ئەڤرۆ نیوز ، زنار تۆڤی:
پشتی پەرلەمانێ عێراقێ یاسایێ هەلبژارتنان راستڤە كری و بریاردای کو ل 12 ئەیارێ هەلبژارتن د دەمێ خو دا بهێنە ئەنجامدان.
د روونشتنا پەرلەمانێ عێراقێ دا كو 206 پەرلەمانتار ئامادە ببوون و راستڤەکرنا وی یاسای ب زۆرینەیا دەنگان هاتە پەسند كرن،کو فراكسیۆنێن كوردستانی ژی دەنگ پێدایە و پشکەک ژ فراكسیۆنێن سوننی ژی دەنگدا یە و پشکەکا دیتر دەنگێ خوە نەدایە.
هەروەسا هەشت ماددە ژ یاسایێ هەلبژارتنان هاتنە راستڤەکرن كرن،ب برگا دویێ ژ ماددێ حەفتێ هاتە راستڤە كرن،ب ڤی رەنگی هەلبژارتنێن خولا چارێ یێن پەرلەمانێ عێراقێ دێ ل 12ی ئەیارا 2018 هێنە ئەنجام دان،هەڤدەم برگا چارێ بۆ ماددێ حەفتێ هاتیە زیاد كرن،كو خوە د پێنج مەرجان دبینیت.
1.رەخساندنا ژینگەهەکا ئارام بۆ ئەنجامدانا هەلبژارتنان.
2.ڤەگەریانا ئاوارەیان.
3.دەنگدان دێ ئەلكترۆنی بیت.
4.نابیت حزبێن پشکدار د هەلبژارتنان دا بالێ سەربازی هەبیت.
5-هەردو وەزارەتێن بەرەڤانیێ و نافخۆ دێ رێکارێن تەناهیێ گرنەبەر بۆ پاراستنا ئەنجامدانا هەلبژارتنان.
ژ بلی ڤێ برگێن سێیێ و چارێ و شەشێ ژ ماددێ دویێ هاتنە راستڤەکرن كرن و برگا حەفتێ بۆ ماددێ هەشتێ هاتە زێدەکرن،ب ڤی جۆری مەرجە ئەو كەسێ خوە كاندید بکەت بۆ ئەندامەتیا پەرلەمانی عێراقێ:
راستڤەکرنا برگا سێیێ: نابیت هاتبیتە حوكومکرن ب تاوانێ یان كەفتنا پەیوەندار ب شەرەفێ.
راستڤەکرنا برگا چارێ:دڤێت برواناما بەكالۆریۆسێ هەبیت، یان بروانامەکا هەڤشێوێ وێ هەبیت.
راستڤەکرنا برگا شەشێ: نابیت ئەندامێ هیچ هێزەکا چەكدار بیت، یان سەرۆكێ دەستەیەکا سەربەخۆ بیت و خوە كاندید بكەت بۆ هەلبژارتنان.
برگا حەفتێ هاتیە زێدەکرن: نابیت ژ وان كەسان بیت، كو د كۆمسیۆنا بلند یا سەربەخۆیا هەلبژارتنان دا كار كربیت یان پۆستێ بلند د دەولەتێدا هەبیت،لێ ئەوێن پشتی دو سالا دەست ژ وان پۆستان بەرداین، مافێ خوە كاندیدکرنێ هەیە.
د راستڤەکرنا ماددێ 11 پیتا (و) بۆ برگا دویێ هاتە زێدەکرن و ب ڤی جۆری:
و/ پێكهاتا كوردێن فەیلی كورسییەک ل پارێزگەها واست.
برگا ئێکێ ماددێ 14 ب ڤی جۆری هاتیە راستڤەکرن كرن:
دابەشكرنا كورسیێن پەرلەمانی دێ ل دووڤ سیستەمێ سانت لیگۆ بیت،ب ڤی رەنگێ ل خوارێ:
ئێکەم/ دەنگێن راست دێ ل سەر لیستێن کێبرککار ل سەر بنەمایێ زنجیرێ هێنە دابەشکرن (1.7، 9،7،5،3..) ب ڤی رەنگی كورسی دێ ب سەر لیستاندا هێنە دابەشکرن.
ماددێ 38 یێ یاسایێ هەلبژارتنان دێ هێتە رەتکرن و ئەڤا ل خوارێ دێ جهێ وێ گریت:
كریارا جۆداکرنا دەنگان دێ ب ئامیرێ ئەلكترۆنی هێتە ئەنجامدان و دڤێت دانەیەک ژ وی ئامیری بۆ نوونەرێن حزبان بهێنەدان ل هەموو وێستگەهێن هەلبژارتنان.
برگا دویێ ژ ماددێ 40 دێ هێتە رەشکرن و برگەکا دیتر دێ هێتە زێدەکرن و ب ڤی رەنگێ ل خوارێ
كۆمسیۆنا بلند یا هەلبژارتنان دێ رێکارێن ب ساناهی یێن دەنگدانا تایبەت ب ڤی جۆرێ ل خوارێ رێك ئێخیت:
1.كارتا دەنگدانێ یا هێزان ب ئاماژەکێ دێ ژ كارتا دەنگدەرێن سڤیل جۆداکەت و ل سەر وێ كارتێ دێ زانیاریێن كەسی ب رەنگەکێ جۆدا هێنە نڤێسین.
2 ناڤێ ئەندامێن هێزێن تەناهیێ دێ ل سەر ئاستێ بنكان بۆ هەر فەوجەکێ هێنە دابەشکرن و دێ جەختێ ل سەر هندێ کەن،کو نابیت ناڤێن وان ل بنكەکێ دیتر هەبیت.
3.رێکارێن دەنگدانێ دێ ب پەنجەمۆر بیت بۆ دەنگدانا تایبەتی و گشتی.
4.پشتی دەنگدانێ،دێ كارتا دەنگدانێ ژ دەنگدەری هێته وەرگرتن و رۆژەک دێ هێتە دەست نیشان کرن بۆ وەرگرتنا وێ کارتێ.
نيشاندان
