ئەڤرۆ نیوز ، نەوزاد هلوری
سیاسەتمەدارێ کورد مەحمود عوسمان دیارکر کو لسەر ئاستێ جڤاکێ نیڤدەولی کارەساتا شنگال ب جینوساید هاتیە نیاسین.
مەحمود عوسمان ب هەلکەفتا دەربازبوونا سێ سالان لسەر قوربانیێن کارەساتا شنگالێ و وان کەسانێن کو هەتا نها د دەستێ داعشێ دانە هەڤخەمیا خوە دەربری و بو ئەڤرۆ نیوز گۆت: ( کارەساتا شنگالێ کارەساتەک مەزن و بێ میناک بوویە و هەموو جیهان هژاند ، ژبەر مەزناهیا وێ نها ب رەنگەک بەرفرەه ئەڤ کارەساتە ب جینوساید هاتیە حسابکرن ژلایێ جڤاکێ نیڤدەولی)
زێدەتر گۆت: (پێدڤی یە لایەنێن شولەژێ بزاڤێن خورت بکەن بو رزگارکرنا ئەوان کەسانێن کو هەتا نها د دەستێ داعش دا مایی و ئەوێن کو وەکو بەندە هاتینە حسابکرن و سەرەدەری ل گەل دهێتەکرن ، و پێدڤی یە قەرەبو و هەڤکاری هەموو قوربانیێن کارەساتا شنگالێ بهێتەکرن ، دیسان هەموو بزاڤ بهێنە خورتکرن بو ژناڤبرنا ئێکجاری یا داعشێ ل عیراق و سووریا و هەموو جیهانێ پشتی سەرکەفتنا وان ل موسل و رەقە)
سیاسەتمەدارێ کورد لسەر پێگەهێ پەیچێ خوە دیارکر ژی کو پێدڤی یە ل گەل رێزگرتنا کارەساتا شنگال د هەمان دەم دا پێدڤی یە رێز ل قوربانیدان و خەبات و خوونا پێشمەرگێن قارەمان ژی بهێتەگرتن.
ئەڤرۆ نیوز ، نەوزاد ھلۆری:
نیڤرویا ئەڤرۆ ھێزەکا جلوبەرگ رەش ژ نیشکەکێڤە ب سەر بنگەھێ خێرخوازی بارزانی گرت ل سەر چیایێ شنگاڵ و زیانێن ماددی گەھاندینە دەزگەھی ، و قایمقامێ شنگالێ ژی بو ئەڤرۆ نیوز ئەگەرێن ھێرشا وان ئاشکرا دکەت.
مەحما خەلیل قایمقامێ قەزا شنگاڵ بو ئەڤرۆ نیوز گۆت: (ب مخابنیڤە ئەڤرۆ ھەموو دەڤەرێن ھەرێما کوردستانێ ب گشتی و شنگال و ئێزدی ب تایبەتی مژولێ ساخکرنا سێ سالیا کارەساتا شنگالێ و سەر ئێزدیانە ، کو رۆژەک خویناوی و رەش بوویە د دیروکا ئێزدیان دا ، شوونا کو پەکەکە پشکدارێ خەمێن ئێزدیان بیت نیڤرۆیا ئەڤرۆ ھێرشەکا درندانە بو سەر بنگەھێ خێرخوازی بارزانی کریە و ھەموو دنیا دزانیت کو دەزگەھێ بارزانی د بوری و نھا چەند خزمەت بو کوردێن ئێزدی و ئاوارەیان کریە ب تایبەتی وان ئێزدی و ئاوارەیێن کو نھا لسەر چیایێ شنگالێ و دەردورا وێ دژین)
زێدەتر گۆت: ( مەرەما سەرەکی یا پەکەکێ ئەو بوویە کو ئالایێ کوردستانێ لسەر دەزگەھێ بارزانی و سەر چیایێ شنگاڵی بینن خوار ، بەلێ ب ھیمەتا پێشمەرگێن قەھرەمان و شەرکەرێن ئێزدی چوو ھێزەک نەشێت دەستدرێژیان بکەتە سەر چیایێ شنگاڵ و ئەو دام و دەزگەھێن کو ل شنگاڵ و دەوروبەر خزمەتا خەلکێ دەڤەرێ دکەن)
قایمقامێ شنگالێ د درێژاھیا ئاخفتنێن خودا دیارکر ژی کو ئەو ھێزا پەکەکێ ژ نیشکەکێڤە ھێرش بو سەر بنگەھێ بارزانی کریە و زیان گەھاندینە دەرگەە و پەنجەرێن ئاڤاھیێ دەزگەھی و گۆت ژی: (ھەتاکو کارمەندێن دەزگەھی ئاسایش ئاگەھدارکرین و گەھشتینە جھێ روودانێ پەکەکە ژی نەماینە وێرێ ، و چەندین جاران مە گوتیە پەکەکە دەڤەرێ چوول بکەن بەلێ ھەتا نھا دەڤەر چول نەکرینە)
ئەڤرۆ نیوز بێوار حسێن:
دچاروڤێ دوڤگەران و پشکنینان بو ناڤ سەنتەرێ قەزا سوران و دوروبەران ١٣ کەس لسەرا چەند کارەکێن نەرەوا مینا دزیێ ھاتنەگرتن.
دڤی واریدا ” ھەوار ئەرگوشی” بەرپرسێ راگەیاندنی پولیس سوران بۆ ئەڤرۆ نیوز گوت: ( د درێژاھیا چالاکیێن خوە دا وەکو پولیسێن سوران بو پاراستنا سەر و مالێ وەلاتیان ئەڤرۆ د ھەەکا لێگەران و پشکنینی َدا شیاین ١٣ کەسان بگرین کو پێشتر چەند دزی ل قەزا سوران و دەروبەران کربوون)
زێدەتر گۆت: (پرانیا ئەو تشتێن کو ھاتینە دزین ترومبێل و ماتورسکل و موبایل و چەک و پارە بوون ، و مە ھەموو جارەک دن بو خودانێن وان زڤراندن ڤە)
ئەڤرۆ نیوز ، نەوزاد ھلۆری:
ل ژێر چاڤدێریا نێچیرڤان بارزانی سەرۆكێ حکومەتا ھەرێما کوردستانێ و ب بەرھەڤبوونا ھژمارەکا کەسایەتی و کونسول و نونەرێن وەلاتێن جیھانێ و کوردێن ئێزدی سێیەمین سالرۆژا کارەساتا شنگاڵی ل دھۆکێ ھاتە ساخکرن ، و نێچیرڤان بارزانی گوتارەک پێشکێشکر و تێدا تیشک ئێخستە چەند تەوەرەکان ژ وانان رەوشا کوردێن ئێزدی و بزاڤێن حکومەتا ھەرێما کوردستانێ بو رزگارکرنا ئەوان کچ و ژنێن ئێزدیێن کو ھەتا نھا د دەستێ داعشێ دانە ، و دیارکر ژی کو نھا رەوشا دارایی یا کوردستانێ بەر ب باشتر دچیت.
نێچیرڤان بارزانی سەرۆکێ حکومەتا ھەرێما کوردستانێ دیارکر کو کارەساتا شنگاڵی گەلەک یا ب ئازار و خەمناک بوو ، بو گەلێ کورد کو ئەو ژی کوشتن و رەڤاندنا کچ و ژن و زاروک و پیر و پەکفتێن ئێزدی بوون و گۆت: (حکومەتا ھەرێما کوردستانێ ھەردەم لدوڤ گازیا کوردێن ئێزدی چوویە و بزاڤ کرینە ئێش و ژانێن کارەساتا شنگاڵی ب سەر گەلێ ئێزدی کێم بکەت ، ل گورەی شیانان حکومەتا ھەرێما کوردستانێ بزاڤان بو ئاڤەدانکرنا شنگاڵ و دەڤەرێن ئێزدی نشین و دەڤەرێن دن دکەت داکو تابلویا پێکڤە ژیانا ئاینی و نەتەوەیی ل ھەرێما کوردستانێ یا بەردەوام بیت و مە نەڤێت ب تێکچوونا تابلویا پێکڤە ژیانێ کەیفا دوژمنان ب مە بھێت ، ژ بەرڤێ سووزێ ددەین کو ب ھەموو ھەول و بزاڤ و شیانێن خوڤە کار بو ئاڤەدانکرن و باشترکرنا رەوشا ئەمن و ئاسایشا شنگاڵ و دەڤەرێن دن بکەین داکو خەلکێ ئەوان دەڤەران ژی بشێن ڤەگەرێنە سەر دەڤەرێن خوە)
زێدەتر گۆت: ( ژ مێژە مە ئەو یەک زانیە کو ئەو چەکێ د دەستێ ھێزێن پێشمەرگەی دا ب کێر بەرەڤانیکرن ژخوە ناھێت ، بەلێ ژ بەر چەند ئەگەرەکان مە نەشیا چەکێ پێشکەفتی و پێدڤی دەستخوڤە بینین ، بەلێ پشتی کو داعش بو عیراقێ و دەڤەرێن ڤەقەتیایێن ھەرێما کوردستانێ ژ ئەنجامێ شکەستنا سوپایێ عیراقێ ھاتین و چەک و تەقەمەنیێن سوپایی عیراقێ کەفتینە دەست داعش و د ئەنجام دا ھژمارەکا زورا پێشمەرگەیان ھاتینە شەھیدکرن و چەندین دەڤەر کەفتینە دەست داعش و کارەساتێن مینا شنگاڵ درۆست بوین ، پێشمەرگە نەچاربوون ب دوڤ رێیەکا دن بگەرێن بو دەستکەفتنا چەکێن پێدڤی)
نێچیرڤان بارزانی سەرۆکێ حکومەتا ھەرێما کوردستانێ د درێژاھیا ئاخفتنێن خودا دیارکر ژی کو حکومەتا ئێک لدوڤ ئێکێ یێن عیراقێ گەلەک سووز ب خەلكێ ھەرێما کوردستانێ داینە بەلێ ژ ئەنجامێ شکاندنا ئەوان سووزان ٧٢ فەرمان بتنێ ب سەرێ ئێزدیان ھاتینە و گۆت ژی: ( ھەتا نھا ھێشتا حکومەتا عیراقێ ھێزێن پێشمەرگەی ھەڤبەشێ سوپایێ عیراقێ نەکریە ئەڤە د دەمەکێ دایە کو ل گورەی دەستوورێ عیراقێ پێشمەگە پشکەکە ژ سوپایێ عیراقێ و وەکو پێدڤی چەکێن پێشکەفتی ب وان نەداینە ، و د بەرامبەر دا ژی حکومەتا عیراقێ ھەموو جورێن چەکێ پێشکەفتی ب ھێزێن حەشد شەعبی داینە کو ل گورەی دەستووری ھێزێن حەشد شەعبی ھێزەکا قانوونی و دەستووری نینە)
د گوتارا خودا دیارکر ژی کو گەلێ کورد ھەموو رێکێن قانونی و دەستووری ل گەل عیراقێ بو ب دەستڤەئینانا ئەرک و مافێن خوە تاقیکرینە بەلێ چوو ئەنجام نەبوینە و گۆت ژی: (دەنگێ کوردێن ئێزدی د سەرئێخستن و پشتەڤانیکرنا ریفراندۆمێ بو سەربەخویی یا کوردستانێ دەنگەکێ گرنگە ودەنگێ کارەسات و ئەوان ئێش و ژانایە یێن کوردێن ئێزدی ب دەستی داعش دیتین ، و لژێر سیبەرا حکومەتا ھەرێما کوردستانێ زێدەتری 3ھزار کوردێن ئێزدی لژێر دەستێ داعش ھاتینە رزگارکرن و ل ڤێرە سوپاسیا ھەموو وان کەس و لایەنان دکەین یێن کو ھەڤکاربوین بو زڤراندن و ڤەگەراندنا وان ، و سوپاسیا خەلکێ پارێزگەھا دھۆکێ دکەین کو دەرگەھێن مال و مزگەفتێن خوە ڤەکرین دەما کو ئێزدی ئاوارەیێ پارێزگەھا دھوکێ بووین مل ب ملی وان کەمپێن کو حکومەتا ھەرێما کوردستانێ بو ئاوارەیان درۆستکرین)
نێچیرڤان بارزانی سەرۆکێ حکومەتا ھەرێما کوردستانێ دیارکر ژی کو نھا رەوشا دارایی و ئابووری یا حکومەتا ھەرێما کوردستانێ بەر ب باشترڤە دچیت و داویێ گوت: (ھەول و بزاڤێن حکومەتا ھەرێما کوردستانێ بو باشترکرنا ژین و ژیانا وەلاتیان ب گشتی و کوردێن ئێزدی د بەردوامن و داخوازێ ل خەلکی کوردستانێ ژی دکەم کو زێدەتر ھەڤکاریا کوردێن ئێزدی بکەن)
ئەڤرۆ نیوز ، نەوزاد ھلۆری:
نڤسەر و ڤەکولەرەکێ دواری جینوسایدێ دا ل دەڤەرا بارزان دنووترین کارێ خوە دا 13 پەرتووک لسەر جینوسایدا کوردێن ئێزدی درۆستکرینە و دخوازیت کو لایەنێن پەیوەندیدارێن کومکرنا بەلگەیێن جینوساید ناساندنا ئیزدیان مفایی ژێوەربگرن و چاپ و بەلاڤ بکەن.
رێبوار رەمەزان بارزانی نڤیسەر و ڤەکولەرێ شارەزا د وارێ جینوساید و کومەلکوژی و ئەنفالان دا دیارکر کو پرۆژێ درۆستکرنا پرتووکان لسەر جینوسایدان دێ ھەموو جینوسایدێن کوردستانێ بخوڤە دگریت و بۆ ئەڤرۆ نیوز گۆت : ( پرۆژێ ھزرا درۆستکرنا پەرتووکان لسەر جینوسایدا کوردستانێ ژ مێژە ل دەڤ من ھەیە و ئەز کار لسەر دکەم و ھەتا نھا چەندین پەرتووک لسەر جینوسایدا گەلێ کورد من درۆستکرینە و داینە دەست جھێن شولەژێ داکو مفا ژێ بھێتە وەرگرتن و ھندەک ژوان د سکتەرێن پەروەردێ دا دھێنە خواندن ، و ئەڤ پەرتووکە ژی ژ بلی زمانێ کوردی بوو چەند زمانێن دن ژی ھاتینە وەرگێران ژ وان زمانێ عەرەبی ، زمانێ ئینگلیزی ، زمانێ فارسی و زمانێ تورکی ژ بەرکو بەھرا پتریا جینوسایدێن کوردستانێ لسەر دەستێ ئەڤان وەلاتان بوویە )
نڤیسەر و ڤەکولەرێ تایبەت د وارێ جینوسایدێ دا رێبوار رەمەزان بارزانی لسەر قوناغێن چێکرنا پەرتووکێن جینوسایدێن کوردستانێ دیارکر ژی کو ئەڤ پرۆژەیە پێکدھێت ژ زانیاری و بەلگە و وێنە و دیدەڤانان ل سەر زارێ وان کەسانێن کو جینوساید ب سەری ھاتینە و گۆت : ( ل گورەی شیانێن خوە ئەز ئەڤان پەرتووکان ب رێزبەندا مێژویی ب باشترین داتا و د گونجاوترین پەرتووک ب ناڤەروکێن سەردەم و ئەکادیمی درۆست دکەم ھەر ژ دەستپێکا درۆستبوونا جینوسایدێ ژ ڤەگوھاستن و کومکوژی و توپبارانکرن و ئاوارەبوون و سێدارەدان و سووتن د ھەردوو ژینگەھێن مروڤ و سرۆشتی دا ژ بەرکو خراپکرنا ژینگەھا مرۆڤان ژی جورەکێ جینوسایدێ یە و مەرەم ژی نەھێلانا ژیانێ یە لسەر روویێ وی جھێ جینوساید بەرامبەر ھاتیەکرن )
زێدەتر گۆت : ( سەرجەم ئەو بزاڤا ئەز دکەم بێ بەرامبەر دھێتەکرن واتە پەرتووک بێ بەرامبەر لسەر وەلاتیان بەلاڤکرن ب تایبەتی بوو کەس و کارێن جینوسایدکریان ، و من زور شەڤ رۆژ تێکەلکرینە ھەتا کو من شیایی چەندین پەرتوەکان لسەر جینوسایدێن کوردستانێ درۆست بکەم )
نڤیسەر و ڤەکولەری 13 پەرتووک لسەر جینوسایدا ئێزدیان درۆستکرینە
رێبوار رەمەزان بارزانی د درێژاھیا ئاخفتنین خودا دیارکر ژی کو ھەتا نھا وی زێدەتری 12نەھـ پەرتووک چاپکرینە و 18 ژی لژێر چاپکرنێ نە و سێ ژی لژێر نڤیسان و ڤەکولینێ دانە و گۆت : ( بەھرا پتریا ئەو کارێن من کرین لسەر جینوسایدا بارزانیانە ژ بەرکو ئەز بخوە کورێ جینوسایدکریەکێ بارزانمە و ل دەڤەرا بارزان ئاکنجی مە و پتر شارەزایی د جینوسایدا بارزانیان دا ھەیە ، بەلێ د ھەمان دەم دا جینوسایدێن دەڤەرێن دن ژی د پرۆژەیێ من دا ھەنە و بەردەوامم لسەر چێکرنا پەرتووکێن جینوسایدێ ، بەلێ ھاتنا چەکدارێن دەولەتا ئیسلامی ل عیراق و شامێ کو ناسیار ب داعش بوو دەڤەرێن کوردنشین ب تایبەتی ئیزدیان و ئەنجامدانا چەندین جینوساید و کومەلکوژی و خراپکرن و ب تالانبرنا سەروەت و سامانێ وان بوویە سەدەم کو ئەز وەکو کورە شەھیدەک بەرامبەر ڤێ یەکێ نەراوەستم و ب دویڤ کومکرن و نڤیسینا زانیاریێن جینوسایدا ئێزدیان ژ دەستپێکێ ھەتا نھا بگەریێم ب رێیا راگەیاندن و سەرەدانێن مەیدانی و کەسایەتی و خەلکێ ئێزدی و سوپاس بوو خودێ دماوەیێ بوری دا شیام 60 ھزار لاپەرێن زانیاریان کوم بکەم و دیڤدا من ئەو زانیاری ڤاڤارتن و 13 پەرتووکان دا تومارکرن ژوان پرتوکان ” جینوسایدا کوردێن ئێزدی ، تراژیدیا چیایێ شنگالێ ، کرین و فروتنا ئافرەتانێن جینوسایدێن ئێزدیان ، ژ چیایێ مرنێ بوو پرا ژیانێ ، رزگاربوون ژ مرنێ ، نەتەوەیێن ئێکگرتی و کوردێن ئێزدی و پرتوکەکا دن کو تێکەلە دگەل چەند جینوسایدەکێن دن و بەشەکێ ژ وێ پەرتووکێ بوو جینوسایدا ئێزدیان ھاتیە تەرخانکرن و ھەر ئێک ژ ڤان پەرتووکان لسەر چەند تەوەرەکان ھاتینە بەحس و ڤەکولینکرن ، بەلێ ھەتا نھا چوو ژ وان نەھاتینە چاپ و بەلاڤکرن)
ل دوماھیێ گوت : ( ھەتا کو ئەو پەرتوکێن من لسەر جینوسایدا ئێزدیان چێکری بھێنە چاپ و بەلاڤکرن ئەز پێدڤی ب 50 ملیون دینارامە ژ بەرکو پەرتوکێن من ژ 60 ھزار بەرپەران پێکدھێن و پێدڤی یە ب رەنگاو رەنگ ژی بھێنە چاپکرن)
ئەڤرۆ نیوز ، نەوزاد ھلۆری:
ئەندامەکێ جڤاتا روحانیا ئێزدیان دیارکر کو کارەساتا شنگاڵی ب چەند چالاکیان ئەڤرۆ دێ ل سەنتەرێ دھوکێ ھێتە ساخکرن ، و ژلایەکێ دنڤە کوری َمیرتەحسین بەگ دیارک رکو ئەوان پێنەخوشە کو چەند گوندەکێن ئێزدیان ژلایێ حەشد شەعبی ھاتینە کونترولکرن.
قەوال بەھزاد ئەندامێ جڤاتا روحانیا ئێزدیان بو ئەڤرۆ نیوز گۆت: ( ئەڤرۆ لژێر چاڤدێریا رێزدار نێچیرڤان بارزانی سەرۆکێ حکومەتا ھەرێما کوردستانێ کارەساتا شنگاڵ دێ ل دھوکێ ھێتە ساخکرن و تێدا چەندین قونسول و کەساتیێن نافخوە و جیھانێ دێ پشکداربن و چەندین چالاکی ھێنە ئەنجام دان)
ژلایەکێ دنڤە عسمەت میر تەحسین بەگ جێگرێ میرتەحسین بەگ بۆ ئەڤرۆ نیوز گۆت: ( ھەتا نھا زێدەتری سی َھزار کچ و ژنێن ئێزدی د دەستێ داعشێ دانە کوپ رانیا وان ل رەقەیایێ نە و ھندەک ژی ل حەویجە و تەلەعفەر و وان جھانە یێن کو د دەستێ داعشێ دا مایی بەلێ بزاڤێن خورت بو رزگارکرنا وان ژلایێ نێچیرڤان بارزانی و حکومەتا ھەرێما کوردستانێ دھێنە ھاڤێتن)
زێدەتر گۆت: (چوو گوندێن ئێزدیان د دەستێ داعشێ دا نەماینە بەلێ ئەم ناخوازین و پێنەخوشە کو ھندەک گوندێن ئێزدیان ژلایێ حەشد شەعبی ھاتینە کونترولکرن و دخوازین کو لژێر دەستێ وان بھێنەدەر و بکەڤن بن کونترولا پێشمەرگەی)
ئەڤرۆ نیوز ، نەوزاد ھلۆری:
وەکو پشتەڤانیەک بۆ پرۆسەیا ریفراندۆمێ و بیرئینانا وەلاتیان داکو پشکداریێ ب بەلێ د ریفراندۆمێ دا بکەن ، وەلاتیەکێ ناحیا دێرەلوک یا سەر ب قەزا ئامێدیێ سەرتراشخانەیەک بناڤێ ریفراندۆم ڤەکر.
دڤی واریدا “جەلال سەلیم رێکانی ” خودانێ سەرتراشخانا ریفراندۆم بۆ ئەڤرۆ نیوز گۆت: (ژ مێژە گەلێ کورد خەبات و قوربانیدانێ دکەت داکو رۆژەک بھێت ئەو ژی وەکو ھەموو گەلێن جیھانێ ب مافێن خوەیێن رەوا شاد بیت ب تایبەتی دەولەتبوون و سەربخوی ، ژبەرڤی َمن ژی وەکو پشتەڤانیەک بو سەرئێخستنا ریفراندۆمێ ب فەردیت ناڤێ سەرتراشخانا خوە بکەم ریفراندۆم داکو ب ڤێ رێکێ بیرا ھەموو وەلاتیان بینم کو سەرئێخستنا ریفراندۆمێ ئەرکەکێ نیشتمانی و نەتەوەیی و ئاینی یە)
زێدەباری کو ناڤبری کارێ سەرتراشیێ دکەت د ھەمان دەم دا ئێکە ژ وان پێشمەرگێن قارەمان کو ل سەنگەران بەرامبەر چەکدارێن داعش بەرەڤانیێ ژ ئاخا کوردستانێ دکەت و دڤی واریدا گۆت : (ئەز پێشمەرگەمە لسەر ھێزا ٣٢ یا پێشمەرگێ کوردستانێ و ل دەڤەرا عەوێنات یا سەر ب قەزا شنگالێ دەوامێ دکەم و دەما کو ڤەدگەرم ل ناحیا دێرەلوک رۆژانێن خوە ل دوکانا خوە یا سەرتراشیێ دبوریم و ب بھایەکێ گونجای کو ژ سێ ھزار دیناران نابوریت پرچێن وەلاتیان د تراشم)
ناڤبری ل سالا ١٩٩٤ ژ دایکبویە و خێزاندارە و چوار زاروک ھەنە و ل ناحیا دێرەلوک یا سەر ب قەزا ئامێدیێ ئاکنجیە.
ئهڤرۆ نیوز:
ل گۆری گۆتنا بهرپرسهكێ كورد، بهغدا رێ بدهت یان نهدهت رێفراندۆما سهرخوهبوونا كوردستانێ دێ هێته كرن و پشتی رێفراندۆمێ ههلوهستێ بهغدا دێ هێته گوهرین.
محهمهد ئێحسان، بهرپرسێ پێشتر یێ دهڤهرێن كوردستانی یێن دهرڤهی ئیدارا ههرێما كوردستانێ بۆ ئاژانسا ئهنادۆلێ گۆت: بهغدا پشتی رێفراندۆمێ دێ دانپێدانێ ب گوهرینێن نهخشهیێ سیاسی یێ ههرێمێ كهت.
ئێحسانی گۆت ژی: پشتهڤانییا نێڤدهولهتی بۆ سهرخوهبوونا كوردستانێ ههیه، چ وهلاتهك دژی مافهكێ رهوا مینا رێفراندۆما ههرێما كوردستانێ نینه، ئهو ئالیێن دژی رێفراندۆمێ باوهری ب ماف و دیمۆكراسیێ د ناڤ سنۆر و دهرڤهی سنۆری خوه نینه، نها یا گرنگ ئهوه كار بۆ ئهنجامدانا رێفراندۆمێ د دهمێ خوه دا بهێته كرن، زلهێزێن جیهانی ل وی دهمی دێ ههلوهستێ خوه دیار كهن.
ناڤهاتی خویا كر: كوردستانا سهربخوه نه ل سهر توركیا یان ههر جیرانهكێ دی گهف نابیت.
ههروهسا وی بهرپرسێ كورد دوپات كر كو رێفراندۆم ل دهڤهرێن كوردستانی كو نها ژ ئالیێ پێشمهرگه ڤه دهێنه پاراستن ژی دێ هێته كرن، ههروهسا ئهو ناوچهیێن كوردستانی یێن نه د شیان دا رێفراندۆم لێ بهێته كرن دێ وهك ناوچهیێن كوردستانێ هێنه ههژمارتن.
ئەڤرۆ نیوز، ھەرھین محەمەد:
بەلاڤبوونا وێنەیێن کەژێ ھاوتا ل باوەشا گەنجەکێ ل تورێن جڤاکی زورترین ئاخفتن لسەر ھاتنەکرن و پرانیا پشکدارێن تورکێن جڤاکی ھوسا ھزرکر کو کەژێ شووکریە ، بەلێ د راستی دا ئەو گەنجێ کو ل باوەشا وێ دھێتەدیتن برایێ وێ یە بناڤێ یوسف ھاوتا.
کەژێ ھاوتا لسەر پێگەھێ تایبەتیێ خوە ل تورا جڤاکی یا ئەنستاگرامێ نووترین وێنەیێ خوە ل گەل برایێ خوە یوسف ھاوتا بەلاڤکر و ل دەستپێکێ پشکدارێن تورێن جڤاکی وەسا ھزرکر کو کەژێ شوکریە ، بەلێ بەلاڤبوونا وێنەیێن کەژێ ھاوتا و یوسف ھاوتا دووبارە لسەر پێگەھێ تایبەتیێ یوسف ھاوتا دوپاتکر کو کەژێ شوونەکریە و ئەو گەنجەکێ کو ل باوەشا کەژێ برایێ وێ یە بناڤێ یوسف ھاوتا.
برایێ کەژێ ددەتن دیارکرن کو ئەو سوپاسیا خوشکا خوە کەژێ دکەت کو ھەموو مەزاختنێن جەژنا ژ دایکبوونا وی ب ستویێ خوڤە گرتینە و سووزدایە کەژێ کو وەکو برایەکێ دایبابی و برایەکێ ھونەری پشتەڤانیا کەسایەتی و ھونەرێ کەژێ بکەت و دوپاتکر کو ئەو وەکو بنەمالەکا ھونەری وەسا ھاتینە پەروەردەکرن کو ھەموو دەمان دلخوش و ئارام بن و ئێکسانی دناڤبەرا وان دا ھەبیت.
نيشاندان