ئەڤرۆ نیۆز ، زنار تۆڤی:
زەلامێ به‌رێز،هەکە ل دەف تە بێده‌نگیا هەڤژینا تە مانایا رازیبوونێیه کو گەلەک یێ خەلەتی،چونكی ئه‌ڤ ئاخفتنه ب تنێ بۆ هندەک حالەتێن جۆدا یا گونجایه،لەورا ب شێوه‌کێ گشتی بێده‌نگیا ژنان ب چه‌ندین جۆرێن جۆدا مانایا خۆ هه‌یه،کو ره‌نگه یا بزەحمەت بیت تۆ بشێی تێبگەهی.
ب گشتی ژن حه‌ز ژ ئاخفتنێ دكهن،پتریا جاران ژی ئەو مرۆڤێن کێم د ئاخڤن،ژن وان ب ئاخفتنێ ڤەدکەن، چونكی ب سروشتێ خۆ وەسا دروست بووینە،حه‌ز ژ روونكرنێ و دانوستاندنێ ل سه‌ر تشتان دكهن،به‌لێ هندەک جاران بێده‌نگیەکا سه‌رسوورهێنه‌ر وان دگریت و یا ب زەحمەتە بۆ زەلامی کو د وی هۆكاری بگەهیت.
لدووڤ وی نووچەیێ د مالپەرێ سه‌یده‌تی دا هاتی، ژن ژبهر ڤان هۆكاران ئاخفتنێ پشتگوه دئێخیت و بێده‌نگ دبیت:
. ئه‌و دەمێ تەمام ژتە بێزار دبیت،روودانێن ژیانا تە و ئه‌و پێکڤە نابه‌ستن،ئانکو تە هیچ گرنگیەک ل دەف وێ نامینیت،لەورا نە بۆ تە د ئاخڤیت، نه ژی چاڤەرێی ئاخفتنێ دکەت و دێ بێده‌نگ بیت.
. ئه‌و دەمێ تۆ وێ توورە دکەی،تە نەڤێت ب دانوستاندنێ چاره بكەی و دلێ وێ یێ شكەستی ب بێده‌نگی دهێلی،دڤی دەمی دا یا چاڤەرێیە کو تۆ ب میهره‌بانی و حەز ژێکرن ل گەل باخڤی،لەورا دێ خۆ بێده‌نگ کەت.
. دەمێ تشتەکێ گرنگ د ژیاناوێدا روو ددەت،پێدڤیە تۆ زۆر ب باشی هزرێ لێ بكەی و ب تەمامی مێشكێ خۆ ب كار بینی، ژبهر هندێ هیچ ئاخفتنەکێ ناكەت و ل دەف وێ ئاساییه،هەکە رۆژێ هەموویێ ب هزرکرنێ و بێدەنگیێ ب بورینیت.
. هەکە تە تشتەک لێ ڤەشارت،نەشێت راشکاوانە بۆ تە بەحس بكەت،هەروەسا وێ ڤەشارتنێ ژی ب تاوان دزانیت،ژبەر هندێ ب خەمباریڤە دێ بێده‌نگ بیت.
. دێ وان دەمان ژی بێده‌نگ بیت،هەکە ژ رەفتار و بریارێن تە رازی نەبیت،نەڤێت ژ وێ زێدەتر ل گەل تە باخڤیت و تە بینیتە سەر وێ سوحبەتێ،ژبەر هندێ دێ خۆ بێده‌نگ کەت و دێ چاڤەرێی وی دەمی بیت،کو تۆ بچی بێژیێ و بهێیە سەر سوحبەتا وێ.
. دێ بێده‌نگیێ هه‌لبژێریت، ل وی دەمێ هه‌ست دکەت،کو دێ ئاخفتنا وێ نەخۆشی ژی پەیدابیت،ئەگەرا هندێ هەیە کو تۆ ئاخفتنێن رەق بێژیێ،ژبەر هندێ دێ بابه‌تی دائێخیت و هیچ ئاخفتنەکێ ل سه‌ر ناكەت،هەتا توورەیا تە ب دووماهی نەهێت.
. دەمێ شەرەکێ مەزن دناڤبەرا هەوە دا روو ددەت،دێ ته‌مام بێزار بیت و دڤێت هزر بكەت،پتریا وان هزرکرنا ژی بۆ جۆدابوونێ و داخوازکرنا ته‌لاقێ ڤەدگەرن،ژبەر هندێ هەکە تە بێدەنگ و بێتاقه‌ت دیت،باشترە تۆ ل گەل باخڤی،بەری کو ئه‌و هزرکرنا مه‌ترسیدار د مێشكێ وێدا گه‌شه بكەت.
نيشاندان
