ئه‌ڤرۆ نيوز:
سه‌رۆكايه‌تيا هه‌رێمێ د راگه‌هاندنه‌كێ دا ل دۆر كومبوونا ئه‌ڤرۆ يا سه‌رۆك بارزانى كو ل سحێلا ل ل گه‌ل نوونه‌رێ تايبه‌تێ سه‌رۆكێ ئه‌مريكا و نوونه‌رێن هه‌ڤپه‌يمانان ئه‌نجام داى دياركر كو ئه‌مريكا ل شوونا ريفراندومێ به‌ديله‌ك دايه كوردان، به‌لێ بارزانى دياركريه كو بريارا ريفراندومێ يا پارتێن سياسى يه و ل نێزيك دێ به‌رسڤا وه ده‌ين.
ئه‌ڤرۆ نيوز:
له‌زگين هه‌مزانى، ل دۆر گه‌فێن هادى ئه‌لعامرى كرين كو ئه‌گه‌ر ريفراندوم بهێته كرن ئه‌و دێ شه‌رى ل گه‌ل كوردستانێ كه‌ن، نامه‌يه‌ك بۆ سه‌رۆك بارزانى هنارتيه و گوتيه: ئه‌ز به‌نى ئه‌ز ئێكه‌مين كه‌سێ خوه‌به‌خشم كو ب ناڤێ به‌رگرى مللى ل به‌ر سينگێ عامرى و حه‌شدا شه‌عبى راوه‌ستم، خودێ مه‌زن ل گه‌ل داخوازيێن وه‌يه بۆ بجهئينانا داخوازيێن ملله‌تێ كورد .
ئه‌ڤرۆ نيوز:
بڕياره حه‌فتيا داهاتى به‌رهه‌م سالح جێگرێ سكرتێرێ گشتيێ ئێكه‌تى نشتيمانى كوردستان قه‌واره‌كا سياسى بۆ هه‌لبژارتنێن داهاتى يێن په‌رله‌مانێ كوردستانێ راگه‌هينيت.
قه‌وارێ سياسى يێن به‌رهه‌م سالح هه‌ڤپه‌يمانيه‌كه و دێ پشكدارى هه‌لبژارتنان كه‌ت.
سلێمان عه‌بدولا يونس، كادرێ پێشكه‌فتيێ ئێكه‌تيێ، كو هه‌ڤده‌م كه‌سه‌كێ نێزيكى به‌رهه‌م سالح دهێته نياسين، راگه‌هاند ليستا وى دێ ل حه‌فتيا بهێت هێته راگه‌هاندن.
ده‌رباره‌ى ناڤه‌رۆكا هه‌ڤپه‌يمانيێ سلێمان عه‌بدولا يونس چ تشت بۆ رووداو ئاشكه‌را نه‌كر، گۆت: “حه‌فتيا بهێت دكتور به‌رهه‌م ب خوه دێ هه‌موو هورده‌كاريان ئاشكه‌را كه‌ت”.
ئه‌ڤرۆ نیۆز،زنار تۆڤى:
ئه‌ندامه‌كێ په‌رله‌مانێ عێراقێ ل سه‌ر لیستا پارتى دیمۆكراتى كوردستان بۆ ئه‌ڤرۆ نیۆز دیاركر:ل سپێده‌هیا ئه‌ڤرۆ 14/9/2017 داخوزیه‌ك ژلایێ سه‌رۆك وه‌زیرێن عێراقێ ڤه حه‌یده‌ر عه‌بادى بۆ په‌رله‌مانێ عێراقێ هاتبوو هنارتن،ژ پێخه‌مه‌ت هندێ كو ئه‌و ده‌نگى بده‌ن ل سه‌ر كار لادانا پارێزگارێ كه‌ركوكێ نه‌جمه‌دین كه‌ریمى.
ئۆسمان تاهر دۆسكى ئه‌و په‌رله‌مانتارێ عێراقێ یه ل سه‌ر لیستا پارتى دیمۆكراتى كوردستان زێده‌تر دبێژیت:مه هه‌موو فراكسیۆنێن كوردستانى هولا په‌رله‌مانى بجه هێلا و مه بایكۆتا وێ كۆمبوونێ كر،هه‌ر چه‌نده په‌رله‌مانێ عێراقێ،كو په‌رله‌مانتارێن شیعه و سوننه‌یان ده‌نگ ل سه‌ر ڤى پرۆژه‌ى و دا بریار هاته دان كو نه‌جمه‌دین كه‌ریم پارێزگارێ كه‌ركوكێ ل سه‌ر كارى بهێته لادان،لێ ئه‌ڤ بریاره نه بریاره‌كا یاسایى یه،چونكى پارێزگارێ كه‌ركوكێ ژلایێ ئه‌نجوومه‌نێ وێ پارێزگه‌هێ ڤه هاتیه هه‌لبژارتن،له‌ورا پارێزگارێ كه‌ركوكێ ب بریارا په‌رله‌مانێ عێراقێ ناهێته لادان.
ناڤهاتى زێده‌تر گۆت:ئه‌ڤرۆكه په‌رله‌مانێ عێراقێ شه‌رعیه‌تا خوه ژ ده‌ستدایه،بوویه په‌رله‌مانه‌كێ تائیفى و شۆفینى و چو هه‌ڤپشكى تێدا نه‌مایه،بوویه په‌رله‌مانه‌كێ تاك لایه‌نى،هه‌روه‌سا ئه‌ڤرۆ بریاره‌كا عه‌ره‌بى ل سه‌ر ڤێ پرۆسێ هاتیه‌دان،لێ هه‌ر وه‌كو سه‌رۆك بارزانى و هه‌روه‌سا نه‌جمه‌دین كه‌ریمى گۆتى،كو ئه‌و بریارێن ژ حوكمه‌تا عێراقێ و په‌رله‌مانێ وێ ڤه ده‌ردكه‌ڤن هه‌رێما كوردستانێ پێگیریێ پێ ناكه‌ت،ژبه‌ر ڤێ چه‌ندێ نه‌جمه‌دین كه‌ریم دێ ل سه‌ر كارێ خوه یێ به‌رده‌وام بیت،وه‌كو پارێزگارێ كه‌ركوكێ،دیسا ئه‌ڤ بریارێن وان پتر خه‌لكێ كوردستانێ پال دده‌ن،كو به‌ره‌ف ریفراندۆمێ ڤه بچن،هه‌روه‌سا ئه‌ڤ بریاره دبنه ئه‌گه‌ر كو رێكێن گوتۆبێژكرنێ پتر ل گه‌ل به‌غدا بهێنه گرتن.
وى ئه‌ندام په‌رله‌مانێ عێراقێ ئه‌و ژى گۆت:ئه‌ڤه وێ چه‌ندێ دیاردكه‌ت،كو عێراقا نوكه عێراقا به‌رى 70 سالان نیشان دده‌ت،كو ب هه‌مان شێوێ به‌رى نوكه وان ره‌فتار ل گه‌ل كوردان كریه،وان هه‌ر ڤیایه كوردان پشتگوه بێخن و ببنه دیڤه‌لانك بۆ وان،لێ مه وه‌ك هه‌رێما كوردستانێ ئه‌ڤ چه‌نده ل سه‌ر خوه قه‌بوول نه‌كریه،هه‌روه‌سا ئه‌و ڤان كاران هه‌موویان دكه‌ن،ژ پێخه‌مه‌ت ریفراندۆم نه‌هێته‌كرن،هه‌روه‌سا هه‌ر بابه‌ته‌كێ گرێداى كوردستانێ و نه‌ته‌وا كوردان دا بیت،هه‌مو وپه‌رله‌مانتارێن یێن شیعه و سوونه‌ژى دبنه ئێك ده‌نگ و هه‌ویست و دژایه‌تیا كوردستانێ دكه‌ن،هه‌مبه‌رى وان بابه‌تێن گرێدایى هه‌رێما كوردستانێ بن.
ئه‌ڤرۆ نيوز:
سه‌رۆكێ ليستا برايه‌تى ل كه‌ركووك محه‌مه‌د كه‌مال راگه‌هاند كو جڤاتا پارێزگه‌ها كه‌ركووك پێگريێ ب بڕيارا په‌رله‌مانێ عيراقێ ناكه‌ن ل دۆر ژ كارلادانا پارێزگارێ كه‌ركووك.
ئاشكه‌را ژى كر كو بڕيارا عه‌بادى نه‌يا قانوونى بوو، بڕياره‌كا سياسى بوو، “ئه‌ڤ بڕياره ئارمانجگرتنا پارێزگارى ئه‌وێ ب شه‌ڤ و رۆژ كار دكه‌ت ژ بوو دابينكرنا ئه‌من و خزمه‌تگۆزاريان ل پارێزگه‌هێ”.
محه‌مه‌د كه‌مال خۆيا ژى كر كو ئه‌ڤ بڕياره ژ وێ چه‌ندێ هات ژ ئه‌گه‌رێ بلندكرنا ئالايێ كوردستانێ ل كه‌ركووك و پشته‌ڤانيكرنا پارێزگارى ل سه‌ر ريفراندۆمێ.
بێى ئاماده‌نه‌بوونا فراكسيۆنێن كوردى، په‌رله‌مانێ عيراقێ بڕيارا ژ كارلادانا نه‌جمه‌دين كه‌ريم پارێزگارێ كه‌ركووك دا. بڕيار ب پتريا ده‌نگان هاته په‌سه‌ند كرن، به‌لێ نوكه كوردان ماف هه‌يه تانێ ل وێ بڕيارێ بده‌ن.
نڤيسينگه‌ها سه‌ليم جبۆرى، سه‌رۆكێ په‌رله‌مانێ عيراقێ راگه‌هاند كو حه‌يده‌ر عه‌بادى سه‌رۆك وه‌زيرێن عيراقێ داخوازيه‌ك بۆ لابرنا نه‌جمه‌دين كه‌ريم ئاراسته‌ى په‌رله‌مانێ عيراقێ كريه.
نڤيسينگه‌هێ د به‌ياننامه‌كێ دا ئاماژه ب وێ چه‌ندێ كريه كو ئه‌ڤرۆ داخوازيه‌ك ژ نڤيسينگه‌ها سه‌رۆك وه‌زيرێن عيراقێ گه‌هشتيه وان كو تێدا داخواز كريه په‌له‌مان ده‌نگى ل سه‌ر كارلادانا نه‌جمه‌دين كه‌ريم پارێزگارێ كه‌ركووك بده‌ت.
ئه‌ماژه ب وێ چه‌ندێ ژى كريه كو داخوازى ب گۆره‌ى مادێ حه‌فت يێ سالا 2008ێ يا قانوونا پارێزگه‌هان كو نه‌يا گرێدايه هه‌رێمێ يه كريه.
كازم سيادى ئه‌ندامێ په‌له‌مانێ عيراقێ رۆژا 29ى ته‌باخێ داخوازا ژ كار لادانا پارێزگارێ كه‌ركووك ژ پۆستێ وى كربوو بۆ ڤێ مه‌ره‌مێ ژى 128 ئه‌ندامێن په‌رله‌مانێ عيراقێ ئيمزا كريه بۆ ڤێ مه‌ره‌مێ كۆم كرينه.
پێشتر د به‌رنامه‌كێ ته‌له‌ڤزيۆنى دا نه‌جمه‌دين كه‌ريم پارێزگارێ كه‌ركووك راگه‌هاند كو په‌رله‌مانێ عيراقێ باوه‌ريێ نه‌دايێ هه‌تا ژێ وه‌ربگريت، ئه‌وى باوه‌رى يا ژ جڤاتا پارێزگه‌هێ وه‌رگرتى و گۆت: “زێده‌ترى نيڤا خه‌لكێ كه‌ركووك ده‌نگێ دايه من و هندى من ب هه‌لبژێرن، دێ هه‌ر وه‌كو پارێزگار مينم”.
ئه‌ڤرۆ نيوز:
په‌رله‌مانێ عيراقێ چه‌نده‌كێ به‌رى نوكه ده‌نگ ل سه‌ر ژ كارلادانا پارێزگه‌رێ كه‌ركووك ژ پۆستێ وى دا.
ب گۆره‌ى ئه‌و پێزانينێن ل به‌ر ده‌ستێ ئه‌ڤرۆ نيوز، بێى ئاماده‌نه‌بوونا فراكسيۆنێن كوردى، په‌رله‌مانى بڕيارا ژ كارلادانا نه‌جمه‌دين كه‌ريم پارێزگارێ كه‌ركووك دا.
بڕيار ب پتريا ده‌نگان هاته په‌سه‌ند كرن، به‌لێ نوكه كوردان ماف هه‌يه تانێ ل وێ بڕيارێ بده‌ن.
نڤيسينگه‌ها سه‌ليم جبۆرى، سه‌رۆكێ په‌رله‌مانێ عيراقێ راگه‌هاند كو حه‌يده‌ر عه‌بادى سه‌رۆك وه‌زيرێن عيراقێ داخوازيه‌ك بۆ لابرنا نه‌جمه‌دين كه‌ريم ئاراسته‌ى په‌رله‌مانێ عيراقێ كريه.
نڤيسينگه‌هێ د به‌ياننامه‌كێ دا ئاماژه ب وێ چه‌ندێ كريه كو ئه‌ڤرۆ داخوازيه‌ك ژ نڤيسينگه‌ها سه‌رۆك وه‌زيرێن عيراقێ گه‌هشتيه وان كو تێدا داخواز كريه په‌له‌مان ده‌نگى ل سه‌ر كارلادانا نه‌جمه‌دين كه‌ريم پارێزگارێ كه‌ركووك بده‌ت.
ئه‌ماژه ب وێ چه‌ندێ ژى كريه كو داخوازى ب گۆره‌ى مادێ حه‌فت يێ سالا 2008ێ يا قانوونا پارێزگه‌هان كو نه‌يا گرێدايه هه‌رێمێ يه كريه.
كازم سيادى ئه‌ندامێ په‌له‌مانێ عيراقێ رۆژا 29ى ته‌باخێ داخوازا ژ كار لادانا پارێزگارێ كه‌ركووك ژ پۆستێ وى كربوو بۆ ڤێ مه‌ره‌مێ ژى 128 ئه‌ندامێن په‌رله‌مانێ عيراقێ ئيمزا كريه بۆ ڤێ مه‌ره‌مێ كۆم كرينه.
پێشتر د به‌رنامه‌كێ ته‌له‌ڤزيۆنى دا نه‌جمه‌دين كه‌ريم پارێزگارێ كه‌ركووك راگه‌هاند كو په‌رله‌مانێ عيراقێ باوه‌ريێ نه‌دايێ هه‌تا ژێ وه‌ربگريت، ئه‌وى باوه‌رى يا ژ جڤاتا پارێزگه‌هێ وه‌رگرتى و گۆت: “زێده‌ترى نيڤا خه‌لكێ كه‌ركووك ده‌نگێ دايه من و هندى من ب هه‌لبژێرن، دێ هه‌ر وه‌كو پارێزگار مينم”.
ئەڤرۆ نیۆز،زنار تۆڤی:
هەلبژارتیێ ئەلمانیا پێشەنگا رێزبەندیا گشتی یا جیهانی گرتیە و هەلبژارتیێ ئیسپانیا ژی دناڤا 10 باشترین هەلبژارتیان دا نینە.
مالپەرێ فەرمی یێ فیدراسیۆنا تەپا پێ یا جیهانی نووترین رێزبەندیا هەلبژارتیێن جیهانی بەلاڤکریە و ئەلمانیا ب کۆمکرنا 1606 خالان ل پلا ئێکێ یا رێزبەندیێ دایە و بەرازیل ژی د پلا دویێ دایە ب کۆمکرنا 1590 خالان.
د رێزبەندیا نوودا هەلبژارتیێ ئیسپانیا دناڤا 10 هەلبژارتیێن ئێکێ دا نینە و ب کۆمکرنا 1184 خالان ل پلا یازدێ دایە و ئینگلتەرا ژی سەرەرای وی ئاستێ بلند یێ ل ڤاڤارتنێن مۆندیالێدا پێشکێش کری ل پلا پازدێ دایە و خودانا 1056 خالانە.
د وێ رێزبەندیێ دا هەلبژارتیێ عێراقێ ل پلا 88 دایە و خودانا 400 خالانە،هەلبژارتیێ ئیرانێ ژی پشتی گەهشتیە مۆندیالێ د پلا 25 یا ریزبەندیێ دایە و ل پێشەنگا رێزبەندیا هەلبژارتیێن ئاسیا دایە ب کۆمکرنا 865 خالان.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 14ى ئيلۆنا 2017ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1265 |
| 1 يۆرۆيێ ئه‌ورۆپى | 1505 |
| 1 ليرێ توركى | 365 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
نيشاندان
