ئه‌ڤرۆ نیوز ، نه‌وزاد هلۆرى:
سه‌روكاتیا داخوازكارێ گشتى و ده‌سته‌یا مافێ گشتى یا هه‌رێما كوردستانێ هوشداریه‌كا توند ئاراسته‌یێ چوار كه‌نالێن كوردى ” رووداو و كوردستان 24 و كوردسات نیوز و ئێن ئارتى ” دكه‌ت كو زێده‌تر كارتێكرنێ ل ده‌رونێ تاكێن جڤاكى كه‌ن و ره‌وشا نها به‌رچاڤ وه‌ربگرن ، به‌روڤاژى دێ پێرابونێن قانونى هه‌مبه‌ر وان هێنه‌وه‌رگرتن.

د هوشداریا وان دا هاتیه‌: ( ژبه‌ر ل به‌رچاڤگرتنا دوخا هه‌ستیار یا ئه‌ڤرو یا هه‌رێما كوردستانێ و گه‌لێ مه‌ ئه‌ڤا كو نها تێدا د بوریت داخوازێ لبه‌رچاڤ وه‌رگرتنا دوخێ نه‌خواستى بكه‌ن و خوه‌ ژ ئاریشه‌یێن نافخوه‌ و به‌لاڤكرنا تومه‌تان دویر بكه‌ن ژبه‌ركو ئه‌ڤ یه‌ك د به‌رژه‌وه‌ندیا گه‌لێ كوردستانێ دا نینه‌ و زێده‌تر دوخى ئالوز دكه‌ت و برینان ژى كویر تر دكه‌ن ، و پێدڤى یه‌ هه‌مو لایه‌ك ب ئه‌ركه‌كێ به‌رپرسیاره‌تیانه‌ كار لسه‌ر پاراستنا مافێن گشتى و ئاسایشا و ئارامیا هه‌رێمێ بكه‌ن ، به‌روڤاژى دێ ئه‌و نه‌چاربن ب لڤاندنا سزایان لسه‌ر هه‌موو وان كه‌نالان ئه‌گه‌ر به‌رده‌وام بن)

ئه‌ڤرۆ نیوز ، هلورى:
جێگرێ سكرتێرێ ئێكه‌تیا نیشتمانیا كوردستانێ په‌یامه‌ك به‌لاڤكر و تێدا دیاكر كو گه‌لێ كوردستانێ ژبلى چیا چوو دوست نینن و هنده‌ك كه‌سان دناڤ ئێكه‌تى دا بو به‌رژه‌وه‌ندیێن خوه‌یێن تایبه‌ت ئه‌ڤ یه‌ك كریه‌.

كوسره‌ت ره‌سول جێگرێ سكرتێرێ گشتیێ ئێكه‌تیا نیشتمانیا كوردستانێ د په‌یاما خوه‌ دا دیاركر كو ماوه‌یێ سێ سالایه‌ گه‌لێ كوردستانێ ل شوونا هه‌موو ئازادیخوازێن جیهانێ شه‌رێ دژى تیرورستان دكه‌ت و گۆت: ( گه‌لێ كوردستانێ ژبلى چیا چوو دوستێن دن نینن ، و روودانێن چه‌ند رۆژێن بورى و ل كه‌ركوك و كوشتنا خه‌لكێ سڤێل ل دوزخورماتو و ده‌ڤه‌رێن دن و ده‌ركرن و سوتانا مالێن وان ژبلى ئه‌نفاله‌كا دن چوو رامانێن دن نینه‌ )

زێده‌تر گۆت: ( ئه‌ڤا كو برینێ كوتر دكه‌ت ئه‌وه‌ كو چه‌ند كه‌سه‌كان ل رێبازا ئێكه‌تى لادایه‌ بێى كو بزڤرن بو سه‌ركرداتیا حزبا خوه‌ كو ئێكه‌تى یه‌ و ب مه‌ره‌ما چه‌ند ده‌ستكه‌فته‌كێن ده‌مكى و كه‌سایه‌تى كو دبنه‌ هاریكارى بو داگیركه‌ران و بڤێ یه‌كى ژى ب كارێن خوه‌یێن درندانه‌ ب سه‌رشورى دێ دناڤا لاپه‌رێن دیروكا گه‌لێ مه‌ دا هێنه‌ نڤیسان)

د درێژاهیا ئاخفتنا خودا دیاركر ژى كو ئه‌وان بو پاراستنا كه‌ركوك چوو خه‌مسارى نه‌كرینه‌ و به‌لێ ژ ئه‌نجامێ ده‌ستره‌شێن نافخوه‌ پشكه‌ك ژ سه‌نگه‌ران هاتنه‌ چولكرن د به‌رژه‌وه‌ندیا دوژمنى دا و گۆت ژى: (هه‌موو زیانێن كو ژ ئه‌نجامێ له‌شكركێشا هێزێن عیراقى درۆست دبیت د ستوویێ وان كه‌سێن نافا ئێكه‌تى یه‌ ، به‌لێ ب بیروباوه‌رێن مه‌ ئه‌ڤ یه‌ك دوماهى نینه‌ و ئیرادا گه‌لێ ئازادیخوازێن كوردان و رابونه‌ڤه‌ لسه‌ر پیێن خوه‌ یا ب زه‌حه‌ت ژى نینه‌ ، داخوازێ ل هه‌موو لایه‌نێن سیاسى دكه‌م كو ناڤمالا خوه‌ بهێز بكه‌ن)

ئه‌ڤرۆ نیوز ، هلورى:
فه‌رمانده‌یێ ئێكه‌یا 70ێ یا وه‌زاره‌تا پێشمه‌رگه‌ى دیاركر كو بریارا ڤه‌كبَشانا هێزێن پێشمه‌رگه‌ى ل كه‌ركوك من دایه‌ و د پشترا من بارزانى ئاگه‌هداركریه‌.

شێخ جەعفەر مستەفا فه‌رمانده‌یێ ئێكه‌یا 70ێ یا وه‌زاره‌تا پێشمه‌رگه‌ى دیاركر كو بارزانى هایدارێ بریارا ڤه‌كێشانا هێزێن پێشمه‌رگێن ئێكه‌تى یێن سه‌ر ب ئێكه‌یا 70ێ نه‌بوویه‌ و گۆت: ( ئه‌و بریار من دایه‌ ، و هه‌كه‌ رێكه‌فتن بو ڤه‌كێشانێ هاتبیته‌كرن ئه‌ڤ یه‌ك خیانه‌ته‌ و ئه‌گه‌ر ئه‌ڤ یه‌ك خیانه‌ت بیت گه‌لو چ تشت خیانه‌ته‌)
زێده‌تر گۆت: ( ریفراندۆم بریاره‌ك درۆست بوو سه‌ركرداتیا سیاسیا كوردستانێ و گه‌لێ كوردستانێ ئه‌نجامداى و ئه‌گه‌ر ژ خراپتر ژ ره‌وشا نها ب سه‌رێ مه‌ بهێت ژ ئه‌نجامدانا ریفراندۆمێ په‌شیمان نابم ،ئه‌و هێزا كو هاتیه‌ كه‌ركوكێ ب پلانه‌كا هه‌رێمى و ب گلوپا كه‌سكا نیڤده‌وله‌تى بویه‌ ژ بو شكاندنا هێلێ به‌راهیێ یا شه‌رێ پێشمه‌رگه‌ى ل گه‌ل حه‌شد شه‌عبى)
ئاماژه‌ ب وێ یه‌كێ ژى كر كو ئه‌و ئه‌ركێ ڤه‌كێشانا هێزێن پێشمه‌رگه‌ى ل كه‌ركوك ب ستوویێ خوه‌ دگریت و دژاتیا خوه‌ بو وان هێزان ژى ده‌ربرى.