سهرۆكوهزیرێن ئیراقێ حهیدهر عهبادی، ههرێما كوردستانێ ب ئینانا پهكهكێ بۆ ناڤ باژارێ كهركووكێ سووچبار كر و هۆشداری دان كو ئهو یهكه و گاڤێن ب وی رهنگی دێ ئیراقێ بهر ب شهرهكێ ناڤخۆ ڤه بهن.
عهبادی و جڤاتا وهزیرێن ئیراقێ، ههرێم ب بزاڤێن پارچهكرنا ئیراقێ و دهڤهرێ و چێكرنا دهولهتهكێ ل سهر بنیاتێ نهژادی سووچبار كر.
ئهڤرۆ نیوز:
ئهڤرۆ ههلبژارتنێن گشتی ل نهمسا هاتنه كرن و ئهنجامێن دهستپێكی نیشان ددهن كو پارتییا پارێزگار یا سێبستییان كورزی ل رێزا ئێكێ دهێت و پارتا راستهرهو ل رێزا دوویێ.
ڤی ئهنجامی رێ ل ههمبهری سێبهستییان كورز یێ 31 سالی سهرۆكێ پارتییا پارێزگار خوهشكر ببیته شیرهتكارێ وی وهلاتی كو مینا ئهلمانیا پۆستێ سهرهكی یه.
كورز ب توندی دژی ئهندامبوونا توركیا یه د ئێكهتییا ئهورۆپا دا و ههلوهستهكێ تا رادهكی توند ههمبهری كۆچبهران ههیه و پێشنیاز كرییه ههر چ كۆچبهرێ ب رێیا ئاڤێ بگههیته ئهورۆپا بۆ وهلاتێ وی بهێته ڤهگهراندن.
ئهڤرۆ نیوز ، نهوزاد هلورى:
سهرۆكى َحكومهتا ههرێما كوردستان و جێگرێ پارتى دیموكراتى كوردستان ل داویا كومبوونا پشكا دناڤبهرا ئێكهتى و پارتى د كونگرهیهكێ رۆژنامهڤانى دا دیاركر كو ب چوو شێوهیان ئهنجامێن ریفراندۆما ههرێما كوردستانێ ناهێته ههلوهشاندن.
نێچیرڤان بارزانى سهرۆكى َحكومهتا ههرێما كوردستان و جێگرێ پارتى دیموكراتى كوردستان د كونگرهیێ رۆژنامهڤانى دا دیاركر كو كومبوونا وان یا سهركهفتى و ئهرێنى بوویه گۆت: ( كومارا ئیسلامیا ئیرانێ باش ل بارودوخێ دهڤهرێ دگههیت و ئابلویهقا ئیرانێ ژبلى كو زیان بو سهر ئیرانێ ههیه و دههمان دهم ژى دا بو سهر ههرێما كوردستانێ ژى ههیه ، و نابیت ئیران مهسهلێن كوردستانێ بكهت ئابلوقه و د بهرژهوهندیا ههردووان ژى دا نینه كو ئابلوقه بهێنهكرن ، و من دڤێت دوپات بكه مكو ههرهشه و ئابلوقهیێن ئیرانێ چوو گورانكاریان ناكهت و تشتهكێ ناگوهریت)
زێدهتر گۆت: ( ههموو ئاریشهیێن كو دناڤبهرا ههولێر و بهغدا بتنێ ب رێیا دانوستاندن دێ هێنه چارهسهركرن ئهو ژى ب رێیا ئهجێندا و دانوستاندنێن ڤهكرى ، نهك ب رێیا چهكى و ههرهشهیان ، و عیراق نكاریت چوو ههرهشهیێن سهربازى ل ههرێما كوردستانێ بكهت و حكومهتا عیراقێ نابیت خوه بێخیته شاشیهكێ و ئهو چوو بكهن ژ حكومهتا سهردهمێ رژێما بهعس ب هێزتر نابن)
بارزانى دیاركر ژى كو ب چوو رهنگ و شێوهیان ئهنجامێن ریفراندۆمێ ناهێنه ههلوهشاندن و دوپات ژى كر كو بهرى نها چهند جاران ئهوان لسهر ڤێ یهكێ ههلویستێ خوه راگهیاندیه و ل بارا ههلبژاردنان ژى گۆت: ( لایهنێن سیاسى و كومسیوون و پهرلهمان دێ لسهر ئهڤێ مژارێ راوهستن و ل وى دهمى دێ بریار لسهر پاشێخستن یان ئهنجامدانا وێ هێـهدان)
ئهڤرۆ نیوز ، هلورى:
دهمهك بهریا نها ل قهزا دوكان یا سهر ب پارێزگهها سلێمانیى كومبوونا ههڤپشكا پارتى و ئێكهتى داوى هات و ل داویا كومبوونێ راگههاندنهكا ههڤپشك بهلاڤكر كو ژ پێنج خالان پێكدهات و ئهڤا ل خوارێ ژى دهقا وێ یه.
ئێك:- دوپات ل ئێكرێزیا گهل و هێزێن سیاسیێن كوردستانێ هاتهكرن ، و دێ لسهر ب رێڤهبرنا ههڤپشكیێ بهردهوام بن دڤێ قوناغێ دا.
دوو:- كومبوونێ رژدبوونا خوه لسهر چارهسهركرنا تێكرا ههموو ئاریشهیان ب دانوستاندنێن بێ مهرج و ب بهرپرسیارهتیا ئاڤاكهر دناڤبهرا ههولێر و بهغدا راگههاند.
سێ:- هێزێن كوردستانێ نها ژى ههر بهرههڤه دانوستاندنێن بێ مهرج و ڤهكرى و ئاڤاكهر ، لسهر بنهمایێن بهرژهوهندیێن بهغدا و ههولێر و پرنسیپێن دهستوورى بهێنه ئهنجامدان.
چوار:- كومبوون د بهرژهوهندیا ههموو لایهكێ دا دزانین ، كو لایهنێن سیاسیێن سهرهكیێن عیراق و كوردستانێ ، پشكداریا دانوستاندنێن دناڤبهرا ههرێم و بهغدا بكهن ، ههروهسا لایهنێن نیڤدهولهتى ژى چاڤدێریا پروسهیێ بكهن.
پێنج:- لسهر ئاریشهیێن سهربازى و ئاسایشێ ژى ، ل دهڤهرێن دهرڤهیێ ههرێما كوردستانێ ، یان ههر جههكێ دن ، ههموو جوره دهستێوهردانێن سهربازى ، یان لڤاندنا هێز و ههرهشهیان ، ژبلى مهترسیان بو سهر ههرێم و بهغدا ههیه ، د ههمان دهم دا ههرهشهیه لسهر ههموو جوره بزاڤێن راستگویانه بو چارهسهركرنا ئاشتیا ئاریشهیان ، ههروهسا ئێكسهر پنپێكرنا قانون رێسایێ یه وهكو بریار لسهر هاتیهدان ، و هێزێن چهكدارێن عیراقێ بو ئێكلاكرنا ئاریشهیێن سیاسیێن نافخوه بكاردئینیت.
ل داویێ ژى ههردوو لایان سلاڤ بو پێشمهرگهیێن قارهمان هنارتن كو شكهستن ب شهرێ داعشێ ئینایه ، و پێناسا پارێزهرێ جیهانێ وهرگرتیه و نها ژى دا سهنگهرێن بهراهیێ بو ب دهستڤهئینانا ئارمانجایه.
ئهڤرۆ نیوز ، نهوزاد هلۆرى:
دهمهك بهریا نها كومبوونا دناڤبهرا پارتى و ئێكهتى ل قهزا دوكان یا سهر ب پارێزگهها سلێمانیێ داوى هات و نێچیرڤان بارزانى و مهلا بهختیار ل داویا كومبوونێ كونگرهیهكێ رۆژنامهڤانى ئهنجام دا و ل گورهى كونگرهیێ وان ئهوان رێكهفتن لسهر پێنج خالێن گرنگ كرینه.
مهلا بهختیار بهرپرسێ دهستهیا كارگێرى یا مهكتهبا سیاسیا ئێكهتیا نیشتمانیا كوردستانێ دیاركر كو دكومبوونا دناڤبهرا ئێكهتى و پارتى ههموو ههرهشه و بابهتێن روژهڤێ گوتوبێژكرینه و گۆت: ( بو چارهسهركرنا پرسێن دناڤبهرا بهغدا و ههولێر ههموو بابهت هاتینه بهحسكرن و لسهر كومهكا گرنگ یا بابهتان بریار لسهر دایه و هاتینه بهحسكرن ، و داكو رایا گشتى یا جیهانێ و عیراق و ههمو لا بزانن مه چهوا ئێكرێزى و دوستایا راستهقینهیا هێزێن دیموكراسى و شهراكهتا راستهقینه و چارهسهركرنا راستهقینه دڤێت مه راگههاندنهكا پێنج خالى نڤیسایه ، پێدڤى یه لسهر بهغدا ژى خواندنهكا هویر بو وان پێنج خالان بكهت داكو بزانن كا نیگهرانیێن كوردستانێ چ نه داكو دانوستاندن لسهر بهێنهكرن ، و وهكو چهوا بهرى نها مه ب دانوستاندن چارهسهریا ههر تشتى كریه)
ئهڤرۆ نیوز ، نهوزاد هلۆرى:
بو جارا دوویێ كومسیوونا بلند یا ههلبژاردن و راپرسیێ دهما پروپاكندێن ههلبژاردنان بو پهرلهمان و سهروكاتیا ههرێما كوردستانێ پاشئێخستن.
بریار بوو كو 17 چریا ئێكێ 2017 دهما پروپاكندێن ههلبژاردنان بو ههلبژاردنێن سهروكاتیا ههرێما كوردستانێ و پهرلهمانێ كوردستانێ بهێنهكرن كو بریاره ل ئێكێ چریا دوویێ بهێنه ئهنجامدان.
ل گورهى زانیاریێن ئهڤرۆ نیوز د كومبوونا ئهڤرۆ یا كومسیارێن كومسیوونێ دا بریارهاتهدان كو بو جارا دوویێ دهما پروپاكندێن ههلبژاردنان بهێنه پاشئێخستن و ل شوونا 17ێ مههىێ ل 18ى َمههێ بهێنهكرن.
ههتاكو نها چوو لایهنێن سیاسیێن كوردستانێ ههلویستێن خوهیێن ئێكلاكهر و روون نهراگههاندنیه بو ئهنجامدان یان پاشئێخستنا ههلبژاردن و ئهگهرێ ژى دزڤرینن بو بارودوخێ ههرێما كوردستانێ و ئهوان گورانكاریێن كو دناڤبهرا ههرێما كوردستان و عیراقێ هاتینهكرن.
ئهڤرۆ نيوز:
وهزارهتا ژ دهرڤه يا ئيرانێ راگههاند كو وهلاتێ وان چاڤهرێ بهرسڤا عيراقێ دكهت ل سهر داخوازيا وهلاتێ وان بۆ ههلگرتنا ڤيزا ناڤبهرا ههردو وهلاتان.
عهلى چهكينى رێڤهبهرێ كاروبارێن قونسلخانان ل وهزارهتا ژ دهرڤه يا ئيرانێ بۆ ئاژانسا ئيرنا يا ئيرانى راگههاند كو ب هوورى ئهو چاڤدێريا پرسا ههلگرتنا ڤێزايێ د ناڤبهرا عيراق و ئيرانێ دا دكهن كو راسپاردهيا ئايهتولا خامنهئى و وهزارهتا ژ دهرڤهيه و چاڤهرێ بهرسڤا وهلاتێ عيراقێ نه.
گۆتژى: “محهمهد جهواد زهريف وهزيرێ ژ دهرڤه بهرى نوكه داخواز كربوو كو لهز ل سهر چارهكرنا كێشێن ژ دهرڤه يێن ناڤبهرا ههردولا دا”.
سالانه ب تنێ د رێ و رهسمێن چليا ئيمام حسێن دا، نێزيكى سێ مليۆن وهلاتيێن ئيرانى سهرهدانا باژێرێن شيعى ل باشوورێ عيراقێ دكهن.
ئهڤرۆ نيوز:
جهعفهر ئێمينكى، جێگرێ سهرۆكێ پهرلهمانێ كوردستانێ د داخوازنامهكێ دا، ئهندامێن پهرلهمانێ كوردستانێ ئاگههدار دكهت كو ژڤانێ كۆمبوونا پهرلهمانێ كوردستانێ جارهكا دژى هاته پاشخستن و ژڤانێ وێ يێ نوو رۆژا چارشهمبى يه.
ب گۆرهى ڤێ داخوازنامێ، ئێمينكى، پهرلهمانتاران ئاگههدار دكهت كو روونشتنا ژماره 3 يا ئاسايى يا خولا پايزێ ل دهمژمێر 11ى بهرى نيڤرۆيا رۆژا دوشهمبى رێكهفتى 16ى چريا ئێكێ 2017 هاته پاشخستن بۆ دهمژمێر 11ى بهرى نيڤرۆيا رۆژا چارشهمبى رێكهفتى 18ى چريا ئێكێ 2017.
جێگرێ سهرۆكێ پهرلهمانێ كوردستانێ داخواز ژ ئهندامێن پهرلهمانى كرينه كو ل دهمێ دهستنيشانكرى ل پهرلهمانێ كوردستانێ ئاماده ببن.
د ئهڤێ داخوازنامێ دا ب تنێ ئاگههداركرنا پهرلهمانتارێن كوردستانێ هاتيه بهحسكرن بێ كو ئهگهرێن پاشخستنا ڤێ روونشتنا پهرلهمانى بۆ جارا دويێ بهێته دياركرن.
ئەڤرۆ نیوز، سالار دۆسکی:
غازی سەعید ئەندامێ مەکتەبا سیاسی یا ئێکگرتوویا ئیسلامی یا کوردستانێ بۆ ئەڤرۆ نیوز گۆت: چ بەرھەفی نە ژ لایێ کۆمسیوونێ ڤە و نە ژ لایێ ئالیێن سیاسی ڤە نەھاتینەکرن، یا بزحمەتە و تایبەت پەیداکرنا دارایی ڤە و بەرھەڤیێن تەمام نەھاتینەکرن و ھەتا نوکە نە ئێکگرتوو و نە چ ئالیێن سیاسی چ کاندین نە پێشکێش کرینە.
ھەمان ئەندامێ مەکتەبا سیاسی ئەو ژی گۆت: وەک ئێکگرتوو ل گەل وێ چەندینە دەمێ خوە دا ھەلبژارتن بھێنەکرن، لێ کاودانێن پشتی ریفراندوم و ھێرشێن سەر ھەرێمێ و دیسا بەرھەفیا کۆمسیوونێ وبەرھەڤیا ئالیێن سیاسی ژی چ ئالیێن سیاسی خوە بەرھەف نەکرینە و ب باوەرین گەلەکا بزحمەتە ھەلبژارتن دەمێ خوە دا بھێنەکرن .
غازی ئەو ژی دیارکر کو بەرژوەندا گشتی دایە بھێنەکرن لێ ئەگەر بەرھەڤی نەھاتبنەکرن وی دەمی ژ نەچاری ڤە دێ ھێتە پاش ئێخستن و نوکە گەلەک ئاستەنگ و رکەبەری ھەنە یێن دەرکی و ئەڤە دێ ژ نەچاری بیت.
ئهڤرۆ نيوز:
رێڤهبهريا چاڤدێريا بازرگانى راگههاند كو ئهڤرۆ رێكهفتى 15ى چريا ئێكێ 2017ێ بهايێ دراڤى ل بازارێن پارێزگهها دهۆكێ ب ڤى رهنگێ ل خوارێ يه:
| 1 دولارێ ئهمريكى | 1260 |
| 1 يۆرۆيێ ئهورۆپى | 1490 |
| 1 ليرێ توركى | 340 |
بۆ وهرگرتنا نووترين پێزانينان ل سهر رهوشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب رهنگهكێ بهردهوام سهرهدانا مالپهرێ ئهڤرۆ نيوز www.evronews.net بكه.
نيشاندان
