فوتو، سه‌باح زهێر زێبارى:
جوتیارێن سنوورێ ناحیا دینارته و ده‌ڤه‌را نه‌هلێ ده‌ست ب دورینا برنجى كر و ب شێوه‌یێ تاك و زوباره به‌ر ب دورینا برنجى چوینه.
ب وێنه – ل ده‌ڤه‌را نه‌هلێ ده‌ست ب دورینا برنجى هاته‌كرن
نووترين نووچه
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
- مەسرور بارزانی: پێدڤییە بەرپرسێن پارتی زێدەتر خزمەتا خەلكی بكەن
- هیڤیدارین حوكمەتا فیدرال مووچەی نەكەتە پرسەكا سیاسی
- بەغدا مووچەی وەك كارەتەكا فشارا سیاسی بەرانبەر هەرێما كوردستانێ ب كار دئینیت
- مافێ چارەنڤـیس، مافـەكێ سروشتیێ نەتـەوەیا كـوردە
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
- نێچیرڤان بارزانی و مەسرور بارزانی پیرۆزباهیێ ل شیرەتكارێ نوو یێ ئەلمانیایێ دكەن
- سەرۆكێ حوكمەتا هەرێمێ دوپاتیێ ل بهێزكرنا پەیوەندییان ل گەل هندستانێ دكەت
- خسرۆ گۆران: روودانێن دەڤەرێ كاریگەری ل سەر هەلبژارتنێن ئیراقێ نابیت
- نێزیكی 50 هزار تیرۆرست و كەسوكارێن وان مووچەیێ شەهیدان ژ حوكمەتا ئیراقێ وەردگرن
سهرهكى Facebook
ب وێنه – تیپا هونه‌رى یا كانى بوت نوترین كلیپ توماركر
ئه‌ڤرۆ نیوز ، نه‌وزاد هلۆرى:
تیپا هونه‌رى یا كانى بوت مژولێ چێكرنا نووترین كلیپن بناڤێ بارزانى كو به‌حس ل كه‌ساتیا بارزانى نه‌مر و شورشه و به‌رخودانێن بارزان دكه‌ت.
رێبه‌ر كانى بوتى سه‌رۆكێ تیپا هونه‌رى یا كانى بووت بو ئه‌ڤرۆ نیوز گۆت: ( وه‌كو ئه‌ركه‌كێ نیشتمانى تیپا هونه‌رى یا كانى بوت لسه‌ر كیسێ خوه رابویه ب درۆستكرنا كلیپه‌كا نوو بو چه‌ند هونه‌رمه‌ندێن ده‌ڤه‌را بارزان و نها كار لسه‌ر دهێته‌كرن و چه‌ند رۆژێن بهێت دى َهه‌موو كارێن وێ بدوماهیى هێن و هێته به‌لاڤكرن)
زێده‌تر گۆت: ( په‌یڤێن كلیپێ ژلایێ ئه‌دیب چه‌لكى و ئاواز ژى ژلایێ زانا جه‌به‌لى هاتیه درۆستكرن ، و ژلایێ هونه‌رمه‌ندان “فه‌یزوللا كانى بوتى ، جابر سه‌عید ، كوڤان شێروانى ، یوبیرد بێدیلى و كروسێ تیپا كانى بوت ” دهێته گوتن و هه‌موو كارێن وێ یێن وێنه‌گرتن و كارێن دن ل ده‌ڤه‌را بارزان و ناڤا سرۆشتێ ده‌ڤه‌را بارزان هاتیه چێكرن)
ژبه‌ر هه‌لویستێن وێ بو پێشمه‌رگه‌ى ، نوژداره‌كا كورد ل سوێد هاته خه‌لاتكرن
ئه‌ڤرۆ نیوز، هه‌رهین محه‌مه‌د:
سارا دوسكى ئه‌و ژنا كورده یا كو بۆ ده‌مێ چه‌ند سالایه ل وه‌لاتێ سوید دژیت و ژبه‌ر حه‌زو ڤیانا وێ بۆ كوردستانێ و پێشمه‌رگه‌ى هه‌رل ده‌ستپێكا شه‌رێ داعش قه‌ستا كوردستانێ كریه وب كارێ خوه‌یێ نوژدارى رابوویه ل ناڤ رێزێن پێشمه‌رگه‌ى و و به‌رده‌وام هاریكاریا ژوه‌لاتى سوید ره‌وانه‌دكه‌ت بۆ پێشمه‌رگه‌هان وئاواران و ده‌ست كورتان.
سارا دوسكى زێده‌تر بۆ ئه‌ڤرۆ نیۆز گۆت: (ئه‌ڤه بۆ ده‌مێ دوو هه‌یڤا یه ڤه گه‌ریامه وه‌لاتێ سوید و به‌رده‌وام دچمه سمینارا وێنه و ڤیدیوێن پێشمه‌رگه‌ها و ئاواره‌یان نیشا وان ده‌م ل سمینارا له‌ورا ژبو رێزگرتن ل كارێ من ل ناڤ سه‌دو پێنجى زه‌لامان دا بتنێ ئه‌ز ژن بوویمه و ئه‌ز هاتمه خه‌لات كرن ژلایێ رێكخراوكا سویدى ڤه ئه‌وژى خه‌لاتێ رێز لێنانێ بۆ كول من و كارێ من گرتى وه‌كو ژنه‌كا دلسور ملبملێ پێشمه‌رگه‌ى كارو پشته‌ڤانى و خزمه‌تا وه‌لاتێ خوه دكه‌م)
ئاهەنگەکا جەماوەری بۆ پشتەڤانیا ریفراندۆمێ ل شێخان هاتە سازکرن
ئەڤرۆ نیوز،رێژین نهێلی:
ل ژێر ناڤێ بەلێ بۆ ریفراندۆما سەربەخویا کوردستانێ ول دەمژمێر 5 ئێڤاری ل پارکا شێخان ئاهەنگەکا جەماوەری بۆ پشتگیریا سەربەخویا کوردستانێ ل قەزا شێخان هاتە سازکرن کرن،دڤێ ئاهەنگێ دا فەرهاد ئەمین پارێزگارێ دهوکێ پەیڤەک ژبۆ پشتگیری ل ریفراندۆما سەربەخویا کوردستانێ پێشکێش کر و ژبەر کەرنەڤالا رۆژا شەمبی ل پارێزگەها دهوکێ و بەرتەنگیا جهی،لێبورین ژخەلکێ قەزا شێخان خواست.
هەروەسا قایمقامێ قەزا شێخان و هەموو بەرپرسێن دام و دەزگەهێن میری و جەماوەرەکێ زۆر ژ ئێزیدی و مەسیحی و مسلمانان و هەروەسا هونەرمەندان نازدار جزیری و مەلەک روژهات و سەعید گاباری و حاجی زاخویی و تیما گەنجنن ئێزیدی یێن سترانا ریفراندومێ بەرهەڤ ببوون،تێدا هەموو پەیف و ستران بەرەف سەربەخویا کوردستانێ و دەنگدان ب بەلێ بۆ ریفراندوما سەربەخویا کوردستانێ.
بۆچی عه‌بادی ل شوونا فوئاد مه‌عسۆمی چوو نه‌ته‌وه‌یێن ئێكگرتی؟
ئه‌ڤرۆ نیوز:
د ده‌مه‌كی دا پێدڤی بوو فوئاد مه‌عسۆم سه‌رۆكێ ئیراقێ بچیته جڤینا نه‌ته‌وه‌یێن ئێكگرتی ل نیۆیۆركێ لێ ل شوونا وی حه‌یده‌ر عه‌بادی چوو، هوشیار زێباری ژی دبێژیت عه‌بادی نه‌هێلایه مه‌عسووم بچیت.
هه‌ژماره‌كا مه‌زن یا سه‌رۆكێن وه‌لاتێن ئه‌ندام د نه‌ته‌وه‌یێن ئێكگرتی دا گه‌هشتنه ئاڤاهیێ وێ سازیێ ل نیۆیۆرك بۆ كۆمبوون و گۆتوبێژان ل دۆر مژارێن جیاواز و بریاره هه‌تا داویا ڤێ حه‌فتیێ به‌رده‌وام بیت، هوشیار زێباری وه‌زیرێ دارایی یێ به‌رێ ل ئیراقێ ل سه‌ر تۆرا جڤاكی راگه‌هاند: سه‌رۆكێ ئیراقێ، فوئاد مه‌عسۆم یێ بێ ده‌ستهه‌لاته، پێدڤی بوو ل جڤینا گشتی یا نه‌ته‌وه‌یێن ئێكگرتی با، لێ سه‌رۆكوه‌زیرێن شیعه حه‌یده‌ر عه‌بادی رێ پێ نه‌دا و نه‌هێلا ئه‌و بچیت.”
عه‌بادی نها ل نیۆیۆركه و ژڤانه د گه‌ل سه‌رۆكێ ئه‌مریكا و توركیا دا كۆم بیت و به‌حسی رێفراندۆمێ ژی بكه‌ت.
بارزانى بو وه‌زیرێ به‌ره‌ڤانیا به‌ریتانیا – بێى گه‌رنتى ریفراندۆم ناهێته پاشئێخستن
ئه‌ڤرۆ نیوز ، هلۆرى:
ئه‌ڤرۆ ئێڤارى سه‌رۆكێ هه‌رێما كوردستانێ پێشوازى ل وه‌زیرێ ده‌رڤه‌یێ به‌ریتانیا كر ، بو دانوستاندن لسه‌ر چه‌ند پرسه‌كان ژ وانان پرسا ریفراندۆمێ ، بارزانى د كومبوونێ دا دیاركر كو ریفراندوم بێى گه‌رنتیه‌ك ناهێته پاشئێخستن.
مه‌سعود بارزانى سه‌رۆكێ هه‌رێما كوردستانێ پێشوازى ل مایكل فالن و شانده‌كێ لگه‌ل دا كر و پشتى كومبوونه‌كا به‌فره‌ه كو كوسره‌ت ره‌سول عه‌لى جێگرێ سه‌رۆكێ هه‌رێمى ژى پشكدار ببوو دیاركر كو ئه‌و سوپاسیا هه‌موو وان لایه‌نان دكه‌ن یێن كو هاریكاربووین ژ بوو ناڤبرنا داعشێ و گۆت: ( بریارا ریفراندۆمێ ژلایێ سه‌ركرداتیا سیاسیا كوردستانێ ب پشته‌ڤانیا گه‌لێ كوردستانێ هاتیه‌دان ، به‌لێ ژ مێژه بریارا ریفراندۆمێ هاتیه ده‌ستنیشانكرن به‌لكو ب درێژاهیا مێژوویێ مه چه‌ندین جاران به‌غدا ئاگه‌هداركریه ئه‌گه‌ر لسه‌ر بنپێكرنا ده‌ستوور و نه‌هێلانا هه‌ڤپشكیێ و هه‌ڤسه‌نگیێ به‌رده‌وام بن دێ بو بریارا گه‌لى زڤرین ژبه‌ركو به‌رى نها هه‌مو رێكێن په‌یوه‌ندیان ل گه‌ل عیراقێ هاتینه تاقیكرن ژ وانان لامه‌ركه‌زیه‌ت و ئوتونومى و فیدرالى ، به‌لێ هه‌مووان شكه‌ستن ئینایه و مه دڤێت ئێدى دوو جیرانێن باش بین)
زێده‌تر گۆت: (ریفراندۆم ئامرازه‌كه بو گه‌شتن ب سه‌ربخوه‌یێ ، و ئه‌و پێگوركێن كو هه‌تا نها هاتینه پێشكێشكرن چوو گه‌رنتیان بو دانوستاندنێ و به‌رهه‌ڤیێن ل گه‌ل به‌غدا نینن ، ژبه‌رڤێ پاشئێخستنا ریفراندۆمێ تنێ لسه‌ر وێ یه‌كێ كو دانوستاندن به‌رده‌وام بن و نه‌زانین لسه‌ر چى یه و چوو گه‌رنتیێن نیڤده‌وله‌تى هه‌یه ناهێته پاشئێخستن ، به‌لێ ئه‌گه‌ر عیراق به‌رهه‌ڤبیت كو دانوستاندنێ لسه‌ر پرسا ریفراندۆمێ د ده‌مه‌كێ دیاركرى دا بكه‌ت و گه‌رنتیه‌كا نیڤده‌وله‌تى ژى هه‌بیت بو بجهكرنا رێكه‌فتنێ لسه‌ر سه‌ربخوه‌ى یا كوردستانێ ل وى ده‌مى سه‌ركرداتیا سیاسیا كوردستانێ دێ كوم بیت و دوماهى بریارا خوه ده‌تن )
ژلایه‌كێ دنڤه وه‌زیرێ به‌رڤانیا به‌ریتانیا دیاركر كو ئه‌و دخوازن كو ریفراندۆم بهێته پاشئێخستن و دبه‌رامبه‌ر دا پروسه‌یه‌كا دانوستاندنێ ل گه‌ل به‌غدا ده‌ست پێ بكه‌ن و گۆت: ( ئه‌ێندایێن دانوستاندان ژى ب سه‌رپه‌رشتیا جڤاكێ نێڤده‌وله‌تى بهێته‌كرن)
ب ڤیدیۆ: ل ئێك ژ دوورترین باژار ره‌ڤه‌ندا كورد پشته‌ڤانی بۆ رێفراندۆمێ نیشان دا
ئاسایشا شاره‌زوور رێگری ل كه‌مپینەکا ڕێفراندۆمێ کر
ئه‌ڤرۆ نیوز ، عه‌زیز هه‌ورامی:
کومەکا چالاکڤانێن جڤاکێ سڤێل مولەت ل ئاسایشا شارەزور وەرگرت بو کەمپینەکا پشتەڤانیا ریفراندۆمێ بەلێ دوڤدا هاتنە ئاگەهدارکرن کو نابیت ئەو کەمپین بهێتە دروستکرن.
دڤی واریدا
عه‌تا ڕه‌ووف خاوه‌نێ كتێبخانا هه‌ژار موكریانی و سه‌رپه‌رشتێ كه‌مپینا به‌لێ بۆ ڕێفراندۆمی بو ئه‌ڤرۆ نیۆز گۆت: (كتێبخانا هه‌ژار موكریانی ب هاریکاریا چالاكڤانان بڕیاردا کو کەمپینەکا پشتڤانیێ بو ریفراندومێ کو ئەڤرو دا هێتە ئەنجامدان و مۆڵه‌تا قانونی ژی هەبوو ،بەلێ دوڤدا ئەم هاتینە ئاگەهدارکرن کو نابیت کەمپین چالاکیێن خوە بکەت)
ب پشتەڤانیا کار گرۆب کەرنەڤالەک بۆ سەرخوەبوونا کوردستانێ ل خوارنگەها مالتایێ هاتە سازکرن
ئەڤرۆ نیۆز،زناز تۆڤی:
ئەڤ شەڤە 18.9.2017 ب پشتەڤانیا کۆمپانیا کار گرۆب کەرنەڤالەکا مەزن و ب بەرهەڤبوونا هژمارەکا زۆر ژ پەرلەمانتار و بەرپرسێن حزبی و حکومی و جەماوەرەکێ زۆر هاتە سازکرن،سەربەست تروانشی بەرپرسێ لقێ ئێک یێ پارتی دیمۆکراتی کوردستان پەیڤەک پێشکێشکر ل سەر ریفراندۆما سەرخوەبوونا کوردستانێ،د هەمان دەمدا سترانبێژان حەسەن شەریف و رێکێش سەیرانی و نازدار جزیری و ئیسماعیل جومعەی ب سترانێن خوە کەرنەڤال ب رەوش ئێخست.
بچوكترین ده‌نگده‌ر ل كوردستانێ دكه‌ڤیته پارێزگه‌ها دهۆكێ ، بزانه كى چه؟
ئه‌ڤرۆ نیوز ، نه‌وزاد هلۆرى:
گه‌نجه‌كێ گوندێ بالندا كو ل شێلادزێ وه‌كو ده‌نگده‌ر هاتیه توماركرن بو پشكداریكرنا د ریفراندۆما سه‌ربخوه‌ى یا كوردستانێ دبیته بچوكترین ده‌نگده‌ر لسه‌ر ئاستێ هه‌رێما كوردستان و پارێزگه‌ها دهۆكێ كو تنێ سێ رۆژ مابوون بهێته بێبه‌هه‌كرن ژمافێ ده‌نگدانێ ، و ئه‌و دده‌تن دیاركرن دێ ب به‌لێ ده‌نگى بو سه‌ربخوه‌ى یا كوردستانێ ده‌تن.
دڤى واریدا “هه‌لمه‌ت ئیبراهیم بالندى “دیاركر كو ل گوره‌ى بنگه‌هێ توماركرنا ناڤێن ده‌نگده‌ران ل شێلادزێ ئه‌ز دبمه بچوكترین ده‌نگده‌ر لسه‌ر ئاستێ پارێزگه‌ها دهۆك و بۆ ئه‌ڤرۆ نیوز گۆت: ( ئه‌ز ل رێكه‌فتى 28/12/1999 ژ دایكبوویه واته بتنێ سێ رۆژ مابوون كو بهێمه بێ به‌هركرن ژ مافێ ده‌نگدانێ ژبه‌ركو ل گوره‌ى تومارا كومسیوونێ ئه‌و كه‌سانێن كو گه‌هشتینه سالا 2000 دكارن ده‌نگێ خوه بده‌ن و سوپاس بو خودێ ئه‌ز ژى وه‌كو ده‌نگده‌ر هاتمه قه‌بلوكرن )
زێده‌تر گۆت: ( من بریاردایه كو رێكه‌فتى 25/9/2017 بچمه سه‌ر سندوقێن ده‌نگدانى و ب به‌لێ ده‌نگى بو سه‌ربخوه‌ى یا كوردستانێ بده‌م ژبه‌ركو ده‌نگدان بو سه‌ربخوه‌ى یا كوردستانێ مافه‌كێ سرۆشتى و نیشتمانیێ مه‌یه و چو په‌یوه‌ندى ب لایه‌نێن سیاسى ڤه نینه)
نيشاندان
WP Facebook Auto Publish Powered By : XYZScripts.com