ئەڤرۆ نیوز ، هلۆری:
حسێن دوسکی بەرپرسێ مارکێتان ل فاملی مول بو ئەڤرۆ نیوز گۆت: ( رێکخراوا نەرویجیان پیپل ئەید کو ئێکە ژ رێکخراوێن نەرویجی ب هەڤکاری ل گەل چەند رێکخراوەکێن نافخوەی دێ رابیت ب ئەنجامدانا پێشانگەهەکا کارێن دەستی بو کومەکا هونەرمەندان)
زێدەتر گۆت: (پێشانگەه دێ لروژا شەمبی رێکەفتی 30-9-2017 ل فاملی مولا دهۆک هێتە ئەنجامدان و هاتن ژی بو هەمووانە)
ئه‌ڤرۆ نیوز ، نه‌وزاد هلۆرى:
ئێڤاریا ئه‌ڤرۆ ده‌مژمێر شه‌ش ل ده‌ما گرتنا هه‌ردوو فروكخانێن هه‌ولێر و سلێمانیێ ب بلندكرنا بالون و فراندنا كوتران نه‌رازیبونا خوه به‌رامبه‌ر گرتنا هه‌ردوو فروكخانان ده‌برى و خواست نه‌هێنه‌گرتن.
سازان عەلی وه‌كو ئێك ژ رێكخه‌رێن چالایێ ل فروكخانا هه‌ولێر به‌یاننامه‌یه‌ك خواند و گۆت: ( بلندكرنا بالون و فراوندنا كوتران ژلایى َمه و گه‌نجێن سلێمانیێ په‌یامه‌كا ئاشتیانه بوو بو راگه‌هاندنێن جیهانى و مێهڤانێن فروكخانان و داخوازیه‌ك بو ، بو نه‌گرتنا هه‌ردوو فروكخانان ژلایێ به‌غداڤه ژ به‌ركو هه‌ردوو فروكخانه بو خزمه‌تا وه‌لاتیێن سڤێل و ئاواره و په‌نابه‌ر و نه‌خوش و سه‌ردانێن جڤاكى و گه‌شتوگوزار دهێنه بكارئینان)
فوتو و زانیارى ، نه‌وزاد هلۆرى:
ئه‌ڤرۆ د رێورسمه‌كێ دا گه‌نجێن هه‌ر چوار پارچێن كوردستانێ په‌یاما سه‌ركه‌فتنا ریفراندۆم بو سه‌ربخوه‌ى یا كوردستانێ گه‌هانده بارزانى نه‌مر ل ده‌ڤه‌را بارزان و ریفراندۆمه‌كا دى ل ده‌ڤه‌را بارزان ئه‌نجام دا و تێداده‌وله‌تا كوردستانێ راگه‌هاند وه‌كو ئااماژه‌یه‌ك بو ته‌مامكرنا پرۆسه‌یا ریفراندۆما باشوورێ كوردستانێ كو ئه‌و ژى ده‌وله‌تبوونه.
دڤى واریدا ” نه‌نجمه‌ددین حه‌سه‌ن ” رێكخه‌رێ گه‌نجێن هه‌رچوار پارچێن كوردستانێ بو ئه‌ڤرۆ نیوز گۆت: ( ب مه‌ره‌ما گه‌هاندنا په‌یاما گه‌نجێن هه‌ر چوار پارچێن كوردستانێ لسه‌ر سه‌ركه‌فتنا ریفراندۆما هه‌رێما كوردستانێ كو بو سه‌ربخوه‌ى یا كوردستانێ هاتبویه ئه‌نجامدان ئه‌ڤرۆ مه گه‌هانده بارزانى نه‌مر ل گوندێ بارزان وه‌كو هێزه‌كا مه‌عنه‌وى یا زێده‌تر بو پرۆسه‌یا ریفراندۆمێ ژ به‌ركو بارزانى نه‌مر هه‌موو خه‌بات و قوربانیدان و شوره‌ش و راپه‌رینه‌ك بو سه‌ربخوه‌ى یا كوردستانێ كریه)
زێده‌تر گۆت: ( گه‌نجێن باشوورێ كوردستانێ ژى كو ژ هه‌ر هه‌ر پێنج پارێزگه‌هێن هه‌رێمێ پێكدهاتن ، پشدارێ رێورسمان ببون و هه‌ر ئێك ژ وان پارچێن كوردستانێ په‌یامه‌كا تایبه‌ت پێشكێشكر)
ل گوره‌ى ئاخفتنێن رێكخه‌رێ گه‌نجێن هه‌ر چوار پارچێن كوردستانێ د رێورسمه‌كێ دا وه‌كو كه‌ڤال رێورسمێن هه‌لبژاردنان بو سه‌ربخوه‌ى یا كوردستانێ ب ده‌نگێ هه‌رچوار پارچێن كوردستانێ هاته ئه‌نجامدان و پاشان ناڤێ ده‌وله‌تا كوردستانێ ژ سندوقێ هاته ده‌رئینان وه‌كو رامانه‌ك بو ریفراندۆم بو سه‌ربخوه‌ى یا كوردستانا مه‌زن ب گشتى و پشكا باشوورا كوردستانێ ب تایبه‌تى.
دهێته زانین كو گه‌نجێن هه‌رچوار پارچێن كوردستانێ نێزیكێ 300 گه‌نجان پێكدهاتن.
ئەڤرۆ نیۆز،زنار تۆڤی:
ب شێوه‌یه‌كێ فه‌رمى یانا ریال مه‌درید یا ئیسپانى گرێبه‌ستا ماركۆ ئەسینسیۆى یاریزانێ وێ یانێ بۆ شه‌ش وه‌رزێن دیتر درێژ كرەڤە.
بریاره ئەڤرۆ ئەینیێ د كۆنگره‌کێ رۆژنامه‌ڤانى دا ئه‌و یاریزانه گرێبه‌ستا خۆ نوو بكەته‌ڤە و هەتا‌كو سالا 2023 دێ دناڤا رێزێن ریال مه‌درید درێژیێ ب یاریكرنێ دەت.
ماركۆ ل وه‌رزێ بوری هاتیە ناڤ رێزێن ریال مه‌درید و ژ سەرجەمێ 38 یاریان 10 گۆل تۆمارکرینە.
ئەڤرۆ نیۆز،زنار تۆڤی:
ئەندامەکێ دی یێ کۆنگرێسێ ئەمریکا پالپشتیا خۆ بۆ سەربەخۆیا کوردستانێ راگەهاند و ئاماژێ ب هندێ ژی دکەت کو دەولەتا سەربەخۆیا کوردستانێ دێ بیتە هەڤپەیمانەکا گرنگ بۆ واشنتن ل ڤێ دەڤەرێ دا.
ستیڤ کینگ، ئەندامێ کۆنگرێسێ ئەمریکا ب رێیا بەلاڤکرنا راگەهاندنەکێ دبێژیت کوردێن عێراقێ ئەو پرسیار ژێ دهێتەکرن،کو ئایا هەوە دڤێت پەیوەندیێن هەوە ل گەل عێراقێ ب دوماهی بهێن و ببنە دەولەتەکا سەربەخۆ،ئەز هیڤی دکەم وان مفا ژ ڤێ دەرفەتا مێژوویی بۆ بریاردانێ ل سەر مافێ چارە نڤیسێ خۆ وەرگرتبیت.
کینگ ئەندامەکێ پارتا کۆماریانە و ل سالا 2003 وەرە ئەندامێ کۆنگرێسیە،دبێژیە پێشمەرگە هێزا شەرکەرێ کوردە و ل شەرێ دژی تیرۆریستێن ئیسلامی یێن رادیکال کو دەولەتا ئیسلامی ل عێراق و سووریا ڤەدگریت،یێ کاریگەر بوویە،کورد گەلەکێ سەربەخۆ و سەر بلندن و ماوەکێ زۆرە دهێنە چەوساندن و مافێ پێکئینانا دەولەتەکا سەربەخۆ ژی ب دەستکەفتیە.
هەروەسا دبێژیت کورد دێ بنە هەڤپەیمانێن ماوە درێژ بۆ ئەمریکا،هەکە سەربەخۆیی هەلبژێرن و داخوازێ ژێ دکەم کو مافێ کێمینە و ئاینەکان بپارێزن،ژ وان ژی مەسیحیێن دەشتا نەینەوا و ئێزدیێن شنگالێ.
ل 48 دەمژمێرێن بوری پشتەڤانیا کۆنگرێسمەنێن ئەمریکا ب هەردو پارتێن دیموکرات و کۆماری بۆ گشتپرسیا سەربەخۆیا کوردستانێ زێدەبووینە و ژ وان ژی چاک شومەر، رێبەرێ دیموکراتیان ل جڤاتا پیران بوو کو راگەهاندیە:دڤێت ئەمریکا پشتەڤانیا دەولەتا سەربەخۆیا کوردستانێ بکەت و رێزێ ژی ل ئەنجامێن گشتپرسیا کوردستانێ بگریت،هەروەسا پێدڤیە ب زووترین دەم کورد ببنە خودانێن دەولەتا خۆ یا سەربەخۆ.
ئەڤرۆ نیۆز،زنار تۆڤی:
فه‌رماندێ ئۆپه‌راسیۆنا رزگاركرنا حه‌ویجه، ئه‌ڤرۆ ئه‌ینیێ 29/ 9/ 2017 ده‌ستپێكرنا قۆناغا دویێ یا شه‌رێ رزگاركرنا حه‌ویجه ژ ده‌ست داعشێ راگه‌هاند.
فه‌ریق روكن عه‌بدولئه‌میر ره‌شید یاره‌للا، فه‌رماندێ ئۆپه‌راسیۆنا رزگاركرنا حه‌ویجه راگه‌هاند:هێزێن سوپایێ عێراقێ ل گه‌ل چه‌ندین هێزێن دیتر دا، قۆناغا دویێ یا پرۆسا رزگاركرنا سه‌نته‌رێ باژێرێ حه‌ویجه ل رۆژئاڤایێ كه‌ركووكێ ده‌ست پێكریە.
قۆناغا ئێکێ یا ڤێ پرۆسێ ل 21 ئیلۆنا بوری ده‌ست پێكریە و شیان دەڤەرێن زاب و گوندێن ده‌وروبه‌ر رزگار بكەن، هه‌روه‌سا هژماره‌کا گوندێن ل به‌رەیێ چه‌پێ یێ باژێرێ شه‌رگات ژی هاتینە رزگار كرن.
پلانا رزگاركرنا حه‌ویجه، هه‌ر ئێک ژ دەڤەرێن ره‌شاد و ریاز و عه‌باسی و گوندێن ده‌ور و بەرێن وان ب خۆڤە دگریت.
ماوێ زێدەتر ژ سێ سالانە دەڤەرا حه‌ویجه و باژێرک و گوندێن ده‌وروبه‌ر ژلایێ داعشێ ڤە هاتینە داگیر کرن و حوکمه‌تا عێراقێ ژی سه‌ربارى هندێ چه‌ندین جاران داخواز ژێ هاتیەکرن کو وان دەڤەران رزگار بکەت،بەلێ رزگاركرنا وان دەڤەران پاش د ئێخست.
ئەڤرۆ نیۆز،زنار تۆڤی:
هه‌ردو هێلێن فرۆكه‌ڤانی یێن ئه‌لمانیا و نه‌مسا (لوفتهانز و ئاوستریان وینگس) گه‌شتێن وان یێن نێڤده‌ولە‌تی دێ بۆ هه‌ولێرێ د به‌رده‌وام بن و توركیش ئێرلاینز یا توركی ژی ل حه‌فتیا بهێت دێ ده‌ست ب گه‌شتێن خۆ کەتەڤە.
ل دووڤ راگه‌هاندنا كۆمپانیا لوفتهانز، گه‌شتا داهاتی یا هێلا فرۆكه‌ڤانیێ بۆ هه‌ولێرێ سوبەهی شه‌مبیێ یە و ئەو گه‌شتا خۆ پاش نائێخیت و دێ هێتە ئه‌نجامدان.
ژلایەکێ دیڤە كۆمپانیا ئاوستریان وینگس راگه‌هاندیە کو هەتاکو نوکە هیچ ئاگەهداریەک ژلایێ ده‌سته‌یا فرۆكه‌ڤانیا مه‌ده‌نی یا عێراقی بۆ راگرتنا گه‌شتێن نێڤده‌وله‌تی نەگەهشتینە وان،لەورا ئەو پلانا گه‌شتکرنێ هه‌لناوه‌شینن و دێ د به‌رده‌وام بن.
هه‌روه‌سا هێلا فرۆكه‌ڤانی یا جێرمانیا یا ئه‌لمانی،ره‌تکریە کو هیچ گه‌شتەکا خۆ رابگریت،هەروەسا پەیڤدارێ وێ كۆمپانیانیێ گۆتیە، ئه‌و دێ د به‌رده‌وام بن ل سەر گه‌شتێن خۆ و دێ چاڤدێریا دۆخی كه‌ن و هەروەسا ژ ئه‌گه‌رێ هه‌بوونا پێشهاتێن نوو،ئەو دێ وەلاتیێن خۆ ژ وان گوهۆرینان ئاگەهدار كه‌ن.
هەروەسا ميديایێن توركيا ژی دیارکرینە،کو هێلا فرۆكه‌ڤانی یا توركیش ئێرلاینز،ل حەفتیا داهاتی دێ ده‌ست ب گه‌شتێن نێڤده‌وله‌تی بۆ هه‌رێما كوردستانێ كەتەڤە.
ئەڤرۆ نیۆز،عەزیز ھەورامی:
ئەڤرۆ کومسیوونا بلند یا ھەلبژاردن و راپرسیێ ناڤێن ئەوان قەوارێن سیاسی د لیستەکێ دا بەلاڤکر کو دێ د ھەلبژاردنێن داھاتیێن ھەرێما کوردستانێ دا پشکداربن بەلی َناڤێ لیستا بزوتنەوەیا ئیسلامی تێدا نینە و ئەگەر ژی دزڤریت بو پارەی.
سەلام کەریم بەرپرسێ دەزگەھێ ھەڵبژاردنان یا بزوتنەوەیا ئیسلامی بو ئەڤرۆ نیوز گۆت: (ئەڤرۆ کومسویونا بلند یا ھەلبژاردن و راپرسیێ لیستەکا ناڤێن قەوارێن سیاسی بو ھەلبژاردنێن داھاتی یێن ھەرێما کوردستانێ بەلاڤکر بەلێ ب لێبورین ڤە ناڤێ لیستا بزوتنەوەیا ئیسلامی تێدا نەبوو ، کومسیوونێ ھوسا ھزرکریە کو بزوتنەوەیا ئیسلامی نکارییت پشکداریێ د ھەلبژاردنان دا بکەت ،بەلێ ئەم ھەموو دەزگەھێن راگەھاندنێ و ئەندامێن خوە ئاگەھدار دکەین کو ھەر ژ دەستپێکێ مە ناڤێ خوە نڤیسایە و ھەموو پێرابونێن قانونی ژی مە گرتینە بەر ، تنی َمە نەشیا د دەما خوە دا پارێ کومسویونێ بدەینێ بەرامبەر پشکداریا د ھەلبژاردنان دا )
زێدەتر گۆت: ( بەلێ ئەم ھەموو لایەکێ پشتراست دکەین کو ھەفتیا بھێت دێ ناڤێ لیستا مە ژلایێ کومسویونێ ھێتە تومارکرن ، بەلی َدڤێت د بەرامبەر دا ٥٠ ملیون دینار بھێنەدان بەرامبەر تومارکرنا ناڤێ لیستێ و رۆژا ئێکشەمبی ئەم ژی دێ پارەی دەین)
ئەڤرۆ نیوز ، نەوزاد ھلوری:
پشتی نێزیکێ سێ سالان ئەبوبەکر بەغدادی خەلیفێ دەولەتا بناڤ ئیسلامی ” داعش ” دووەمین پەیاما خوە یا دەنگی بەلاڤکر و تێدا دیاردکەت کو ترسا تورکیا ئەوە کو کورد دەولەتەکێ درۆست بکەن و تایێن وێ بگەھن تورکیا ژی.
ئەبوبەکر بەغدای خەلیفێ دەولەتا بناڤ دەولەتا ئیسلامی ل عیراق و شام ” داعش ” نووترین پەیاما خوە یا دەنگی ب رێیا دامەزراندنا فوربان بەلاڤکر کو ئێکە ژدامەزراندنێن داعش لسەر تورێن جڤاکی و بەردەوام ڤیدیو و گرتەیێن ڤیدیو و وێنە و زانیاریێن داعش تێدا دھێنە بەلاڤکرن بێی کو ئاماژە ب دەم و جھێ تومارێ بکەت و دبێژیت: ( ھەڤپەیمانان و وەلاتێن ئەوروپی و ئیران و عیراق ھەموو ئێکدەنگن بو پاشئێخستنا ھندەک بابەتان” کو دبیت مەرەما وی ریفراندۆم و دەولەتا کوردی بیت ” داکو چو تشت وان مژول نەکەت بو شەرکرن ل گەل دەولەتا ئیسلامی ل دەڤەرێ)
بەغدادی زێدەتر گۆت: ( ترسا مەزن یا تورکیا ئەوە کو کورد دەولەتەکێ درۆست بکەن ، و دپشترا ئەو دەولەت تایێن خوە بھاڤێژیت ناڤا تورکیا ژبەرکو ھژمارەکا زور یا کوردان ل تورکیا ھەنە ، و نھا توركيا د ترس و لەرزینەکا زور دا دژیت ، ژبەرکو کوردان دەست ب لڤینێن زور دکرن ، ئەڤ یەک ژی بویە سەدەم کو تورکیا شەری بکەت ، داکو کوردێن تورکیا داخوازا سەربخوەیێ نەکەن )
ئەبو بەکر بەغدادی د درێژاھیا تومارا دەنگی یا خوە دا دیارکر ژی کو تورکیا ل ترسا ئەمریکا و ئەوروپا نکاریت شەری بکەت و ب پێشبینیا تورکیا ئەڤ شەر ب ساناھی یە بەلێ شەرەکێ پاشئێخستی یە و گۆت: (ئەمریکا کەفتیە بن قەرێن زور و روسیا ژی ئەڤ یەک ب خالەکا لاواز یا ئەمریکا دبینیت و بدەلیڤە دیت کو خوە ب خودانا سوریا ببینیت ، دبەرامبەر ژی دا ئیرانێ دخوازیت ھەموو کەنداڤی عەرەبی داگیر بکەت)
ل دوماھیا تومارا خوە دا بەغدادی داخوازێ ل سونەیێن یەمەن و عیراق و سوریا دکەت کو بێدەنگ نەبن ھەمبەری ئەوان تاوانێن کو بەرامبەر وان دھێنەکرن و ل خودێ ژی دخوازیت کو ئەڤ سالە بکارن وەلاتێ سعودیێ فەتح بکەن داکو بکاریت حەجێ بکەت.
ئه‌ڤرۆ نیوز:
سه‌رۆككۆمارێ توركیا و سه‌رۆكێ رۆسیا پشتی ل توركیا كۆم بووی د پرێسكۆنفرانسه‌كی دا ئاماژه كره رێفراندۆما سه‌رخوه‌بوونا كوردستانێ و دیار كر كو هه‌ردو ئالییان ئه‌و مژار گۆتوبێژ كر، لێ ڤلادیمێر پۆتینی چ گۆتنین راسته‌راست و ره‌تكرنێ نه‌گۆتن.
ره‌جه‌ب ته‌یب ئه‌ردۆغانی گۆت: توركیا د گه‌ل ئێكپارچه‌ییا ئیراقێ یه.
ڤلادیمێر پۆتین ژی گۆت: هه‌لوه‌ستی رۆسیا ل دۆر ریفراندۆمێ یێ دیاره و هه‌مان ئه‌و هه‌لوه‌سته یێ وه‌زاره‌تا مه یا ده‌رڤه ئاشكرا كری.
وه‌زاره‌تا ده‌رڤه یا رۆسیا راگه‌هاند بوو: هه‌رچه‌نده ئه‌و دخوازن كورد د چارچووڤه‌یێ ئیراقێ دا بمینن لێ د هه‌مان ده‌م دا رێزێ ل خواستا نه‌ته‌وه‌یی یا كوردان دگرن.
نيشاندان