ئەڤرۆ نیوز ، نەوزاد ھلۆری:

پشکەک ژ قوتابی و ماموستایێن دەڤەرا بارزان دخوازن سیستەمێ خواندنا ب گرۆپ بکاربینن ل ناڤەندێن خواندنێ و وەسا دیاردکەن کو خواندنا ب گرۆپ پتر لایەنێ تێگەھشتن و گەنگەشە و رونکرنا بابەتان تێدایە ، و سەرپەرشتیارەکێ پەروەردەی دیارکر کو سەرەرای سیستەمێ ب گرۆپ دەلیڤا قوپیایێ زێدەتر دکەت بەلێ ئەگەر ماموستا و قوتابی بخوازن ئەو دێ ھاریکاربن.

دێژین عەبدلخالق ئێکە ژ قوتابیێن گوندێ بالندا یا سەر ب دەڤەرا بارزان دیارکر کو خواندنا ب گرۆپ خواندنەکا سەردەمە و باشترین رێکە ژ بوو تێگەھشتنا بابەتان و گۆت : ( خواندنا ب گرۆپ واتە چەند ھزرەک پێکڤە لسەر ئێک بابەتی گەنگەشێ بکەن و ل داویێ بگەھن ئەنجامان کو ئەڤ یەک ژی د بەرژەوەندیا قوتابیان دایە و رەنگە ژ بوو ماموستا و پەروەردێ ژی خوشتربیت ژ بەرکو ھاتیە تاقیکرن ئەو قوتابیێن کو تاقیکرن د سیستەمێن خواندنا ب گرۆپ دا کری نمرێن وان باشترن ژ یێن دن )

شەعبان بابەکر کو ماموستایەکێ دەڤەرێ یە دیارکر کو ئەو حەزدکەن خواندنا ب گرۆپ بو قوتابیێن خوە ڤە بکەن و گۆت : ( خواندنا ب گرۆپ سیستەمەک پێشکەفتی و گرنگە و نھا ل بەھراپتریا وەلاتێن جیھانێ دھێتە بکارئینان ، بەلێ وەکو پێدڤی ھێشتا مفا ل ڤێ یەکێ نەھاتیە وەرگرتن ل ناڤەندێن خواندنێ ل کوردستانێ ، و بێگومان ڤێ یەکێ ئەگەرێن خوە ھەنە ، بو نموونە ل قوتابخانەکێ ماموستایەک دخوازیت سیستەمێ ب گرۆپ لسەر قوتابیان بدانیت ئێکی َدن ناخوازیت کو ئەڤ یەک ژی کارتێکرنێ ل قوتابیان دکەت ژ بەرکو وانەک ب گرۆپ ئێک بێی گرۆپ دێ قوتابیان بێزارکەتن سەرەرایی کو سیستەمێ مە ژ بوو خواندنا ب گرۆپ نەھاتینە چێکرن و چوو جھێ، تایبەت ژی نینە).

ماموستایی زێدەتر گۆت : ( ئەگەر حکومەت ژ ئەڤرۆ وێڤە ژی ھزرێ دخواندنا ب گرۆپ دا بکەت زیاندار نابیت ژ بەرکو ئەڤرۆ یان سبە سەرئەنجام دێ ھەر زڤرینەڤ خواندنا ب گرۆپ ژ بەرکو ئەڤ یەک سیستەمەکی َجیھانی یە و ئەڤرۆ ھەموو مللەت بەر ب جیھان بوونێ ڤە دچیت )

رزگار بەشیر ئەو ژی قوتابیەکێ رێزا دەھێ یە دبێژیت : ( ئەگەر ھولێن تایبەت ب سیستەمێ داتا شووڤە ژ بوو قوتابی و ماموستایان نەھێن دابینکرن ب ھزرا من سیستەمێ خواندنا ب گرۆپ ئەنجامێن ئەرێنی نابن و ژ خوە ئەگەر ھەبن بێگومان کو ھەموو قوتابی دێ حەزکەن خواندنا بخوون )

ژلایێ خوڤە نیازی ئیبراھیم سەرپەرشتیارێ ئێکێ یێ پەروەردا قەزا مێرگەسوورێ دیارکرکو ھەر ماموستایەکێ بخوازیت سیستەمێ خواندنا ب گرۆپ ل ناڤەندێن قوتابخانەیان بکاربینیت ئەو دێ ھەڤکاری و پشتەڤانیا وان کەن و بۆ ئەڤرۆ گۆت : ( نھا ئەم ھەول و بزاڤان دکەین کو ئەڤی سیستەمی لسەر قوتابخانەیێن خوە بدانیت بەلێ ئەو ژی لگور حەزا قوتابی و ماموستایان و قەناعەتپێکرنا وان ژ بەرکو سیستەم سیستەمەکێ ھەستیارە و ئێک شاشی دبیتە سەدەما تێک دانا ھزرێن کومەکا قوتابیان و دیسان ئەڤ سیستەمە ژ بوو تاقیکرنێن قوتابیان باش نینە ژ بەرکو بوارێ قوپیا و دزیێن خواندنێ بەرفرەە دکەت )

سەرپەرشتیارێ ئێکێ یێ پەروەردا قەزا مێرگەسوورێ زێدەتر گۆت : ( ئەگەر خوە سیستەم ببیتە ب خواندنا ب گرۆپ ژی ھەموو وانە نابنە گرۆپ کو ئەڤ یەک ژی یا بێ زیان نابیت و دیسان ھەیا نە امە ئەو ماموستاش نینە کو بکاریت ئەڤی سیستەمی بکاربینیت )

ل دوماھیێ گۆت : ( سەرەرایی بەرتەنگیا قوتابخانەیان و نەبوونا پێدڤیێن تایبەت لی َدخوازین ھەر ماموستایەکێ بکاریت ئەڤی سیستەمی بکاربینیت دکاریت ل قوتابخانەیان بکاربینیت و شێواز شێوازەکێ سەرکەفتی یە و باشترە ژ شێوازێن دن یێن خواندنێ )