ئه‌ڤرۆنيوز:
به‌رى ده‌مه‌كێ كێم وه‌لاتيه‌ك ب چه‌ك ڤه چو سه‌ر مالا برايه‌كێ خوه ل هه‌له‌بجه وته‌قه‌كر ودئه‌نجامدا برا وژن برا وبرازايه‌كێ خوه كوشتن.
وه‌لاتيه‌كى برا وژن برا وبرازايه‌كێ خوه كوشتن
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
سه‌رۆك بارزانى ل دهۆكێ: هه‌لبژارتن باشترين چاره‌سه‌ره بۆ قه‌يرانێن هه‌رێما كوردستانێ
ئه‌ڤرۆنيوز:
سه‌رۆك بارزانى ئه‌ڤرۆ دوشه‌مبى 18/12/2017، ل باژێرێ دهۆكێ ل گه‌ل هژماره‌كا راگر ومامۆستايێن زانكۆيێن دهۆكێ كۆمبوو.
دوێ كۆمبوونێ دا،مامۆستايێن زانكۆيێن دهۆكێ ب گۆره‌ى بسپۆرى وشاره‌زاييێن خوه دبوارێن جۆراوجۆر دا ددانوستاندنه‌كا تيروته‌سه‌ل دا چه‌ندين تێبينى وپيشنيار وپرسيار ل دۆر ره‌وشا سياسى ودستوورى يا عيراقێ وپه‌يوه‌نديێن دناڤبه‌را هه‌ولێرێ وبه‌غدا وريفراندۆما گه‌لێ كوردستانێ، هه‌روه‌سا ره‌وشا خه‌لكى وكێشه وقه‌يرانێن دارايى وئابوورى يێن هه‌رێما كوردستانێ وپرسا خزمه‌تگوزارى وبه‌رهنگاريا گه‌نده‌ليێ وئه‌نجامدانا چاكسازيان ل كه‌رتێن جۆراوجۆر، ئاراسته‌ى سه‌رۆك بارزانى كر.
سه‌رۆك بارزانى، زێده‌بارى ده‌ربرينا سوپاس وپێزانيننێن خوه بۆ پێشنيار وتێبينيێن مامۆستايان، به‌رسڤا پرسيار وتێبينيێن به‌رهه‌ڤبوويان دا ودگۆتاره‌كێ دا ره‌وشا سياسى يا كوردستانێ و عيراقێ وهه‌لويستێ جڤاكێ نێڤده‌وله‌تى ل به‌رانبه‌ر بريارا ريفراندۆما گه‌لێ كوردستانێ شرۆڤه‌كر، هه‌روه‌سا رۆناهى خسته سه‌ر روودانێن 16 ئوكتۆبه‌رێ وقۆناغا پشتى ريفراندۆمێ وئه‌و رێگريێن هاتينه خستن ل به‌رده‌م ژيان وبريارا خه‌لكێ كوردستانێ.
دپشكه‌كا دى يا په‌يڤێن خوه دا، سه‌رۆك بارزانى ئه‌نجامدانا هه‌لبژارتنان ب باشترين چاره‌سه‌ر بۆ قه‌يرانێن هه‌رێما كوردستانێ زانى ودووپاتى ل وێ چه‌ندێ كر كو ئه‌ڤ قۆناغا ب زه‌حمه‌ت دێ ده‌ربازبيت ول دووماهيێ گه‌لێ كوردستانێ دێ سه‌ركه‌ڤيت، چونكى پرسا وى ياره‌وياه وسته‌م ژى ل كه‌سێ نه‌كريه.
هێزێن عيراقى به‌رهه‌ڤيێن هێرشكرنێ ل سه‌ر پێشمه‌رگه‌ى دكه‌ن
ئه‌ڤرۆنيوز:
جڤاتا ئاسايشا هه‌رێما كوردستانێ راگه‌هاند، هێزێن عيراقى ل نيزيك مه‌خموور يێن هاتينه جهگيركرن ويێ به‌رهه‌ڤيێ بۆ هێرشكرني ل سه‌ر پێشمه‌رگه‌ى دكه‌ن.
جڤاتا ئاسايشا هه‌رێما كوردستانێ دتويته‌رى دا راگه‌هاند” ئه‌م يێن هاتينه ئاگه‌هداركرن كو هێزێن عيراقى يێن ل ده‌وروبه‌رێن مه‌خموورێ ل باشوورێ رۆژئاڤايێ هه‌ولێرێ هاتينه جهگيركرن ويێ به‌رهه‌ڤيێ دكه‌ن بۆ هێرشكرنێ ل سه‌ر هيزێن پێشمه‌رگه‌ى ل نێزيك وێ ده‌ڤه‌رێ”.
ئاماژه كريه ژى” پێزانينێن هه‌والگيرى دياردكه‌ن كو دده‌مێ پێنج رۆژێن بۆرى دا، له‌شكرێ عيراقێ وحه‌شدا شه‌عبى وپۆليسێن فيدرالى يێن هاتينه هنارتن بۆ وێ ده‌ڤه‌رێ وپلان يا هه‌ى هێرشێ بكه‌نه سه‌ر گوێر وديبه‌گه ودووبز، ئه‌و رێيا كه‌ركووكێ ومووسل پێكڤه گرێدده‌ت”.
جڤاتا ئاسايشا هه‌رێما كوردستانێ دياركر” هيزێن پێشمه‌رگه‌ى ل ئوكتۆبه‌را 2017 بۆ رێگريكرنێ ل پێكدادانێن له‌شكرى، بۆ وان ده‌ڤه‌رێن نوكه لێ جهگيربووين، خوه‌ڤه‌كێشابوو، له‌وما داخوازێ ژ حوكمه‌تا عيراقێ دكه‌ين هاتنا له‌شكرێ عيراقێ ب راوه‌ستينيت”.
جڤاتا ئاسايشا هه‌رێمێ، داخواز ژ جڤاكێ نێڤده‌وله‌تى كر كو لڤينێن له‌شكرى يێ شه‌رخوازى يێن عيراقێ ريسوا بكه‌ت وداخوازێ ژ حوكمه‌تا عيراقێ بكه‌ت داخوازا هه‌رێما كوردستانێ بۆ چاره‌سه‌ركرنا كێشان ب رێيا دانوستاندنێ په‌سه‌ند بكه‌ت .
كۆمبوونا نێچيرڤان بارزانى ومێركلێ ب دووماهى هات
پارتى: هنده‌ك لايه‌ن وكه‌سايه‌تيێن سياسى دخوازن پارتى بكه‌نه ئارمانج
ئه‌ڤرۆنيوز:
په‌يڤدارێ جڤاتا سه‌ركردايه‌تيا پارتى ديموكراتى كوردستان ل سلێمانيێ- هه‌له‌بجه راگه‌هاند، ئه‌و ل گه‌ل خوه‌نيشادانێن مه‌ده‌نى نه، به‌لێ هنده‌ك هێز وكه‌سايه‌تيێن سياسى دخوازن ده‌ستێ خوه بێخنه دناڤ خوه‌نيشادانان دا وب وێ رێ پارتى بكه‌نه ئارمانج.
ئه‌ڤرۆ ل هنده‌ك ده‌ڤه‌رێن سنورێ پارێزگه‌ها سلێمانيێ خوه‌نيشادان هاتن ئه‌نجامدان ول هنده‌ك جهان ئاراسته‌يا خوه‌نيشادانێ به‌ر ب توندوتيژيێ ڤه چو ول هنده‌ك ده‌ڤه‌ران ژى نيازا هێرشكرنێ ل سه‌ر باره‌گايێن پارتى يا هه‌ى.
عه‌تا شێخ حه‌سه‌ن، په‌يڤدارێ جڤاتا سه‌ركردايه‌تيا پارتى ديموكراتى كوردستان ل سلێمانيێ- هه‌له‌بجه گۆت” خوه‌نيشادانێن مه‌ده‌نى مافێ خه‌لكى يه وئه‌م دگه‌لداينه، به‌لێ مه ل ده‌ستپێكێ هوشدارى دا كو هنده‌ك لايه‌ن وكه‌سايه‌تيێن سياسى دێ ده‌ستێ خوه كه‌نه دناڤ وان خوه‌نيشادانان دا، له‌وما نوكه ره‌وش ب وى ئاراسته‌يه كو ده‌ستێ خوه بكه‌نه دناڤ خوه‌نيشادانان دا وپارتى ديموكراتى كوردستان بكه‌نه ئارمانج”.
عه‌تاى زێده‌تر بۆ مالپه‌رێ پارتى گۆت” ئه‌م ب هه‌موو شيانێن خوه دێ شكويێ پارتى پارێزين وراگرين ودێ رێگريێ ل هه‌ر بزاڤه‌كێ كه‌ين، چونكى ديرۆكا پارتى هه‌رده‌م ب مه‌زنى يا ماى وهه‌ر ب وى شێوه‌ى ژى دێ مينيت وئه‌وين وى كارى ژى دكه‌ن، تنێ دێ شه‌رمزارى بۆ مينيت”.
ل سه‌يد سادق ئاراسته‌يا خوه‌نيشادانان بۆ هێرشكرنێ ل سه‌ر باره‌گايێن پارتى هاته گوهۆرين
ئه‌ڤرۆنيوز:
ئه‌ڤرۆ ئاراسته‌يا خوه‌نيشادانان ل پيره‌مه‌گروون وسه‌يد سه‌دق ل پارێزگه‌ها سلێمانيێ بو به‌رده‌م باره‌گايێ پارتى هاته گوهۆرين وهێرش هاته كرن ل سه‌ر باره‌گايێن پارتى، به‌رپرسێن پارتى ل سليمانيێ ئاگه‌هداريا ده‌زگه‌هين ئه‌منى كر ل پاراستنا گيانێ كادران وباره‌گايێن پارتى.
ئه‌ڤرۆ ل باژێر وباژێركێن پارێزگه‌ها سلێمانيێ، خونيشادانێن نه‌رازيبوونێ ده‌ست پێ كرن، پشتى نيڤرۆ ئاراسته‌يا خوه‌نيشادانان هاته گوهۆرين بۆ به‌رده‌م باره‌گايێن پارتى ديموكراتى كوردستان.
فازل به‌شاره‌تى، به‌رپرسێ لقێ 12 پارتى بۆ مالپه‌رێ فه‌رميێ پارتى گۆت” ل سه‌يد سادق هێرش ل سه‌ر باره‌گايێ لژنا ناوچا پارتى ب به‌ران هاته كرن، هه‌موو ژى ئه‌و كه‌س بوون كو پێشتر هاتبوو به‌رهه‌ڤكرن بۆ هێرشكرنێ ل سه‌ر باره‌گايان، دئه‌نجامدا زيانێن مادى يێن مه‌زن ب ئاڤاهيێ ناوچێ كه‌فتن ومه ئاگه‌هداريا ده‌زگه‌هين ئه‌منى كر ل پاراستنا گيانێ كادر وباره‌گايێن مه”.
فازل ره‌ئووف، به‌رپرسێ لقێ 21 ده‌وروبه‌رێ سلێمانيێ يێ پارتى گۆت” مخابن پشتى نيڤرۆيا ئه‌ڤرۆ ژلايێ هنده‌ك كه‌سان ڤه هێرش هاته كرن ل سه‌ر باره‌گايێ لژنا ناوچا پارتى ل پيره‌مه‌گروون، دده‌مه‌كى دا باره‌گايێن حزبێن دى دپاراستى نه ودئه‌نجامدا به‌رپرسێ ناوچێ ب سڤكى برينداربوو”.
عه‌تا شێخ حه‌سه‌ن، په‌يڤدارێ جڤاتا سه‌ركردايه‌تيا پارتى ل سليمانيێ وهه‌له‌بجه گۆت” ئه‌ڤرۆ دو شه‌مبى 18/12/2017، باره‌گايێ لژنا ناوچا پارتى ل پيره‌مه‌گروون سه‌ر ب قه‌زا دوكان ڤه هاته سۆتن”.
عه‌تاى گۆت ژى” ڤه‌كۆلين دوێ روودانێ دا دێ هێته كرن وپێدڤيه ده‌زگه‌هێن ئه‌منى بهێنه سه‌رخه‌ت وب جدى ئێمناهيا باره‌گايێن پارتى بپارێزن”.
دياركر” ل ده‌ستپێكێ هنده‌ك ژ خوه‌نيشانده‌ران ب درووشمێن جۆراوجۆر خه‌لك هاندان بۆ هێرشكرنێ ل سه‌ر باره‌گايێن پارتى”.
پارتى به‌رهه‌ڤيا خوه بۆ هه‌لبژارتنێن پێشوه‌خت ديار دكه‌ت
ئه‌ڤرۆنيوز:
پارتى ديموكراتى كوردستان به‌رهه‌ڤيا خوه بۆ هه‌بژارتنێن پێشوه‌خت رادگه‌هينيت وب ئێك ژ رێ چاره‌يێن رزگاربوونێ ژ موزايه‌دێن سياسى دزانيت.
خسرۆ گۆران، به‌پرسێ ده‌زگه‌هێ هه‌لبژارتنێن پارتى ديموكراتى كوردستان راگه‌هاند”ره‌وشه‌ك ل كوردستانێ يا په‌يدابووى كو ژئه‌گه‌رێ 16 ئوكتۆبه‌رێ، پشكه‌كا مه‌زن ژئاخا كوردستانێ هاته ژده‌ستدان، ل ئاستێ ناڤخوه‌يى ژى گه‌له‌ك پرۆژه يێن هه‌ين بۆ حوكمه‌تا رزگاريا نيشتمانى، يان هه‌لوه‌شاندنا كابينا حوكمه‌تێ، به‌لێ هه‌موو ئه‌و پێشنيار وپرۆژانه ل ده‌مێ خوه پارتى ددانوستاندناندا به‌رسڤا وان دا، ب نڤيساروگفتوگويێ ژى بۆ وان هاته رۆهنكرن، ئه‌وا ماى كو باشترين بژارده‌يه وسه‌رۆكێ حوكمه‌تێ ژى د دووماهى په‌ياما خوه‌دا دووپاتى ل سه‌ر كرى، هه‌لبژارتنێن پێشوه‌خته”.
خسرۆى دياركر” پارتى يا به‌رهه‌ڤه بۆ ده‌ربازبوونێ ژ قه‌يرانان، په‌نايێ بۆ هه‌لبژارتنا پێشوه‌خت ببه‌ت ول گه‌ل ئه‌نجامدانا هه‌لبژارتنايه” گۆت ژى” پارتى چو جاران ژوێ بژارده‌يێ نه‌ترسايه، ب ديتنا من خه‌لكێ كوردستانێ ژى ب هه‌موو ته‌خ وچينێن خوه‌ڤه ل گه‌ل وێ بۆچوونێ نه كو دڤێت بۆ رزگاربوونێ ژڤێ قه‌يرانێ، هه‌لبژارتنێن پێشوه‌خت بهێته ئه‌نجامدان”.
به‌رپرسێ ده‌زگه‌هێ هه‌لبژارتنێن پارتى زێده‌تر بۆ باسنيوز گۆت” هه‌لبژارتنێن پێشوه‌خت هه‌موو موزايه‌دێن سياسى ناهێليت وسه‌نگا هه‌موو لايه‌نان دياردكه‌ت، هه‌ر لايه‌نه‌كێ پشته‌ڤانيێ بكه‌ت، دڤێت پێشوازيێ ل وێ په‌ياما پارتى ونێچيرڤان بارزانى بكه‌ت، ل مه‌كته‌با سياسى يا پارتى ژى به‌حس هاتهيه كرن كو ئه‌ڤه باشترين بژارده‌يه”.
یۆنانێ هه‌ولا تیرۆركرنا ئه‌ردۆغانى ژناڤبر
ئەڤرۆ نیۆز،زنار تۆڤی:
ل دووڤ نووچەکێ رۆژنامه‌ڤانی یێ یۆنانی،وەلاتێ یۆنانێ پلانا تیرۆركرنا ئه‌ردۆغانى سه‌رۆكێ توركیا پووچ كریه،کو ژ لایێ به‌ره‌یێ پارتا رزگاریا گه‌ل یا توركی نه‌خشه بۆ هاتبوو كێشان. ئاژانسا ئانادۆل یا توركى نووچەیەک ژ رۆژناما توفیما یڵ یۆنانى ڤەگۆهاستیە کو وێ رۆژناما یۆنانی ئاشكرا كریه،کو به‌ره‌یێ پارتا رزگاریا گه‌ل کو ب dhkp/c ئاماژه بۆ دهێتەدان،ل بەربوو ل وەلاتێ یۆنانێ ئه‌ردۆغانێ سه‌رۆكێ توركیا تیرۆر بكەت،لێ ده‌ستهەلاتدارێن یۆنانێ رۆژا 28 هەیڤا بوری 9 كه‌سێن ب ره‌گه‌ز تورك گرتینه کو پلان بۆ تیرۆركرنا ئه‌ردۆغانی دانابوو.
هەروەسا وان 9 كه‌سا پلانا خۆ وەسا دارشتبوو کو ژ سێ قۆلان ڤە هێرشێ بكه‌نه سه‌ر ئه‌ردۆغانی،ژ دو لایان ڤە ب موشه‌كان لێ بده‌ن و گرووپەكێ دیتر ژی ژ پشتێ ڤە هێرشێ بكه‌نه سه‌ر،دیسا پۆلیسێن یۆنانى ئاشكرا دکەن،کو وان كه‌سان ل بەربوو ل ئه‌سینا یا پایته‌ختێ یۆنانێ ل دەمێ سه‌رەدانا ئه‌ردۆغانی پلانا خۆ ئه‌نجام بده‌ن.
لێ پۆلیسان ده‌ست ب سه‌ر هێلكاریا وێ پلانێدا گرتیه،د وێ پلانێدا ئه‌ردۆغان ب دووپشك ب ناڤکریە،ئێک ژ وان کەسێن گرتی ناڤێ وی حه‌سه‌نه كو پێشتر ل سالا 2013 ب تۆمه‌تا هێرشكرنا سه‌ر وه‌زاره‌تا داد یا توركیا و باره‌گەهێ ئاكپارتى ل ئه‌نقه‌ره یێ تۆمه‌تباره.
داخوازا ئه‌نجامدانا هه‌لبژارتنێن جڤاتێن پاريزگه‌هێن هه‌رێمێ دهێته كرن
ئه‌ڤرۆنيوز:
ده‌سته‌يا سه‌رۆكاتيا جڤاتا پارێزگه‌ها هه‌ولێرێ پشته‌ڤانيا خوه بۆ حوكمه‌تا هه‌رێما كوردستانێ دياركر ل دۆر هه‌لبژارتنين سه‌رۆكاتيا هه‌رێمێ وپه‌رله‌مانێ كوردستانێ دده‌مێ سێ هه‌يڤێن بهێت دا.
ده‌سته‌يا سه‌رۆكاتيا جڤاتا پارێزگه‌ها هه‌ولێرێ دبه‌ياننامه‌كێ دا كو ئه‌ڤرۆ دوشه‌مبى 18/12/2017 هاتيه ده‌ركرن، داخوازێ ژ په‌رله‌مانێ كوردستانێ وحوكمه‌تا هه‌رێمێ دكه‌ت كو هه‌لبژارتن، هه‌ر ئێك ژجڤاتێن پارێزگه‌هان وجڤاتێن قه‌زا وناحيان ژى ب خوه‌ڤه بگريت.
ل دووڤ وێ به‌ياننامێ” بريارا ئه‌نجامدانا هه‌لبژارتنان رێ چاره‌يا كێشێن هه‌رێما كوردستانێ يه”.
بۆ یاریا كلاسیكۆ:بەرشەلۆنا یاریزانەکێ دی ژی ژ دەست دا
ئەڤرۆ نیۆز ، زنار تۆڤی:
هندی وێڤەتر دچیت كێشێن یانا بەرشەلۆنا بۆ یاریا كلاسیكۆ یا خولا ئیسپانیا بەرامبەر یانا ریال مەدرید زێدەتر دبن كو بریارە ل رۆژا شەمبیا بهێت دا ل ناڤ یاریگەها سانتیاگۆ بێرنابیۆ دا بهێتە ئەنجامدان.
ل شەڤا بوری یانا بەرشەلۆنە ل گەرا 16 د خولا ئیسپانی دا ل ناڤا یاریگەها كامپ نوو ب 4 گۆلێن پاقژ ژ یانا دیپۆرتیڤۆ لاكرۆنیا بر.
د وێ یاریێدا پاكۆ ئەلكاسێر هێرشبەرێ یانا بەرشەلۆنە ل خولەكا 21 یا گێمێ ئێکێدا تووشی هنگافتنێ بوو،ب نەچاری جهێ خۆ بۆ ئەلێكس ڤیدالی چۆل كر.
رۆژناما (سپۆرت) یا كەتەلۆنی بەلاڤەکریە،کو ئەلكاسێر ب ئەگەرێ ڤێ هنگافتنێ ب کێماتی دێ بۆ ماوێ 3 حەفتیان دوورکەڤیت ژ یاریکرنێ و ب ڤێ چەندێ ئەو هێرشبەرە د یاریا كلاسیكۆ دا یاریێ ناكەت.
چەند رۆژان بەری نوکە ل دەمێ راهێناناندا گیرارد دیۆلۆفۆ یاریزانێ هێلا ناڤین یێ یانا بەرشەلۆنە ب هەمان شێوەی تووشی هنگافتنێ بوویە و ئەو یاریکەر ژی نەشێت د یاریا كلاسیكۆ دا یاریێ بكەت.
نيشاندان
WP Facebook Auto Publish Powered By : XYZScripts.com