ئه‌ڤرۆنيۆز:
ب گشتى ئه‌و كه‌سێن كارێن وان ل سه‌ر كومپيوته‌رى وگه‌له‌ك دروونن، پێدڤيه گه‌له‌گ ئاگه‌هدارى ساخله‌ميا خوه بن، چونكى ئه‌گه‌رێ تووشبوونا وان ب نه‌خوه‌شيێن بربران يان كزبوونا چاڤى يا هه‌ى.
بۆ وێ چه‌ندێ ژوان نه‌خوه‌شيان دوور بكه‌ڤى، پێدڤيه دناڤ كارێ خوه دا ده‌مه‌كى ببينى بۆ ئه‌نجامدانا ڤان راهينانێن سڤك ئه‌وێن د ڤێ پارچه ڤيديۆيێ دا.
ئه‌ڤرۆ نيوز:
ھونەرمەندا سترانبێژا جانێ حەیران، د دیدارەکێ دا بۆ رۆژناما ئەڤرۆ گۆت: دەمەکە دووماھی بەرھەمێ من ب ناڤێ (لێ لێ ئانێ) کو ژ یازدە تراکان پێک دھێت گەھشتیە قوناغا دووماھیێ و ل ھیڤیا دەمەکێ گونجای بووم کو بەلاڤ بکەم، بەلێ مخابن ئەو بەرھەم کەفتە دەستێ کومپانیا تەک تەک ل وەلاتێ تورکیا و ھاتیە دەستە سەرکرن و راگرتن.
جانی گۆت: ژبەر گۆتنا سترانێن کوردی یێن نەتەوەی ل باشۆرێ کوردستانێ بەرھەمێ من ل وەلاتێ تورکیا ھاتیە راگرتن، و ب گۆژمەکێ مەزنێ پارەی ژی ھاتیمە سزادان و بەرھەمێ من ژی ھێشتا نەزڤراندیە، و دبێژنە من تە ستران ب رێفراندۆما سەربەخوەیا کوردستانێ گۆتینە، لەورا ھەتا پارەی نەدەی بەرھەمێ تە ناھێتە زڤراندن، ئەڤجا نەچار بووم 15 دەفتەرێن دۆلارێ ئەمریکی ژ بەر خاترا وەرگرتنا بەرھەمێ خوە بدەمە وێ کومپانیێ ل تورکیا بەلێ ھێشتا بەرھەمێ من نەزڤراندیە و ئەز چاڤەرێ مە، و گۆت: وان بریار دایە پشتی وەرگرتنا وی گۆژمێ پارەی ل مەھا 12 یا ئەڤ سالە بەرھەمی َمن کو سیدیە و ژ 12 تراکان پێک ھاتیە و کارێ دەنگ و مۆزیکێ ب دووماھی ھاتیە من نەڤێـت مەزاختن، ھەروەسا وەستیانا من ب ھەروە بچیت ب بھانەیا وێ چەندا مە ل سەری دیارکری، ھەروەسا چوونا من بۆ ئیستەنبۆلێ و باکۆرێ کوردستانێ ژی ھاتیە قەدەغەکرن ھەردەمێ بچم دێ من دەستەسەرکەن.
ئه‌ڤرۆ نيوز:
ھونەرمەندێ سترانبێژ عەبدولقەھار زاخۆیی، د دیدارەکێ دا بۆ ئەڤرۆ دیارکر: وی 14 ستران بۆ بەرھەمێ خوە یێ نوو ئامادەکرینە، بەلێ ھەتا کاودان خوەش بن دێ ژ نوو بەلاڤ کەت، و گۆت: ھەتا نوکە من چ ناڤ بۆ ڤی ئەلبۆمێ نەداناینە، و پتریا سترانێن ڤی بەرھەمی ژ پەیڤێن (ئەدیب چەلکی) و (خالد عەلی سلێڤانەیی) نە و من ژی ھندەک کار د سترانێن ڤی بەرھەمی دا کریە.
ناڤھاتی خوەیا کر: کو ستران ب زارێ سۆرانی ژی د ناڤ بەرھەمێ وی دا ھەنە، و ب گۆتنا وی: چونکو وی جەماوەر ل ھەولێرێ و سلێمانیێ ژی ھەیە، بەلێ ھەتا نوکە داخازا پشتەڤانیێ بۆ چێکرنا بەرھەمێ خوە ژ چ کەسان نەکریە، لێ جھێ خوەشحالیا وی یە ھەکە کۆمپانیەک خوە ل چێکرنا بەرھەمێ وی بکەتە خودان و گۆت: پشتی ل ھەیاما بۆری رەوشا ساخلەمیا من تێکچووی و چارەسەرەیا من ژ لایێ نۆشداران ڤە ھاتیەکرن نوکە رەوشا ساخلەمیا من ھەتا رادەکی یا باشە.
عەبدولقەھار گۆت: ھەکە ھونەرمەند چ بەرھەمان بۆ جەماوەرێ خوە تۆمار نەکەت دڤێت ھندەک کۆنسێرتان بۆ بگێریت داکو جەماوەرێ وی ژێ خەریب نەبیت، بەلێ نوکە وەکو پێدڤی کۆنسێرت د ناڤ ھەرێما کوردستانێ دا ناھێنە گێڕان و گۆت: داخازا سترانێن دوقۆلی ژلایێ گەلەک سترانبێژێن دەنگ خوەش ڤە ژ من دھێتەکرن و ھەر دەمێ من کارەکێ جوان دیت دێ پێکڤە تۆمارکەین، و راستە ھەتا نوکە من و برایێ خوە یێ ھونەرمەند ئیسلام زاخۆیی چ کارێن ھونەری ب شێوەیەکێ فەرمی پێکڤە ئەنجام نەداینە، بەلێ ئەز حەزدکەم کارەکێ ھونەری پێکڤە ئەنجام بدەین، چونکو ئەز وەکو ھونەرمەند سەرەدەریێ ل گەل برایێ خوە ئیسلامی دکەم نە وەکو برا.
ئه‌ڤرۆنيۆز:
سه‌رۆكێ جڤاتا يه‌كبوونا راگه‌هاندنا عه‌ره‌بى دداخۆيانيه‌كێ دا بۆ ئه‌ڤرۆنيۆز راگه‌هاند، كۆمكارا وه‌لاتێن عه‌ره‌بى دوهى دكۆمبوونا خوه‌دا ل قاهيره بريارا راوه‌ستاندنا كه‌نالێن ئه‌سمانى ئه‌وێن ب سه‌ر ئيرانى ڤه ده‌ركر وخوياكر ئه‌و ل هيڤيا ليسته‌كا فه‌رمى نه ب ناڤێ وان كه‌نالان بۆ به‌لاڤكرنا وێ.
جڤاتا كۆمكارا عه‌ره‌بى پشتى ئيران تۆمه‌تباركرى ب ده‌ستێوه‌ردانێ دكاروبارێن وه‌لاتێن عه‌ره‌بى دا، بريارا راوه‌ستاندنا به‌خشێ كه‌نالێن ئه‌سمانى ئه‌وێن ژلايێ ئيرانێ ڤه پشته‌ڤانيا دارايى بۆ دهێته كرن ول هه‌يڤێن ده‌ستكر يێن عه‌ره‌بى به‌خش دبن ده‌ركر.
دوێ به‌ياننامێ دا هاتيه، ئه‌و كه‌نال گه‌فن ل سه‌ر ئاسايشا نه‌ته‌وى يا عه‌ره‌بى ب رێيا ئازراندنا هه‌ستێن نه‌ژادى و تايفگه‌رى ومه‌زهه‌بى.
هه‌يسه‌م عه‌لى سه‌رۆكێ جڤاتا يه‌كبوونا راگه‌هاندنا عه‌ره‌بى بۆ (ئه‌ڤرۆنيۆز) گۆت، ئه‌ڤ برياره ژ گه‌له‌ك كه‌نالێن عيراقى ولوبنانى وكه‌نالێن ئوپۆزسيۆنا كه‌نداڤى دگريت.
دياركر ژى، ئه‌م يێ ل هيڤيا ليسته‌كا فه‌رمى نه ب ناڤێن وان كه‌نالان كو دێ ژلايێ ئێكه‌تيا راديۆ وته‌له‌ڤزيۆنێن عه‌ره‌بى ڤه بۆ مه هێته هنارتن، دا ئه‌م ژى ژلايێ خوه‌ڤه به‌لاڤ بكه‌ين.
ل دووڤ هنده‌ك ئاماران ئيران پشته‌ڤانيا دارايى ل نێزيكى 30 كه‌نالێن ئه‌سمانى ل ده‌ڤه‌را رۆژهه‌لاتا ناڤه‌راست دكه‌ت.
ئەڤرۆ نيوز:
ئاخفتنکەرێ ب ناڤێ وەزارەتا ساخلەمیێ ل ھەرێما کوردستانێ دەربارەی کێمبوونا دەرمان و پێدڤیێن ساخلەمیێ بۆ سالا داھاتی، روونکرنەکێ ددەت و ئاشکەرا دکەت کو سالا بھێت کاودانێن ساخلەمیێ و دەرمان و پێدڤیێن ساخلەمیێ ل ھەرێما کوردستانآ دێ باشتر بن.
د. خالس قادر، ئاخفتنکەرێ ب ناڤێ وەزارەتا ساخلەمیا حوکمەتا ھەرێما کوردستانێ راگەھاند کو ب گۆرەی ئەو پلان و پرۆژێ ھاتیە دانان، سالا داھاتی کاودانێن ساخلەمی و دەرمان و پێدڤیێن ساخلەمیێ ل ھەرێما کوردستانێ دێ باشتر لێ ھێن.
زێدەتر گۆت: “ل سالا 2018ێ عیراق دێ پێدڤیێن ساخلەمیێ یێن ھەرێما کوردستانێ یێن جوداکرین و 175 ملیار دینار یێن بۆ پێدڤیێن ساخلەمیێ ل کوردستانێ تەرخانکرین، د دەمەکی دا ئەڤ سالە 108 ملیار دینار بوون.
ئاخفتنکەرێ ب ناڤێ وەزارەتا ساخلەمیێ ل حوکمەتا ھەرێما کوردستانێ تەکست ل سەر وێ چەندێ کر کو چو مەترسیەک ل سەر دەرمان و کاودانێن ساخلەمیێ ل ھەرێما کوردستانێ نینە و بەردەوام پەیوەندی د ناڤبەرا وەزارەتا ساخلەمیا حوکمەتا ھەرێما کوردستانێ و ساخلەمیا عیراقێ دا یا ھەیی.
سالا بۆری وەزارەتا ساخلەمیا عیراقێ رێژەکا کێم یا دەرمانان بۆ ھەرێما کوردستانێ رەوانە کربوون، ئەڤێ چەندێ دلتەنگی لێ کەفتبوو، سەرەرایی وێ چەندآ کو کاودانێن دارایی یێن ھەرێما کوردستانێ شیانێن دابینکرنا دەرمانێن پێدڤی نەبوو.
ئه‌ڤرۆنيۆز:
حوكمه‌تا عيراقێ، ئه‌ڤرۆ دوشه‌مبى، رۆهنگرنه‌ك ل دۆر هه‌لويستێ خوه يێ دژى بريارا كۆمكارا عه‌ره‌بى ده‌ركر، كو دكۆمبوونا ڤێ دووماهيێ يا كۆمكارا عه‌ره‌بى ل قاهيره ئيران وحزبوللا ب پشته‌ڤانيا تيرۆرێ تۆمه‌تباركربوون.
وه‌زاره‌تا ده‌رڤه‌يا عيراقێ، دبه‌ياننامه‌كێ دا گۆت، شاندێ وه‌زاره‌تێ ئه‌وێ پشكدارى دكۆمبوونا جڤاتا كۆمكارا عه‌ره‌بى دا كرى نه‌رازيبوونا خوه ل دۆر به‌ندێن (8و9) ژ بريارا كۆمكارى دياركربوو كو تيدا ئيران ب ده‌ستێوه‌ردان دكاروبارێن وه‌لاتێن عه‌ره‌بى دا تۆمه‌تباركربوو.
وه‌زاره‌تا ده‌رڤه يا عيراقى دبه‌يانناما خوه‌دا دبێژيت، ئه‌و هه‌ردو به‌نده تۆمه‌ته‌كا ئێكسه‌ر بۆ ئيرانێ وحزبوللا يا لوبنانى ل دۆر پشته‌ڤانيا تيرۆرێ بخوه‌ڤه دگريت وئه‌ڤ چه‌نده ل گه‌ل هه‌لويستێ عيراقێ يا رۆهن ل سه‌ر تيرۆرێ ناگونجيت.
كۆمكارا وه‌لاتێن عه‌ره‌بى دكۆمبوونا نه ئاسايى يا خوه‌دا كو دوهى ل قاهيره هاتيه ئه‌نجمدان دبه‌ياننامه‌كێ دا ده‌ستێوه‌ردانێن ئيرانێ ل ده‌ڤه‌رێ شه‌رمزاركربوو وحزبوللا يا لوبنانى ژى وه‌كو رێكخراوه‌كا تيرۆرستى هژمارتبوو.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 20ى چريا دويێ 2017ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1258 |
| 1 يۆرۆيێ ئه‌ورۆپى | 1478 |
| 1 ليرێ توركى | 328 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
دكونفرانسه‌كێ رۆژنامه‌ڤانى دا ئه‌ڤرۆ ل هه‌ولێرێ، نێچيرڤان بارزانى سه‌رۆك وه‌زيرێن هه‌رێما كوردستانێ، به‌حسێ مووچێن فه‌رمانبه‌رێن هه‌ريما كوردستانێ كر.
نێچيرڤان بارزانى گۆت، ئه‌وله‌ويه‌تا مه ئه‌وه مووچه‌ى دابين بكه‌ين، ئه‌وا ب مه‌هاتيه كرن مه يا كرى وژ نوكه وپێڤه ل دووڤ داهاتى دێ دابين كه‌ين.
سه‌باره‌ت بودجه‌ى دياركر،ل گه‌ل به‌غدا ل دۆر بودجه‌ى ل سه‌ر خه‌تين، به‌لێ سته‌مه‌كا مه‌زن ل خه‌لكێ هه‌رێما كوردستانێ دهێته كرن، سته‌مه‌كا وه‌سا دهێته كرن كه ناهێته ته‌سه‌وركرن وب هه‌موو شێوه‌كه سته‌مه، زڤراندنا پرۆژێ قانوونا بودجه‌ى ژ جڤاتا نوونه‌ران بۆ جڤاتا وه‌زيران ده‌رفه‌ته‌كه وهيڤيدارم ئه‌و سته‌مه نه‌مينيت.
ئەڤرۆ نيوز، نەوزاد ھلۆری:
پرۆژێ ئاڤا ستراتیجیا دەڤەرا بارزان کو زێدەتری 51 گوندان پێکڤە گرێددەت و ئاڤێ ژ گەلیێ بالندا و رووبارێ شین بۆ ھەموو سنۆرێ دەڤەرا بارزان دبەت، ماوەیێ سێ سالایە کار تێدا دھێتە کرن و ھەتا نھا 60% ھاتیە بجھئینان، پرانیا گوندێن دەڤەرێ ژی بۆ دەستکەفتنا ئاڤا ڤەخوارنێ ئاڤا رووباران بکاردئینن و ئەڤێ یەکێ ژی کارتێکرن ل ساخلەمیا وەلاتیان کریە. رێڤەبەرێ ئاڤا بارزان ددەتە دیارکرن کو ھەتا پرۆژێ ستراتیجیێ ئاڤا بارزان ب دووماھی نەھێت ئەو نەشێن چو چارەیان ببینن.
سەمیع سەدیق ئێکە ژ وەلاتیێن گوندێ بالندا دیارکر کو گوندێ وان پتری ٨٠٠ کەسان تێدا ئاکنجی نە و ھەتا نھا ئاڤا پیسا رووباری بکاردئینن و گۆت: “پرۆژەکێ ئاڤێ ل سالێن نوتان ژ بوو گوندێ مە ھاتیە چێکرن و ئاڤا وێ ژ رووبارێ شین ل گەلیێ بالندا دھێتن و ئاڤا رووبارێ شین ژی ژ بەر ھەبوونا گوھۆڕینێن کەش و ھەوایی ژ لایێ ساخلەمیێ ڤە نە یا دروستە و دیسا چەندین جھێن خودانکرنا پەزی و جھێ راوەستاندنا چێلان و پیساتیێ چەندین مال و خوارنگەھان و سەیرانیان ژی دچیتە سەر رووباری کو ئەڤ یەک ژی دبیتە سەدەما پیستبوونا ئاڤا مە یا ڤەخوارنێ، دخوازین کو حوکمەتا ھەرێما کوردستانێ چارەسەریا ئاڤا مە بکەت”.
ئەندازیارەکی ژ کۆمپانیا ئارگەیا تورکی کو کۆمپانیا بجھئینەرا پرۆژێ ئاڤا بارزانە و نەڤیا ناڤێ خوە بێژیت بۆ ئەڤرۆ گۆت: “ب رەنگەکێ گشتی نھا کار ل سەر چێکرنا پرۆژێ ئاڤا بارزان یا بەردەوامە و کارێن پرۆژەی ب دووماھی ھاتینە و نھا کار ل سەر چێکرنا تۆڕا ناڤخوەیی دکەین، ئەگەرێ گیرۆبوونا وێ ژی دزڤریت بۆ قەیرانا دارایی ژ بەر کو کار ب سستی ب رێڤەدچوون، ھەکە چو کێشێن تەکینکی و کێشێن گرێدایی قەیرانا دارایی نەھێنە پێش، دێ سالا بھێت ب دووماھیی ھێت”.
ژ لایێ خوە ڤە ئەندازیار زیاب میقداد رێڤەبەرێ ئاڤا بارزان دیارکر کو وەلاتیێن دەڤەرا بارزان مافدارن ل سەر نەبوونا ئاڤا پاقژ و بۆ ئەڤرۆ گۆت: “ھندەک ژ گوندێن دەڤەرا بارزان بۆ دەستکەفتنا ئاڤا ڤەخوارنێ پەنایێ بۆ ئاڤا رووباران دبەن ھەر بۆ نموونە وەلاتیێن گوندێ بالندا و کومەلگەھا وەلات ژێری و گوندێ سەڤرە و بازێ و ھەتا دگەھیتە نێزیکێ بارزان ئاڤا رووباران بکاردئینن، بەلێ نھا پرۆژەکێ ستراتیجیێ مەزن ژ لایێ حوکمەتا ھەرێما کوردستانێ ژ بوو ھەموو دەڤەرا بارزان دھێتە چێکرن و 51 گوندێن بالندا ھەتا شیڤەدزێ ب خوە ڤە دگریت، دێ مفایی ژ ئەوێ تۆڕا ئاڤێ وەرگرن، ب تەمامبوونا ئەویی پرۆژەیی چو ئاریشەیێن ئاڤێ ل دەڤەرێ نامینن”.
زێدەتر گۆت: “نھا ب رەنگەک بەردەوام کار ل سەر پرۆژێ ستراتیجیێ ئاڤا بارزان دھێتەکرن، بەلێ ژ بەر قەیرانا دارایی کارێن وان ب خاڤی ب رێڤە دچن”.
نيشاندان
