه‌ركه‌سێ بڤێت ڤى جۆرێ به‌رى بكاربینیت، دشێت سه‌ره‌دانا گوندێ گوهه‌رزێ بكه‌ت و ب رێیا شكاندنا به‌رى ، پارچێن به‌رى ژ كه‌ڤرێن مه‌زن ژێڤه بكه‌ت و ل گه‌ل خوه ببه‌ت مال”.
نيشاندان