ئەڤرۆ نیوز، ھەرھین محەمەد:
بەشێ فرۆکەڤانی ل دھۆکێ بۆ ئەڤرۆ نیۆز دیارکرکو ئەڤرۆ ل پشت پیشانگەھێن تورمبێلان لاشێ زەلامەکێ (٧٥)سالی ھاتیە دیتن وەسا دیاربوویە کو ئەو زەلامە ژ زاخو ھاتیە مالا کورێ خوە ل ئێتیتی و پاشان بتنێ ژ مال دەرکەفتیە و بەر ب ئاقارێ پشت پیشانگەھەھێن تورمبێلان چوویە.
گۆتژی: دڤەکولینێن دەسپَکێ دا دیاربوویە ئەو زەلامە دجھەکێ بلندا کەفتیە و گیانێ خوە ژ دەست دایە پشتی تیمێن بەشێ فرکەڤانێ ل جھێ رویدانێ ئاما دەبووین لاشێ وی رەوانە کرینە بۆ نوژداریا داد ل دھۆکێ.
ئەڤرۆنیۆز،رێژین نهێلی:
ئەڤرۆ پێنجشەمبی ل هه‌ولێرا پایته‌ختێ هه‌رێما كوردستانێ،كۆنگرەیێ هۆزێن عه‌ره‌بێن سوننە ل عێراقێ برێڤەچوو،هەروەسا د به‌یاننامه‌یه‌كێ دا ل دژی هه‌موو وان بریارێن په‌رله‌مانێ عێراقێ راوەستان ئەوێن کو ل به‌رامبه‌ری هه‌رێما كوردستانێ هاتینە دەرخستن و ب کارەسات ل قەلەم دان و گوت ژی ،ئەم وه‌ك سوننەیێن عێراقێ داخوازا دیارکرنا مافێ چاره‌نڤیسێ خوە دکەین.
د كۆنگره‌یدا كو هۆزێن عه‌ره‌بێن سوننه مه‌زهه‌ب یێن شه‌ش پارێزگەهێن عێراق ب گشتی و دەڤەرێن كوردستانی ب تایبه‌تی به‌شدار بوون،هه‌لویستێ خوە ل سه‌ر بارودۆخێ نوویێ كوردستانێ و ره‌وشا حوكمرانیێ ل عێراقێ دیارکر و ل دژی وان بریاران راوەستان، ئەوێن کو ل په‌رله‌مانێ عێراقێ ل دژی كوردستانێ هاتینە دان و وان سزادانا كوردستانیان ژلایێ بەغدا ڤە رەدکر.
هەر دڤی كۆنگره‌یێ روژنامەڤانی دا بەحس ل وێ چەندێ ژی کر و گوت،كوردستانێ ئەم ژ مرنێ رزگار کرینە و نابیت د به‌رامبه‌ردا بێ دەنگ بین و ئەم هه‌لویستێ كوردستانێ ژبیر ناكه‌ین
ئەڤرۆ نیۆز،زنار تۆڤی:
کۆمپانیا گاز پرۆم یا رووسی راگەھاند،بۆ پێشڤەبرنا رێککەفتنێن خوە ئەو دێ پێداچوونێ د گرێبەستێن خوە یێن ل گەل حوکمەتا ھەرێما کوردستانێ دا کەت.
سێرگی پێترۆڤ رێڤەبەرێ بجھئینانێ یێ رۆژھەلاتا ناڤین یێ کۆمپانیا گاز پرۆم دیارکر:نوکە ئەو گۆتووبێژان ل سەر پێشڤەبرنا مەرج و رێکارێن گرێبەستێن خوە ل گەل ھەرێما کوردستانێ دا یێن بەرھەمئینانا نەفتێ دا دکەن،هەروەسا گۆتیه ئەو گرێبەستێن نوکە ل دەمەکی دا ھاتبوونە کرن کو بھایێ نەفتێ ل بازارێن جیھانێ یێ بلند بوو.
بەری نوکە ژی ئەلکساندەر نۆڤاک وەزیرێ وزەیا رووسیا راگەھاندبوو،کو ئەو پێشبینی ناکەن ریفراندۆما ھەرێما کوردستانێ کارتێکرنەکێ ل کارێن وان ل ھەرێمێ بکەت.
ئەڤرۆ نیوز ، نەوزاد ھلۆری:
کومسیوونا بلند یا ھەلبژاردن و راپرسیێ ناڤێن ٢١ قەوارێن سیاسی راگەھاندن کو ناڤێن خوە بو ھەلبژاردنێن ھەرێما کوردستانێ تومارکرینە.
ل گورەی نڤیسارا کومسیوونێ ھەلا لایەنەکێ تانە ژ راگەھاندنا ناڤان ھەبن دکاریت دماوەیێ سێ رۆژان دا بدەتن.
دناڤا ھندەک ژ وان لیستا ندا ناڤێن لیستێن نوو ھەنە کو د ھەلبژاردنێن بوری دا نەبوینە وەکو بیستا ھەڤپەیمانیا دیموکراسی و دادپەروەری ، و لیستا نەڤیێن نوو و دوو لیستێن دن ب ناڤێن تاک ئەرمەنی
ئەڤرۆ نیۆز،رێژین نهێلی:
د کۆمبوونا دناڤبەرا سه‌رۆكاتیا په‌رله‌مانی و سه‌رۆكێن فراكسیونان دا،ئەڤرۆ پێنجشەمبی بریار هاتەدان کو ل رۆژا شه‌مبیا بهێت په‌رله‌مانێ كوردستانێ كۆمببت و بەرسڤا هێرشێن به‌غدا بدەت.
پشتی ب دوماهی هاتنا وێ کومبونێ، ئومێد خۆشناو ، سه‌رۆكێ فراكسیۆنا پارتی دیموكراتی كوردستان بۆ ده‌زگەهێن راگه‌هاندنێ دیارکر،کو د كۆمبوونێ دا بریار دا کو ل رۆژا شه‌مبی كۆمبوونا په‌رله‌مانێ كوردستانێ بهێتە ئه‌نجامدان.
گوت ژی ،بۆ ئاماده‌كرنا بەرسڤێن به‌رامبه‌ر بڕیارێن په‌رله‌مانی و حوکمه‌تا عێراقێ وان لیژنه‌یه‌كا یاسایی ژی پێكئینایە.
ئەڤرۆ نیۆز،زنار تۆڤی:
ل دووڤ نووچەیێ رۆژنامەکا کەتەلۆنی کو ئەگەرەگێ زۆر هەیە یاریا داهاتی یا بارسێلۆنا ژ گەرا حەفتێ ل خولا لالیگا یا ئیسپانیا دا بهێتە پاشخستن.
رۆژناما (مۆندۆ دیپۆرتیڤۆ) یا کەتەلۆنی بەلاڤکریە،کو ب ئەگەرێ ئەنجامدانا ریفراندۆما کو بریارە ل رۆژا 2017/10/1 ل هەرێما کەتەلۆنیا برێڤە بچیت،ئەگەرەکێ زۆر هەیه ئەو یاریا بارسێلۆنا بەرامبەر یانا لاس پالماس ل گەرا حەفتێ یا لالیگایێ بهێتە پاشخستن.
ل دووڤ نووچەیێ وێ رۆژنامێ،هژمارا هێزێن پۆلیسان د وێ رۆژێ کو ریفراندۆم تێدا دهێتە ئەنجام،دێ هەموو هەرێما کەتەلۆنیا ڤەگریت و پۆلیس تێرا هندێ نامینن کو پاراستنا وێ یاریگەهێ بکەن،یاکو یاریا بارسێلۆنا تێدا برێڤە دچیت.
وێ رۆژنامێ گوتیە،ئەو یاریگەها کو بریارە یاریا دناڤبەرا بارسێلۆنا و لاس پالماس تێدا بهێتە ئەنجامدان،دێ زێدەتر ژ 70 هزار هاندەران ئامادەبن،هەروەسا ل رۆژا داخوازکرنا مافێ چارێ خۆنڤێسینێ بۆ هەرێما کەتەلۆنیا،دەمەکێ گونجای نینە بۆ ئەنجامدانا وێ یاریێ.
بریارە ل ئێکشەمبیا بهێت کو دکەڤیتە 2017/10/1 هەرێما کەتەلۆنیا هەڤشێوێ هەرێما کوردستانێ ریفراندۆمێ ئەنجام بدەت.
ئەڤرۆ نیۆز،زنار تۆڤی:
بریکارێ وەزارەتا پێشمەرگێ کوردستانێ دیارکر، هێزێن پێشمەرگەی دێ ل جهێ خۆ مینن و هێرشێن حوکمەتا عێراقێ هیچ کاریگەری نابیت.
سەربەست لەزگین،بریکارێ وەزارەتا پێشمەرگەی، راگەهاندیە: “پێشمەرگە دێ ل جهێ خۆ مینیت و دێ پارێزگاریێ ل سەرجەم ئاخا کوردستان کەت، باوەر ناکەم هێرشێن حوکمەتا عێراقێ هیچ کاریگەریەک هەبیت،چونکی ژ ئاستێ حوکمەتێ و پەرلەمانێ عێراقێدا بەرسڤ لێ هاتیە دان.
هەروەسا گوتیە،ئەوا بەحس ژێ دهێتەکرن کو ب هەڤبەشیا حوکمەتا عێراقێ و تورکیا بۆ هندێ کو دێ ل سنورێن کوردستانێ جموجۆلێ کەن، “ئەڤە راست نینە، چونکی هەرێما کوردستانێ واقعەک بۆ دروست بوویە، کو کەس نەشێت وی واقعی ژناڤ ببەت.
سەربەست لەزگینی ئەو ژی دیارکریە: “ئەو گوتنێن د راگەهاندنێدا دهێنە گوتن،د راستی یێ دا د جۆدانە،نوکە د ئاستێ بلند دا مە هەماهەنگی ل گەل هەڤپەیمانان هەیە،د وارێ روو ب روو بوونا تیرۆرێ دا ل گەل هەڤپەیمانان ژی بەردەوام ل سەر خەتێینە و مە ژوورا عەمەلیاتا هەڤبەش هەیە،نوکە حوکمەتا عێراقێ بۆ ئازادکرنا هندەک دەڤەران هەڤبەشی ل گەل هێزێن پێشمەرگێ کوردستانێ کرینە”.
ئەڤرۆ نیوز،رێژین نهێلی:
مەسعود بارزانی سەرۆکێ ھەرێما کوردستانێ دەربارەی هەلویست و کارڤەدانێن حوکمەتا عیراقێ بەرامبەر دەنگێ رەوایێ گەلێ کوردستانێ،ئەو چەندە ئێخستە بەرچاف کو کارڤەدانێن بەرامبەر دەنگێ رەوا و ئاشتیێ ژبۆ گەلێ کوردستانێ،راستیا دناخێ وان دا دیارکر،ئەوێن کو ل دژی مافێن خەلکێ کوردستانێ نە و زمانێ هێرشێ بکار دئینن.
ھەروەسا گوت :کارڤەدانان دیارکر کا ئەم چەند ل سەر حەقیێ بووین و بریارا ریفراندۆمێ ژی چەند بریارەکا راست و رەوا بوو.
سەرۆکێ ھەرێما کوردستانێ ئەڤ گوتنە د دەمێ پێشوازیکرنێ ل شاندێ جڤاتا نیشتمانیا کورد ل سووریا کرن،کو ئەڤرۆ ٢٨/٩/٢٠١٧ ئەو دیدارە برێڤە چوو.
د دیدارێدا وی شاندی ب ناڤێ خوە و گەلێ کورد ل سووریا پیرۆزباهیێن سەرکەفتنا ریفراندۆما و بەلێ بۆ سەربەخۆییێ ل سەرۆک بارزانی کرن و ب رۆژەکا مێژوویی د مێژوویا گەلێ کوردستانیان ل قەلەم دا کو بوویە ئەگەرێ شادی و خۆشحالیا کوردێن ھەموو پارچان.
د بەرامبەردا سەرۆک بارزانی سوپاسی و پالپشتیا گەلێ کورد ل سووریا و جڤاتا نیشتیمانی یا کورد ل سووریێ کر و راگەیاند پشتەڤانیا هەوە بۆ خەلکێ کوردستانێ جهێ دلگەرمیا مە بوو.
ئه‌ڤرۆ نیۆز،ره‌مه‌زان هه‌رنى:
ئابوورناسه‌كێ باشۆرێ كوردستانێ ل دوور بلندبوونا بهایێ نەفتێ ل بازارێن جیهانیدا دیاركر:بلندبوونا بهایێ نەفتێ پشتى ئه‌نجام دانا هه‌لبژاردنێن سه‌رخوەبوونا كوردستانێ د چاڤه‌ریكرى بوون،ژبه‌ركو پرسا ریفراندۆما كوردستانێ روودانه‌كا مێژویا جیهانى بوو، له‌ورا كاریگه‌ریا ئابۆرى دروست بۆ ل جیهانا ئابورى ئه‌و ژى پشتى ئه‌نجامێن سه‌ركه‌فتنى هاتینه دیاركرن، هه‌روه‌سا لێدوانێن به‌رپرسێن توركیا ل هه‌مبه‌ر رێگرى كرن ل فروتنا نه‌فتا كوردستانێ كاریگه‌رى هه‌بوو ل سه‌ر بلندبوونا بهایێ نەفتێ ل سالا 2015 هه‌تا نوكه بۆ جارا ئێكێ یه بهایێ نەفتا كوردستانێ دگه‌هیته ڤى ئاستى كو بەرمیلەک گەهشتیە 60 دولارێن ئه‌مریكى، به‌ریا هه‌لبژاردنێن ریفراندۆما كوردستانێ بهایێ نه‌فتێ گه‌له‌ك كێم ببوو، ئه‌م نوكه وه‌ك كوردستان جودا دژین ئه‌م یێ دجیهانا ئابووری دا پێنگاڤا دهاڤێژین ده‌ما ئه‌م نه‌فتێ ره‌وانه‌ى ده‌رڤه دكه‌ین ئه‌م تێكه‌هه‌لى ئابووریا جیهانى دبین.
كاروان سامى ئابوورناسەکە بۆ ئه‌ڤرۆنیۆز خویاكر: توركیا ل ده‌مه‌كێ دا هه‌ڤسنوره ل گه‌ل كوردستانێ و ب ئالایێ كوردستانێ پێشوازیا سه‌روك و به‌رپرسێن كوردستانێ دكه‌ت ل فروكخانه‌یا ئاتاتورك ئه‌ڤ لێدوانێن توركیا دستراتیژى نینه رژدیا وان ل سه‌ر گرتنا سنوران و رێگرى كرن ل فروتنا نه‌فتا كوردستانێ بۆ به‌نده‌رێ جیهانى ده‌مكینه و ل ده‌مه‌ك نێزیك دێ دانپێدانى ب هه‌موو تشتا كه‌ن.
سامى دیاركر ژى:پرسا ریفراندۆمێ ب گشتى دێ ره‌وشا ئابووریا كوردستانێ و ژێرخانا ئابووریا كوردستانێ باشتر كه‌ت،به‌لێ پێدڤیه له‌زێ لێ نه‌كه‌ین ب هه‌بوونا ده‌مى دێ هه‌مو دانپێدانى ب ئابووریا كوردستانێ كه‌ن،هەروەسا پێشبینى دهێته كرن بهایێ نەفتێ بلندتر ببیت ل رۆژێن داهاتى،هه‌ر چه‌نده نوكه‌ژى بهایه‌كێ نوو توماركریه ب گشتى ریفراندۆما سه‌ربه‌خۆیا كوردستانێ لڤین ئێخستیه بازارێن جیهانى.
نيشاندان