ئەڤرۆ نيوز:

پەرلەمانێ کوردستانێ به‌رى ده‌مه‌كێ كێم كۆمبوو، ب گۆره‌ى به‌رنامێ كارێ په‌رله‌مانى ژى دێ خواندنا ئێکێ بۆ پرۆژە قانوونا چاکسازیێ د کارێ گشتی و مووچەی و خانەنشینیێ دا ئەنجام بدەت و دێ دانوستاندن ژى ل سه‌ر پرۆژێ قانوونا بازرگانيكرن ب ئه‌ندامێن لاشێ مرۆڤى دا هێته‌ كرن.

هه‌ر ب گۆره‌ى به‌رنامێ كارێ په‌رله‌مانێ كوردستانێ بڕياره‌ د كۆمبوونا ئه‌ڤرۆ دا، دێ خواندنا ئێكێ بۆ چه‌ندين پرۆژه‌يێن دژى هێته‌ كرن. ژ وان ژى ل دۆر ب عه‌ره‌بكرنا ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ و پرۆژێ دامه‌زراويكرنا هێزێن چه‌كدار ل هه‌رێما كوردستانێ وگه‌له‌كێن دى.

ئه‌ڤرۆ نيوز:

شانده‌كێ بلندێ كۆمه‌لا ئيسلامى و بزاڤا ئيسلامى ل سلێمانيێ و ل مه‌كۆيا سه‌ره‌كى يا بزاڤا گۆڕان يێ د كۆمبوونێ دا.

ئەڤرۆ نیوز:
پتر ژ 50 خودانێن سەمۆنخانان ل قەزا زاخۆ دوھی 9-1-2018 خوەنیشاندانەک ل بەرامبەر قایمقامیا قەزا زاخۆ ئەنجامدا و گەفێن داخستنا جھێن خوە کرن، ئەگەر ھات و حوکمەتا ھەرێمێ گازا سپی بۆ وان دابین نەکەت.

ئێک ژ پشکدارێن خوەنیشاندانێ بۆ ئەڤرۆ دیار کر، حوکمەتا ھەرێمێ بەلاڤکرنا گازا سپی ڤێ ھەیڤێ ژ وان بڕیە و ڤێ ژی کارتێکرنەکا مەزن ل سەر وان کریە و دبێژیت: ئێدی چو مفایێ مە د فرۆتنا سەمۆنان دا نەمایە، ئەگەر حوکمەت گازا سپی بۆ مە دابین نەکەت، ئێدی ئەم نەشێین کار بکەین و دێ سەمۆنخانێن خوە دائێخین.

ئەو یەک ژی دیار کر، ئەڤە چەندین جاران مە ب فەرمی سەرەدانا قایمقامیا زاخۆ کر بۆ دابینکرنا گازا سپی، بەلێ قایمقامیا زاخۆ دبێژیت: مە گاز نینە و نەشێین بدەینە ھەوە و ھەکە ھوسا بەردەوام بیت، ھەموو سەمۆنخانێن زاخۆ دێ ھێنە داخستن و نەشێن کار بکەن.

ئاشکرا ژی کر کو ئەڤە 12 سالە حوکمەتا ھەرێمێ گازا سپی ھەیڤانە ددەتە مە، ب وێ مەرەمێ مە بۆھایێ نان و سەمۆنان ئەرزانکریە، ژ نوو حوکمەت یا دبێژیت: چاڤدێریا بازرگانیا دھۆکێ گۆتیە گازا سپی ئێدی نەدەنێ و ئەڤە بڕیارا پارێزگەھا دھۆکێ ژی یە و گۆت ژی: “راگرتنا دانا گازا سپی بۆ سەمۆنخانە و نانپێژیان دێ زیانێ گەھینیتە ھەموو خەلکێ پارێزگەھێ”.

ژ لایەکێ دیڤە عەبدوللا ماسیکی، رێڤەبەرێ چاڤدێریا بازرگانی ل پارێزگەھا دھۆکێ تایبەت بۆ ئەڤرۆ دیار کر، ھەتا ھەیڤا 12 ژ سالا 2017 ژی گازا سپی ل سەر خودانێن سەمۆنخانە و نانپێژیان ھاتیە بەلاڤکرن، چونکو ل ھەموو دووماھیا ھەیڤان گاز بۆ وان دھێتە دابینکرن، بەلێ رەنگە بۆ ڤێ ھەیڤێ و ژ نھو وێڤە ئەڤ گازا سپی یا تایبەت بۆ سەمۆنخانە و نانپێژیان دچوو بھێتە بڕین.

ماسیکی خویا ژی کر، پارێزگەھا دھۆکێ رەنگە ئەڤرۆ ھەتا سوبە ڤێ بڕیارێ ئێکلا بکەت کو ئێدی گازا سپی بۆ خودانێن سەمۆنخانە و نانپێژیان نەھێتەدان، چونکو پارێزگەە ھوسا ھزر دکەت باشترە ئەو گازا ھەی بۆ خێزانێن پارێزگەھا دھۆکێ بچیت دێ پتر خزمەت ھێتە کرن ژ ھندێ بۆ سەمۆنخانە و نانپێژیان بچیت و گۆت: “رێژەکا مەزن یا گازێ بۆ سەمۆنخانە و نانپێژیان دچیت و رەنگە حوکمەتێ د شیان دا نەبیت ڤێ گازێ دابین بکەت”.

ئەڤرۆ نیوز:

گورەی پڕۆژە قانوونەکێ دێ لێپرسین دگەل ئەڤان کەس و کۆمپانیا ھێتەکرن یێن پشکداری د کارەساتێن ھەرێما کوردستانێ دا ھەی، سەرۆکێ کۆمەلا قوربانیێن کارەساتا ھەلەبجەژی دبێژیت، ھەتا ل نافخۆ ئەف کارەسات ب جینۆساید نەھێنە نیاسین ل دەرڤە کار لسەر ناھێتەکرن.

لوقمان عەبدولقادر، سەرۆکێ کۆمەلا قوربانیێن کیمیا بارانکرنا ھەلەبجە بۆ رۆژناما ئەڤرۆ گۆت” پشتی مە سالێن بۆری سکالا ل دادگەھێن نێڤدەولەتی لسەر ھژمارەک تۆمەتبار و کۆمپانیێن بیانی تۆمارکری لدۆر کارەساتا کیمیا بارانکرنا ھەلەبجە داددگەھێن بیانی بمە راگەھاندیە کو پێدڤیە لسەر ئاستێ نافخۆیا کوردستانێ ژی ب جینۆساید بھێنە تۆمارکرن و ڤەکۆلین دگەلدا بھێتە کرن دووڤ دا بھێنە دادگەھێن نێڤدەولەتی، لەوڕاژی مە چو قانوون ل ھەرێما کوردستانێ نینە و حوکمەتا عێراقێ ژی ددەمێ خوەدا قانوون دەرکریە و تێدا ھاتیە عێراق نەشێت ڤەکۆلینێ دگەل وان کەسادا بکەت یێن ژ دەرڤەی عێراق و ھەرێما کوردستانێ بن.

لوقمان عەبدولقادر گۆتژی” مە پڕۆژە قانوونەک ب ھەڤکاریا ھژمارەک رێکخراوێن قانوون بەرھەڤکریە و رادەستی پەرلەمانێ کوردستانێ کریە، ھەتا گورەی ئەڤێ قانوونێ تۆمەتبارێن ژ دەرڤە و کۆمپانیێن پشکدار د کارەساتێن بسەر مللەتێ کوردا ھاتی بھێنە دادگەھیکرن، داخواز ل ھەموو فڕاکسیۆنێن پەرلەمانی دکەین ھەموو بزاڤەکێ بکەن قانوون بھێتە پەسەندکرن، ھەتا ئەم دگەل رێکخراوێن بیانی کارێ خوە بکەین بۆ دادگەھیکرنا تۆمەتباران و قەرەبوکرنا زیانڤێکەفتیان.