ئه‌ڤرۆ نیوز، هه‌رهین محه‌مه‌د:
ده‌رهێنه‌رێ گه‌نج سامان ئوسمان بۆ ئه‌ڤرۆ نیۆز ئاشكه‌راكر نوكه ئه‌و مژوولى چێكرنا كلیپه‌كێ یه بۆ هونه‌رمه‌ند شڤان په‌روه‌رب ناڤێ (ئازادى) كو ژده‌رهێنان سامان ئوسمان وێنه‌گر محه‌مه‌د بامه‌رنى مونتاژ ئارام محه‌مه‌د ول ژڤانه ل ده‌مه‌كێ نێزیك بهێته به‌لاڤكرن
سامانى گۆتژى: ناڤه‌رۆكا وێ به‌حسێ یه‌گرتنا هه‌موو حزبێن كوردیه وئه‌ڤ كلیپه ل چیایێ سه‌فینى و هه‌ولێرا پایته‌خت هاتیه وێنه‌كرن.
ئه‌ڤرۆ نیوز ، هلۆرى:
وه‌سا بریاره كو ئه‌ڤرۆ ئه‌نجومه‌نا بلند یا ریفراندۆمێ ب سه‌رپه‌رشتیا سه‌رۆكێ هه‌رێما كوردستانێ بهێته ئه‌نجامدان و كو دێ یا تایبه‌ت بیت لسه‌ر به‌رسڤدانا به‌دیلێ داخوازیا وه‌لات و رێكخراوا نه‌ته‌وه‌یێن ئێكگرتیێن ئه‌مریكا ، ئه‌ڤه زێده‌بارى داوى پێشتاتێن هه‌رێما كوردستان و عیراقێ دێ دانوستاندن لسه‌ر هێته‌كرن.
ل گوره‌ى زانیاریێن ئه‌ڤرۆ نیوز وه‌سا بریاره كو ئه‌ڤرۆ ئێڤارى كومبوونه‌كا به‌رفره‌ه لسه‌ر به‌رسڤدانا داخوازیا وه‌لات و رێكخراوا نه‌ته‌وه‌یێن ئێكگرتى بهێـه‌دان كو وه‌سا بریاره ل هه‌ولێر بهێته ئه‌نجامدان.
دهێته چاڤه‌رێكرن كو ده‌مژمێر 3:30 كومبوون ده‌ست پێ بكه‌ت و هه‌موو به‌رهه‌ڤیێن كومبوونێ ژى هاتینه‌كرن.
ئه‌ڤرۆ نیوز، هه‌رهین محه‌مه‌د:
ده‌رهێنه‌رێ گه‌نج هه‌ژار مه‌جید بۆ ئه‌ڤرۆ نیۆز دیاركركو ئه‌و به‌رێ هه‌یامه‌كێ مژولى چێكرنا كلیپه‌كێ بۆ هونه‌رمه‌ند حاجى زاخویى ب ناڤى(به‌لێ به‌لێ) كو ژپه‌یڤ و ئاوازێن هه‌لبه‌ستڤان عه‌بدلعه‌زیز سلێمان.
بو دیتنا کلیپێ ڤێرە کلیک بکە
ئەڤرۆ نیۆز،زنار تۆڤی:
رۆژناما (لا ستامپا) یا ئیتالی د راپۆرتەكێدا ئاماژە ب پارێ داهاتی یێ كوردستانا سەربەخۆ كریە.
وێ رۆژنامێ نڤێسیە کو سەرباری گوشارێن نێڤدەولەتی و هەرێمی بۆ سەر ئەنجامنەدانا ریفراندۆما سەربەخۆیا كوردستانێ،دەستهەلاتدارێن هەرێما كوردستانێ مژۆلی ئامادەكرنا پارەیەكێ خۆمالینە ب ناڤێ (دراو)،کو ل گەل راگەهاندنا سەربەخۆیا كوردستانێدا،ئێكسەر دێ جهێ (دینار) ێ عێراقی گریت.
وێ رۆژناما ئیتالی ئەو دراڤێ بەلاڤکری، وێنێ سەركردێ نەمرێ كوردستانێ مستەفا بارزانی ل سەرە،هەروەسا ئاماژە ب هندێ ژی دایە كو وێنێ قازی محەمەدی سەرۆكێ كۆمارا مهابادێ ژی دێ ل سەر (دراو)ی هێتە دانان.
وێ رۆژنامێ گوتیە،ل سەر وی (دراو)ی هیچ ئاماژەیەك ب زمانێ عەرەبی نەهاتیە نڤێسین،بەلکی بتنێ زمانێ كوردی و ئینگلیزی ل سەرە.
ئەڤرۆ نیۆز،زنار تۆڤی:
سترانبێژێ گەنج مێهڤان بێدوهی شیایە خزمەتەکا باش د وارێ سترانگۆتنێ دا پێشکێشی خەلکێ بکەت و بۆ ئەڤرۆ نیۆز دیارکریە:کو نوکە ئەو مژۆلی کلیپکرنا سترانەکا نوویە ب ناڤێ “بەلێ بۆ ریفراندۆمێ” کو ژ پەیڤ و ئاوازێن هەلبەستڤان جیهاد بابیری نە،هەروەسا ئەڤ سترانە ل ستۆدیویا “زەمان میۆزیک” هاتیە تۆمارکرن،دیسا وی ژی ڤیایە خزمەتا ریفراندۆما سەرخوەبوونا کوردستانێ بکەت.
مێهڤانی گۆت ژی:ئەو هەردەم یێ بەرهەڤە ب دەنگێ خوە خزمەتا هونەر و سترانا کوردی بکەت،دیسا دەرهێنانا ڤێ کلیپێ ژ لایێ “محەمەد ژووری” ڤە بۆ هاتیەکرن و ل ڤان نێزیکان ئەڤ کلیپە دێ بەلاڤە بیت.
ئەڤر نیۆز،شەهلا رێکانی:
بینا قه‌ره‌داغى رێڤه‌به‌را به‌رنامێ پێنجەمین فلمە فیستیڤالا دهوك یا نێڤده‌وله‌تى دیاركر: كو 131 فلم د پێنجەمین فلمە فیستیڤالا دهوك یا نێڤده‌وله‌تى دا پشکدار بووینە دو به‌شێن سه‌ره‌كى هه‌بوون فلمێن سینه‌مایا جیهانى و یا كوردی،فلم د پێشبركێ و ده‌رڤه‌ى پێشبركێ دا هه‌بوون.
هه‌روه‌سا بینایێ گۆت ژی:چار لژنێن دادوه‌را یێن جودا هه‌بوون كو بریارێ ل سه‌ر ڤان فلمان بده‌ن فلمێن كورت و یێن درێژ و فلمێت به‌لگه‌یى ، ب گشتى 4 فلم بوونه خودان خه‌لات.
خه‌لاتێ ئێكێ به‌لگێ زێرى بۆ کو مەزنترین خەلاتێ پێنجەمین فلمە فیستیڤالا دهوک یا نێڤدەولەتی یە،کو بۆ باشترین فلمێ كوردى بۆ،ئەو ژی فلمێ ئالان ب ده‌ستخوڤه ئینا ژ كوردستانێ .
خه‌لاتێ دویێ یێ رێزلێنانا لژنا دادوه‌را بۆ فلمێ تاما كێرڤیشكێ بوو.
هه‌روه‌سا فلمێ جیهانى ردن ئه‌ند ردن ژى خەلاتێ به‌لگێ زێرى وه‌رگرت.
ئه‌ڤرۆ نيوز:
ده‌زگه‌هێ ره‌وشه‌نبيرى و راگه‌هاندنا پارتى ديموكراتى كوردستان وه‌غه‌ركرنا نڤيسه‌ر و رۆژنامه‌ڤان ئه‌حمه‌د ناسر فه‌يلى سه‌رنڤيسه‌رێ رۆژناما “التاخى” وه‌غه‌ركر.
د راگه‌هاندنه‌كێ دا كو دانه‌ك بۆ ئه‌ڤرۆ نيوز ره‌وانه كريه تێدا ئاماژه كريه كو “ب خه‌مه‌كا مه‌زن ڤه ئه‌ڤرۆ هه‌ڤال و هه‌ڤكارێ خۆشتڤى سه‌رنڤيسه‌رێ رۆژناما (التأخى) و كارگێرێ لقا پێنج يێ پارتى ديموكراتى كوردستان رادگه‌هينين”.
ئاماژه ب وێ چه‌ندێ كريه كو ئه‌ڤرۆ رۆژا شه‌مبى رێكه‌فتى 16ى ئيلۆنا 2017ێ ل ده‌مێ ئاخفتنێ دا ل ناڤ هۆلا “ديدارا ديموكراسى و مافێ چاره‌يێ خوه‌نڤيسين” ل باژێرێ سلێمانيێ ژ ئه‌گه‌رێ نه‌خۆشيه‌كێ چوو به‌ر دلۆڤانيا خودێ.
ئەڤرۆ نیۆز،زنار تۆڤی:
ئەڤ شەڤە ل باژێرێ کەرکووکێ پەقینەک روودا،د وێ پەقینێ دا کەسەکێ گیانێ خوە ژ دەستدا و 10 کەسێن دی ژی بریندار بوون.
سەرحەد قادر رێڤەبەرێ پۆلیسێن قەزا و ناحیێن کەرکووکێ دیارکریە،کو پەقین ب رێیا ترۆمبێلەکا بۆمبرێژکری هاتیە ئەنجامدان،دو ترۆمبێل ژی هاتینە سوتن.
عەقید ئەفراسیاو کامل پەیڤدارێ پۆلیسێن کەرکووکێ دەربارەی زیانان گۆتیە،ب ئەگەرێ ڤێ تەقینێ کەسەک هاتیە کوشتن و 10 کەس ژی بریندار بووینە.
ئەڤ پەقینە ل تاخێ عەدەن و ل سەر رێیا بەغدا ل بەرامبەر باژێرێ یاریان روودایە ب رێیا ترۆمبێلەکا بۆمبرێژکری.
ئه‌ڤرۆ نيوز:
حوكمه‌تا بريتانيا راگه‌هاندنه‌ك به‌لاڤكر و تێدا ئاشكه‌را كر كو ئه‌و پشته‌ڤانيێ ل ريفراندۆما هه‌رێما كوردستانێ ناكه‌ن وئه‌ڤرۆ سه‌رۆك بارزانى ل دهۆك ژى گۆت: “چو پێكگوهۆڕ بۆ ريفراندۆمێ نينن و دێ هێته ئه‌نجام دان”.
حوكمه‌تا بريتانيا ب رێيا وه‌زاره‌تا ژ ده‌رڤه يا وه‌لاتێ خوه راگه‌هاندنه‌ك به‌لاڤكريه و ئاماژه ب وێ چه‌ندێ كريه كو ئه‌ڤه دڤێت فوكس ل سه‌ر ژ ناڤبرنا داعش بيت و ئه‌و دژى پشته‌ڤانيا حه‌زا حوكمه‌تا هه‌رێما كوردستانێ نه بۆ پرسا ريفراندۆمێ ل 25ى ئيلۆنێ.
وه‌زاره‌تا ژ ده‌رڤه يا بريتانيا داخوازێ ژ حوكمه‌تا هه‌رێمێ و حوكمه‌تا عيراقێ دكه‌ت كو بچنه سه‌ر دانوستاندنان دا، ديسا ژى دبێژيت دڤێت دانوستاندن ب مه‌رجێ به‌روه‌خت بيت و د سنوردار بن.
ئه‌ڤرۆ ل پارێزگه‌ها دهۆكێ و ل گه‌ل سه‌رۆكهۆزێن عه‌ره‌ب سه‌رۆكێ هه‌رێما كوردستانێ راگه‌هاند كو چو ده‌م بۆ پێگوهۆڕان نه‌مايه و ريفراندۆم ناهێته پاشخستن.
ل دانێ ئێڤارى ژى ل ياريگه‌ها دهۆك و ب ئاماده‌بوونا ب ده‌هان هزار كه‌سان سه‌رۆك بارزانى ته‌كست ل سه‌ر وێ چه‌ندێ كر و گۆت كو ب چو ره‌نگه‌كى ريفراندۆم بۆ سه‌ربه‌خۆيا هه‌رێما كوردستانێ ناهێته پاشخستن.
ده‌قێ راگه‌هاندنێ:
بريتانيا پشته‌ڤانيا حه‌زا حوكمه‌تا هه‌رێما كوردستانێ بۆ ئه‌نجامدانا ريفراندۆمێ ل 25ى ئيلۆنێ ناكه‌ت. ريفراندۆم مه‌ترسيێ ل سه‌ر سه‌قامگێريا ده‌ڤه‌رێ زێده دكه‌ت، د ده‌مه‌كى دا پێدڤيه فوكس ل سه‌ر تێكشكاندنا داعش بيت. ژ به‌ر هندێ بريتانيا پێشنيازا دانوستاندنێ د ناڤبه‌را حوكمه‌تا هه‌رێمێ و حوكمه‌تا عيراقێ دا دكه‌ت ل سه‌ر داهاتيا په‌يوه‌نديێن ناڤبه‌را هه‌ردولا. پێدڤيه دانوستاندن ب مه‌رجێ به‌روه‌خت بن، ده‌م يێ سنوردار بيت، ده‌رباره‌ى هه‌موو بابه‌تێن هه‌ڤركيێ د ناڤبه‌را هه‌ردو لادا. بريتانيا داخوازێ ژ حوكمه‌تا هه‌رێما كوردستانێ دكه‌ت، ئه‌ڤێ ده‌رفه‌تێ ب ده‌ليڤه ببينيت و بچيته ناڤ دانوستاندنێن رژد ل گه‌ل به‌غدا.
نيشاندان