ئه‌ڤرۆ نيوز:
ب تۆمه‌تا كۆمكرنا پاره‌ى ب ره‌نگه‌كێ “نه‌يێ شه‌رعى” ده‌سته‌يا ده‌ستپاكيێ ل عيراقێ دێ هه‌ر ئێك ژ ئوسمامه نوجێفى و ئه‌ياد عه‌لاوى و نورى مالكى ده‌ته دادگه‌هێ.
ده‌سته‌يا ده‌سپاكيێ دێ هه‌رسێ جێگرێن سه‌رۆك كۆمارى ده‌ته دادگه‌هێ
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
ڤيديۆ: فرۆتنا ميتايێ ناڤخوه ل سه‌ر جادێ
ئەڤرو نیوز، نەوزاد ھلوری:
وەلاتیەکێ شێلادزێ یا سەر قەزا ئامێدیێ روژانە لسەر جاددا گشتی دناڤبەرا شێلادزێ و دێرەلوک کەرسەیێن خومالێن چیای دفروشیت و ب ڤێ یەکێ ژی داھاتیەکێ بو خێزانا خوە دابین دکەت.
دڤی واری دا محەمەد زوربێر ئەو وەلاتیە بو ئەڤرۆ نیوز گۆت: (ئەڤە چەند سالەکە ئەز لسەر جاددا گشتی دناڤبەرا شێلادزێ و دێرەلوک کەرستەیێن کوردەواری و خومالی دفروشم و داھاتیەکێ بخوە دەستڤە دئینم ، لدوڤ وەرزێ سالێ ژی ئەز کەرستەیان دفروشم).
زێدەتر گۆت: (ئەو کەرستەرێن کو نھا دفروشم پێکدھێن ژ چەند جورێن کەزان، گوھیشک، بەری، گیز، باھیف، مێویژ، ھنگڤین، کشمش، قەیسی ، مرەبا ، چەند کەرستەیەکێن دی بخوڤە دگرن، ھەموو ژی بەرھەمێ خومالی و کەرستەیێن چیایێن سنوورێ قەزا ئامێدیێ و شێلادزێ نە).
دکتۆر فازل نەبی: چەندین لوغم د ناڤا پڕۆژێ بوودجێ عێراقێ دا بۆ ھەرێما کوردستانێ ھاتینە دانان
ئه‌ڤرۆ نيوز:
بەرپرسەکێ بەرێ یێ وەزارەتا دارایی و ئابووریا عێراقێ ئیماژە بڤێ چەندێ دکەت، نابیت ب چو شێوەیەکێ ھەرێما کوردستانێ رێژەیا 17%ێ کێمتر رازیبیت و بەرۆڤاژی دێ زیانێن مەزن بۆ ھەرێما کوردستانێ ھەبن، چەندین ئەلغام دناڤا پڕۆژە بۆدجێ عێراقێ بۆ ھەرێما کوردستانێ ھاتینە دانان.
دکتۆر فازل نەبی، بریکارێ بەرێ یێ وەزارەتا دارایی و ئابووریا عێراقێ بۆ رۆژناما ئەڤرۆ گۆت” پێدڤیە ھەرێما کوردستانێ ددەمێ رێڤەچوونا دانوستانان دگەل بەغدا ل دۆر پرسا بۆدجە و مووچێ فەرمانبەران نابیت ب چو شێوەیەکێ 17%ێ کێمتر رازیبیت، چونکە ھەگەر پشکا ھەرێما کوردستانێ بھێتە کێمکرن دێ ھەرێم تووشی ئاریشەیێن مەزن بیت ل دانا مووچێ فەرمانبەران زیانێن زۆر دێ ھەبن بۆ ھەرێمێ، ژبەرکو ئەف رێژا نوکە ھاتیە دیارکرن کو 12%ێ بیت ئەڤە زۆرا کێمە و پێدڤیێن ھەرێمێ تژیناکەت، یا فەرە راستڤەکرن بۆ تەڤایا پڕۆژە قانوونا بۆدجێ گشتیێ عێراقێ بھێتەکرن و تنێ 17%ێ نەھێتە راستڤەکرن، ژبلی ھنارتنا مووچەی ھەرێما کوردستانێ چەندین شایستەیێن دی یێن دارایی ل عێراقێ ھەنە، لەوڕا دڤێت دناڤبەرا ھەردوولایەنێن ھەرێم و بەغدا رێکەفتن بھێتەکرن بۆ ئیکلاکرنا پرسا بۆدجێ ھەرێما کوردستانێ،
بریکارێ بەرێ یێ دارایا عێراقێ دیارکر” گورەی زانیاریێن بەردەستێ من ژلایێ ئەمریکا و نەتەوێن ئێکگرتی گڤاشتنێن زۆر لسەر بەغدا ھەنە دگەل ھەرێما کوردستانێ بگەھیتە رێکەفتنێ بۆ چارەسەرکرنا پرسێن ناڤبەرا خوە، ھەگەر دگەل بەغدا نەگەھشتینە رێکەفتنێ رەوشا ئابوورا ھەرێما کوردستانێ یا باشنینە و دێ توشی ئاریشەیێن مەزنبین، چونکە ئەگەر بەری نوکە حوکمەتا ھەرێمی 600 ھزار بەرمیلێن پتڕۆلێ ھەبن نوکە کێمبوویە و تنێ 250 ھزار بەرمیل بەرھەم ھەنە، داھاتێ پتڕۆلێ ژێدەرێ سەرەکیێ داھاتێ ھەرێما کوردستانێ یە، لەوڕا بھەر شێوەیەکێ ھەبیت بدیتنامن دڤێت ھەرێم دگەل بەغدا رێکەڤیت، بڤان داھاتین نوکە نەشیێن ھەرێما کوردستانێ رێڤەببەن، زۆر ب زەحمەتە بێی ھاریکاریا عێراقێ ھەرێم بشێت مووچێ فەرمانبەران، نوکە پرسا رێکەفتنێ دگەل بەغدا ھندەک ئالۆزبوویە و وەکی بەرێ نەمایە، لەوڕا ب ئەگەرێ ئەڤان گۆھڕینێن چێبوی پێدڤیە ھەرێما کوردستانێ ددەمێ دانوستانان دگەل بەغدا ب ھویرێ بەحسێ ئەڤان ئاریشەیان بکەت، ھەتا چنەبیت بگەھیتە رێکەفتنێ دگەل بەغدا و مووچێ فەرمانبەران بھێتە مەزاختن و ھندەک کاروبارێن حوکمەتێ بھێنە رێڤەبرن.
ناڤبری ئەویەکژی ئەشکرەکر” ھنارتنا بۆدجێ چو پەیوەندی ب بڕیارا سیاسی ڤە نینە، بەلکۆ ڤەدگەڕیت بۆ رێکەفتنێ لدۆر قانوونا بۆدجێ و رادەستکرنا پتڕۆلێ ژلایێ ھەرێمێ ڤە، راستە ب بڕیارا سیاسی مووچە ھاتیە بڕین، بەلێ چەندین ئەلغام دناڤا پڕۆژە بۆدجێ عێراقێ بۆ ھەرێما کوردستانێ ھاتینە دانان، بەلێ پرسیار ئەڤە ب بڕیارەکا سیاسی دێ شیێن ئەڤان لوغما راکەین، ئەڤێ چەندێ پێدڤی ب رێکەفتنا ھشیارانە ھەیە دگەل عێراقێ.
لدۆر ئەڤان زانیاریێن بەحسێ خرابیا رەوشا ئابوورا عێراقێ دکەن دکتۆر فازل نەبی گۆت” نابیت ب عاتفی ھزر بکەین بێژین ئابوورا عێراقێ ژی ل ھەرێما کوردستانێ خراپترە، چونکە عێراق دەولەتە و ژلایێ بەرھەم ئینانا پتڕۆلێ ژی عێراق باشترە و نوکە بھایێ پتڕۆلێ ژی یێ بەرەف بلندبوونێ دچیت، پرسا بەرھەم ئینانا غازێ ژی نوکە ھەیە ل عێراقێ تێتە بەرھەم ئینان، راستە قەڕەکێ زۆر ل سەرە ، بەلێ راماناوێ ئەڤە نینە حوکمەتا عێراقێ ئیفلاسبوویە دەلیڤا باشترکرنا رەوشا ئابووریا عێراقێ یا زۆرە بتایبەتی ئەگەر ئەف چاکسازیا بەغدا بەحس دکەت جێ بەجێ بکەت.
شارەزایەکێ سیاسی: ئێکڕێزی ھەبیت دێ دووبارە ھەرێم سەرکەڤیت
ئه‌ڤرۆ نيوز:
شارەزایەکێ سیاسی ئاماژە بوێ چەندێ دکەت، کو داگیرکرنا کەرکووکێ و دەڤەرێن کوردستانیێن سنورێ مادێ 140 حنێرا حەیدەر عەبادی و حوکمەتا عێراقێ نەبوویە دیارکر، ئەگەر ئەم وەکی ھەرێما کوردستانێ ئێکڕێزیا خوە بپارێزین ئەڤە دێ ھەرێما کوردستانێ دووبارە بھێزکەڤیت و بسەر قەیرانادا زالبیت.
دکتۆر سامان شالی، شارەزایێ سیاسی بۆ رۆژناما ئەڤرۆ گۆت” بەغدا دخوازیت ھەموو مەرجێن خوە بسەر حوکمەتا ھەرێما کوردستانێ دا بسەپینیت، بەلێ ئەف غرووریە ھەتا دوماھیێ بۆ بەغدا ناچیتە سەرو بۆیەر زۆر بلەز یێ رێڤەدچن،ئەز پێشبینی دکەم ھێشتا گۆھڕینێن مەزنتر بھێنەکرن ل دەڤەرێ، ئەڤا نوکە دناڤبەرا سعودیە و یەمەن و ئیرانێ چێدبیت نیشانێن گەلەک روویدانا پێڤەدیارن،ئەڤە بسەر ھەرێما کوردستانێ ژی داھاتی ئەڤە حنێرا عێراقێ و حەیدەر عەبادیێ سەرۆک وەزیرێن عێراقێ نەبوویە بەلکۆ ئەڤە ئیرانە بسەرکەفتی، چونکە ئەم ھەموو دزانین حەشدا شەعبی سەر ب کێ یە،مەدیتژی دەمێ پێشمەرگەی بڕیارا بەڕەڤانیێ دای ل پردێ و زومار و مەحموودیێ چ کارەسات بسەرێ میلیشیاتێن حەشدا شەعبی ئینان و نەچارکرن ھێرشێن خوە راگڕن و داخوازا دانوستانان بکەن دگەل ھەرێما کوردستانێ، بەلێ یا پێدڤیە سەرکردایەتیا سیاسیا کوردستانێ ئەزموونێ بۆ خوە ژ ئەڤان روویدانا وەربگریت و رێزێن خوە بکەنە ئێک ھەمبەری گەفێن بەغدا، ھەروەسا ب ئێک ھەلویست ھەموو لایەنێن سیاسی بەرھنگاری ئەڤان قەیرانان ببن یێن بسەر ھەرێما کوردستانێ دا ھاتی دێ سەرکەفتنێ مسۆگەربکەن.
ئەڤی شارەزایێ سیاسی دیارکر” ئەگەر ئەم وەکی ھەرێما کوردستانێ ئێکڕێزیا خوە بپارێزین ئەڤە دێ ھەرێما کوردستانێ دووبارە بھێزکەڤیت مە ڤەخواندن بۆڤێ رەوشێ ھەبیت و دوورکەڤیت ل خەتێ حزبی و ڤەگەڕین بۆ خەتێ نەتەوەیی، زۆر تشت ھەنە دڤێت پشتگۆە پاڤێژین بۆ داپاشەڕۆژا مللەتێ مە، چەند پێنگاڤ ھەنە یا فەرە حکوومەتا ھەرێمێ لبەر خوە بدەت ھەتا باوەریا وەلاتیان بدەستڤە بینیت، ھەگەر ئەف باوەری پەیدابو دناڤبەرا حکوومەتێ و مللەتی ئەڤە ھێزا خەلکی دێ بیتە ھێزەکا جەماوەری دێ ھەێما کوردستانێ بھێزکەڤیت، خالا گرنگ ئەڤە ھێزا پێشمەرگەی بھێتە ئێکگرتن و بزاڤێن زۆرژی بۆ ھاتینەکرن، ھەتا ئەگەر شیرەتکارێن سەربازی ل وەلاتێن وەکی ئەمریکا و ئەلمانیا و بریتانیا بینن بۆ رێکخستنا ھێزا پێشمەرگەی ئەڤەژی بمەرجەکی ھەرکەسێ ئەو بخوازن لابدەن بھێتە لادان، چونکە ئەگەر کەسەکی شیان نەبن نەشێت کارێ خوە رێڤەببەت، بڤی شێوەی دێ ھێزا پێشمەرگەی بیتە سوپایەکێ نیشتیمانی و تنێ سەر ب وەزارەتا پێشمەرگەیبیت نەک سەر ب کەسێن دیاریکری و حزبێن سیاسی بن.
دکتۆر سامان شالی گۆتژی” پرسەکادیا زۆرا گرنگ بۆ ڤێ قۆناغا ھەرێما کوردستانێ پرسا ئابوریە، ئەگەر حکوومەت بخوازیت بچیتەڤە ناڤا وەلاتیان دڤێت یا شەفافبیت، کۆمپانیێن بیانی و پەرلەمان چاڤدێریا رەوشا ئابوریا ھەرێما کوردستانێ بکەن و راپۆرت بھێنە بەلافکرن لدۆر داھاتی و مەزاختیێن حوکمەتێ، ژبەرکو ئەڤە بھێتەکرن وەلاتی بزانن حوکمەتێ چەند داھات ھەیە و چەندژی مەزاختیە وی دەمی وەلاتی دێ باوەری دەف پەیدابیت و بۆڤێ قۆناغێ بدەستڤە ئینانا باوەریا وەلاتیان زۆرا گرنگە، ئەڤا بەغدا دبێژیت تشتەک نابیت بمینیت بناڤێ ھەرێما کوردستانێ ئەڤە یا شاشە و ئەگەر بەغدا یا بەردەوامبیت لسەر ئەڤێ عەقلیەتێ دێ خراپ بسەرێ بەغدا ھێت، چونکە نەمان و لاوازکرنا ھەرێما کوردستانێ بەرۆڤاژی دستوورێ عێراقێ یە.
نەڤیبێ سەندیکا پارێزەرێن کوردستانێ: دادگەھا فێدرالی نەشیایە سەربخوەیا خوە ب پارێزیت
ئه‌ڤرۆ نيوز:
نەقیبێ سەندیکا پارێزەرێن کوردستانێ ئاماژەدا ھندێ کو بڕیارێن دادگەھا فیدرالیا عیراقێ دژی کوردان بڕیارێن سیاسی بووینە، ھەڤدەم ھەتا نوکە نەشیایە سەربخوەیا خوە وەک دادگەھا بلندا فیدرالی ب پارێزیت.
بەختیار حەیدەر ب تایبەتێ بۆ رۆژناما ئەڤرۆ راگەھاند، چو ھێزێن قانوونی نینە بشێت ریفراندۆما سەربخوەیا کوردستانێ ب ھەلوەشینیت کو مللەتی بڕیار ل سەر دایە، لەورا بتنێ دئێک دەمدا ریفراندۆم دێ ھێتە ھەلوەشاندن ئەو ژی دەمێ ریرفاندۆمەکا دیتر بھێتە ئەنجامدان و مللەت دەنگی بۆ ھەلوەشاندنا ریفراندۆما بەرێ بدەت، نەخاسمە دادگەھا فیدرالی عیراقێ کو ل گۆڕ دستووری نەھاتیە دامەزراندن، بەلکی ئەو دادگەە ب بڕیارەکا کارگێری یا حوکمەتا ئەیاد عەلاوی ھاتیە دەزراندن، ئەو ھێزا قانوونی نینە بڕیارا ھەلوەشاندنا ریفراندۆمێ بدەتن.
نەقیبێ سەندیکا پارێزەرێن کوردستانێ ھەروەسا ئاشکرا کر و گۆت: د دیبەجا دستوورێ عیراقێ رێ نەدایە دادگەھا فیدرالیا عیراقێ کو مافێ ھەلوەشاندنا ریفراندۆمێ ھەبیت، لەورا ئەو بڕیارا دادگەھا فیدرالی چو ھێزێن قانوونی و دستووری نینە، ھەروەسا دیارکر، د دستوورێ عیراقێ بەحسێ ھەبوونا ریفراندۆمێ ھاتیە کرن، کو چەند پارێزگەھەک ب ھەڤپشکی بۆ ئێکگرتن و دروستکرنا ھەرێمەکێ رابن، ریفراندۆم بۆ بجھئینانا ماددێ 140 کو یا تایبەتە ب دەڤەرێن دەرڤەیا دەستھەلاتا کوردستانێ و دستوورێ عیراقێ ریفراندۆم قەدەغە نەکریە.
زێدەباری وێ چەندێ ژی، بەختیار حەیدەری خوەیاکر، دیباجا دستوورێ عیراقێ بەحسێ پێگیریا ب ستووری مسۆگەرکرنا پاراستنا ئێک پارچەیا ئاخا عیراقێ دکەت، بەلێ یا نوکە ئەم ل عیراقێ دبینین ئەو پێکڤەژیانا ئارازوومەندی نە ھاتیە پاراستن و ئەو بڕگا دستووری ھاتیە پێشێلکرن کو ئێدی پێگڤەژیان و ئێک پارچەیا ئاخا عیراقێ نامینیت، وی دەمی ھەر مللەتکێ د عیراقێ دا دژیت مافێ بڕیاردانا چارەنڤیسێ خوە ھەیە بدەتن.
سەبارەت کونترۆلکرنا دادگەھا فیدالی و گڤاشتنا ئالیێن سیاسی ناڤبری گۆت: دادگەھا فیدرالی یا عیراقێ کەفتیە ژێر کارتێکرنا ئالیەکێ سیاسی کو ئەو بڕیارێن دھێنە دان بتنێ د بەرژوەندیا نوری مالکی دانە، کو ب دادگەھەکا سیاسی نەیا قانوونی دھێتە زانین، دڤی بیاڤی دا حوکمەتا ھەرێما کوردستانێ دشێت پیگیرێ بڕیارێن وێ دادگەھی نەکەتن.
ژئالیەکێ دیتر ڤە، پارێزەرێ دادگەھا کەساتی ل پارێزگەھا ھەلەبجە کازم سەلام دبێژیت، دادگەھا فیدرالی عیراقێ ھەر ژ دەمێ دروستبوونا خوە و ھەتا نوکە، چو بڕیارێن دستووری و قانوونی کار پێ نەرکینە، ل دووماھیا سالا 2005 وەرە کو دستوورێ عیراقێ ژ ئالیێ خەلکی ڤە دەنگ ل سەر ھاتیە دان، چەندین جاران ئەو دستوور ھاتیە پێشێلکرن و ئەو دادەگا بلندا فیدرالی بێ دەنگ بوویە، بۆ نموونە ماددێ 140 کو دڤێت ل سالا 2007 ھاتبا بجھئینان، بەلێ دەستھەلاتدارێن بەغدا ئامادەنەبووینە وی ماددەی بجە بینن، وێ دادگەھێ ژی بێدەنگیا خوە پاراستی یە.
پارێزەر کارزان سەلام ھەروەسا ئماژدەا ھندێ، پشتی سالا 2014 بڕیارا بڕینا قوتێ وەلاتیێن کوردستانێ ژ ئالیێ تاکە کەسەکی ڤە ھاتە دان، ئەڤە پتر ژ سێ سالایە مووچێ خەلکێ کوردستانێ ھاتیە بڕین، دادگەھا فیدرالی سەرەرای کو پەرلەمنتارەکێ کورد ل سەر لیستا پارتی سکالایەکا فەرمی تۆمار کریە، بەلێ دادگەھێ خوە بێ دەنگ کر.
ھەر کەفتنەک دبیتە ڤەژاندنەکا نوو یا ئابووری
ئه‌ڤرۆ نيوز:
دکار و چالاکیێن ئابووری دا، دبیت ل بەرسنگێ ھەر تشتەکی ئاستەنگ و ئالوزی و کەتنێن مەزن رووب رووبنێ و توشی شکەستنێ بن، لێ ئەڤا گرنگ رابوون و خو ل سەر پێگرتن و رابوونا ڤە بۆ دوخێ جاران، شکەستنێن ئابووری دبنە ئەزموون و سەربور بۆ کارێن بھێت و پلانەکا باش بھێتە دارێژتن بۆ بەر سنگرتنا ھەر ئاستەنگیەکا توش دبیت ل پاشەرۆژێ.
شێروان ئەمین ژوان کەسایە یێن کو چوار سالا خۆدان کارگەھێن جبسا بوو بەلێ نوکە بسەر نەکەڤتیە و کارێ خو ژ دەست دایە ژبەر تۆشی شکەستنەکا ئابووری بوویە و پشتی کو نھا گەلەک شکەستین و رەوشا وی یا ئابووری تێک چویی دبێژیت: من گەلەک ھەول دان ئەز کارێ خو ژ دەست نەدەم و بشێم خو ل سەر پێن خو بگرم لێ گەلەک سەربۆرا ئەز ب ھێز کەفتیمە شنی ئەو سەربور بوونە ئەگەرێ پشتەڤانیێ ئەز بشێم جارەکا دی لڤینان بکەم بۆ کارەکی دی یێ بازرگانی وشیام خو ل سەر پێن خو بگرمە ڤە و ل کارێ بازرگانی دا سەرکەفتنێ بینم.
ئومێد ب ژوان کەسایە یێن گەلەک جاران شکەستن ئینایی و و تا نوکە ژی ب دەفتەران کەفتیە دبن دەینان ڤە و تۆشی ھنگاڤتنەکا ئابووری یا مەزن بوویە، ئومێدی پتردبێژیت: من ڤیا ئەز کۆمپانیەکا کەرەستێن ھشک ڤەکەم و دەمێ من دەست پێکری چۆنکی من چ پلانێن رێکخستی یێن ئابووری نەبوون لەورا من سەرکەفتن نە ئینا و نەشیام سەرکە فتنێ بینم ئینا دەمێ من دەست ب ڤەکرنا وێ کری ژ ھەمی لایەکی ڤە ھەول دان بازرگانبم بەلێ پشتی شکەستیم بێ ئومێد بوم.
چیمەن مسلح خۆدانا پێشانگەھەکا جل و بەرگانە بەحس دکەت و دبێژیت: ل دەڤ گەلەک کەسان یا کار کری ل بەر پێشانگەھێن جلکێن کوردی و یێن فەرمی کارکریە بەلێ چۆنکی ئەو و ھەڤال تۆشی دەینداریێ بووین و کەڤتم و لێ من مفا ژ ھنگاڤتنا وان وەرگرت و نھا پێشانگەھەک ڤەکریە و کەسێن شارەزا داناینە بەر و ئەز خۆدان داھاتەکێ مەزنم یێ کاری و ل ھیڤیێ مە دێ کەمە دوو لقێن پێشانگەھێن جلکا و دێ ھەول دەم پتر سەرکەڤم و پتر کرێکارا دەمە کاری چۆنکی شارەزایەکا باش من وەرگرتیە و بویمە خۆدان ئەزمونێن مەزن دکارێ بازرگانی دا.
س،ب: کارێ کرین و فرۆتنا ئەرد و خانیا دکەت لێ بریکارێن تایبەت ھەنە بۆ کار دکەن ل ناڤ بازاری و ھەموو ژی نھا کار دکەن چۆنکی پەیوەندی یێن کاری بەرفرەە بووینە و شیانێن پتر بەلاڤە بووینە یێن کاری و پتری ھزار پارچێن عەردی من کرینە و نھا کرین و فرۆتنێ پێ دکەم.
رۆژان عەبدولرەحمان عەبدولقادر ئابوور ناس بۆ لاپەرێ بازاری دیارکر ھەر کەتن و شکەستنەکا توش دبیت، دبیتە ئەزموون و سەربوورەک و زانینەک بۆ رۆژ و کارێن بھێت ب پلانەکا گشتگیر و بھێز بۆ کارێ بھێت و سەرکەفتن دێ یا مسوگەر بیت، ئەم نەشیاینە سەربوران ژ کەتنان وەربگرین چونکو ژ دەرڤەی دەسەلاتا مەدایە و ل گەل رەوشا ئابووریا ھەرێمێ ژ دەرڤەی دەسەلات و شیانێن ھەرێمێ دایە، زۆریا ھاتنا ئاواران بو ھەرێمێ و ل سەر ئەڤێ خاکێ دژین ل سەر حسابا خەلکێ وێ و حکومەت و دەسەلاتێ خەلک یێ ژبیرکری.
رۆژانا ئابوور ناس گۆت ژی رەوشا نوکە رێگرە بۆ گۆھورین و سەرکەتنەکا نو ژ ھەر کەتنەکێ و کاریگەریێن دەولی و ناڤخویی، ھەکە دەولەتێ بۆدجەیێ یەدەک و پارەیێ دانای ھەبیت ئەڤە ل رەوشێن ئاسای دا لێ ھەکە نە ئاسایی بیت دبیت پشتی کەتنێ نەشێن ڤەگەرنە دوخێ جاران و رۆژ بۆ رۆژێ لاوازتر بن، ھەکە ھەرێما کوردستانێ بۆدجەیەکێ یەدەک یێ ھەڤکار بیت وەک یەدەک ھەبایە نوکە ئەو رەوشا ھەرێم کەتی یە تێدا ھوسا نە دبوو، ھەردەم کورت ئینان ھەردەم ل بۆدجا حوکمەتا عیراقێ دا ھەیە ژ بەرھەڤپەیمانان داکو فشارێن ئابووری نە کەفنە سەر.
سه‌رۆكێ فره‌نسا په‌يوه‌ندى ب عه‌بادى كر
ئه‌ڤرۆ نيۆز:
سه‌رۆكاتيا جڤاتا وه‌زيرێن عيراقێ راگه‌هاند، ئه‌ڤرۆ پشتى كۆمبوونا ل گه‌ل شاندێ هه‌رێما كوردستانێ ل كۆچكا ئه‌ليزێه، سه‌رۆكێ فره‌نسا په‌يوه‌ندى ب عه‌بادى كر.
ل دووڤ به‌ياننامه‌كا سه‌رۆكاتيا جڤاتا وه‌زيرێن عيراقێ، ئه‌ڤرۆ ئێمانوێل ماكرۆن سه‌رۆكێ فره‌نسا، ب ته‌له‌فۆنێ په‌يوه‌ندى ب حه‌يده‌ر عه‌بادى سه‌رۆك وه‌زيرێن عيراقێ كر.
ل دووڤ به‌يانناما عيراقێ، ماكرۆن وعه‌بادى دووپاتى ل سه‌ر وێ چه‌ندێ كر كو پێدڤيه كێشێن دناڤبه‌را هه‌ولێرێ وبه‌غدا ب رێيا دانوستاندنێ وپێگيريێ ب دستوورى بهێنه چاره‌سه‌ركرن.
ريال مه‌دريد نه‌شيا سه‌ركه‌فتنێ تۆمار بكه‌ت وچو ريزا چارێ
ئه‌ڤرۆ نيۆز:
به‌رى ده‌مه‌كێ كێم ياريا هه‌ردو يانێن ريال مه‌دريد ومێهڤاندارا وێ ئه‌تله‌تيك بيلباو ب ئه‌نجامێ وه‌كهه‌ڤيێ بێ گۆل ب دووماهيێ هات وب ڤى ئه‌نجامى ريال پاشڤه‌چوو رێزا چارێ.
پشتى ڤێ ياريێ، ريال مه‌دريد خالێن خوه گه‌هاندنه 28 خالان ژ 14 ياريان ورێزا سيێ بۆ ئه‌تله‌تيكۆ مه‌دريد هێلا پشتى سه‌ركه‌فتنا وێ ل سه‌ر يانا ريال سوسيداد ب دو گۆلان به‌رامبه‌ر گۆله‌كێ كو ب وێ سه‌ركه‌فتنێ ئه‌تله‌تيكۆ گه‌هشته خالا 30 وپشتى هه‌ردو يانێن به‌رشه‌لونا خودانێ رێزا ئێكێ ب 36 خالان وڤالنسيا خودانا رێزا دويێ ب 31 خالان دهێت.
يانا ئه‌تله‌تيك بيلباو ژى پشتى وه‌كهه‌ڤيا ئه‌ڤ شه‌ڤه ل گه‌ل ريال مه‌دريد، خالا 14 بده‌ستڤه‌ئينا ول رێزا 15 دهێت ل رێزبه‌ندا خۆلا ئيسپانى يا ته‌پا پێى.
يانا نيمارى تووشى ئێكه‌مين دوراندن بوو
ئه‌ڤرۆ نيۆز:
يانا پاريس سان جيرمان سه‌ركێشا خولا فره‌نسى يا ته‌پا پێ، ئه‌ڤرۆ تووشى دوراندنا ئێكێ بوو دڤێ وه‌رزى دا پشتى يانا ستراسبۆرگ ل سه‌ر ئه‌رد خوه شياى ل سه‌ر يانا پاريسى ب سه‌ر كه‌ڤيت ب ئه‌نجامێ 2-1.
گێمێ ئێكێ ب وه‌كهه‌ڤێێ ب گۆله‌كێ ب دووماهى هات، گۆلا ستراسبۆرك ل خۆله‌كا 13 ژلايێ ياريكه‌رێ وێ توتۆ دا كوستا هاته تۆماركرن ول خۆله‌كا 42 كيليان مبابى گۆلا وه‌كهه‌ڤيێ بۆ پاريس سان جيرمان تۆماركر.
ل گێمێ دويێ يێ ياريێ يانا ستراسپۆرگ شيا گۆلا سه‌ركه‌فتنێ ل خۆله‌كا 65 تۆمار بكه‌ت.
دده‌مێ ماى يێ ياريێ نيمار وهه‌ڤالێن خوه نه‌شياى گۆلا وه‌كهه‌ڤيێ تۆمار بكه‌ن وئه‌نجام وه‌كو خوه ما ب سه‌ركه‌فتنا ستراسبۆگ بدو گۆلان به‌رامبه‌ر گۆله‌كێ.
ب ڤى ئه‌نجامى پاريس سان جيرمان هه‌ر ل سه‌رێ رێزبه‌ند خۆلا فره‌نسى ما ب 41 خالان ويانا ستراسبۆرگ شيا خوه بگه‌هينيته رێزا 17 ب 18 خالان.
نێچيرڤان بارزانى سه‌ره‌دانا كوسره‌ت ره‌سول دكه‌ت
ئه‌ڤرۆ نيۆز:
ئه‌ڤرۆ نيچيرڤان بارزانى سه‌رۆك وه‌زيرێن هه‌رێما كوردستانێ وشاندێ دگه‌لدا پشتى ب دووماهى هاتنا كۆمبوونا وان ل گه‌ل سه‌رۆكێ فره‌نسا، سه‌ره‌دانا كوسره‌ت ره‌سول جێگرێ ئێكێ يێ سكرتێرێ گشتيێ ئێكه‌تى نيشتمانى كوردستان ل به‌رلين پايته‌ختێ ئه‌لمانيا كر.
به‌رى چه‌ند هه‌فتيان، كوسره‌ت ره‌سول ژئه‌گه‌رێ تێكچوونا ساخله‌ميا وى وب مه‌ره‌ما چاره‌سه‌ريێ هاتيه هنارتن بۆ به‌رلين وهه‌تا نوكه يێ دبن چاڤدێريا نوشداران دا.
نيشاندان
WP Facebook Auto Publish Powered By : XYZScripts.com