ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 7ى كانوونا دويێ 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1256 |
| 1 يۆرۆيێ ئه‌ورۆپى | 1520 |
| 1 ليرێ توركى | 330 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا دوشه‌مبى رێكه‌فتى 8ى كانوونا دويێ 2018 دهێته پێشبينيكرن دێ ساهى بيت ل گه‌ل هنده‌ك ئه‌ورێن كێم.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا راگه‌هانديه كو ژ ئه گه‌رێ هاتنا فشارێن بلندێن وه‌لاتێ توركيا دهێته پێشبينيكرن ئه‌سمان ساهى بيت ل گه‌ل هنده‌ك ئه‌ورێن كێم.
پشكا پێشبينيان خۆيا ژى كريه كو نزمترين پلا گه‌رما پێشبينيكرى دێ 3 پله بيت و بلندترين پله ژى دێ 17 پله بيت.
هه‌ر ب گۆره‌ى ڤێ راپۆرتا رێڤه‌به‌ريا ناڤبرى له‌زاتيا باى دێ گه‌له‌ك زێده‌كه‌ت و ل هنده‌ك جاران دێ گه‌هيته 5 بۆ 10 كم بيت د ده‌مژمێره‌كێ دا و ماوێ ديتنێ ژى دێ 10كم بيت.
ئه‌ڤرۆ نيوز:
شاندێ پارتى ب سه‌رۆكاتيا نێچيرڤان بارزانى گه‌هشته مه‌كته‌با سياسى يا ئێكه‌تيێ و ل گه‌ل مه‌كته‌با سياسى يا ئێكه‌تيێ يێ د كۆمبوونێ دا.
شاندێ پارتى نێچيرڤان بارزانى سه‌رۆكاتيا وى دكه‌ت و فازل ميرانى و هشيار زێبارى و رۆژ نورى شاويس و دلشاد شه‌هاب و ئازاد به‌روارى يێ ل گه‌ل.
شاندێ ئێكه‌تيێ ژ هێرۆ ئيبراهيم ئه‌حمه‌د و مه‌لا به‌ختيار و شێخ جه‌عفه‌ر و عومه‌ر فه‌تاح و حاكم قادر پێكهاتيه.
ئه‌ڤرۆ نيوز:
مەی ڤەخوارن ژی ئەگەرەکێ قەلەویێ و گێژاتیێ یە، ھەکە تو خۆ زەعیف دکەی پێدڤیە غاردانێ ژی بکەی ل دووڤ پێدڤیا لەشێ خۆ، ددەمێ راھێنان دا ھندەک ئاڤا تەزی ڤەخو بەلکی شیانێن تە باشتر لێ بھێن، ئەڤە و چەندین رێکێن دی ھەنە کو تو بشێی شێوازا ژیانا خوە ب گۆھوری و بەر ب باشتر لێبەکی، شیرەتێن ل خوارێ د دەە چرکەیان دا دێ شێوازێ ژیانا تە یا ساخلەمیێ ڤەگەرینن و دێ تە ژ نەخۆشیێن بەربەلاڤ و بەدخوراکیێ و گێژاتیێ و تەمبەلیێ پارێزن.
ئەرێ تو تێشتەکا باش دخوی؟
تێشتێ ھەموو ڤیتامین دناڤدا ھەنە، ئەرێ تو دزانی کو 40% ژ خوارنێن سپێدەھیان دناڤ شیری دا د حەلیێن؟ لەورا شیری ڤەخوو دا مفای ژێ ببینی.
ئاڤا تەزی بۆ راھێنانان ب کاربینە:
ڤەخوارنا چەند کوپێن ئاڤێ بەری و ل گەل راھێنانێن وەرزشی دێ شیانێن تە ب رێژا 23% زێدەبن، ئاڤا تەزی دێ ھاریکاریا تە کەت بۆ سۆتنا کاوریان و زەعیفکرنا تە.
سەنگان راکە:
راکرنا کێشێن گران، ھێزا زەڤلەکان زێدەدبیت و ھاریکاریێ د سوتنا روینان دا دکەت، پەیڤێن پشتەڤانیێ ژی شیانان زێدەدکەن ب رێژا 5-8%، لەورا ھەول بدە ھەڤالێن خۆ پال بدە کو ل دەمێ تو دچیە یانەیێن وەرزشی ئەوژی بھێن و پشتەڤانیا تە بکەن، داکو شیانێن تە بھێز بکەڤن.
یێ بەردەوام بە ل سەر شیانێن خوە:
ڤەکولینان دیارکریە ئەو کەسێن بەردەوامیێ ددەنە شیانێن خۆ ب رێژا 97% سەرکەفتنێ بدەست خوڤە دئینن، لەورا ھەول بدە بەردەوام بە ل سەر کێمکرنا سەنگێ خۆ و جگارەیان بھێلە و دێ زوو سەرکەفتنێ بدەست خو ئینی.
سۆر ئانکو ھێز:
رەنگێ سۆر رەنگێ فیریانێ، تورەبوونێ و ھێزێ یە، لەورا باشترە فێقیێ ب رەنگێ سۆر بخوی ژبەرکو گەلەک کاریگەری ھەیە و دێ ھاریکاریا تە کەت بۆ پاراستنا تە ژ نەخۆشیان.
ژ مەی ڤەخوارنێ ب ر اوەستە:
مەی ڤەخوارن ئەگەرەکێ دی یێ قەلەویێ و گێژاتیێ و تەمبەلیێ یە، ل دووڤ ڤەکولینەکا وەلاتێ کوریا شارەزا شیرەتا ل مە دکەن کو ھلیومی ب شێوەیەکێ رێکخستی بخوین بۆ ڤەگەراندنا ھەڤسەنگیا ئەنزایمێن لەشی و دژایەتیکرنا وان پشکێن ئیدمانێ ب کحولی چێدکەن.
گوھداریا پێن خوە بکە:
ھەکە تو ھەولا خۆ زەعیفکرنێ ددەی، ھەول بدە ل دووڤ پێدڤیا لەشێ خۆ برێڤە ھەرە، ھەول بدە دەمەکی بۆ ھەروێلێ و راھێنان ببینە و ھەر چ نەبیت رۆژانە 30 خولەکان برێڤەھەرە دا مفای ببینی.
نانێ سپی ب ئارێ سفر نەکرە:
جھێ داخێ یە ھندەک نانپێژی نانی ب ئارێ سفر دروستدکەن و باشترە وی نانی بخوی یێ 100 گەنم بیت کو گەلەک رووشال دناڤدا ھەنە و بۆ ساخلەمیا لەشی مفایەکێ مەزن ھەیە.
ھێزا خوە زێدە بکە:
ل دووڤ ڤەکولینان دیاردبیت کو ئاڤاکرنا زەڤلەکان بەرگریا لەشێ مرۆڤی زێدەدکەت، لەورا دەمێ تو راھێنانێ ل سەر راکرنا سەنگان دکەی ھەول بدە لەەشێ خۆ پال بدە ل دووڤ شیانان ھەتا تو نەچاردبی ھەردو دەستان ب کاربینی.
لەشێ خوە ژ سەری ھەتا پێیان ھشک بکە:
پشتی سەرشووشتنێ لەشێ خۆ ھەمیێ ژ سەری ھەتا رەخێن پێیان ھشک بکە، ژبەرکو تەراتی دبیتە ئەگەرێ پەیداکرنا ئێشانێ و توشبوونێ ب نەخۆشیان.
ئه‌ڤرۆ نيوز:
ل سەر دایک و بابان پێدڤیە پشکنینا پرچێ زارۆیێن خوە ب شێوەیەکێ بەردەوام بکەن، داکو دیاربکەن کا سپە ھەنە یان نە و کاربکەن سپە بۆ ھەڤالێن وی نەھێنە ڤەگوھاستن و زارۆیان فێربکەن کو چو کەرستێن ھەڤالێن خوە ب کارنەئینن.
سپە نەخۆشیەکا ڤەگرە و خوریانەکا دژوار پەیدادکەن، ژ ئەگەرێ کێزکا سپھا کو ب پرچێ ڤە دمینن پەیدادبیت، ل گەل ڤەبوونا دەرگەھێن قوتبخانا پێدڤیە دایک و بابان پێزانین ل سەر ھەبن داکو نەھێنە ڤەگوھاستن بۆ زارۆیێن وان ل قوتابخانێ.
سپە یان رشک رادبن ب خوارنا خوینا کەسێ تووشبووی، پتریا جارا ئەڤ پەژی یە ل قوتابخانە و خانیێن چاڤدێریێ پەیدادبیت و ب رێیا دەستکرن و تێکەلیا نێزیک دناڤبەرا پرچێ یان سەرێ تووشبووی و سەرێ کەسێ ساخلەم دھێتە ڤەگوھاستن، ھەروەسا ب رێیا ب کارئینانا کەلوپەلێن کەسایەتی یێن کەسێ تووشبووی وەکو شە و خاولی و جلکا دھێنە ڤەگوھاستن.
سپە نەشێن پتری 48 سعەتا ژدەرڤەی کەڤلێ سەری بژین، چونکو پێدڤیە ب خوینێ دبن، بەلێ رشک دشێن ژدەرڤەی پرچێ ژی بژین ھەتا دەە رۆژا ئەوژی ل سەر بالیفک و شەیان دژین وەک نموونە.
بۆ خوپاراستنێ ژ سپھان پێدڤیە ڤان خالا بەرچاڤ وەربگرین:
– زارۆیان فێربکەین کەلوپەلێن ھەڤالێن خوە ب کارنەئینن.
– ل سەر دایک و بابا پێدڤیە پشکنینا بەردەوام یا پرچێ زارۆیێ خوە بکەن داکو زوو سپھا دەستنیشان بکەن و بزانن سەرەدەریێ ل گەل بکەن، بەری بۆ ھەڤالێن وان بھێنە ڤەگوھاستن.
– ئاگەە ژ نیشانێن تووشبوویێن سپھا ھەبیت وەکو خوریانا دژوار دسەری دا.
ئه‌ڤرۆ نيوز:
سەرەرای ئالۆزیێن ل ئیرانێ و ھندەک باژێرێن رۆژھەلاتێ کوردستانێ لێ کوردێن رۆژھەلاتێ کوردستانێ ژ پاشەرۆژا ئیرانێ و ھاتنا سیستەمەکێ نوو دلگرانن و وەلاتیێن کورد دبێژن ھەلویستێ ئالیێن کو نھا داخوازا ژناڤچوونا رژێما ئیرانێ دکەن ل ھەمبەر کوردان ژ ھەلویستێ رژێما نھا باشتر نینە و ڤێ یەکێ کاریگەریا خوە ل ھەلویستێ کوردان ل دۆر خوەنیشادانێن ل ئیرانێ کریە.
قارەمان مەحمودی چاڤدێرێ سیاسی ل رۆژھەلاتێ کوردستانێ بۆ رۆژناما ئەڤرۆ ل دۆر خوەنیشادانێن ل ئیرانێ و ھەلویستێ کوردان ل رۆژھەلاتێ کوردستانێ دیار کر کو ئالۆزیێن نھا ل ئیرانێ دەستپێکێ ل دەڤەرێن کو ئاکنجیێن وان فارسن دەستپێ کرینە و وان دڤێت رژێما نھا نەمینیت، نھا خوەنیشادان ل گەلەک باژێران بەردەوامە و ل رۆژھەلاتێ کوردستانێ ژی خوەنیشادان ھاتنە کرن و گۆت: (لێ خوەنیشادانێن ل رۆژھەلاتێ کوردستانێ وەکو پێدڤی نینن، یا ئێکێ پارتێن سیاسی وەکو پێدڤی جڤاکێ کوردی بۆ قۆناغا داھاتی رێکخستن نەکرینە و خالا دویێ و یا ھەری گرنگ ژی بەرھنگاریا ئیرانێ ئەو ھێزن کو پتر ژ رژێما نھا دژبەریا مافێ کوردان دکەن، ژ بەر ھندێ ژی کوردێن رۆژھەلات ل دۆر پاشەرۆژا خوە ل ئیرانێ نیگەرانن).
ل ئالیێ دی ل گەل خوەنیشادانێن ل باژێرێن ئیرانێ ل رۆژھەلاتێ کوردستانێ ژی خوەنیشادان ھاتینە کرن لێ درووشمێن نەتەوی بۆ بدەستڤەئینانا مافێ نەتەوی یێ گەلێ کورد وەکو پێدڤی نەھاتنە گۆتن و پتر وەکو دەڤەرێن دی خوەنیشادەران داخوازا نەمانا رژێما نھا یا ئیرانێ کرینە و چاڤدێرێن سیاسی یێ کورد ژی دیار دکەن کو پارتێن رۆژھەلاتێ کوردستانێ خوە بۆ ھەر گوھۆرینەکێ ل ئیرانێ بەرھەڤ نەکرینە و نەشیاینە رۆلەکا کاریگەر د رەوشا نھا یا ئالۆز ل ئیرانێ دا بگێرن.
وەلی خەلیلی چاڤدێرێ سیاسی ل رۆژھەلاتێ کوردستانێ ل دۆر رۆلێ بەرھنگاریا ئیرانێ و رژێما داھاتی دیار دکەت کو دەمێ ل ھەرێما کوردستانێ کوردان ریفراندۆم بۆ پاشەرۆژا خوە دکرن مە دیت کا چاوا پتر ژ رژێما ئیرانێ ئۆپۆزسیۆنا ئیرانی ئەوێن ل ئورۆپا و ئەمریکا دژبەریا مافێ کوردان دکرن، ھندەک نھا داخوازا ڤەگەریانا کورێ شاھێ ئیرانێ دکەن، شاھێ ئیرانێ ئەو کەس بوو کو گەلەک زۆلم و زۆرداری ل کوردان کریە، براستی ژی پاشەرۆژا کوردان ل رۆژھەلاتێ کوردستانێ تاری دیارە و گۆت: (ژ بەر ھندێ ژی وەکو پێدڤی کوردان پشکداری د خوەنیشادانێن ل دژی رژێما تەھرانێ دا نەکرینە و ل ھندەک باژێران خوەنیشادان ھەبوون لێ د ئاستێ پێدڤی دا نەبوون، ھەکە کورد ژ پاشەرۆژا خوە پشتراست بان دا ل ھەموو رۆژھەلاتێ کوردستانێ دەست ب خوەنیشادانان بکەن و بێگومان ھەکە کوردان ل ھەموو باژێران دەست ب خوەنیشادانان کربا دا رژێما ئیرانێ ھێتە گوھۆرین، لێ دلگرانیا کوردان کاریگەریا خوە ل خوەنیشادانان کریە).
ئه‌ڤرۆ نيوز:
ھەلبژارتنێن داھاتیێن عێراقێ کو بڕیارە بھارا ئەڤسالە بھێنە ئەنجامدان، ھەر نوکە پێڤە سەرکردەیێن عێراقێ کەفتینە بزاڤێن خوە بۆ پەیداکرنا پشتەڤانیێ بۆ ھەلبژارتنێن داھاتی، چاڤدێرەکژی دبێژیت، کوردان کارتەکا بھێز یا فشارێ ددەستی دایە بۆ پڕۆسا ھەلبژارتنێن عێراقێ دیارکرژی، چاوا ئەمریکا و ئیران بۆ بەرژەوەندیێن خوە پشتەڤانیا ھندەک لایەنێن عێراقی دکەن بھەمانشێوە پێدڤیە کوردژی بۆ بەرژەوەندیێن خوە پشتەڤانیا کەسەکی بکەن.
کاروان عەبدوللا، نڤیسەر و چاڤدێرێ سیاسی بۆ رۆژناما ئەڤرۆ گۆت” حوکمەتا نوکەیا عێراقێ ناھێتە بن بارێ دانا ماف و شایستەیێن خەلکێ ھەرێما کوردستانێ و دەست ب دانوستانان ناکەت، ھەگەر دانوستانژی بھێنەکرن ئەڤە تنێ بۆ کوشتنا دەمیە و پێگیری سۆزێن خوە نابیت دگەل ھەرێما کوردستانێ، چونکە یا راست و دروست ئەڤە بەغدا دخوازیت بۆ ھەلبژارتنێن داھاتی ھەموو تشتەکێ بۆ خوە راکێشیت، ھەتا د ھەلبژارتنێن داھاتی دا سەرکەڤیت، واتە نوکە نیک دەستھەلاتدارێن بەغدا دانوستان وەرەقەیەکە بۆ ھەلبژارتنێن داھاتی، ھەر ژنوکە پێڤە ھەرێما کوردستانێ دەست ب دانوستانان بکەت ھەتا دگەھیتە رۆژا رێڤەچوونا ھەلبژارتنێن عێراقێ ل بھارا داھاتی دا ئەڤە چو رێکەفتن بجە بینن، ژبەرکو ئاریشەیێن ھەرێم و بەغدا بڤێ چەندێ ناھێنە چارەسەرکرن ھەرێم بێژیت ئەڤە مافێ مەیە و عێراق بێژیت ئەڤە زۆرە و بڤێ کێش و ڤەکێشێ چو پرسەک ناھێتە چارەسەرکرن و تنێ دەم دھێتە بۆراندن.
کاروان عەبدوللا گۆتژی” کوردان کارتا فشارێ ددەستی دایە بۆ ھەلبژارتنێن داھاتیێن عێراقێ، ھەتا کورد دشێن دگەل عەرەبێن سونە ژی دشێت لسەر چەند پرسەکا بگەھیتە رێکەفتنێ پێکڤە ببنە کارتەکا بھێزا فشارێ لسەر بەغدا، ھەتا بدیتنا تشتەکێ ئاسایە ھەرێما کوردستانێ دگەل نووری مالکیژی بکەھنە رێکەفتنێ و سۆزێ لێوەربگرن، ئەگەر بێت و ئەمریکا کو دخوازیت بۆ چوار سالێن بھێت عەبادی وەک سەرۆک وەزیرێن عێراقێ بمینە نەڕازیبیت ل ھەلویستێ کوردان و عەرەبێن سونە ئەڤە کورد دبیت بێژنە ئەمریکا چاوا تە بەرژەوەندیا خوە لبەر چاڤە و دخوازی گورەی بەرژەوەندیێن خوە کەسەک ببیتە سەرۆک وەزیرێن عێراقێ، ئەڤە مەژی بەرژەوەندیێن مللەتێ خوە ھەنە و مالکی سۆز داینە بۆ بجە ئینانا داخوازیێن مە، ھەگەر بھێت و ئەمریکا فشار ئێخستن سەر حەیدەر عەبادی بۆ داخوازیێن کوردان ئەڤە بلا کورد پشتەڤانیا عەبادی بکەن و مافێن مللەتێ مەژی بھێنەدان ژلایێ سەرۆک وەزیرێن نوکەیێ عێراقێ، بەرۆڤاژی ھەر سەرکردە و کۆتلەیەک بەرھەڤبیت بۆ دانا پترا مافێن مە دڤێت ئەم دگەل ئەڤێ کۆتلی رێکەڤین، خۆ ئەم دزانین ئەڤێ دژایەتیا ئەمریکا دکەت دێ زەرەرێ کەت، بەلێ نابیت ئەم داخوازیێن مللەتێ خوە بکەینە قوربانی چو وەلاتەکێ دی، چاوا ئەمریکا دخوازیت بۆ بەرژەوەندیێن خوە کەسەکێ دیاریکری ببیتە سەرۆک وەزیرێن عێراقێ ئیران بھەمانشێوە بۆ بەرژەوەندیێن خوە پشتەڤانیا نووری مالکی دکەت، پێدڤیە ئەمژی لدووف بەرژەوەندیێن خوە بگەڕین.
ئەڤرۆ نیوز:
باسکێ عەبادی گەلەک بەرژەوەندیێن نیشتمانی بنپێکرینە دا دھەلبژارتنان دا ب سەرکەڤیت، کوردان چو پێنگاڤێن بەرچاڤ نەھاڤێتینە و ئەوا نوکە د راگەھاندنێ دا دھێتە بەحسکرن چو راستی بۆ نینن، ھاتنا حکومەتا عیراقێ ب خورتی بۆ دەڤەرێن کوردستانی یێن دەرڤەی ئیدارا ھەرێمێ و رێگرتن ل چوونا پێشمەرگەی و ھەتا ئاواران د ھەلبژارتنێن بھێت د خزمەت و بەرژوەندیا کوردان دا نابن، یا گرنگ ئەوە مادێ 140 بھێنە بجھئینان، چونکو بجھئینانا وێ مافێن نیشتمانی و نەتەوەیی دێ ھێنە پاراستن و کێشەیێن ھەرێمێ دێ چارەسەربن .
فەرزندە زێباری، پەرلەمانتارێ عیراقێ ل سەر لیستا پارتی دیموکراتی کوردستان دیارکر کو باسکێ عەبادی گەلەک بەرژەوەندیێن نیشتمانی بنپێکرینە بۆ ھندێ دھەلبژارتنان دا ب سەرکەڤیت، ژلایێ نێڤدەولەتی گەلەک تەنازولێ دکەت و بەرژەوەندیێن عیراقێ گەلەک ل بەرچاڤ ناگریت، ژلایەکێ دیتر ڤە ژی یێ عیراقیان پال ددەت کو ھەرێمێ گەلەک سەرپێچی یێن کرین، ئەڤە بۆ ھندێ یە کو خوە وەکو مرۆڤەکێ نەتەوەیی و رزگارکەر بۆ عیراقێ دیاربکەت، و پاشەرۆژا خوە یا ھەلبژارتنان گرەنتی بکەت.
پەرلەمانتارێ عیراقێ دیارکر ئەو تشتێ دھێتە پێشبینی کرن بو ھەلبژارتنێن بھێت، ئەوە حزبا دەعوە بەر ب دو لیستان بچیت، لیستەکێ عەبادی و یا دیتر مالکی سەرکێشیێ لێ بکەن و ئەڤە ژی وێ چەندێ دگەھینیت ھەر کەسەکێ ب سەرکەڤیت ھەر دێ د بەرژوەندیا وان دا بیت، ئانکو ب تنێ بو بێ ھێزکرنا کوردانە، و گۆت: دەربارەی کوردان ھەتا نوکە ژی چو پێنگاڤێن بەرچاڤ نەھاڤێتینە و ئەوا نوکە د راگەھاندنێ دا دھێتە بەحسکرن کو کورد دێ ھەڤپەیمانیێ کەن چو راستی بو نینن و چو بریارێن دووماھیێ نەھاتینە دان، و پێدڤیە کورد ڤەکولینەکا باش ل سەر کاودانێن خوە بکەن، چونکو ب ھاتنا حکومەتا عیراقێ ب خورتی بو دەڤەرێن کوردستانی یێن دەرڤەی ئیدارا ھەرێمێ و رێگرتن ل چوونا پێشمەرگەی و ھەتا ئاواران ژی بو وان دەڤەران، ئەز دبینم کو ھەلبژارتنێن بھێت د خزمەت و بەرژوەندیا کوردان دا نابن، و چو وەرەقەژی بو کوردان نەھاتینە کو بشێن پشتبەستنێ ل سەر بکەن و پشت راستی پشکداری ھەلبژارتنان ببن.
دەربارەی پشکداریا کوردان د ھەلبژارتنێن بھێت یێن عیراقێ دا، پەرلەمانتارێ عیراقێ دیارکر ئەو دگەل وێ چەندێ یە کورد پشکداریێ بکەن، چونکو دوورکەتنا کوردان ژ روونشتنێن پەرلەمانی بوو ئەگەر ھژمارەکا بڕیاران دژی ھەرێما کوردستانێ بھێنە پەسەندکرن، لەورا پشکداریا کوردان دێ پێنگاڤەک بیت بو پاراستنا کوردستانێ ژ بریارێن حکومەتا فیدرال و گۆت: ئەو بڕیارێن ھاتینە دان ژی ھەموو یێن سیاسی بوون و بەری نوکە چێنەبوویە کو درۆژەکێ دا تشتەک ببیتە پرۆژە و بو پەرلەمانی بھێتە ھنارتن و پشتی دو رۆژا بھێتە پەسەندکرن، وەکو بریارێن ریفراندومێ و ئێخستنا پارێزگارێ کەرکووکێ.
فەرزندە زێباری دیارکر ژی شیعەیان پەرلەمانێ عیراقێ یێ کونترول کری و ئەو سوزێن بو کوردان ھاتینە دان نەھاتنە بجھئینان، نوکە ئەو ل دووڤ پرانیێ دچن و کار بو ھندێ دکەن عیراقەکا پرانی بو شیعا پەسەند بکەن، ل ڤێرە شەراکەت نەمایە و کارکرن ب برایەتی دناڤ عیراقێ دا ھاتە پشتگوھخستن، ئەڤێ چەندێ ئەم گەلەک ب مەترسی دبینین ل سەر پێکھاتێن عیراقێ.
ل دور ھەلویستێن پەرلەمانتارێن پارتێن دیتر، فەرزندە زێباری دیارکر د ھندەک ھەلویستان دا پێدڤی ب پەرلەمانتارێن پارتێن دی یێن کوردستانێ یێن بووین کو ھەڤبگرن، ھەلویستێ ئێکێ بریارێن دژی ھەرێمێ دەرکەتین و بەرسڤدانا ھەموویان یا باش بوو و ھولا پەرلەمانی ژی بجە ھێلا و پاداشتانەک پێکڤە پێشکێشکر کو ئەو پەرلەمانتارێن پشکداری ریفراندومێ بووین ھەکە بھێنە ھنارتن بو دادگەھێ ئەم دێ خو ڤەکێشین.
ناڤبری دیارکر سێ خال د بودجا عیراقێ دا جھێ تێبینیێ بوون، یا ئێکێ کێمکرنا وێ ژ 17% بو 12%، یا دوێ سەرەدەریکرنا راستەوخو ل گەل پارێزگەھان و یا سیێ بریارا وان ئەوبوو لیژنێن چاڤدێریێ ئێکسەر قەستا پارێزگەھان بکەن، ئەڤە بو وێ چەندێ یە کو رولێ حکومەتا ھەرێمێ نەھێلن، ژلایەکێ دیتر ڤە مەزاختنێن سیادی چو ھژمار نەھاتبوو دیارکرن، ئانکو ڤەکری ھێلابوو، ئەڤە ب چو رێیان ناھێنە قەبوولکرن و کورد و سونە بوونە ئێک بووچوون، چونکو ھەمان ئاریشە وانژی ھەبوون و ئەم دشێین بێژین شیعا بو خوە دانابوو، لەورا نوکە یا مایە راگرتی ھەتا پشتی بێھنڤەدانێن سەرێ سالێ و گۆت: بەھانەیێن عیراقێ بو نەھنارتنا بودجێ ھەرێما کوردستانێ ھەر وەکو ئەو دبێژن بو نەشەفافیەتا داھاتێ ھەرێمێ و گرێبەستێن نەفتێ و سەرپێچیا دستووری دزڤرینن، بەلێ چو راستی بو ڤان گۆتنان نینن، و ئەو ھێجەتێن ئەو دبێژن د گۆتنێن سەرۆکێ حکومەتێ دا ھەموو راستی یێن ھاتینە دیارکرن، ل دور ڤێ چەندێ مە وەکو پەرلەمانتار سەرەدانا ھەموو بالیوزخانا یا کری و ئاریشێن کوردا یێن گەھاندینە وان و گوتارا ڤێ دووماھیێ یا سەرۆکاتی و حکومەتا ھەرێمێ بەرێخودانا نێڤدەولەتی ل سەر مە یا سڤک کری و عیراقێ ھزر نەدکر ب ڤی رەنگی دێ چارەسەریا قەیرانێ کەین و وان پێ نەخووشە ئەڤ پێنگاڤە ھاتینە ھاڤێتن.
فەرزندە زێباری دیارکر نوکە تشتێ ھەرە گرنگ ئەوە کو مادێ 140 بھێنە بجھئینان، چونکو بجھئینانا وی 50% و پتر کێشەیێن ھەرێمێ دێ چارەسەربن و مافێن نیشتمانی و نەتەوایەتی یێن کوردستانێ دێ ھێنە پاراستن و گۆت: بو ڤێ چەندێ پێدڤیە ئەم کێماسیێن خو یێن ناڤخو چارەبکەین و بەرەف سیستەمەکێ دیموکراتی بچین.
ئه‌ڤرۆ نیوز ، ره‌مه‌زان هه‌رنى :
سه‌رۆكێ تورا رێكخراوێن جڤاكێ سڤیل ل كوردستانێ دیاركر , ل به‌رامبه‌ر نڤیسنگه‌ها جڤاتا نونه‌رێن عیراقێ ل هه‌ولێرێ خرڤه‌بۆنه‌كا نه‌رازیبۆنێ هاته ئه‌نجام دان دژى روژا بێنڤه‌دانا سوپایێ عیراقێ و قه‌ره‌بۆكرنا زیان پێكه‌فتیان.
رێباز یوسف سه‌روكێ تورا رێكخراوا جڤاكێ سڤیل بۆ ئه‌ڤرۆ نیوزخویاكر , ل هه‌ولێرێ ب مه‌به‌ستا گه‌هاندنا دوو داخوازیا خرڤه‌بۆنه‌كا ئارام بۆ ده‌ربرینا نه‌رازیبۆنێ هاته ئه‌نجام دان ب ب مه‌به‌ستا قه‌ربۆكرنا زیان پێكه‌فتیێن ده‌ستێ سوپایێ عیراقێ و هه‌لوه‌شاندنا روژا بێنڤه‌دانا سوپایێ عیراقێ به‌رامبه‌ر دا روژه‌ك بۆ پێشمه‌رگه‌ى بهێت دیاركرن ژبه‌ركو هه‌تا نوكه سوپایێ عیراقێ نه‌بۆیه سوپایه‌ك نیشتیمانى هه‌مو پێكهاته‌یێن عیراقێ ناپارێزیت.
سه‌روكێ رێكخراوێن جڤاكێ سڤیل ئاشكرا كر , ل روژا دامه‌رزاندنا سوپایێ عیراقێ كو لسه‌ر ده‌ستێ وى سوپاى گه‌لێ كورد توشى چه‌ندین كاره‌ساتێن مه‌زن بۆیه خه‌لكێ سڤیل بۆیه قوربانى لبه‌ر ڤێ چه‌ندێ دخوازین حكومه‌تا عیراقێ قه‌ره‌بۆیا زیانپێكه‌فتیا بكه‌ت و حكومه‌تا كوردستانێ روژا بێنڤه‌دانا سوپایى عیراقێ هه‌لوه‌شینیت كو هه‌ر سال ل روژا 6/1 دبیته بێنڤه‌دان و به‌رامبه‌ر وێ روژه‌ك بۆ پێشمه‌رگه‌ى بهێت دیاركرن.
نيشاندان
