ئه‌ڤرۆنيوز:
ئه‌ندامه‌كێ په‌رله‌مانێ بريتانى، كو دبنه‌ره‌تدا كورده‌كێ خه‌لكێ خانه‌قينێ يه، ل دووماهى گوهۆرينێن كابينا حوكمه‌تا بريتانى، پۆسته‌كێ بلند ل وه‌زاره‌تا په‌روه‌ردێ ل وى وه‌لاتى وه‌ردگريت.
تريزا ماى، سه‌رۆك وه‌زيرا بريتانيا، دوهى سێشه‌مبى گوهۆرين دكابينا خوه دا وه‌زارى دا كر و نه‌ديم زه‌هاوى وه‌كو جێگرێ په‌رله‌مانى يێ وه‌زيرێ په‌روه‌ردێ ل بريتانيا دياركر.
ئه‌ڤرۆنيوز:
په‌يڤدارێ به‌نكا ناڤه‌نديا عيراقى راگه‌هاند، بريارا ڤه‌كرنا لقێ به‌نكا ناڤه‌نديا عيراقێ ل هه‌رێمێ يا هاتيه دان، ژده‌ره‌ك ژى ديار دكه‌ت كو رازيبوون يا هاتيه كرن ل سه‌ر دابينكرنا زێده‌تر ژ 4 دۆنه‌مێن ئه‌ردى ل هه‌ولێرێ بۆ دروستكرنا ئاڤاهيه‌كى بۆ لقێ وێ به‌نكێ ل هه‌رێمێ .
په‌يڤدارێ به‌نكا ناڤه‌نديا عيراقى، ئه‌يسه‌ر جه‌بار بۆ باس دياركر” بريارا ڤه‌كرنا لقا به‌نكا ناڤه‌نديا عيراقى ل هه‌رێما كوردستانێ يا هاتيه دان، تنێ يا ماى كارێن ئيدارى يێن تايبه‌ت ب دامه‌زراندنا فه‌رمانبه‌ر وكارمه‌ندێن پێدڤى وڤه‌كرنا ئاڤاهيان بۆ وان لقان و دروستكرنا وێ ئاڤاهى ل هه‌ولێرێ بۆ ب رێڤه‌برنا كاروبارێن به‌نكا ناڤه‌نديا عيراقێ يه ل هه‌رێما كوردستانێ”. گۆت ژى” به‌نكا ناڤه‌نديا عيراقێ ل هه‌رێما كوردستانێ دێ هه‌موو ئه‌و خزمه‌تگوزارى هه‌بن كو لقێن دى يێن وێ به‌نكێ ل پارێزگه‌هێن دى يێن عيراقێ هه‌ين”.
رۆهن كر ژى” راگه‌هاند ژى”هه‌ر ده‌مێ ئه‌و دو لقێن به‌نكا ناڤه‌ندى يا عيراقى ده‌ست بكاربوون، هه‌ر قه‌ره‌ك يان هه‌ر برياره‌ك بۆ پێدانا قه‌ران ب فه‌رمانبه‌ران ووه‌لاتيان ل عيراقێ بهێته دان، دێ هه‌رێما كوردستانێ ژى ڤه‌گريت”.
ل دووڤ رۆژناما باس، 10 هزار و200 مه‌ترێن چارگۆشه‌يى يێن ئه‌ردى كو دبيته زيده‌تر ژ چار دۆنه‌مێن ئه‌ردى ب به‌نكا ناڤه‌نديا عيراقى هاتنه دان بۆ دروستكرنا ئاڤاهيه‌كى.
رازيبوونا پێدانا وى ئه‌ردى يا ب دووماهى هاتى وباژێرڤانيا هه‌ولێرێ ژى رازيبوونا خوه يا ل سه‌ر دياركرى ول هه‌فتيا بۆرى بيڤه‌ريا وى ئه‌ردى يا هاتيه كرن كو دكه‌ڤيته ل سه‌ر جاده‌يا 40 مه‌ترى بۆ 60 مه‌ترى.
ژێده‌ره‌كى بۆ وێ رۆژنامێ دياركريه، پشتى كو لقێن هه‌ولێرێ وسلێمانيێ يێن به‌نكا ناڤه‌نديا هه‌رێما كوردستانێ ب به‌نكا ناڤه‌نديا عيراقى ڤه هاتينه گرێدان، بريارا ڤه‌كرنا وێ يا هاتيه دان.
ل ده‌مێ بۆرى دو لقێن به‌نكا ناڤه‌نديا عيراقى ل هه‌ولێرێ وسلێمانيێ هه‌بوون، به‌لێ به‌نكا ناڤه‌نديا عيراقى وه‌كو لقێن خوه ره‌فتار ل گه‌ل نه‌دكر.
ئه‌ڤرۆ نيوز:
قايمقاميا قه‌زا دهۆك راگه‌هاند كو ئه‌وان ده‌ست ب به‌لاڤكرنا هاريكاريێن وه‌رزێ زڤستانێ ل سه‌ر ئاوارێن سنورێ خوه كريه و بۆ ڤێ مه‌ره‌مێ ژى بڕياره نێزيكى دو هزار خێزانان مفادار بن.
قايمقاميا قه‌زا دهۆك ل سه‌ر په‌يجێ خوه يێ تۆڕا جڤاكى يا فه‌يسبۆكێ ئاشكه‌را كريه كو ژوورا بۆردێ كاروبارێن مرۆڤايه‌تى ل قايمقاميا قه‌زا دهۆكێ به‌رنامێ به‌لاڤكرنا هاريكاريێن وه‌رزێ زڤستانێ ل سه‌ر ئاواره‌يێن سنورێ خوه راگه‌هاند.
ئاشكه‌را كريه ژى كو د ڤان رۆژان دا ئه‌و دێ هاريكاريان ل سه‌ر هزار و 804 خێزانێن ئاواره ل سنورێ قه‌زا دهۆك به‌لاڤ كه‌ين كو ئه‌ڤ هاريكاريه پێك دهێن ژ به‌ته‌نى و سۆپه و نايلۆن و دولكه‌كێ گازێ.
ب گۆره‌ى به‌رنامێ وان دوهى 10ى كانوونا دويێ 2017 هاريكارى ل سه‌ر 340 خێزانان هاتنه به‌لاڤكرن و بڕياره ئه‌ڤرۆ ژى ل سه‌ر 340 خێزانێن دى بهێنه به‌لاڤكرن و ل 14 و 15ى ڤێ هه‌يڤێ ژى هه‌ر رۆژێ دێ ل سه‌ر 340 خێزانان هێنه به‌لاڤكرن و پاشان ژى ل 16ى ڤێ هه‌يڤێ دێ ل سه‌ر 334 خێزانان و ل 17ێ ل سه‌ر 110 خێزانان هێنه به‌لاڤكرن.
ئه‌ڤرۆنيوز:
پشتى پرۆژێ قانوونا چاكسازيێ دمووچه‌ى وخانه‌نشينيێ وده‌رمالان وبه‌خشين وئيمتيازاتان دا ژلايێ جڤاتا وه‌زيرێن هه‌رێمێ كوردستانێ بۆ په‌رله‌مانێ كوردستانێ هاتيه هنارتن، ئه‌ڤرۆ خواندنا ئێكێ بۆ وى پرۆژه‌ى ل په‌رله‌مانێ كوردستانێ هاته كرن.
دكۆمبوونا ئه‌ڤرۆ چارشه‌مبى 10/1/2018 يا په‌رله‌مانێ كوردستانێ، خواندنا ئێكێ بۆ وى پرۆژێ قانوونێ هاته كرن وپاشى بۆ لژنێن په‌يوه‌نديدار ( دارايى وقانوونى) يێن په‌رله‌مانى هاتن هنارتن بۆ دانوستاندنێ ل سه‌ر.
ئه‌ڤه ژى ده‌قێ پرۆژێ چاكسازيێ يه دمووچه‌ى وخانه‌نشينيێ وده‌رمالان وبه‌خشين وئيمتيازاتان دا:
ئه‌ڤرۆنيوز:
ژێده‌ره‌كێ ئه‌منى ل حه‌شدا شه‌عبى ل پارێزگه‌ها ئه‌نبار، ئاشكراكر كو فرۆكخانا بنگه‌هێ (عين الاسد) يێ هێزێن ئه‌سمانى يێن عيراقى ل رۆژئاڤايێ ئه‌نبار، هاتنوچوونه‌كا به‌رده‌وام يا فرۆكێن ئه‌مريكى ل ڤان رۆژان ب خوه‌ڤه دبينيت.
ژێده‌رێ ناڤبرى بۆ ئاژانسا (المعلومه) يا عيراقى گۆت” بنگه‌هێ (عين الاسد) دهه‌ردو رۆژێن بۆرى هاتنوچوونه‌كا به‌رده‌وام يا فرۆكێن ئه‌مريكى ب خوه‌ڤه ديت”.
دياركر ژى” نه‌هاتيه زانين كا چ دوان فرۆكان دابوو، ژبه‌ركو به‌رپرسياره‌تيا فرۆكخانا بنگه‌هێ ناڤبرى هاتيه ڤه‌گۆهاستن بۆ هێزێن ئه‌مريكى وتاكو بۆ مه‌زنه به‌رپرسێن عيراقى (خوه ژ پله وپايه ژى هه‌بيت) قه‌ده‌غه‌يه بچن دناڤ وى بنگه‌هى دا”.
ئاماژه دا” هێزێن حه‌شدا شه‌عبى، كاروانه‌كێ مه‌زن يێ ترومبێلێن مه‌ده‌نى ديت كو هێزێن ئه‌مريكى تێدابوون ودهاتن دناڤ بنگه‌هێ (عين الاسد) دا”.
هنده‌ك ژێده‌رێن ئه‌منى يێن عيراقى ل 7/1/2018 ئاشكراكربوو كو هژمارا هێزێن ئه‌مريكى ل بنگه‌هێ (عين الاسد) يا گه‌هشتيه 13 هزار سه‌ربازان، رۆژناما (نايت تمبلر ئه‌نترناشيۆنال) يا بريتانى ژى ئاشكراكربوو كو بريتانيا هێز بۆ عيراقێ هنارتينه بۆ پاراستنا هێزێن ئه‌مريكى ل بنگه‌هێ (عين الاسد) يێ له‌شكرى.
ئەڤرۆ نیۆز ، زنار تۆڤی:
ئەڤرۆ چارشەمبی بوهایێ نەفتێ ل دو سال و نیڤێن بوریدا بلندترین ئاست تۆماركر و بوهایێ به‌رمیلەکێ نه‌فتڵ خاڤا برێنت گه‌هشته سەر 69 دۆلارێن ئه‌مریكی.
ئه‌ڤرۆ بوهایێ نه‌فتێ به‌راورد ب ئێڤاریا دوهی 2.2 بلندبوویە و گه‌هشتیه 69 دۆلارێن ئه‌مریكی،د دەمەكێدا دوهی ئێڤارێ بوهایێ به‌رمیلەکێ نه‌فتا برێنت 68.14 دۆلار بوون.
هەڤدەم بوهایێ نه‌فتا خاڤا تێكساس ب رێژه‌یا 2،8% بلندبوویە و گه‌هشتیه 63 دۆلار و 47 سه‌نتان.
ئەڤرۆ نیۆز ، زنار تۆڤی:
ماورۆ ئیكاردی هێرشبەرێ ئەرجەنتینی و یانا ئنتەر میلان یا ئیتالی ب رادەکێ زۆر بۆ پەیوەندیكرنێ ب یانا ریال مەدرید یا ئیسپانی د ماوێ ڤەگوهاستنێن زڤستانێدا نێزیك بوویە.
رۆژناما (دیاریۆ گۆل) یا ئیسپانی بەلاڤکریە:کو ئیكاردی ب شێوەکێ نهێنی ژلایێ نۆشدارێن تایبەت یێن یانا ریال مەدرید ڤە پشكنین بۆ هاتیە ئەنجامدان بۆ گرێبەستكرنێ ل گەل وێ یانێدا.
وێ رۆژنامێ ئاشكراکریه:کو یانا ریال مەدرید رازی بوویە پارێ مەرجێ هەلوەشاندنا گرێبەستا ئیكاردی بدەتە یانا ئنتەر میلان كو ب 98 ملیۆن پاونان هاتیە خەملاندن.
دیسا یانا ئنتەر میلان ژی دەست ب پێنگاڤێن جهگرتنا ئیكاردی كریە و بۆ ڤێ ژی چەند یاریزانەک دیار كرینە، كو پێكهاتینە ژ دی فێرگ، پاستۆری، دۆلۆفیۆ و سیمیۆنی.
فلۆرنتینۆ پێرێزێ سەرۆكێ یانا ریال مەدرید دڤێت ب ئینانا ئیكاردی هێلا هێرشبەریێ تیما خۆ بهێز بكەت، بتایبەتی ژی كو ڤی یاریزانی دڤی وەرزیدا دشێت ل خولا قارەمانێن ئورۆپا دا یاریێ بكەت.
هەروەسا ئیكاردی ب ئێك ژ مەترسیدارترین هێرشبەرێن ڤی وەرزەی یا خولا ئیتالیا دا دهێتە دانان و ژ سەرجەمێ 20 یاریێن بوریدا ل گەل یانا ئنتەر میلان 18 گۆل تۆمار كرینە.
ئه‌ڤرۆنيوز:
وه‌زيرێ ده‌رڤه‌يێ توركيا، مه‌ولود چاوش ئوگلۆ راگه‌هاند، داخوازا ئه‌نجامدانا ناڤبژيڤانيێ دناڤبه‌را به‌غدا وهه‌ولێرێ يا ژ مه هاتيه كرن ول رۆژا 21 ڤێ هه‌يڤێ دێ چينه به‌غدا ول گه‌ل بابه‌تێن دو قۆلى دێ به‌حسێ وێ پرسێ ژى كه‌ين.
ئوگلۆى د كۆمبوونا ده‌سته‌يا نڤيسه‌رێن ئاژانسا ئه‌نادۆل يا ده‌نگوباسان يا توركى راگه‌هاند” پێدڤيه دڤێ قۆناغێ دا به‌غدا وهه‌ولێر رێكبكه‌ڤن، ئه‌وا هه‌ولێرێ راگه‌هاندى كو پابه‌ند بيت ب بريارێن دادگه‌ها دستوورى يا عيراقى پێنگاڤه‌كا ئه‌رێنى يه، به‌لێ پێدڤيه ئاشتبوونه‌كا رۆهن بهيته بده‌ستڤه‌ئينان بۆ ڤێ چه‌ندێ ژى ئه‌وا دكه‌ڤيته سه‌ر ملێ مه دێ ئه‌نجامده‌ين”.
زێده‌تر گۆت” داخوازيه‌ك ژلايێ حوكمه‌تا هه‌رێمێ يا هه‌ى بۆ ناڤبژيڤانيێ، ل 21 كانوونا دويێ دێ چينه به‌غدا ول گه‌ل بابه‌تێن دو قۆلى دێ دانوستاندنێ ل سه‌ر وى بابه‌تى ژى كه‌ين”.
دياركر” خواستا مه ئه‌وه بله‌ز كێشێن هه‌ردو لا دچارچۆڤێ ئێك پارچه‌يا عيراقێ بهێنه ده‌ربازكرن، هه‌كه پشتى وێ چه‌ندێ ئاسايى بوونه‌كا ب وى شێوه‌ى دروست ببيت، وى ده‌مێ مه ل گه‌ل هه‌ولێرێ چو كێشه نابن”.
وه‌زيرێ ده‌رڤه‌يێ توركيا خوياكر” توركيا دێ هه‌موو جۆرێن پشته‌ڤانيێ ل عيراقێ كه‌ت ژبۆ ب هێزبوون وسه‌قامگيريا وێ وبۆ وێ چه‌ندێ عيراق دوباره رابيت ل سه‌ر پێ، دێ توركيا ب هێزترين پشته‌ڤانيێ بۆ كه‌ت، وژبه‌ركو په‌يوه‌نديێن مه، ژبه‌ر باشيكێ، هنده‌ك گرژى كه‌تن تێدا، به‌لێ دێ په‌يوه‌نديێن مه باشتر ژى بن”.
ئەڤرۆ نیۆز ، تۆڤی:
بریارە ل 20.1.2018 دو فه‌وجێن هێزێن پێشمه‌رگێ کوردستانێ بگه‌هنه كه‌ركووكێ و ب هه‌ڤپشكی ل گه‌ل هێزێن سۆپایێ عێراقێ ده‌رگەهێن وی باژێری برێڤه ببە‌ن.
ژێده‌ره‌كێ ژ لیوایا كوسره‌ت ره‌سوول عەلی دایە دیارکرن،کو نوکە دو فه‌وجێن پێشمه‌رگه‌ی دهێنە ئاماده‌كرن،داكو به‌ره‌ف باژێرێ كه‌ركووكێ ڤە بچن و ئەو هێزێن پێشمەرگەی دێ ل ده‌رگەهێن وی باژێری هێنە بنەجهکرن و ئه‌و هێزه دێ ب هه‌ڤپشكی ل گه‌ل هێزه‌كا عێراقی ل ده‌رگەهێن باژێرێ كه‌ركووكێ هێنە بنەجهکرن.
هەروەسا گۆتیە ژی:هێزێن هه‌ڤپه‌یمانان دێ چاڤدێریا وێ هێزێ كه‌ن و بریاره ل 20.1.2018 ئه‌و هێزا هه‌ڤپشك ل هەموو ده‌رگەهێن وی باژێری بهێنە جهگیر كرن.
ئەڤرۆ نیۆز ، زنار تۆڤی:
دۆخێ ناڤا باژێرێ کەڤن یێ مۆسلێ ل رەخێ راستێ یێ وا باژێری،هەتا نوکە وەك خۆیە و هیچ نەهاتیە گوهۆرین،هەکە تۆ تەماشەی هەر لایەكێ بكەی،دێ وێرانیێ و ئاڤاهیێن هەرفتی بینی،د هەمان دەمدا هەلمەتێن لێگەریانێ بۆ تەرمێن مری ل ژێر داروبەرێن ئاڤاهیێن هەرفتی دا بەردەوامی هەیە و بێهنا تەرمێن مریان ژی ئەو دەڤەرە ب تەمامی گرتیە.
ئەبو موزەفەر ئێکە ژ وەلاتیێن باژێرێ مۆسلا کەڤن و گوتیە، مۆسل وەك خۆ مایە، ئەو سۆز و گوتنێن حوکمەتێ ل دەزگەهێن راگەهاندنێ گوتین بۆ ڤەگەراندنا ئاواران و بوژاندنا وی باژێری دوورن ژ راستیێ،ئەز تا نوکە نەشێم جهێ مالا خۆ و شەقامێ نێزیك مالا خۆ ب بینم، چونكی ئەڤ دەڤەرە هندە وێران بوویە و ب سەر ئێکدا رووخیایە،مرۆڤ نەشێت چو تشتان لێ بنیاسیت. هەروەسا ئاڤەدانكرن و دروستكرنا ڤان هەموو خانی و ئاڤاهیێن هەرفتی گەلەک دڤێت، بەلێ پاڤژکرنا ڤان دەڤەران کارەکێ گران نینە و پێدڤیە حوکمەت بگریتە ستوویێ خۆ،دیسا دبێژیت، تا نوکە ئەم دناڤ كەمپاندا ماینە و چو جهێن دیتر مە نینن بچینێ، ژیانا مە د دۆخەکێ كارەساتباری دایە و ئەم بێتاقەت و نیگەران بووینە و ئەم ب تەمامی بێ ئومێد بووینه.
فەرەح سەراج پەرلەمانتارێ عێراقێ و نوونەرێ باژێرێ مۆسلێ ئاشكرا كریە،پتر ژ چار هزار تەرمێن خەلکێ ل ژێر ئاڤاهی و خانیێن هەرفتی دا ماینە ل مۆسلا کەڤن و تا نوکە ئێک ژی نە ئینایە دەر،حوکمەت ژی بێدەنگ یا مەی و هێشتا ئێک پێنگاڤ نەهاڤێتیە.
هەروەسا مەحمود بجاری ئەندامێ جڤاتا پارێزگەها مۆسل بۆ عەرەبی ئەلجەدید گوتیە، خەلکێ باژێرێ مۆسل بێ هیڤی و نیگەرانن ژ ڤەگەریانا وان بۆ ودەڤەرێن وان، حوکمەتێ ژی تا نوکە دینارەک ژی تەرخان نەكریە بۆ ئاڤەدانكرنا وی شاری و هاڤێتنا پاشماوێن جەنگی ل وی شاریدا.
مۆسل ل خزیرانا 2014 پشتی رەڤینا 60 هزار چەكدار و سوپا و هێزێن نافخۆ یێن عێراقێ كەفتە دەستێ تیرۆریستێن داعش،پشتی زێدەتر ژ سێ سالان مایە ل ژێر دەستێ داعش،ل هەیڤا ئۆكتۆبەرا 2016 هەلمەتا رزگاركرنا مۆسلێ دەست پێكر و ل ئادارا 2017 مۆسل ژ تیرۆریستان هاتە پاقژکرن.
نيشاندان