NO IORG
Facebook

ئه‌ڤرۆ نیۆز، نه‌وزاد هلۆرى:

ژپێخه‌مه‌ت باشتر خزمه‌تكرنا زارۆك و دايكێن وان و باشكرنا ره‌وشا وان یا ساخله‌مى، ئه‌ڤرۆ ب به‌رهه‌ڤبوونا پارێزگه‌رێ‌ دهوكێ‌ و  رێڤه‌به‌رێ‌ گشتی یێ‌ ساخله‌ميێ وئه‌لیساندرا رۆزی نوونه‌را رێكخراوا  (AISPO) یا ئیتالی به‌رێ‌ بنیاتی بۆ به‌رفره‌هكرن ونووژه‌نكرنا نه‌خۆشخانا هیڤی یا زارۆكان يا فێركرنێ هاته‌ دانان.

د په‌یڤه‌كێ دا پارێزگارێ دهۆكێ فه‌رهاد ئه‌ترووشى گۆت( ل ڤان سێ‌ سالێن بۆرى و ژبه‌ر هاتنا هژماره‌كا مه‌زن یا ئاواره‌ وپه‌نابه‌ران، فشاره‌كا مه‌زن كه‌فتیه‌ سه‌ر هه‌موو سه‌كته‌رێن خزمه‌تكاری تایبه‌تی سه‌كته‌رێ‌ ساخله‌میێ‌ ونه‌خۆشخانا هیڤی یازارۆكان وبجهئينانا پرۆژێ‌ به‌رفره‌هكرن ونووژه‌كرنا نه‌خۆشخانا هیڤی یا زارۆكان دێ‌ پتر خزمه‌تا زارۆكان ودایكێن وان هێته‌ كرن )

نزار عسمه‌ت رێڤه‌به‌رێ گشتیێ ساخله‌میا پارێزگه‌ها دهۆكێ  گۆت (ئارمانج ژپرۆژه‌ی ئه‌وه‌ شیانێن نه‌خۆشخانا هیڤی یا زارۆكان بهێنه‌ به‌رفره‌هكرن كو ب ره‌نگه‌كێ‌ باشتر خزمه‌تا زارۆكان ودایكێن وان بكه‌ت، ئه‌ڤ پرۆژه‌ بۆ ده‌مێ پتر ژپێنچ سالان وبێ‌ ئاریشه‌ دێ‌ خزمه‌تا زارۆكان كه‌ت).

پرۆژه‌ ب هاریكاریا رێكخراوا (AISPO) یا ئیتالی وئێكه‌تیا ئه‌ورۆپی ب كوژمێ‌ (1,118,000) یورۆیان دێ‌ هێته‌ بجهئینان ب هه‌ڤكاری ل گه‌ل رێڤه‌به‌ریا ساخله‌میا دهوكێ‌، پرۆژه‌ ل سه‌ر رووبه‌رێ 1100مترێن دوجاركی دێ‌ هێته‌ ئاڤاكرن و پێك دهێت ژپشكه‌كا‌ نوو یێ‌ نشته‌گه‌ریا و سێ‌ هولێن نشته‌گه‌ریان وچاڤدێریا پشتی نشته‌رگه‌ریان وئاڤاكرنا قایشێن نوو، ديسا دێ (50) ته‌ختێن نوو‌ هێنه‌ زێده‌كرن وهژمارا ته‌ختان دێ‌ بیته‌ (208) ته‌خت. يپرۆژه‌ دێ‌ ل ته‌باخا 2018 ب دووهێ هێت.23584650_138939283533051_303289673_n

23574271_138939496866363_575098332_n

ئه‌ڤرۆنيۆز:

ياريا  دوهى يا هه‌ردو هه‌لبژارتيێن ئيسپانيا وكۆستاريكا ده‌نگوباسێن نه‌خوه‌ش بۆ جه‌ماوه‌رێ يانا ريال مه‌دريد ددوڤ خوه‌ دا ئينان ده‌مێ ياريكه‌ره‌كێ دى يێ ريال تووشى هنگافتنێ بووى تێدا.

سايتێ برنابيۆ يێ تايبه‌تمه‌ند ب ده‌نگوباسێن ريال مه‌دريد ڤه‌، به‌لاڤكر كو ياريكه‌رێ هێلا ناڤين ئيسكۆ تووشى هنگاڤتنێ بوو دخۆله‌كا 62 ژ دوێ ياريا هه‌لبژارتيێ ئيسپانيا دا ئه‌وا تێدا ب سه‌ركه‌فتى ل سه‌ر كوستاريكا ب پێنج گۆلان بێ به‌رامبه‌ر.

دياركر ژى، دياره‌ هنگاڤتنا ئيسكۆ يا سڤك نينه‌، هه‌رچه‌نده‌ ئيسكۆى ئاماژه‌ ددانه‌ تيما نوژدارى يا هه‌لبژارتيێ ئيسپانيا كو هنگاڤتنا وى يا ب مه‌ترسى نينه‌.

ئه‌ڤرۆنيۆز:

فەرمانده‌كێ بەرەیێ کەرکووکێ یێ پێشمەرگه‌ى، راگەھاند؛ ل دو شەڤێن بۆری ھێزەکا مەزن یا حەشدا شەعبی ژ کەرکووکێ بەر ب باژارکێ پردێ ھاتیە لڤاندن، پێشمەرگە  ژی کەفتیە د ئامادەباشیێ دا.

کەمال کەرکووکێ بۆ رادیۆیا دەنگێ ئەمریکا گۆت؛ حەشدا شەعبی ھێزەکا مەزن ب چەکێن گران ڤە ژ کەرکووکێ بۆ پردێ ب رێ خستیە، ھێزێن وان ژی د ناڤا پردێ دانە و نزانن پلانا وان چیە.

ھەلگۆرد حکمەت، بەرپرسێ راگەھاندنا وەزارەتا پێشمەرگە  ل دۆر وى بابه‌تى راگەھاند؛ چو گوھۆرینێن له‌شكرى د پەیوەندیێن به‌غدا وھەرێمێ دا چێنەبووینە، نھا ئەو چاڤەرێ بەرسڤا بەغدا نە ل دۆر پێشنیازێن وەزارەتا پێشمەرگە.

ئه‌ڤرۆ نيوز:

رێڤه‌به‌را نه‌هێلانا ماددێن هوشبه‌ر ل پارێزگه‌ها سلێمانێ ئه‌ڤرۆ رۆژا ئێكشه‌مبى ده‌سته‌سه‌ركرنا 10 كيلۆيێن ترياكێ و مليۆن حه‌بێن ترامادۆل يێن بێ هۆشكه‌ر راگه‌هاند.

رێڤه‌به‌رێ نه‌هێلانا ماددێن هوشبه‌ر جه‌لال ئه‌مين د داخۆيانيه‌كا رۆژنامه‌ڤانى دا راگه‌هاند كو رێڤه‌به‌ريا وان شيايه‌ 190 كه‌سان ل پارێزگه‌ها سلێمانيێ ب تۆمه‌تا بازگانيكرن ب ماددێن هۆشبه‌ر ده‌سته‌سه‌ر بكه‌ن. “10 كيلۆيێن ترياكێ و مليۆن حه‌بێن ترامادۆل ژى ئه‌ڤ ساله‌ هاتينه‌ ده‌سته‌سه‌ركرن”.

رێڤه‌به‌رێ نه‌هێلانا ماددێن هۆشبه‌ر ئاشكه‌را ژى كر كو ئه‌ڤان كه‌سان كارێ كرين و فرۆتنا ماددێن هوشبه‌ر ل بازارێن سلێمانيێ دكر.

ده‌سته‌لاتا دادوه‌رى ل شاره‌زۆر يا گرێداى پارێزگه‌ها سلێمانيێ ل 9ى ڤێ هه‌يڤێ سزايێ زيندانيكرنێ ب سه‌ر سێ كه‌سان دا سه‌پاند بوو ب تۆمه‌تا بازرگانيكرن ب ماددێن هوشبه‌ر.

ئه‌ڤرۆ نيوز، نەوزاد ھلۆری:
ب مەرەما پاراستنا دارێن تەر و ئینانا دارێن ھشک ل دورترین خالا چیایی ، وەلاتێن گوندەکێ سنوورێ قەزا ئامێدیێ د نووترین داھێنان دا ل کوردستانێ ، بو ئینان و کێشانا داران ل چیایی بو جھێ ترومبێلێ داھێنانەکا سەیر دکەن ئەو ژی ب درۆستکرنا داڤەرستەکێ ل چیایی بو سەر رێیا ترومبێلان کو ب ساناھی ترین رێک دھێتە ھژمارتن بو کرن و کومکرنا داران ل چیایی.دار (1)

موعتەسم عبدولقەھار وەلاتیەکێ گوندێ ھلورا یا سەر ب ناحیا شێلادزێ ل سنوورێ قەزا ئامێدیێ یە بۆ ئەڤرۆ نیوز گۆت: (ب مەرەما پاراستنا دارێن تەر و ئینانا دارێن ھشک ل دورترین خالا چیایی ، و بو ب ساناھیکرنا کێشان و ئینانا داران ل چیایی بو سەر رێیا ترومبێل و تراکتورێ ، مە وەکو وەلاتیێن گوندێ ھلورا داھێنانەکا نوو کریە ئەو ژی ب درۆسکرنا داڤەرستەکا سەر ژورا ل چیایی بو سەر رێیا ترومبێل و تراکتوورێ).

دار (1)

زێدەتر گۆت: ( داڤەرست ب دوو سەران دھێتە گرێدان سەرەک لسەر رێیا ترومبێلێ و سەرەک ژی ل ناڤ داران ل دورترین خالا بلنداھیێ ل چیایی ، پاشان دێ داران ب داڤەرستێ ڤە کەین و بەردەینە خوارێ ، و دار دێ دماوەیێ 10 چرکەیان دا ل سەری گەھیتە سەر رێیا ترومبێڵی بێی کو ئەم ماندوبین و گەلەک ژی پێڤە گیرو ببین).

دار (2)

ناڤبری دیارکر ژی کو داڤەرستا داران ھەر وەکو داڤەرستا لسەر رووباری یە ، بەلێ تنێ شوونا یا راست بیت مە سەر ژوردا چێکریە و گۆت ژی: ( ئەو داڤەرستا کو مە بو کێشانا داران درۆستکری ، زێدەتری 300 مەتران درێژە و ل چەند جھەکێن چیایی ھاتیەدانان و ھەر جارێ دارەکێ ھەتا سێ تایێن دارێن مەزن پێڤە دھێنە ھەلاویستن ، مەرەم ژ ڤێ داڤەرستێ ئەوە کو وەلاتی بگەھنە بلندترین ئاستێ چیایی داکو بشێن دارێن ھشک پێ کوم بکەن ژ بەرکو دارێن ھشک تنێ ل چیایی و جھێن بلند و دویر ھەنە).

دار (2)

تێچویا درۆستکرنا داڤەرستا داران زێدەتری 200 ھزار دینارایە و دکاریت ھەتا نێزیکێ 10 سالان ژی داران بینیت خوار بێی کو خراپ ببیت و دنھادا چوار داڤەرستێن بڤی رەنگی ل گوندێ ھلورا ھاتینە چێکرن و ئەڤ شێوازێ کێشانا داران ژی بو جارا ئێکێ یە ل کوردستانێ دھێتە چێکرن و ژبلی گوندێ ھلورا ل چوو جھێن دن نەھاتینە چێکرن ، موعتەسی ھوسا گۆت.

دار (3) دار (3) دار (4) دار (4) دار (5) دار (5)

ڤيديۆ:

ئەڤرۆ نیوز ، ھلۆری:

مالپەرەکا بریتانی ھوشداریەکێ بو بکارھێنەرێن پروگرامێ تورا پەیوەندیا ماسنجەرا فێسبوکێ بەلاڤکریە ئەو ژی ب ڤەکرنا لینکەکێ ساختە ، ئەوان ئاگەھدار دکەت.

رۆژا شەمبی 11 چریا دوویێ 2017 مالپەرا ” مورنوال لایڤ ” یا بەریتانی ، ھوشداریەک بو بکارھێنەرێن ماسنجەرێ فێسبوکێ بەلاڤکریە و تێدا بەحس ل وێ یەکێ دکەت کو چەند ھاککەرەک ، لینکەکێ ساخەت لسەر شێوەیێ ڤیدیویێ مالپەرێ ڤیدیویێ یوتیوب درستکریە ، بو بکارھێنەرێن ماسنجەرێ فێسبوکێ دھێتە ھنارتن ، ئەو لینکە ژی نابیت ب چوو رەنگان بھێتە ڤەکرن.

ئاماژە ب وێ یەکێ ژی دکەت کو ئەگەر ئەو لینکە بھێتە ڤەکرن ، دێ مالپەرەکێ ساختە و درۆستکری ل سەر شێوەیێ یوتیوب ھێتە ڤەکرن ، و ئەگەرا تێکدانا موبایل یان لاپتوپێ ھەیە ، ھەروەسا ئەگەر ژی ھەیە وێنە و ڤیدیو و فایلێن تایبەتێن ناڤا ئامیرێ ئەلیکترونیێن تە ژی بھێنە دزین ژلایێ ئەوان ھاککەران ڤە و پاشان بھێنە بەلاڤکرن.

دوێ ھوشداریێ دا زێدەتر ھاتیە ئەگەر ھەر نامەیەکا ب وی رەنگی بو ھەوە ھات و لسەر وێ لینکا ڤیدیویێ چەند ئیموجییەکێن شوکبوونێ لسەر ھەبن ، بلەز ئەوی کەسی بلوک بکە و نامەیێ ژی رەش بکە ، بڤی رەنگی ئامیرێ تە و فایلێن تە دێ ھێنە پاراستن.

پروگرامێ ماسنجەرێ فێسبوکێ ل سالا 2011 دا ھاتیە کاراکرن ، نھا ژی بکارھێنەرێن زور لسەرانسەرێ جیھانێ ھەنە ، کومپانیا فێسبوکێ ژی کو کومپانیەکا ئەمریکی یە ب ئێک ژباشترین پرۆگرامێن تورێن پەیوەندیێ دھێتەدانان.

ئه‌ڤرۆنيۆز:

ئەڤرو روژا ئێک شەمبی رێکەفتی ٢٠١٧/١١/١٢  روودانه‌كا ترافيكى دناڤبه‌را دو ترۆمبێلان په‌يدابوو ودو كه‌س برينداربوون.

 ل دووڤ سايتێ رێڤه‌به‌ريا هاتنوچوونا پارێزگه‌ها دهۆكێ، ئه‌ڤرۆ سپێدێ ل جادا سەره‌کی یا دناڤبەرا شێخان و کومەلگەها چرە دا، روودانەک ژجۆرێ لێگدان دناڤبەرا دو ترومبێلێن تایبەت ژ جورێن (بی ئم دبلیو و أوپل أومێگا ستێیشن ) روودايه‌ و دئەنجامدا دو کەس بریندار بون زێده‌بارى گه‌هاندنا زيانێن مادى ب هه‌ردو ترۆمبێلان.

ئه‌ڤرۆ نيوز:

نوشدارێ سه‌رپه‌رشتێ كوسره‌ت ره‌سۆل راگه‌هاند كو نوكه‌ ره‌وشا وى به‌ر ب باشيێ چوويه‌ و د ئاخڤيت و چو مه‌ترسى ل سه‌ر ژيانا وى نه‌مايه‌.

د. دارا به‌كر نوشدارێ سه‌رپه‌رشتێ كوسره‌ت ره‌سۆل د كۆنگره‌كێ رۆژنامه‌ڤانى دا راگه‌هاند كو ره‌وشا جێگرێ ئێكێ يێ سكرتێرێ گشتى يێ ئێكه‌تى نشتيمانى كوردستان يا باشه‌ و يێ ب بن چاڤدێريا هوور و ده‌مژمێر بۆ ده‌مژمێرێ ره‌وشا وى باشتره‌، “د رۆژێن بهێت دا دێ مزگينيێن باشتر ده‌ينه‌ خه‌لكێ كوردستانێ”.

نوشدارێ سه‌رپه‌رشتێ كوسره‌ت ره‌سۆل ئاشكه‌را ژى كو وه‌كو به‌رى نوكه‌ به‌حس لێ هاتيه‌ كرن نه‌خۆشيا وى يا گرێدايى خووێنبه‌رێن ريڤيكان بوو كو هاتبوونه‌ گرتن و گۆت: “نشته‌رگه‌رى بۆ هاتيه‌ ئه‌نجام دان و چاره‌سه‌رى بۆ هاتيه‌ كرن”.

زێده‌تر گۆت: “نوشدارا وه‌كو نه‌ريته‌كێ نوشدارى 72 ده‌مژمێر بۆ دانابوون، به‌لێ نوكه‌ د ئاخڤيت و به‌رى نوكه‌ ئه‌ز ب خوه‌ ژى يێ ل گه‌ل ئاخفتى و ره‌وشا وى گه‌له‌ك يا باشه‌”.

د. دارايى ئاشكه‌را ژى كو به‌رى نوكه‌ كوسره‌ت ره‌سۆل ئه‌و نه‌خۆشى نه‌بوويه‌، به‌لێ تشته‌كێ ئاسايى يه‌ و هه‌موو كه‌س تووشى ڤێ ره‌نگه‌ نه‌خۆشيێ دبن و ژ نشكه‌كێ ڤه‌ دهێت.

344
فۆتۆ: نيوار باشوورى

ئه‌ڤرۆ نيوز:

رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا دوشه‌مبى رێكه‌فتى 13ى چريا دويێ 2017 دهێته‌ پێشبينيكرن ئه‌سمان ساهى بيت ل گه‌ل هنده‌ك ئه‌ورێن كێم ل جهێن بلند ژى ئه‌ور دێ زێده‌تر لێ هێن.

پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا راگه‌هانديه‌ كو ژ ئه‌ گه‌رێ هاتنا فشارێن بلندێن وه‌لاتێ توركيا دهێته‌ پێشبينيكرن ئه‌سمان ساهى بيت ل گه‌ل هنده‌ك ئه‌ورێن كێم ل جهێن بلند ژى ئه‌ور دێ زێده‌تر لێ هێن.

پشكا پێشبينيان خۆيا ژى كريه‌ كو نزمترين پلا گه‌رما پێشبينيكرى دێ 9 پله‌ بيت و بلندترين پله‌ ژى دێ 21 پله‌ بيت.

هه‌ر ب گۆره‌ى ڤێ راپۆرتا رێڤه‌به‌ريا ناڤبرى له‌زاتيا باى دێ 10 بۆ 15 كم بيت د ده‌مژمێره‌كێ دا و ماوێ ديتنێ ژى دێ د ناڤبه‌را 9 بۆ 10كم دا بيت.

website security
WP Facebook Auto Publish Powered By : XYZScripts.com