ئهڤرۆ نيوز:
بڕياره ئهڤرۆ ژ چارچۆڤێ رۆژا دويێ يا فلمه فيستڤالا دهۆك 5 يا نێڤدهولهتى 18 فلم ل هۆلێن جودا يێن سينهمايێ ل پارێزگهها دهۆكێ بهێنه نيشاندان، پشتى كو دوهى 9ى ئيلۆنا 2017ێ رۆژا ئێكێ يا فلمه فيستگالێ ب نيشاندانا فلمێ زهر هاتيه ڤهكرن.
د فلمه فيستڤالێ دا 131 فلم د پشكدارن و ههتا كو رۆژا 16ى ئيلۆنا 2017ێ دێ يێ بهردهوام بيت، چهندين فلمێن كوردى و بيانى دێ هێنه نمايشكرن.
ئهڤرۆ نيوز:
بەرپرسێ نڤیسینگەھا بابە شێخ مەرجەعێ بلند یێ ئایینێ ئێزدیان دیار کر کو ئەو دخوازن ھەموو رزگاربوویێن ئێزدی یێن ژ دەستێن تیرۆرستێن داعش رزگاربووین سکالایان ل دادگەھێ ل سەر تیرۆرستێن داعش تۆمار بکەن دا کو ھەموو تاوانبار بگەھنە سزایێ خوە.
ھادی بابا شێخ، بەرپرسێ نڤیسینگەھا بابە شێخ مەرجەعێ بلند یێ ئایینێ ئێزدیان بۆ رۆژناما ئەڤرۆ دیار کر کو بابە شێخی داخوازەک ئاراستەی ھەموو کچ و ژن و زارۆیێن ئێزدی کریە کو ھەر کەسەکێ ژ دەستێن تیرۆرستێن داعش رزگار ببیت بلا قەستا دادگەھێ بکەت و سکالایەکێ ل سەر تیرۆرستێن داعش تۆمار بکەت داکو ھەموو کەسێن دەست د تاوانا ئێزدیان دا ھەی بگەھنە سزایێ خوە و ھەموو تیرۆرستێن داعش بھێنە سزادان.
ژ ئالیێ خوە ڤە حسێن قائیدی، رێڤەبەرێ نڤیسینگەھا رزگارکرنا رەڤاندیێن ئێزدی بۆ رۆژناما ئەڤرۆ دیار کر کو کوردێن ئێزدی ل قەزا شنگالێ ل رۆژا 3/8/2014ێ ل سەر دەستێن تیرۆرستێن داعش تووشی کارەساتێ ببوون و ب ھزاران کەس ژ ئالیێ تیرۆرستان ڤە ھاتنە گرتن و کوشتن و گۆت: “ھەتا نوکە ب پشتەڤانیا سەرۆکێ حوکمەتا ھەرێما کوردستانێ پتری سێ ھزار و 100 کەس ژ ھەر دو رەگەزان ژ دەستێن تیرۆرستێن داعش ھاتینە رزگارکرن”.
ئهڤرۆ نيوز:
شیرەتکارا ئەلمانیا ئەنجێلا مێرکەل راگەھاند ئەو دخوازیت بابەتێ دانوستاندنێن گرێدای ھاتنا تورکیا بۆ ناڤ ئێکەتیا ئورۆپا ب ئێکجاری بھێتە راوەستاندن و دوپات کر کو وێ باوەری ب وێ چەندێ نینە کو رۆژەکێ تورکیا ببیتە ئەندام د ئێکەتیا ئورۆپا دا.
شیرەتکارا ئەلمانیا د دیدارەکا تەلەفزیۆنی دا وەکو بەرھەڤکرنەک بۆ ھەلبژارتنێن گشتی ل ئەلمانیا کو دێ ل 24 ڤێ مەھێ ھێنە ئەنجامدان، دیار کر” پێدڤیە یا رۆھن بیت کو نابیت تورکیا ببیتە ئەندام د ئێکەتیا ئورۆپا دا و دڤێت دانوستاندنێ ل گەل ھەڤپشکێن مە ل ئێکەتیا ئورۆپا بەحس بکەین بۆ وێ چەندێ کا دێ گەھینە ھەلویستەکێ ھەڤپشک ل دۆر ڤی بابەتی و کا دێ شێین ژی دانوستاندنێن ئەندامبوونا تورکیا د ئێکەتیا ئورۆپا دا ژی ب راوەستینین”.
دیارکر ژی، ئەز نابینم کو تورکیا دێ بیتە ئەندام و چو جاران ژی من باوەری نەبوویە کو ئەو چەندە دێ روو دەت، بەلێ دڤێت بھێتە زانین کا دێ کی ل دەستپێکێ وی دەرگەھی گریت، تورکیا یان ژی ئێکەتیا ئورۆپا.
ئەڤ ھەلویستێ مێرکەلێ ژی پێشڤەچوونەکا بەرچاڤە دژی تورکیا ب تایبەتی ئەلمانیا دەستھەلاتا تورکیا تۆمەتبار دکەت ب دەستەسەرکرنا ھژمارەکا وەلاتیێن ئەلمانی ب ئەگەرێن سیاسی کو ھندەک ژ وان ھەلگرێن رەگەزناما تورکی نە و ژ ئەگەرێ ڤێ چەندێ، ئەلمانیا سزایێن ئابووری ل سەر تورکیا سەپاندبوون، بەلێ ھەتا نوکە بەرلینێ داخوازا راوەستاندنا دانوستاندنێن ئەندامبوونا تورکیا د ئێکەتیا ئورۆپا دا نەکربوون و مێرکەلێ راگەھاندبوو کو ئەو دخوازیت ھەلویستەکێ ڤەبر دژی سەرۆکێ تورکی رەجەب تەیب ئەردۆگانی وەربگریت.
ئەڤرۆ نیوز:
سترانبێژێ کوردێ باکۆر محەمەد عەلیشان جزیری کو بەری نھا د پرۆگرامەکێ ئۆنلاین دا د گەل سترانبێژا بریتانی يا ناڤدار ئانماریێ دا سترانەکا دوێت گۆتبوو و وێ سترانێ گەلەک دەنگڤەدا و ب ملیۆنان کەسان ل تۆرێن جاڤکی تەماشە کر.
لێ ڤێ جارێ ئانمارییێ جزیری گازیکرە ئاگەھەنگەکا خوە و بۆ ئێکەم جار ھەڤدیتن پێکئینا و سترانا خوە پێکڤە و ب ئامادەبوونا جەماوەرەکێ مەزن گۆت.
ئەڤرو نیوز ، نەوزاد هلوری
پشتی کو بەرەیێ نەخێر کەرنەڤالەک بو پشتەڤانیا نەخێر ئەنجامدای ، توشی رەخنەیێن زور بو ، د بەرامبەر دا پەسنا خەلکێ سلێمانیێ کرن کو ل دوڤ گازیا وان نەکری.
تورێن جڤاکی ژ فێسبوک و ئەنستاگرامێ رەخنەیێن توند ل کەرنەڤالا نەخێرگرتن و دوپات کرن کو هەموو پێکڤە دێ ب بەلێ پشکداریێ د ریفراندۆمێ دا کەن
ئەڤرو نیوز ، نەوزاد هلوری
ئێڤاریا ئەڤرو ب بەرهەڤبوونا پارێزگارێ دهوک و پێنج کونسولگەرێن جیهانێ ل هەرێمێ و سینەماکار و دەرهێنەر و ئەکتەرێن نافخوە و جیهانی فلمە ڤیستیڤالا دهوک یا نیڤدەولەتی یا پێنجێ ب رێڤەچو.
عادل عەبدولرەحمان ژ پشکا پەنەل و پرێسکونفرانسان بو ئەڤرو نیوز گۆت: (فلمە ڤیستیڤالا دهۆک یا نیڤدەولەتی یا پێنجێ ئەڤرۆ ئێڤاری ل دهوکێ دەستپێکر و تێدا چەند گوتارەک هاتنە خواندن و بەحس لسەر رولێ سینەمایێ ل کوردستان پارێزگەها دهوک هاتەکرن و ڤیستیڤال ب فێمێ زەرێ دەستپێکر و دێ بو دەما حەفتیەکێ ژی یا بەردەوام بیت)
زێدەتر گۆت : ( د فلمه ڤیستهڤالا دهۆک یا نیڤدهولهتى یا پێنجێ دا دوو گروپ و 11 كورته فلمێن ههردوو ڤیستهڤالێن بناڤ و دهنگێن جیهانى ” كان و ئوسكار ” دێ پشكداربن كو ئهڤ یهك ژى شانازیهكا مهزنه بو پارێزگهها دهۆك و ههتا ئهوان بخوه ئهڤ یهك ب شانازى دیته و هەر دچارچوڤێ رۆژانێن فلمه ڤیستهڤاڵا دهۆك یا نیڤدهولى دێ پێنج پهنهلێن تایبهت لسهر سینهمایێ و چهوانیا بهر ب پێشڤهبرنا وێ و كێماسى و خالێن لاواز و ب هێزێن بوارێ سینهمایێ هێنه رونكرن و دانوستاندن لسهر هێنهكرن كو ژلایێ كهسایێ بسپوور و تایبهتمهن دوارێ سینهمایێ ل جیهانێ هێنه ب رێڤهبرن و ئێك ژوانان ژى سهرۆكا ئێكهتیا رهخنهگرێن سینهمایێن جیهانى لژێر ناڤ و نیشانێن رهخنهیێن سینهمایى كو مهرهم رهوشهنبیركرنا بوارێ سینهمایێ و پێگههاندنا كادرێ سینهمایێ یه ل كوردستانێ ب تایبهتى ل پارێزگهها دهۆك و هژمارهكا زور یا مێهڤانێن بیانى و نافخوهى دوارێ سینهمایى دا دێ مێهڤان بن و دانوستادنێ لسهر كهن ، ئهڤه زێدهبارێ كو رۆژانه دێ ورگ شوپ و كونفرانسێن رۆژنامهڤانى دێ بو دهرهێنهر و سینهماكار و زارڤهكر و بهرههڤهێنهرێن فلمان هێنه ئهنجامدان و زورترین زانیارى دێ هێنه بهحسكرن و گههاندن ب تایبهتى ژى بو رۆژنامهڤانان )
بزاڤێن خورت دێ هێنهكرن كو كهرتێ تایبهت بهێته رازیكرن كو خوه ل بوارێ سینهمایێ بكهن خودان و دهست ب وهبهرهێنانا فلمان بكهن ، و كومهكا سوپرازێن گرنگ دێ د فلمه ڤیستهڤاڵا دهۆك یا نیڤدهولى دا هێنه پێشكێشكرن ههر بوو نموونه ڤیستیڤاڵ دێ پێشوازیا فلمێ ئهفسانهیا پاشایى كو چێروك لسهر ژیانا دهرهێنهرێ كوردێ بناڤ و دهنگ یهلماز گونهیه و كچا یهلماز گونهیى بخوه دێ بهرههڤى نمایشێ بیت و رهنگه دوڤدا كومهكا دیدار و زانیاریان ژى روون بكهت ، عادلى هوسا گۆت.
بهرپرسێ پشكا پهنهل و پرێسكونفرانسان ل فلمه ڤیستهڤاڵا دهۆك يا نیڤدهولى دیاركر ژى كو بزاڤێن خورت دهێنهكرن كو ئهڤ ساله جودا ژ سالێن بورى زورتین بینهر بهرههڤى ڤیستیڤالێ ببن و گۆت ژى: ( ڤیستهڤال دێ ب فلمێ زهرێ یێ دهرهێنهرێ كورد كازم ئوس دهست پێ كهت و خهلكێ باكورێ كوردستانێ یه ، چێرۆكا فلمى لسهر سترانهكا كهلتورى یا كوردى یه و بینهرهكێ ئهمریكا گهلهك پێڤه دهێتهگرێدان و لدوڤ ناڤ و دهنگیێن وێ دهێت ههتاكو دهێته جهێ ئهوێ سترانێ كو رامان ژى ئهوه لدوڤ نوخ وازیێ دچیت)
عادلى د درێژاهیا ئاخفتنێن خودا دیاركر ژى كو بو ئێكهمین جار ئهڤ ساله پشكهكا نوو ل فلمه ڤیستهڤالا دهۆك یا نیڤدهولى هاتیه زێدهكرن كو ئهو ژى پشكا نوهاده و گۆت ژى: ( ئهڤ پشكه تایبهته بوان كهسانێن كو ژ نوو چوینه دناڤا جیهانا سینمایى و كارێن وان ل قوناغێن دهستپێكێ نه ، و دناڤا ئهڤێ پشكێ دا دێ سیمنار و ورگ شوپ لسهر نڤیسین و دهرهێنهریا فلمان و چهند بابهتهكێن دن ژى هێنه پێشكێشكرن و چوار رۆژان دێ یا بهردهوام بیت و باوهرنامه دێ لسهر پشكدارێن وێ هێنه پێشكێشكرن )
فلمه ڤیستهڤالا دهۆك یا نیڤدهولى دێ ژلایێ حكومهتا ههرێما كوردستانێ و چهند سپونسهرهكان ب رێڤهچیت و 131 فلمێن نافخوه و بیانى پشكداریێ لسهر دهستڤهئینانا 17 خهلاتان كهن ، دیسان د ڤیستهڤاڵى دا 70 فلمێن بیانى بخوڤه دگریت و نێزیكێ 30 فلمێن درێژ و 17 دیكیومێنتارى و هژمارهكا فلمێن كورت پشكدارن.
فوتو ، شەهلا رێکانی:
ئەڤرو نیوز ، هەورامانی.
ئەنجومەنا سەرکرداتیا پارتی دیموکراتی کوردستان ل سلێمانی و هەلەبچە بێ ئاگەهداری خوە ل هەلاویستن و لێڤەکرنا ئەوان وێنان راگەهاند کو لایەکێ وێنێن مەسعود بارزانی و جەلال تالەبانی لسەرن ، لایەکێ ژی وێنێن نوری مالیکی و حەیدەر عەبادی لسەرن.
دراگەهاندنا ئەنجومەنا سەرکرداتیا پارتی دا هاتیە: ( نە ل دور نەژی ل نێزیک مە ئاگەهی ل هەلاویستن و لێڤەکرنا وان وێنان نینن)
ئەڤرۆ نیۆز , رەمەزان ھەرنی :
سیروان بارزانی ئەندامی جڤاتا سەرکردایەتیا پارتی دیموکراتی کوردستان و بەرپرسێ میحوەرێ گوێر مخمور د چارچوڤێ دیدارا مێرگەسورێ دا د پانێلەکێ دا باس ل رەوشا عیراقێ ب گشتی و سنورێن کوردستانێ ب تایبەتی کر و دیارکر کو مە ل گەل عیراقێ گەلەک ئاریشە ھەنە لەورا مە بریاردایە بەرەڤ سەرەبخویا کوردستانێ بچین و گۆت: ( ئەگەر مە ل گەل عیراقێ چۆر ئاریشە نەبان مە بریار نەدا جودا بین ل عیراقێ تایبەت پشتی سالا ٢٠٠٣ ێ یێ مە گەلەک ئاریشە ھەبون ل گەل عیراقێ و چۆ نەھاتنە چارە سەرکرن و برینا بودجە و موچەیێ فەرمانبەرێن کوردستانێ ژلایێ )
زێدەتر گۆت: ( نھا باشترین دەمە بو ریفراندومێ و کوردستان ب ھەموو رویان ڤە باشترە و د واقع دا چوو وەلاتەک نەمایە ب ناڤێ عیراقێ لەورا مە دڤێت ببن خودان دەولەت و مە سنور ھەنە مە ھەر تشت ھەیە ب تنێ عیراق لسەر نەخشەی مایە و زێدەتر نە و ئەوێن دبێژن نەخیر ب تنێ بلا باشیەکا عیراقێ بێژن و مفایەکێ مانەڤا ل گەل عیاقێ بێژن)
ئەڤرۆ نیوز ، هلوری.
وەزارەتا دارایی و ئابووری یا حکومەتا هەرێما کوردستانێ موچەیێن مەها 2017\7 بو دوو جهان راگەهاندن.
ل گۆرەی راگەهاندنا وەزارەتا دارایی و ئابووری کو دانەیەک بو ئەڤرۆ نیوز رەوانەکریە تێدا هاتیە : ( رێکەفتی 12\9\2017 دێ موچەیێ مەها 7\2017 یا دیوانا وەزارەتا پێشمەرگە و لیوایان سەر ب وەزارتا پێشمەرگەی هێنە دابەشکرن ، و رێکەفتی 13-14\9\2017 ژی موچەیێن یەکەیێن 70-80 یێن وەزارەتا پێشمەرگەی هێنە دابەشکرن)
ئەڤرۆ نیوز ، هلوری:
سپێدەهیا ئەڤرۆ ب مەرەما پشتەڤانیا ریفراندۆمێ حزب و لایەنێن سیاسیێن موسل ئاهەنگەک بو پشتەڤانیا ریفراندۆما سەربخوەی یا کوردستانێ ل دەڤەراتلسقوف دەستپێکر.
دڤی واریدا تاجەددین وەکو ئێک ژ رێکخەرێن ئەوێ ئاهەنگێ بو ئەڤرو نیوز گۆت: (ب مەرەما سەرئێخستنا ریفراندۆمێ بو سەربخوی یا کوردستانێ ئەڤرو لایەنێن سیاسی و پێکهاتەیێن ئاینی و نەتەوەیێن موسل و هندەک ژ عەشیرەتێن عەرەبان ئاهەنگا پشتەڤانیا ریفراندومێ ئەنجامدا و د چەندین گوتاران دا دوپات کر کو ب بەلێ دەنگی بدەن و دخوازن دەڤەرێن وان ڤەگەرن باوەشا دەولەتا کوردستانێ)
نيشاندان