ئەڤرۆ نیوز ، هلوری:

وەسا بریارە هەر ئێک ژ مەسعود بارزانی سەرۆکێ هەرێما کوردستان و نێچیرڤان بارزانی سەروکێ حکومەتا هەرێما کوردستانێ ل گرێ دەباشان پشکداریێ د رێورسمێن ڤەشارتنا تەرمێ مام جەلال دا بکەن.

قوباد تالەبانی کورێ مام جەلال بناڤێ مالباتا مام جەلال دێ گۆتارەکێ پێشکێش کەت و تێدا سوپاسیا لایەنێن سیاسی و جەماوەرێ کوردستانێ و هەموو وان کەسان کەت کو خەمباربوین ژ بو وەغەرکرنا مام جەلال تالەبانی.

دهێتە زانین رێکەفتی 3 چریا ئێکێ 2017 ل نەخوشخانەکا ئەلمانیا مام جەلال تالەبانی دژیێ 84 سالیێ دا وەغەرکر و ئەڤرۆ ب رێیا فرۆکخانەکا وی وەلاتی تەرمێ وی گەهشتە سلێمانیێ و نها ل دەباشانە و دەمەکێ دن دێ رێورسمێن ڤەشارتنا تەرمێ مام جەلال دەستپێکەت.

ئەڤرۆ نیوز ، هلۆری:

رێڤەبەریا پەروەردا قەزا ئامێدیێ د ئاگەهداریەکێ دا دیارکر کو دەوام ل قەزا ئامێدیێ دێ ل روژا شەمبی دەستپێکەت و بریارا بێهنەدانێن شەمبیان ژی دێ حەفتیا دوڤدا چیتە دوارێ بجهکرنێ دا.

ل گۆرەی ئاگەهداریەکێ کو رێڤەبەریا پەروەردا قەزا ئامێدیێ دەرکریە و دانەیەک بو ئەڤرۆ نیوز رەوانەکریە تێدا ئاگەهداریا هەموو ماموستا و قوتابیێن خوشتڤی یێن قوتابخانێن” ئامادەیی ، بنەرەتی ، باخچێن زارۆکان و خواندنگەهێن خواندنا بلەز ” دکەت کو دەواما فەرمی ل سنوورێ پەروەردا قەزا ئامێدیێ روژا شەمبی رێکەفتی 7 چریا ئێکێ 2017 دێ دەستپێکەت)

زێدەتر دئاگەهداریا وان دا هاتیە: (ئەو بریارا وەزارەتا پەروەردێ کو ل بارا بێهنڤەدانێن روژا شەمبی دەرکری ، دێ لروژا شەمبی رێکەفتی 14 چریا ئێکێ 1017 چیتە دوارێ بجهکرنێ دا)