NO IORG
نووترين نووچه
Facebook

177

ئەڤرۆ نیۆز،زنار تۆڤى:

هنار ئێك ژ فێقیێن پاییزى یه‌ و خه‌لكێ گه‌له‌ك حه‌ز ل سه‌ر خوارنا ڤى فێقى هه‌یه‌،هه‌روه‌سا ئه‌ڤ فێقیه‌ ب رێژه‌یه‌كا به‌رچاڤ ل سه‌رانسه‌رى قه‌زا ئامێدیێ و هه‌روه‌سا ل پارێزگه‌ها دهۆكێ ژى هه‌یه‌،لێ ئه‌ڤ ساله‌ ل ڤێ ده‌ڤه‌رێ به‌رهه‌مێ هناران یێ باش نینه‌ و پتریا هناران په‌قینه‌ و بووینه‌ كه‌لشتۆك و ڤێ چه‌ندێ كارتێكرنه‌كا خراب كریه‌ سه‌ر به‌رهه‌مێ جۆتیاران.

عادل عه‌بدولقادر عینایه‌ت جۆتیاره‌كێ ئامێدیێ یه‌ بۆ ئه‌ڤرۆ نیۆز دبێژیت:رێژه‌یه‌كا مه‌زن یا دارێن هناران ل ئامێدیێ هه‌نه‌،لێ ب ره‌نگه‌كێ گشتى ئه‌ڤ ساله‌ هنار دباش نینن و كته‌كا كێم یا هناران هه‌یه‌ و هه‌روه‌سا ئه‌وێن هه‌ین ژى پتریا وان په‌قینه‌ و دندكێن وان دره‌ق و هشكن و بووینه‌ كه‌لشتۆك،دیسا كێمیا ئاڤێ و نه‌بوونا سه‌خبێریێ و نه‌ ره‌شاندنا هناران ژلایێ جۆتیاران ڤه‌،هه‌روه‌سا هه‌بوونا گه‌رمه‌كا زێده‌ د ئه‌ڤ ساله‌دا بوویه‌ ئه‌گه‌ر كو به‌رهه‌مێ هناران ل دووڤ حه‌زا جۆتیاران نه‌بن.

ناڤهاتى گوت ژى:ئه‌ڤ ساله‌ به‌رهه‌مێ هناران یێ كێمه‌،لێ كیلۆیا هنارێن كه‌لشتۆك دناڤبه‌را”750_1000″ دیناران دهێته‌ فرۆتن و هنارێن باش و ساخله‌م ژى كیلۆیا وان ب “1500” دیناران دهێته‌ فرۆتن،هه‌ر چه‌نده‌ حوكمه‌ت وه‌كو پێدڤى هاریكاریا جۆتیاران ناكه‌ت،لێ هه‌كه‌ حوكمه‌ت هاریكاریا مه‌ بكه‌ت و پێدڤیاتێن چاندنێ بده‌ته‌ مه‌،ئه‌م دێ شێین به‌رهه‌مێ هناران ل ڤێ ده‌ڤه‌رێ گه‌له‌ك زێده‌كه‌ین،هه‌روه‌سا نوكه‌ بازارێ هنارێ ژى نینه‌،ژبه‌ركو قه‌یرانێ كارتێكرن ل سه‌ر كریه‌ و هنار ل بازارى باش ناچیت،لێ قه‌زا ئامێدیێ یا بناڤوده‌نگه‌ بۆ هناران و گه‌له‌ك جۆرێن هناران لێ هه‌نه‌،وه‌كى هنارا شاره‌بان و مه‌لێسیێ و پاشاى و هنارا عادى،لێ هنارا پاشاى و شاره‌بان ل بازارى باشتر ژ یێن دى دچیت.

دكتۆر ئازاد ئه‌حمه‌د ماموستایێ پشكا بیستانكارى ل فاكۆلتیا چاندنێ ل زانكۆیا دهۆكێ بۆ ئه‌ڤرۆ دبێژیت:ژبه‌ر دو ئه‌گه‌ران هنار دپه‌قن،ئێك ژ وان ئه‌گه‌ران ئه‌وه‌ كو جۆره‌كێ هناران سیفه‌ته‌كێ ویراسی ل ده‌ف هه‌یه‌،مرۆڤ گه‌له‌ك ئاڤده‌ت یان ژى گه‌له‌ك نه‌ ئاڤده‌ت،ئه‌و ب خوه‌ دپه‌قن،ئه‌گه‌رێ دویێ ژى ئه‌وه‌ كو سه‌رما و گه‌رم كارتێكرنێ ل هناران دكه‌ن،هه‌روه‌سا ده‌مێ ل پاییزێ سه‌قا گه‌له‌ك د ته‌زیت هنار دپه‌قن و دبنه‌ كه‌لشتۆك،دیسا ئاڤدانا زێده‌ د پاییزێ دا دبیته‌ ئه‌گه‌رێ هندێ كو هنار ب په‌قن،ژبه‌ركو تیڤلێ هنارێ یێ ته‌نكه‌ و ئه‌و گڤاشتنا به‌ركێ هنارێ ل سه‌ر هنارێ دهێته‌ كرن،وه‌ دكه‌ت كو تیڤلێ وێ ب په‌قیت.

هەروەسا  گوت ژى:بۆ باشتركرنا به‌رهه‌مێ هنارێ و نه‌ په‌قینا وێ،پێدڤیه‌ كێم بهێته‌ ئاڤدان،ژ پێخه‌مه‌ت به‌رهه‌مێ وێ یێ ساخله‌م بیت،دیسا پێدڤیه‌ خانیێن ساركرنێ بۆ به‌رهه‌مێ هناران بهێنه‌ دورستكرن،داكو ب شێین ڤى به‌رهه‌مى بۆ ماوه‌یه‌كێ درێژ هه‌لبگرین،هه‌روه‌سا پێدڤیه‌ بۆ هه‌لگرتنا به‌رهه‌مێ هناران ل زڤستانێ ب تاكڤه‌ بهێنه‌ هه‌لگرتنن،داكو زوو هشك نه‌بن و دیسا پێدڤیه‌ هنار ل جهه‌كێ سار دا بهێنه‌ دانان،ل زڤستانێ داكو خراب نه‌بن،چونكى هه‌كه‌ هنار ل جهه‌كێ گه‌رم بهێنه‌ دانان،دێ شه‌ها وان كێم بیت و دێ زوو هشك بن و دێ خراب بن.

حه‌سه‌ن حه‌كیم جۆتیاره‌كێ دییه‌ دبێژیت:ئه‌ڤ ساله‌ به‌رهه‌مێ هنارێ ل دووڤ حه‌زا مه‌ نینه‌ و پرانیا هناران پێڤه‌ په‌قینه‌ و دندكا وان ژى یا ره‌قه‌،ئه‌ڤه‌ بوویه‌ ئه‌گه‌ر كو هنار باش نه‌چن،دیسا نه‌بوونا بازارێ هنارێ ژى وه‌كریه‌،كو ئه‌ڤ ساله‌ ئه‌م مفاى ژ هناران نه‌بینین،دیسا نه‌بوونا جهێن تایبه‌ت ب هه‌لگرتنا هناران ڤه‌ ل زڤستانێ و نه‌بوونا كارگه‌هێن داگرتنا فێقى،بووینه‌ ئه‌گه‌ر كو هه‌موو سالان به‌رهه‌مێ هنارێن مه‌ ب هه‌روه‌ بچن و هه‌تاكو نوكه‌ مه‌ چو مفایێ باش ژێ نه‌ دیتیه‌،هێشتا دبێژیت:هه‌كه‌ هنارێن مه‌ باش چو بانه‌ و هه‌كه‌ كارگه‌هێن داگرتنا فێقى هه‌بانه‌ و كربانه‌ شه‌ربه‌ت،دا جۆتیار و خودانێ كارگه‌هێ ژى مفایه‌كێ باش ژێ بینیت و ب ڤى ره‌نگى دا بزاڤه‌كا بازرگانى ژى په‌یدا بیت و ئه‌ڤه‌ دا بیته‌ ئه‌گه‌رێ ڤه‌ژاندنا به‌رهه‌مێ هناران و ئه‌م داشێین خوه‌ ب داهاتێ وان بخودان كه‌ین،لێ هندى ب ڤى ره‌نگى بیت،ئه‌م نابینه‌ خودان داهاته‌كێ باش و دێ به‌رهه‌مێ هنارێن مه‌ ژى خراب بن و ب هه‌روه‌ چن.

ئه‌ڤرۆ نيوز:

پارێزگارێ دھۆکێ دياركر كو یا پێدڤی بۆ دوبار نووژەنکرنا بارەگایێن ھاتینە سۆتن دێ ھێتە کرن

ئەڤرۆ نیۆز،زنار تۆڤی:

فه‌همی كۆرو نڤیسه‌رێ ناڤدارێ توركیا،د نڤێسینەكێدا داخوازێ ژ حوکمه‌تا توركیا دکەت،کو ده‌ستێ سه‌رۆك مه‌سعود بارزانی بگرن، چونكی‌ كورد و توركان مێژوویه‌كا دوور و درێژ یا برایه‌تی و دۆستایه‌تیێ یا هەڤبەش د ڤێ جوگرافیێ ‌دا هه‌یه‌.

كۆرو د‌ نڤێسینا خۆ دا كو ل‌ مالپه‌رێ (T24) بەلاڤەکریە، ئاماژێ ب هندێ ددەت،کو پێدڤیە ئه‌نقەرە ب‌ جوانی تابلۆیێ نوکە یێ هه‌رێما كوردستانێ بخوینی تەڤه‌، چونكی مفا بۆ تورکیا‌ هه‌یه‌.

هەروەسا دیارکریە ئەرێ هەکە سەرۆك بارزانی ژ تابلۆیێ سیاسی بچیته‌ ده‌رڤە،مفا بۆ توركیا هه‌یه‌؟ ئەرێ باژێرێ كه‌ركووكێ ب ڤی حالێ نوکە کو‌ د‌ ده‌ستێ حه‌شدا شه‌عبی دابیت،‌ بۆ توركیا باشتره‌ یان ب ده‌ستێ كوردان دابیت‌؟، ئەز د‌پرسم بارزانی ب خۆ بەحس دکەت کو‌ خیانه‌تی لێ هاتیه کرن‌،لەورا هەکە‌ ئه‌نقه‌رە نوکە ل تانا وان‌ بچیت و ده‌ستێ بارزانی و حوکمه‌تا هه‌رێمێ بگریت،د‌ به‌رژه‌وه‌ندیا تورکیا دایە‌؟.

ئه‌و نڤیسه‌ره‌ دبێژیت، پرسیار د زۆرن، به‌لێ به‌ری کو ئه‌نقەرە بەرسڤا وان پرسیاران بدەت، دڤێت بزانیت کو كورد و تورك د ڤێ جوگرافیێ ‌دا دو بنه‌مایێن سه‌ره‌كینە،کو نەشێن دەست ژ ئێک بەردەن،لەورا دڤێت ئه‌نقەرە ب‌ باشی هزر ل ڤی بابەتی‌ بكەته‌‌ ڤە.

ئەڤرۆ نيوز، نەوزاد ھلۆری:
وەزارەتا خواندنا بلند و ڤەکولینێن زانستی دیارکر کو ئەو دێ ھێشتا قوتابیێن رێزا 12ێ ئامادەیی ل زانکو و پەیمانگەھان وەرگرن ئەوێن کو ل چو جھان نەھاتینە وەرگرتن.

دڤی واری دا “عەباس ئەکرەم” ئاخفتنکەرێ وەزارەتا خواندنا بلند و ڤەکولینێن زانستی بو رۆژناما ئەڤرۆ گۆت: (ھندەک گورانکاری د سیستەمێ ناڤەندی یا وەرگرتنا قوتابیان دا ھاتینەکرن ، دێ بزاڤێ کەین کو رێیە چارەسەریەکا بلەز بو ھەموو وان ئاریشەیێن دکەڤنە رێیا قوتابیان دا بکەین ، ئەڤ سالە 382 پشکێن زانستی ب رێیا سیستەمێ راستەوخو ھاتینە وەرگرتن و 158 پشکێن زانستی ب رێیا زانکولاین ھاتینە وەرگرتن و چوو قوتابی ژی ل نمرەیا کێمتر ژ 80 نەھاتینە وەرگرتن ، ئەڤ یەک ژی بویە سەدەم کو داخوازی لسەر وەرگرتنا وان ل زانکو و پەیمانگەھان زێدە ببن ، ئەڤە زێدەباری وێ یەکێ کو ھزار 300 قوتابی کو نمرێن وان دناڤبەرا 80 بو 98 بون ناڤێن وان ل چوو جھان نەھاتینە ، بەلێ ل ڤان رۆژان وەزارەت دێ چارەسەریا وان ھەمووان کەتن و ئەڤرۆ سیستەمێ زانکولاین بو وەرگرتنا تانە و سکالایان دێ ھێتە کاراکرن و قوتابی دکارن پێشکێش بکەن ).
زێدەتر گۆت: ( ئەو قوتابیێن کو نمرەیێن وان دناڤبەرا 60 بو 80 دانە و ل چوو جھان ژی نەھاتینە وەرگرتن وەزارەتا خواندنا بلند و ڤەکولینێن زانستی بریار دا کو ل گورەی رێنمایێن ھاتینە پەسەندکرن خولەکا نوو یا سیستەمێ وەرگرتنا راستەوخو بو ئەوان ڤە بکەتن ب تایبەتی ل وان پشکێن کو کورسێن خواندنێ د بەتالن ، بو ڤی َمەرەمێ ژی قوتابی دکارین ل رێکەفتی 5/11 ھەتا 9/11 داخوازیێ پێشکەش بکەن ، و رێکەفتی 12/11 دێ تاقیکرن ل وان پشکان ھاتیە دیارکرن ، د ھەمان دەم دا ھەموو زانکو دێ ناڤێن ئەوان پشکان بەلاڤکەن کو قوتابی دکارن داخوازیێ بو پێشکەش بکەن).

ئەڤرۆ نیوز:

ھەر ئێک ژ ئاخفتنکەرێن وەزارەتا دەرڤەیا ئەمریکا و وەزیرێ دەرڤەیێ بریتانیا د دوو راگەھاندنێن ژێکجودا دا رێزێ ل بریارا بارزانی دگرن ل بارا درێژنەکرنا دەما سەروکاتیا وی ، و داخوازێ ل ھەولێر و بەغدا ژی کر کو ب زوترین دەم دانوستاندنان دەست پێ بکەن بو چارەسەرکرنا ئاریشەیێن خوە.

ھیزەر ناورێت ئاخفتنکەرا وەزارەتا دەرڤەیا ئەمریکا دیارکر کو ئەو رێزێ ل بریارا بارزانی دگرن ژ بو درێژنەکرنا دەما سەروکاتیا خوە بو پوستێ سەروکاتیا ھەرێما کوردستانێ و ئاماژە ب وێ یەکی ژی کر کو پێدڤی یە ھەولێر و بەغدا لسەر بنەمایێ دەستوورێ عیراقێ دەست ب دانوستاندنان بکەن ژ بو چارەسەرکرنا ئاریشەیێن خوە.

دیارکر ژی کو ئەو دێ ب دلخوشی ڤە ھەڤکاریا ھەر ئێک ژ نێچیرڤان بارزانی سەرۆکی َحکومەتا ھەرێما کوردستانێ و قوباد تالەبانی جێگرێ سەرۆکێ حکومەتا ھەرێما کوردستانێ کەن د قوناغا داھاتیا ھەرێما کوردستانێ دا.
ئاخفتنکەرا وەزارەتا دەرڤەیا ئەمریکا دیارکر ژی کو سەروک بارزانی ئێک بوویە ژ کەساتیێن کارێزما و ئازا د قوناغێن جودایێن کوردستان و عیراقێ.

ژ لایەکێ دنڤە بوریس جونسن وەزارێ دەرڤەیێ بەریتانیا ب رێیا پەیوەندیا تێلەفونی پەیوەندی ب نێچیرڤان بارزانی سەرۆکێ حکومەتا ھەرێما کوردستانێ کر و دیارکر کو ئەو رێزێ ل بریارا بارزانی بو درێژنەکرنا دەما وی یا سەروکاتیا ھەرێمێ دگرن و دوپات ل پەیوەندیێن دناڤبەرا ھەرێما کوردستان و بەریتانیا ژی کر.

وەزیرێ دەرڤەیێ بریتانیا دیارکر ژی کو ئەو رێزێ ل خەباتا مەسعود بارزانی سەرۆکێ بەرێ یێ ھەرێما کوردستانێ دگرن بو خزمەتا گەلێ کوردستان و دامەرزاندنا عیراقەکا نوو ، ئاماژە ب وێ یەکی ژی کر کو سەروک بارزانی رولەکێ کاریگەر ھەبوویە د شەرێ دژی داعشێ دا و رێزێ ل خەباتا وی دگرین و پێدڤی یە ھەرێم و بەغدا ب لەز ب دانوستاندن ئاریشەیێن خوە چارەسەر بکەن.

ئه‌ڤرۆ نيوز:

نێچيرڤان بارزانى سه‌رۆكێ حوكمه‌تا هه‌رێما كوردستانێ د په‌يامه‌كێ دا ئيدانا وان توندوتيژيان كر يێن ل شه‌ڤا بۆرى هاتينه‌ ئه‌نجام دان.

نێچيرڤان بارزانى ل تۆڕا جڤاكى يا فه‌يسبۆكى نڤيسينه‌ك به‌لاڤكريه‌ و تێدا ئاشكه‌را كريه‌ كو هه‌موو ئه‌و كه‌سێن به‌رپرس ژ وان روودانان دێ ب گۆره‌ى قانوونێن هه‌رێما كوردستانێ لێپرسين ل گه‌ل هێته‌ كرن.

خۆيا ژى كريه‌ كو ب چ ره‌نگه‌كى جهێ وان توندوتيژيان نابيت و گۆتيه‌ ژى: “ئه‌ڤه‌ نه‌ د شه‌رعى و نه‌ژى قانوونى نه‌”.

سه‌رۆكێ حوكمه‌تا هه‌رێمێ ته‌كستێ ل سه‌ر وێ چه‌ندێ دكه‌ت كو قه‌يرانێن نها ب ساناهى نينن، “به‌لێ ئه‌ڤ ره‌نگێ توندوتيژيا و پارڤه‌كرن كو شه‌ڤا بۆرى رووداين د به‌رژه‌وه‌نديا دوژمنێ مه‌ دايه‌”.

د پشكه‌كا دى يا نڤيسينىێ دا هاتيه‌ كو هنده‌ك كه‌سان ژ ده‌رڤه‌ و ناڤخۆ دڤێت كوردان پارڤه‌كه‌ن و دبێژيت: “يا مه‌ هان دده‌ت كو پێڤه‌ بين، ئه‌وه‌ كو كوردستانى ژ هندێ مه‌زنترن كو ئه‌و ببنه‌ ئه‌گه‌رێ پارڤه‌بوونا مه‌. داخوازێ ژ كوردستانيێن نشتيمان په‌روه‌ر دكه‌م كو د ئێك رێز بن. مه‌ رێيه‌كا نوو يا ل به‌ر”.

نێچيرڤان بارزانى دبێژيت: “ماله‌كا پارڤه‌كرى نه‌شێت خوه‌ ل به‌ر بگريت. مه‌ پێدڤى ب وێ چه‌ندێ نينه‌ بهێته‌ پارڤه‌كرن. نابيت رێ بده‌ين بچينه‌ ناڤ ململانێيه‌كا ناڤخۆى يان ژ ئه‌گه‌رێ وێ ململانێ ب هه‌رفين، وه‌كو چاوان هنده‌ك كه‌سان دڤێت به‌ر ب وى ئاقارى دا ببه‌ن. ئه‌م ژ وێ زێده‌تر و مه‌زنتر و ب هێزترين. دا پێكڤه‌ ب هێز بمينين”.

ئەڤرۆ نيوز، نەوزاد ھلۆری:
ھەر ئێک ژ دەزگەھێ سەتەلایتا کوردستان تیڤی و لژنا رەوشەنبیری و راگەھاندن و ھونەری یا پەرلەمانێ کوردستانێ و کومەلا وێنەگران، شەھیدکرنا رۆژنامەڤان و وێنەگرێ کەنالێ سەتەلایتا کوردستان تیڤی ” ئەرکان شەریف ” شەمبزار کر و داخوازێ ل دەستھەلاتدارێن عیراقێ دکەن کو ژیانا وەلاتیان و رۆژنامەڤانان بپارێزن و تاوانباران ب توندترین شێوە سزا بدەن.

دەزگەھێ سەتەلایتا کوردستان تیڤی د رونکرنەکێ دا دیارکر کو سپێدەھیا 30 چریا ئێکێ ل باژێرکێ داقووق یا سەر ب پارێزگەھا کەرکوکێ ھەشت چەکدارێن حەشد شەعبی ھێرش کریە سەر مالا وێنەگرێ دەزگەھێ کوردستان تیڤی و ب درندەترین شێوە وێنەگر ” ئەرکان شەریف فتح اللە ” دناڤ خێزان و زاروکێن وی دا ب چەقویێ شەھیدکریە.

دازانین ژی کو دەستپێکا ھاتنا حەشد بو دەڤەرێ ئەو ل گەل خێزانا خوە ئاوارەیێ سلێمانیێ بو ، بەلێ ژ بەرکو ئەو رێڤەبەرێ قوتابخانەیەکێ بوو ، ب نەچاری ڤەگەریا مالا خوە ل داقوق و سەر ئەرک و دەواما خوە ،بەلێ ئەڤرۆ ب درندەترین شێوە ھاتیە شەھیدکرن ، و بڤێ یەکێ ژی سەرەخوشیێ ل کەس و کارێن وی و کوردستان تیڤی دکەین و دخوازین ل ھەموو رۆژنامەڤان و دەزگەھێن راگەھاندن و رێکخراوێن جڤاکی و مەدەنی دکەین کو فشارێ بێخنە سەر حکومەتا عیاراقێ کو بزوترین دەم تاوانبار ب تونترین شێوە سزا بدەن.

ده‌زگه‌هێ ره‌وشه‌نبيرى و راگه‌هاندنا پارتى ديموكراتى كوردستان ژى وێراى ئيدانه‌كرنا ڤى كارێ هۆڤانه‌ د به‌ياننامه‌كێ دا راگه‌هاند كو ئه‌ڤه‌ د ده‌مه‌كى دايه‌ كو نه‌ شه‌هيدێ ئێكێ يه‌ و نه‌يێ دووماهيێ يه‌ ژى و هيڤى خواست ژى كو هه‌ر چ زوويه‌ دووماهى ب ڤێ داگيركاريێ و نه‌خۆشيێ بهێته‌ دان و بارێ ئاسايى و سه‌قامگێرى بۆ ده‌ڤه‌رێ ب ڤه‌گه‌ريت.

ھەروەسا لژنا رەوشەنبیری و راگەھاندن و ھونەری یا پەرلەمانێ کوردستانێ شەھیدکرنا رۆژنامەڤانێ دەزگەھێ سەتەلایتا کوردستان تیڤی ” ئەرکان شەریف ” شەمبزارکر و داخواز ژی ژ دەستھەلادارێن عیراقێ کر کو ژیانا وەلاتیان و رۆژنامەڤانان بپارێزن و زوترین دەم ژی تاوانباران بدەن دادگەھێ داکو ب سزایێ خوە بگەھیت.

وه‌زاره‌تا ره‌وشه‌نبيرى ل حوكمه‌تا هه‌رێما كوردستانێ ژى د به‌ياننامه‌كێ دا خۆيا كريه‌ كو ئه‌ڤه‌ خاله‌كا دى يا ره‌شه‌ ب ناڤچاڤێن حه‌شد و سۆپايێ عيراقێ و گيانێ پاكێ كاك ئه‌ركان ژى ستێره‌كا گه‌شه‌ ل ئه‌سمانێ خه‌باتا ره‌وا يا سياسى و ميديايى ل كوردستانێ.

سه‌نديكا رۆژنامه‌ڤانێن كوردستانێ ژى به‌ياننامه‌ك ل دۆر تيرۆركرنا وێنه‌گرێ كه‌نالێ كوردستانێ تى ڤى به‌لاڤكر و تێدا راگه‌هانديه‌ كو تيرۆركرنا ئه‌ركان لوتكه‌يا نه‌مانا ئه‌خلاقى يه‌ ل ده‌ف حه‌شدا شه‌عبى.

ژ لایەکێ دن ڤە کومەلا وێنەگرێن کوردستانێ دا د رونکرنەکێ دا دیارکر کو ئەڤا ھاتیەگرن فەرھەنگا حەشد شەعبی و عەقلیەتا شوفێنی یا عەرەب و دوژمنێن کوردستانێ یە و خونا کوردان درێژن و دانپێدانێ ب دوزا رەوایا کوردستانێ ناکەن.

ل شه‌ڤا بوری میلیشیاتێن حه‌شدا شه‌عبی ل‌ گه‌رەکا خۆرسێ یا سه‌ر ب باژێرکێ‌ داقووق ڤە هێرش کریه‌ سه‌ر مالا ئه‌ركان شه‌ریف، وێنه‌گرێ ده‌زگەهێ سه‌ته‌لایتا كوردستانێ و ب ‌چه‌قۆیان کوشتییە‌.

ئەرکان ، ژ دایکبوویێ سالا 1967 و ل سالا 2004 وەکو وێنەگر ل سەتەلایتا کوردستان تیڤی کارکریە و خێزاندارە و سێ زاروک ھەنە.

ئه‌ڤرۆ نيوز:

رۆژا دوشه‌مبى 30ى چريا ئێكێ 2017، ل پيرمام، سه‌رۆك مه‌سعود بارزانى، پێشوازى ل سيريل نان بالوێزێ ئه‌لمانيا و بروونۆ ئۆبێرت بالوێزێ فره‌نسا ل عيراقێ كر.

د ديداره‌كێ دا كاودانێن سياسى و ئه‌منى يێن عيراق و كوردستانێ و دووماهى گوهۆڕين و هێرشكرنا هێزێن حه‌شه‌دا شيعى و هێزێن عيراقێ بۆ سه‌ر كوردستانێ گه‌نگه‌شه‌ كر.

بالوێزێ ئه‌لمانيا و فره‌نسا ل عيراقێ سه‌ره‌راى ده‌ربڕينا دلته‌نيگا خوه‌ به‌رامبه‌ر ئالوزيێن ناڤبه‌را هه‌رێم و به‌غدا، بۆ سه‌رۆك بارزانى ئاشكه‌را كر كو هه‌لگرێن په‌ياما دوستاتيێ و به‌رژه‌وه‌نديا هه‌ڤپشكا وه‌لاتێ وانن بۆ خه‌لكێ كوردستانێ.

هه‌ر د وێ ديدارێ دا هه‌ردو بالوێزێن ئه‌لمانيا و فره‌نسا ته‌كست ل سه‌ر گرنيگدانا پێگه‌هێ هه‌رێما كوردستانێ كر و راگه‌هاند كو ژ نێزيك چاڤدێريا كاودانان دكه‌ن و بۆ هه‌ر ره‌نگه‌ رێكه‌فتن و دانوستاندنه‌كێ د به‌رهه‌ڤن كو د ناڤبه‌را هه‌رێم و به‌غدا دا بكه‌ن و هيڤى خواست كو كێشێن خوه‌ ب دانوستاندن چاره‌ بكه‌ن.

د به‌رامبه‌ر دا سه‌رۆك بارزانى سۆپاسيا هه‌لويستێ ئه‌لمانيا و فره‌نسا كر كو د په‌يڤه‌كێ دا كاودانێن مه‌يدانى و دووماهى پێشهات و پرۆسا سياسى يا هه‌رێما كوردستانێ بۆ شاندێ مێڤان به‌حس كر.

ده‌رباره‌ى ئالوزى و پێكدادانێن ناڤبه‌را هه‌ولێر و به‌غدا مه‌سعود بارزانى ته‌كست ل سه‌ر وێ چه‌ندێ كر كو سياسه‌تا هه‌رێمێ ديالوك و دانوستاندن و چاره‌كرنا كێشانه‌ ب ره‌نگه‌كێ ئاشتيانه‌، به‌لێ هه‌كه‌ به‌غدا يا به‌رده‌وام بيت ل سه‌ر زمانێ گه‌ف و شه‌رى و خوه‌ سه‌پاندن و شكه‌ستنا كه‌رامه‌تا گه‌لێ كوردستانێ، خه‌لكێ كوردستانێ و هێزێن پێشمه‌رگه‌ى ب هه‌موو شيانێن خوه‌ ڤه‌ به‌ره‌ڤانيێ ژ كه‌رامه‌ت و ناڤێ كوردستانێ كه‌ن.

سه‌رۆك بارزانى پێرابوون و شه‌رفرۆتنا حوكمه‌تا عيراقێ و ميليشيايێن وێ ب نه‌قانوونى و نه‌ دستوورى وه‌سفكرن و راگه‌هاند كو ب گۆره‌ى دستوورى ب چو ره‌نگه‌كى نابيت هێزا له‌شكرى بۆ هه‌ڤركيێن سياسى و ل دژى گه‌لێ كوردستانێ بهێته‌ ب كارئينان.

سه‌رۆكێ هه‌رێما كوردستانێ ته‌كست ل سه‌ر وێ چه‌ندێ كر كو ئه‌و ل گه‌ل خوين رێتنێ نينن و د چه‌ند رۆژێن بۆرى ژى دا پێشڤه‌چوون و نيه‌تا خرابا حوكمه‌تا عيراقێ بوو ئه‌گه‌ر كو پێشمه‌رگه‌ به‌ره‌ڤانيێ ژ خوه‌ بكه‌ت.

 

ئەڤرۆ نیۆز،زنار تۆڤی:

ئەڤرۆ دوشەمبی بهایێ نەفتێ ل بازارێن جیهانیدا گەهشتیە 60 دۆلارێن ئەمریکی‌،ئەڤ چەندە هات پشتی کو عە‌ره‌بستانا سعودی رازی بووی،‌به‌رهه‌مێ نەفتا خۆ بۆ 9 هەیڤێن دی کێم بکەت.

ل دووڤ بازارێ ئه‌ڤرۆ،نەفتا برێنت گه‌هشتییه‌ 60 دۆلار و 37 سه‌نتان،هەروەسا نەفتاخاڤا ئەمریکی ژی گەهشتیە 53 دۆلار و 92 سه‌نتان.

هەروەسا بریارا عە‌ره‌بستانا سعودی بۆ درێژكرنا رێككه‌فتنا كێمكرنا ئاستێ به‌رهه‌مێ نەفتێ،ئه‌گه‌رێ گەهشتن و جهگیربوونا نەفتێ یە بۆ 60 دۆلاران،دیسا ئەڤە ب بلندترین بهایێ نەفتێ هەر ژ تیرمه‌ها سالا 2015 هەتاکو نوکە دهێته‌ ‌هژمارتن.

website security
WP Facebook Auto Publish Powered By : XYZScripts.com