ئه‌ڤرۆ نيوز:
ئه‌ڤ شه‌ڤه بهايێ نه‌فتێ بلندترين ئاست د ماوێ دو سالێن بوررى توماركر و هه‌ر به‌رميله‌كا نه‌فتا برێنت گه‌هشته 64 دولار و 35 سه‌نتان.
نه‌فتێ بلندترين بها د دو سالێن بورى دا تومار كر
نووترين نووچه
- سەرۆك بارزانی ل سالڤەگەڕا 34 یا سەرهلدانا پیرۆز: سەرهلدان پەیامەكا رۆهن بوو كو گەلێ كوردستانێ ئازادی و سەربەستی دڤێت
- نێچیرڤان بارزانی: فیدرالی و دەستكەفتێن دستووری و كاریگەرییا ئەڤرۆ یا كوردستانێ بەرهەمێن سەرهلدانێ نە
- مەسرور بارزانی: سەرهلدان ئێك ژ سەروەریێن مەزن یێن گەلێ كوردستانێ یە كو هەردەم جهێ شانازییا مەیە
- دوپاتیێ ل رێكخستنا ناڤمالا كوردی دكەین
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
سهرهكى Facebook
خونيشادانه‌كا نه‌رازيبوونێ دژى به‌غدا دێ هێته ئه‌نجام دان
ئه‌ڤرۆ نيوز: عه‌زیز هه‌ورامی:
برياره سوبه خونيشادانه‌كا نه‌رازيبوونێ ل هه‌له‌بجه دژى حوكمه‌تا عيراقێ بهێته سازكرن ژبه‌ر كو د ره‌شنڤيسێ پرۆژه بودجه‌يێ 2018 ێ دا، چو بودجه بۆ هه‌له‌بجه نه‌هاتيه دياركرن دده‌مه‌كێ دا ل رۆژا 13-3-2014 هه‌له‌بجه ب ئيمزا نێچيرڤان بارزانى سه‌رۆك وه‌زيرێن هه‌رێمێ بوويه پارێزگه‌هـ.
(لوقمان عه‌بداقادر)سه‌رۆكێ كومه‌لا قوربانيێن هه‌له‌بجه بۆ ئه‌ڤرۆ نيوز راگه‌هاند، خونيشادان دێ ل هه‌مبه‌ر نڤيسينگه‌ها په‌رله‌مانێ عيراقێ ل هه‌له‌بجه هێـته سازكرن و دێ به‌ياننامه‌ك بۆ رايا گشتى خوينين و پێشێلكاريێن هه‌مبه‌ر هه‌رێمێ يێن ژ ئاليێ به‌غدا ڤه دهێنه كرن، دێ شه‌رمزار كه‌ين.
ماوێ دابەشکرنا پارێ کارمەندێن پرۆسا ریفراندۆمێ هاتە ئاشکراکرن
ئەڤرۆ نیۆز،زنار تۆڤی:
بەرپرسێ به‌شێ دارایی ل كۆمسیۆنا سه‌ربه‌خۆیا هه‌لبژارتنێن هه‌رێما كوردستانێ، ئاشكرا كر،کو د ماوێ حه‌فتیه‌كێ دا دێ ده‌ست ب دابه‌شكرنا پارێ كارمه‌ندێن برێڤەچوونا پرۆسا ریفراندۆمێ کەن.
زه‌رده‌شت مه‌لا حه‌سه‌ن،رێڤەبه‌رێ دارایی ل كۆمسیۆنا سه‌ربه‌خۆیا هه‌لبژارتنێن هه‌رێما كوردستانێ راگه‌هاند:هه‌ر چه‌نده وەسا بریاربوو کو ل هەیڤا بوری یا چریا ئێکێ پارێ كارمه‌ندێن برێڤەچوونا ریفراندۆما سه‌ربه‌خۆیا هه‌رێما كوردستانێ ب سه‌ر كارمه‌نداندا دابه‌ش بكه‌ین،بەلێ ب ئەگەرێ وی بارودۆخێ كو هاتیه پێش و ب تایبه‌ت ل دەڤەرێن ده‌رڤەی ئیدارا هه‌رێما كوردستانێ،ئەڤ پرۆسه پاشكه‌فت.
هه‌روه‌سا گوت ژی:جارەکا دی ئاماده‌كاری هاتینە ته‌مامکرن و بودجه ژی هاتیە دابین كرن،لەورا بریاره ل دوماهیا ڤێ حه‌فتێ دا یان ژی ل دەستپێکا حەفتیا بهێت ده‌ست ب دابه‌شكرنا وی پاره‌ی بكه‌ین.
زه‌رده‌شت مه‌لا حه‌سه‌ن دیارکر ژی،ل قۆناغا ئێکێدا دێ پارێ دەڤەرێن كوردستانی یێن ده‌رڤەی ئیدارا هه‌رێما كوردستانێ هێنە دابه‌شکرن و هه‌ر كارمه‌ندەک دێ (180) هزار دینارا وەرگریت و د قۆناغا دویێ دا دێ پارێ كارمه‌ندێن پارێزگەهێن هه‌رێما كوردستانێ هێنە دابه‌شکرن كو هەر كارمه‌ندەک دێ (120) هزار دیناران وەرگریت.
رێڤەبەرێ دارایی ل كۆمسیۆنا سه‌ربه‌خۆیا هه‌لبژارتنێن هه‌رێما كوردستانێ ئاشكرا کر کو (55) هزار كارمه‌ند دێ ژ وه‌رگرتنا ڤی پاره‌ی مفادار بن.
پیرێزی ل بەرە نەیماری بینیتە ریال مەدرید
ئەڤرۆ نیۆز،زنار تۆڤی:
رۆژناما مۆندۆ دیپۆرتیڤۆ یا كه‌ته‌لۆنی بەلاڤەکریه،کو سه‌رۆكێ یانا ریال مه‌درید فلۆرینتینۆ پیرێزی په‌یوه‌ندیەکا ته‌له‌فۆنی ل گه‌ل بابێ نه‌یمار دا سێلڤای ئەنجامدایە و د وێ تەلەفۆنێ دا بەحس ل هندێ کریە،کو ب چ رێک د داهاتی دا نه‌یماری ڤەگۆهێزیت بۆ ناڤ رێرێن یانا ریال مه‌درید،داکو وی بكه‌نە ستێرا ئێکێ یا وێ یانێ ل جهێ رۆناڵدۆی.
بۆچى پشته‌ڤانێن به‌رشه‌لونا ژ سوارێزى درازى نينن؟
ئه‌ڤرۆنيۆز:
دخۆلا ئه‌ڤ ساله يا ئيسپانى دا، هێرشبه‌رى ئورگويانى يێ يانا به‌رشه‌لونا (لويس سوارێز) دقوناغه‌كا ب زه‌حمه‌ت دا ده‌رباز دبيت وپشته‌ڤانێن به‌رشه‌لونا ژ ئاستێ وى درازى نينن.
د11 ياريێن بۆرى يێن به‌رشه‌لونا دڤى وه‌رزى دا ئه‌نجامداين، لويس سوارێزى تنێ 2 گۆل يێن توماركرين ئه‌وژى گۆله‌ك ل سه‌ريانا ئيسپانيول ئه‌وا ب سه‌ركه‌فتنا به‌رشه‌لونا ب دووماهى هاتى ب پێنج گۆلان بێ به‌رامبه‌ر و گۆله‌ك ل سه‌ر يانا جيرونا كو ب سه‌ركه‌فتنا به‌رشه‌لونا ب سێ گۆلان بێ به‌رامبه‌ر ب دووماهى هاتى.
ل دووماهى ياريا به‌رشه‌لونا ل سه‌ر ياريگه‌ها خوه ل گه‌ل يانا سڤيليا ئه‌نجامداى كو تێدا ب دو گۆلان به‌رامبه‌ر گۆله‌كێ ب سه‌ركه‌فتى، پشته‌ڤانێن به‌رشه‌لونا درووشمێن نه‌رازيبوونێ دژى سوارێزى دگوتن ژبه‌ر پاشڤه‌چوونا ئاستێ وى و نه تۆماركرنا گۆلان.
لويس سوارێز ياريكه‌رێ هه‌لبژارتيێ ئوروگواى ل خۆلا 2014/2015 ژيانا لێڤه‌رپۆل يا ئێنگليزى هاتيه دناڤ رێزێن يانا به‌رشه‌لونا ودوه‌رزێ خوه يێ ئێكێ دا ل گه‌ل به‌رشه‌لونا شيا 16 گۆلان تۆمار بكه‌ت و ل رێزا 8 بهێت دليستا گولكه‌رێن خۆلا ئيسپانيا دا و دخۆلا ددوڤدا 2015/2016 ناسناڤێ گۆلكه‌رێ خۆلێ بده‌ستڤه‌ئينا ب تۆماركرنا 40 گۆلان ول خۆلا بۆرى 2015/2016 ل رێزێ دويێ هات دليستا گولكه‌رێن خۆلێ دا ب تۆماركرنا 28 گۆلان كو ليۆنێل ميسى ل رێزا ئێكێ هاتبوو ب تۆماركرنا 38 گۆلان.
پيرلۆى ده‌ست ژ ته‌پا پێ به‌ردا
ئه‌ڤرۆنيۆز:
ياريكه‌رێ ئيتالى ئه‌ندريا پيرلۆ كو يارىكه‌رێ به‌رێ يێ هه‌لبژارتيێ ئيتاليا وهه‌رسێ يانێن ئه‌نترميلان وئه‌ى سى ميلان و يوڤنتوس بوو، بريارا ده‌ست به‌ردانێ ژ ته‌پا پێ دا پشتى يانا وى يا نوكه نيويۆرك سيتى ژ هه‌ڤركيا ل سه‌ر بده‌ستڤه‌ئينانا قاره‌مانيا پشكا رۆژهه‌لاتا خۆلا ئه‌مريكى يا ته‌پا پێ ده‌ركه‌فتى.
رۆژناما (ئاس) يا ئيسپانى به‌لاڤكر، پيرلۆى دووماهى ب كاروانێ خوه ل گه‌ل ته‌پا پێ ئينا پشتى 23 سالێن ياريكرنێ كو تێدا چه‌ندين ناسناڤ بده‌ستڤه‌ئيناين وه‌كو خۆلا قاره‌مانێن ئورۆپا وجاما جيهانى وقاره‌مانيا حۆلا ئيتالى.
پيرلۆ ل سالا 2015 به‌ر ب خۆلا ئه‌مريكى ڤه چوو و 60 يارى ل گه‌ل يانا نيويۆرك سيتى كرينه وتێدا گۆله‌ك تۆماركريه و 9 گۆل ژى چێكرينه، داڤيد ڤيا ياريكه‌رێ به‌رێ يێ هه‌لبژارتيێ ئيسپانيا و هه‌ردو يانێن ڤالنسيا وبه‌رشه‌لونا ل گه‌ل پيرلۆى دناڤ رێزێن يانا ئه‌مريكى يارى دكر. ل سالا 2014 ده‌ست ژ ياريكرنێ دناڤ هه‌لبژارتيێ ئيتاليا به‌ردا پشتى ده‌ركه‌فتنێ ژ قۆناغا گرۆپان دجاما جيهانى دا ل به‌رازيل.
ژیانا مەسیحیێن دەشتا نەینەوا د مەترسیێ دایە
ئەڤرۆ نیۆز،زنار تۆڤی:
هەکە سنوورەك بۆ حه‌شدا شه‌عبى نەهێتە دانان، دێ مەسیحی بۆ دەرڤەی وەلاتی کۆچ کەن،وەحیدە یاقۆ ھورمز نوونەرا مەسیحیان ل پەرلەمانێ کوردستانێ دبێژیت ژیانا مەسیحیێن دەشتا نەینەوا د مەترسیێ دایە،کو جارەکێ ل سەر دەستێ داعشێ ئاوارە بووینە،نوکە ژی ل سەر دەستێ حەشدا شەعبی ئاوارە د‌بن،لەورا ناڤهاتی داخوازێ ژ جڤاکێ نێڤدەولەتی دکەت هەکە سنوورەك بۆ ڤێ مه‌ترسیێ نەهێتە دانان، ئه‌و دێ نەچار بن ب کۆم بۆ دەرڤەی وەلاتی کۆچ کەن.
هەروەسا گوت پێشتر خەلکەکێ زۆر ژ مه‌سیحیان زڤریبوونا دەڤەرێن خۆ،ژبەرکو پێشمەرگەی ئەو دپاراستن و دۆخێ وان زۆر یێ ئارام بوو، بەلێ دەمێ حەشدا شەعبی ھاتیە ڤێ دەڤەرێ،جارەکا دی مه‌سیحی ئاوارە بووینە ڤە.
ئەو نوونەرا مەسیحیان دبێژیت ژی،ئه‌وان داخواز ژ جڤاکێ نێڤدەولەتی کریە،کو وان ژ دەستێ حەشدا شەعبی بپارێزن،یان ژی رێکێ بدەنێ کو ئەو هەموو پێکڤە ب چنە دەرڤەی وەلاتی،ل دووڤ گوتنێن ناڤهاتیێ ،نوکە ئەمریکا و فرەنسا ھاتینە سەر خەتێ و رەنگە ئەڤ ره‌وشه بهێته چارەسەر کرن و جارەکادی مه‌سیحی ڤەگەرنە سەر جهێن خۆ و ژیانەکا ئاسۆده دەست پێ بکەن.
وەزارەتا پێشمەرگەی:مە كۆمبوونەکا ئەرێنی ل گەل هەڤپەیمانان ئەنجامدا
ئەڤرۆ نیۆز،زنار تۆڤی:
پەیڤدارێ وەزارەتا پێشمەرگێ هەرێما كوردستانێ، راگەهاند مە كۆمبوونەکا ئەرێنی ل گەل نوونەرێ هەڤپەیمانان ئەنجام دایە،گوت ژی مە گوتیە وان هوون دشێن رۆلەکێ گرنگ ببینن ژ وان كێشێن هەرێما كوردستانێ و بەغدا،کو ب گفتوگۆیەکا ئاشتیانە بهێنه چارەسەر کرن.
هەلگورد حكمەت پەیڤدارێ وەزارەتا پێشمەرگێ هەرێما كوردستانێ راگەهاند ژی كۆمبوونا وەزارەتا پێشمەرگەی ل گەل نوونەرێ هەڤپەیمانان،کو ئەڤرۆ دووشەمبی 6-11-2017 هاتیە ئەنجامدان یا ئەرێنی بوویە و مە كۆمبوونەکا باش ئەنجامدایە،وان گوه ل سەرنج و تێبینیێن مە گرت،مە جەخت ل هندێ كریە كو مەبەستا هەرێما كوردستانێ ئەوە کو كێشەیان ل گەل بەغدا ب گفتوگۆیێ چارەسەر بكەت.
پەیڤدارێ وەزارەتا پێشمەرگێ هەرێما كوردستانێ، دەربارەی داخوازیێن کوردان ژ هەڤپەیمانان گوت:مە داخواز ژ نوونەرێن هەڤپەیمانان كریە كو رۆلێ گرنگ ببینن،داکو كێشێن هەرێما كوردستانێ و بەغدا ب گفتوگۆیێن ئاشتیانە بهێنە چارەسەر کرن.
وەزارەتا پێشمەرگێ هەرێما كوردستانێ دەربارەی بەردەوامیا هاریکاری و هەماهەنگیا دناڤبەرا هەڤپەیمانان و پێشمەرگەی گوت:هاریكاری و هەماهەنگیا هەڤپەیمانان بۆ پێشمەرگەی یا بەردەوامە و هەر ئەڤرۆ وەلاتێ بەلجیكا پێنج پێشمەرگەیێن بریندار بۆ چارەسەركرنێ برینە دەرڤەی هەرێما كوردستانێ.
قوباد تالبانى: حوكمه‌تا هه‌رێمێ دووپاتيێ ل پشكداريا نێڤده‌وله‌تى ددانوستاندنێن هه‌ولێرێ و به‌غدا دكه‌ت
ئه‌ڤرۆنيۆز:
جيگرێ سه‌رۆكێ حوكمه‌تا هه‌رێمێ، قوباد تالبانى، ئه‌ڤرۆ دوشه‌مبى راگه‌هاند، حوكمه‌تا هه‌رێما كوردستانێ دووپاتيێ ل سه‌ر پێدڤيا پشكداريا نێڤده‌وله‌تى دهه‌ر دانوستاندنه‌كێ دا بۆ چاره‌كرنا ناكۆكيان وكێشێن هه‌لاويستى ل گه‌ل به‌غدا.
قوباد تالبانى ل په‌يچێ خوه ل سه‌ر تۆرا جڤاكى يا تويته‌رى به‌لاڤكر( پشكداريا نێڤده‌وله‌تى رێيا ئێكانه‌يه بۆ چاره‌كرنا كێشێن هه‌لاويستى دناڤبه‌را كوردستانێ و حوكمه‌تا فيدرالى).
وه‌زاره‌تا پێشمه‌رگه‌ى بۆ هه‌ڤپه‌يمانان: به‌غدا نه‌چار بكه‌ن حه‌شدا شه‌عبى ڤه‌كێشيت
ئه‌ڤرۆنيۆز:
وه‌زاره‌تا پێشمه‌رگه‌ى، ئه‌ڤرۆ دوشه‌مبى، كۆمبوونه‌ك ل گه‌ل شانده‌كێ هه‌ڤپه‌يمانيا نێڤده‌وله‌تى دژى داعشێ ب سه‌ركێشيا ئه‌مريكا ئه‌نجامدا ل دۆر دانوستاندنێن له‌شكرى دناڤبه‌را هه‌ولێرێ و به‌غدا.
وه‌زاره‌تا پێشمه‌رگه دبه‌ياننامه‌كێ دا راگه‌هاند، كه‌ريم شنگالى وه‌زيرێ پێشمه‌رگه‌ى ب وه‌كاله‌ت وهژماره‌كا ئه‌فسه‌رێن مه‌زن يێن وه‌زاره‌تێ ئه‌ڤرۆ ل گه‌ل شانده‌كێ هه‌ڤپه‌يمانيا نێڤده‌وله‌تى كۆمبوون.
به‌ياننامێ ژزار ده‌ڤێ شنگالى ڤه‌گوهاست، دانوستاندن دناڤبه‌را هێزێن پێشمه‌رگه‌ى و له‌شكرێ عيراقێ دبه‌رده‌وامن وهژماره‌كا پێشنيازان هاتينه بلندكرن بۆ له‌شكرێ عيراقێ وهه‌تا نوكه چو به‌رسڤ بۆمه نه‌هاتينه، به‌رۆڤاژى لڤينێن له‌شكرى ژلايێ له‌شكرێ عيراقێ و حه‌شدا شه‌عبى ڤه يێن زێده‌تر بووين.
گۆت ژى، به‌رى نوكه ئه‌م گه‌هشتبووينه رێككه‌فتنه‌كێ كو له‌شكرێ عيراقێ ل هنده‌ك ده‌ڤه‌ران به‌لاڤ ببيت وهێزێن حه‌شدا شه‌عبى پاشڤه بچن وخوه ژوان ده‌ڤه‌ران ڤه‌كێشن، به‌لێ ب مخابنى ڤه ئه‌و رێككه‌فتن نه‌هاته بجهئينان وهيڤيدارين هه‌ڤپه‌يمانيا نێڤده‌وله‌تى ناڤبژيڤانيا خوه دناڤبه‌را پێشمه‌رگه‌ى و له‌شكرێ عيراقێ به‌رفره‌هتر بكه‌ت هه‌تاكو بشێن رێككه‌فتنێن هاتينه كرن دناڤبه‌را هه‌ردو لايه‌نان دا بجهبينن وره‌وش ئاسايى ببيت.
نيشاندان
WP Facebook Auto Publish Powered By : XYZScripts.com