ئه‌ڤرۆ نیۆز،زنار تۆڤى:
وێنه‌گر فه‌رهاد بلباس د دیداره‌كێدا بۆ ئه‌ڤرۆ نیۆز دیاركر:ئه‌ڤه ماوێ 10 سالانه ئه‌ز كارێ وێنه‌گرتنێ دكه‌م،هه‌روه‌سا ئه‌ز پتر حه‌ز ژ وان وێنان دكه‌م یێن كو چه‌ندین ئێش و ئازار دناڤ دا هه‌ین،وه‌كى وێنێن كۆچكرنا وه‌لاتیێن رۆژئاڤا بۆ كوردستانێ و من د ئێكه‌م چركه‌سات دا ل سنۆرى ده‌ست ب گرتنا وێنێن كۆچكرنا وان كریه،هه‌تاكو گه‌هشتینه كوردستانێ و من نه‌هامه‌تیێن كوردێن رۆژئاڤا ب چاڤكێ كامیرا خوه نیشا هه‌موو جیهانێ داینه و من دڤیا په‌یاما وى خه‌لكێ بگه‌هینمه جیهانێ و گوت ژى:هه‌روه‌سا بۆ كارێ وێنه‌گرتنێ ئه‌ز شیایمه سه‌ره‌دانا كۆبانێ و شنگالێ و هه‌موو وان ده‌ڤه‌ران بكه‌م یێن كو شه‌ر تێدا رووداى و بووینه جهێن وێرانكه‌ر.
ناڤهاتى دیاركر ژى:دڤى سه‌رده‌مى دا كارێ وێنه‌گرتنێ تاراده‌یه‌كێ باش پێشڤه‌چوون ب خوه‌ڤه دیتیه،ئه‌ڤه ژى ب ئه‌گه‌رێ وێ ته‌كنۆلۆژیایێ بوویه،یاكو هه‌موو كوردستان ڤه‌گرتى،دیسا به‌رى چه‌ندین سالان ل هه‌موو باژێرێن كوردستانێ من كارێ وێنه‌گریێ كریه،وه‌كو هه‌ر پیشه‌یه‌كێ دیتر بۆ بژێویا ژیانێ،ئه‌ڤرۆ ژى گه‌له‌ك كه‌س هه‌نه،كارێ وێنه‌گرتنێ هه‌لبژارتیه بۆ بژێویا ژیانا خوه،ژبه‌ركو كارێ وێنه‌گرتنێ هیچ جۆداهیه‌ك نینه ل گه‌ل هه‌ر كاره‌كێ دیتر،لێ هه‌موو كه‌سان جۆرئه‌تا هندێ نینه كامیرێ بێخیته سه‌ر ملێ خوه،هه‌ر چه‌نده دبیت ئه‌ڤ چه‌نده بۆ هنده‌ك كه‌سان د جڤاكیدا رێگر بیت.
فه‌رهادى دیاركر ژى:من كارێ وێنه‌گرتنێ هه‌لبژارتیه،ژبه‌ركو ئه‌ڤه حه‌زه‌كا من یا ژ مێژه بوویه،چونكى ئه‌وا ئه‌ز نه‌شێم ب په‌یڤان ده‌ر ببرم،ئه‌ز ب رێیا وێنه‌یێن خوه دگه‌هینم و ل ده‌ف من هه‌ر وێنه‌یه‌ك به‌رامبه‌رى هزار په‌یڤانه.
نيشاندان
