ئهڤرۆ نیوز ، نهوزاد هلۆرى:
وهلاتیێن گوندهكێ سنوورێ قهزا سێمێل یا سهر ب پارێزگهها دهۆك وهكو پشتهڤانى بو ریفراندۆما سهربخوهى یا كوردستانێ ناڤێ گوندێ خوهیێ نوو كره سهربخوه ، وهكو ئاماژهیهك بو سهربخوهى یا كوردستانێ.
دڤى واریدا ” عومهر بیبو محهمهد ” ئێك ژ نونهرێن گوندێ سهربخوه بو ئهڤرۆ نیوز گۆت: (وهكو پشتهڤانى بو ریفراندۆما سهربخوهى یا كوردستانێ ، ب كودهنگى یا ههموو ئاكنجیێن گوندى مه ناڤێ گوندێ خوه كره سهربخوه ، كو ههر دكهڤیته د چارچوڤێ گوندێ سهرتهنگ دا ، واته گوندهكێ نوویه و لسهر مولك و زهڤیێن چاندنێ هاتیه چێكرن و ههموو پێرابوونێن قانونى ژى بو هاتینهكرن)
زێدهتر گۆت: ( گوندێ مه نێزیكێ 60 مالهكان بخوڤه دگریت و دهردورێن سالا 1970 هاتیه چێكرن ، بهلێ ل سالا 2007 دووباره هاتیه ڤهگوهاستن بو نێزیك فاملى مول و درۆستكرن ڤه ، و ههموو ئاكنجیێن گوندى بریاردایه كو پێكڤه بچنه سهر سندوقێن دهنگدانێ و بێژن بهلێ بو ریفراندۆمێ)
ناڤبرى دیاركر ژى كو گوندێ وان ئێكه ژ وان گوندێن كوردستانێ كو گهلهك نهخوش لسهر دهستێ رژێما بهعس دیتینه و چهندین شههید ل شهرێ دژى رژێما بهعس و شهرێ دژى داعشێ ژى پێخهمهت پاراستنا ئاخا كوردستانێ داینه و نها ژى هژمارهكا زورا ئاكنجیێن گوندى وهكو پێشمهرگه د ئهركێ بهرهڤانیا ئاخا كوردستانێ دانه بهرامبهر تیرورستێن داعش.
ئەڤرۆ نيوز:
نەدیم زەھاوی ئەندامێ پەرلەمانێ بریتانیا د داخۆیانیەکێ دا بۆ ئاژانسا سپۆتینگ یا روسیا دیار کریە کو د روونشتنا پەرلەمانی دا پرانیا ئەندامێن پەرلەمانی رازیبوونا خوە دیار کرینە کو شاندەکێ پەرلەمانێ بریتانیا وەکو چاڤدێرن بۆ ریفراندۆمێ بچنە ھەرێما کوردستانێ، ئەو شاندە ل ھەموو پارێزگەھێن ھەرێما کوردستانێ وەکو شاندەکا سەربخوە دێ چاڤدێریا پرۆسا ریفراندۆمێ کەت.
ناڤبری د بەردەوامیا ئاخڤتنا خوە دا ئەو یەک ژی دیار کریە کو شاندێ پەرلەمانێ بریتانیا دێ دیتنێن خوە ل دۆر ریفراندۆمێ وەکو راپۆرت پێشکێشی پەرلەمانی کەن و پاشی پەرلەمان دێ دووڤچوونێ کەت و نێرینا خوە ب فەرمی ل دۆر ریفراندۆما ھەرێما کوردستانێ بۆ رایا گشتی ئاشکرا کەت.
ئهڤرۆ نيوز:
دەولەتا تورک و یا ئیرانێ ل ھەمبەری رژدبوونا سازکرنا ریفراندۆما ھەرێما کوردستانێ نەرازیبوونێن خوە ب گەفان دیار دکەن و ل ئالیێ دی ھژمارەکا نڤیسەر و زانایێن سیاسی یێن تورکیا دیار دکەن کو ھەکە کورد دەولەتا خوە راگەھینن پشتی دەمەکێ تورکیا دێ دانپێدانێ ب دەولەتا کوردی کەت.
پشتی کو وەزیرێن دەرڤە یێن ئیرانێ و تورکیا ل ل کۆمبوونا نیویۆرک یا نەتەوێن یەکگرتی ھاتنە گەل ھەڤدو، راگەھاندنێن ھەر دو دەولەتان دیار کرن کو تورکیا و ئیران ناھێلن ھەرێما کوردستانێ ریفراندۆمێ ساز بکەت و ھەتا نھا ئەنجاما کۆمبوونا ھەر دو ئالیان ب دروستی بۆ رایا گشتی نەھاتیە ئاشکرا کرن، لێ وەسا دھێتە پێشبینی کرن کو ھەر دو ئالیان ریفراندۆما ھەرێما کوردستانێ و چاوانیا دروست کرنا ئاستەنگیان ل ھەمبەر ریفراندۆمێ گەنگەشە کرینە.
ھەر د ڤێ مژارێ دا رۆژنامە و تەلەفزیۆن و رادیۆ یێن نێزیکی سەرۆک کۆمار ئەردۆگانی د نڤیس، بەرنامە و شیرۆڤێن خوە دا گەفێن کرێت و دوور ژ رەوشتێن مرۆڤی دکەن و ل ھەمبەر دا پشکەکا گرنگ یا راگەھاندنا تورکیا ژی وەسا دبینن کو سازکرنا ریفراندۆما ھەرێما کوردستانێ مافەکی سروشتی یێ کوردایە و نابیت دەستھەلاتدارێن تورکیا ل دژی ئیرادە و چارەنڤیسێ نەتەوەکی دەرکەڤن کو چو پەیوەندیا وێ ب تورکیا ڤە نینە.
پارتێن نەتەوە پەرەست و ئیسلامی و رێکخستنێن نێزیکی ئاکپارتی و پارتا بزاڤا نەتەوەپەرست و پارتا ئێکەتیا مەزن ل ژێر ناڤێ زۆرداری ل تورکمانێن ل کەرکووکێ دھێتە کرن، دخوازن خەلکێ تورکیا ل دژی ریفراندۆمێ راکەنە سەر پیان، لێ ھەتا نھا پشکەکا گرنگ یا جڤاکێ تورکیا ل دژی ریفراندۆمێ دەرناکەڤن ژ بەر کو وەکو دھێتە خواستن نەشێن پشتەڤانیا جڤاکێ تورکیا راکێشنە گەل خوە و نھا ژی ل ژێر ناڤێ کەرکووک باژێرێ تورکمەنایە و کورد زۆرداریێ ل تورکمەنان دکەن، درەوان دکەن لێ ئەڤ ھەولا وان ژی تووشی شکەستنێ ھاتیە.
لاوێن کورد ئانکۆ ب گشتی کوردێن باکورێ کوردستانێ ژی پشتەڤانیا ریفراندۆمێ دکەن و ب ھزاران لاوێن کورد بەرھەڤیێن خوە بۆ پاراستنا دەولەتەکا سەربخوە یا کوردستانێ ل باشورێ وەلات نیشان ددەن و ل دووڤ ئاخڤتنێن زانایێن جڤاکێ جارا یەکێیە گەلێ کورد ل ھەر چار پارچێن کوردستانێ و دەروەیی وەلات ب دل و جان بۆ ئارمانجا پیرۆز یەک دگرن، ئەو یەک گرتنە پەیامەکا گەلەک مەزنە بۆ دوژمنێن گەلێ کورد کو بەری نھا دوژمنان ھەری زێدە ژ ناکۆکی و ئالۆزیێن د ناڤبەرا ئالیێن سیاسی یێن کوردستانێ دا مفا وەردگرتن و ئەڤرۆ ئەڤ دەلیڤە ژ دەستێ دوژمنان ھاتیە دەرخستن.
ل ئالیێ دی ل دووڤ راپۆرتەکا کو ل سەر تۆرا ئنترنێتێ ھاتیە بەلاڤ کرن ھژمارەکا قۆتابیان ل ناڤا باژێرێن ئستەنبۆل و ئەزمیرێ وەکو راپرسیەکی ژ وەلاتیێن تورک دپرسن گەلۆ ھوون ل دژی ریفراندۆما کوردستانا عیراقێ نە، یان نا؟ پرانیا پشکداربوویێن راپرسیێ ب ئاشکرا دبێژن کو ئەو نە ل دژی ریفراندۆما کوردستانا عیراقێ نە. دیسان پرسیارا گەلۆ ھوون کوردان وەک دوژمن دبینن یان نا؟ دیسان پشکەکا مەزن دبێژن کو کورد نەتەوەکا موسولمانە و زمان و کەلتورێ وان یێ تایبەت ھەیە و ئەم وان وەکو دوژمن نابینین.
ھەروەسا ھژمارەکا زێدە ئەکادیمی و نڤیسەر و رۆژنامەڤانێن ناڤدار یێن تورکیا، یێن وەک جەنگیز چاندار، حەسەن جەمال، ئۆرال چالشلار، ئاسلی ئایدنتاشباش، ئایدن ئەرەن و محەمەد ئیشک ژی د نڤیس و شیرۆڤێن خوە دا دیار دکەن کو سەرۆک کۆمار ئەردۆگان و دەستھەلاتا ئاکپارتی و سەرۆکێ (مەھەپێ) و ھندەک کۆمێن بچووک یێن تورکیا بۆ کۆمکرنا دەنگێ نەتەوەپەرستان ھەڤرکیا ئێکتر دکەن و گەفێن ل ھەرێما کوردستانێ دھێنە کرن ژ بەر ھندێ نە، چونکو د راستی دا ئەو باش دزانن کو کورد ژی وەکو ھەر نەتەوەیەکا دی مافێ خوەیە بریارێ ل سەر پاشەرۆژا خوە بدەت و دیار کرینە کو ئەو باوەر ناکەن دەستھەلاتا تورکیا ب کریاری ل دژی دەولەتا سەربخوە یا ھەرێما کوردستانێ پێنگاڤەکا دژوار ب ھاڤێژیت و ب دەربازبوونا دەمی دێ ب فەرمی ژی کوردستانێ قەبوول کەن.
ئهڤرۆ نيوز:
سترانبێژا بهرنياسا كورد دهشنێ مۆراد دياريهك پێشكێشى جهماوهرێ خوه ل تۆڕا جڤاكيا فهيسبۆكى كريه كو ئهو ژى سرۆدا نشتيمانى يا “ئهى رهقيب”ه.
دهشنێ دبێژيت: “پهياما من بۆ خووشك و برايێن من يێن كورد كو چهند هاتبنه گوهۆڕين، بهلێ ئارمانج نههاتيه گوهۆڕين و بلا ل بهر چاڤ و هزرا مه بهرزه نهبيت و ژ بير نهچيت چ لڤێره گرنگه سهربهخۆى گهلهك نێزيك بوويه و بلا ئهم ههموو ببينه ئێك و ئهڤێ بجهبينين وهكو چاوان يێن بهرى مه خهون پێڤه ديتبوو”.
ئهڤرۆ نیوز ، هلۆرى:
سهرۆكێ فهرهنسا د كونگرهیهكێ رۆژنامهڤانى دا دیاركر كو ئهو وهكو فهرهنسا نابینه رێگر بهرامبهر ریفراندۆما سهربخوهى یا كوردستانێ و دوپاتكر كو وان پهیوهندیێن دیروكى و دوستانه ل گهل ههرێما كوردستانێ ههنه.
ئیمانوێل ماكرون سهرۆكێ فهرهنسا د كونگرهیهكێ روژنامهڤانى دا داخواز ل مهسعود بارزانى سهرۆكێ ههرێما كوردستانێ كر كو ریفراندۆمێ بكهنه دهستپێكهك بو چارهسهركرنا ئاریشهیێن خوه ل گهل عیراقێ و گۆت: (ئهم وهكو فهرهنسا نابینه رێگر بهرامبهر ریفراندۆما سهربخوهى یا كوردستانێ و مه پهیوهندیێن دیروكى و دوستانه ل گهل ههرێما كوردستانێ ههنه و فهرهنسا ل دژى چو پێنگاڤێن دیموكراسى ناراوهستیت)
ئهڤرۆ نیوز ، نهوزاد هلۆرى:
ئێڤاریا ئهڤرۆ ب پشكداریا سهرۆكێ ههرێما كوردستانێ لژنا بلند یا ریفراندۆمێ كهرنهڤالهكا جهماوهرى بو جهماوهرێ ههرچوار قهزایێن (مێرگهسوور و سوران و رهواندوز و چومان )رێكخست و تێدا بارزانى گوتارهك خواند و دیاركر كو ئێك ژ نیعمهتنێن ریفراندۆمێ و دهستكهفتیێن وێ بو ههموو جیهانێ دیاربو كو بریارا ریفراندۆمێ بریارا گهلێ كوردستانێ یه و ئێكرێزیا گهلێ كوردستانێ زڤرى و پهرلهمان ژى كارا بو ، و گهلێ كوردستانێ رژده كو دێ ریفراندۆمێ ئهنجام دهت.
مهسعود بارزانى د چارچوڤێ كهنهڤالا سهربخوهى یا كوردستانێ ل قهزا سوران دیاركر كو پێشمهرگه و خهلكێ كوردستانێ ل ڤان چیایێن دهڤهرێ قارهمانیێن مهزن د شورهشا ئیلونێ دا توماركرینه و گۆت: ( خهلكێ سوران و مێرگهسوور و رهواندوز و چومان مل ب ملێ خهلكێ سنوورێ پارێزگهها دهۆكێ دهنگێ خوه بو ریفراندۆمێ دا ، و دبیت ئهم ههموو پرسیار بكهین بوچى مه بریاردا ریفراندۆمێ دایه، دهستپێكێ بریارا ریفراندۆمێ بریارا سهركرداتیا سیاسیا كوردستانێ و گهلێ كوردستانێ بوویه و مولكێ چوو كهس و حزبان نینه ، چوو رێكێن دن نهبوون كو گهلێ كوردستانێ تاقى نهكریى ژ مهركهزیهتێ ههتا فیدرالیێ بهلێ ژ بهركو ئهم دجڤاكهكێ گرتى و دویر ژ پێكڤه ژیانێ دژیان بهر هندێ مه بریارا ریفراندۆمێ دا )
زێدهتر گۆت: (بهرى نها بهحسا ریفراندۆمێ ل واشنتون و عیراقێ ژى هاتبویهكرن و مه گوتبویه وان ههڤپشكى شكهستن ئینا و پێدڤى یه ئەم و عیراق بریارێ بدەین كو دوو ههڤسویێن باش بین ، و ل وى دهمى ئهو د نهرم بوون ، ئێك سەرکردێن عیراقێ راگههاند بوو كو مه نهڤێت ژێكجودابین و ئهگهر جودا بین ژى بلا لسهر بنهمایهكێ باش بیت ، و ژبهركو ههڤسهنگى و تهوافق نهما و چهك و تهقهمهنى ب پێشمهرگهى نهدا و قانونا پێشمهرگه دهرباز نهكر و بودجه و موچهیێن خهلكێ كوردستانێ برین كو ئهڤ یهك ژى جورهكێ ئهنفالێ بو دژى گهلێ كوردستانێ ، مه بریارا ریفراندۆمێ دا ، و ئهگهر بارودوخ یێ باش بایه مه ریفراندۆم نهدكر و نها دخوازن كو بزڤرین بو هێلا كهسك ، ئانكو ب هاونان ل دهوك و ههولێرێ بدهن كو ئهڤ یهك ژى سنوور نینن ، ئهم ب ریفراندۆمێ سنووران دیار ناكهین بهلكو ب دانوستاندن دهێنه دیاركرن و ئهم بهرههڤ نینین دانوستاندنێ لسهر سنووران بكهین )
سهرۆكێ ههرێما كوردستانێ د درێژاهیا گوتارا خوه دیاركر ژى كو ئهو ل گهل وهلاتێن جیهانێ و بهغدا دانوستاندن لسهر ریفراندۆمێ كریه و ب روونى دیاره كو ههلویستێ وان گورانكارى ب سهردا هاتیه كو ئهڤ یهك ژى جهێ پرسیارێ یه و گۆت: ( ههر ئێك ژ وان وهلاتان ب رهنگهكێ بابهت شروڤه دكر و هندهكان ب كارتا فشارێ وهسف دكر ، بهلێ پێدڤى یه ئهم ڤان ئاخفتنا پشتگوهڤه بهاڤێژین ، و ئێك ژ نیعمهتنێن ریفراندۆمێ و دهستكهفتنێن وێ بو ههموو جیهانێ كو بریارا ریفراندۆمێ بریارا گهلێ كوردستانێ یه و ئێكرێزیا گهلێ كوردستانێ زڤرى و پهرلهمان ژى كارا بو ، و گهلێ كوردستانێ رژده كو دێ ریفراندۆمێ ئهنجام دهت )
بارزانى دیاركر ژى كو زور بهحس لسهر دهستورێ عیراقێ دهێتهكرن و ل گورهى دهستورى ژى مه مافێ ریفراندۆمێ ههیه و گۆت ژى : ( مه ب رهزامهندى بریاردابوو كو د عیراقهكا مهدهنى و دیموكراسى و ئێكگرتى دا بژین بهلێ دهركهفت عیراق بهروڤاژى وێ یه و بویه دهولهتهكا دینى و مهزههبى ، و نها ههموو جیهان لسهر خهته و ریفراندۆم ژى ئامرازه داكو بو جیهانێ بێژین مه دڤێت سهربخوه بین ، مه ههردهم گوتیه ئهگهر بهدیلهك جهێ ریفراندۆمێ بگریت ئاریشه نینه بهێته پاشئێخستن ، بهروڤاژى ریفراندۆم ناهێته پاشئێخستن ، و نها زمان و دانوستاندنێن وان جودایه و مه چوو ئاریشه ل گهل جڤاكێ نیڤدهولهتى نینه بهلكو مه ل گهل عیراقێ ههیه ، ئهگهر رێكهفتن ل گهل عیراقێ هاتهكرن كو جهێ ریفراندۆمێ گرت و گرنتیهك بو بجهكرنا وێ هاتهكرن دێ هێته دێ ئاهەنگێن سەرکەفتنێ ل ڕوژا 25 ئیلونێ ئەنجام دەین ، ههتا نها بهغدا نههاتیه پێش و جڤاكێ نیڤدهولهتیش ههتا نها چوو بهدیل نهداینه , و ئهگهر ل ڤان رۆژان ئهو بهدیل نههات دێ بهردهوام بین لسهر بانگهشێن خوه و ئهگهر بهدیل هات ژى دیسان ههوه ریفراندۆم كر و دێ بەردەوام بین لسەر بانگەشێن خوە)
دانوستاندنا مه ل ل گهل عیراقێ لسهر پوست و بودجهى نینه و ئهو قوناغ بورى ، و پشتى ئهڤان ههمو قوربانیێن گهلێ كوردستانێ داین ل سالا 2003 سهركرداتیا سیاسیا كوردستانێ شاشى كر كو چوینه بهغدا ، ئەکەر عیراق ههڤپشكى قبول نهكەت ، ئهم ژى خزمهتكارێ قبول ناكهین ، و خهلهتیا دوویێ یا کوردستانێ ژى ئهو بوویه پشتى كو عیراقێ بودجه برى و مه ل وى دهمى دهولهت بوون نهراگههاند ، مافێ مهیه پرسیارا مافێ خوه بكهین ، بارزانى هوسا گوت.
مهسعود بارزانى د درێژاهیا ئاخفتنێن خودا دیاركر ژى كو عیراق چوو بێژیت بلا بێژیت و بریارێن وێ ناگههنه كوردستانێ و تنێ نیهتا وان بهرامبهر گهلێ كوردستانێ دیار دبیت و گۆت ژى : ( ئهم ل گهل جیرانێن خوه ههردهم فاكتهرێ سهقامگیریێ بوینه و چوو جاران نهبوینه جهێ ههرهشه و ههرهشهیان ناكهین و ژ كهسێ ژى قبول ناكهین ، ریفراندۆم دوماهیا دنیایێ نیه كو ئهڤ ههموو گڤاشتنه ههبن ، ریفراندۆم بتنێ پرسیارهكه و دكارین قوناغا پشتى وێ دانوستاندنان بكهین و زولمهكا مهزنه رێك ل بریارا ئیرادا خهلكى بهێتهكرن ، ئهم دژى توندوتیژیان نینین و چوو جاران ژى هێزێ بكارنائینین و ئهگهر زوردارى ل مه هاتهكرن دێ بهرهڤانیێ ل خوه كهین)
ل بارا شێوازێ دهولهتا كوردستانێ گۆت: ( ئهڤه دێ ژلایێ لژنهكا تایبهت بیت و دهولهتا كوردستانێ دێ فیدرالى و مهدهنى بیت و مافێن ههموو پێكهاتهیێن ئاینى و نهتهوهیى تێدا هێنه دیاركرن ، و رهنگه زمانێ هندهك عهرهبێن توندرهو بهرامبهر گهلێ كوردستانێ بهێتهكرن ، و نها هژمارهكا زورا عهرهبان هاتینه كوردستانێ وهكو ئاواره و بهلێ گهلێ كوردستانێ نابیت رهوشتێ خوهیێ پێكڤه ژیانێ بپارێزیت و پێكڤه وهكو برا دژین)
بارزانى داخواز ل جهماوهرێ دهڤهرێ كر كو ئالایێن ههموو پارت و لایهنێن سیاسى و وێنهیێن كهسایهتى بینن خوارێ و بتنێ ئالایێن كوردستانێ و وێنهیێن شههیدان بهێنه بلندكرن و ل دوماهیێ گۆت: ( سلاڤان بو گیانێ شههیدان و پێشمهرگێن قارهمان دهنێرین)
ئهڤرۆ نیوز ، ئێقبال عومهر:
كونجى ئێكه ژ بهرههمێن هاڤینى و سالانه ژلایێ جوتیاران دهێنه چاندن ، و ئهڤ سال ب رێژا 20% چاندنا كونجیان ل دێرهلوكێ زێدهبوویه و بهرپرسێ هوبا چاندنا دێرهلوك ژى ددهتن دیاركرن كو ههر سێ كیلویێن كونجیان زێدهترى 35 تهنهكێن كونجیان دهێنه بهرههمئینان.
نزار خالد جوتیارهكێ سنوورێ ناحیا شێلادزێ یە دیاركر كو ئهوهى ئهڤ ساله رێژهیهكا باش یا كونجیان چاندیه و بۆ ئهڤرۆ نیوز گۆت: ( كارتێكرنا قهیرانا دارایى و گیروبوونا موچهیان ئهگهرێن سهرهكى بوون كو پرانیا وهلاتیان بهرێ خوه دایه چاندنا كونجیا ، و چاندنا كونجیان پێدڤى ب پێنج ئاڤدانایه تاكو دگههیته وهرزێ ههلكێشانێ و ل دیڤدا تهخه تهخه دهێته بهر تاڤكرن و د دوڤدا دێ كهنه خسرك تاكو هشك دبن و كهلیتكێن وان زوى ڤهببن و پاشان دێ هێنه داقوتان و پاقژكرن وهێنه ڤهگوهاستن بو ئاشى و دێ كهنه تهحین بو بكارئینانا خوارنێ و هندهك ژى دكهن سهر نانى )
زێدهتر گۆت: ( بهرى نها دبرنه ئاشێ چهمێ جى بهلێ نها ئهو دهڤهر یا ب مهترسیه ژ بهركو دبن دهستههلاتا پهكهكێ دایه بهلێ نها ئهم دبهینه ئاشێ ئامیدیێ ، و چاندنا كونجیان بو جوتیاران ژ ههمى چاندنێن دى ب ساناهیتر و مفادارتره و ههر سێ كیلو یێت توڤێ كونجیا پتر ژ 35 تهنهكێت كونجیا بهرههم دئینیت, وه دیسان پشتى چهندین سالان خهلكێ ڤێ دهڤهرێ دهست ب چاندنێ كریه و دهمێ بهرههم هاتنا كونجیا خودانێن ئاشا و خهلكێ دهڤهرێ زور دبنه بكر خواستهكا زورا ل سهر ههى دهست ب ههمیا ناكهڤیت)
ژلایێ خوڤه عسمهت ئیبراهیم بهرپرسێ هوبا چاندنا دێرهلوك بۆ ئهڤرو نیوز گوت: (ل سنورێ ناحیا دێرهلوك و شێلادزێ نێزیكێ 400 دونهمێن ئهردى هاتینه چاندن ب كونجیان و ئهم پێشبینیا بهرههمهكێ باش دكهین , و بهراورد ل گهل سالێن بوورى جوتیاران رێژهیهكا باشتر یا كونجیان چاندیه )
زێدهتر گۆت: ( توڤێ چاندنا كونجیا ههر توڤێ ناڤخوهیى یه ، و بهرههمێ وان ژى ههر ل ناڤ ههرێمێ بخوه دهێته فروتن خودانێن ئاشا و وهلاتیێن دهڤهرێ ب خوه ژى دكرن ههر تهنهكهكا كونجیا ب 60 تاكو 65 هزار دینارا دهێته فروتن , و ههروهسا ل ڤێ دهڤهرێ وهكو پێدڤى ئهرد نینه ، و ئهڤ ساله 20% چاندن لڤێ دهڤهرێ یا زێده بویه ئهگهر ئهرد ههبا دا 50% دا زێدهبیت ژبهركو ئهو جهێن كو چاندن لێ دهێتهكرن دهستێ جوتیارێن ڤێ دهڤهرێ ناگههیتێ چونكى ژلایێ پهكهكێ ڤه هاتیه داگیركرن و رێپێ ناهێتهدان بچن ل سهر جهو وارێن خوه, ئهم ههڤكاریێ ل گهل جوتیارێن خوه دكهین وهكو سهرهدانا مه بو ناڤ زهڤیێن وانا هایداربون ل ئێش و علهتێن دناڤ دهرامهتى دا پهیدا دبن, و رێنمایا د دهینێ كو دهمێ دچینن و چهوا بچینن و چو دهم یێ باشه و چهوا ئاڤ بدهن و ههروهسا ههڤكار و و پشتهڤانین ل گهل جوتیارێن خوه )
بهرپرسێ هوبا چاندنا دێرهلوك ل دوماهیێ گۆت: ( هیڤیدارین ژ جوتیاران و حكومهتێ كو مه پهند ژ سالێن بوورى وهربگرن كو چهوا مهدیت كو قهیران ب سهر ههرێما كوردستانێ دا هات و مه چو بهرههڤى نهبون و ئهم ههمى دهست بهردارى چاندنێ ببین لێ یا پێدڤیه ژ نها و وێڤه ئهم ههمى گرنگیێ ب چاندنێ بدهین داكو ل ئاینده دهستێ خوه بهر كهسێ درێژ نهكهین داكو مهژى ژێرخانهكا ب هێز یا ئابورى ههبیت و چاڤێ مه ب تنێ ل موچهى نهبیت)
ئهڤرۆ نیوز ، هلورى:
ئهڤرۆ ل بارهگایێ نهتهوهیێن ئێكگرتی كچهكا پێشمهرگهیا پارێزگهها دهۆك بناڤێ ” میلازم كوچهر سالح ” كو رولهكێ بهرچاڤ د شهرێ دژى تیرورستێن داعشێ دا ههبوویه هاته خهلاتكرن.
دڤى واریدا سالح ئهرتیسى ئێك ژ كهس و كارێن وێ بو ئهڤرۆ نیوز گۆت: ( میلازم كوچهر ئێكه ژ وان كچه پێشمهرگهیێن قارهمان كو رولهكێ بهرچاڤ ههبوویه د شهرێ دژى تیرورستێن داعش و ههر ژبهر روولێ وێ ژلایێ نهتهوهیێن ئێكگرتى هاته داخوازكرن و ئهڤرۆ ل نیویورك و ل بارهگایێ سهرهكیێ نهتهوهیێن ئێكگرتى هاته خهلاتكرن كو ئهڤ یهك ژى جهێ شانازیێ یه بو گهلێ كوردستان و پێشمهرگێن قارهمان )
زێدهتر گۆت: ( بانگهێشتكرنا میلازم كوچهر لسهر بنهمایێ ئێك ژ شهش كهساتیێن جیهانێ بوویه كو كار بو نههێلانا توندوتیژیێ كرى لسهر ئاستێ جیهانێ ، و ئهڤه د دهمهكێ دایه كو پرانیا ژیێ خوه كوچهرێ ل گهل مالباتا خوه د ئاوارهیێ دا بریه سهر)
میلازم كوچهر بو دهما ههشت سالایه پیشمهرگهیه و پشتى كو چهكدارێن داعش بو سنوورێ كوردستانێ هاتى ئهوێ ئێكسهر پهیوهندیى ب سهنگهرێن بهرهڤانیێ دژى داعش و ههتا نها بهردهوامه ، میلازما ناڤبرى دهرچویا ئهكادیمیا زاخویه و ژ خێزانهكا كورد پهروهر و پێشمهرگه دا ل باژێرێ دهۆك دژیت.
نيشاندان