ئەڤرۆ نیوز ، نەوزاد هلۆری:

دەمەک بەریا نها قوباد تالەبانی ل دەما ڤەشارتنا تەرمێ مام جەلال تالەبانی گۆتارک پێشکێشکر و دیارکر کو مام جەلال مولکێ هەموو گەلێ کوردستانێ بوویە و ژیانا خو بو ئەرک و مافێن گەلێ کوردستان و عیراقێ تەرخانکربو.

قوباد تالەبانی بناڤێ مالباتا مام جەلال تالەبانی و ئێکەتیا نیشتمانیا کوردستانێ گۆتارەک پێشکێشکر و تێدا سوپاسیا هەموو سەرکرووەیێن هەرێما کوردستان و عیراق و جیهانێ و دەڤەرێ و بەرهەڤبوان وجەماوەرێ کوردستانێ کر و گۆت: (مامێ هه‌موو كوردستانێ بوویه‌ و خه‌بات بو هه‌موو گه‌لێ کوردستان و عیراقێ كریه‌ و گه‌له‌ك ژى ماندوبوو بو درۆستكرنا بنه‌مایێن پێكڤه‌ ژیان و ئێكرێزیێ ، و هندى خه‌ما گه‌لێ كوردستان و عیراقێ بوویه‌ هه‌ند خه‌ما مه‌ نه‌بوویه‌ وه‌كو بنه‌ماله‌ و ئه‌وى كوردستان هه‌لبژارد ، دەستێن وی د خزمەتا گەلێ کوردستانێ دا دیاربو ، پێدڤی یە ئەم ژی بێی ل بەرچاڤ وەرگرتنا حزبی پەیاما وی بجهبکەین بو نەهێلانا دز و ناکوکیان)
زێده‌تر گۆت: (ئه‌ڤرۆ مه‌ زور پێدڤى ب ئێكرێزیێ هه‌یه‌ و پێدڤى یه‌ ئه‌م مفایى ژ په‌یاما مام وه‌ربگرین و بكه‌ینه‌ وان بو چاره‌سه‌ركرنا هه‌موو وان ئاریشه‌یێن كو دناڤبه‌را مه‌ دا هه‌یى)

دیارکر ژی کو مام جەلال زێدەباری کو بابێ من و بافل بو ، د هەمان دەم دا مامێ هەوە هەمووان بو و پەیاما هەوە و سەرەخوشیا هەوە هەمووان گەهشتەمە.

ئەڤرۆ نیوز ، هلوری.

هەر ئێک ژ مەسعود بارزانی سەروکێ هەرێما کوردستان و نێچیرڤان بارزانی سەڕۆکێ حکومەتا هەرێما کوردستانێ پێشوازی ل ڤەگەرا تەرمێ مام جەلال ل فروکخانا سلێمانیێ کر و پاشان تاجە گۆل پێشکێشی تەرمێ مام جەلالی کڕن.

نها تەرمێ مام جەلال ل مزگەفتا سلێمانیێ یە و د پشترا دێ بو دەباشان ڤەگۆهێزن و ڤەشێرن.

ئەڤرۆ نیوز ، هلوری

چەند خولەکەکان بەری نها سەروکێ هەرێما کوردستانێ مەسعود بارزانی پێشوازی ل ڤەگەرا تەرمێ مام جەڵال تالەبانی ل فرۆکخانا سلێمانیێ کر.

وەسا بریارە د چەند رێورسمەکان دا تەرمێ مام جەلال ژ فروکخانێ بو مزگەفتا مەزنا سلێمانیێ بهێتە رەوانەکرن و پاشان  دەباشان بهێتە ڤەشارتن.