NO IORG
نووترين نووچه
Facebook

ئه‌ڤرۆ نیۆز،زنار تۆڤى:

ژبۆ ئه‌نجامدانا ریفراندۆما سه‌رخوه‌بوونا كوردستانێ خه‌لكێ ده‌ڤه‌را به‌روارى بالا ب رێژه‌یه‌كا مه‌زن ده‌نگێ خوه‌ ب به‌لێ دایه‌،كو رێژه‌یا ده‌نگێن به‌لێ 99% بوویه‌.
هه‌روه‌سا پشتى ده‌نگدانێ و ژێك ڤاڤارتنا ده‌نگان ل هه‌ر چار بنگه‌هێن ده‌نگدانێ كو ل قوتابخانا میسكا و هرۆر بازیڤ و كانى ماسێ و بریفكا هه‌تبوونه‌ ئه‌نجامدان ب ڤى ره‌نگى بوون.

هژمارا ده‌نگده‌را ل ڤێ ده‌ڤه‌رێ 4842 ده‌نگده‌ربوون
ل ڤێ ده‌ڤه‌رێ 4567 كه‌سان ده‌نگێ خوه‌ دایه‌
هژمارا ده‌نگێن به‌لێ 4522 ده‌نگ بوون
هژمارا ده‌نگێن نه‌خێر 13 ده‌نگ بوون
هژمارا ده‌نگێن پووچ 32 ده‌نگ بوون
وه‌كو دیار كو رێژا پشكداربوویا ب گشتى ل ڤێ ده‌ڤه‌رێ 94% بوویه‌،رێژا ده‌نگێن به‌لێ 99% بوویه‌.
هه‌روه‌سا رێژا ده‌نگێن نه‌خێر 0،028% بوویه‌.
دیسا رێژا ده‌نگێن پووچ 0،007 بوویه‌ و هه‌روه‌سا 275 كه‌سان ل ڤێ ده‌ڤه‌رێ ده‌نگێ خوه‌ نه‌دایه‌.

254

ئەڤرۆ نیوز ، نەوزاد ھلری:
ئەڤرۆ بەری نیڤرو ژ ئەگەرا وەرگەریانا تانکەکا پەترۆلێ ل سنوورێ قەزا ئاکرێ دوو کەسان گیانێ خوە ژ دەست دا.
ئازاد تەھا بەرپرسێ راگەھاندنا ھاتن و چۆنا دھۆکێ بو ئەڤرۆ نیوز گۆت: ( ئەڤرۆ سپێدێ لسەر رێگا گشتی دناڤبەرا قەزا ئاکرێ و ناحیا بێل ترومبێلەکا بارھەلگرا پەترۆلێ وەرگەریا و د ئەنجام دا دوو کەسان گیانێ خوە ژ دەست دا)
زێدەتر گۆت: ( پشتی وەرگەریانێ ئاگر بەردبیتە ترومبێلێ و بتەمامی دھێتە سوتن ، و تیمێن مە ژی دەست ب ڤەکولینێ لسەر روودانێ کریە)

22014954_1972094936347252_310977100_n 22016480_1972094916347254_1058180877_n 22091470_1972094913013921_315434955_n

ئەڤرۆ نیۆز،زنار تۆڤی:

رێڤەبەریا گشتی یا سەقاناسی و بیڤەلەرزان ل ھەرێما کوردستانێ، پێشبینیێن ساقای بەلاڤکرینە.

ئەڤرۆ سێشەمبی 26/9/2017 رێڤەبەریا گشتی یا سەقاناسیێ و بیڤەلەرزان ل ھەرێما کوردستانێ پێشبینیێن سەقای د 48 دەمژمێرێن داھاتی دا بەلاڤکرینە و تێدا ئاماژە ب هندێ دایە،کو ئەڤرۆ ل ھەولێر،دێ نیڤ عەور بیت،رێژا تۆزێ ژی دێ پیچەک بلند بیت،ل سلێمانیێ ژی ئەسمان دێ ساهی بیت،ل دھۆک و کەرکووکێ ژی ئەسمان دێ یێ ساهی و عەور بیت.

رێڤەبەریا گشتی یا سەقاناسیێ و بیڤەلەرزان ل ھەرێما کوردستانێ ئەو ژی دیارکریە،کو سوبەهی چارشەمبێ 27/9/2017، ل ھەولێر، سلێمانی و کەرکووک،ئەسمان دێ ساهی بیت،ل دھۆکێ ژی ئەسمان دێ ساهی بیت،دێ هندەک پنیێن عەوری یێن جۆدا جۆدا ژی پەیدا بن.

Screenshot_٢٠١٧-٠٩-٢٦-١١-٣٩-٥١-1

Screenshot_٢٠١٧-٠٩-٢٦-١١-٣٩-١٥-1

ئەڤرۆ نیۆز،زنار تۆڤی:

رژێمی سووریێ هەلویستێ خۆ هەمبەری رێڤەبەریا خۆسەریا دیمۆکراتی ل رۆژئاڤایێ کوردستانێ د گوهۆریت و وەزیرێ دەرڤە لێدوانەکێ ددەت.

ل دووڤ نووچەیەکێ میدیایێن رژێما سووریێ، وەلید موعەلم وەزیرێ دەرڤە راگەهاندیە وەلاتێ سووریا پشتگیریا ئێکپارچەیا ئاخا عێراقێ دکەت.

وەلید موعەلم دەربارەی رێڤەبەریا خۆسەریا دیموکراتی ل رۆژئاڤایێ کوردستانێ،کو پشتی سەرهلدانا شەرێ نافخۆ یێ سووریا دروست بوویە و راگەهاندیە،پرسا دانپێدانێ ب وێ ئیدارەیا ل رۆژئاڤایێ کوردستانێ دروست بووی ”جهێ گوتۆبێژ و دانوستاندنێ یە،هەکە ل چارچۆڤێ سووریێ دا بمینیت“.

هەروەسا ئەڤ هەلویستێ رژێما سووریێ ب هەلویستەکێ نوو یێ وێ رژێمێ دهێتە دانان، چونکی پێشتر رژێما سووریێ هەر کیانەک و ئیدارەکا خۆسەر یا کوردان رەتکریە.

ئەڤرۆ نیوز ، ھلوری:
چەند خولەکەکان بەریا نھا تورا پەرلەمانتارێن بریتانی و چەند چاڤدێرەکێن نیڤدەولەتی کو وەکو چاڤدێر لسەر ریفراندۆما کوردستانێ کاردکر ددەن دیارکرن کو ریفراندۆما ھەرێما کوردستانێ زور ب روونی ھاتیەکرن و حێبەتیا خوە ژی ھەمبەری بێ ھەلویستیا گەلەک ژ وەلاتێن نیدەولەتی راگەھاند.
بەرپرسا تورا پەرلەمانتارێن بەریتانیا د کونگرەیەکێ رۆژنامەڤانا چاڤدێرێن نیڤدەولەتی ل ھەولێر دیارکر کو ئەوان ل ھەولێر و سوران و سەنگەرێن پێشمەرگەی و ناڤا پێکھاتەیێن ئاینی و نەتەوەیێن کوردستانێ چاڤدێریا پرۆسەیا ریفراندۆما کوردستانێ کر و گۆت: ( لگورەی ئەوان دوڤچوون و چاڤدێریێن مە ریفراندۆما کوردستانێ زور ب ەفاف و رون بویە و مە چوو سەرپێچی نەدیتن ھاتینەکرن ، و رێژا پشکداریا دەنگدەران ژی ٧٢% بوویە ،ھەر کەس ئازادبوویە کا چەوا دەنگێ خوە بدەت)
زێدەتر گۆت: ( کوردان ب وێرەکی شەرکریە و داعش شکاندیە ، پێدڤی یە کو جڤاکێ نیڤدەولەتی رێزێ ل ئیرادە و دەنگێ خەلکی بگریت)
ژلایەکێ دنڤە کوشنەر وەزیرێ دەرڤەیێ فەرنسا یێ بەرێ دیارکر کو ئەوان ژی ریفراندۆما کوردستانێ ب رون و شەفاف دیت و گۆت: ( ئەز ژ بێ ھەلویستیا فەرەنسا و بەریتانیا و ئەمریکا و نەتوەیێن ئێکگرتی و گەلەک ژ وەلاتێن دن تێناگەھم ، یا ئەز تێدگەھم بتنێ ھەلویستێ دەولەتێن جیرانن )
دەپات ژی کر کوە ێزێن پێشمەرگەی شوونا ھەموو جیھانێ شەرکر و داعش شکاند و گۆت ژی: ( ریفراندۆما کوردستانێ دێ بیتە دەستپێکەک بو ئەنجامدانا زنجیرەکا دانوستاندنان دناڤبەرا ھەرێما کوردستانێ و عیراقێ و جڤاکێ نیڤدەولەتی)

21765079_1962180824059678_7956130608664222680_n 22007303_1962180780726349_6315181573251951729_n

ئەڤرۆ نیوز ، ھلوری:
سەرۆک وەزیرێن عیراقێ دیارکر کو ریفراندۆما کوردستانێ یا دەستوری نینە و دانوستاندنان لسەر ناکەین و چوو دانپێدانێن نیڤدەولەتی نینن ، ئەڤ داخویانیا عەبادی د دەمەکێ دایە کود وھی گەلێ کوردستانێ ب رێژەیەکا ھەرە بەرچاڤ یا بەلێ دەنگ بو ریفراندۆما کوردستانێ دایە.
حەیدەر عەبادی د چارچوڤێ سەرەدانا خوە دا بو بارەگایێ فەرماندەیا ھەڤپشکا بەرەڤانیا عیراقێ دیارکر کو دادگەھا فیدرالی یا عیراقێ بریاردایە کو ریفراندۆما کوردستانێ نەیا دەستووری یە ژبەرڤێ ئەم وەکو عیراق دانوستاندنان لسەر ئەنجامێن وێ ناکەین.
زێدەتر گۆت: ( ئەم چوو سەپاندنێن واقعی ب ھێزێ پەسەند ناکەین و پێدڤی یە بتێ پشت بەستنێ ب دەستوور و دادگەھا فیدرالی بکەین و ئەم ب ئەنجامێن ریفرادۆمێ رازی نینن و دێ لسەر دژاتیا خوە بەردەوام بین و پێدڤی یە ھەموو دەڤەرێن ئاریشەدار ژی بو سەر عیراقێ بھێنە زڤراندن )

ئەڤرۆ نیۆز،زنار تۆڤی:

سەرکردەکێ ئیماراتا عەرەبی یا ئێکگرتی پیرۆزباهیا سەربەخۆیێ ل گەلێ کوردستانێ دکەت.

د. خالید ئەلقاسمی، شاهزادەیێ بەرێ یێ جهنشینا ئیمارەتا رەئسولخێمە و جێگرێ حاکمێ وێ ویلایەتێ ل هژمارا تایبەتیا خۆ ل تۆرا جڤاکی یا (توویتەر) راگەهاندیە،کو گەلێ کوردستانێ باوەری ب مەسعود بارزانی، سەرۆکێ هەرێما کوردستانێ هەیە.

خالید ئەلقاسمی هەروەسا گۆتیە،بەری ئەنجامێن ریفراندۆما سەربەخۆیێ، ”پیرۆزباهیێ ل گەلێ کوردستانێ دکەم ب بوونەیا سەربەخۆیێ“.

وی شێخێ ئیماراتێ هیڤی خواستینە کو گەلێ کوردستانێ گوهێ خۆ نەدەتە گوتنێن ئیران و تورکیا،کو ئەو ئاخفتنێن وەسا دکەن کو ل هەوای پووچ دبن.

خالید ئەلقاسمی ئاماژە ب هندێ ژی دایە،کو”رۆژا دەولەتا کوردستانێ هەلات“.

Screenshot_٢٠١٧-٠٩-٢٦-٠٨-٤٥-٤٨-1

Screenshot_٢٠١٧-٠٩-٢٦-٠٨-٤٥-٥٦-1

Screenshot_٢٠١٧-٠٩-٢٦-٠٨-٤٦-٠٤-1

ئەڤرۆ نیۆز،زنار تۆڤی:

وەزارەتا دەرڤە یا ئەمریکا راگەهاندنەک دەربارەی ئەنجامدانا ریفراندۆما کوردستانێ بۆ سەربەخۆیێ بەلاڤکریە و دلنیایێ ددەت،کو دێ پەیوەندیێن وێ یێن مێژوویی ل گەل حوکمەت و خەلکێ هەرێما کوردستانێ د بەردەوام بن.

دەقێ وێ راگەهاندنێ:

ویلایەتێن ئێکگرتی یێن ئەمریکا زۆر نائومێدە کو حوکمەتا هەرێما کوردستانێ ل (25-9-2017) ریفراندۆما ئێکلایەنی بۆ سەربەخۆیێ ئەنجامدا،دناڤ واندا ل دەڤەرێن ژ دەرڤەی هەرێما کوردستانا عێراقێ نە.

بەلێ ب ئەگەرێ ریفراندۆما نەپابەند ئەڤرۆ پەیوەندیێن مێژوویی یێ ویلایەتێن ئێکگرتی یێن ئەمریکا ل گەل خەلکێ کوردستانا عێراقێ گوهۆرین ب سەردا ناهێن،هەر چەندە ئەڤ پێنگاڤە دێ نەسەقامگیریێ و نەرحەتیێ بۆ هەرێما کوردستانێ و خەلکێ وێ زێدە کەت.

ئەڤ ریفراندۆما ئێکلایەنی دێ پەیوەندیێن حوکمەتا هەرێما کوردستانێ ل گەل حوکمەتا عێراقێ و وەلاتێن جیران گەلەک ئالۆز کەت، هەروەسا شەرێ ل دژی داعش هێشتا تەمام نەبوویە و گرووپێن تووندئاژوو ل نەسەقامگیریێ و دووبەرەکیێ دگەرن،لەورا باوەریا مە وەسایە دڤێت هەموو لایەک گوتۆبێژێن بنیاتنەر بۆ باشکرنا داهاتیێ هەموو عێراقێ بکەن.

هەڤدەم ویلایەتێن ئێکگرتی یێن ئەمریکا دژایەتیا تووندوتیژیێ و پێنگاڤێن ئێکلایەنی دکەت،کو ژ هەر لایەنەکێ بیت،کو مەبەست ژێ گوهۆرینا سنووران بیت، ئەمریکا پشتەڤانیا عێراقەکا ئێکگرتی، فیدراڵ، دیموکرات و خۆشگوزەرانیێ دکەت،دێ یا بەردەوام بیت بۆ لێگەریانێ بۆ دیتنا دەرفەتان بۆ یارمەتیدانا عێراقیان هەتاکو د چارچۆڤێ دەستووری دا ب گەهنە داخوازیێن خۆ.

هێزەر ناوێرت، پەیڤدارا وەزارەتا دەرڤە یا ئەمریکا.
25-9-2017

ئه‌ڤرۆ نیۆز،ره‌مه‌زان هه‌رنى:

هژماره‌كا كوردێن ئیسرائیلى ل گه‌ل نێزیك بوونا دوماهیك هاتنا ده‌نگدانا باشورێ كوردستانێ بۆ سه‌رخۆبوونا كوردستانێ ل به‌رده‌رگه‌هێ كونسولگه‌ریا ئه‌مریكا ل ئورشه‌لیما پایته‌خت ئاهه‌نگه‌ك وه‌ك نیشانا سه‌ركه‌فتێ بۆ سه‌رخوبونا كوردستانێ سازكر.

د ئاهه‌نگێ دا ئالایێ كوردستانێ و ئیسرائیل وێنه‌یێن سه‌روك بارزانى هاتنه‌ بلند كرن و خوشحالیا خۆ ده‌ربرى و خۆشى و ئاهه‌نگێن كوردێن ئیسرائیل ل ده‌مه‌كێ دایه‌ كو هه‌لوێستێ ئیسرائیلى بۆ شته‌ڤانیكرنا سه‌رخۆبوونا كوردستانێ یێ روون و ئاشكرایه‌،به‌ریا نها بنیامین نه‌ته‌نیاهو سه‌روك وه‌زیرێن ئیسرایلى دیاركر بوو كو كورد گه‌له‌كێ جه‌نگاوه‌رن و هه‌ژى وێ چه‌ندێ نه‌ بریارێ ل چاره‌ نڤیسێ خۆ بده‌ن.

received_1300851010023589

website security
WP Facebook Auto Publish Powered By : XYZScripts.com